ﻗﻪﺷﻘﻪﺭﻟﯩﻖ ﺑﯩﺮ ﺋﺎﺩﺩﻯ ﺋﯘﻳﻐﯘﺭﻧﯩﯔ ﺋﯜﺭﯛﻣﭽﯩﮕﻪ ﻛﻪﻟﮕﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﺎ 20 ﻧﻪﭼﭽﻪ ﻳﻪﺭﺩﻩ ﺗﻮﺧﺘﯩﺘﯩﭗ ﻗﺎﺗﺘﯩﻖ ﺗﻪﻛﺸﯜﺭﯛﺷﺘﯩﻦ ﺋﯚﺗﻜﯜﺯﯛﻟﮕﻪﻧﻠﯩﻜﯩﻨﻰ، ﻫﻪﺭ ﺗﻪﻛﺸﯜﺭﯛﺷﺘﻪ ﺧﯘﺩﺩﻯ ﻣﻪﻫﺒﯘﺳﻼﺭﺩﻩﻙ ﺳﺎﺋﻪﺗﻠﻪﭖ ﺋﯚﺭﻩ ﺗﯘﺭﻏﯘﺯﯗﭖ ﻗﻮﻳﯘﻟﻐﺎﻧﻠﯩﻘﯩﻨﻰ ﺋﯩﺴﺘﺎﻧﺴﯩﻤﯩﺰﻧﯩﯔ ﺋﺎﻟﺪﯨﻨﻘﻰ ﻗﯧﺘﯩﻤﻠﯩﻖ ﺋﺎﯕﻠﯩﺘﯩﺸﻠﯩﺮﯨﺪﺍ ﺑﯘ ﻳﻮﻟﯘﭼﯩﻨﯩﯔ ﺋﯚﺯ ﺋﺎﻏﺰﯨﺪﯨﻦ ﺋﺎﯕﻠﯩﺪﯗﻕ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺭﺍﻳﻮﻧﯩﻨﻰ ﻗﯩﺰﯨﻞ ﺗﯧﺮﺭﻭﺭﻟﯘﻕ ﻗﺎﭘﻠﯩﻐﺎﻥ ﻣﯘﺷﯘﻧﺪﺍﻕ ﺑﯩﺮ ﭘﻪﻳﺘﺘﻪ، ﺑﯜﮔﯜﻥ 17 - ﻧﯚﯞﻩﺗﻠﯩﻚ " ﺋﯜﺭﯛﻣﭽﻰ ﺧﻪﻟﻘﺌﺎﺭﺍ ﺳﻮﺩﺍ ﻳﻪﺭﻣﻪﻧﻜﯩﺴﻰ " ﻫﻪﺷﻪﻡ ﯞﻩ ﺩﺍﻏﺪﯗﻏﺎ ﺑﯩﻠﻪﻥ ﺑﺎﺷﻼﻧﺪﻯ، ﺩﯦﻤﻪﻙ، ﺋﯘﻳﻐﯘﺭﻻﺭ ﺟﺎﻥ ﺩﻩﺭﺩﯨﺪﻩ، ﺧﯩﺘﺎﻱ ﻫﺎﻛﯩﻤﯩﻴﯩﺘﻰ ﯞﻩ ﺋﯘﻧﯩﯔ ﺑﯘ ﺭﺍﻳﻮﻧﺪﯨﻜﻰ ﻛﯚﭼﻤﻪﻧﻠﯩﺮﻯ ﺑﻮﻟﺴﺎ ﭘﯘﻟﻨﯩﯔ ﺩﻩﺭﺩﯨﺪﻩ.

ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ 16 ﻳﯩﻞ ﺑﯘﺭﯗﻧﻘﻰ ﯞﻩﺩﯨﺴﻰ

ﻫﯧﻠﯩﻤﯘ ﺋﯧﺴﯩﻤﺪﻩ 1992 - ﻳﯩﻠﻰ 9 - ﺋﺎﻳﺪﺍ، " ﺷﯩﻨﺠﺎﯓ ﺧﻪﻟﻖ ﺭﺍﺩﯨﺌﻮ ﺋﯩﺴﺘﺎﻧﺴﯩﺴﻰ " ﻧﯩﯔ ﻣﯘﺧﺒﯩﺮﻯ ﺳﺎﻻﻫﯩﻴﯩﺘﯩﻢ ﺑﯩﻠﻪﻥ ﺗﯘﻧﺠﻰ ﻧﯚﯞﻩﺗﻠﯩﻚ " ﺋﯜﺭﯛﻣﭽﻰ ﺧﻪﻟﻘﺌﺎﺭﺍ ﺳﻮﺩﺍ ﻳﻪﺭﻣﻪﻧﻜﯩﺴﻰ " ﮔﻪ ﻗﺎﺗﻨﺎﺷﻘﺎﻥ ﺋﯩﺪﯨﻢ، ﺋﻪﻳﻨﻰ ﭼﺎﻏﺪﯨﻜﻰ ﺑﯘ ﻳﻪﺭﻣﻪﻧﻜﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﺧﯩﺘﺎﻳﻨﯩﯔ ﺑﺎﺵ ﻣﯩﻨﯩﺴﺘﯩﺮﻯ ﻟﻰ ﭘﯧﯔ ﺷﻪﺧﺴﻪﻥ ﻛﯧﻠﯩﭗ ﻗﺎﺗﻨﺎﺷﻘﺎﻥ ﯞﻩ ﺋﯧﭽﯩﻠﯩﺶ ﻧﯘﺗﻘﻰ ﺳﯚﺯﻟﯩﮕﻪﻥ ﺋﯩﺪﻯ، ﻟﻰ ﭘﯧﯔ ﻗﯩﻠﻐﺎﻥ ﺳﯚﺯﯨﺪﻩ، " ﺋﯜﺭﯛﻣﭽﻰ ﺧﻪﻟﻘﺌﺎﺭﺍ ﺳﻮﺩﺍ ﻳﻪﺭﻣﻪﻧﻜﯩﺴﻰ " ﻧﯩﯔ ﺗﻪﺳﯩﺲ ﻗﯩﻠﯩﻨﯩﺸﻰ ﺑﯩﻠﻪﻥ، ﺑﯘ ﺭﺍﻳﻮﻧﺪﯨﻜﻰ ﻫﻪﺭ ﻣﯩﻠﻠﻪﺕ ﺧﻪﻟﻘﯩﻨﯩﯔ ﺗﯘﺭﻣﯘﺵ ﺳﻪﯞﯨﻴﯩﺴﯩﻨﯩﯔ " ﺋﯘﭼﻘﺎﻧﺪﻩﻙ " ﺗﻪﺭﻩﻗﻘﻰ ﻗﯩﻠﯩﺪﯨﻐﺎﻧﻠﯩﻘﯩﻨﻰ، ﻳﻪﺭﻟﯩﻚ ﻣﯩﻠﻠﯩﻲ ﺳﻮﺩﺍ - ﺳﺎﻧﺎﺋﻪﺗﻨﯩﯔ ﺗﯩﺰ ﺳﯜﺭﺋﻪﺗﺘﻪ ﺭﺍﯞﺍﺟﻠﯩﻨﯩﺪﯨﻐﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﻐﺎﻥ، ﺷﯘﻧﺪﺍﻗﻼ ﺑﯘ ﻳﻪﺭﻣﻪﻧﻜﯩﻨﯩﯔ، ﻣﻪﺭﻛﯩﺰﻯ ﻫﯚﻛﯜﻣﻪﺗﻨﯩﯔ ﺑﯘ ﺭﺍﻳﻮﻧﺪﯨﻜﻰ ﻳﻪﺭﻟﯩﻚ ﺧﻪﻟﻘﻘﻪ ﻗﺎﻳﺴﻰ ﺩﻩﺭﯨﺠﯩﺪﻩ " ﻏﻪﻣﺨﻮﺭﻟﯘﻕ " ﻗﯩﻠﯩﯟﺍﺗﻘﺎﻧﻠﯩﻘﯩﻨﯩﯔ ﺋﯩﺴﭙﺎﺗﻰ ﺋﯩﻜﻪﻧﻠﯩﻜﯩﻨﻰ ﺋﺎﻻﻫﯩﺪﻩ ﺗﻪﻛﯩﺘﻠﯩﮕﻪﻥ، ﺋﯘﻧﯩﯔ ﺑﯘ ﺳﯚﺯﻟﯩﺮﻯ، ﻣﻪﻳﺪﺍﻧﺪﯨﻜﻰ ﻛﯚﭘﻠﯩﮕﻪﻥ ﺋﯘﻳﻐﯘﺭﻻﺭﻧﻰ ﻛﯜﭼﻠﯜﻙ ﺗﻪﺳﯩﺮﻟﻪﻧﺪﯛﺭﮔﻪﻥ ﺋﯩﺪﻯ.

ﺋﯘﻳﻐﯘﺭﻻﺭﻧﯩﯔ ﺋﻪﻧﺌﻪﻧﯩﯟﻯ ﻣﯩﻠﻠﯩﻲ ﺳﺎﻧﺎﺋﯩﺘﻰ ﯞﻩﻳﺮﺍﻥ ﻗﯩﻠﯩﻨﺪﻯ

ﺋﻪﻣﻤﺎ، 16 ﻳﯩﻠﻠﯩﻖ ﺑﯘ ﺟﻪﺭﻳﺎﻧﻐﺎ ﻗﯩﺴﻘﯩﭽﻪ ﺑﺎﻗﻘﯩﻨﯩﻤﯩﺰﺩﺍ، " ﺋﯜﺭﯛﻣﭽﻰ ﺧﻪﻟﻘﺌﺎﺭﺍ ﺳﻮﺩﺍ ﻳﻪﺭﻣﻪﻧﻜﯩﺴﻰ " ﻧﯩﯔ، ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ ﻳﻪﺭﻟﯩﻚ ﺧﻪﻟﻘﻨﻰ ﺗﺎﻻﻥ - ﺗﺎﺭﺍﺝ ﯞﻩ ﻗﺎﻗﺘﻰ - ﺳﻮﻗﺘﻰ ﻗﯩﻠﯩﺶ، ﺑﯘﻧﯩﯔ ﺑﻪﺩﯨﻠﯩﮕﻪ ﺋﯚﺯﯨﻨﯩﯔ ﺧﯩﺘﺎﻱ ﻛﯚﭼﻤﻪﻧﻠﯩﺮﯨﻨﻰ ﺑﻮﺭﺩﺍﺵ ﺋﯜﭼﯜﻥ ﻗﻮﻟﻼﻧﻐﺎﻥ ﯞﺍﺳﺘﯩﺴﻰ ﺋﯩﻜﻪﻧﻠﯩﻜﯩﻨﻰ ﻛﯚﺭﯛﯞﯦﻠﯩﺶ ﺗﻪﺱ ﺋﻪﻣﻪﺱ. ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ ﺋﯩﺰﭼﯩﻞ ﺗﯜﺭﺩﻩ ﺋﯚﮔﻪﻳﻠﯩﺸﯩﮕﻪ ﯞﻩ ﭼﻪﻛﻠﯩﺸﯩﮕﻪ ﺋﯘﭼﺮﺍﭖ ﻛﻪﻟﮕﻪﻥ ﺋﯘﻳﻐﯘﺭﻻﺭﻧﯩﯔ ﺋﻪﻧﺌﻪﻧﯩﯟﻯ ﻣﯩﻠﻠﯩﻲ ﺳﺎﻧﺎﺋﯩﺘﻰ ﺑﯜﮔﯜﻥ ﺋﯧﻐﯩﺮ ﺑﻮﻫﺮﺍﻥ ﺋﯩﭽﯩﺪﻩ ﺟﺎﻥ ﺗﺎﻻﺷﻤﺎﻗﺘﺎ، ﻧﯧﻔﯩﺖ، ﺗﻪﺑﯩﺌﯩﻲ ﮔﺎﺯ، ﻛﯚﻣﯜﺭ، ﺋﺎﻟﺘﯘﻥ، ﻗﺎﺷﺘﯧﺸﻰ ﺩﯦﮕﻪﻧﺪﻩﻙ ﺗﻪﺑﯩﺌﯩﻲ ﺑﺎﻳﻠﯩﻘﻼﺭﻧﻰ ﻗﯧﺰﯨﺶ ﯞﻩ ﺳﯧﺘﯩﺶ ﻫﻮﻗﻮﻗﻰ ﺗﺎﻣﺎﻣﻪﻥ ﺧﯩﺘﺎﻱ ﺷﯩﺮﻛﻪﺗﻠﯩﺮﯨﻨﯩﯔ ﻣﻮﻧﻮﭘﻮﻟﻠﯘﻗﯩﺪﺍ، 2006 - ﻳﯩﻠﯩﻐﺎ ﻗﻪﺩﻩﺭ ﺧﯩﺘﺎﻱ ﻫﺎﻛﯩﻤﯩﻴﯩﺘﻰ ﻳﻪﺭﻟﯩﻜﻠﻪﺭﻧﯩﯔ ﻛﯩﭽﯩﻚ ﺗﯩﭙﺘﯩﻜﻰ ﻛﯚﻣﯜﺭ ﻛﺎﻧﻠﯩﺮﯨﻨﻰ ﺋﯧﭽﯩﺸﯩﻐﺎ ﻳﻮﻝ ﻗﻮﻳﯘﭖ ﻛﻪﻟﮕﻪﻥ ﺋﯩﺪﻯ.

2006 - ﻳﯩﻠﯩﺪﯨﻦ ﺑﯘﻳﺎﻥ، " ﺑﯩﺨﻪﺗﻪﺭﻟﯩﻜﻜﻪ ﻛﺎﭘﺎﻟﻪﺗﻠﯩﻚ ﻗﯩﻠﯩﺶ "، " ﺑﯩﺮ ﺗﯘﺗﺎﺵ ﭘﯩﻼﻧﻼﺵ ﯞﻩ ﺋﯧﭽﯩﺶ " ﺩﯦﮕﻪﻧﺪﻩﻙ ﺑﺎﻫﺎﻧﯩﻠﻪﺭ ﺑﯩﻠﻪﻥ ﺋﯘﻳﻐﯘﺭﻻﺭﻧﯩﯔ ﺑﯘ ﻫﻮﻗﯘﻗﯩﻤﯘ ﭼﻪﻛﻠﯩﻨﯩﭗ، ﺋﯘﻻﺭ ﭘﺎﻳﺪﯨﻠﯩﻨﯩﭗ ﻛﯧﻠﯩﯟﺍﺗﻘﺎﻥ ﻛﺎﻧﻼﺭ ﺧﯩﺘﺎﻱ ﺷﯩﺮﻛﻪﺗﻠﯩﺮﯨﮕﻪ ﺑﯚﻟﯜﭖ ﺑﯧﺮﯨﻠﺪﻯ. ﺋﺎﺷﻠﯩﻖ، ﭘﺎﺧﺘﺎ،ﻳﺎﻏﻠﯩﻖ ﺩﺍﻥ ﻗﺎﺗﺎﺭﻟﯩﻖ ﺋﺎﺳﺎﺳﻠﯩﻖ ﻳﯧﺰﺍ ﺋﯩﮕﯩﻠﯩﻚ ﻣﻪﻫﺴﯘﻻﺗﻠﯩﺮﯨﻨﻰ ﺗﯜﺭﻛﯜﻣﻠﻪﭖ ﺋﯧﻜﯩﺴﭙﻮﺭﺕ ﻗﯩﻠﯩﺶ ﻫﻮﻗﯘﻗﯩﻤﯘ 1992 - ﻳﯩﻠﯩﺪﯨﻜﻰ ﺗﯘﻧﺠﻰ ﻧﯚﯞﻩﺗﻠﯩﻚ ﺋﯜﺭﯛﻣﭽﻰ ﻳﻪﺭﻣﻪﻧﻜﯩﺴﯩﺪﯨﻦ ﺑﯘﻳﺎﻥ ﺑﯩﯖﺘﯜﻩﻧﻠﯩﻚ ﺧﯩﺘﺎﻳﻼﺭﻧﯩﯔ ﻛﻮﻧﺘﺮﻭﻟﻠﯘﻗﯩﺪﺍ ﺑﻮﻟﯘﭖ ﻛﻪﻟﻤﻪﻛﺘﻪ. ﻗﯩﺴﻘﯩﺴﻰ، ﻫﺎﺯﯨﺮ ﺋﯘﻳﻐﯘﺭ ﺳﻮﺩﺍ - ﺳﺎﻧﺎﺋﻪﺗﭽﯩﻠﯩﺮﯨﻨﯩﯔ ﺋﺎﻟﺪﯨﺪﺍ ﺧﯩﺘﺎﻳﻨﯩﯔ " ﭘﯩﻔﺎ " ﺩﻩﭖ ﺋﺎﺗﺎﻟﻐﺎﻥ ﺗﻮﭖ ﺳﯧﺘﯩﺶ ﺑﺎﺯﯨﺮﯨﺪﯨﻦ ﭘﺎﺭﭼﻪ - ﭘﯘﺭﺍﺕ ﻣﺎﻝ ﺋﯧﻠﯩﭗ ﺳﯧﺘﯩﺸﺘﯩﻦ ﺑﺎﺷﻘﺎ ﻳﻮﻝ ﻗﺎﻟﻤﯩﺪﻯ.

ﺋﯘﻳﻐﯘﺭﻻﺭ، ﺋﯚﺯ ﺗﯘﭘﺮﯨﻘﻰ ﯞﻩ ﺑﺎﻳﻠﯩﻘﯩﺪﯨﻦ ﻧﻪﭖ ﺋﯧﻠﯩﺸﺘﯩﻦ ﻣﻪﻫﺮﯗﻡ ﻗﺎﻟﺪﯗﺭﯗﻟﺪﻯ

" ﺷﯩﻨﺠﺎﯓ ﮔﯧﺰﯨﺘﻰ " ﻧﯩﯔ ﺑﯜﮔﯜﻧﻜﻰ ﺧﻪﯞﯨﺮﯨﺪﻩ ﻛﯚﺭﺳﯩﺘﯩﻠﯩﺸﯩﭽﻪ، " ﺋﯜﺭﯛﻣﭽﻰ ﺧﻪﻟﻘﺌﺎﺭﺍ ﺳﻮﺩﺍ ﻳﻪﺭﻣﻪﻧﻜﯩﺴﻰ "، ﺑﯘ ﺭﺍﻳﻮﻧﻨﯩﯔ ﺋﯩﻘﺘﯩﺴﺎﺩﻯ ﺗﻪﺭﻩﻗﻘﯩﻴﺎﺗﻰ ﺋﯜﭼﯜﻥ ﺯﻭﺭ ﺭﻭﻝ ﺋﻮﻳﻨﯩﻐﺎﻧﻤﯩﺶ، ﻣﻪﺳﯩﻠﻪﻥ، ﺑﯘ ﻳﯩﻞ 1 - ﺋﺎﻳﺪﯨﻦ 7 - ﺋﺎﻳﻐﯩﭽﻪ ﺑﻮﻟﻐﺎﻥ ﻣﻪﺯﮔﯩﻞ ﺋﯩﭽﯩﺪﻩ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﺳﻮﺩﯨﺪﯨﻜﻰ ﺋﯩﻤﭙﻮﺭﺕ - ﺋﯧﻜﯩﺴﭙﻮﺭﺕ ﻣﯩﻘﺪﺍﺭﻯ 10 ﻣﯩﻠﻴﺎﺭﺩ 158 ﻣﯩﻠﻴﻮﻥ ﺋﺎﻣﯧﺮﯨﻜﺎ ﺩﻭﻟﻠﯩﺮﯨﻐﺎ ﻳﯩﺘﯩﭗ، ﭘﯜﺗﯜﻥ ﺧﯩﺘﺎﻳﻨﯩﯔ ﺋﻮﺗﺘﯘﺭﯨﭽﻪ ﺋﯧﺸﯩﺶ ﺳﯜﺭﺋﯩﺘﻰ ﺑﻮﻟﻐﺎﻥ 69.5 ﭘﯩﺮﺳﻪﻧﺘﺘﯩﻨﻤﯘ ﻛﯚﭖ ﺋﯧﺸﯩﭗ، 95.9 ﭘﯩﺮﺳﻪﻧﺘﻜﻪ ﻳﻪﺗﻜﻪﻥ. ﺋﯧﺸﯩﺶ ﺳﯜﺭﺋﯩﺘﻰ ﺟﻪﻫﻪﺗﺘﻪ ﺧﯩﺘﺎﻱ ﺑﯘﻳﯩﭽﻪ ﺋﺎﻟﺪﯨﻨﻘﻰ ﻗﺎﺗﺎﺭﺩﺍ، ﺳﻮﺩﺍ ﻣﯩﻘﺪﺍﺭﻯ ﺟﻪﻫﻪﺗﺘﻪ ﻏﻪﺭﺑﺘﯩﻜﻰ 12 ﺋﯚﻟﻜﻪ ﺋﯩﭽﯩﺪﻩ ﺑﯩﺮﯨﻨﭽﻰ ﺋﻮﺭﯗﻧﺪﺍ ﺗﯘﺭﯨﺪﯨﻜﻪﻥ. 16 ﻳﯩﻠﺪﯨﻦ ﺑﯘﻳﺎﻥ " ﺋﯜﺭﯛﻣﭽﻰ ﺧﻪﻟﻘﺌﺎﺭﺍ ﺳﻮﺩﺍ ﻳﻪﺭﻣﻪﻧﻜﯩﺴﻰ " ﮔﻪ ﻗﺎﺗﻨﺎﺷﻘﺎﻥ ﺧﯩﺘﺎﻱ ﯞﻩ ﭼﻪﺗﺌﻪﻟﻠﯩﻚ ﺳﻮﺩﯨﮕﻪﺭﻟﻪﺭﻧﯩﯔ ﺳﺎﻧﻰ 470 ﻣﯩﯔ ﻧﻪﭘﻪﺭ ﺑﻮﻟﯘﭖ، ﭘﻪﻗﻪﺗﻼ ﺑﯘ 16 ﻗﯧﺘﯩﻤﻠﯩﻖ ﻳﻪﺭﻣﻪﻧﻜﯩﺪﯨﻜﻰ ﺗﺎﺷﻘﻰ ﺳﻮﺩﺍ ﻣﯩﻘﺪﺍﺭﻯ 21 ﻣﯩﻠﻴﺎﺭﺩ 355 ﻣﯩﻠﻴﻮﻥ ﺩﻭﻟﻼﺭﻏﺎ ﻳﻪﺗﻜﻪﻥ.

ﺋﯘﻧﯩﯔ ﺋﯜﺳﺘﯩﮕﻪ ﺋﯧﻜﯩﺴﭙﻮﺭﺕ ﻗﯩﻤﻤﯩﺘﻰ ﻳﺎﺭﺍﺗﻘﺎﻥ ﻣﻪﻫﺴﯘﻻﺗﻼﺭﻧﯩﯔ ﺋﺎﺳﺎﺳﻠﯩﻘﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﻛﺎﻥ ﯞﻩ ﺩﯦﻬﻘﺎﻧﭽﯩﻠﯩﻖ ﻣﻪﻫﺴﯘﻻﺗﻠﯩﺮﯨﺪﯨﻦ ﺋﯩﺒﺎﺭﻩﺕ. ﺋﻪﮔﻪﺭ ﭘﺎﻳﺪﯨﻼﺭﻧﯩﯔ 10 ﺩﯨﻦ ﺑﯩﺮﻯ ﻳﻪﺭﻟﯩﻚ ﺧﻪﻟﻘﻨﯩﯔ ﭼﯚﻧﺘﯩﻜﯩﮕﻪ ﻛﯩﺮﮔﻪﻥ ﺑﻮﻟﺴﺎ ﺋﯩﺪﻯ، ﺑﯜﮔﯜﻥ ﺋﯘﻳﻐﯘﺭﻻﺭﻧﯩﯔ ﺗﯘﺭﻣﯘﺵ ﺳﻪﯞﯨﻴﯩﺴﯩﻤﯘ ﺧﯩﺘﺎﻱ ﺑﯘﻳﯩﭽﻪ ﺋﺎﻟﺪﯨﻨﻘﻰ ﺋﻮﺭﯗﻧﻐﺎ ﺋﯚﺗﻜﻪﻥ ﺑﻮﻻﺗﺘﻰ، ﺋﻪﭘﺴﯘﺳﻜﻰ ﺧﯩﺘﺎﻳﻨﯩﯔ ﺳﺎﻧﻠﯩﻖ ﻣﻪﻟﯘﻣﺎﺗﻠﯩﺮﯨﺪﺍ ﻧﯚﯞﻩﺗﺘﻪ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺗﯘﺭﻣﯘﺵ ﺳﻪﯞﯨﻴﯩﺴﻰ ﺟﻪﻫﻪﺗﺘﻪ ﻳﻪﻧﯩﻼ ﺧﯩﺘﺎﻱ ﺑﯘﻳﯩﭽﻪ ﺋﺎﺧﯩﺮﯨﻘﻰ ﺋﻮﺭﯗﻧﺪﺍ ﺗﯘﺭﯗﭖ ﻛﻪﻟﻤﻪﻛﺘﻪ، 16 ﻳﯩﻠﺪﯨﻦ ﺑﯘﻳﺎﻧﻤﯘ ﺋﯘﻳﻐﯘﺭﻻﺭﻧﯩﯔ ﺋﯩﻘﺘﯩﺴﺎﺩﻯ ﻛﯩﺮﯨﻤﯩﺪﯨﻤﯘ ﻛﯚﺭﯛﻧﻪﺭﻟﯩﻚ ﺑﯩﺮ ﺋﯩﻠﮕﯩﺮﯨﻠﻪﺵ ﺑﻮﻟﻐﯩﻨﻰ ﻳﻮﻕ، ﻫﯚﻛﯜﻣﻪﺗﻨﯩﯔ ﻫﺎﺯﯨﺮﻗﻰ ﺳﺘﺎﺗﯩﺴﺘﯩﻜﯩﻠﯩﺮﯨﺪﺍ، ﺟﻪﻧﯘﺑﯩﻲ ﺭﺍﻳﻮﻧﻼﺭﺩﯨﻜﻰ ﺋﯘﻳﻐﯘﺭ ﺩﯦﻬﻘﺎﻧﻠﯩﺮﯨﻨﯩﯔ ﻛﯩﺸﻰ ﺑﯧﺸﯩﻐﺎ ﺗﻮﻏﺮﺍ ﻛﯩﻠﯩﺪﯨﻐﺎﻥ ﺋﻮﺗﺘﯘﺭﯨﭽﻪ ﻛﯩﺮﯨﻤﻰ 1300 - 1500 ﻳﯘﻩﻥ ﺋﻪﺗﺮﺍﭘﯩﺪﺍ ﻛﯚﺭﺳﯩﺘﯩﻠﮕﻪﻥ ﺑﻮﻟﯘﭖ، ﺑﯩﯖﺘﯜﻩﻧﻠﯩﻚ ﺧﯩﺘﺎﻱ ﺩﯦﻬﻘﺎﻧﻠﯩﺮﯨﻨﯩﯔ ﻛﯩﺮﯨﻤﯩﺪﯨﻦ 4 ﻫﻪﺳﺴﻪ ﺗﯚﯞﻩﻥ. ﻣﻪﺳﯩﻠﻪﻥ، " ﺗﻴﺎﻧﺸﺎﻥ ﺗﻮﺭﻯ " ﻧﯩﯔ ﺑﯘ ﻳﯩﻞ 4 - ﺋﺎﻳﻨﯩﯔ 30 - ﻛﯜﻧﯩﺪﯨﻜﻰ ﺑﯩﺮ ﺧﻪﯞﯨﺮﯨﺪﻩ، ﺑﯘ ﻳﯩﻠﻨﯩﯔ ﺑﯩﺮﯨﻨﭽﻰ ﭘﻪﺳﻠﯩﺪﻩ، ﺑﯩﯖﺘﯘﻩﻥ ﻗﺎﺭﻣﯩﻘﯩﺪﯨﻜﻰ ﺷﻪﻫﻪﺭ - ﺑﺎﺯﺍﺭ ﭘﯘﻗﺮﺍﻟﯩﺮﯨﻨﯩﯔ ﻛﯩﺸﻰ ﺑﯧﺸﯩﻐﺎ ﺗﻮﻏﺮﺍ ﻛﯩﻠﯩﺪﯨﻐﺎﻥ ﺳﺎﭖ ﻛﯩﺮﯨﻤﯩﻨﯩﯔ 3382 ﻳﯜﻩﻧﮕﻪ، ﺑﯩﯖﺘﯜﻩﻧﻠﯩﻚ ﺧﯩﺘﺎﻱ ﺩﯦﻬﻘﺎﻧﻠﯩﺮﯨﻨﯩﯔ ﺑﻮﻟﺴﺎ 1526 ﻳﯜﻩﻧﮕﻪ ﻳﻪﺗﻜﻪﻧﻠﯩﻜﯩﻨﻰ ﺑﺎﻳﺎﻥ ﻗﯩﻠﻐﺎﻥ. ﻳﯘﻗﯩﺮﯨﻘﻰ ﺭﻩﻗﻪﻣﻠﻪﺭ ﺑﯘﻳﯩﭽﻪ ﺑﻮﻟﻐﺎﻧﺪﺍ، ﺑﯩﯖﺘﯜﺋﻪﻧﺪﯨﻜﻰ ﺷﻪﻫﻪﺭﻟﯩﻚ ﺧﯩﺘﺎﻳﻼﺭﻧﯩﯔ ﻳﯩﻠﻠﯩﻖ ﻛﯩﺸﻰ ﺑﯧﺸﯩﻐﺎ ﺗﻮﻏﺮﺍ ﻛﯩﻠﯩﺪﯨﻐﺎﻥ ﺳﺎﭖ ﻛﯩﺮﯨﻤﻰ 13 ﻣﯩﯔ 500 ﻳﯘﻩﻧﺪﯨﻦ، ﺩﯦﻬﻘﺎﻧﻼﺭﻧﯩﯔ ﺑﻮﻟﺴﺎ 6100 ﻳﯘﻩﻧﺪﯨﻦ ﺋﺎﺷﯩﺪﯗ.

ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﺋﯩﻘﺘﯩﺴﺎﺩﯨﻨﯩﯔ ﻳﯧﺮﯨﻤﻰ ﺑﯩﯖﺘﯘﻩﻧﻨﯩﯔ ﻛﻮﻧﺘﺮﻭﻟﻠﯘﻗﯩﺪﺍ

ﺑﯜﮔﯜﻥ ﺧﯩﺘﺎﻳﻨﯩﯔ ﺭﻩﺳﻤﯩﻲ ﺳﺘﺎﺗﯩﺴﺘﯩﻜﯩﻠﯩﺮﯨﺪﺍ ﺑﯩﯖﺘﯘﻩﻧﻨﯩﯔ ﺋﻮﻣﯘﻣﯩﻲ ﻧﻮﭘﯘﺳﻰ 3 ﻣﯩﻠﻴﻮﻧﻐﺎ ﻳﯧﻘﯩﻦ ﺑﻮﻟﯘﭖ، ﭘﯜﺗﯜﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﺋﻮﻣﯘﻣﯩﻲ ﻧﻮﭘﯘﺳﯩﻨﯩﯔ ﺗﻪﺧﻤﯩﻨﻪﻥ 11 - 12 ﭘﯩﺮﺳﻪﻧﺘﯩﻨﻰ ﺗﻪﺷﻜﯩﻞ ﻗﯩﻠﯩﺪﯗ، ﺋﻪﻣﻤﺎ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﺳﻮﺩﯨﺪﯨﻜﻰ ﺋﯩﻤﭙﻮﺭﺕ - ﺋﯧﻜﯩﺴﭙﻮﺭﺕ ﻣﯩﻘﺪﺍﺭﯨﻨﯩﯔ ﻳﯧﺮﯨﻤﯩﻨﻰ ﺩﯦﮕﯜﺩﻩﻙ ﺑﯩﯖﺘﯘﻩﻥ ﺗﻪﺷﻜﯩﻞ ﻗﯩﻠﻤﺎﻗﺘﺎ، ﻣﻪﺳﯩﻠﻪﻥ، " ﺗﻴﺎﻧﺸﺎﻥ ﺗﻮﺭﻯ " ﻧﯩﯔ ﺑﯜﮔﯜﻧﻜﻰ ﺑﯩﺮ ﺧﻪﯞﯨﺮﯨﺪﻩ ﻛﯚﺭﺳﯩﺘﯩﻠﯩﺸﯩﭽﻪ، ﺑﯘ ﻳﯩﻞ 1 - ﺋﺎﻳﺪﯨﻦ 7 - ﺋﺎﻳﻐﯩﭽﻪ ﺑﻮﻟﻐﺎﻥ ﻣﻪﺯﮔﯩﻠﮕﯩﭽﻪ ﺑﯩﯖﺘﯘﻩﻧﻨﯩﯔ ﺗﺎﺷﻘﻰ ﺳﻮﺩﯨﺪﯨﻜﻰ ﺋﯧﻜﯩﺴﭙﻮﺭﺕ ﻣﯩﻘﺪﺍﺭﻯ، ﭘﯜﺗﯜﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﺋﯧﻜﯩﺴﭙﻮﺭﺕ ﻣﯩﻘﺪﺍﺭﯨﻨﯩﯔ 48.4 ﭘﯩﺮﺳﻪﻧﺘﯩﻨﻰ ﺗﻪﺷﻜﯩﻞ ﻗﯩﻠﻐﺎﻥ، " ﺋﺎﭘﺘﻮﻧﻮﻡ ﺭﺍﻳﻮﻥ "ﻏﺎ ﻗﺎﺭﺍﺷﻠﯩﻖ ﺗﺎﺷﻘﻰ ﺳﻮﺩﺍ ﺷﯩﺮﻛﻪﺗﻠﯩﺮﯨﻨﯩﯔ ﺋﻮﻣﯘﻣﯩﻲ ﺳﺎﻧﻰ 1480 ﺑﻮﻟﯘﭖ، ﺑﯩﯖﺘﯜﻩﻧﮕﻪ ﻗﺎﺭﺍﺷﻠﯩﻖ ﺗﺎﺷﻘﻰ ﺳﻮﺩﺍ ﺷﯩﺮﻛﻪﺗﻠﯩﺮﯨﻨﯩﯔ ﺳﺎﻧﻰ ﺑﻮﻟﺴﺎ 1216.

ﻳﯘﻗﯩﺮﯨﻘﻰ ﺳﺎﻧﻠﯩﻖ ﻣﻪﻟﯘﻣﺎﺗﻼﺭ ﺷﯘﻧﻰ ﺋﯧﻨﯩﻖ ﻛﯚﺭﺳﯩﺘﯩﭗ ﺗﯘﺭﯗﭘﺘﯩﻜﻰ، " ﺋﯜﺭﯛﻣﭽﻰ ﺧﻪﻟﻘﺌﺎﺭﺍ ﺳﻮﺩﺍ ﻳﻪﺭﻣﻪﻧﻜﯩﺴﻰ"، ﻳﻪﺭﻟﯩﻚ ﺧﻪﻟﻘﻘﻪ، ﺑﻮﻟﯘﭘﻤﯘ ﺋﯘﻳﻐﯘﺭ ﺧﻪﻟﻘﯩﻐﻪ ﻗﯩﻠﭽﻪ ﺑﯩﺮ ﻧﻪﭖ ﺋﯧﻠﯩﭗ ﻛﻪﻟﮕﯩﻨﻰ ﻳﻮﻕ، ﺧﯘﺩﺩﻯ ﻳﯘﻗﯩﺮﯨﺪﺍ ﺋﯧﻴﺘﯩﭗ ﺋﯚﺗﻜﯜﻧﯜﻣﺪﻩﻙ، ﺑﯘ ﻳﻪﺭﻣﻪﻧﻜﻪ، ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﯩﻨﯩﯔ ﻛﯚﺯﯨﻨﻰ ﺑﯘﻳﺎﺵ، ﻳﻪﺭﻟﯩﻚ ﺧﻪﻟﻘﻨﻰ ﺗﺎﻻﻥ - ﺗﺎﺭﺍﺝ ﯞﻩ ﻗﺎﻗﺘﻰ - ﺳﻮﻗﺘﻰ ﻗﯩﻠﯩﺶ ﺋﯜﭼﯜﻥ ﻗﻮﻟﻠﯩﻨﯩﭗ ﻛﯧﻠﯩﯟﺍﺗﻘﺎﻥ ﺳﯩﻴﺎﺳﻰ ﺑﯩﺮ ﯞﺍﺳﺘﯩﺴﯩﺪﯨﻨﻼ ﺋﯩﺒﺎﺭﻩﺕ، ﺧﺎﻻﺱ !