ﺋﺎﭘﺘﻮﺭ ﻣﺎﻗﺎﻟﯩﺴﯩﺪﻩ، ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻨﯩﯔ ﺋﯘﻳﻐﯘﺭ ﻗﺎﺗﺎﺭﻟﯩﻖ ﻣﯩﻠﻠﻪﺗﻠﻪﺭﮔﻪ ﭘﻪﻗﻪﺕ ﻫﺎﻳﺎﺟﺎﻧﻠﯩﻨﯩﺶ ﺋﯧﻠﯩﭗ ﻛﻪﻟﻤﯩﮕﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ.

ﺋﺎﻧﻨﺎ ﺑﻮﻧﺪﯦﺮ ﺧﺎﻧﯩﻢ ﻗﻪﻟﯩﻤﻰ ﺋﺎﺳﺘﯩﺪﯨﻜﻰ " ﺧﯩﺘﺎﻳﺪﯨﻜﻰ ﺋﯧﺘﻨﯩﻚ ﻣﯩﻠﻠﻪﺗﻠﻪﺭ ﺋﻮﻟﯩﻤﭙﯩﻜﺘﯩﻦ ﺋﺎﻧﭽﻪ ﺑﻪﻫﺮﯨﻠﯩﻨﻪﻟﻤﯩﺪﻯ" ﻧﺎﻣﻠﯩﻖ ﻣﺎﻗﺎﻟﯩﺪﻩ، ﺋﺎﭘﺘﻮﺭ ﮔﻪﺭﭼﻪ ﺋﻮﻟﯩﻤﭙﯩﻚ ﻗﯩﺰﯨﺘﻤﯩﺴﻰ ﺧﯩﺘﺎﻳﻨﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﻨﻰ ﺑﯩﺮ ﺋﺎﻟﻐﺎﻥ ﭘﻪﻳﺘﻠﻪﺭﺩﻩ، ﺧﯩﺘﺎﻳﻨﯩﯔ ﺟﯘﻏﺮﺍﭘﯩﻴﯩﻠﯩﻚ ﻣﻪﺭﻛﯩﺰﯨﻲ ﻫﯧﺴﺎﺑﻠﯩﻨﯩﺪﯨﻐﺎﻥ ﻟﻪﻧﺠﯘ ﺷﻪﻫﯩﺮﯨﺪﻩ ﺑﯘ ﺧﯩﻞ ﻛﻪﻳﭙﯩﻴﺎﺗﻨﯩﯔ ﺋﺎﻧﭽﻪ ﻳﯘﻗﯩﺮﻯ ﭘﻪﻟﻠﯩﮕﻪ ﭼﯩﻘﻤﯩﻐﺎﻧﻠﯩﻘﯩﻨﻰ، ﻣﻪﺯﻛﯘﺭ ﺷﻪﻫﻪﺭﻧﯩﯔ ﻣﯘﺳﯘﻟﻤﺎﻧﻼﺭ ﺭﺍﻳﻮﻧﯩﺪﺍ ﺋﻮﻟﯩﻤﭙﯩﻜﻜﻪ ﺋﺎﺗﺎﻟﻐﺎﻥ ﺑﺎﻳﺮﺍﻕ، ﻟﻮﺯﯗﻧﻜﺎ ﻗﺎﺗﺎﺭﻟﯩﻘﻼﺭﻧﯩﯔ ﺋﺎﻧﭽﻪ ﻛﯚﺭﯛﻧﻪﺭﻟﯩﻚ ﺋﻪﻣﻪﺳﻠﯩﻜﯩﻨﻰ ﺑﺎﻳﺎﻥ ﻗﯩﻠﯩﺪﯗ.

