ﺧﯩﺘﺎﻳﺪﺍ ﺋﺎﺭﻗﺎ - ﺋﺎﺭﻗﯩﺪﯨﻦ ﻣﻪﻳﺪﺍﻧﻐﺎ ﻛﻪﻟﮕﻪﻥ ﯞﻩﻗﻪﻟﻪﺭ، ﺋﯩﺠﺘﯩﻤﺎﺋﯩﻲ ﯞﻩ ﺋﯩﻘﺘﯩﺴﺎﺩﯨﻲ ﻣﻪﺳﯩﻠﯩﻠﻪﺭ، ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﯨﭽﯩﻠﯩﻚ ﯞﻩﻗﻪﻟﯩﺮﻯ ﺧﯩﺘﺎﻱ ﻗﺎﻧﭽﻪ ﻳﻮﺷﯘﺭﯗﺷﻘﺎ ﺋﯘﺭﯗﻧﻐﺎﻧﺴﯩﺮﻯ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﺋﯜﭼﯜﻥ ﺧﯩﺘﺎﻳﻐﺎ ﺑﺎﺭﻏﺎﻥ ﺩﯗﻧﻴﺎ ﻣﯘﺧﺒﯩﺮﻟﯩﺮﯨﻨﯩﯔ ﺋﺎﭘﺎﺭﺍﺗﻠﯩﺮﯨﻐﺎ، ﺳﯩﻨﺌﺎﻟﻐﯘﻟﯩﺮﯨﻐﺎ ﺋﯧﻠﯩﻨﯩﭗ ﺋﺎﺷﻜﺎﺭﻩ ﺑﻮﻟﯘﭖ ﻣﺎﯕﺪﻯ. ﻣﺎﻧﺎ ﺑﯘ ﻗﺎﺗﺎﺭﺩﺍ ﺧﯩﺘﺎﻳﻨﯩﯔ ﻗﺎﺭﺍ ﻗﺎﺯﺍﻧﻨﻰ ﺩﯛﻡ ﻛﯚﻣﺘﯜﺭﮔﻪﻧﺪﻩﻙ ﺩﯗﻧﻴﺎﺩﯨﻦ ﺳﺎﻗﻼﭖ ﻛﯧﻠﯩﯟﺍﺗﻘﺎﻥ ﺋﯘﻳﻐﯘﺭ ﺩﯨﻴﺎﺭﯨﻤﯘ ﻛﯜﻥ ﻳﻮﺭﯗﻗﻠﯘﻗﯩﻐﺎ ﭼﯩﻘﯩﭗ، ﺩﯗﻧﻴﺎ ﻣﻪﺗﺒﯘﺋﺎﺗﻠﯩﺮﯨﺪﯨﻦ ﻛﻪﯓ ﻛﯚﻟﻪﻣﺪﻩ ﻳﻪﺭ ﺋﯧﻠﯩﺸﻘﺎ ﺑﺎﺷﻠﯩﺪﻯ.

ﺗﯜﺭﻛﯩﻴﯩﺪﻩ ﭼﯩﻘﯩﺪﯨﻐﺎﻥ ﻧﻮﭘﯘﺯﻟﯘﻕ ﮔﯧﺰﯨﺘﻠﻪﺭﻧﯩﯔ ﺑﯩﺮﻯ ﺑﻮﻟﻐﺎﻥ "ﻫﯚﺭﯨﻴﻪﺕ" ﮔﯧﺰﯨﺘﯩﻨﯔ ﻟﻮﻧﺪﻭﻧﺪﺍ ﺗﯘﺭﯗﺷﻠﯘﻕ ﻣﯘﺧﺒﯩﺮﻯ ﻓﺎﺭﯗﻙ ﺯﺍﺑﭽﻰ ﺋﻪﭘﻪﻧﺪﻯ ﺋﻮﻟﯩﻤﭙﯩﻜﻨﯩﯔ ﺋﺎﻟﺪﯨﺪﺍ ﺋﯘﻳﻐﯘﺭ ﺩﯨﻴﺎﺭﯨﻐﺎ ﻣﻪﺧﭙﯩﻲ ﻫﺎﻟﺪﺍ ﺑﯧﺮﯨﭗ ﺧﻪﯞﻩﺭ ﻳﺎﺯﻏﺎﻥ ﻣﯘﺧﺒﯩﺮﻻﺭﻧﯩﯔ ﺑﯩﺮﻯ ﺑﻮﻟﯘﭖ، ﺋﯘﻧﯩﯔ "ﺋﯘﻳﻐﯘﺭﻻﺭﻏﺎ ﺋﻮﻟﯩﻤﭙﯩﻚ ﺑﯧﺴﯩﻤﻰ" ﻧﺎﻣﻠﯩﻖ ﭼﺎﺗﻤﺎ ﻣﺎﻗﺎﻟﯩﻠﯩﺮﻯ "ﻫﯚﺭﯨﻴﻪﺕ" ﮔﯧﺰﯨﺘﯩﺪﻩ ﺭﻩﺳﯩﻤﻠﻪﺭ ﺑﯩﻠﻪﻥ ﺑﯩﻠﻠﻪ ﺋﯧﻼﻥ ﻗﯩﻠﯩﻨﺪﻯ. ﺑﯘ ﭼﺎﺗﻤﺎ ﺧﻪﯞﻩﺭﻟﻪﺭﺩﻩ ﺋﯘﻳﻐﯘﺭ ﺩﯨﻴﺎﺭﯨﻨﯩﯔ ﯞﻩﺯﯨﻴﯩﺘﻰ، ﺋﯘﻳﻐﯘﺭﻻﺭﻧﯩﯔ ﻛﯜﻧﺪﯨﻠﯩﻚ ﺗﯘﺭﻣﯘﺷﻰ، ﺋﯘﻳﻐﯘﺭﻻﺭ ﺋﯘﭼﺮﺍﯞﺍﺗﻘﺎﻥ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﯨﻠﯩﺮﻯ ﻫﻪﻗﻘﯩﺪﻩ ﺋﯩﻨﺘﺎﻳﯩﻦ ﺗﻪﭘﺴﯩﻠﻰ ﻣﻪﻟﯘﻣﺎﺕ ﺑﯧﺮﯨﻠﮕﻪﻥ ﺑﻮﻟﯘﭖ، ﮔﯧﺰﯨﺘﺘﻪ ﺋﯧﻼﻥ ﻗﯩﻠﯩﻨﻐﺎﻧﺪﯨﻦ ﻛﯧﻴﯩﻦ ﺗﯜﺭﻛﯩﻴﯩﺪﯨﻜﻰ ﻛﯩﺸﯩﻠﻪﺭﻧﯩﯔ ﺋﯘﻳﻐﯘﺭ ﺩﯨﻴﺎﺭﻯ ﻫﻪﻗﻘﯩﺪﻩ ﺗﻮﻟﯘﻕ ﻣﻪﻟﯘﻣﺎﺗﻘﺎ ﺋﯩﮕﻪ ﺑﻮﻟﯘﺷﻰ ﺋﯜﭼﯜﻥ ﺭﻭﻝ ﺋﻮﻳﻨﺎﭖ، ﺋﻮﻗﯘﺭﻣﻪﻧﻠﻪﺭ ﺋﺎﺭﯨﺴﯩﺪﺍ ﻏﯘﻟﻐﯘﻻ ﻳﺎﺭﺍﺗﺘﻰ.

ﺷﯩﻨﺠﺎﯕﻐﺎ ﺋﯩﻜﻜﯩﻨﭽﻰ ﻗﯧﺘﯩﻤﻠﯩﻖ ﻣﻪﺧﭙﯩﻲ ﺯﯨﻴﺎﺭﻩﺕ

" ﻫﯚﺭﯨﻴﻪﺕ" ﮔﯧﺰﯨﺘﻰ ﻣﯘﺧﺒﯩﺮﻯ ﻓﺎﺭﯗﻙ ﺯﺍﺑﺠﻰ ﺋﻪﭘﻪﻧﺪﯨﻨﯩﯔ ﭼﺎﺗﻤﺎ ﻣﺎﻗﺎﻟﯩﻠﯩﺮﯨﻨﯩﯔ ﺑﯩﺮﯨﻨﭽﻰ ﺑﯚﻟﯜﻣﯩﻨﯩﯔ ﺗﯧﻤﯩﺴﻰ " ﺳﯩﻨﻜﺎﻧﺌﺎ ﺋﯩﻜﯩﻨﻜﻰ ﮔﯩﺰﻟﻰ ﺯﯨﻴﺎﺭﻩﺕ" ﻳﻪﻧﻰ ﺷﯩﻨﺠﺎﯕﻐﺎ ﺋﯩﻜﻜﯩﻨﭽﻰ ﻗﯧﺘﯩﻤﻠﯩﻖ ﻣﻪﺧﭙﻰ ﺯﯨﻴﺎﺭﻩﺕ ـ ﺑﻮﻟﯘﭖ، ﻣﺎﻗﺎﻟﯩﻨﯩﯔ ﻛﯩﺮﯨﺶ ﻗﯩﺴﻤﯩﺪﺍ ﺋﯘﻳﻐﯘﺭ ﺩﯨﻴﺎﺭﯨﻐﺎ ﺗﯘﻧﺠﻰ ﻗﯧﺘﯩﻢ ﺑﺎﺭﻏﺎﻥ ﯞﺍﻗﺘﯩﺪﯨﻜﻰ ﺗﻪﺳﯩﺮﺍﺗﯩﻨﻰ ﺋﺎﯕﻠﯩﺘﯩﭗ ﻣﯘﻧﺪﺍﻕ ﺩﻩﭖ ﻳﺎﺯﯨﺪﯗ: "ﻣﻪﻥ ﺗﯘﻧﺠﻰ ﻗﯧﺘﯩﻢ 2006 - ﻳﯩﻠﻰ 4 - ﺋﺎﻳﺪﺍ ﻣﻪﺧﭙﯩﻲ ﻫﺎﻟﺪﺍ ﺷﯩﻨﺠﺎﯓ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻐﺎ ﺑﺎﺭﻏﺎﻥ ﺑﻮﻟﺴﺎﻣﻤﯘ، ﺋﻪﻣﻤﺎ ﻣﻪﻥ ﺑﯘ ﻫﻪﻗﺘﻪ ﺑﯩﺮ ﻧﻪﺭﺳﻪ ﻳﯧﺰﯨﺶ ﺋﯧﻬﺘﯩﻴﺎﺟﯩﻨﻰ ﻫﯧﺲ ﻗﯩﻠﻤﯩﻐﺎﻥ ﺋﯩﺪﯨﻢ. ﭼﯜﻧﻜﻰ، ﻣﻪﻥ ﺋﯘ ﯞﺍﻗﯩﺘﺘﺎ ﻧﺎﻫﺎﻳﯩﺘﻰ ﻳﺎﺧﺸﻰ ﺗﻪﺳﯩﺮﺍﺗﻼﺭﻏﺎ ﺋﯩﮕﻪ ﺑﻮﻟﻐﺎﻥ ﺋﯩﺪﯨﻢ. ﭼﯜﻧﻜﻰ ﻛﯚﺯﯛﻣﮕﻪ ﻫﻪﻣﻤﻪ ﺋﺎﺩﻩﻡ ﺑﻪﺧﺖ - ﺳﺎﺋﺎﺩﻩﺕ ﺋﯩﭽﯩﺪﻩ ﻳﺎﺷﺎﯞﺍﺗﻘﺎﻧﺪﻩﻙ ﻛﯚﺭﯛﻧﮕﻪﻥ، ﺋﯩﻨﺴﺎﻥ ﻫﻪﻗﻠﯩﺮﯨﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﻰ، ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﯩﻨﯩﯔ ﺩﻭﻛﻼﺗﻠﯩﺮﯨﺪﺍ ﺑﺎﻳﺎﻥ ﻗﯩﻠﯩﻨﻐﺎﻧﺪﻩﻙ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﯨﻠﯩﺮﯨﻨﻰ ﻛﯚﺭﻩﻟﻤﯩﮕﻪﻥ ﺋﯩﺪﯨﻢ. ﺋﯘﻳﻐﯘﺭ ﺭﺍﻳﻮﻧﯩﺪﺍ ﺗﯘﺭﻏﺎﻥ 3 ﻫﻪﭘﺘﻪ ﺋﯩﭽﯩﺪﻩ ﺑﯩﺮﻣﯘ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﯨﻠﯩﺮﻯ ﺋﯘﭼﺮﯨﺘﯩﭗ ﺑﺎﻗﻤﯩﻐﺎﻥ ﺋﯩﺪﯨﻢ. ﭘﻪﻗﻪﺗﻼ ﻣﻪﺳﭽﯩﺘﻜﻪ ﺑﯧﺮﯨﭗ ﻧﺎﻣﺎﺯ ﻗﯩﻠﻐﺎﻥ ﺩﯙﻟﻪﺕ ﻛﺎﺩﯨﺮﻟﯩﺮﯨﻨﯩﯔ ﺋﯩﺸﺘﯩﻦ ﭼﯩﻘﯩﺮﯨﻠﯩﯟﯦﺘﯩﺪﯨﻐﺎﻧﻠﯩﻘﯩﻨﻰ، ﺋﯘﻳﻐﯘﺭ ﺗﯩﻠﻰ ﻣﺎﺋﺎﺭﯨﭙﯩﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﺷﻘﺎ ﺋﯘﺭﯗﻧﯘﯞﺍﺗﻘﺎﻧﻠﯩﻘﯩﻨﻰ ﺳﻪﺯﮔﻪﻥ ﺋﯩﺪﯨﻢ. ﻟﯧﻜﯩﻦ ﻫﻪﻣﻤﻪ ﺋﺎﺩﻩﻡ ﻫﺎﺭﺍﻕ ﺋﯩﭽﯩﭗ، ﻣﯘﻫﻪﺑﺒﻪﺗﻠﯩﺮﻯ ﺑﯩﻠﻪﻥ ﻳﻪﭖ - ﺋﯩﭽﯩﭗ ﺋﻮﻳﻨﺎﭖ ﻳﯜﺭﯛﻳﺘﺘﻰ، ﻫﯧﭽﻜﯩﻢ ﻣﺎﯕﺎ ﺗﯘﺭﻣﯘﺷﯩﺪﯨﻦ ﻣﻪﻣﻨﯘﻥ ﺋﻪﻣﻪﺳﻠﯩﻜﯩﻨﻰ ﺩﯦﻴﯩﺸﻜﻪ ﺟﺎﺳﺎﺭﻩﺕ ﻗﯩﻼﻟﻤﯩﻐﺎﻥ ﺋﯩﺪﻯ. ﺋﯘﻳﻐﯘﺭﻻﺭﻧﯩﯔ ﻧﯧﻤﻪ ﺋﯜﭼﯜﻥ ﺑﯘﻧﭽﯩﯟﺍﻻ ﻗﻮﺭﻗﯘﭖ ﻛﻪﺗﻜﯩﻨﯩﻨﻰ ﺑﻮﻟﺴﺎ ﺑﯘ ﻗﯧﺘﯩﻤﻘﻰ ﺯﯨﻴﺎﺭﯨﺘﯩﻤﺪﻩ ﭼﯜﺷﯜﻧﯜﭖ ﻳﻪﺗﺘﯩﻢ."

ﺋﯘﻳﻐﯘﺭ ﺩﯨﻴﺎﺭﯨﻐﺎ ﺑﯧﺮﯨﺸﺘﯩﻜﻰ ﻣﻪﻗﺴﯩﺘﻰ

ﮊﯗﺭﻧﺎﻟﯩﺴﺖ ﻓﺎﺭﯗﻕ ﺯﺍﺑﺠﻰ ﺋﻪﭘﻪﻧﺪﻯ ﺑﯘ ﻗﯧﺘﯩﻢ ﺋﯘﻳﻐﯘﺭ ﺩﯨﻴﺎﺭﯨﻐﺎ ﺑﯧﺮﯨﺸﺘﯩﻜﻰ ﻣﻪﻗﺴﯩﺘﻰ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﻩﭖ ﻳﺎﺯﯨﺪﯗ: "3 - ﺋﺎﻳﺪﺍ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭﻻﺭﻧﻰ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻐﺎ ﺑﯘﺯﻏﯘﻧﭽﯩﻠﯩﻖ ﻗﯩﻠﯩﺸﻘﺎ ﺋﯘﺭﯗﻧﻤﺎﻗﺘﺎ، ﺑﯘﻻﺭ ﺗﯧﺮﺭﻭﺭﯨﺴﺖ ﺩﻩﭖ ﺑﺎﻳﺎﻧﺎﺕ ﺑﻪﺭﮔﯩﻨﯩﺪﻩ، ﺑﯘ ﺭﺍﻳﻮﻧﻐﺎ ﺑﻮﻟﻐﺎﻥ ﻗﯩﺰﯨﻘﯩﺸﯩﻢ ﺗﯧﺨﯩﻤﯘ ﻛﯜﭼﻪﻳﺪﻯ. ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﺋﺎﻟﺪﯨﺪﺍ ﺋﯘﻳﻐﯘﺭﻻﺭﻧﻰ ﺋﻪﻳﯩﺒﻠﻪﯞﺍﺗﻘﺎﻥ ﻧﻪﺭﺳﯩﻠﻪﺭ ﺗﻮﻏﺮﯨﻤﯘ ﺋﻪﻣﻪﺳﻤﯘ، ﺑﯘﻻﺭﻧﻰ ﺋﯧﻨﯩﻘﻼﺵ ﺋﯜﭼﯜﻥ ﺑﯘ ﺭﺍﻳﻮﻧﻐﺎ ﺑﺎﺭﺩﯨﻢ. ﺭﺍﺳﺘﯩﻨﻼ ﺗﯩﺒﻪﺕ ﯞﻩ ﺋﯘﻳﻐﯘﺭﻻﺭ ﻗﻮﺯﻏﯩﻠﯩﯟﺍﺗﺎﻣﺘﻰ؟ ﺧﯩﺘﺎﻱ ﺟﺎﺳﯘﺳﻠﯩﺮﯨﻐﺎ ﺋﯘﻗﺘﯘﺭﻣﺎﺳﺘﯩﻦ ﺋﯘﻳﻐﯘﺭ ﺭﺍﻳﻮﻧﯩﻐﺎ ﻗﺎﻧﺪﺍﻕ ﺑﺎﺭﯨﺪﯨﻐﺎﻧﻠﯩﻘﯩﻤﻨﻰ ﻳﺎﺧﺸﻰ ﺑﯩﻠﻪﺗﺘﯩﻢ. 2006 - ﻳﯩﻠﻰ ﺋﯚﺯﯛﻣﻨﻰ ﻛﺎﺭﺧﺎﻧﯩﭽﻰ ﺩﻩﭖ ﺗﻮﻧﯘﺷﺘﯘﺭﯗﭖ ﺗﯘﺭﯗﭖ ﺧﻮﯕﻜﻮﯓ ﯞﻩ ﺑﯧﻴﺠﯩﯔ ﺋﺎﺭﻗﯩﻠﯩﻖ ﺷﯩﻨﺠﺎﯕﻐﺎ ﺑﺎﺭﻏﺎﻥ ﺋﯩﺪﯨﻢ. ﺋﻪﮔﻪﺭ ﻣﻪﻥ ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﺑﯩﺮ ﮊﯗﺭﻧﺎﻟﯩﺴﺖ ﺑﻮﻟﯘﺵ ﺳﯜﭘﯩﺘﯩﻢ ﺑﯩﻠﻪﻥ ﺋﯘﻳﻐﯘﺭ ﺭﺍﻳﻮﻧﯩﻐﺎ ﺑﺎﺭﯨﻤﻪﻥ، ﺩﯦﮕﻪﻥ ﺑﻮﻟﺴﺎﻡ ﺑﯧﺮﯨﺸﯩﻤﻐﺎ ﺭﯗﺧﺴﻪﺕ ﻗﯩﻠﻤﯩﻐﺎﻥ ﺑﻮﻻﺗﺘﻰ. ﺑﻪﺭﮔﻪﻧﺪﯨﻤﯘ ﺋﺎﺭﻗﺎﻣﻐﺎ ﺋﺎﺩﻩﻡ ﺳﯧﻠﯩﭗ ﻗﻮﻳﺎﺗﺘﻰ، ﺋﻪﺭﻛﯩﻦ ﻫﻪﺭﯨﻜﻪﺕ ﻗﯩﻼﻟﻤﯩﻐﺎﻥ ﺑﻮﻻﺗﺘﯩﻢ. ﻳﻪﭖ - ﺋﯩﭽﯩﭗ، ﺋﻮﻳﻨﺎﭖ ﺭﻩﺳﯩﻤﮕﻪ ﺗﺎﺭﺗﯩﭗ ﻳﯧﻨﯩﭗ ﻛﻪﻟﮕﻪﻥ ﺑﻮﻻﺗﺘﯩﻢ."

ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﺑﺎﻫﺎﻧﻪ، ﺋﯘﻳﻐﯘﺭﻻﺭﻏﺎ ﻗﺎﺗﺘﯩﻖ ﺯﯗﻟﯘﻡ

ﻓﺎﺭﯗﻕ ﺯﺍﺑﺠﻰ ﺋﻪﭘﻪﻧﺪﻯ ﺋﯚﺯﯨﻨﯩﯔ ﺋﯘﻳﻐﯘﺭ ﺭﺍﻳﻮﻧﯩﻐﺎ ﺑﯧﺮﯨﺸﺘﯩﻦ ﺑﯘﺭﯗﻥ ﺧﯩﺘﺎﻳﻼﺭﻧﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻫﺎﻧﻪ ﻗﯩﻠﯩﭗ ﺗﯘﺭﯗﭖ ﺋﯘﻳﻐﯘﺭﻻﺭﻏﺎ ﻗﺎﺗﺘﯩﻖ ﺯﯗﻟﯘﻡ ﻗﯩﻠﯩﯟﺍﺗﻘﺎﻧﻠﯩﻘﻰ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺋﺎﻟﻐﺎﻧﻠﯩﻘﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﻩﭖ ﻳﺎﺯﯨﺪﯗ: " ﻣﻪﻥ ﻟﻮﻧﺪﻭﻧﺪﺍ ﺋﺎﻟﻐﺎﻥ ﻣﻪﻟﯘﻣﺎﺗﯩﻤﺪﺍ، ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﺑﺎﺷﻼﺷﺘﯩﻦ ﺑﯘﺭﯗﻥ ﺋﯘﻳﻐﯘﺭﻻﺭﻏﺎ ﺑﻮﻟﻐﺎﻥ ﺑﯧﺴﯩﻢ ﭼﯩﺪﯨﻐﯘﺳﯩﺰ ﻫﺎﻟﻐﺎ ﻛﻪﻟﺪﻯ ﺩﻩﭖ ﺋﺎﯕﻠﯩﻐﺎﻥ ﺋﯩﺪﯨﻢ. ﺷﯘﻧﯩﯔ ﺑﯩﻠﻪﻥ ﻣﻪﻥ ﺑﯩﺮﯨﻨﭽﻰ ﻗﯧﺘﯩﻢ ﺋﯜﺭﯛﻣﭽﯩﮕﻪ ﺑﺎﺭﻏﺎﻧﺪﺍ ﻣﺎﯕﺎ ﻳﺎﺭﺩﻩﻡ ﻗﯩﻠﻐﺎﻥ ﻛﯩﺸﯩﻠﻪﺭﻧﻰ ﺑﯘ ﻗﯧﺘﯩﻢ ﺑﺎﺭﻏﺎﻧﺪﺍ ﺋﯩﺰﺩﯨﻤﻪﺳﻠﯩﻜﻨﻰ ﺋﻮﻳﻠﯩﺪﯨﻢ. ﭼﯜﻧﻜﻰ، ﺑﯩﺮﺳﻰ ﻣﺎﯕﺎ: 'ﺋﯘﻻﺭ ﺑﯩﻠﻪﻥ ﻛﯚﺭﯛﺷﺴﻪﯓ ﺋﯘﻻﺭﻧﯩﯔ ﻫﺎﻳﺎﺗﻰ ﺧﻪﯞﭖ ﺋﺎﺳﺘﯩﻐﺎ ﻛﯩﺮﯨﺪﯗ. ﺑﯧﺸﯩﻨﻰ ﺑﺎﻻﻏﺎ ﺗﯩﻘﯩﺴﻪﻥ. ﺑﻮﻟﯘﭘﻤﯘ ﺋﯩﻨﮕﯩﻠﯩﺰﭼﻪ ﺑﯩﻠﯩﺪﯨﻐﺎﻥ ﺋﯘﻳﻐﯘﺭﻻﺭ ﺧﯩﺘﺎﻱ ﺟﺎﺳﯘﺳﻠﯩﺮﻯ ﺗﻪﺭﯨﭙﯩﺪﯨﻦ ﻗﺎﺗﺘﯩﻖ ﺗﻪﻗﯩﭗ ﻗﯩﻠﯩﻨﻤﺎﻗﺘﺎ. ﺋﯘﻻﺭﻏﺎ ﺗﯧﻠﯧﻔﻮﻥ ﻗﯩﻠﻤﺎ، ﭼﯜﻧﻜﻰ ﺧﯩﺘﺎﻳﻼﺭ ﮔﯘﻣﺎﻧﻠﯩﻖ ﺩﻩﭖ ﻗﺎﺭﯨﻐﺎﻧﻠﯩﻜﻰ ﻛﯩﺸﯩﻠﻪﺭﻧﯩﯔ ﻫﻪﻣﻤﯩﺴﯩﻨﯩﯔ ﺗﯧﻠﯧﻔﻮﻧﯩﻨﻰ ﻣﻪﺧﭙﯩﻲ ﻫﺎﻟﺪﺍ ﺋﺎﯕﻼﻳﺪﯗ. ﺋﻮﻟﯩﻤﭙﯩﻚ ﻣﻪﺯﮔﯩﻠﯩﺪﻩ ﺋﺎﺯﺭﺍﻗﻼ ﺷﯜﺑﻬﯩﻠﻪﻧﮕﻪﻥ ﻛﯩﺸﯩﻠﻪﺭﻧﯩﯔ ﻫﻪﻣﻤﯩﺴﯩﻨﻰ ﺗﯜﺭﻣﯩﮕﻪ ﺗﺎﺷﻼﯞﯦﺘﯩﭙﺘﯘ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﺗﯜﺭﻣﯩﻠﻪﺭﺩﻩ ﺑﻮﺵ ﻳﻪﺭ ﻗﺎﻟﻤﺎﭘﺘﯘﺩﻩﻙ،' ﺩﻩﭖ ﺳﯚﺯﻟﻪﭖ ﺑﻪﺭﺩﻯ. ﺑﯘﻧﺪﺍﻕ ﺑﯩﺮ ﯞﻩﺯﯨﻴﻪﺗﺘﻪ ﺋﯩﻜﻜﻰ ﻳﯩﻞ ﺑﯘﺭﯗﻥ ﺋﯘﻳﻐﯘﺭ ﺭﺍﻳﻮﻧﯩﻐﺎ ﺑﺎﺭﻏﺎﻧﺪﺍ ﻣﺎﯕﺎ ﺗﻪﺭﺟﯩﻤﺎﻧﻠﯩﻖ ﻗﯩﻠﯩﭗ ﺑﻪﺭﮔﻪﻥ ﻛﯩﺸﯩﻠﻪﺭ ﺑﯩﻠﻪﻧﻤﯘ ﻛﯚﺭﯛﺷﯜﭖ ﺋﯘﻻﺭﻧﻰ ﺋﺎﯞﺍﺭﻩ ﻗﯩﻠﯩﺸﻨﻰ ﺗﻮﻏﺮﺍ ﺗﺎﭘﻤﯩﺪﯨﻢ. ﺋﯘﻻﺭﻣﯘ ﻣﺎﯕﺎ ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﺗﯜﺯﯛﻙ ﻣﻪﻟﯘﻣﺎﺕ ﺑﻪﺭﻣﯩﮕﻪﻥ ﺋﯩﺪﻯ، ﻣﺎﯕﺎ ﭘﻪﻗﻪﺗﻼ ﺷﯩﻨﺠﺎﯕﺪﯨﻜﻰ ﺋﯘﻳﻐﯘﺭﻻﺭﻧﯩﯔ ﺑﻪﺧﺖ - ﺳﺎﺋﺎﺩﻩﺕ ﺋﯩﭽﯩﺪﻩ ﻳﺎﺷﺎﯞﺍﺗﻘﺎﻧﻠﯩﻘﯩﻨﻰ ﺩﯦﮕﻪﻥ ﺋﯩﺪﻯ."

ﺋﯘﻳﻐﯘﺭ ﺭﺍﻳﻮﻧﯩﻐﺎ ﻛﯩﺮﮔﻪﻥ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭ

ﺗﯜﺭﻛﯩﻴﯩﺪﯨﻜﻰ ﻧﻮﭘﯘﺯﻟﯘﻕ ﮔﯧﺰﯨﺘﻠﻪﺭﺩﯨﻦ ﺑﯩﺮﻯ ﺑﻮﻟﻐﺎﻥ "ﻫﯚﺭﯨﻴﻪﺕ" ﮔﯧﺰﯨﺘﯩﻨﯩﯔ ﻟﻮﻧﺪﻭﻧﺪﯨﻜﻰ ﻣﯘﺧﺒﯩﺮﻯ ﺑﻮﻟﻐﺎﻥ ﻓﺎﺭﯗﻕ ﺯﺍﺑﺠﻰ ﺋﻪﭘﻪﻧﺪﻯ، 7 - ﺋﺎﯞﻏﯘﺳﺖ ﻛﯜﻧﻰ "ﻫﯚﺭﯨﻴﻪﺕ" ﮔﯧﺰﯨﺘﯩﺪﻩ ﺋﯧﻼﻥ ﻗﯩﻠﯩﻨﻐﺎﻥ ﺋﯘﻳﻐﯘﺭﻻﺭﻏﺎ ﺋﻮﻟﯩﻤﭙﯩﻚ ﺑﯧﺴﯩﻤﻰ ﻣﺎﯞﺯﯗﻟﯘﻕ ﻣﺎﻗﺎﻟﯩﺴﯩﻨﯩﯔ ﺑﯩﺮﯨﻨﭽﻰ ﻗﯩﺴﻤﯩﻨﯩﯔ ﺋﺎﺧﯩﺮﯨﺪﺍ ﻫﺎﺯﯨﺮﻏﯩﭽﻪ ﺋﯘﻳﻐﯘﺭ ﺭﺍﻳﻮﻧﯩﻐﺎ ﻛﯩﺮﮔﻪﻥ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺑﯧﺮﯨﭗ ﻣﯘﻧﺪﺍﻕ ﺩﻩﭖ ﻳﺎﺯﯨﺪﯗ: "2006 - ﻳﯩﻠﻰ ﺑﯘ ﺭﺍﻳﻮﻧﻐﺎ ﻛﯧﻠﯩﭗ ﺋﯘﻳﻐﯘﺭ ﺗﯜﺭﻛﻠﯩﺮﻯ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺍﻟﯩﻐﺎﻥ ﺟﯘﺭﻧﺎﻟﯩﺴﺖ ﻣﻪﻥ ﺋﯩﺪﯨﻢ. ﺧﻮﯕﻜﻮﯕﺪﯨﻜﻰ ﺋﯩﻨﺴﺎﻥ ﻫﻪﻗﻠﯩﺮﯨﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﯩﻨﯩﯔ ﻣﻪﺳﺌﯘﻟﻰ 2005 - ﻳﯩﻠﯩﻨﯩﯔ ﺋﺎﺧﯩﺮﯨﺪﺍ ﺑﯩﺮﻻ ﻗﯧﺘﯩﻢ ﺷﯩﻨﺠﺎﯕﻐﺎ ﻛﯩﺮﻩﻟﯩﮕﻪﻥ ﺋﯩﺪﻯ. ﺧﯩﺘﺎﻳﻼﺭ ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﯩﻨﯩﯔ ﺧﯩﺘﺎﻳﺪﺍ ﺋﯩﺸﺨﺎﻧﺎ ﺋﯧﭽﯩﺸﯩﻐﺎ ﺭﯗﺧﺴﻪﺕ ﻗﯩﻠﻤﯩﻐﺎﻥ ﺑﻮﻟﯘﭖ، ﺧﯩﺘﺎﻱ ﻫﯚﻛﯜﻣﯩﺘﻰ ﭼﻪﺗﺌﻪﻟﻠﯩﻚ ﺟﯘﺭﻧﺎﻟﯩﺴﺘﻼﺭﻧﯩﯔ ﺋﯘﻳﻐﯘﺭ ﺭﺍﻳﻮﻧﯩﻐﺎ ﺑﯧﺮﯨﺸﯩﻐﺎ ﺭﯗﺧﺴﻪﺕ ﻗﯩﻠﻤﺎﻳﺪﯨﻜﻪﻥ. ﻗﻪﺷﻘﻪﺭﺩﻩ ﻳﻪﺭ ﺗﻪﯞﺭﯨﮕﻪﻧﺪﯨﻤﯘ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭﻧﯩﯔ ﺑﯧﺮﯨﺸﯩﻐﺎ ﺭﯗﺧﺴﻪﺕ ﺑﯧﺮﯨﻠﻤﯩﮕﻪﻥ ﺋﯩﺪﻯ، ﭼﯜﻧﻜﻰ ﺧﯩﺘﺎﻳﻼﺭ ﺋﯚﺯﻟﯩﺮﯨﻨﯩﯔ ﺋﯘﻳﻐﯘﺭﻻﺭﻏﺎ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺑﯧﺴﯩﻢ ﺳﯩﻴﺎﺳﯩﺘﯩﻨﯩﯔ ﺋﺎﺷﻜﺎﺭﯨﻠﯩﻨﯩﭗ ﻛﯧﺘﯩﺸﯩﺪﯨﻦ ﻗﻮﺭﻗﯘﺩﯨﻜﻪﻥ."

ﺟﯘﺭﻧﺎﻟﯩﺴﺖ ﻓﺎﺭﯗﻕ ﺯﺍﺑﺠﻰ ﺋﻪﭘﻪﻧﺪﻯ ﻣﺎﻗﺎﻟﯩﺴﯩﺪﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯩﺮ ﻗﺎﻧﭽﻪ ﺋﺎﻱ ﺑﯘﺭﯗﻥ ﺋﺎ ﭖ ﯞﻩ ﺭﯨﺌﻮﻳﺘﯧﺮﯗﺱ ﻗﺎﺗﺎﺭﻟﯩﻖ ﺧﻪﯞﻩﺭ ﺋﺎﮔﯧﻨﺘﻠﯩﻘﻠﯩﺮﯨﻨﯩﯔ ﻣﯘﺧﺒﯩﺮﻟﯩﺮﯨﻨﻰ ﻛﯩﺮﯨﺸﻜﻪ ﺭﯗﺧﺴﻪﺕ ﻗﯩﻠﻐﺎﻥ ﺑﻮﻟﺴﯩﻤﯘ ﺋﯘﻻﺭﻧﯩﯔ ﻛﻪﻳﻨﯩﮕﻪ ﺟﺎﺳﯘﺱ ﺳﯧﻠﯩﭗ ﻗﻮﻳﻐﺎﭼﻘﺎ ﭘﻪﻗﻪﺗﻼ ﺧﯩﺘﺎﻳﻼﺭ ﻛﯚﺭﺳﯩﺘﯩﭗ ﺑﻪﺭﮔﻪﻥ ﻳﻪﺭﻟﻪﺭﺩﯨﻼ ﺭﻩﺳﯩﻢ ﺗﺎﺭﺗﺎﻟﯩﻐﺎﻧﻠﯩﻘﯩﻨﻰ، ﺋﻪﻣﻤﺎ ﺋﯚﺯﯨﻨﯩﯔ ﺑﻮﻟﺴﺎ ﺗﯜﺭﻙ ﺑﻮﻟﻐﺎﻧﻠﯩﻘﺘﯩﻦ ﺋﯘﻳﻐﯘﺭﻻﺭﻏﺎ ﺋﻮﺧﺸﺎﭖ ﻛﻪﺗﻜﻪﻧﻠﯩﻜﯩﻨﻰ، ﺋﯘﻧﯩﯔ ﺋﯜﺳﺘﯩﮕﻪ ﻣﻪﺧﭙﯩﻲ ﻫﺎﻟﺪﺍ ﻛﯩﺮﮔﻪﻧﻠﯩﻜﺘﯩﻦ ﻛﯚﭘﻠﯩﮕﻪﻥ ﺋﯘﻳﻐﯘﺭﻻﺭ ﺑﯩﻠﻪﻥ ﺭﺍﻫﻪﺕ ﺳﯚﻫﺒﻪﺕ ﺋﯧﻠﯩﭗ ﺑﯧﺮﯨﺶ ﭘﯘﺭﺳﯩﺘﯩﮕﻪ ﺋﯩﮕﻪ ﺑﻮﻟﻐﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﯩﭗ ﻣﯘﻧﺪﺍﻕ ﺩﻩﻳﺪﯗ: "2006 - ﻳﯩﻠﯩﺪﯨﻦ ﻛﯧﻴﯩﻦ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭﻧﯩﯔ ﺷﯩﻨﺠﺎﯕﻐﺎ ﺑﺎﺭﻏﺎﻧﻠﯩﻘﯩﻨﻰ ﺋﺎﯕﻼﭖ ﺑﺎﻗﻤﯩﺪﯨﻢ. ﭘﻪﻗﻪﺕ ﺑﯩﺮ ﻗﺎﻧﭽﻪ ﺋﺎﻱ ﺑﯘﺭﯗﻥ "ﺋﺎ ﭖ" ﯞﻩ ﺭﻭﻳﺘﯧﺮﯨﺲ  ﺧﻪﯞﻩﺭ ﺋﺎﮔﯧﻨﺘﻠﯩﻘﯩﻨﯩﯔ ﻣﯘﺧﺒﯩﺮﻟﯩﺮﻯ ﺋﯘﻳﻪﺭﺩﻩ ﺗﺎﺭﺗﻘﺎﻥ ﺭﻩﺳﯩﻤﻠﻪﺭﻧﻰ ﺋﯧﻼﻥ ﻗﯩﻼﻟﯩﺪﻯ. ﻟﯧﻜﯩﻦ ﺋﯘﻻﺭ ﻗﺎﺗﺘﯩﻖ ﻛﻮﻧﺘﺮﻭﻝ ﺋﺎﺳﺘﯩﺪﺍ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ ﺋﯘﻳﻐﯘﺭﻻﺭ ﺑﯩﻠﻪﻥ ﺳﯚﻫﺒﻪﺗﻠﯩﺸﯩﺶ ﭘﯘﺭﺳﯩﺘﯩﮕﻪ ﺋﯧﺮﯨﺸﻪﻟﻤﯩﺪﻯ. ﻣﯧﻨﯩﯔ ﺋﺎﺭﺗﯘﻗﭽﯩﻠﯩﻖ ﺗﻪﺭﯨﭙﯩﻢ ﺑﻮﻟﺴﺎ ﻣﯧﻨﯩﯔ ﺋﯘﻳﻐﯘﺭﻻﺭﻏﺎ ﺋﻮﺧﺸﺎﺷﻠﯩﻘﯩﻢ ﺋﯩﺪﻯ. ﺧﺎﺗﺎ ﻫﻪﺭﯨﻜﻪﺕ ﻗﯩﻠﯩﭗ ﺋﯘﻻﺭﻧﯩﯔ ﺩﯨﻘﻘﯩﺘﯩﻨﻰ ﺗﺎﺭﺗﯩﭙﻼ ﻗﻮﻳﻤﯩﺴﺎﻡ ﻣﯧﻨﻰ ﭘﻪﺭﻕ ﺋﯧﺘﻪﻟﻤﻪﻳﺘﺘﻰ. ﺋﯘﻧﯩﯔ ﺋﯜﺳﺘﯩﮕﻪ ﻣﻪﻥ ﺋﯘ ﻳﻪﺭﮔﻪ ﻣﯘﺧﺒﯩﺮ ﻛﯩﻤﻠﯩﻜﯩﻢ ﺑﯩﻠﻪﻥ ﺋﻪﻣﻪﺱ، ﺑﻪﻟﻜﻰ ﺑﯩﺮ ﻧﻮﺭﻣﺎﻝ ﺗﯩﺠﺎﺭﻩﺗﭽﻰ ﺳﺎﻻﻫﯩﻴﯩﺘﻰ ﺑﯩﻠﻪﻥ ﻛﯩﺮﮔﻪﻥ ﺋﯩﺪﯨﻢ. ﺷﯩﯟﯦﺘﺴﯩﻴﯩﻠﯩﻚ ﺑﯩﺮ ﻣﯘﺧﺒﯩﺮﻣﯘ ﻣﺎﯕﺎ ﺋﻮﺧﺸﺎﺵ ﻛﯧﻠﯩﭗ ﻗﻪﺷﻘﻪﺭﮔﻪ ﺑﺎﺭﺍﻟﯩﻐﺎﻥ ﺋﯩﺪﻯ. ﺑﯩﺮﯨﻨﭽﻰ ﻗﯧﺘﯩﻢ ﻫﯧﭽﻜﯩﻢ ﺑﯩﻠﻪﻥ ﻛﯚﺭﯛﺷﯜﺵ ﭘﯘﺭﺳﯩﺘﯩﮕﻪ ﺋﯧﺮﯨﺸﻪﻟﻤﯩﮕﻪﻥ ﺑﯘ ﻛﯩﺸﻰ ﺋﯩﻜﻜﯩﻨﭽﻰ ﻗﯧﺘﯩﻢ ﻗﻪﺷﻘﻪﺭﮔﻪ ﻛﻪﻟﮕﯩﻨﯩﺪﯨﻼ ﺋﯘﻳﻐﯘﺭﻻﺭﻧﯩﯔ ﺋﯩﺸﻪﻧﭽﯩﺴﯩﮕﻪ ﺋﯧﺮﯨﺸﻪﻟﯩﮕﻪﻥ ﯞﻩ ﻛﻪﻣﺒﻪﻏﻪﻝ ﺋﯘﻳﻐﯘﺭ ﺋﺎﺋﯩﻠﯩﻠﯩﺮﻯ ﺑﯩﻠﻪﻥ ﺑﯩﺮﻟﯩﻜﺘﻪ ﻳﺎﺷﺎﭖ ﺋﯘﻳﻪﺭﺩﻩ ﺗﺎﺭﺗﻘﺎﻥ ﺭﻩﺳﯩﻤﻠﯩﺮﻯ ﺑﯩﻠﻪﻥ ﺩﯙﻟﯩﺘﯩﮕﻪ ﻗﺎﻳﺘﻘﺎﻧﺪﯨﻦ ﻛﯧﻴﯩﻦ ﺑﯩﺮ ﻛﯚﺭﮔﻪﺯﻣﻪ ﺋﺎﭼﻘﺎﻥ ﺋﯩﺪﻯ. ﺧﯩﺘﺎﻳﻼﺭﻧﯩﯔ ﺋﯧﺴﯩﻞ ﺋﯚﻳﻠﯩﺮﻯ ﺑﯩﻠﻪﻥ ﺋﯘﻳﻐﯘﺭﻻﺭﻧﯩﯔ ﻛﻪﻣﺒﻪﻏﻪﻟﻠﯩﻚ ﻳﯧﻐﯩﭗ ﺗﯘﺭﯨﺪﯨﻐﺎﻥ ﺋﯚﻳﻠﯩﺮﯨﺪﯨﻜﻰ ﺋﺎﺳﻤﺎﻥ ﺯﯦﻤﯩﻦ ﭘﻪﺭﻗﻨﻰ ﺋﻮﺗﺘﯘﺭﯨﻐﺎ ﭼﯩﻘﺎﺭﻏﺎﻥ ﺋﯩﺪﻯ. ﻣﻪﻥ ﺑﯘ ﻳﻪﺭﮔﻪ ﻣﯧﯖﯩﺸﺘﯩﻦ ﺑﯘﺭﯗﻥ ﻟﻮﻧﺪﻭﻧﺪﺍ ﻛﯚﺭﯛﺷﻜﻪﻥ ﺋﯘﻳﻐﯘﺭﻻﺭﻏﺎ : "ﻣﻪﻥ ﺗﯘﻧﺠﻰ ﻗﯧﺘﯩﻢ ﺑﺎﺭﻏﯩﻨﯩﻤﺪﺍ ﺳﯩﻠﻪﺭ ﺩﯦﮕﻪﻧﺪﻩﻙ ﺋﻪﻫﯟﺍﻟﻼﺭﻧﻰ ﻛﯚﺭﻣﯩﺪﯨﻢ، ﻧﯧﻤﯩﻨﻰ ﻳﺎﺯﯨﻤﻪﻥ، ﺋﯘﻳﻐﯘﺭﻻﺭﻧﯩﯔ ﻗﺎﻧﺪﺍﻕ ﻳﻪﭖ - ﺋﯩﭽﯩﯟﺍﺗﻘﯩﻨﯩﻨﯩﻤﯘ، ﻗﺎﻧﺪﺍﻕ ﺋﻮﻳﻨﺎﯞﺍﺗﻘﯩﻨﯩﻨﯩﻤﯘ؟،" ﺩﯦﮕﯩﻨﯩﻤﺪﻩ ﺋﯘﻻﺭ ﻣﺎﯕﺎ : ﺋﯘﻻﺭ ﺳﯩﺰﮔﻪ ﺭﯨﺌﺎﻟﻠﯩﻘﻨﻰ ﺩﯦﻴﻪﻟﻤﻪﻳﺪﯗ، ﺑﻮﻟﻤﯩﺴﺎ ﻛﺎﻟﻠﯩﺴﯩﻨﯩﯔ ﻛﯧﺘﯩﺪﯨﻐﺎﻧﻠﯩﻘﯩﻨﻰ ﺑﯩﻠﯩﺪﯗ. ﺳﯩﺰﻧﯩﯔ ﺗﯜﺭﻙ ﺟﯘﺭﻧﺎﻟﯩﺴﺖ ﺑﻮﻟﻐﺎﻧﻠﯩﻘﯩﯖﯩﺰﻧﻰ ﺑﯩﻠﯩﭗ ﻗﺎﻟﺴﺎ ﻛﯧﻴﯩﻦ ﺑﯧﺮﯨﭗ ﺳﯩﺰﻧﯩﯖﻤﯘ ﺋﯩﺰ - ﺩﯦﺮﯨﻜﯩﯖﯩﺰﻧﻰ ﻗﯩﻼﻟﻤﺎﻳﻤﯩﺰ، ﺧﯩﺘﺎﻳﺪﺍ ﻫﻪﻣﻤﻪ ﻛﯩﺸﻰ ﺋﯩﺸﭙﯩﻴﻮﻥ، ﺋﺎﺭﻗﺎﻣﺪﺍ ﺋﺎﺩﻩﻡ ﻳﻮﻕ ﺩﻩﭖ ﺋﻮﻳﻼﻳﺴﯩﺰ، ﻟﯧﻜﯩﻦ ﺋﺎﺭﻗﯩﯖﯩﺰﺩﺍ ﺋﺎﺯ ﺩﯦﮕﻪﻧﺪﻩ 4 - 5 ﺋﺎﺩﻩﻡ ﺑﺎﺭ، ﺷﯘﯕﺎ ﺩﯨﻘﻘﻪﺕ ﻗﯩﻠﯩﯔ،" ﺩﻩﭖ ﻣﯧﻨﻰ ﺋﺎﮔﺎﻫﻼﻧﺪﯗﺭﺩﻯ."