ﺑﯘ ﻗﯧﺘﯩﻤﻘﻰ ﻧﺎﻣﺎﻳﯩﺸﻘﺎ 100 ﮔﻪ ﻳﯧﻘﯩﻦ ﺋﯘﻳﻐﯘﺭﻻﺭ ﻫﻪﻡ ﻧﻮﺭﯞﯦﮕﯩﻴﻪ ﺋﯩﻨﺴﺎﻥ ﻫﻪﻗﻠﯩﺮﻯ ﺋﻮﺭﮔﯩﻨﯩﻨﯩﯔ ﺧﺎﺩﯨﻤﻠﯩﺮﻯ،ﻧﻮﺭﯞﯦﮕﯩﻴﻪ ﺗﯩﺒﻪﺕ ﻛﻮﻣﯩﺘﯧﺘﻰ ﯞﻩ ﺑﺎﺷﻘﺎ ﻧﻮﺭﯞﯦﮕﻼﺭﻣﯘ ﺗﻪﻛﻠﯩﭙﻜﻪ ﺑﯩﻨﺎﺋﻪﻥ ﺋﯩﺸﺘﯩﺮﺍﻙ ﻗﯩﻠﺪﻯ.

ﺋﻪﺭ - ﺋﺎﻳﺎﻝ ﯞﻩ ﺑﺎﻟﯩﻼﺭﺩﯨﻦ ﺗﻪﺷﻜﯩﻞ ﺗﺎﭘﻘﺎﻥ ﺩﺍﻏﺪﯗﻏﯩﻠﯩﻖ ﻧﺎﻣﺎﻳﯩﺸﭽﯩﻼﺭ ﻗﻮﺷﯘﻧﻰ ﻗﻮﻟﻠﯩﺮﯨﻐﺎ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﺋﺎﻱ - ﻳﯘﻟﺘﯘﺯﻟﯘﻕ ﻛﯚﻙ ﺑﺎﻳﺮﯨﻘﯩﻨﻰ ﯞﻩ ﺧﯩﺘﺎﻳﻼﺭ ﺩﯨﻜﺘﺎﺗﻮﺭ، ﺋﻮﻟﯩﻤﭙﯩﻚ ﻳﯩﻐﯩﻨﯩﻨﻰ ﺑﺎﻳﻘﯘﺕ ﻗﯩﻼﻳﻠﻰ، ﺋﯘﻳﻐﯘﺭﻻﺭﻏﺎ ﺩﯦﻤﻮﻛﺮﺍﺗﯩﻴﻪ، ﺳﯩﻴﺎﺳﯩﻲ ﻣﻪﻫﺒﯘﺳﻼﺭ ﻗﻮﻳﯘﭖ ﺑﯧﺮﯨﻠﺴﯘﻥ ﺩﯦﮕﻪﻧﺪﻩﻙ ﺗﯜﺭﻟﯜﻙ ﺷﯘﺋﺎﺭﻻﺭ ﻳﯧﺰﯨﻠﻐﺎﻥ ﻟﻮﺯﯗﻧﻜﺎ - ﭘﯩﻼﻛﺎﺗﻼﺭﻧﻰ ﻛﯚﺗﯜﺭﯛﭖ ﺟﺎﺭﺍﯕﻠﯩﻖ ﺷﯘﺋﺎﺭ ﺗﻮﯞﻻﭖ ﭘﺎﻳﺘﻪﺧﺖ ﺋﻮﺳﻠﻮﻧﯩﯔ ﺋﺎﺩﻩﻡ ﺋﻪﯓ ﻛﯚﭖ ﻳﯩﻐﯩﻠﯩﺪﯨﻐﺎﻥ ﺩﺍﯕﻠﯩﻖ ﻛﻮﭼﯩﺴﻰ ﺑﻮﻟﻐﺎﻥ ﻛﺎﺭﻝ ﺟﻮﻫﺎﻥ ﻛﻮﭼﯩﺴﯩﺪﯨﻦ ﺋﯚﺗﻜﻪﻧﺪﻩ، ﻧﻮﺭﯞﯦﮕﻼﺭ ﯞﻩ ﺑﺎﺷﻘﺎ ﭼﻪﺗﺌﻪﻟﻠﯩﻚ ﺯﯨﻴﺎﺭﻩﺗﭽﯩﻠﻪﺭ ﺋﺎﻻﻫﯩﺪﻩ ﺩﯨﻘﻘﻪﺕ ﺑﯩﻠﻪﻥ ﻧﺎﻣﺎﻳﯩﺸﻨﻰ ﻛﯚﺭﺩﻯ. ﺋﯘﻳﻐﯘﺭﭼﻪ ﺋﻪﻧﺌﻪﻧﯩﯟﯨﻲ ﻛﯩﻴﯩﻢ - ﻛﯧﭽﻪﻛﻠﻪﺭﻧﻰ ﻛﯩﻴﮕﻪﻥ ﻛﯩﭽﯩﻚ ﺩﻭﺳﺘﻼﺭ ﺑﯩﺮ ﻗﻮﻟﯩﺪﺍ ﺋﺎﻱ - ﻳﯘﻟﺘﯘﺯﻟﯘﻕ ﻛﯚﻙ ﺑﺎﻳﺮﺍﻗﻨﻰ ﻛﯚﺗﯜﺭﯛﭖ ﻳﻪﻧﻪ ﺑﯩﺮ ﻗﻮﻟﯩﺪﺍ ﻧﺎﻣﺎﻳﯩﺶ ﯞﻩﺭﻩﻗﯩﻠﯩﺮﯨﻨﻰ ﺋﻪﺗﺮﺍﭘﺘﯩﻜﻰ ﻫﻪﺭ ﻣﯩﻠﻠﻪﺕ ﻛﯩﺸﯩﻠﯩﺮﯨﮕﻪ ﺗﺎﺭﻗﺎﺗﺘﻰ.