"ﺋﯘﻳﻐﯘﺭﻻﺭﻧﯩﯔ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﮕﻪ ﻗﺎﺭﺷﻰ ﻏﻪﺯﻩﭖ - ﻧﻪﭘﺮﯨﺘﻰ ﻳﯘﻗﯩﺮﻯ ﭘﻪﻟﻠﯩﮕﻪ ﭼﯩﻘﻘﺎﻥ"

ﺋﺎﭘﺘﻮﺭ ﻣﺎﻗﺎﻟﯩﺴﯩﺪﻩ، ﻟﻪﻧﺠﯘﺩﺍ ﻳﺎﺷﺎﻳﺪﯨﻐﺎﻥ ﺋﯘﻳﻐﯘﺭ ﯞﻩ ﺗﯘﯕﮕﺎﻥ ﻗﺎﺗﺎﺭﻟﯩﻖ ﻣﯘﺳﯘﻟﻤﺎﻧﻼﺭ ﺋﯜﭼﯜﻥ ﺋﻮﻟﯩﻤﭙﯩﻜﻨﯩﯔ ﭘﻪﻗﻪﺕ ﺗﻪﺷﯟﯨﻘﺎﺕ ﯞﺍﺭﺍﻗﻠﯩﺮﯨﻨﻰ ﺗﺎﺭﻗﯩﺘﯩﺶ ﻫﺎﻟﯩﺘﯩﺪﯨﻦ ﺑﺎﺷﻘﺎ ﻧﻪﺭﺳﯩﺪﯨﻦ ﺩﯦﺮﻩﻙ ﺑﻪﺭﻣﻪﻳﺪﯨﻐﺎﻧﻠﯩﻘﯩﻨﻰ ﻳﺎﺯﯨﺪﯗ.

"ﺋﯘﻳﻐﯘﺭﻻﺭﻧﯩﯔ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﮕﻪ ﻗﺎﺭﺷﻰ ﻏﻪﺯﻩﭖ - ﻧﻪﭘﺮﯨﺘﻰ ﻳﯘﻗﯩﺮﻯ ﭘﻪﻟﻠﯩﮕﻪ ﭼﯩﻘﻘﺎﻥ، ﺑﯘ ﻳﻪﺭﮔﻪ ﺑﯩﺮ ﻧﻪﭼﭽﻪ ﺳﺎﺋﻪﺗﻠﯩﻚ ﻳﯩﺮﺍﻗﺘﯩﻜﻰ ﺗﯩﻨﭽﯩﻤﺎﺱ ﺷﯩﻨﺠﺎﯕﺪﺍ ﻳﯧﻘﯩﻨﺪﺍ ﻳﯜﺯ ﺑﻪﺭﮔﻪﻥ ﺋﯩﻠﮕﯩﺮﻯ ﻛﯚﺭﯛﻟﯜﭖ ﺑﺎﻗﻤﯩﻐﺎﻥ ﺩﻩﺭﯨﺠﯩﺪﯨﻜﻰ ﺑﻮﻣﺒﺎ ﻫﯘﺟﯘﻣﻠﯩﺮﻯ ﯞﻩ ﺗﯚﻛﯜﻟﮕﻪﻥ ﻗﺎﻧﻼﺭ، ﺋﻮﻟﯩﻤﭙﯩﻜﻨﯩﯔ ﺑﺎﺷﻠﯩﻨﯩﺸﯩﻐﺎ ﻛﯚﻟﻪﯕﮕﻪ ﺗﺎﺷﻼﭖ ﺑﯧﻴﺠﯩﯔ ﺩﺍﺋﯩﺮﯨﻠﯩﺮﻯ ﺩﯗﻧﻴﺎﻏﺎ ﻛﯚﺭﺳﯩﺘﯩﺸﻨﻰ ﺋﺎﺭﺯﯗ ﻗﯩﻠﻐﺎﻥ ﺋﯩﻨﺎﻗﻠﯩﻘﻘﺎ ﺗﻪﺳﯩﺮ ﻛﯚﺭﺳﻪﺗﻜﻪﻧﺪﻩﻙ ﻗﯩﻼﺗﺘﻰ."

ﺋﯘﻳﻐﯘﺭ ﻧﯩﻤﻜﺎﺭ:" ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻨﯩﯔ ﭘﻪﻗﻪﺕ ﺑﯩﺮ ﭼﻮﯓ ﺗﯩﭙﺘﯩﻜﻰ ﻗﯘﺭﯗﻕ ﻛﻮﻣﯧﺪﯨﻴﻪ "

