ﺑﯘ ﭼﺎﺗﻤﺎ ﺧﻪﯞﻩﺭﻟﻪﺭﺩﻩ، ﺋﯘﻳﻐﯘﺭ ﺩﯨﻴﺎﺭﯨﻨﯩﯔ ﯞﻩﺯﯨﻴﯩﺘﻰ، ﺋﯘﻳﻐﯘﺭﻻﺭﻧﯩﯔ ﻛﯜﻧﺪﯨﻠﯩﻚ ﺗﯘﺭﻣﯘﺷﻰ، ﺋﯘﻳﻐﯘﺭﻻﺭ ﺋﯘﭼﺮﺍﯞﺍﺗﻘﺎﻥ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﯨﻠﯩﺮﻯ ﻫﻪﻗﻘﯩﺪﻩ ﺋﯩﻨﺘﺎﻳﯩﻦ ﺗﻪﭘﺴﯩﻠﻰ ﻣﻪﻟﯘﻣﺎﺕ ﺑﯧﺮﯨﻠﮕﻪﻥ ﺑﻮﻟﯘﭖ، ﮔﯧﺰﯨﺘﺘﻪ ﺋﯧﻼﻥ ﻗﯩﻠﯩﻨﻐﺎﻧﺪﯨﻦ ﻛﯧﻴﯩﻦ ﺗﯜﺭﻛﯩﻴﻪﺩﯨﻜﻰ ﻛﯩﺸﯩﻠﻪﺭﻧﯩﯔ ﺋﯘﻳﻐﯘﺭ ﺩﯨﻴﺎﺭﻯ ﻫﻪﻗﻘﯩﺪﻩ ﺗﻮﻟﯘﻕ ﻣﻪﻟﯘﻣﺎﺗﻘﺎ ﺋﯩﮕﻪ ﺑﻮﻟﯘﺷﻰ ﺋﯜﭼﯜﻥ ﺭﻭﻝ ﺋﻮﻳﻨﺎﭖ، ﺋﻮﻗﯘﺭﻣﻪﻧﻠﻪﺭ ﺋﺎﺭﯨﺴﯩﺪﺍ ﻏﯘﻟﻐﯘﻻ ﻳﺎﺭﺍﺗﺘﻰ. ﺑﯜﮔﯜﻧﻜﻰ ﭘﺮﻭﮔﺮﺍﻣﯩﻤﯩﺰﺩﺍ 11 - ﺋﺎﯞﻏﯘﺳﺖ ﻛﯜﻧﻰ ﻫﯚﺭﯨﻴﻪﺕ ﮔﯧﺰﯨﺘﯩﺪﻩ ﺋﯧﻼﻥ ﻗﯩﻠﯩﻨﻐﺎﻥ `ﺋﯩﺰﻯ ﭼﯩﻘﻤﺎﻳﺪﯨﻐﺎﻥ ﻛﺎﻟﺘﻪﻙ ﺑﯩﻠﻪﻥ ﻗﯩﻴﻨﺎﺵ` ﻣﺎﯞﺯﯗﻟﯘﻕ ﻣﺎﻗﺎﻟﯩﺴﯩﻨﻰ ﺳﯩﻠﻪﺭﮔﻪ ﺳﯘﻧﯩﻤﯩﺰ.

ﺋﯩﺰﻯ ﭼﯩﻘﻤﺎﻳﺪﯨﻐﺎﻥ ﻛﺎﻟﺘﻪﻙ ﺑﯩﻠﻪﻥ ﻗﯩﻴﻨﺎﺵ

ﻓﺎﺭﯗﻙ ﺯﺍﺑﺠﻰ ﺋﻪﭘﻪﻧﺪﻯ ﻣﺎﻗﺎﻟﯩﺴﯩﻨﻰ ﻣﯘﻧﺪﺍﻕ ﺑﺎﺷﻼﻳﺪﯗ: " ﺧﯩﺘﺎﻳﻼﺭ ﺗﻪﺭﯨﭙﯩﺪﯨﻦ ﺗﻪﻥ ﺟﺎﺯﺍﺳﻰ ﺑﯧﺮﯨﻠﮕﻪﻥ ﺑﯩﺮ ﺋﯘﻳﻐﯘﺭﻧﻰ ﺗﯧﭙﯩﺸﯩﻢ ﺑﻪﻙ ﻗﯧﻴﯩﻦ ﺑﻮﻟﺪﻯ. ﻣﺎﯕﺎ ﺑﯘﻻﺭﻧﻰ ﺩﻩﭖ ﺑﻪﺭﮔﻪﻧﻠﯩﻜﯩﻨﻰ ﺑﯩﻠﯩﭗ ﻗﺎﻟﺴﺎ، ﺧﯩﺘﺎﻳﻼﺭﻧﯩﯔ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﺑﯩﻠﯩﭗ ﺗﯘﺭﯗﭖ، ﻣﺎﯕﺎ ﻗﺎﻧﺪﺍﻗﻤﯘ ﺩﻩﭖ ﺑﯧﺮﯨﺸﻜﻪ ﺟﺎﺳﺎﺭﻩﺕ ﻗﯩﻠﻐﺎﻧﻠﯩﻘﯩﻨﻰ ﺑﯩﻠﻪﻟﻤﻪﻳﻤﻪﻥ. ﺋﯘﻧﯩﯔ ﺩﯦﮕﻪﻧﻠﯩﺮﯨﻨﻰ ﺋﺎﯕﻼﭖ ﺑﻪﺩﯨﻨﯩﻢ ﺗﯩﻜﻪﻥ - ﺗﯩﻜﻪﻥ ﺑﻮﻟﯘﭖ ﻛﻪﺗﺘﻰ."

