ﺑﯘﻧﯩﯖﺪﯨﻦ ﺑﯘﺭﯗﻥ ﺩﺍﻻﻱ ﻻﻣﺎ، "ﺋﻪﻫﻤﯩﻴﻪﺗﻠﯩﻚ ﺋﯚﺯﯨﻨﻰ - ﺋﯚﺯﻯ ﺑﺎﺷﻘﯘﺭﯗﺷﻘﺎ ﺋﯩﺰﺩﯨﻨﯩﺪﯨﻐﺎﻧﻠﯩﻘﻰ" ﻧﻰ ﺗﻪﻛﯩﺘﻠﯩﮕﻪﻧﺪﻩ، ﺟﯘﯕﮕﻮ ﻫﯚﻛﯜﻣﯩﺘﻰ ﺩﺍﻻﻱ ﻻﻣﺎﻧﻰ ﺋﻪﻳﯩﺒﻠﻪﭖ: "ﺗﯩﺒﻪﺕ ﻣﯘﺳﺘﻪﻗﯩﻠﻠﯩﻘﯩﻨﻰ ﻣﻪﺧﭙﯩﻲ ﻳﻮﻟﻐﺎ ﻗﻮﻳﻤﺎﻗﭽﻰ ﺑﻮﻟﯘﯞﺍﺗﯩﺪﯗ،" ﺩﯦﮕﻪﻥ ﺋﯩﺪﻯ. ﺋﺎﻣﯧﺮﯨﻜﺎ ﻗﻮﺷﻤﺎ ﺷﺘﺎﺗﻠﯩﺮﯨﻨﯩﯔ ﺩﯙﻟﻪﺕ ﺋﯩﺸﻼﺭ ﻛﺎﺗﯩﭙﻰ ﻛﻮﻧﺪﯨﻠﯩﺰﺍ ﺭﺍﻳﯩﺲ ﺧﺎﻧﯩﻢ29 ‏ - ﻛﯜﻧﻰ ﺑﯧﻴﺠﯩﯖﺪﺍ ﺟﯘﯕﮕﻮﻧﯩﯔ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻳﺎﯓ ﺟﯩﺌﯧﭽﻰ ﺑﯩﻠﻪﻥ ﺑﯩﺮﻟﻪﺷﻤﻪ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﻰ ﺋﯚﺗﻜﯜﺯﮔﻪﻧﺪﻩ، ﺗﯩﺒﻪﺗﻨﯩﯔ ﯞﻩﺯﯨﻴﯩﺘﯩﮕﻪ ﻛﯚﯕﯜﻝ ﺑﯚﻟﯩﺪﯨﻐﺎﻧﻠﯩﻘﯩﻨﻰ ﺗﯩﻠﻐﺎ ﺋﯧﻠﯩﭗ ﺋﯚﺗﺘﻰ.

ﺳﯩﻠﻪﺭﮔﻪ ﻣﯘﯞﻩﭘﭙﻪﻗﯩﻴﻪﺕ ﺗﯩﻠﻪﻳﻤﯩﺰ ﺗﯩﺒﻪﺕ ﺧﻪﻟﻘﻰ، 7‏ - ﻗﯧﺘﯩﻤﻠﯩﻖ ﺳﯚﻫﺒﻪﺗﻨﯩﯔ ﺭﻩﺳﻤﯩﻲ ﺳﯚﻫﺒﻪﺕ ﺑﻪﻟﻜﻰ ﻣﻪﺳﯩﻠﻪ ﻫﻪﻝ ﻗﯩﻠﯩﺪﯨﻐﺎﻥ ﺳﯚﻫﺒﻪﺕ ﺑﻮﻟﯘﭖ ﻗﯧﻠﯩﺸﯩﻨﻰ ﺋﯜﻣﯩﺪ ﻗﯩﻠﯩﻤﯩﺰ. ﺋﯩﮕﯩﻠﯩﻚ ﻫﻮﻗﯘﻕ ﻳﻪﻧﻰ ﺗﯩﺒﻪﺗﻜﻪ ﻫﯚﻛﯜﻣﺮﺍﻧﻠﯩﻖ ﻗﯩﻠﯩﺶ ﻫﻮﻗﯘﻗﯩﻨﻰ ﺗﻪﻛﯩﺘﻠﻪﭖ ﻛﻪﻟﮕﻪﻥ ﺟﯘﯕﮕﻮﻟﯘﻗﻼﺭﻏﺎ ﯞﻩ ﺟﯘﯕﮕﻮ ﻫﯚﻛﯜﻣﯩﺘﯩﮕﻪ ﺳﻮﺋﺎﻝ ﻗﻮﻳﯘﭖ ﺑﺎﻗﺎﻳﻠﯩﭽﯘ؟ ﺳﯩﻠﻪﺭ ﻧﯧﻤﯩﮕﻪ ﺋﺎﺳﺎﺳﻠﯩﻨﯩﭗ ﺗﯩﺒﻪﺗﻜﻪ ﺋﯩﮕﯩﻠﯩﻚ ﻫﻮﻗﯘﻕ ﻳﯜﺭﮔﯜﺯﯨﺴﯩﻠﻪﺭ ﯞﻩ ﻧﯧﻤﯩﮕﻪ ﺋﺎﺳﺎﺳﻠﯩﻨﯩﭗ ﺗﯩﺒﻪﺗﻜﻪ ﻣﯩﻠﻠﻰ ﻫﯚﻛﯜﻣﺮﺍﻧﻠﯩﻖ ﻗﯩﻠﯩﺸﻨﻰ ﺗﻪﻛﯩﺘﻠﻪﻳﺴﯩﻠﻪﺭ؟ ﺗﯩﺒﻪﺕ ﺋﻪﺯﻩﻟﺪﯨﻦ ﺗﯩﺒﻪﺕ ﺧﻪﻟﻘﯩﻨﯩﯔ ﯞﻩﺗﯩﻨﻰ، ﺯﯦﻤﯩﻨﻰ، ﺗﯩﺒﻪﺕ ﻧﯧﻤﯩﮕﻪ ﺋﺎﺳﺎﺳﻠﯩﻨﯩﭗ ﺟﯘﯕﮕﻮﻧﯩﯔ ﺑﯩﺮ ﻗﯩﺴﻤﻰ ﺑﻮﻟﯘﭖ ﻗﺎﭘﺘﯘ ﯞﻩ ﺗﯩﺒﻪﺕ ﻧﯧﻤﯩﮕﻪ ﺋﺎﺳﺎﺳﻠﯩﻨﯩﭗ ﺟﯘﯕﮕﻮﻧﯩﯔ ﺯﯦﻤﯩﻨﻰ ﺑﻮﻟﯘﭖ ﻗﺎﻟﯩﺪﯨﻜﻪﻥ؟ ﺑﻪﻟﻜﻰ ﺋﺎﻟﺪﯨﺮﺍﭖ - ﺗﯧﻨﻪﭖ 'ﻗﺎﻧﯘﻧﻐﺎ ﺋﺎﺳﺎﺳﻠﯩﻨﯩﭗ'  ﺩﻩﭖ ﺟﺎﯞﺍﺏ ﺑﯧﺮﯨﺸﯩﯖﻼﺭ ﻣﯘﻣﻜﯩﻦ. ﺋﯘ ﻧﯧﻤﻪ ﻗﺎﻧﯘﻥ، ﻗﺎﻧﺪﺍﻕ ﻗﺎﻧﯘﻥ ﯞﻩ ﻛﯩﻢ ﺗﯜﺯﮔﻪﻥ ﻗﺎﻧﯘﻥ ﺋﯩﻜﻪﻥ ﺋﯘ؟

ﺋﺎﺯ ﻛﻪﻡ 50 ﻳﯩﻞ ﺋﯚﺗﺘﻰ. ﺩﺍﻻﻱ ﻻﻣﺎ ﯞﻩ ﺋﯘﻧﯩﯔ ﻗﻮﻟﻠﯩﻐﯘﭼﯩﻠﯩﺮﻯ ﺧﻪﻟﻘﺌﺎﺭﺍ ﺳﻪﭘﺘﻪ ﺗﻮﺧﺘﯩﻤﺎﻱ ﻛﯜﺭﻩﺵ ﻗﯩﻠﯩﺶ ﺋﺎﺭﻗﯩﻠﯩﻖ، ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﯩﯔ ﻗﻮﻟﻠﯩﺸﯩﻐﺎ ﺋﯧﺮﯨﺸﯩﭗ ﺑﯜﮔﯜﻥ ﺟﯘﯕﮕﻮ ﻫﯚﻛﯜﻣﯩﺘﻰ ﺑﯩﻠﻪﻥ ﺗﯩﺒﻪﺕ ﺗﻮﻏﺮﯨﺴﯩﺪﺍ ﺭﻩﺳﻤﯩﻲ ﺳﯚﻫﺒﻪﺗﻠﯩﺸﯩﺪﯨﻐﺎﻥ ﭘﯘﺭﺳﻪﺗﻨﻰ ﻳﺎﺭﺍﺗﺘﻰ. ﺗﯩﺒﻪﺕ ﺧﻪﻟﻘﯩﻨﯩﯔ ﺋﯘﻳﯘﻟﺘﺎﺷﺘﻪﻙ ﺋﯩﺘﺘﯩﭙﺎﻗﻠﯩﻘﻰ، ﺑﯩﺮ ﻧﻮﭘﯘﺯﻏﺎ ﺑﻪﻳﺌﻪﺕ ﻗﯩﻠﯩﭗ ﻧﻮﭘﯘﺯ ﺗﯩﻜﻠﯩﺸﻰ، ﻧﻮﭘﯘﺯﻧﻰ ﻫﯩﻤﺎﻳﻪ ﻗﯩﻠﯩﺸﻰ، ﺑﯩﺮ ﻳﺎﻗﯩﺪﯨﻦ ﺑﺎﺵ ﭼﯩﻘﯩﺮﯨﺸﻰ، ﺑﯩﺮ - ﺑﯩﺮﯨﻨﻰ ﻫﯚﺭﻣﻪﺕ ﻗﯩﻠﯩﺸﻰ، ﺩﺍﻻﻱ ﻻﻣﺎﻧﻰ ﻫﯚﺭﻣﻪﺕ ﻗﯩﻠﯩﺸﻰ ﻳﺎﻛﻰ ﻗﺎﻳﺴﻰ ﺑﯩﺮ ﺗﯩﺒﻪﺗﻠﯩﻜﻨﯩﯔ ﺋﺎﻗﺴﺎﻗﺎﻟﻠﯩﻖ ﻗﯩﻠﻤﯩﻐﺎﻧﻠﯩﻘﻰ ﻳﺎﻛﻰ ﻗﺎﻳﺴﻰ ﺑﯩﺮ ﺗﯩﺒﻪﺗﻠﯩﻜﻨﯩﯔ ﺩﺍﻻﻱ ﻻﻣﺎﻧﯩﯔ ﺋﺎﻟﺪﯨﻐﺎ ﭼﯩﻘﯩﭗ ﺋﺎﻟﻤﯩﻐﺎﻧﻠﯩﻘﻰ ﺗﯩﺒﻪﺕ ﺧﻪﻟﻘﯩﻨﻰ ﺑﯜﮔﯜﻧﻜﻰ ﻏﻪﻟﯩﺒﻪ ﻛﯜﻧﻠﯩﺮﯨﮕﻪ ﺋﯧﻠﯩﭗ ﻛﻪﻟﺪﻯ.

ﺋﻪﮔﻪﺭ ﺑﯩﺮ ﻣﯩﻠﻠﻪﺕ ﻣﯘﺳﺘﻪﻣﻠﯩﻜﻪ ﺑﻮﻟﯘﭖ ﻗﺎﻟﯩﺪﯨﻜﻪﻥ، ﺋﻪﮔﻪﺭ ﺑﯘ ﻣﯩﻠﻠﻪﺕ ﺋﺎﺯﺍﺗﻠﯩﻖ ﺋﯜﭼﯜﻥ ﺗﯜﻧﺠﻰ ﻗﻪﺩﻩﻣﻨﻰ ﺗﯘﻏﯘﺷﻠﯘﻕ ﺗﺎﺷﻼﻳﻤﻪﻥ ﺩﻩﻳﺪﯨﻜﻪﻥ، ﺋﯩﺘﺘﯩﭙﺎﻗﻠﯩﺸﯩﭗ ﻧﻮﭘﯘﺯ ﺗﯩﻜﻠﻪﺵ، ﺑﺎﻳﺎﻧﺎﺕ ﻗﯩﻠﯩﺶ ﻫﻮﻗﯘﻗﯩﻨﻰ ﺷﯘ ﺑﯩﺮ ﻧﻮﭘﯘﺯﻏﺎ ﺗﻪﻗﺪﯨﻢ ﻗﯩﻠﯩﺶ ﯞﻩ ﺑﯘ ﻧﻮﭘﯘﺯﻧﻰ ﭼﯚﺭﯨﺪﯨﮕﻪﻥ ﻫﺎﻟﺪﺍ، ﺑﺎﺭﻟﯩﻖ ﻛﯩﺸﯩﻠﻪﺭﻧﯩﯔ ﺋﯘﻳﯘﻟﺘﺎﺷﺘﻪﻙ ﺋﯩﺘﺘﯩﭙﺎﻗﻠﯩﻘﯩﻨﻰ ﺋﯩﺸﻘﺎ ﺋﺎﺷﯘﺭﯗﺷﻨﯩﯔ ﺯﯙﺭﯛﺭﯨﻴﯩﺘﻰ ﺗﯩﺒﻪﺗﻠﻪﺭﻧﯩﯔ ﺋﻪﻣﻪﻟﯩﻴﯩﺘﻰ ﺋﺎﺭﻗﯩﻠﯩﻖ ﺋﯩﺴﭙﺎﺗﻼﻧﺪﻯ. ﺗﯩﺒﻪﺕ ﺧﻪﻟﻘﻰ ﯞﻩﺗﻪﻥ ﺋﯩﭽﯩﺪﻩ ﺩﺍﻻﻱ ﻻﻣﺎﻧﻰ ﻗﻮﻟﻠﯩﺪﻯ، ﺩﺍﻻﻱ ﻻﻣﺎ ﯞﻩﺗﻪﻥ ﺳﯩﺮﺗﯩﺪﺍ ﺳﯩﻴﺎﺳﻰ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﺎﺭﺩﻯ. ﺋﯩﭽﻰ - ﺗﯧﺸﯩﺪﯨﻦ ﻣﺎﺳﻠﯩﺸﯩﭗ ﺗﯩﺒﻪﺕ ﺧﻪﻟﻘﻰ ﺋﯩﺪﯨﻴﯩﻨﻰ ﺑﯩﺮﻟﯩﻜﻜﻪ ﻛﻪﻟﺘﯜﺭﺩﻯ، ﻫﻪﺭﯨﻜﻪﺗﻨﻰ ﺑﯩﺮﻟﯩﻜﻜﻪ ﻛﻪﻟﺘﯜﺭﺩﻯ، ﺋﯘﻟﯘﻏﯟﺍﺭ ﻏﺎﻳﯩﻼﺭﻧﻰ ﺑﯩﺮﻟﯩﻜﻜﻪ ﻛﻪﻟﺘﯜﺭﺩﻯ. ﺳﯩﻠﻪﺭﮔﻪ ﻣﯘﯞﻩﭘﭙﻪﻗﯩﻴﻪﺕ ﺗﯩﻠﻪﻳﻤﯩﺰ ﺗﯩﺒﻪﺕ ﺧﻪﻟﻘﻰ.

ﺩﺍﻻﻱ ﻻﻣﺎ ﺋﺎﻟﯩﻲ ﺋﺎﭘﺘﻮﻧﻮﻣﯩﻴﻪ ﺗﻪﻟﻪﭖ ﻗﯩﻠﺪﻯ. ﺑﯘ ﺋﯩﺶ ﺩﺍﻻﻱ ﻻﻣﺎﻧﯩﯔ ﺗﺎﻟﻼﭖ ﺋﺎﻟﻐﺎﻥ ﻳﻮﻟﯩﺪﯗﺭ. ﺷﯘﻧﺪﺍﻕ ﺑﻮﻟﻐﺎﻧﺪﺍ ﺩﯙﻟﻪﺕ ﻣﯘﺩﺍﭘﯩﺌﻪ ﻫﻮﻗﯘﻗﻰ ﯞﻩ ﺩﯨﭙﻠﻮﻣﺎﺗﯩﻴﻪ ‏ - ﺗﺎﺷﻘﻰ ﻣﯘﻧﺎﺳﯩﯟﻩﺗﻠﻪﺭ ﻫﻮﻗﯘﻗﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻗﻮﻟﯩﺪﺍ ﺑﻮﻟﻐﺎﻥ ﺋﺎﺳﺎﺳﺘﺎ، ﺑﯘ ﻗﯧﺘﯩﻤﻘﻰ ﺳﯚﻫﺒﻪﺕ ﻧﻪﺗﯩﺠﻪ ﻗﺎﺯﯨﻨﯩﺪﯨﻐﺎﻧﻼ ﺑﻮﻟﺴﺎ، ﺋﯩﻘﺘﯩﺴﺎﺩ، ﻣﻪﺩﻩﻧﯩﻴﻪﺕ،ﻣﺎﺋﺎﺭﯨﭗ، ﺋﯩﻘﺘﯩﺴﺎﺩﻗﺎ ﻣﯘﻧﺎﺳﯩﯟﻩﺗﻠﯩﻚ ﺗﺎﻣﻮﺟﻨﺎ ﻫﻮﻗﯘﻗﻰ، ﻗﻮﺭﺍﻟﻠﯩﻖ ﺳﺎﻗﭽﯩﻼﺭﻧﻰ ﺗﻪﺷﻜﯩﻠﻠﻪﺵ ﻫﻮﻗﯘﻗﻰ، ﻳﯘﻗﯩﺮﯨﺪﯨﻦ ‏ - ﺗﯚﯞﻩﻧﮕﯩﭽﻪ ﻫﻮﻗﯘﻗﻠﯘﻕ ﺋﻮﺭﮔﺎﻧﻼﺭﻧﻰ ﺗﯩﺒﻪﺗﻠﻪﺷﺘﯜﺭﯛﺵ ﻫﻮﻗﯘﻗﻰ، ﻛﯚﭼﻤﻪﻧﻠﻪﺭﻧﻰ ﭼﯧﻜﯩﻨﺪﯛﺭﯛﺵ ﻳﺎﻛﻰ ﻛﯚﭼﻤﻪﻥ ﻗﻮﺑﯘﻝ ﻗﯩﻠﯩﺶ ﻫﻮﻗﯘﻗﻰ، ﻣﯩﻠﻠﻰ ﭘﺎﺭﻻﻣﯧﻨﺖ ﺗﻪﺷﻜﯩﻠﻠﻪﺵ ﻫﻮﻗﯘﻗﻰ، ﻣﻪﻣﯘﺭﻯ ﺋﻪﻣﻪﻟﺪﺍﺭﻻﺭﻧﻰ ﺳﺎﻳﻼﻡ ﺋﺎﺭﻗﯩﻠﯩﻖ ﯞﯗﺟﯘﺗﻘﺎ ﻛﻪﻟﺘﯜﺭﯛﺵ ﻫﻮﻗﯘﻗﻰ، ﻣﯩﻠﻠﻰ ﭘﺎﺭﻻﻣﯧﻨﺘﻨﯩﯔ ﻗﺎﻧﯘﻥ ﭼﯩﻘﯩﺮﯨﺶ ﻫﻮﻗﯘﻗﻰ، ﺋﯩﻜﻜﻰ ﺗﻪﺭﻩﭖ ﺋﯩﻤﺰﺍﻟﯩﻐﺎﻥ ﻗﺎﺭﺷﻰ ﺗﻪﺭﻩﭘﻨﯩﯔ ﺳﯩﻴﺎﺳﻰ ﻣﻪﻧﭙﻪﺋﻪﺗﻠﯩﺮﯨﻨﻰ ﺋﯧﺘﯩﺮﺍﭖ ﻗﯩﻠﻐﺎﻥ ﯞﻩ ﻗﻮﺑﯘﻝ ﻗﯩﻠﻐﺎﻥ ﺋﺎﺳﺎﺳﺘﺎ ﺗﯜﺯﯛﻟﮕﻪﻥ ﻗﺎﻧﯘﻧﻼﺭ ﺑﯘﻳﯩﭽﻪ ﻣﻪﺭﻛﯩﺰﻯ ﻫﯚﻛﯜﻣﻪﺕ ﺑﯩﻠﻪﻥ ﻣﯘﻧﺎﺳﯩﯟﻩﺕ ﻗﯩﻠﯩﺶ ﻫﻮﻗﯘﻗﻰ ﻗﺎﺗﺎﺭﻟﯩﻖ ﻫﻮﻗﯘﻗﯩﻨﻰ ﻣﻪﺯﻣﯘﻥ ﻗﯩﻠﻐﺎﻥ ﻗﺎﻧﯘﻥ ﺷﻪﻛﯩﻠﻠﯩﺮﻯ ﻗﺎﻧﺪﺍﻕ ﺗﯜﺯﯛﻟﯩﺪﯗ؟

ﺑﯘ ﺧﯩﻞ ﺗﻪﺭﻩﻗﻘﯩﻴﺎﺗﻼﺭﻏﺎ ﻳﯧﻘﯩﻨﺪﯨﻦ ﻛﯚﯕﯜﻝ ﺑﯚﻟﯜﭖ ﻛﯧﻠﯩﯟﺍﺗﻘﺎﻥ ﺋﯘﻳﻐﯘﺭﻧﯩﯔ ﺳﯩﻴﺎﺳﯩﻲ ﺋﺎﻛﺘﯩﭙﻠﯩﺮﻯ ﺧﯩﺘﺎﻱ ﻫﯚﻛﯜﻣﻪﺕ ﺗﻪﺭﻩﭘﻨﯩﯔ ﯞﻩﻛﯩﻠﻠﯩﺮﻯ ﺑﯩﻠﻪﻥ ﺩﺍﻻﻱ ﻻﻣﺎﻧﯩﯔ ﯞﻩﻛﯩﻠﻠﯩﺮﯨﻨﯩﯔ ﺳﯩﻴﺎﺳﻰ ﺳﯚﻫﺒﯩﺘﯩﮕﻪ، "ﭘﯘﻗﺮﺍﻻﺭ ﻫﻮﻗﯘﻗﻰ ﯞﻩ ﺳﯩﻴﺎﺳﻰ ﻫﻮﻗﯘﻕ ﺧﻪﻟﻘﺌﺎﺭﺍ ﺋﻪﻫﺪﯨﻨﺎﻣﯩﺴﻰ" ﻧﯩﯔ ﺭﻭﻫﻰ ﺑﯘﻳﯩﭽﻪ ﻛﯚﺯﯨﺘﯩﺶ ﺑﯩﻠﻪﻥ ﺩﯨﻘﻘﻪﺕ ﻗﯩﻠﯩﭗ ﻛﻪﻟﻤﻪﻛﺘﻪ. ﺷﯘﯕﺎ ﺋﯘﻳﻐﯘﺭﻧﯩﯔ ﺳﯩﻴﺎﺳﻰ ﺋﺎﻛﺘﯩﭙﻠﯩﺮﻯ ﺳﯩﻠﻪﺭﮔﻪ ﻣﯘﯞﻩﭘﭙﻪﻗﯩﻴﻪﺕ ﺗﯩﻠﻪﻳﻤﯩﺰ ﺗﯩﺒﻪﺕ ﺧﻪﻟﻘﻰ ﺩﯦﻴﯩﺸﻤﻪﻛﺘﻪ.