ﺗﻪﺭﻩﭖ - ﺗﻪﺭﻩﭘﺘﯩﻦ ﻛﯚﺗﯜﺭﯛﻟﮕﻪﻥ ﺳﺎﺩﺍﻻﺭﻧﻰ ﺋﯚﺯ ﺋﻮﺭﻧﯩﺪﺍ ﺗﯘﻧﺠﯘﻗﺘﯘﺭﯗﭖ، ﻫﻪﺭ ﺑﯩﺮ ﺋﺎﺩﻩﻣﻨﻰ ﻣﺎﺷﯩﻨﺎ ﺋﺎﺩﻩﻣﮕﻪ ﺋﺎﻳﻼﻧﺪﯗﺭﯗﭖ، ﺑﺎﺷﻘﯘﺭﯗﺷﻘﺎ ﻗﯘﻻﻳﻠﯩﻖ ﺑﻮﻟﺴﯘﻥ ﺋﯜﭼﯜﻥ ﻳﯘﻗﯩﺮﯨﺪﯨﻦ ﺗﯚﯞﻩﻧﮕﯩﭽﻪ ﺟﯘﯕﮕﻮ ﺟﻪﻣﺌﯩﻴﯩﺘﯩﻨﻰ ﻫﻪﺭﺑﯩﻠﻪﺷﺘﯜﺭﯛﺷﻨﻰ ﺳﯩﻨﺎﭖ ﻛﯚﺭﮔﻪﻥ.

ﺑﯩﺮ ﭘﺎﺭﺗﯩﻴﻪ ﻫﯚﻛﯜﻣﺮﺍﻧﻠﯩﻘﻰ،ﻳﯘﻗﯩﺮﯨﺪﯨﻦ ﺗﯚﯞﻩﻧﮕﯩﭽﻪ ﺑﯩﺮ ﺗﯘﺗﺎﺵ ﺭﻩﻫﺒﻪﺭﻟﯩﻚ،ﻳﻪﺭﻟﯩﻚ ﯞﻩ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺋﻪﻣﻪﻟﺪﺍﺭﻻﺭﻧﯩﯔ ﺧﯩﻴﺎﻧﻪﺗﭽﯩﻠﯩﻜﻰ، ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﻪ ﯞﻩ ﭘﯩﻼﻧﻠﯩﻖ ﺋﯩﮕﯩﻠﯩﻚ، ﺟﯘﯕﮕﻮﭼﻪ ﺳﻮﺗﺴﯩﻴﺎﻟﯩﺰﻡ، ﻓﯩﺌﻮﺩﺍﻟﻠﯩﻖ ﺋﺎﺑﺮﻭﻳﭙﻪﺭﻩﺳﻠﯩﻚ ﻳﺎﻛﻰ ﻣﺎﺭﻛﺴﻨﯩﯔ ﺋﯧﻴﺘﻘﯩﻨﯩﺪﻩﻙ ﻓﯧﺌﻮﺩﺍﻝ ﺳﻮﺗﺴﯩﻴﺎﻟﯩﺰﻡ - ﻫﻪﺭ ﺑﯩﺮ ﺋﯩﻨﺴﺎﻧﻨﯩﯔ ﺋﯩﻨﺪﯨﯟﯨﺪﯗﺋﺎﻝ ﺧﺎﺭﺍﻛﺘﯧﺮﯨﻨﯩﯔ ﺗﻪﺭﻩﻗﻘﯩﻴﺎﺗﯩﻨﻰ ﭼﻪﻛﻠﻪﺵ، ﻳﺎﻛﻰ ﺳﻮﺗﺴﯩﻴﺎﻟﯩﺰﻡ ﻣﺎﺭﻛﯩﻠﯩﻖ ﻓﯩﺌﻮﺩﺍﻟﯩﺰﯨﻢ ﻳﻪﻧﻰ ﺋﯩﻨﺴﺎﻧﻐﺎ ﺋﯩﻨﺴﺎﻥ ﺳﯜﭘﯩﺘﯩﺪﻩ ﻣﯘﺋﺎﻣﯩﻠﻪ ﻗﯩﻠﻤﺎﺳﻠﯩﻖ، ﺋﻪﻣﺪﻯ ﺑﯜﮔﯜﻧﻜﻰ ﺩﻩﯞﯨﺮﺩﻩ ﺋﯚﺗﻜﯜﻧﭽﻰ ﺩﻩﯞﯨﺮ ﻛﺎﭘﯩﺘﺎﻟﯩﺰﻣﻰ - ﻗﯩﺰﯨﻞ ﺑﺎﺷﻠﯩﻖ ﺑﯘﺭﺟﯘﺋﺎﺯﯨﻴﯩﻨﯩﯔ ﻳﯧﺘﯩﻠﯩﺶ ﺟﻪﺭﻳﺎﻧﯩﻐﺎ ﺩﺍﺭﯞﯨﻨﯩﺰﻣﭽﻪ ﺷﺎﻟﻼﺵ ﯞﻩ ﺗﺎﻟﻼﺵ ﺋﯩﺪﯦﺌﻮﻟﻮﮔﯩﻴﯩﺴﯩﻨﻰ ﻳﯧﺘﻪﻛﭽﻰ ﻗﯩﻠﯩﺶ ﯞﻩ ﻫﻮﻗﯘﻗﯩﻨﯩﯔ ﻫﯩﻤﺎﺗﯩﻐﺎ ﺋﯧﻠﯩﺶ، ﺋﻪﺧﻼﻕ - ﭘﻪﺯﯨﻠﻪﺗﺘﯩﻦ ﺗﺎﺷﻘﯩﺮﻯ، ﺋﯩﻨﺴﺎﻧﯩﻴﻠﯩﻘﺘﯩﻦ ﺗﺎﺷﻘﯩﺮﻯ، ﻗﺎﻧﯘﻥ ﯞﻩ ﻗﺎﻧﯘﻧﺸﯘﻧﺎﺳﻠﯩﻘﺘﯩﻦ ﺗﺎﺷﻘﯩﺮﻯ، ﺳﯩﻴﺎﺳﻪﺕ ﯞﻩ ﺳﯩﻴﺎﺳﻪﺕ ﺑﻪﻟﮕﯩﻠﻪﺷﻨﯩﯔ ﺭﯦﺌﺎﻝ ﺋﺎﺳﺎﺳﻠﯩﺮﯨﺪﯨﻦ ﺗﺎﺷﻘﯩﺮﻯ ﻗﯩﭙﻴﺎﻟﯩﯖﺎﭺ ﻣﯩﻠﻠﻪﺗﭽﯩﻠﯩﻚ، ﺋﯚﺯﯨﺪﯨﻦ ﺑﺎﺷﻘﺎ ﻣﯩﻠﻠﻪﺗﻠﻪﺭﮔﻪ ﻣﯩﻠﻠﯩﺘﺎﺭﯨﺰﯨﻤﻠﯩﻖ ﺳﯩﻴﺎﺳﻪﺕ ﺑﯩﻠﻪﻥ ﻣﯘﺋﺎﻣﯩﻠﻪ ﻗﯩﻠﯩﺶ، ﺋﯘﻳﻐﯘﺭ - ﺗﯩﺒﻪﺗﻠﻪﺭﻧﻰ ﻣﯩﻠﻠﻪﺕ ﺳﯜﭘﯩﺘﯩﺪﻩ ﻳﻮﻗﯩﺘﯩﺸﻨﯩﯔ ﺋﻮﺑﻴﯧﻜﺘﯩﻐﺎ ﺋﺎﻳﻼﻧﺪﯗﺭﯗﭖ، ﭼﯘﻗﺎﻥ - ﺳﯜﺭﻩﻥ، ﺗﻪﺷﯟﯨﻘﺎﺕ - ﺗﻪﺭﻏﯩﺒﺎﺕ ﺋﺎﺭﻗﯩﻠﯩﻖ ﺧﯩﺘﺎﻱ ﭘﯘﻗﺮﺍﻟﯩﺮﯨﻨﻰ ﺋﯩﺘﺘﯩﭙﺎﻗﻼﺷﺘﯘﺭﯗﭖ،ﺩﯙﻟﻪﺗﻨﯩﯔ ﭘﺎﺭﭼﯩﻠﯩﻨﯩﭗ ﻛﯧﺘﯩﺸﯩﺪﻩ ﻫﯘﺷﻴﺎﺭ ﺑﻮﻟﯘﺷﻘﺎ ﭼﺎﻗﯩﺮﯨﻖ ﻗﯩﻠﯩﺶ، ﺋﻪﻧﺌﻪﻧﯩﯟﻯ ﺧﯩﺘﺎﻱ ﻣﻪﺩﻩﻧﯩﻴﯩﺘﻰ ﻫﺎﺩﯨﺴﯩﻠﯩﺮﯨﻨﻰ ﺩﯗﻣﺒﺎﻕ ﭼﯧﻠﯩﭗ ﺗﯘﺭﯗﭖ ﻛﯚﺯ - ﻛﯚﺯ ﻗﯩﻠﯩﺶ، ﺩﯗﻧﻴﺎﯞﻯ ﺩﯙﻟﻪﺕ ﺑﺎﺷﻠﯩﻘﻠﯩﺮﯨﻨﻰ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻐﺎ ﺗﻪﻛﻠﯩﭗ ﻗﯩﻠﯩﭗ،"ﻣﻪﻥ ﻣﻪﺭﻛﻪﺯﭼﯩﻠﯩﻚ" ﻳﻪﻧﻰ ﺧﯩﺘﺎﻱ ﻣﻪﺭﻛﻪﺯﭼﯩﻠﯩﻚ ﺋﯩﺪﯨﻴﯩﺴﯩﻨﻰ ﮔﻪﯞﺩﯨﻠﻪﻧﺪﯛﺭﯛﺵ، ﺟﯘﯕﮕﻮ ﺑﺎﺵ ﻛﯚﺗﯜﺭﺩﻯ ﺩﻩﻳﺪﯨﻐﺎﻥ ﺟﯘﯕﮕﻮﭼﻪ ﻗﯩﻤﻤﻪﺕ ﺋﯚﻟﭽﯩﻤﯩﻨﻰ ﭘﯜﺗﯜﻥ ﺩﯗﻧﻴﺎﻏﺎ ﺗﺎﯕﻤﺎﻗﭽﻰ ﺑﻮﻟﯘﺵ ﻗﯩﺴﻘﯩﺴﻰ ﺧﯩﺘﺎﻳﭽﻪ ﻛﯚﺭﻩﯕﻠﯩﻚ، ﺧﯩﺘﺎﻳﭽﻪ ﻣﻪﻧﻤﻪﻧﻠﯩﻚ، ﺧﯩﺘﺎﻳﭽﻪ ﺋﯩﭙﺘﯩﺪﺍﺋﯩﻲ ﻣﯩﻠﻠﻪﺗﭽﯩﻠﯩﻚ ﺑﯘ ﻗﯧﺘﯩﻤﻘﻰ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﺪﺍ ﮔﻪﯞﺩﯨﻠﻪﻧﺪﯛﺭﯛﻟﮕﻪﻥ ﺋﯘﻗﯘﻣﻼﺷﻘﺎﻥ ﻫﺎﺩﯨﺴﯩﻠﻪﺭﺩﯗﺭ.

ﺑﯘ ﺋﯘﻗﯘﻣﻼﺷﻘﺎﻥ ﻫﺎﺩﯨﺴﯩﻠﻪﺭ ﺟﻪﻣﺌﯩﻴﻪﺗﺘﯩﻜﻰ ﺯﯨﺪﺩﯨﻴﻪﺗﻠﻪﺭﻧﯩﯔ ﺋﯩﭙﺎﺩﯨﻠﯩﻨﯩﺶ ﺷﻪﻛﻠﻰ ﺑﻮﻟﻐﺎﻧﺪﺍ، ﻫﺎﻟﻘﯩﻤﯘ‏ - ﻫﺎﻟﻘﺎ ﺑﯩﺮ - ﺑﯩﺮﯨﮕﻪ ﺑﺎﻏﻠﯩﻨﯩﭗ ﻛﻪﺗﻜﻪﻥ ﻫﺎﺩﯨﺴﯩﻠﻪﺭﻧﯩﯔ ﺑﯩﺮﻯ ﭘﻪﺳﻪﻳﺴﻪ ﺑﯩﺮﻯ ﻛﯚﺗﯜﺭﯛﻟﯜﭖ، ﺟﯘﯕﻨﻪﻧﺨﻪﻳﻨﯩﯔ ﺑﯩﺮ ﺗﻪﺭﻩﭖ ﻗﯩﻠﯩﺶ ﺋﯩﻘﺘﯩﺪﺍﺭﯨﻨﯩﯔ ﺩﺍﺋﯩﺮﯨﺴﯩﺪﯨﻦ ﻫﺎﻟﻘﯩﭗ ﻛﻪﺗﻜﻪﻧﺪﻩ ﯞﻩ ﺟﻪﻣﺌﯩﻴﻪﺗﻨﯩﯔ ﺋﯚﺗﻜﯜﺭﻟﻪﺷﻜﻪﻥ ﺯﯨﺪﺩﯨﻴﻪﺗﻠﯩﺮﻯ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻐﺎ ﺗﻪﻫﺪﯨﺖ ﺋﯧﻠﯩﭗ ﻛﻪﻟﮕﻪﻧﺪﻩ، ﺧﯩﺘﺎﻱ ﻣﯩﻠﻠﻪﺗﭽﯩﻠﯩﺮﻯ ﺋﺎﯞﯞﺍﻝ ﺗﯩﺒﻪﺗﺘﻪ ﻛﯚﺗﯜﺭﯛﻟﮕﻪﻥ ﯞﻩﻗﻪﻟﻪﺭﻧﯩﯔ ﻛﻪﺳﻜﯩﻨﻠﻪﺷﻜﻪﻥ ﺧﺎﺭﺍﻛﺘﯧﺮﯨﺪﯨﻦ ﭘﺎﻳﺪﯨﻠﯩﻨﯩﭗ، ﻛﯧﻴﯩﻦ ﻣﯘﺳﺘﻪﻣﻠﯩﻜﻪ ﺋﯘﻳﻐﯘﺭﯨﺴﺘﺎﻧﺪﺍ ﺋﻮﺗﺘﯘﺭﯨﻐﺎ ﭼﯩﻘﻘﺎﻥ ﭘﺎﺭﺗﻠﯩﺘﯩﺶ ﯞﻩﻗﻪﻟﯩﺮﯨﻨﯩﯔ ﻛﻪﺳﻜﯩﻨﻠﯩﻜﯩﺪﯨﻦ ﭘﺎﻳﺪﯨﻠﯩﻨﯩﭗ، ﺭﺍﺩﯨﻜﺎﻝ ﻳﺎﻛﻰ ﺋﻪﻗﻠﻰ ﻣﯩﻠﻠﻪﺗﭽﯩﻠﯩﻜﻨﯩﯔ ﯞﻩﺳﯟﻩﺳﯩﻠﯩﺮﯨﮕﻪ ﺋﺎﻟﺪﯨﻨﯩﭗ ﻛﻪﺗﻜﻪﻥ ﺧﯩﺘﺎﻱ ﭘﯘﻗﺮﺍﻟﯩﺮﯨﻨﯩﯔ ﺑﯩﺨﻪﺳﺘﻪﻟﯩﻜﯩﺪﯨﻦ ﭘﺎﻳﺪﯨﻠﯩﻨﯩﭗ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻨﻰ ﺋﻮﯕﯘﺷﻠﯘﻕ ﺋﯚﺗﻜﯜﺯﯛﭖ ﺋﺎﻟﺪﻯ.

ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻨﯩﯔ ﺟﯘﯕﮕﻮﺩﺍ ﺋﻮﯕﯘﺷﻠﯘﻕ ﺋﯚﺗﻜﯜﺯﯛﻟﮕﻪﻧﻠﯩﻜﻰ، ﻫﻪﺭﮔﯩﺰﻣﯘ ﺟﯘﯕﮕﻮ ﺟﻪﻣﺌﯩﻴﯩﺘﯩﺪﻩ ﺋﯚﺗﻜﯜﺭﻟﻪﺷﻜﻪﻥ ﺯﯨﺪﺩﯨﻴﻪﺗﻠﻪﺭﻧﯩﯔ ﻳﯘﻣﺸﺎﭖ ﺋﯚﺯ ﻫﺎﻟﯩﻐﺎ ﻗﺎﻳﺘﯩﺶ ﻳﺎﻛﻰ ﺧﯧﻤﯩﺮﯨﻐﺎ ﻗﺎﻳﺘﯩﺸﯩﺪﯨﻦ ﺩﯦﺮﻩﻙ ﺑﻪﺭﻣﻪﻳﺪﯗ. ﺯﯨﺪﺩﯨﻴﻪﺗﻠﻪﺭ ﻗﺎﻧﯘﻧﯩﻴﻪﺗﻠﯩﺮﯨﮕﻪ ﺋﺎﺳﺎﺳﻼﻧﻐﺎﻧﺪﺍ، ﺯﯨﺪﺩﯨﻴﻪﺗﻠﻪﺭﻧﯩﯔ ﺑﯩﺮ ﺗﻪﺭﯨﭙﯩﻨﯩﯔ ﺋﯩﻜﻜﯩﻨﭽﻰ ﺑﯩﺮ ﺗﻪﺭﻩﭘﻜﻪ ﺋﻮﺭﯗﻥ ﺑﯧﺮﯨﺸﻰ ﻳﺎﻛﻰ ﺯﯨﺪﺩﯨﻴﻪﺗﻠﻪﺷﻜﻪﻥ ﺗﻪﺭﻩﭘﻠﻪﺭ ﺋﻮﺭﻧﯩﻨﯩﯔ ﺋﺎﻟﻤﯩﺸﯩﺸﻰ ﺯﯨﺪﺩﯨﻴﻪﺗﻠﻪﺭﻧﻰ ﻫﻪﻝ ﻗﯩﻠﯩﺸﻨﯩﯔ ﺑﯩﺮﺩﯨﻦ - ﺑﯩﺮ ﭼﺎﺭﯨﺴﯩﺪﯗﺭ. ﺋﻪﻣﻤﺎ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﻪ ﺗﺎﺭﯨﺦ ﺳﻪﻫﻨﯩﺴﯩﺪﯨﻦ ﺋﺎﻗﯩﻼﻧﻪ ﻳﻮﻝ ﺗﯘﺗﯘﭖ ﺋﯚﺯﻟﯩﻜﯩﺪﯨﻦ ﭼﯜﺷﻤﻪﻳﺪﯗ.

ﻳﯘﻗﯩﺮﯨﺪﺍ ﺗﯩﻠﻐﺎ ﺋﯧﻠﯩﭗ ﺋﯚﺗﻜﻪﻥ ﺯﯨﺪﺩﯨﻴﻪﺗﻠﻪﺭﮔﻪ ﺩﯗﭺ ﻛﻪﻟﮕﻪﻥ ﺟﯘﯕﻨﻪﻧﺨﻪﻱ ﺋﻮﺭﺩﺍ ﺋﯚﺯﮔﯩﺮﯨﺸﻨﯩﯔ ﺋﺎﻗﯩﯟﻩﺗﻠﯩﺮﯨﺪﯨﻦ ﻗﯧﭽﯩﭗ ﻗﯘﺗﯘﻻﻟﻤﺎﻳﺪﯗ. ﻧﻪﺯﯨﺮﯨﻴﯩﭽﻰ ﺗﺎﯓ ﺑﻪﻳﭽﺎﯞ ﻛﻮﻣﻤﯘﻧﯩﺴﺘﯩﻚ ﻫﺎﻛﯩﻤﯩﻴﻪﺗﻨﻰ ﺋﺎﻏﺪﯗﺭﯗﺷﻨﯩﯔ ﻳﻮﻟﻠﯩﺮﻯ ﺗﻮﻏﺮﯨﺴﯩﺪﺍ ﺋﯩﺰﺩﻩﻧﮕﻪﻧﺪﻩ:" ﺋﺎﺩﻩﺗﺘﻪ ﺑﯘ ﺋﯘﺳﯘﻝ، ﺭﻩﯕﻠﯩﻚ ﺋﯩﻨﻘﯩﻼﺏ، ﺗﯧﻨﭻ ﻳﻮﻝ ﺑﯩﻠﻪﻥ ﺋﯚﺯﮔﻪﺭﺗﯩﺶ، ﺯﻭﺭﺍﯞﺍﻧﻠﯩﻖ ﺋﯩﻨﻘﯩﻼﺑﻰ، ﻫﻪﺭﺑﯩﻲ ﺋﯚﺯﮔﯩﺮﯨﺶ، ﻫﻪﺭﺑﯩﻴﻠﻪﺭﻧﯩﯔ ﻣﻪﻗﺴﻪﺗﺴﯩﺰ ﺗﻮﭘﯩﻼﯓ ﻛﯚﺗﯜﺭﯛﺷﻰ" ﻗﺎﺗﺎﺭﻟﯩﻖ ﺋﯘﺳﯘﻝ - ﭼﺎﺭﯨﻼﺭﻧﻰ ﻛﯚﺭﺳﻪﺗﻜﻪﻥ.

ﺋﻮﺭﺩﺍ ﺋﯚﺯﮔﯩﺮﯨﺸﻰ ﺋﺎﺭﻗﯩﻠﯩﻖ ﻫﺎﻛﯩﻤﯩﻴﻪﺕ ﺋﺎﻟﻤﺎﺷﺘﯘﺭﯗﺵ ﺋﻪﻧﺌﻪﻧﻪ ﺑﻮﻟﯘﭖ ﻛﻪﺗﻜﻪﻥ ﺟﯘﯕﮕﻮﺩﺍ ﻳﯧﻘﯩﻨﻘﻰ 60 ﻳﯩﻞ ﻣﺎﺑﻪﻳﻨﯩﺪﻩ 3 ﻗﯧﺘﯩﻢ ﺋﻮﺭﺩﺍ ﺋﯚﺯﮔﯩﺮﯨﺸﻰ ﻗﯩﻠﻐﺎﻥ ﺑﻮﻟﺴﯩﻤﯘ ﺑﯩﺮﺍﻕ، ﻫﺎﻛﯩﻤﯩﻴﻪﺗﻨﯩﯔ ﺷﻪﻛﻠﻰ ﺋﯚﺯﮔﻪﺭﮔﻪﻥ ﺋﻪﻣﻤﺎ ﻫﺎﻛﯩﻢ ﻣﯘﺗﻠﻪﻕ ﻣﻪﺯﻣﯘﻧﻰ ﺋﯚﺯﮔﻪﺭﻣﯩﮕﻪﻥ ﻫﺎﻛﯩﻤﯩﻴﻪﺕ ﺑﻮﻟﯘﭖ ﻗﯧﻠﯩﯟﻩﺭﺩﻯ.

ﻧﯚﯞﻩﺗﺘﻪ ﻗﺎﺳﺴﺎﭘﻘﺎ ﮔﯚﺵ ﻗﺎﻳﻐﯘﺳﻰ، ﺋﯚﭼﻜﯩﮕﻪ ﺟﺎﻥ ﻗﺎﻳﻐﯘﺳﻰ ﺩﯦﮕﻪﻧﺪﻩﻙ ﻏﻪﺭﺏ ﺩﯗﻧﻴﺎﺳﯩﻐﺎ ﺗﯩﺠﺎﺭﻩﺕ، ﺑﺎﺯﺍﺭ ﻗﺎﻳﻐﯘﺳﻰ، ﺟﯘﯕﮕﻮ ﺋﯜﭼﯜﻥ ﺋﯧﻴﺘﻘﺎﻧﺪﺍ ﻫﺎﻛﯩﻤﯩﻴﻪﺗﻨﻰ ﺳﺎﻗﻼﭖ ﻗﯧﻠﯩﺶ ﻗﺎﻳﻐﯘﺳﻰ ﺳﺎﻥ - ﺳﺎﻧﺎﻗﺴﯩﺰ ﻗﺎﻳﻐﯘﻻﺭ ﺋﯩﭽﯩﺪﻩ ﺋﺎﺳﺎﺳﻠﯩﻖ ﻗﺎﻳﻐﯘ ﺑﻮﻟﯘﭖ ﻗﺎﻟﺪﻯ. ﺋﻪﻳﻨﻰ ﭼﺎﻏﺪﺍ ﭼﺎﺭ ﺭﻭﺳﯩﻴﻪ ﺋﯚﺯﯨﻨﯩﯔ ﻛﻮﻧﺘﺮﻭﻟﻠﯘﻗﯩﺪﯨﻜﻰ ﺋﯘﻳﻐﯘﺭﯨﺴﺘﺎﻥ ﻣﻪﺳﯩﻠﯩﺴﻰ ﺋﺎﺭﻗﯩﻠﯩﻖ ﺳﯘﻥ ﺟﯘﯕﺴﻪﻥ ﺑﯩﻠﻪﻥ ﻳﯜﺋﻪﻥ ﺷﯩﻜﻪﻱ ﺋﻮﺗﺘﯘﺭﯨﺴﯩﺪﯨﻜﻰ ﺯﯨﺪﺩﯨﻴﻪﺗﻠﻪﺭﻧﻰ ﺗﻪﯕﺸﻪﭖ ﺗﯘﺭﻏﺎﻥ،  20 ‏ - ﺋﻪﺳﯩﺮﻧﯩﯔ 40 ‏ - ﻳﯩﻠﻠﯩﺮﯨﺪﺍ ﺳﯩﺘﺎﻟﯩﻦ ﺋﯚﺯﯨﻨﯩﯔ ﻛﻮﻧﺘﺮﻭﻟﻠﯘﻗﯩﺪﯨﻜﻰ ﻣﺎﻧﺠﯘﺭﯨﻴﻪ، ﺗﺎﺷﻘﻰ ﻣﻮﯕﻐﯘﻟﯩﻴﻪ، ﺋﯘﻳﻐﯘﺭﯨﺴﺘﺎﻥ ﻣﻪﺳﯩﻠﯩﺴﻰ ﺋﺎﺭﻗﯩﻠﯩﻖ ﺧﯩﺘﺎﻱ ﮔﻮﻣﯩﻨﺪﺍﯓ ﭘﺎﺭﺗﯩﻴﯩﺴﻰ ﺑﯩﻠﻪﻥ ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ ﺋﻮﺗﺘﯘﺭﯨﺴﯩﺪﯨﻜﻰ ﺯﯨﺪﺩﯨﻴﻪﺗﻠﻪﺭﻧﻰ ﺗﻪﯕﺸﻪﭖ ﺗﯘﺭﻏﺎﻥ.

ﺑﯜﮔﯜﻥ ﻛﯩﻢ ﺑﯩﻠﯩﺪﯗ، ﺗﯩﺒﻪﺕ ﻣﻪﺳﯩﻠﯩﺴﻰ، ﺋﯘﻳﻐﯘﺭﯨﺴﺘﺎﻥ ﻣﻪﺳﯩﻠﯩﺴﻰ ﻫﺎﺭﺍﺭﯨﺘﻰ ﺋﯚﺭﻟﻪﭖ ﻛﻪﺗﻜﻪﻥ ﺧﯩﺘﺎﻳﻨﯩﯔ ﺋﯩﻜﻜﻰ ﻗﻮﻟﺘﯘﻗﯩﺪﺍ ﻫﺎﺭﺍﺭﯨﺘﯩﻨﻰ ﺋﯚﻟﭽﻪﭖ ﺗﯘﺭﯨﺪﯨﻐﺎﻥ ﺗﯧﺮﻣﻮﻣﯧﺘﯩﺮﻏﺎ ﺋﺎﻳﻠﯩﻨﯩﭗ ﻗﺎﻟﺪﯨﻤﯘ ‏ - ﻗﺎﻧﺪﺍﻕ؟