ﺟﯘﺭﻧﺎﻟﯩﺴﺖ ﻓﺎﺭﯗﺥ ﺯﺍﺑﺠﻰ ﺋﻪﭘﻪﻧﺪﻯ ﺗﯘﻳﯘﻗﺴﯩﺰ ﺧﯩﺘﺎﻱ ﺳﺎﻗﭽﯩﻠﯩﺮﻯ ﺗﻪﺭﯨﭙﯩﺪﯨﻦ ﻛﯚﺗﯜﺭﯛﻟﯜﭖ ﺗﻪﻥ ﺟﺎﺯﺍﺳﻰ ﺑﯧﺮﯨﻠﮕﻪﻥ ﺑﯩﺮ ﺋﯘﻳﻐﯘﺭﻧﯩﯔ ﺋﯘﻧﯩﯖﻐﺎ ﺩﻩﭖ ﺑﻪﺭﮔﻪﻧﻠﯩﺮﻯ ﻫﻪﻗﻘﯩﺪﻩ ﻣﯘﻧﺪﺍﻕ ﻳﺎﺯﯨﺪﯗ: "ﺑﯩﺮ ﻛﯜﻧﻰ ﻣﺎﺷﯩﻨﺎ ﺑﯩﻠﻪﻥ ﺋﯩﻜﻜﻰ ﻛﯩﺸﻰ ﻛﯧﻠﯩﭗ ﭘﯘﺕ ﻗﻮﻟﯘﻣﻨﻰ ﺑﺎﻏﻼﭖ ﺑﯧﺸﯩﻤﻨﻰ ﭼﺎﭘﺎﻥ ﺑﯩﻠﻪﻥ ﻳﯚﮔﻪﭖ ﻣﯧﻨﻰ ﺑﯩﺮ ﻣﺎﺷﯩﻨﯩﻐﺎ ﺳﯧﻠﯩﭗ ﺋﯧﻠﯩﭗ ﻣﺎﯕﺪﻯ. ﺑﯧﺸﯩﻤﻨﻰ ﻳﯚﮔﻪﭖ ﻗﻮﻳﻐﺎﭼﻘﺎ ﻣﯧﻨﻰ ﻧﻪﮔﻪ ﺋﯧﻠﯩﭗ ﻣﺎﯕﻐﺎﻧﻠﯩﻘﯩﻨﻰ ﺋﺎﯕﻘﯩﺮﺍﻟﻤﯩﺪﯨﻢ. ﻣﯧﻨﻰ ﺋﺎﭘﺎﺭﻏﺎﻥ ﻳﻪﺭ ﺳﺎﻗﭽﻰ ﺋﯩﺪﺍﺭﯨﺴﻰ ﺋﻪﻣﻪﺱ، ﻗﺎﭖ ﻗﺎﺭﺍﯕﻐﯘ ﺑﯩﺮ ﺑﯩﻨﺎ ﺋﯩﺪﻯ. ﺑﯘ ﻣﻪﺧﺴﯘﺱ ﺗﻪﻥ ﺟﺎﺯﺍﺳﻰ ﺑﯧﺮﯨﻠﯩﺪﯨﻐﺎﻥ ﻳﻪﺭﺩﻩﻙ ﻗﯩﻼﺗﺘﻰ. ﻣﯧﻨﻰ ﺋﯘﺩﺍ ﺋﯩﻜﻜﻰ ﻛﯜﻥ ﻗﯩﻴﻨﯩﺪﻯ. ﻛﯚﺯﯛﻣﻨﻰ ﺋﺎﭼﻘﺎﻧﺪﯨﻦ ﻛﯧﻴﯩﻦ ﻛﯚﺯﯛﻣﮕﻪ ﻧﯘﺭﻟﯘﻕ ﭼﯩﺮﺍﻗﻼﺭﻧﻰ ﺗﯘﺗﯘﭖ ﻗﯩﻴﻨﯩﺪﻯ. ﺧﯩﺘﺎﻳﻼﺭ ﻣﻪﻧﺪﯨﻦ ﻗﺎﻳﺘﺎ ﻗﺎﻳﺘﺎ `ﺗﯜﺭﻛﯩﻴﯩﺪﻩ ﻛﯩﻤﻨﻰ ﺗﻮﻧﯘﻳﺴﻪﻥ` ﺩﻩﭖ ﺳﻮﺭﯨﺪﻯ. ﺧﯩﺘﺎﻳﻼﺭ ﻣﯧﻨﻰ ﺋﯩﺰﻯ ﭼﯩﻘﻤﺎﻳﺪﯨﻐﺎﻥ ﺋﯜﺳﺘﻰ ﭘﯩﻼﺳﺘﯩﻚ ﺑﯩﻠﻪﻥ ﺋﻮﺭﺍﻟﻐﺎﻥ ﻛﺎﻟﺘﻪﻙ ﺑﯩﻠﻪﻥ ﺋﯘﺭﺩﻯ. ﺷﯘﻧﺪﺍﻕ ﻗﺎﺗﺘﯩﻖ ﺋﯘﺭﯗﯞﻩﺗﺘﯩﻜﻰ، ﻫﺎﺯﯨﺮ ﻣﺎﯕﺴﺎﻣﻤﯘ ﺑﻪﺩﯨﻨﯩﻢ ﺋﺎﻏﺮﯨﯟﺍﺗﯩﺪﯗ. ﺧﯩﺘﺎﻱ ﺟﺎﺳﯘﺳﻠﯩﺮﻯ ﺗﯜﺭﻛﯩﻴﯩﺪﻩ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﮕﻪ ﻗﺎﺭﺷﻰ ﻧﺎﻣﺎﻳﯩﺶ ﻗﯩﻠﻐﺎﻧﻼﺭ ﺑﯩﻠﻪﻥ ﻣﯘﻧﺎﺳﯩﯟﯦﺘﯩﻤﻨﯩﯔ ﺑﺎﺭ ﻳﻮﻗﻠﯩﻘﯩﻨﻰ ﺋﯧﻨﯩﻘﻼﺷﻘﺎ ﺗﯩﺮﯨﺸﺘﻰ."
 
ﺟﯘﺭﻧﺎﻟﯩﺴﺖ ﻓﺎﺭﯗﺥ ﺯﺍﺑﺠﻰ ﺋﻪﭘﻪﻧﺪﻯ، ﺋﯚﺯﻯ ﺋﯘﭼﺮﯨﻐﺎﻥ ﺗﻪﻥ ﺟﺎﺯﺍﺳﯩﻨﻰ ﺋﺎﯕﻼﺗﻘﺎﻥ ﺋﯘﻳﻐﯘﺭﻧﯩﯔ ﺗﺎﻳﺎﻕ ﻳﯧﮕﻪﻥ ﭘﺎﭼﯩﻘﯩﻨﻰ ﻛﯚﺭﺳﻪﺗﻜﻪﻧﻠﯩﻜﯩﻨﻰ، ﺋﻪﻣﻤﺎ ﺋﯩﺰﻯ ﭼﯩﻘﻤﺎﻳﺪﯨﻐﺎﻥ ﻛﺎﻟﺘﻪﻙ ﺑﯩﻠﻪﻥ ﺋﯘﺭﻏﺎﻥ ﺑﻮﻟﻐﺎﭼﻘﺎ، ﻫﯧﭽﻘﺎﻧﺪﺍﻕ ﺋﯩﺰ ﻛﯚﺭﻩﻟﻤﯩﮕﻪﻧﻠﯩﻜﯩﻨﻰ، ﺩﻩﻝ ﺑﯘ ﭼﺎﻏﺪﺍ ﺋﯘﻧﯩﯔ ﻗﯧﺮﯨﻨﺪﯨﺸﯩﻨﯩﯔ ﻳﯧﻨﯩﻐﺎ ﻛﯧﻠﯩﭗ: `ﺳﻪﻥ ﺳﺎﺭﺍﯕﻤﯘ، ﻧﯧﻤﻪ ﭼﻪﺗﺌﻪﻟﻠﯩﻜﻜﻪ ﺩﻩﭖ ﻳﯜﺭﯛﻳﺴﻪﻥ، ﺧﯩﺘﺎﻳﻼﺭ ﺑﯩﻠﯩﭗ ﻗﺎﻟﺴﺎ ﺳﯧﻨﻰ ﺋﯚﻟﺘﯜﺭﯨﯟﯦﺘﯩﺪﯗ، ﺋﯚﻟﮕﯜﯓ ﻛﻪﻟﺪﯨﻤﯘ؟ ﺩﯦﮕﻪﻧﻠﯩﻜﯩﻨﻰ ﻳﺎﺯﯨﺪﯗ. ﻓﺎﺭﯗﻙ ﺯﺍﺑﺠﻰ ﺋﻪﭘﻪﻧﺪﻯ ﻣﺎﻗﺎﻟﯩﺴﯩﺪﻩ، ﻧﯘﺭﻏﯘﻥ ﺋﯘﻳﻐﯘﺭ ﻳﺎﺷﻠﯩﺮﯨﻨﯩﯔ ﺧﯩﺘﺎﻱ ﺯﯗﻟﻤﯩﺪﯨﻦ ﻗﯧﭽﯩﭗ ﭘﺎﻛﯩﺴﺘﺎﻥ ﺋﺎﻓﻐﺎﻧﯩﺴﺘﺎﻧﻐﺎ ﻗﯧﭽﯩﭗ ﻛﯧﺘﯩﯟﺍﺗﻘﺎﻧﻠﯩﻘﯩﻨﻰ، ﺋﻪﻣﻤﺎ ﭘﺎﻛﯩﺴﺘﺎﻥ ﻫﯚﻛﯜﻣﯩﺘﯩﻨﯩﯔ ﺑﯘ ﻛﯩﺸﯩﻠﻪﺭﻧﯩﯔ ﺑﻪﺯﯨﻠﯩﺮﯨﻨﻰ ﺧﯩﺘﺎﻳﻐﺎ ﻗﺎﻳﺘﯘﺭﯗﭖ ﺑﻪﺭﮔﻪﻧﻠﯩﻜﯩﻨﻰ، ﺷﯘﯕﺎ ﺋﯘﻳﻐﯘﺭﻻﺭﻧﯩﯔ ﭘﺎﻛﯩﺴﺘﺎﻧﻠﯩﻘﻨﻰ ﻳﺎﺧﺸﻰ ﻛﯚﺭﻣﻪﻳﺪﯨﻐﺎﻧﻠﯩﻘﯩﻨﻰ ﻳﺎﺯﯨﺪﯗ.

ﻓﺎﺭﯗﻙ ﺯﺍﺑﺠﻰ ﺋﻪﭘﻪﻧﺪﻯ ﻣﺎﻗﺎﻟﯩﺴﯩﻨﻰ ﻣﯘﻧﺪﺍﻕ ﺩﺍﯞﺍﻡ ﻗﯩﻠﯩﺪﯗ: "ﭼﻪﺗﺌﻪﻟﺪﯨﻜﻰ ﺋﯘﻳﻐﯘﺭﻻﺭﻧﯩﯔ ﯞﻩﺗﯩﻨﯩﺪﻩ ﺧﯩﺘﺎﻳﻼﺭ ﺗﻪﺭﯨﭙﯩﺪﯨﻦ ﺋﯚﻟﺘﯜﺭﯛﻟﯜﯞﺍﺗﻘﺎﻥ ﺋﯘﻳﻐﯘﺭﻻﺭﺩﯨﻦ ﺋﺎﻧﭽﻪ ﺧﻪﯞﯨﺮﻯ ﻳﻮﻕ. ﺋﻪﺳﻪﺑﯩﻲ ﺩﯨﻨﭽﻰ ﺩﻩﭖ ﺋﻪﻳﯩﺒﻠﯩﻨﯩﭗ ﺋﯚﻟﺘﯜﺭﯛﻟﮕﻪﻥ ﺋﯘﻳﻐﯘﺭﻻﺭﻧﯩﯔ ﺳﺎﻧﻰ %90، ﺟﯩﻨﺎﻳﻪﺕ ﯞﻩ ﺑﺎﺷﻘﺎ ﺟﯩﻨﺎﻳﻪﺗﻠﻪﺭﺩﯨﻦ ﺋﯚﻟﺘﯜﺭﯛﻟﮕﻪﻥ ﺋﯘﻳﻐﯘﺭﻻﺭ ﺳﺎﻧﻰ %10 ﺩﻩﭖ ﭘﻪﺭﻩﺯ ﻗﯩﻠﯩﻨﻤﺎﻗﺘﺎ. ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﻠﮕﻪﻥ ﺋﯘﻳﻐﯘﺭﻻﺭﻧﯩﯔ ﻛﯚﭘﯩﻨﻰ ﺗﯧﻠﯧﯟﯨﺰﯨﻴﻪ ﻛﯚﺭﺳﻪﺗﻤﻪﻳﺪﯨﻜﻪﻥ، ﺑﻪﺯﯨﻠﯩﺮﯨﻨﯩﯔ ﺧﯩﺘﺎﻱ ﺳﺎﻗﭽﯩﻠﯩﺮﻯ ﺗﻪﺭﯨﭙﯩﺪﯨﻦ ﺋﯚﻟﺘﯜﺭﯛﻟﯜﭖ ﻗﻪﻳﻪﺭﮔﻪ ﻛﯚﻣﯜﻟﮕﻪﻧﻠﯩﻜﯩﻨﻰ ﺋﺎﺗﺎ - ﺋﺎﻧﯩﺴﯩﻤﯘ ﺑﯩﻠﻤﻪﻳﺪﯨﻜﻪﻥ. ﻫﻪﺗﺘﺎ ﺑﻪﺯﻯ ﺋﯘﻳﻐﯘﺭﻻﺭ ﺧﻮﺗﻪﻧﺪﻩ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﻠﮕﻪﻥ ﺋﯘﻳﻐﯘﺭﻻﺭﻧﯩﯔ ﺋﯩﭻ ﺋﻮﺭﮔﺎﻧﻠﯩﺮﯨﻨﯩﯔ ﺧﯩﺘﺎﻳﻼﺭ ﺗﻪﺭﯨﭙﯩﺪﯨﻦ ﺳﯧﺘﯩﻠﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﯛﺷﺘﻰ.

ﺋﯘﻳﻐﯘﺭ ﻗﯩﺰﻟﯩﺮﻯ ﭘﺎﻫﯩﺸﯩﻠﯩﻜﻜﻪ ﻣﻪﺟﺒﯘﺭﻟﯩﻨﯩﯟﺍﺗﯩﺪﯗ

ﻓﺎﺭﯗﻙ ﺯﺍﺑﺠﻰ ﺋﻪﭘﻪﻧﺪﻯ، ﺋﯘﻳﻐﯘﺭ ﺩﯨﻴﺎﺭﯨﺪﺍ ﺑﯘﺭﯗﻥ ﺧﯩﺘﺎﻱ ﭘﺎﻫﯩﺸﻪ ﻗﯩﺰﻟﯩﺮﯨﻨﯩﯔ ﻛﯚﭖ ﺋﯩﻜﻪﻧﻠﯩﻜﯩﻨﻰ، ﻛﯧﻴﯩﻨﻜﻰ 2 ﻳﯩﻠﺪﺍ ﺋﯘﻳﻐﯘﺭ ﻗﯩﺰﻟﯩﺮﯨﻨﯩﯔ ﺗﯧﺰﻻ ﻛﯚﭘﻪﻳﮕﻪﻧﻠﯩﻜﯩﻨﻰ ﺋﺎﯕﻠﯩﺘﯩﭗ ﻣﯘﻧﺪﺍﻕ ﺩﻩﭖ ﻳﺎﺯﯨﺪﯗ:" ﺷﯩﻨﺠﺎﯕﺪﺍ ﻳﺎﺵ ﺋﯘﻳﻐﯘﺭ ﻗﯩﺰﻟﯩﺮﯨﻨﯩﯔ ﻛﯚﭘﻰ ﺋﯩﺸﺴﯩﺰ، ﺋﯩﺶ ﺋﯩﺰﺩﯨﺴﯩﻤﯘ ﺋﯩﺶ ﺗﺎﭘﺎﻟﻤﺎﻳﺪﯨﻜﻪﻥ. ﺋﯘﻳﻐﯘﺭ ﻗﯩﺰﻟﯩﺮﯨﻨﯩﯔ ﭘﺎﻫﯩﺸﯩﻠﯩﻚ ﻗﯩﻠﯩﺸﻘﺎ ﻣﻪﺟﺒﯘﺭﻟﯩﻨﯩﯟﺍﺗﻘﺎﻧﻠﯩﻘﯩﻨﻰ ﺋﯚﺯ ﻛﯚﺯﯛﻡ ﺑﯩﻠﻪﻥ ﻛﯚﺭﺩﯛﻡ. ﻣﻪﻥ ﺗﯘﺭﻏﺎﻥ ﺋﺎﻟﯩﻲ ﻣﯧﻬﻤﺎﻧﺨﺎﻧﯩﻨﯩﯔ 2 - ﻗﻪﯞﯨﺘﻰ ﻗﯩﺰﻻﺭ ﺑﯩﻠﻪﻥ ﺗﺎﻣﺎﺷﺎ ﻗﯩﻠﯩﺸﻘﺎ ﻣﻪﺧﺴﯘﺱ ﺋﺎﻳﺮﯨﻠﻐﺎﻥ ﺑﻮﻟﯘﭖ، ﻛﯩﺸﯩﻠﻪﺭ 500 - 700 ﻳﯘﻩﻥ ﺑﯧﺮﯨﭗ ﻣﻪﺧﺴﯘﺱ ﺋﺎﻳﺮﯨﻠﻐﺎﻥ ﻛﯩﭽﯩﻚ ﺋﯚﻳﻠﻪﺭﺩﻩ ﻣﯘﺯﯨﻜﺎ ﺋﺎﯕﻼﭖ ﺋﻮﻳﻨﺎﻳﺪﯨﻜﻪﻥ. 100 ﻳﯜﻩﻧﮕﻪ ﺋﻪﺭ ﻛﯩﺸﯩﻠﻪﺭ ﺑﯩﻠﻪﻥ ﺑﯩﺮﮔﻪ ﺑﻮﻟﯩﯟﺍﺗﻘﺎﻥ ﻗﯩﺰﻻﺭ ﺑﻪﻛﻼ ﻛﯚﭖ ﺋﯩﻜﻪﻥ. ﻫﻪﻣﻤﻪ ﺋﻪﺭ ﻛﯩﺸﯩﻠﻪﺭ ﺋﯘﻳﻐﯘﺭ ﻗﯩﺰﻟﯩﺮﻯ ﺑﯩﻠﻪﻥ ﺑﯩﺮﮔﻪ ﺑﻮﻟﯘﺷﻨﻰ ﺧﺎﻻﻳﺪﯨﻜﻪﻥ. ﺧﯩﺘﺎﻱ ﺋﻪﺭﻛﻪﻛﻠﻪﺭ ﺗﺎﺧﺘﺎ ﺑﻪﺩﻩﻥ ﺧﯩﺘﺎﻱ ﻗﯩﺰﻟﯩﺮﯨﻐﺎ ﺋﺎﻧﭽﻪ ﻗﯩﺰﯨﻘﻤﺎﻳﺪﯨﻜﻪﻥ. ﺋﻪﻫﯟﺍﻝ ﺋﯩﮕﻪﻟﻠﻪﺵ ﺋﯜﭼﯜﻥ 2 - ﻗﻪﯞﻩﺗﻜﻪ ﭼﯩﻘﻘﺎﻥ ﯞﺍﻗﺘﯩﻤﺪﺍ ﻛﯚﯕﻠﯜﻡ ﻳﯧﺮﯨﻢ ﺑﻮﻟﻐﺎﻥ ﻫﺎﻟﺪﺍ ﺋﯘﻳﻐﯘﺭ ﻗﯩﺰﻟﯩﺮﯨﻨﯩﯔ ﻛﯚﭘﻠﯩﻜﯩﻨﻰ ﻛﯚﺭﺩﯛﻡ. ﺋﯩﻜﻜﻰ ﻳﯩﻞ ﺑﯘﺭﯗﻥ ﺋﯜﺭﯛﻣﭽﯩﮕﻪ ﺑﺎﺭﻏﺎﻥ ﯞﺍﻗﺘﯩﻤﺪﺍ ﭘﺎﻫﯩﺸﯩﻠﯩﻚ ﻗﯩﻠﯩﯟﺍﺗﻘﺎﻥ ﺧﯩﺘﺎﻱ ﻗﯩﺰﻟﯩﺮﯨﻨﯩﯔ ﻛﯚﭘﻠﯩﻜﯩﻨﻰ ﻛﯚﺭﮔﻪﻥ ﺋﯩﺪﯨﻢ، ﺋﻪﭘﺴﯘﺳﻜﻰ ﺑﯘ ﻗﯧﺘﯩﻢ ﺋﯘﻳﻐﯘﺭ ﻗﯩﺰﻟﯩﺮﯨﻨﯩﯔ ﻛﯚﭘﻠﯩﻜﯩﻨﻰ ﻛﯚﺭﺩﯛﻡ. 200 ﻳﯜﻩﻥ ﺑﻪﺭﺳﯩﯖﯩﺰ ﺋﻪﺭﻟﻪﺭﻧﯩﯔ ﻳﺎﺗﻘﺎﻥ ﻳﯧﺮﯨﮕﯩﭽﻪ ﻛﯧﻠﯩﺪﯨﻜﻪﻥ. ﺧﯩﺘﺎﻱ ﺧﻮﺟﺎﻳﯩﻨﻼﺭ ﻗﻮﻝ ﺋﺎﺳﺘﯩﺪﺍ ﺋﯩﺸﻠﻪﯞﺍﺗﻘﺎﻥ ﺋﯘﻳﻐﯘﺭ ﻗﯩﺰﻟﯩﺮﯨﻐﺎ ﺑﯜﮔﯜﻥ ﻣﯧﻬﻤﯩﻨﯩﻢ ﺑﺎﺭ ﻛﯧﻠﯩﯖﻼﺭ ﺩﯦﺴﻪ، ﻳﺎﻕ ﺩﯦﻴﻪﻟﻤﻪﻳﺪﯨﻜﻪﻥ. ﺋﻪﮔﻪﺭ ﺧﻮﺟﺎﻳﯩﻨﯩﻨﯩﯔ ﮔﯧﭙﯩﻨﻰ ﺋﺎﯕﻠﯩﻤﯩﺴﺎ ﺧﯩﺰﻣﻪﺗﺘﯩﻦ ﺑﻮﺷﯩﺘﯩﯟﯦﺘﯩﺪﯨﻜﻪﻥ. ﻫﻪﺗﺘﺎ ﺑﻪﺯﻯ ﺋﯘﻳﻐﯘﺭ ﺋﻪﺭﻟﻪﺭﻣﯘ 'ﺋﺎﻳﺎﻟﯩﻤﻨﻰ ﺋﯩﺸﺘﯩﻦ ﭼﯩﻘﯩﺮﯨﯟﻩﺗﻤﯩﺴﯘﻥ' ﺩﻩﭖ ﺋﺎﻳﺎﻟﯩﻨﯩﯔ ﺧﯩﺘﺎﻳﻼﺭ ﺑﯩﻠﻪﻥ ﻳﯧﺘﯩﺸﯩﻐﺎ ﺭﺍﺯﻯ ﺑﻮﻟﯘﺷﻘﺎ ﻣﻪﺟﺒﯘﺭ ﻗﺎﻟﯩﺪﯨﻜﻪﻥ."

ﻗﯩﺰﻻﺭﻧﻰ ﭘﺎﻫﯩﺸﯩﻠﯩﻚ ﻗﯩﻠﯩﺸﻘﺎ ﻣﻪﺟﺒﯘﺭﻻﺵ ﺷﯩﻨﺠﺎﯕﺪﺍ ﺟﯩﻨﺎﻳﻪﺕ ﻫﯧﺴﺎﺑﻼﻧﻤﺎﻳﺪﯨﻜﻪﻥ

ﺗﯜﺭﻛﯩﻴﻪﺩﯨﻜﻰ ﻧﻮﭘﯘﺯﻟﯘﻕ ﮔﯧﺰﯨﺘﻠﻪﺭﺩﯨﻦ ﺑﯩﺮﻯ ﺑﻮﻟﻐﺎﻥ ﻫﯚﺭﯨﻴﻪﺕ ﮔﯧﺰﯨﺘﯩﻨﯩﯔ ﻟﻮﻧﺪﻭﻧﺪﯨﻜﻰ ﻣﯘﺧﺒﯩﺮﻯ ﻓﺎﺭﯗﻙ ﺯﺍﺑﺠﻰ ﺋﻪﭘﻪﻧﺪﻯ ﺋﯜﺭﯛﻣﭽﻰ ﺭﺍﻣﺎﺩﺍ ﻣﯧﻬﻤﺎﻧﺨﺎﻧﯩﺴﯩﺪﺍ ﻛﯚﺭﮔﻪﻧﻠﯩﺮﯨﻨﻰ ﺋﺎﯕﻠﯩﺘﯩﭗ ﻣﯘﻧﺪﺍﻕ ﺩﻩﭖ ﻳﺎﺯﯨﺪﯗ: "ﺭﺍﻣﺎﺩﺍ ﻣﯧﻬﻤﺎﻧﺨﺎﻧﯩﺴﯩﺪﺍ ﺗﯘﺭﻏﺎﻥ ﯞﺍﻗﺘﯩﻤﺪﺍ ﻳﯧﻨﯩﻤﻐﺎ ﻛﻪﻟﮕﻪﻥ ﺋﺎﺭﺯﯗﮔﯘﻝ ﺋﯩﺴﯩﻤﻠﯩﻚ ﻗﯩﺰ، ﺋﯘﺳﺘﺎ ﺑﯩﺮ ﭘﺎﻫﯩﺸﻪ ﺑﻮﻟﻐﺎﻥ ﺋﯩﺪﻯ. ﺋﻪﺭﻛﻪﻛﻠﻪﺭ ﺑﯩﻠﻪﻥ ﺑﯩﻠﻠﻪ ﺑﻮﻟﯘﺵ ﺋﯜﭼﯜﻥ ﺳﻮﺩﯨﻼﺷﻘﺎﻧﺪﺍ ﻗﯩﻠﭽﯩﻠﯩﻜﻤﯘ ﻧﻮﻣﯘﺱ ﻗﯩﻠﻤﺎﻳﺘﺘﻰ. ﻣﯧﻬﻤﺎﻧﺨﺎﻧﯩﺪﺍ ﺋﯩﺸﻠﻪﻳﺪﯨﻐﺎﻧﻼﺭ ﺑﯘ ﻗﯩﺰﻻﺭﻧﯩﯔ ﭘﺎﻫﯩﺸﯩﻠﯩﻚ ﻗﯩﻠﯩﺸﯩﻨﻰ ﺗﻮﺳﯘﺵ ﺑﯩﺮ ﻳﺎﻗﺘﺎ ﺗﯘﺭﺳﯘﻥ، ﺋﯘﻻﺭﻧﯩﯔ ﺧﯧﺮﯨﺪﺍﺭ ﺗﯧﭙﯩﺸﯩﻐﺎ ﻳﺎﺭﺩﻩﻡ ﻗﯩﻠﯩﺪﯨﻜﻪﻥ. ﻣﻪﻥ ﺋﯘﻳﻐﯘﺭ ﻗﯩﺰﻟﯩﺮﯨﻨﯩﯔ ﻗﺎﻧﭽﻪ ﭘﯘﻟﻐﺎ ﺧﯩﺘﺎﻳﻼﺭ ﺑﯩﻠﻪﻥ ﺑﯩﻠﻠﻪ ﺑﻮﻟﯩﯟﺍﺗﻘﺎﻧﻠﯩﻘﯩﻨﻰ ﺳﻮﺭﯨﻐﺎﻥ ﯞﺍﻗﺘﯩﻤﺪﺍ ﺋﺎﺭﺯﯗﮔﯘﻝ ﻗﯩﻠﭽﯩﻠﯩﻚ ﻧﻮﻣﯘﺱ ﻗﯩﻠﻤﺎﺳﺘﯩﻦ 200 ﻳﯜﻩﻥ ﺩﯦﺪﻯ. ﺭﺍﻣﺎﺩﺍ ﻣﯧﻬﻤﺎﻧﺨﺎﻧﯩﺴﯩﺪﺍ ﺋﺎﺧﺸﺎﻡ ﺳﺎﺋﻪﺕ 10 ﺑﻮﻻ ﺑﻮﻟﻤﺎﻱ ﺗﯧﻠﯧﻔﻮﻧﯩﯖﯩﺰ ﺟﯩﺮﯨﯖﻼﺷﻘﺎ ﺑﺎﺷﻼﻳﺪﯗ، ﻧﺎﭼﺎﺭ ﺋﯩﻨﮕﯩﻠﯩﺰﭼﻪ ﺑﯩﻠﻪﻥ `ﻗﯩﺰ ﻻﺯﯨﻤﻤﯘ` ﺩﻩﭖ ﺳﻮﺭﺍﻳﺪﯗ. ﺑﺎﻱ ﺧﯩﺘﺎﻳﻼﺭ ﺋﺎﻳﺎﻟﻠﯩﻖ ﺧﯘﺳﯘﺳﯩﻴﯩﺘﻰ ﺑﻮﻟﻤﯩﻐﺎﻥ ﺧﯩﺘﺎﻱ ﻗﯩﺰﻟﯩﺮﯨﻨﻰ ﺋﻪﻣﻪﺱ ﺋﯘﻳﻐﯘﺭ ﻗﯩﺰﻟﯩﺮﯨﻨﻰ ﻳﺎﻗﺘﯘﺭﯨﺪﯨﻜﻪﻥ. ﺑﯘ ﻣﻪﻗﺴﻪﺕ ﺋﯜﭼﯜﻥ ﺧﯩﺘﺎﻳﻼﺭ ﺋﯩﭽﻜﯩﺮﯨﺪﯨﻦ، 9 - 10 - ﺋﺎﻳﻼﺭﺩﺍ ﺋﯘﻳﻐﯘﺭ ﺭﺍﻳﻮﻧﯩﻐﺎ ﻣﻪﺧﺴﯘﺱ ﺳﺎﻳﺎﻫﻪﺕ ﺋﯚﻣﻪﻛﻠﯩﺮﻯ ﺋﯘﻳﯘﺷﺘﯘﺭﯨﺪﯨﻜﻪﻥ. ﻫﻪﺗﺘﺎ ﻫﻪﭘﺘﻪ ﺋﺎﺧﯩﺮﻯ ﺧﯩﺘﺎﻳﻼﺭ ﺋﯘﻳﻐﯘﺭ ﻗﯩﺰﻟﯩﺮﯨﻨﻰ ﺋﯩﭽﻜﯩﺮﻯ ﺭﺍﻳﻮﻧﻼﺭﻏﺎ ﺋﺎﭘﯩﺮﯨﭗ ﻗﺎﯞﺍﻗﺨﺎﻧﯩﻼﺭﺩﺍ ﺧﯩﺘﺎﻳﻼﺭﻏﺎ ﺳﯧﺘﯩﭗ ﺩﯛﺷﻪﻧﺒﻪ ﻛﯜﻧﻰ ﻳﻪﻧﻪ ﺋﯜﺭﯛﻣﭽﯩﮕﻪ ﻗﺎﻳﺘﯩﭗ ﻛﯧﻠﯩﺪﯨﻜﻪﻥ."

ﺗﯘﺗﯘﻟﯘﭖ ﻗﺎﻟﻐﯩﻠﻰ ﺗﺎﺱ ﻗﺎﻟﺪﯨﻢ

ﺗﯩﺒﻪﺗﺘﻪ ﺑﻮﻟﻐﺎﻥ ﯞﻩﻗﻪﻟﻪﺭﻧﻰ ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﯩﮕﻪ ﺋﯘﻧﯘﺗﻘﯘﺯﯗﺵ ﺋﯜﭼﯜﻥ ﺧﯩﺘﺎﻳﻼﺭ ﺋﯜﺭﯛﻣﭽﯩﺪﻩ ﺑﯩﺮ ﺳﻪﻧﺌﻪﺕ ﺑﺎﻳﺮﯨﻤﻰ ﺋﯘﻳﯘﺷﺘﯘﺭﺩﻯ. ﺑﯘ ﺳﻪﻧﺌﻪﺕ ﺑﺎﻳﺮﯨﻤﯩﻐﺎ ﺗﯜﺭﻛﯩﻴﻪ، ﺭﯗﺳﯩﻴﻪ، ﻣﯩﺴﯩﺮ، ﻣﯧﻜﺴﯩﻜﺎ، ﻫﯩﻨﺪﯨﺴﺘﺎﻥ، ﺷﯩﻤﺎﻟﯩﻲ ﻛﻮﺭﯨﻴﻪ ﯞﻩ ﮔﯧﺮﯨﺘﺴﯩﻴﻪﺩﯨﻦ ﺳﻪﻧﺌﻪﺕ ﺋﯚﻣﻪﻛﻠﯩﺮﻯ ﻗﺎﺗﻨﺎﺷﺘﻰ. ﺑﯘ ﺳﻪﻧﺌﻪﺕ ﺑﺎﻳﺮﯨﻤﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﺪﺍ ﺳﯚﺯ ﻗﯩﻠﻐﺎﻥ ﺧﯩﺘﺎﻱ ﺭﻩﻫﺒﻪﺭﻟﯩﺮﻯ، ﺧﯩﺘﺎﻳﺪﯨﻜﻰ ﻫﻪﺭﻗﺎﻳﺴﻰ ﻣﯩﻠﻠﻪﺗﻠﻪﺭﻧﯩﯔ ﺗﻪﯓ-ﺑﺎﺭﺍﯞﻩﺭ، ﺋﯩﺘﺘﯩﭙﺎﻗﻠﯩﻖ ﺋﯩﭽﯩﺪﻩ، ﺑﻪﺧﯩﺘﻠﯩﻚ ﻫﺎﻟﺪﺍ ﻳﺎﺷﺎﯞﺍﺗﻘﺎﻧﻠﯩﻘﯩﻨﻰ ﺗﻪﻛﯩﺘﻠﯩﺪﻯ. ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﺧﯩﻞ ﺳﻪﻧﺌﻪﺕ ﺑﺎﻳﺮﯨﻤﻰ ﺋﺎﺭﻗﯩﻠﯩﻖ ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﯩﮕﻪ ﺑﯩﺰﻧﯩﯔ ﺋﯘﻳﻐﯘﺭ ﻣﻪﺳﯩﻠﯩﻤﯩﺰ ﻳﻮﻕ، ﺋﯘﻳﻐﯘﺭﻻﺭ ﺑﻪﺧﯩﺘﻠﯩﻚ، ﺋﯘﻻﺭ ﺑﯩﺰﮔﻪ ﺳﺎﺩﯨﻖ ﺩﯦﮕﻪﻥ ﺳﯩﮕﻨﺎﻟﻨﻰ ﺑﻪﺭﻣﻪﻛﭽﻰ. 6 - ﺋﺎﻳﻨﯩﯔ 8 - ﻛﯜﻧﯩﺪﯨﻦ 18 - ﻛﯜﻧﯩﮕﯩﭽﻪ ﺋﯜﺭﯛﻣﭽﯩﺪﻩ ﺋﯚﺗﻜﯜﺯﯛﻟﮕﻪﻥ ﺑﯘ ﺳﻪﻧﺌﻪﺕ ﺑﺎﻳﺮﯨﻤﯩﻐﺎ ﺗﯩﺒﻪﺗﺘﯩﻦ 25، ﺋﯘﻳﻐﯘﺭﻻﺭﺩﯨﻦ 500 ﺩﯨﻦ ﺋﺎﺭﺗﯘﻕ ﺳﻪﻧﺌﻪﺗﭽﻰ ﻗﺎﺗﻨﺎﺷﺘﻰ.

ﺑﯘ ﺳﻪﻧﺌﻪﺕ ﺑﺎﻳﺮﯨﻤﯩﻐﺎ ﺗﯜﺭﻛﯩﻴﯩﺪﯨﻦ 6 ﺳﻪﻧﺌﻪﺗﭽﻰ ﻗﺎﺗﻨﺎﺷﻘﺎﻥ ﺑﻮﻟﯘﭖ، ﺗﯜﺭﻙ ﺑﺎﻳﺮﯨﻘﻰ ﺋﻪﯓ ﺑﺎﺷﻘﺎ ﺋﯧﺴﯩﻠﻐﺎﻥ ﺋﯩﺪﻯ. ﺗﯜﺭﻙ ﺳﻪﻧﺌﻪﺗﭽﯩﻠﻪﺭ ﺳﻪﻧﯩﮕﻪ ﭼﯩﻘﻘﺎﻧﺪﺍ، ﺯﺍﻟﺪﯨﻜﻰ ﭘﯜﺗﯜﻥ ﺋﯘﻳﻐﯘﺭﻻﺭ ﻗﯩﺰﻏﯩﻦ ﺋﺎﻟﻘﯩﺸﻠﯩﺪﻯ، ﻣﻪﻥ ﻫﺎﻳﺎﺟﯧﻨﯩﻤﻨﻰ ﺑﺎﺳﺎﻟﻤﺎﻱ ﭘﻪﺳﻜﻪ ﭼﯜﺷﯜﭖ، ﺗﯜﺭﻙ ﺳﻪﻧﺌﻪﺗﭽﯩﻠﻪﺭ ﺑﯩﻠﻪﻥ ﻛﯚﺭﯛﺷﺘﯜﻡ. ﺗﯜﺭﻙ ﺳﻪﻧﺌﻪﺗﭽﯩﻠﻪﺭﻧﯩﯔ ﻣﻪﺳﺌﯘﻟﻰ ﻗﺎﺩﺭﻯ ﺋﻪﺭﮔﻪﻧﺪﯨﻦ ﻣﻪﻟﯘﻣﺎﺕ ﺋﯧﻠﯩﯟﺍﺗﻘﺎﻥ ﯞﺍﻗﺘﯩﻤﺪﺍ، ﺧﯩﺘﺎﻱ ﺟﺎﺳﯘﺳﻼﺭ ﻛﯧﻠﯩﭗ ﺑﯘ ﻳﻪﺭﺩﻩ ﻣﻪﻟﯘﻣﺎﺕ ﺋﯧﻠﯩﺸﻘﺎ ﺭﯗﺧﺴﻪﺕ ﻳﻮﻕ ﺩﯦﺪﻯ. ﺟﯘﺭﻧﺎﻟﯩﺴﺖ ﺋﯩﻜﻪﻧﻠﯩﻜﯩﻤﻨﻰ ﺑﯩﻠﯩﭗ ﻗﺎﻟﻐﺎﻥ ﺑﻮﻟﺴﺎ ﻣﯧﻨﻰ ﺗﯘﺗﯘﭖ ﺳﻮﻻﭖ ﻗﻮﻳﻐﺎﻥ ﺑﻮﻻﺗﺘﻰ. ﻗﺎﺩﺭﻯ ﺋﻪﺭﮔﻪﻥ ﺋﻪﭘﻪﻧﺪﻯ ﺋﯘﻳﻐﯘﺭ ﺭﺍﻳﻮﻧﯩﺪﺍ ﺑﯘﻧﺪﺍﻕ ﺑﯩﺮ ﭘﺎﺋﺎﻟﯩﻴﻪﺗﻜﻪ ﻗﺎﺗﻨﺎﺷﻘﺎﻧﻠﯩﻘﯩﺪﯨﻦ ﺋﯩﻨﺘﺎﻳﯩﻦ ﺧﯘﺭﺳﻪﻥ ﺑﻮﻟﻐﺎﻧﻠﯩﻘﯩﻨﻰ ﺋﯧﻴﺘﺘﻰ. ﻣﻪﻥ ﺗﯘﺗﯘﻟﯘﭖ ﻗﺎﻟﻤﺎﻱ ﺩﻩﭖ ﺩﻩﺭﻫﺎﻝ ﺋﯘﻻﺭﺩﯨﻦ ﺋﯘﺯﺍﻗﻼﺷﺘﯩﻢ."