ﺋﺎﭘﺘﻮﺭ ﻣﺎﻗﺎﻟﯩﺴﯩﻨﻰ ﻳﯧﺰﯨﺶ ﺟﻪﺭﻳﺎﻧﯩﺪﺍ ﻟﻪﻧﺠﯘ ﺷﻪﻫﯩﺮﯨﺪﻩ ﺋﺎﺷﭙﻪﺯﻟﯩﻚ ﻗﯩﻠﯩﺪﯨﻐﺎﻥ ﺑﯩﺮ ﺋﯘﻳﻐﯘﺭﻧﻰ ﺯﯨﻴﺎﺭﻩﺕ ﻗﯩﻠﯩﺶ ﭘﯘﺭﺳﯩﺘﯩﮕﻪ ﺋﯧﺮﯨﺸﯩﺪﯗ. 27 ﻳﺎﺷﻠﯩﻖ ﺑﯘ ﺋﯘﻳﻐﯘﺭ ﻧﯩﻤﻜﺎﺭ ﺋﯚﺯﯨﻨﯩﯔ ﺋﻮﻟﯩﻤﭙﯩﻚ ﻫﻪﻗﻘﯩﺪﯨﻜﻰ ﻛﯚﺯ ﻗﺎﺭﺍﺷﻠﯩﺮﻯ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ، ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻨﯩﯔ ﭘﻪﻗﻪﺕ ﺑﯩﺮ ﭼﻮﯓ ﺗﯩﭙﺘﯩﻜﻰ ﻗﯘﺭﯗﻕ ﻛﻮﻣﯧﺪﯨﻴﻪ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﯨﺪﯗ ﯞﻩ: "ﺋﯘﻻﺭ ﻫﺎﺯﯨﺮ ﺑﯩﺰﻧﯩﻤﯘ ﺑﯘ ﺳﯧﺮﻙ ﺋﻮﻳﯘﻧﯩﻨﻰ ﺗﻪﺑﺮﯨﻜﻠﻪﯞﺍﺗﻘﺎﻧﺪﻩﻙ ﻗﯩﻠﯩﭗ ﻛﯚﺭﺳﯩﺘﯩﯟﺍﺗﯩﺪﯗ - ﻳﯘ، ﻳﻪﻧﻪ ﺋﻮﺧﺸﺎﺵ ﺑﯩﺮ ﯞﺍﻗﯩﺘﺘﺎ ﺧﻪﻟﻘﯩﻤﯩﺰﻧﻰ، ﺩﯙﻟﻪﺕ ﺧﺎﺋﯩﻨﻰ ﺩﻩﭖ ﺗﯘﺗﻘﯘﻥ ﻗﯩﻠﯩﯟﺍﺗﯩﺪﯗ" ﺩﻩﻳﺪﯗ.

ﺑﯘ ﺋﯘﻳﻐﯘﺭ ﻧﯩﻤﻜﺎﺭ ﻳﺎﺵ ﻳﻪﻧﻪ، ﺋﻮﻟﯩﻤﭙﯩﻜﯩﻨﯩﯔ ﭘﻪﻗﻪﺕ ﺧﯩﺘﺎﻳﻼﺭ ﺋﯘﭼﯘﻥ ﺑﯩﺮ ﺗﻪﺑﺮﯨﻜﻠﻪﺵ ﭘﺎﺋﺎﻟﯩﻴﯩﺘﻰ ﺋﯩﻜﻪﻧﻠﯩﻜﯩﻨﻰ، ﺋﻪﻣﻤﺎ ﺧﯩﺘﺎﻳﻼﺭﻧﯩﯔ ﺋﻮﻟﯩﻤﭙﯩﻚ ﺟﻪﺭﻳﺎﻧﯩﺪﺍ ﻫﻪﻗﯩﻘﻪﺗﻪﻥ ﻗﻮﺭﻗﯘﭖ ﻛﻪﺗﻜﻪﻧﻠﯩﻜﯩﻨﻰ، ﺋﯘﻻﺭﺩﯨﻜﻰ ﺑﯘ ﺋﻪﻧﺪﯨﺸﯩﻨﻰ ﺋﯚﺯﻟﯩﺮﯨﻨﯩﯖﻤﯘ ﻫﯧﺲ ﻗﯩﻠﯩﭗ ﺗﯘﺭﯨﺪﯨﻐﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﯩﺪﯗ.

ﺋﯘ ﻳﻪﻧﻪ ﺑﯘ ﻳﯩﻞ ﺋﺎﯞﻏﯘﺳﺖ ﻛﯩﺮﮔﻪﻧﺪﯨﻦ ﺑﯘﻳﺎﻥ ﻗﻪﺷﻘﻪﺭ، ﻛﻮﭼﺎ ﯞﻩ ﻳﯧﯖﯩﺸﻪﻫﻪﺭﻧﯩﯔ ﻳﺎﻣﺎﻧﻴﺎﺭ ﻳﯧﺰﯨﻠﯩﺮﯨﺪﺍ ﻳﯜﺯ ﺑﻪﺭﮔﻪﻥ ﺧﯩﺘﺎﻱ ﻫﯚﻛﯜﻣﻪﺕ ﺋﻮﺭﮔﺎﻧﻠﯩﺮﻯ ﯞﻩ ﺧﯩﺘﺎﻱ ﺑﯩﺨﻪﺗﻪﺭﻟﯩﻚ ﺧﺎﺩﯨﻤﻠﯩﺮﯨﻐﺎ ﻫﯘﺟﯘﻡ ﻗﯩﻠﯩﺶ ﻫﻪﺭﯨﻜﻪﺗﻠﯩﺮﻯ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ، ﺑﯘ ﻫﯘﺟﯘﻣﺪﯨﻦ ﺋﻪﺟﻪﺑﻠﯩﻨﻪﺭﻟﯩﻚ ﻫﯧﺲ ﻗﯩﻠﻤﺎﻳﺪﯨﻐﺎﻧﻠﯩﻘﯩﻨﻰ، ﺋﯘﻳﻐﯘﺭ ﺋﯩﻠﻰ ﯞﻩﺯﯨﻴﯩﺘﯩﻨﯩﯔ ﺋﯘﺯﯗﻧﺪﯨﻦ ﺑﯧﺮﻯ ﺷﯘﻧﺪﺍﻕ ﺟﯩﺪﺩﯨﻲ ﺑﻮﻟﯘﭖ ﻛﻪﻟﮕﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ.

ﺋﯘﻳﻐﯘﺭ ﻧﯩﻤﻜﺎﺭ:" ﺋﯘﻳﻐﯘﺭ ﺋﯧﻠﯩﺪﻩ ﺋﯚﺯ ﯞﻩﺗﯩﻨﯩﻨﯩﯔ ﻣﯘﺳﺘﻪﻗﯩﻠﻠﯩﻘﻰ ﺋﯜﭼﯜﻥ ﺟﺎﻥ ﺗﻪﺳﻪﺩﺩﯗﻕ ﻗﯩﻠﯩﺪﯨﻐﺎﻥ ﻧﯘﺭﻏﯘﻥ ﻛﯩﺸﯩﻠﻪﺭ ﺑﺎﺭ"

ﺑﯘ ﺋﯘﻳﻐﯘﺭ ﻧﯩﻤﻜﺎﺭ ﻳﻪﻧﻪ،ﮔﻪﺭﭼﻪ ﺋﯘ ﺋﻮﻟﯩﻤﭙﯩﻜﻜﻪ ﻗﺎﺭﺷﻰ ﺗﯘﺭﯗﺷﻨﯩﯔ ﺑﯩﺮ ﺋﻪﺧﻤﻪﻗﻠﯩﻘﯩﺪﯨﻦ ﺩﯦﺮﻩﻙ ﺑﯧﺮﯨﺪﯨﻐﺎﻧﻠﯩﻘﯩﻨﻰ، ﺋﯘﻧﯩﯔ ﺋﯘﻳﻐﯘﺭﻻﺭﻏﺎ ﻫﯧﭻ ﻗﺎﻧﺪﺍﻕ ﭘﺎﻳﺪﺍ ﺋﯧﻠﯩﭗ ﻛﯧﻠﻪﻟﻤﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺑﻪﺯﻯ ﺋﯘﻳﻐﯘﺭ ﮔﯘﺭﯗﭘﭙﯩﻼﺭﻧﯩﯔ ﺋﻮﻟﯩﻤﭙﯩﻚ ﺋﺎﺭﻗﯩﻠﯩﻖ ﺋﯘﻳﻐﯘﺭ ﻣﻪﺳﯩﻠﯩﺴﯩﮕﻪ ﺩﯗﻧﻴﺎﻧﯩﯔ ﺩﯨﻘﻘﯩﺘﯩﻨﻰ ﺗﺎﺭﺗﯩﺸﻘﺎ ﺋﯘﺭﯗﻧﻐﺎﻧﻠﯩﻘﻰ ﺳﻪﯞﻩﺑﻠﯩﻜﻼ، ﺧﯩﺘﺎﻱ ﺳﺎﻗﭽﯩﻠﯩﺮﯨﻨﯩﯔ ﺋﯘﻳﻐﯘﺭﻻﺭﻏﺎ ﺋﺎﺩﺍﻟﻪﺗﺴﯩﺰ ﻣﯘﺋﺎﻣﯩﻠﻪ ﻗﯩﻠﯩﺸﯩﺪﯨﻦ ﺋﯩﻨﺘﺎﻳﯩﻦ ﺑﯩﺌﺎﺭﺍﻡ ﺋﯩﻜﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ: "ﻟﯧﻜﯩﻦ ﺑﯘ ﺧﯩﺘﺎﻱ ﺳﺎﻗﭽﯩﻠﯩﺮﯨﻨﯩﯔ ﺑﯩﺰﮔﻪ ﺟﯩﻨﺎﻳﻪﺗﭽﯩﺪﻩﻙ ﻣﯘﺋﺎﻣﯩﻠﻪ ﻗﯩﻠﯩﺪﯨﻐﺎﻥ ﻫﻮﻗﯘﻗﻰ ﺑﺎﺭﻟﯩﻘﯩﺪﯨﻦ ﺩﯦﺮﻩﻙ ﺑﻪﺭﻣﻪﺳﻠﯩﻜﻰ ﻛﯧﺮﻩﻙ" ﺩﯦﮕﻪﻥ.

ﺑﯘ ﺋﯘﻳﻐﯘﺭ ﻧﯩﻤﻜﺎﺭ ﻳﻪﻧﻪ، ﺋﯘﻳﻐﯘﺭﻻﺭﻧﯩﯔ ﺧﯩﺘﺎﻱ ﻗﻮﻟﯩﺪﯨﻦ ﻗﻮﺭﺍﻝ ﻛﯜﭼﻰ ﺑﯩﻠﻪﻥ ﭘﺎﺭﭼﯩﻠﯩﻨﯩﭗ ﭼﯩﻘﯩﭗ ﻛﯧﺘﯩﺸﯩﮕﻪ ﺋﺎﻧﭽﻪ ﺋﯜﻣﯩﺪﯞﺍﺭ ﺋﻪﻣﻪﺳﻠﯩﻜﯩﻨﻰ ﺋﯧﻴﺘﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﯘﻳﻐﯘﺭ ﺋﯧﻠﯩﺪﻩ ﺋﯚﺯ ﯞﻩﺗﯩﻨﯩﻨﯩﯔ ﻣﯘﺳﺘﻪﻗﯩﻠﻠﯩﻘﻰ ﺋﯜﭼﯜﻥ ﺟﺎﻥ ﺗﻪﺳﻪﺩﺩﯗﻕ ﻗﯩﻠﯩﺪﯨﻐﺎﻥ ﻧﯘﺭﻏﯘﻥ ﻛﯩﺸﯩﻠﻪﺭﻧﯩﯔ ﺑﺎﺭﻟﯩﻘﯩﻨﯩﻤﯘ ﺗﯩﻠﻐﺎ ﺋﺎﻟﯩﺪﯗ.

ﺋﺎﭘﺘﻮﺭ ﻣﺎﻗﺎﻟﯩﺴﯩﺪﻩ ﺋﯘﻳﻐﯘﺭﻻﺭﻧﻰ ﻏﻪﺯﻩﭘﻠﻪﻧﺪﯛﺭﯛﭖ ﻛﯧﻠﯩﯟﺍﺗﻘﺎﻥ ﺋﺎﻣﯩﻠﻼﺭ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ، 1950 ﻳﯩﻠﯩﺪﯨﻦ ﺑﺎﺷﻼﭖ ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﯩﺘﯩﻨﯩﯔ ﺋﯘﻳﻐﯘﺭ ﺋﯧﻠﯩﮕﻪ ﺧﯩﺘﺎﻱ ﻛﯚﭼﻤﻪﻧﻠﯩﺮﯨﻨﻰ ﺗﯚﻛﻤﻪ ﻗﯩﻠﯩﭗ ﺗﺎﺷﻠﯩﻐﺎﻧﻠﯩﻘﯩﻨﻰ، ﻧﻪﺗﯩﺠﯩﺪﻩ 50 ‏ - ﻳﯩﻠﻼﺭﺩﺍ ﭘﯜﺗﯜﻥ ﺋﯘﻳﻐﯘﺭ ﺋﯩﻠﻰ ﻧﻮﭘﯘﺳﯩﻨﯩﯔ 6 ﭘﯩﺮﺳﻪﻧﺘﯩﻨﻰ ﺋﯩﮕﯩﻠﻪﻳﺪﯨﻐﺎﻥ ﺧﯩﺘﺎﻳﻼﺭﻧﯩﯔ ﻫﺎﺯﯨﺮﻏﺎ ﻛﻪﻟﮕﯜﭼﻪ 40 ﭘﯩﺮﺳﻪﻧﺘﺘﯩﻦ ﺋﯧﺸﯩﭗ ﻛﻪﺗﻜﻪﻧﻠﯩﻜﯩﻨﻰ، ﺋﯘﻧﯩﯖﺪﯨﻦ ﺑﺎﺷﻘﺎ ﻳﻪﻧﻪ 2001 - ﻳﯩﻠﻰ ﺋﺎﻣﯧﺮﯨﻜﯩﺪﺍ ﻳﯜﺯ ﺑﻪﺭﮔﻪﻥ ﺗﯧﺮﺭﻭﺭﻟﯘﻕ ﻫﯘﺟﯘﻣﯩﺪﯨﻦ ﻛﯩﻴﯩﻦ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﻣﯘﺳﯘﻟﻤﺎﻧﻼﺭﻧﻰ ﺗﯧﺮﺭﻭﺭﭼﯩﻼﺭ ﺑﯩﻠﻪﻥ ﺑﺎﻏﻼﭖ ﺋﯘﻳﻐﯘﺭ ﺋﯧﻠﯩﺪﻩ ﻣﻪﺩﺭﯨﺴﯩﻠﻪﺭ، ﻣﻪﺳﭽﯩﺘﻠﻪﺭﻧﻰ ﺗﺎﻗﺎﺵ ﺋﯩﺸﻠﯩﺮﯨﻨﻰ ﻛﯜﭼﻪﻳﺘﯩﭗ، ﻫﻪﺭﺑﯩﻲ ﻣﻪﯞﺟﯘﺗﻠﯘﻗﯩﻨﻰ ﺗﯧﺨﯩﻤﯘ ﻛﯧﯖﻪﻳﺘﻜﻪﻧﻠﯩﻜﯩﻨﻰ ﻳﺎﺯﯨﺪﯗ.

ﺧﯩﺘﺎﻱ ﺋﻮﻗﯘﻏﯘﭼﻰ: "ﺋﯘﻳﻐﯘﺭﻻﺭﻧﯩﯔ ﺑﯩﺰﺩﯨﻦ ﭘﻪﺭﻗﻠﯩﻖ ﺋﯩﻜﻪﻧﻠﯩﻜﯩﻨﻰ ﺑﯩﻠﯩﻤﻪﻥ، ﺋﯘﻻﺭﻣﯘ ﺋﯚﺯ ﺋﺎﻟﺪﯨﻐﺎ ﺑﯩﺮ ﻣﯩﻠﻠﻪﺕ"

ﻫﺎﻟﺒﯘﻛﻰ، ﻟﻪﻧﺠﯘﺩﺍ ﻳﺎﺷﺎﻳﺪﯨﻐﺎﻥ 24 ﻳﺎﺷﻠﯩﻖ ﺧﯩﺘﺎﻱ ﺋﻮﻗﯘﻏﯘﭼﻰ ﺟﺎﯓ ﺧﻪﻱ، ﺋﯘﻳﻐﯘﺭﻻﺭﻧﯩﯔ ﺋﻮﻟﯩﻤﭙﯩﻜﻨﻰ ﺑﯩﺮ ﭘﯘﺭﺳﻪﺕ ﺑﯩﻠﯩﺸﻰ ﻣﯘﻣﻜﯩﻨﻠﯩﻜﯩﻨﻰ، ﺋﻪﻣﻤﺎ ﻗﻪﺷﻘﻪﺭ ﯞﻩ ﻛﯘﭼﺎﺭﺩﺍ ﻳﯜﺯ ﺑﻪﺭﮔﻪﻥ ﻫﯘﺟﯘﻣﻼﺭﻧﻰ ﺋﻮﻟﯩﻤﭙﯩﻚ ﺑﯩﻠﻪﻥ ﺑﯩﯟﺍﺳﯩﺘﻪ ﺑﺎﻏﻠﯩﻨﯩﺸﻠﯩﻖ ﺩﻩﭖ ﻗﺎﺭﯨﻤﺎﻳﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﯞﻩ: "ﺑﯘ ﻳﻪﺭﺩﯨﻜﻰ ﺳﻪﯞﻩﺑﻠﻪﺭ ﺗﯧﺨﯩﻤﯘ ﭼﻮﯕﻘﯘﺭ، ﺋﯘﻳﻐﯘﺭﻻﺭﻧﯩﯔ ﺑﯩﺰﺩﯨﻦ ﭘﻪﺭﻗﻠﯩﻖ ﺋﯩﻜﻪﻧﻠﯩﻜﯩﻨﻰ ﺑﯩﻠﯩﻤﻪﻥ. ﺋﯘﻻﺭﻣﯘ ﺋﯚﺯ ﺋﺎﻟﺪﯨﻐﺎ ﺑﯩﺮ ﻣﯩﻠﻠﻪﺕ. ﺋﻪﻣﻤﺎ ﻗﺎﻧﺪﺍﻗﻼ ﺑﻮﻟﻤﯩﺴﯘﻥ ﺋﯘﻻﺭ ﺧﯩﺘﺎﻳﻐﺎ ﺗﻪﯞﻩ" ﺩﯦﮕﻪﻥ.

ﺋﺎﭘﺘﻮﺭ ﻣﺎﻗﺎﻟﻪ ﺋﺎﺧﯩﺮﯨﺪﺍ ﺧﯩﺘﺎﻱ ﺋﻮﻗﯘﻏﯘﭼﯩﻨﯩﯔ ﺳﯚﺯﻟﯩﺮﻯ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ، ﺧﯩﺘﺎﻱ ﺋﻮﻗﯘﻏﯘﭼﻰ ﺟﺎﯓ ﺧﻪﻳﻨﯩﯔ ﺋﯧﻴﺘﻘﺎﻧﻠﯩﺮﻯ ﺧﯩﺘﺎﻱ ﻫﯚﻛﯜﻣﻪﺕ ﺋﻪﻣﻪﻟﺪﺍﺭﻟﯩﺮﯨﻨﯩﯔ ﭘﯩﻜﯩﺮﻟﯩﺮﯨﻨﻰ ﺋﻪﻛﺲ ﺋﻪﺗﺘﯜﺭﯨﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯩﺪﯗ.

ﺧﯩﺘﺎﻱ ﺋﻮﻗﯘﻏﯘﭼﻰ ﺟﺎﯓ ﺧﻪﻳﻨﯩﯔ ﺑﯩﻠﺪﯛﺭﯛﺷﯩﭽﻪ، ﻫﺎﺯﯨﺮ ﺋﯘﻳﻐﯘﺭ ﺋﯧﻠﯩﺪﻩ ﺧﯩﺘﺎﻳﻨﯩﯔ ﺋﯩﻨﺘﺎﻳﯩﻦ ﺯﻭﺭ ﻣﯩﻘﺪﺍﺭﺩﺍ ﺑﯩﺨﻪﺗﻪﺭﻟﯩﻚ ﻗﯩﺴﯩﻤﻠﯩﺮﻯ ﺑﺎﺭ ﺑﻮﻟﯘﭖ، ﺋﯘﻻﺭ ﺋﯘﻳﻐﯘﺭ ﺩﯨﻴﺎﺭﯨﺪﯨﻜﻰ ﻫﻪﻣﻤﻪ ﺋﯩﺸﻼﺭﻧﻰ ﻛﻮﻧﺘﺮﻭﻝ ﺋﺎﺳﺘﯩﻐﺎ ﺋﺎﻟﻐﺎﻥ.