ﻧﺎﻣﺎﻳﯩﺸﭽﯩﻼﺭ ﻗﻮﺷﯘﻧﻰ ﺷﻪﻫﻪﺭ ﻣﻪﺭﻛﯩﺰﯨﺪﯨﻜﻰ ﭘﺎﺭﻻﻣﯧﻨﺖ ﺑﯩﻨﺎﺳﯩﻨﯩﯔ ﺋﺎﻟﺪﯨﻐﺎ ﻛﯧﻠﯩﭗ ﺗﻮﺧﺘﯩﻐﺎﻧﺪﺍ ﺗﻪﺷﻜﯩﻼﺕ ﺭﻩﻫﺒﻪﺭﻟﯩﺮﻯ،ﺋﯘﻳﻐﯘﺭﻻﺭ ﺩﯗﭺ ﻛﯧﻠﯩﯟﺍﺗﻘﺎﻥ ﺳﯩﻴﺎﺳﻰ، ﺋﯩﻘﺘﯩﺴﺎﺩﻯ ﯞﻩ ﺩﯨﻨﯩﻲ ﺑﯧﺴﯩﻤﻼﺭ، ﻗﯩﺰﻻﺭﻧﯩﯔ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻳﯚﺗﻜﯩﻠﯩﺸﻰ، ﺋﺎﻧﺎ ﺗﯩﻞ ﻣﻪﺳﯩﻠﯩﺴﻰ ﺷﯘﻧﺪﺍﻗﻼ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﻮﻟﯩﻤﭙﯩﻜﻨﯩﯔ ﺑﯩﺨﻪﺗﻪﺭﻟﯩﻚ ﻣﻪﺳﯩﻠﯩﺴﯩﻨﻰ ﺑﺎﻫﺎﻧﻪ ﻗﯩﻠﯩﭗ ﻳﯜﺯﻟﯩﮕﻪﻥ ﺑﯩﮕﯘﻧﺎﻫ ﺋﯘﻳﻐﯘﺭﻻﺭﻧﻰ ﺗﯘﺗﯘﭖ ﺗﯜﺭﻣﯩﻠﻪﺭﮔﻪ ﺗﺎﺷﻠﯩﻐﺎﻧﻠﯩﻘﯩﻨﻰ، ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﯩﯔ ﺋﯘﻳﻐﯘﺭﻻﺭﻏﺎ ﻛﯜﭺ،ﺋﯩﻨﺎﻗﻠﯩﻖ ﯞﻩ ﺋﯩﺸﻪﻧﭻ ﺋﯧﻠﯩﭗ ﻛﻪﻟﻤﻪﻱ، ﺋﻪﻛﺴﯩﭽﻪ ﯞﻩﻳﺮﺍﻧﭽﯩﻠﯩﻖ ﯞﻩ ﺑﺎﻻﻳﻰ ‏ - ﺋﺎﭘﻪﺗﻠﻪﺭﻧﻰ ﺋﯧﻠﯩﭗ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ ﺋﻪﻣﻪﻟﯩﻲ ﻣﯩﺴﺎﻟﻼﺭ ﺋﺎﺭﻗﯩﻠﯩﻖ ﻛﯚﺭﺳﯩﺘﯩﭗ ﻧﯘﺗﯘﻕ ﺳﯚﺯﻟﯩﺪﻯ.

ﻧﯘﺗﯘﻕ ﺋﺎﺧﯩﺮﻻﺷﻘﺎﻧﺪﺍ ﺋﺎﻱ - ﻳﯘﻟﺘﯘﺯﻟﯘﻕ ﻛﯚﻙ ﺑﺎﻳﺮﺍﻗﻨﯩﯔ ﻧﯘﺳﺨﯩﺴﻰ ﯞﻩ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﻰ ﺑﺎﻳﻘﯘﺕ ﻗﯩﻠﯩﺶ ﻫﻪﻗﻘﯩﺪﯨﻜﻰ ﺭﻩﺳﯩﻢ ﭼﯘﺷﯘﺭﯗﻟﮕﻪﻥ ﺷﺎﺭﻻﺭ ﻧﺎﻣﺎﻳﯩﺸﭽﯩﻼﺭﻧﯩﯔ ﺋﻪﺭﻛﯩﻨﻠﯩﻚ - ﺋﻪﺭﻛﯩﻨﻠﯩﻚ ﺩﻩﭖ ﺗﻮﯞﻟﯩﻐﺎﻥ ﺳﺎﺩﺍﺳﻰ ﺋﯩﭽﯩﺪﻩ ﺋﺎﺳﻤﺎﻧﻐﺎ ﻗﻮﻳﯘﭖ ﺑﯧﺮﯨﻠﯩﭗ ﻧﺎﻣﺎﻳﯩﺸﻨﻰ ﺗﯧﺨﯩﻤﯘ ﻳﯘﻗﯩﺮﻯ ﺋﻪﯞﺟﯩﮕﻪ ﻛﯚﺗﻪﺭﺩﻯ.

ﭘﺎﺭﻻﻣﯧﻨﺖ ﺑﯩﻨﺎﺳﻰ ﺋﺎﻟﺪﯨﺪﯨﻜﻰ ﭘﺎﺋﺎﻟﯩﻴﻪﺕ ﺋﺎﺧﯩﺮﻻﺷﻘﺎﻧﺪﺍ، ﺑﺎﺭﻟﯩﻖ ﻧﺎﻣﺎﻳﯩﺸﭽﯩﻼﺭ ﺧﯩﺘﺎﻱ ﺋﻪﻟﭽﯩﺨﺎﻧﯩﺴﯩﻨﯩﯔ ﺋﺎﻟﺪﯨﻐﺎ ﻛﯧﻠﯩﭗ ﺗﻮﭘﻠﯩﻨﯩﭗ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﻣﯘﺳﺘﻪﻗﯩﻠﻠﯩﻖ، ﺋﯘﻳﻐﯘﺭﻻﺭﻏﺎ ﺋﻪﺭﻛﯩﻨﻠﯩﻚ، ﺧﯩﺘﺎﻳﻼﺭ ﯞﻩﺗﯩﻨﯩﻤﯩﺰﺩﯨﻦ ﻳﻮﻗﺎﻟﺴﯘﻥ، ﯞﻩﺗﻪﻥ ﺑﯩﺰﻧﯩﯔ ﺩﯦﮕﻪﻧﺪﻩﻙ ﺗﯜﺭﻟﯜﻙ ﺷﯘﺋﺎﺭﻻﺭﻧﻰ ﺗﻮﯞﻻﭖ ﺋﯚﺯﻟﯩﺮﯨﻨﯩﯔ ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﺑﻮﻟﻐﺎﻥ ﻛﯜﭼﻠﯜﻙ ﻏﻪﺯﻩﭖ - ﻧﻪﭘﺮﯨﺘﯩﻨﻰ ﺑﯩﻠﺪﯛﺭﯛﭖ ﺋﯚﺗﺘﻰ.

ﺋﯩﺸﯩﻜﻠﯩﺮﻯ ﺗﺎﻗﺎﻟﻐﺎﻥ، ﺩﻩﺭﯨﺰﻩ ﻗﺎﭘﻘﺎﻗﻠﯩﺮﻯ ﻫﯩﻢ ﺋﯧﺘﯩﻠﮕﻪﻥ، ﻫﻪﺗﺘﺎ ﺑﺎﻳﺮﺍﻗﻠﯩﺮﻯ ﺋﯧﻠﯩﯟﯨﺘﯩﻠﮕﻪﻥ ﺧﯩﺘﺎﻱ ﺋﻪﻟﭽﯩﺨﺎﻧﯩﺴﯩﻨﯩﯔ ﺋﺎﻟﺪﯨﺪﯨﻜﻰ ﺋﯘﻳﻐﯘﺭﻻﺭﻧﯩﯔ ﻫﻪﻳﯟﻩﺗﻠﯩﻚ ﻧﺎﻣﺎﻳﯩﺸﻰ ﺳﺎﻗﭽﻰ ﺋﺎﭘﺘﻮﻣﻮﺑﯩﻠﻠﯩﺮﻯ ﯞﻩ ﺳﺎﻗﭽﯩﻼﺭﻧﯩﯔ ﻫﯩﻤﺎﻳﯩﺴﯩﺪﻩ ﺋﯩﻨﺘﺎﻳﯩﻦ ﺗﻪﺭﺗﯩﭙﻠﯩﻚ ﺋﯚﺗﺘﻰ، ﻧﺎﻣﺎﻳﯩﺸﭽﯩﻼﺭ ﻳﻪﻧﻪ ﺑﯩﺮ ﻗﯧﺘﯩﻢ ﺋﻪﺭﻛﯩﻨﻠﯩﻚ، ﺋﻪﺭﻛﯩﻨﻠﯩﻚ ﺩﻩﭖ ﺷﯘﺋﺎﺭ ﺗﻮﯞﻻﭖ ﻫﯚﺭﻟﯜﻛﻜﻪ ﺳﯩﻤﯟﻭﻝ ﻗﯩﻠﯩﻨﻐﺎﻥ ﺷﺎﺭﻻﺭﻧﻰ ﺋﺎﺳﻤﺎﻧﻐﺎ ﻗﯘﻳﯘﯞﯦﺘﯩﭗ ﺳﺎﺋﻪﺕ 6 ﺩﯨﻦ ﺋﯚﺗﻜﻪﻧﺪﻩ ﻧﺎﻣﺎﻳﯩﺸﻨﻰ ﻏﻪﻟﯩﺒﯩﻠﯩﻚ ﺋﺎﺧﯩﺮﻻﺷﺘﯘﺭﺩﻯ. ﺑﯜﮔﯜﻧﻜﻰ ﻧﺎﻣﺎﻳﯩﺸﻘﺎ ﻗﺎﺗﻨﺎﺷﻘﺎﻥ ﺑﯩﺮ ﻧﻪﭼﭽﻪﻳﻠﻪﻥ ﻣﯘﺧﺒﯩﺮﯨﻤﯩﺰﻧﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﺪﻯ.