ﻣﺎﻧﺎ ﻣﯘﺷﯘﻧﺪﺍﻕ ﺑﯩﺮ ﭘﻪﻳﺘﺘﻪ، ﺋﺎﺗﺎﻟﻤﯩﺶ ﺋﯘﻳﻐﯘﺭ ﺋﺎﭘﺘﻮﻧﯘﻡ ﺭﺍﻳﻮﻧﻨﯩﯔ ﺭﻩﺋﯩﺴﻰ ﻧﯘﺭ ﺑﻪﻛﺮﻯ 18 ‏ - ﺋﯩﻴﯘﻝ ﻛﯜﻧﯩﺪﯨﻜﻰ ﻣﯘﺧﺒﯩﺮﻻﺭﻧﻰ ﻛﯜﺗﯩﯟﯨﻠﯩﺶ ﻳﯩﻐﯩﻨﯩﺪﺍ ﺳﯚﺯ ﻗﯩﻠﯩﭗ، "ﺋﻪﻣﮕﻪﻙ ﻛﯜﭼﻠﯩﺮﯨﻨﻰ ﺳﯩﺮﺗﻘﺎ ﻳﯚﺗﻜﻪﺵ ﺳﯩﻴﺎﺳﯩﺘﻰ، ﺟﻪﻧﯘﭘﺘﯩﻜﻰ ﺗﯘﺭﻣﯘﺵ ﺳﻪﯞﻳﻪﺳﻰ ﺋﺎﻻﻫﯩﺪﻩ ﻧﺎﻣﺮﺍﺕ ﭘﯘﻗﺮﺍﻻﺭﻧﻰ ﺗﯧﺰ ﺳﯜﺭﺋﻪﺗﺘﻪ ﻧﺎﻣﺮﺍﺗﻠﯩﻘﺘﯩﻦ ﻗﯘﺗﯘﻟﺪﯗﺭﯗﺵ ﯞﻩ ﺑﯘﻧﺪﯨﻦ ﻛﯧﻴﯩﻨﻜﻰ ﻫﺎﻳﺎﺗﯩﻐﺎ ﺋﺎﺳﺎﺱ ﻳﺎﺭﯨﺘﯩﺶ " ﺩﻩﭖ ﺗﻪﻛﯩﺘﻠﯩﮕﻪﻥ.

ﻧﯘﺭ ﺑﻪﻛﺮﯨﻨﯩﯔ ﺑﯘ ﺧﯩﻞ ﻗﺎﺭﺍﺷﻠﯩﺮﻯ ﺋﯘﻳﻐﯘﺭ ﺳﯩﻴﺎﺳﻰ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﯩﯔ ﻳﻪﻧﯩﻼ ﻗﺎﺗﺘﯩﻖ ﺗﻪﻧﻘﯩﺪﯨﮕﻪ ﺋﯘﭼﺮﯨﻤﺎﻗﺘﺎ.

ﺋﯘﻳﻐﯘﺭﻻﺭ ﺗﻪﺭﯨﭙﯩﺪﯨﻦ ﺧﯩﺘﺎﻳﻨﯩﯔ ﺳﯩﻴﺎﺳﯩﺘﯩﻨﻰ ﺋﯩﺠﺮﺍ ﻗﯩﻠﻐﯘﭼﻰ ﺋﻪﯓ ﭼﻮﯓ ﭼﯘﻣﺎﻗﭽﻰ ﺩﯦﮕﻪﻥ ﻧﺎﻣﻐﺎ ﺋﯧﺮﯨﺸﻜﻪﻥ ﻧﯘﺭ ﺑﻪﻛﺮﻯ 5 " ‏ - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﻰ" ﺩﯨﻦ ﻛﯧﻴﯩﻦ ﺗﯧﺨﯩﻤﯘ ﭼﻮﯓ ﻗﺎﻟﭙﺎﻗﻼﺭ ﺑﯩﻠﻪﻥ ﺗﯩﻠﻐﺎ ﺋﯧﻠﯩﻨﯩﺸﻘﺎ ﺑﺎﺷﻠﯩﺪﻯ. ﻧﯚﯞﻩﺗﺘﻪ ﺋﯘﻳﻐﯘﺭﻻﺭ ﻫﻪﺗﺘﺎ ﻧﯘﺭ ﺑﻪﻛﺮﯨﻨﻰ " ﺗﯘﺭﻗﻰ ﺋﯘﻳﻐﯘﺭ، ﻣﯩﯖﯩﺴﻰ ﺧﯩﺘﺎﻱ "، " ﺋﯘﻧﯩﯔ ﺗﻮﻣﯘﺭﯨﺪﺍ ﺋﯧﻘﯩﯟﺍﺗﻘﯩﻨﻰ ﺧﯩﺘﺎﻳﻨﯩﯔ ﻗﯧﻨﻰ " ﺩﻩﭖ ﺋﻪﻳﯩﺒﻠﯩﻤﻪﻛﺘﻪ. ﻳﯧﻘﯩﻨﺪﺍ ﮔﯘﺍﯕﺪﯗﯕﻨﯩﯔ ﺷﺎﯞﮔﯜﻩﻥ ﺷﻪﻫﯩﺮﯨﺪﻩ ﺧﯩﺘﺎﻳﻼﺭ ﺗﻪﺭﯨﭙﯩﺪﯨﻦ ﻫﯘﺟﯘﻣﻐﺎ ﺋﯘﭼﺮﯨﻐﺎﻥ ﯞﻩ ﺋﯘﺭﯗﭖ ﺋﯚﻟﺘﯜﺭﯛﻟﮕﻪﻥ ﺋﯘﻳﻐﯘﺭﻻﺭ، ﺩﻩﻝ ﺧﯩﺘﺎﻳﻨﯩﯔ " ﻧﺎﻣﺮﺍﺕ ﺋﯘﻳﻐﯘﺭ ﺩﯦﻬﻘﺎﻧﻼﺭﻧﻰ ﻫﺎﻟﻠﯩﻖ ﺳﻪﯞﯨﻴﻪﮔﻪ ﻳﻪﺗﻜﯜﺯﯛﺵ"، " ﺋﯩﺸﺴﯩﺰﻻﺭﻧﻰ ﺋﯩﺸﻘﺎ ﺋﻮﺭﯗﻧﻼﺗﯘﺭﯗﺵ " ﺑﺎﻫﺎﻧﯩﺴﯩﺪﻩ ﻳﻮﻟﻐﺎ ﻗﻮﻳﯘﻟﯘﯞﺍﺗﻘﺎﻥ ﺳﯩﻴﺎﺳﻪﺕ ﺗﯜﭘﻪﻳﻠﻰ ﺧﯩﺘﺎﻱ ﺯﺍﯞﯗﺗﯩﺪﺍ ﺋﯩﺸﻠﻪﻣﭽﯩﻠﯩﻜﻜﻪ ﺋﻮﺭﯗﻧﻼﺷﺘﯘﺭﯗﻟﻐﺎﻥ ﺋﯘﻳﻐﯘﺭ ﺩﯦﻬﻘﺎﻧﻠﯩﺮﻯ ﺑﻮﻟﯘﭖ، ﺋﯘﻻﺭﻧﯩﯔ ﺋﯚﻟﯜﻣﻰ ﺳﻪﯞﻩﺑﻠﯩﻚ، " 5 ‏ - ﺋﯩﻴﯘﻝ ﺋﯜﺭﯛﻣﭽﯩﺪﻩ ﻧﺎﺭﺍﺯﯨﻠﯩﻖ ﻧﺎﻣﺎﻳﯩﺸﻰ ﺋﯧﻠﯩﭗ ﺑﯧﺮﯨﻠﺪﻯ ﯞﻩ ﻫﯚﻛﯜﻣﻪﺗﻨﯩﯔ ﻗﻮﺭﺍﻟﻠﯩﻖ ﺑﺎﺳﺘﯘﺭﯗﺷﯩﻐﺎ ﺩﯗﭺ ﻛﻪﻟﺪﻯ.

ﯞﻩﺗﻪﻥ ﺋﯩﭽﻰ ﯞﻩ ﺳﯩﺮﺗﯩﺪﯨﻜﻰ ﺋﯘﻳﻐﯘﺭﻻﺭ ﺋﯩﺰﭼﯩﻞ ﺗﯚﺭﺩﻩ، ﺧﯩﺘﺎﻳﻨﯩﯔ ﺋﯘﻳﻐﯘﺭﻻﺭﻧﻰ ﺧﯩﺘﺎﻳﻐﺎ ﻳﯚﺗﻜﻪﺵ ﺳﯩﻴﺎﺳﯩﺘﻰ، ﺑﻮﻟﯘﭘﻤﯘ ﺋﯘﻳﻐﯘﺭﻻﺭﻧﯩﯔ ﻳﺎﺵ ﻗﯩﺰ - ﭼﻮﻛﺎﻧﻠﯩﺮﯨﻨﻰ ﺧﯩﺘﺎﻱ ﻳﯘﺭﺗﻠﯩﺮﯨﻐﺎ ﺋﯩﺸﻘﺎ ﺋﻮﺭﯗﻧﻼﺷﺘﯘﺭﯗﺷﯩﻨﯩﯔ ﻣﯩﻠﻠﻰ ﺋﯚﺭﭖ ‏ - ﺋﺎﺩﻩﺗﻜﻪ ﺧﯩﻼﭖ ﺑﻮﻟﻐﺎﻥ، ﺋﯧﺘﻨﯩﻚ ﻛﻪﻣﺴﯩﺘﯩﺶ ﺋﯩﻜﻪﻧﻠﯩﻜﯩﻨﻰ، ﺑﯘﻧﯩﯔ ﺋﺎﻗﯩﯟﻩﺗﺘﻪ ﺋﯩﻜﻜﻰ ﻣﯩﻠﻠﻪﺕ ﺋﻮﺗﺘﯘﺭﯨﺴﯩﺪﺍ ﺋﯧﻐﯩﺮ ﺗﻮﻗﯘﻧﯘﺵ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯨﻐﺎﻧﻠﯩﻘﻰ ﺗﻮﻏﺮﯨﺴﯩﺪﯨﻜﻰ ﺋﯩﻨﻜﺎﺳﻠﯩﺮﯨﻨﻰ ﺑﯩﻠﺪﯛﺭﯛﺷﻜﻪﻥ ﺋﯩﺪﻯ.

ﺭﺍﺩﯨﺌﻮﻣﯩﺰ ﺋﯩﮕﯩﻠﯩﮕﻪﻥ ﻣﻪﻟﯘﻣﺎﺗﻼﺭﺩﺍ، ﻫﻪﺗﺘﺎ ﺑﯩﺮ ﺩﯦﻬﻘﺎﻧﻨﯩﯔ ﻗﯩﺰﯨﻨﻰ ﺧﯩﺘﺎﻱ ﺋﯚﻟﻜﯩﺴﯩﮕﻪ ﺋﻪﯞﻩﺗﻤﻪﺳﻠﯩﻚ ﺋﯜﭼﯜﻥ ﺋﯘﻧﻰ ﻳﯧﺸﻰ 60 ﺗﯩﻦ ﺋﺎﺷﻘﺎﻥ ﺑﯩﺮ ﺑﻮﯞﺍﻳﻐﺎ ﻳﺎﺗﻠﯩﻖ ﻗﯩﻠﯩﺸﻘﺎ ﻣﻪﺟﺒﯘﺭﻻﻧﻐﺎﻧﻠﯩﻘﻰ، ﻳﻪﻧﻪ ﺑﯩﺮ ﺩﯦﻬﻘﺎﻧﻨﯩﯔ ﺋﻮﺧﺸﺎﺵ ﻧﺎﺭﺍﺯﯨﻠﯩﻖ ﺗﯜﭘﻪﻳﻠﻰ ﻫﯚﻛﯜﻣﻪﺕ ﺧﺎﺩﯨﻤﯩﻨﻰ ﺋﯧﻐﯩﺮ ﺩﻩﺭﯨﺠﯩﺪﻩ ﻳﺎﺭﯨﻼﻧﺪﯗﺭﯗﭖ ﻗﻮﻟﻐﺎ ﺋﯧﻠﯩﻨﻐﺎﻧﻠﯩﻘﯩﻐﺎ ﺋﻮﺧﺸﺎﺵ ﺑﯩﺮ ﻗﺎﺗﺎﺭ ﻣﻪﺳﯩﻠﯩﻠﻪﺭﻧﯩﯔ ﻳﯜﺯ ﺑﻪﺭﮔﻪﻧﻠﯩﻜﻰ ﺋﺎﺷﻜﺎﺭﯨﻼﻧﻐﺎﻥ.

ﺋﻪﻣﻤﺎ ﻧﯘﺭ ﺑﻪﻛﺮﻯ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭﻻﺭﻧﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻳﯚﺗﻜﻪﺵ ﺳﯩﻴﺎﺳﯩﺘﯩﻨﻰ ﺋﯩﺰﭼﯩﻞ ﺗﯜﺭﺩﻩ ﻛﯜﭼﻪﻳﺘﯩﺶ ﭘﻮﺯﯨﺘﺴﯩﻴﯩﺴﯩﺪﻩ ﭼﯩﯔ ﺗﯘﺭﯗﭖ، ﺑﯜﮔﯜﻧﻜﯩﺪﻩﻙ ﺧﯩﺘﺎﻱ ﺑﯩﻠﻪﻥ ﺋﯘﻳﻐﯘﺭ ﺋﻮﺗﺘﯘﺭﯨﺴﯩﯩﺪﯨﻜﻰ ﺯﯨﺪﺩﯨﻴﻪﺕ ﺋﻪﯓ ﻳﻮﻗﯩﺮﻯ ﺑﯩﺮ ﺑﺎﺳﻘﯘﭼﻘﺎ ﻛﯚﺗﯜﺭﯛﻟﮕﻪﻥ ﺑﯩﺮ ﭘﻪﻳﺘﺘﯩﻤﯘ، ﻣﻪﺯﻛﯜﺭ ﺳﯩﻴﺎﺳﻪﺗﻨﻰ ﻗﺎﻳﺘﺎ - ﻗﺎﻳﺘﺎ ﺗﻪﺷﯟﯨﻖ ﻗﯩﻠﯩﺸﻘﺎ ﺋﺎﻻﻫﯩﺪﻩ ﻛﯜﭺ ﺳﻪﺭﭖ ﻗﯩﻠﻤﺎﻗﺘﺎ.

18 ‏ - ﺋﯩﻴﯘﻝ ﻛﯜﻧﻰ ﻣﯘﺧﺒﯩﺮﻻﺭﻧﻰ ﻛﯜﺗﯩﯟﯨﻠﯩﺶ ﻳﯩﻐﯩﻨﯩﺪﺍ ﺳﯚﺯ ﻗﯩﻠﻐﺎﻥ ﻧﯘﺭ ﺑﻪﻛﺮﻯ" ﺷﯩﻨﺠﺎﯕﺪﯨﻜﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺋﯩﺸﭽﯩﻠﯩﺮﯨﻨﯩﯔ ﺋﯚﺭﭖ ‏ - ﺋﺎﺩﻩﺗﻠﯩﺮﻯ، ﺋﯩﭽﻜﯩﺮﻯ ﺋﯚﻟﻜﯩﻠﻪﺭﺩﻩ ﺗﻮﻟﯘﻕ ﻫﯚﺭﻣﻪﺗﻜﻪ ﺋﯧﺮﯨﺸﻤﻪﻛﺘﻪ، ﺋﯩﭽﻜﯩﺮﯨﺪﯨﻜﻰ ﻛﺎﺭﺧﺎﻧﯩﻼﺭ ﺋﯘﻻﺭ ﺋﯜﭼﯜﻥ ﻣﻪﺧﺴﯘﺱ ﻣﯘﺳﯘﻟﻤﺎﻧﭽﻪ ﺋﺎﺷﺨﺎﻧﺎ ﺗﻪﺳﯩﺲ ﻗﯩﻠﯩﭗ، ﺗﺎﻣﺎﻕ ﺗﻪﻳﻴﺎﺭﻻﺷﻘﺎ ﻣﯘﺳﯘﻟﻤﺎﻥ ﺋﺎﺷﭙﻪﺯ ﺋﻮﺭﯗﻧﻼﺷﺘﯘﺭﺩﻯ. ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﯩﯔ ﺋﻪﻧﺌﻪﻧﯩﯟﻯ ﺑﺎﻳﺮﺍﻣﻠﯩﺮﯨﺪﺍ ﻛﺎﺭﺧﺎﻧﺎ ﺩﻩﭖ ﺋﯧﻠﯩﺶ ﻛﯜﻧﻠﯩﺮﯨﻨﻰ ﺑﯧﻜﯩﺘﯩﭗ، ﺋﯩﺸﭽﯩﻼﺭﻧﯩﯔ ﺷﯩﻨﺠﺎﯕﻐﺎ ﻗﺎﻳﺘﯩﭗ ﺑﺎﻳﺮﺍﻡ ﺋﯚﺗﻜﯜﺯﯛﺵ ﻫﻮﻗﯘﻗﯩﻐﺎ ﻛﺎﭘﺎﻟﻪﺕ ﺑﻪﺭﺩﻯ.

ﻫﯚﻛﯜﻣﻪﺕ ﺷﯩﻨﺠﺎﯕﺪﯨﻜﻰ ﺩﯦﻬﻘﺎﻧﻼﺭﻧﻰ ﺋﯩﭽﻜﯩﺮﻯ ﺋﯚﻟﻜﯩﻠﻪﺭﮔﻪ ﺋﯩﺸﻘﺎ ﺋﻮﺭﯗﻧﻼﺷﺘﯘﺭﯗﺵ ﺧﯩﺰﻣﯩﺘﯩﻨﻰ ﻳﻮﻟﻐﺎ ﻗﻮﻳﯘﺷﺘﺎ ﺋﯚﺯ ﺋﯩﺨﺘﯩﻴﺎﺭﻟﯩﻘﻰ ﺋﺎﺳﺎﺳﻰ ﭘﯩﺮﯨﻨﺴﯩﭗ ﻗﯩﻠﯩﻨﺪﻯ، ﻫﯧﭽﻘﺎﻧﺪﺍﻕ ﺋﻮﺭﮔﺎﻥ، ﺋﯩﺪﺍﺭﯨﻨﯩﯔ ﻣﻪﺟﺒﯘﺭﻻﺵ ﻫﻮﻗﯘﻗﻰ ﻳﻮﻕ، ﭼﻮﻗﯘﻡ ﺋﺎﺗﺎ ‏ - ﺋﺎﻧﯩﻨﯩﯔ ﺭﯗﺧﺴﯩﺘﻰ ﺑﯩﻠﻪﻥ ﺋﯩﺠﺮﺍ ﻗﯩﻠﯩﻨﯩﺪﯗ " ﺩﯦﮕﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﺭﺍﺩﯨﺌﻮﻣﯩﺰ ﻣﯘﺧﺒﯩﺮﻟﯩﺮﻯ ﺋﯘﻳﻐﯘﺭ ﺋﯩﻠﯩﻨﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﯨﻜﻰ ﺩﯦﻬﻘﺎﻧﻼﺭﻧﻰ ﺯﯨﻴﺎﺭﻩﺕ ﻗﯩﻠﯩﺶ ﺋﺎﺭﻗﯩﻠﯩﻖ 90 % ﺩﯦﻬﻘﺎﻧﻨﯩﯔ ﻳﯧﺰﺍ، ﻛﻪﻧﺖ ﺑﺎﺷﻠﯩﻘﻠﯩﺮﯨﻨﯩﯔ ﻣﻪﺟﺒﯘﺭﻟﯩﺸﻰ ﺋﺎﺳﺘﯩﺪﺍ، ﺋﻪﮔﻪﺭ ﻫﯚﻛﯜﻣﻪﺗﻨﯩﯔ ﺑﯘ ﻳﻮﻟﻴﻮﺭﯗﻗﯩﻐﺎ ﺑﻮﻳﺴﯘﻧﻤﯩﺴﺎ ﻳﻪﺭﻟﯩﺮﯨﻨﯩﯔ ﺗﺎﺭﺗﯩﯟﯨﻠﯩﻨﯩﺪﯨﻐﺎﻧﻠﯩﻘﻰ، ﻳﯩﻞ ﺑﻮﻳﻰ ﻫﺎﺷﺎﺭ ﺋﻪﻣﮕﯩﻜﯩﮕﻪ ﺳﯧﻠﯩﻨﯩﺪﯨﻐﺎﻧﻠﯩﻘﻰ، ﺑﺎﺭﻟﯩﻖ ﺑﯩﺴﺎﺗﻠﯩﺮﯨﻨﯩﯔ ﻣﯘﺳﺎﺩﯨﺮﻩ ﻗﯩﻠﯩﻨﯩﺪﯨﻐﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﺗﻪﻫﺪﯨﺘﻠﯩﺮﻯ ﺑﯩﻠﻪﻥ ﺋﯩﺠﺮﺍ ﻗﯩﻠﯩﻨﯩﯟﺍﺗﻘﺎﻧﻠﯩﻘﯩﻨﻰ ﺋﯩﺴﭙﺎﺗﻠﯩﻐﺎﻥ.

ﻧﯘﺭ ﺑﻪﻛﺮﻯ ﻣﯘﺧﺒﯩﺮﻻﺭﻏﺎ ﻳﻪﻧﻪ، ﺧﯩﺘﺎﻱ ﻳﯘﺭﺗﻠﯩﺮﯨﺪﺍ ﺋﯩﺸﻠﻪﻣﭽﯩﻠﯩﻚ ﻗﯩﻠﯩﯟﺍﺗﻘﺎﻥ ﺋﯘﻳﻐﯘﺭ ﺋﯩﺸﭽﯩﻼﺭﻧﯩﯔ ﻫﻪﺭ ﺋﺎﻳﺪﺍ ﻳﯘﻗﯩﺮﯨﺴﻰ 2000 ﻳﯜﻩﻥ، ﺗﯚﯞﻩﻥ ﺑﻮﻟﻐﺎﻧﺪﺍ 1000 ﻳﯜﻩﻥ ﻛﯩﺮﯨﻢ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﯞﻩ ﺑﯘﻧﯩﯖﺪﯨﻦ ﻳﻪﻧﻪ ﺗﺎﻣﺎﻕ ﻫﻪﻗﻘﻰ ﺗﯘﺗﯩﯟﯨﻠﯩﻨﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﻣﯘﺧﺒﯩﺮﻟﯩﺮﯨﻤﯩﺰ ﺧﯩﺘﺎﻱ ﺯﺍﯞﯗﺗﻠﯩﺮﯨﺪﯨﻜﻰ ﺋﯘﻳﻐﯘﺭ ﺋﯩﺸﭽﯩﻼﺭﻏﺎ ﺗﯧﻠﯧﻔﯘﻥ ﺋﯘﺭﯗﭖ، ﺋﺎﺯ ﺩﯦﮕﻪﻧﺪﻩ 500 ﻳﯜﻩﻧﻨﻰ ﺗﺎﻣﺎﻕ ﭘﯘﻟﯩﻐﺎ ﺗﯚﻟﻪﻳﺪﯨﻐﺎﻧﻠﯩﻘﯩﺪﯨﻦ ﺧﻪﯞﻩﺭﺩﺍﺭ ﺑﻮﻟﻐﺎﻥ ﺋﯩﺪﻯ.

ﻧﯘﺭ ﺑﻪﻛﺮﻯ ﻣﯘﺧﺒﯩﺮﻻﺭﻏﺎ ﻳﻪﻧﻪ، 21 ﻳﺎﺷﻠﯩﻖ ﺋﯩﺸﭽﻰ ﺋﺎﺳﯩﻤﮕﯜﻝ ﺋﺎﺋﯩﻠﯩﺴﯩﻨﯩﯔ ﺋﯩﻠﮕﯩﺮﻯ ﻳﯩﻠﻠﯩﻖ ﻛﯩﺮﯨﻤﯩﻨﯩﯔ 8000 ﻳﯜﻩﻧﮕﻪ ﻳﻪﺗﻤﻪﻳﺪﯨﻐﺎﻧﻠﯩﻘﯩﻨﻰ ﺗﯩﻠﻐﺎ ﺋﯧﻠﯩﭗ، 2007 ‏ - ﻳﯩﻠﻰ ﺋﺎﺳﯩﻤﮕﯜﻝ ﺋﺎﺋﯩﻠﯩﺴﯩﮕﻪ 10 ﻣﯩﯔ ﻳﯜﻩﻥ ﭘﯘﻝ ﺋﻪﯞﻩﺗﺘﻰ ﯞﻩ ﺷﯘﻧﺪﯨﻦ ﺋﯧﺘﯩﺒﺎﺭﻩﻥ ﺋﯘﻧﯩﯔ ﺋﺎﺗﺎ ‏ - ﺋﺎﻧﯩﺴﻰ ﺑﺎﻳﺎﺷﺎﺕ ﺗﯘﺭﻣﯘﺵ ﻛﻪﭼﯜﺭﻣﻪﻛﺘﻪ ﺩﻩﭖ ﻣﺎﺧﺘﯩﻨﯩﭗ ﺳﯚﺯﻟﻪﭖ ﺑﻪﺭﮔﻪﻥ، ﺋﻪﺟﺎﺑﺎ، ﻧﯘﺭ ﺑﻪﻛﺮﻯ ﺋﺎﺳﯩﻤﮕﯜﻟﮕﻪ ﺋﻮﺧﺸﺎﺵ ﺋﯩﺸﭽﯩﻠﯩﻘﻘﺎ ﺳﯧﻠﯩﻨﻐﺎﻥ ﺑﺎﺷﻘﺎ ﻧﯘﺭﻏﯘﻧﻠﯩﻐﺎﻥ ﺋﯘﻳﻐﯘﺭ ﻗﯩﺰﻟﯩﺮﯨﻨﯩﯔ ﺋﯧﭽﯩﻨﯩﺸﻠﯩﻖ ﺋﺎﻗﯩﯟﻩﺗﻠﯩﺮﯨﺪﯨﻦ ﺧﻪﯞﯨﺮﻯ ﻳﻮﻗﻤﯩﺪﯗ؟ ﻧﯘﺭ ﺑﻪﻛﺮﻯ ﺋﺎﺳﯩﻤﮕﯜﻟﺪﯨﻦ ﻳﻪﻧﻪ ﻗﺎﻧﭽﯩﻨﻰ ﺳﺎﻧﺎﭖ ﺑﯧﺮﻩﻟﻪﻳﺪﯗ؟ ﻣﯘﺧﺒﯩﺮﻟﯩﺮﯨﻤﯩﺰ ﺧﯩﺘﺎﻱ ﺋﯚﻟﻜﯩﺴﯩﮕﻪ ﻳﯚﺗﻜﻪﭖ ﻛﯧﺘﯩﻠﮕﻪﻥ ﻗﯩﺰ ﺋﯩﺸﭽﯩﻼﺭﺩﯨﻦ 6 ﺳﯩﻨﯩﯔ ﻛﯧﭽﯩﺪﻩ ﻳﺎﺗﺎﻗﻠﯩﺮﯨﺪﯨﻦ ﻗﯧﭽﯩﭗ ﭼﯩﻘﯩﭗ، ﺋﯘﻳﻐﯘﺭ ﺗﯩﺠﺎﺭﻩﺗﭽﯩﻠﯩﺮﯨﻨﯩﯔ ﻳﺎﺭﺩﯨﻤﻰ ﺑﯩﻠﻪﻥ ﺋﯜﺭﯛﻣﭽﯩﮕﻪ ﻗﺎﻳﺘﯩﭗ ﻛﯧﻠﯩﭗ، ﻳﯘﺭﺗﯩﻐﺎ ﻗﺎﻳﺘﯩﺸﻘﺎ ﺋﺎﻣﺎﻟﺴﯩﺰ ﻗﺎﻟﻐﺎﻧﻠﯩﻘﯩﻨﻰ، ﭼﯜﻧﻜﻰ ﺗﻮﺧﺘﺎﻡ ﺑﻮﻳﯩﭽﻪ ﺋﯘﻻﺭﻧﯩﯔ ﺋﯩﺶ ﯞﺍﻗﺘﻰ ﺗﻮﺷﻤﯩﻐﺎﻧﻠﯩﻘﻰ ﺋﯜﭼﯜﻥ، ﺋﺎﺋﯩﻠﯩﺴﯩﻨﯩﯔ ﺋﯧﻐﯩﺮ ﻗﯧﻴﯩﻨﭽﯩﻠﯩﻘﻘﺎ ﯞﻩ ﻳﯧﺰﯨﻠﯩﻖ ﻫﯚﻛﯜﻣﻪﺗﻨﯩﯔ ﻗﺎﺗﺘﯩﻖ ﺟﺎﺯﺍﺳﯩﻐﺎ ﺋﯘﭼﺮﺍﻳﺪﯨﻐﺎﻧﻠﯩﻘﯩﻨﻰ ﺋﯧﻨﯩﻘﻼﭖ ﭼﯩﻘﻘﺎﻥ، ﺑﯘﻻﺭﺩﯨﻦ ﺑﺎﺷﻘﺎ ﺋﯘﻳﻐﯘﺭ ﺗﻮﺭ ﺑﻪﺗﻠﯩﺮﯨﺪﻩ ﺑﯩﺮ ﻗﯩﺴﯩﻢ ﺋﯘﻳﻐﯘﺭ ﻗﯩﺰﻻﺭﻧﯩﯔ ﭘﺎﻫﯩﺸﻪﺧﺎﻧﯩﻼﺭﻏﺎ ﺳﯧﺘﯩﯟﯨﺘﯩﻠﮕﻪﻧﻠﯩﻜﻰ ﺗﻮﻏﺮﯨﺴﯩﺪﯨﻜﻰ ﭘﺎﻛﯩﺘﻠﯩﻖ ﺧﻪﺗﻠﻪﺭ ﺋﯧﻼﻥ ﻗﯩﻠﯩﻨﻐﺎﻥ ﺋﯩﺪﻯ.

ﺋﻮﻣﯘﻣﻪﻥ ﺋﯘﻳﻐﯘﺭﻻﺭﻧﻰ ﺋﯚﺯ ﻳﯘﺭﺗﻠﯩﺮﯨﺪﺍ ﺋﯩﺶ ﺋﯩﻤﻜﺎﻧﻠﯩﺮﯨﻐﺎ ﺋﯧﺮﯨﺸﺘﯜﺭﻣﻪﻱ، ﺗﯩﻠﻰ ﺑﺎﺷﻘﺎ، ﺋﻮﺭﭖ ‏ - ﺋﺎﺩﯨﺘﻰ، ﺩﯨﻨﻰ ﺑﺎﺷﻘﺎ ﺧﯩﺘﺎﻱ ﻣﯩﻠﻠﯩﺘﻰ ﺋﺎﺭﯨﺴﯩﻐﺎ ﺗﺎﺭﻗﯩﺘﯩﯟﯨﺘﯩﺸﺘﯩﻦ ﻛﯧﻠﯩﭗ ﭼﯩﻘﻘﺎﻥ ﻗﺎﻧﻠﯩﻖ ﺋﺎﻗﯩﯟﻩﺗﻠﻪﺭﮔﻪ ﺧﯩﺘﺎﻱ ﻫﯚﻛﯜﻣﯩﺘﻰ ﺷﯘﻧﯩﯖﺪﻩﻙ ﻧﯘﺭ ﺑﻪﻛﺮﯨﮕﻪ ﺋﻮﺧﺸﺎﺵ ﻛﯩﺸﯩﻠﻪﺭﻧﯩﯔ ﺟﺎﯞﺍﺑﻜﺎﺭ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ ﺋﺎﻣﯧﺮﯨﻜﺎ ﺋﯘﻳﻐﯘﺭ ﺑﯩﺮﻟﻪﺷﻤﯩﺴﯩﻨﯩﯔ ﻣﻪﺳﺌﯘﻟﻠﯩﺮﯨﺪﯨﻦ ﺋﯧﻠﺸﺎﺕ ﻫﻪﺳﻪﻧﺠﺎﻥ ﺋﻪﭘﻪﻧﺪﻯ ﻗﺎﺭﺍﺷﻠﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.

2004 ‏- ﻳﯩﻠﯩﺪﯨﻦ ﺑﯘﻳﺎﻥ، ﺧﯩﺘﺎﻱ ﻫﯚﻛﯜﻣﯩﺘﻰ، ﻗﻪﺷﻘﻪﺭ، ﺧﻮﺗﻪﻥ، ﺋﺎﻗﺴﯘ ، ﺋﯩﻠﻰ ﯞﻩ ﻗﯘﻣﯘﻝ ﻗﺎﺗﺎﺭﻟﯩﻖ ﺟﺎﻳﻼﺭﺩﯨﻜﻰ ﺋﯘﻳﻐﯘﺭ ﺩﯦﻬﻘﺎﻧﻠﯩﺮﯨﻨﯩﯔ ﭘﻪﺭﺯﻩﻧﺘﻠﯩﺮﯨﻨﻰ ﺧﯩﺘﺎﻱ ﺗﯩﻠﻰ ﺷﯘﻧﯩﯖﺪﻩﻙ ﺗﯧﺨﻨﯩﻜﺎ ﺟﻪﻫﻪﺗﺘﻪ ﭼﯩﻨﯩﻘﺘﯘﺭﯗﭖ، ﺷﻪﻧﺪﯗﯓ، ﮔﯘﺋﺎﯕﺪﯗﯓ ﻗﺎﺗﺎﺭﻟﯩﻖ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﯨﻜﻰ ﺯﺍﯞﯗﺕ، ﻛﺎﺭﺧﺎﻧﯩﻼﺭﻏﺎ ﺗﻮﺧﺘﺎﻡ ﺑﻮﻳﯩﭽﻪ ﺋﯩﺸﭽﯩﻠﯩﻘﻘﺎ ﺋﻮﺭﯗﻧﻼﺷﺘﯘﺭﻏﺎﻥ ﯞﻩ ﺷﯘ ﭼﺎﻏﺪﺍ 100 ﻣﯩﯔ ﺋﺎﺩﻩﻣﻨﯩﯔ ﺧﯩﺘﺎﻳﻐﺎ ﻳﯚﺗﻜﻪﻟﮕﻪﻧﻠﯩﻜﯩﻨﻰ ﺋﯧﻼﻥ ﻗﯩﻠﻐﺎﻥ. 2008 ‏- ﻳﯩﻠﻰ ﺑﯩﺮ ﻳﯩﻞ ﺋﯩﭽﯩﺪﻩ ﻳﯚﺗﻜﻪﭖ ﻛﯧﺘﯩﻠﮕﻪﻥ ﺋﯘﻳﻐﯘﺭ ﺋﻪﻣﮕﻪﻛﭽﯩﻠﻪﺭ ﺳﺎﻧﻰ 240 ﻣﯩﯖﻐﺎ ﻳﻪﺗﻜﻪﻥ. ﻧﯘﺭ ﺑﻪﻛﺮﻯ ﻣﯘﺧﺒﯩﺮﻻﺭﻧﻰ ﻛﯜﺗﯜﯞﯦﻠﯩﺶ ﻳﯩﻐﯩﻨﯩﺪﺍ ، ﻣﻪﺯﻛﯜﺭ ﭘﯩﻼﻧﻨﻰ ﺋﯩﺰﭼﯩﻞ ﺩﺍﯞﺍﻣﻼﺷﺘﯘﺭﯨﺪﯨﻐﺎﻧﻠﯩﻘﯩﻨﻰ ﺋﺎﻻﻫﯩﺪﻩ ﺗﻪﻛﯩﺘﻠﯩﮕﻪﻥ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز