ﺑﯘ ﻫﻪﺭﯨﻜﻪﺗﻠﻪﺭﺩﻩ ﻛﯜﺗﯜﻟﮕﻪﻥ ﺋﯜﻣﯩﺪ ﻧﯧﻤﻪ ﺋﯩﺪﻯ؟ ﻧﯧﻤﯩﻠﻪﺭ ﻗﺎﺯﯨﻨﯩﻠﺪﻯ؟ ﺑﯘ ﻫﻪﻗﺘﻪ ﻛﺎﻧﺎﺩﺍ ﺋﯘﻳﻐﯘﺭ ﺟﻪﻣﯩﻴﯩﺘﯩﻨﯩﯔ ﺑﺎﺷﻠﯩﻐﻰ ﺭﯗﻗﯩﻴﻪ ﺗﯘﺭﺩﯗﺵ ﺧﺎﻧﯩﻢ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﺩﯗﻕ.

ﺳﻮﺋﺎﻝ: ﺑﯧﻴﺠﯩﯔ ﺋﻮﻟﯩﻤﭙﯩﻜﻰ ﺋﺎﻳﺎﻗﻼﺷﺘﻰ، ﺧﯩﺘﺎﻱ ﺋﻮﻟﯩﻤﭙﯩﻜﻨﯩﯔ ﻏﻪﻟﯩﺒﯩﻠﯩﻚ ﺋﺎﻳﺎﻗﻼﺷﻘﺎﻧﻠﯩﻘﯩﻨﻰ ﺗﻪﻥ - ﺗﻪﻧﻪ ﻗﯩﻠﯩﯟﺍﺗﯩﺪﯗ، ﺧﻪﻟﻘﺌﺎﺭﺍﺩﺍ ﻫﻪﺭﺧﯩﻞ ﻗﺎﺭﺍﺷﻼﺭ ﻣﻪﯞﺟﯘﺕ. ﺳﯩﺰ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻨﯩﯔ ﻧﻪﺗﯩﺠﯩﺴﯩﮕﻪ ﻗﺎﻧﺪﺍﻕ ﺑﺎﻫﺎ ﺑﯧﺮﯨﺴﯩﺰ؟

ﺟﺎﯞﺍﺏ : ﺧﯩﺘﺎﻱ ﺑﯧﻴﺠﯩﯔ ﺋﻮﻟﯩﻤﭙﯩﻜﻰ ﺋﺎﺭﻗﯩﻠﯩﻖ ﺋﯩﻘﺘﯩﺴﺎﺩﯨﻲ ﺟﻪﻫﻪﺗﺘﯩﻜﻰ ﯞﻩ ﺗﯧﺨﻨﯩﻜﺎ ﺟﻪﻫﻪﺗﺘﯩﻜﻰ ﺗﻪﺭﻩﻗﻘﯩﻴﺎﺗﯩﻨﻰ ﺩﯗﻧﻴﺎﻏﺎ ﻧﺎﻣﺎﻳﻪﻥ ﻗﯩﻠﺪﻯ. ﺑﯘ ﺧﯩﺘﺎﻳﻨﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﺪﯨﻜﻰ ﻏﻪﻟﯩﺒﯩﺴﻰ؛ ﺧﯩﺘﺎﻱ ﺋﻮﻟﯩﻤﭙﯩﻚ ﺋﺎﺭﻗﯩﻠﯩﻖ ﻳﻪﻧﻪ، ﻣﻪﺩﻩﻧﯩﻴﻪﺕ ﺟﻪﻫﻪﺗﺘﻪ، ﺟﯜﻣﻠﯩﺪﯨﻦ ﺋﺎﯓ ﺟﻪﻫﻪﺗﺘﻪ، ﺗﯧﺨﻰ ﻛﯚﭖ ﺋﺎﺭﻗﯩﺪﺍ ﺋﯩﻜﻪﻧﻠﯩﻜﯩﻨﻰ ﺋﺎﺷﻜﺎﺭﯨﻠﯩﺪﻯ. ﺋﻮﻟﯩﻤﭙﯩﻚ ﺟﻪﺭﻳﺎﻧﯩﺪﺍ ﻳﯜﺯ ﺑﻪﺭﮔﻪﻥ ﺑﯩﺮ ﻗﯩﺴﯩﻢ ﺳﺎﺧﺘﯩﭙﻪﺯﻟﯩﻜﻠﻪﺭ، ﻫﯚﻛﯜﻣﻪﺕ ﺗﻪﺭﯨﭙﯩﺪﯨﻦ ﺑﯧﺮﯨﻠﮕﻪﻥ، ﺋﻪﻣﻤﺎ ﺋﻪﻣﻪﻟﯩﻴﻠﻪﺷﻤﯩﮕﻪﻥ ﯞﻩﺩﯨﻠﻪﺭ، ﺧﯩﺘﺎﻳﻨﯩﯔ ﺑﯘ ﺟﻪﻫﻪﺗﺘﯩﻜﻰ ﺋﺎﺟﯩﺰﻟﯩﻘﻠﯩﺮﯨﻨﻰ ﺋﺎﺷﻜﺎﺭﯨﻠﯩﺪﻯ. ﺑﯩﺮﻻ ﻣﯩﺴﺎﻝ ﺋﺎﻟﺴﺎﻕ، ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻚ ﺟﻪﺭﻳﺎﻧﯩﺪﺍ ﻫﯧﭽﻘﺎﻧﺪﺍﻕ ﺑﯩﺮ ﻧﺎﻣﺎﻳﯩﺸﻘﺎ ﻳﻮﻝ ﻗﻮﻳﻤﯩﻐﺎﻧﻠﯩﻘﯩﻨﯩﯔ ﺋﯚﺯﯨﻼ ﺧﯩﺘﺎﻳﻨﯩﯔ ﺗﯧﻨﭻ ﯞﻩ ﺳﺎﻏﻼﻡ ﺑﯩﺮ ﺟﻪﻣﯩﻴﻪﺕ ﺋﻪﻣﻪﺳﻠﯩﻜﯩﻨﻰ ﻛﯚﺭﺳﻪﺗﺘﻰ. ﻗﯩﺴﻘﯩﺴﻰ ﺧﯩﺘﺎﻳﻨﯩﯔ ﺋﯚﺯ ﺧﻪﻟﻘﯩﻨﻰ ﺋﺎﺩﺍﻟﻪﺗﻜﻪ ﺗﺎﻳﯩﻨﯩﭗ ﺋﻪﻣﻪﺱ ﻗﻮﺭﺍﻝ ﻛﯜﭼﯩﮕﻪ ﺗﺎﻳﯩﻨﯩﭗ ﺋﯩﺘﺎﺋﻪﺕ ﻗﯩﻠﺪﯗﺭﯗﭖ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ ﺩﯗﻧﻴﺎﻏﺎ ﺋﺎﺷﻜﺎﺭﯨﻠﯩﺪﻯ.

ﺳﻮﺋﺎﻝ : ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻐﺎ ﻗﺎﺭﺷﻰ ﺋﯩﺰﭼﯩﻞ ﻗﺎﺭﺷﯩﻠﯩﻖ ﻛﯚﺭﺳﯩﺘﯩﭗ ﻛﻪﻟﺪﻯ. ﺑﯘ ﻫﻪﺭﯨﻜﻪﺗﻠﯩﺮﯨﺪﻩ ﻛﯜﺗﻜﻪﻥ ﺋﯜﻣﯩﺪﻯ ﻧﯧﻤﻪ ﺋﯩﺪﻯ؟ ﻧﻪﺗﯩﺠﻪ ﻧﯧﻤﻪ ﺑﻮﻟﺪﻯ؟

ﺟﺎﯞﺍﺏ: ﺩﯦﮕﯩﻨﯩﯖﯩﺰﺩﻩﻙ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻐﺎ ﻗﺎﺭﺷﻰ ﻣﻪﻳﺪﺍﻧﺪﺍ ﭘﺎﺋﺎﻟﯩﻴﻪﺗﻠﻪﺭﻧﻰ ﺋﯧﻠﯩﭗ ﺑﺎﺭﺩﯗﻕ، ﺋﻮﻟﯩﻤﭙﯩﻜﻨﯩﯔ ﺑﯩﻜﺎﺭ ﻗﯩﻠﯩﻨﯩﺸﯩﻨﻰ ﺗﻪﻟﻪﭖ ﻗﯩﻠﺪﯗﻕ، ﺋﺎﺳﺎﺳﻠﯩﻖ ﻣﻪﻗﺴﯩﺘﯩﻤﯩﺰ ﺋﻮﻟﯩﻤﭙﯩﻚ ﻣﻪﺯﮔﯩﻠﯩﺪﯨﻦ ﭘﺎﻳﺪﯨﻠﯩﻨﯩﭗ ﺷﻪﺭﻗﻰ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﻰ ﺧﻪﻟﻘﺌﺎﺭﺍ ﺟﺎﻣﺎﺋﻪﺕ ﭘﯩﻜﺮﯨﻨﯩﯔ ﻛﯜﻥ ﺗﻪﺭﺗﯩﭙﯩﮕﻪ ﺋﻪﻛﯩﻠﯩﺶ، ﺋﯘﻳﻐﯘﺭ ﻣﻪﺳﯩﻠﯩﺴﯩﻨﻰ ﺩﯗﻧﻴﺎﻏﺎ ﻛﻪﯓ ﻛﯚﻟﻪﻣﺪﻩ ﺗﻮﻧﯘﺗﯘﺵ ﺋﯩﺪﻯ. ﺑﯘ ﻣﻪﻗﺴﯩﺘﯩﻤﯩﺰﮔﻪ ﺋﺎﺳﺎﺳﻪﻥ ﺩﯦﮕﯜﺩﻩﻙ ﻳﻪﺗﺘﯘﻕ.

ﺧﯩﺘﺎﻱ 11 ‏ - ﺳﯧﻨﺘﻪﺑﯩﺮ ﯞﻩﻗﻪﺳﯩﮕﻪ ﻗﻪﺩﻩﺭ ﺷﻪﺭﻗﻰ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﻰ ﺩﯗﻧﻴﺎﺩﯨﻦ ﺋﯩﺰﭼﯩﻞ ﻳﻮﺷﯘﺭﯗﭖ ﻛﻪﻟﮕﻪﻥ، ﺷﻪﺭﻗﻰ ﺗﯜﺭﻛﯩﺴﺘﺎﻥ ﺩﯦﮕﻪﻥ ﻧﺎﻣﻨﻰ ﺗﯩﻠﻐﺎ ﺋﯧﻠﯩﺸﺘﯩﻨﻤﯘ ﺋﯚﺯﯨﻨﻰ ﻗﺎﭼﯘﺭﯗﭖ ﻛﻪﻟﮕﻪﻥ. 11 ‏ - ﺳﯧﻨﺘﻪﺑﯩﺮﺩﯨﻦ ﻛﯧﻴﯩﻦ ﺷﻪﺭﻗﻰ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﯩﯔ ﻣﻪﯞﺟﯘﺗﻠﯘﻗﯩﻨﻰ ﺋﯧﺘﯩﺮﺍﭖ ﻗﯩﻠﻐﺎﻥ ﺑﻮﻟﺴﯩﻤﯘ ﺋﯘﻧﻰ ﺑﻪﺯﯨﺪﻩ ﻛﯩﭽﯩﻜﻠﯩﺘﯩﭗ، ﺑﻪﺯﯨﺪﻩ ﻳﻮﻕ ﻛﯚﺭﺳﯩﺘﯩﭗ ﻛﻪﻟﮕﻪﻥ. ﺧﯩﺘﺎﻱ ﺋﻮﻟﯩﻤﭙﯩﻜﻘﺎ ﺑﯩﺮ ﻳﯩﻞ ﻗﺎﻟﻐﺎﻧﺪﺍ ﺋﻮﻟﯩﻤﭙﯩﻚ ﺑﯩﺨﻪﺗﻪﺭﻟﯩﻜﯩﮕﻪ 1 ‏ - ﺩﻩﺭﯨﺠﯩﻠﯩﻚ ﺗﻪﻫﺪﯨﺖ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺗﯧﺮﺭﻭﺭﭼﯩﻠﯩﺮﻯ ﺩﻩﭖ ﺋﻪﻳﯩﺒﻠﻪﭖ ﻛﻪﻟﺪﻯ، ﺑﯘ ﺋﺎﺭﻗﯩﻠﯩﻖ ﺧﯩﺘﺎﻱ، ﺷﻪﺭﻗﻰ ﺗﯜﺭﻛﯩﺴﺘﺎﻥ ﻣﯘﺳﺘﻪﻗﯩﻠﻠﯩﻘﻰ ﺩﯦﮕﻪﻥ ﺑﯩﺮ ﻣﻪﺳﯩﻠﯩﻨﯩﯔ ﻣﻪﯞﺟﯘﺗﻠﯘﻗﯩﻨﻰ ﻳﯜﻛﺴﻪﻙ ﺗﻮﻥ ﺑﯩﻠﻪﻥ ﺋﺎﺷﻜﺎﺭﯨﻠﯩﺪﻯ. ﺋﯘﻧﯩﯔ ﺋﯜﺳﺘﯩﮕﻪ ﺷﻪﺭﻗﻰ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﯩﯔ ﺧﯩﺘﺎﻳﺪﯨﻜﻰ ﺑﯩﺮﯨﻨﭽﻰ ﺩﻩﺭﯨﺠﯩﻠﯩﻚ ﺟﯩﺪﺩﯨﻲ ﻣﻪﺳﯩﻠﻪ ﺋﯩﻜﻪﻧﻠﯩﻜﯩﻨﻰ ﯞﺍﺳﯩﺘﯩﻠﯩﻚ ﺋﯧﺘﯩﺮﺍﭖ ﻗﯩﻠﺪﻯ. ﺑﯘﻧﯩﯔ ﻧﻪﺗﯩﺠﯩﺴﯩﺪﻩ ﭘﯜﺗﯜﻥ ﺩﯗﻧﻴﺎ ﻣﻪﺗﺒﯘﺋﺎﺗﯩﺪﺍ، ﺋﯘﻳﻐﯘﺭ ﻣﻪﺳﯩﻠﯩﺴﻰ ﺑﯜﮔﯜﻧﮕﻪ ﻗﻪﺩﻩﺭ ﻛﯚﺭﯛﻟﯜﭖ ﺑﺎﻗﻤﯩﻐﺎﻥ ﺩﻩﺭﯨﺠﯩﺪﻩ ﻛﻪﯓ ﻛﯚﻟﻪﻣﻠﯩﻚ ﺧﻪﯞﻩﺭ ﯞﻩ ﻣﯘﻻﻫﯩﺰﻩ ﺗﯧﻤﯩﺴﻰ ﺑﻮﻟﺪﻯ. ﺑﯘ، ﺑﯩﺰ - ﺋﯘﻳﻐﯘﺭﻻﺭ ﺋﻮﻟﯩﻤﭙﯩﻜﺘﻪ ﺋﯧﺮﯨﺸﻜﻪﻥ ﻧﻪﺗﯩﺠﯩﻠﻪﺭﺩﯨﻦ ﺑﯩﺮﻯ.

ﺳﻮﺋﺎﻝ: ﺋﯘﻳﻐﯘﺭﻻﺭﻧﯩﯔ ﺋﻮﻟﯩﻤﭙﯩﻜﺘﺎ ﺋﯧﺮﯨﺸﻜﻪﻥ ﻧﻪﺗﯩﺠﯩﻠﯩﺮﻯ ﺳﯜﭘﯩﺘﯩﺪﻩ ﻳﻪﻧﻪ ﻧﯧﻤﯩﻠﻪﺭﻧﻰ ﺗﯩﻠﻐﺎ ﺋﯧﻠﯩﺶ ﻣﯘﻣﻜﯩﻦ؟

ﺟﺎﯞﺍﺏ: ﺋﻪﯓ ﻣﯘﻫﯩﻤﻰ ﺩﯗﻧﻴﺎ ﺋﻮﻟﯩﻤﭙﯩﻚ ﺟﻪﺭﻳﺎﻧﯩﺪﺍ ﺋﯘﻳﻐﯘﺭﻻﺭﻧﯩﯔ ﻣﯘﺳﺘﻪﻗﯩﻠﻠﯩﻖ ﺋﯩﺮﺍﺩﯨﺴﯩﺪﯨﻦ ﻫﻪﺭﻗﺎﻧﺪﺍﻕ ﺑﯧﺴﯩﻢ ﺋﺎﺳﺘﯩﺪﯨﻤﯘ ﯞﺍﺯ ﻛﻪﭼﻤﻪﻳﺪﯨﻐﺎﻧﻠﯩﻘﯩﻨﻰ ﻛﯚﺭﺩﻯ. ﻗﻪﺷﻘﻪﺭ ﯞﻩ ﻛﯘﭼﺎﺩﯨﻜﻰ ﯞﻩﻗﻪﻟﯩﺮﻯ ﺋﯘﻳﻐﯘﺭﻻﺭﻧﯩﯔ ﻣﯩﻠﻠﯩﻲ ﻣﯘﺳﺘﻪﻗﯩﻠﻠﯩﻖ ﺋﯩﺮﺍﺩﯨﺴﯩﻨﯩﯔ ﻗﻪﺗﺌﯩﻲ ﯞﻩ ﺗﻪﺧﯩﺮﺳﯩﺰﻟﯩﻜﯩﻨﻰ ﭘﯜﺗﯜﻥ ﺩﯗﻧﻴﺎﻏﺎ ﺟﺎﻛﺎﺭﻟﯩﺪﻯ ﯞﻩ ﺋﯩﺴﭙﺎﺗﻠﯩﺪﻯ. ﺑﯘ ﺋﯘﻳﻐﯘﺭﻻﺭﻧﯩﯔ ﺋﻮﻟﯩﻤﭙﯩﻜﺘﺎ ﺋﯧﺮﯨﺸﻜﻪﻥ ﺋﻪﯓ ﭼﻮﯓ ﺋﯘﺗﯘﻕ ﻫﯧﺴﺎﺑﻠﯩﻨﯩﺪﯗ.

ﺑﯘﻧﯩﯖﺪﯨﻦ ﺑﺎﺷﻘﺎ ﺧﯩﺘﺎﻱ ﻫﺎﺯﯨﺮﻏﺎ ﻗﻪﺩﻩﺭ ﺧﯩﺘﺎﻱ ﺋﯚﺯﻟﯩﺮﯨﮕﻪ ﻗﺎﺭﺷﻰ ﻗﻮﺭﺍﻟﻠﯩﻖ ﻛﯜﺭﻩﺵ ﻗﯩﻠﯩﯟﺍﺗﻘﺎﻥ ﺋﯘﻳﻐﯘﺭ ﻣﯘﺳﺘﻪﻗﯩﻠﭽﯩﻠﯩﺮﯨﻨﻰ ﺗﯧﺮﺭﻭﺭﭼﻰ ﺩﻩﭖ ﺋﻪﻳﯩﺒﻠﻪﭖ ﻛﻪﻟﮕﻪﻥ. ﻗﻪﺷﻘﻪﺭ، ﻛﯘﭼﺎ ﯞﻩﻗﻪﻟﯩﺮﻯ ﺋﺎﺳﺎﺳﻠﯩﻖ ﺧﯩﺘﺎﻱ ﺋﻪﺳﻜﻪﺭ ﯞﻩ ﻫﯚﻛﯜﻣﻪﺕ ﺋﻮﺭﯗﻧﻠﯩﺮﯨﻐﺎ ﻗﺎﺭﺷﻰ ﻳﯜﺯ ﺑﻪﺭﮔﻪﭼﻜﻪ، ﺧﯩﺘﺎﻳﻨﯩﯔ ﺋﻪﻳﯩﺒﻠﯩﻤﯩﻠﯩﺮﯨﻤﯘ ﺋﻪﻣﻪﻟﯩﻲ ﻫﻪﺭﻛﻪﺕ ﺋﺎﺭﻗﯩﻠﯩﻖ ﺋﯩﻨﻜﺎﺭ ﻗﯩﻠﯩﻨﺪﻯ. . ﻳﻪﻧﻰ ﻗﻪﺷﻘﻪﺭ - ﻛﯘﭼﺎ ﯞﻩﻗﻪﻟﯩﺮﻯ ﺷﻪﺭﻗﻰ ﺗﯜﺭﻛﯩﺴﺘﺎﻥ ﻣﯘﺳﺘﻪﻗﯩﻠﻠﯩﻖ ﻛﯜﺭﯨﺸﯩﮕﻪ ﭼﯜﺷﻜﻪﻥ ﺑﯩﺮ ﻗﯩﺴﯩﻢ ﮔﯘﻣﺎﻧﻼﺭﻧﻰ ﻳﻪﺷﺘﻰ.

ﺳﻮﺋﺎﻝ: ﺋﻮﻟﯩﻤﭙﯩﻜﻘﺎ ﻳﯧﻘﯩﻨﻼﺷﻘﺎﻧﺪﺍ ﺋﯘﻳﻐﯘﺭ ﭘﺎﺋﺎﻟﯩﻴﻪﺗﭽﯩﻠﯩﺮﻯ ﻫﻪﺭﺧﯩﻞ ﺷﻪﻛﯩﻠﺪﻩ ﻗﺎﺭﺷﯩﻠﯩﻘﻼﺭ ﻛﯚﺭﺳﻪﺗﺘﻰ، ﺳﯩﺰﭼﻪ ﺑﯘﻻﺭﻧﯩﯔ ﺋﯩﭽﯩﺪﻩ ﺋﻪﯓ ﺯﻭﺭ ﺗﻪﺳﯩﺮ ﭘﻪﻳﺪﺍ ﻗﯩﻠﻐﯩﻨﻰ ﻗﺎﻳﺴﻰ؟

ﺟﺎﯞﺍﺏ: ﺋﻪﻟﯟﻩﺗﺘﻪ، 4‏ - ﺋﺎﯞﻏﯘﺳﺖ ﺳﻪﻣﻪﻥ ﻳﻮﻟﻰ ﯞﻩﻗﻪﺳﻰ ﯞﻩ 10 - ﺋﺎﯞﻏﯘﺳﺖ ﻛﯘﭼﺎ ﯞﻩﻗﻪﺳﻰ . ﺋﻮﻟﯩﻤﭙﯩﻚ ﻣﻪﺯﮔﯩﻠﯩﺪﻩ ﻛﯚﺭﯛﻟﮕﻪﻥ ﻣﯩﻠﻠﯩﻲ ﻗﺎﺭﺷﯩﻠﯩﻖ ﻫﻪﺭﯨﻜﻪﺗﻠﯩﺮﻯ ﺋﯩﭽﯩﺪﯨﻜﻰ ﺋﻪﯓ ﺗﻪﺳﯩﺮﻟﯩﻚ ﯞﻩﻗﻪﻟﻪﺭ ﻳﻪﻧﻪ، ﻛﯘﭼﺎﺩﯨﻜﻰ ﺳﺎﻗﭽﻰ ﯞﻩ ﻫﯚﻛﯜﻣﻪﺕ ﺋﻮﺭﯗﻧﻠﯩﺮﯨﻐﺎ ﻗﺎﺭﺷﻰ ﻫﯘﺟﯘﻣﺪﺍ ﺋﯩﻜﻜﻰ ﻧﻪﭘﻪﺭ ﻗﯩﺰ ﺑﺎﺭﻟﯩﻘﻰ، ﺗﯜﺭﻛﯩﻴﯩﺪﯨﻜﻰ ﻧﺎﻣﺎﻳﯩﺸﺘﺎ ﻣﻪﻣﻪﺕ ﺗﯘﺭﺳﯘﻥ ﺋﯩﺴﯩﻤﻠﯩﻚ ﻧﺎﻣﺎﻳﯩﺸﭽﯩﻨﯩﯔ ﺋﯚﺯﯨﮕﻪ ﺋﻮﺕ ﻗﻮﻳﻐﺎﻧﻠﯩﻘﻰ.

ﺳﻮﺋﺎﻝ: ﻳﻪﻧﻪ ﺋﻮﻟﯩﻤﭙﯩﻚ ﻣﻪﺯﮔﯩﻠﯩﺪﻩ ﮔﯜﺯﻩﻟﻨﯘﺭ ﺗﯘﺭﺩﻯ ﺋﯩﺴﯩﻤﻠﯩﻚ ﺑﯩﺮ ﻗﯩﺰﻧﯩﯔ ﺋﺎﻳﺮﻭﭘﯩﻼﻥ ﺑﯘﻻﺷﻘﺎ ﺋﯘﺭﯗﻧﻐﺎﻧﻠﯩﻘﻰ، ﺋﻮﻟﯩﻤﭙﯩﻜﻘﺎ ﻫﯘﺟﯘﻡ ﻗﯩﻠﯩﺸﻨﻰ ﭘﯩﻼﻧﻠﯩﻐﺎﻥ ﺋﯩﻜﻜﻰ ﻗﻮﺭﺍﻟﻠﯩﻖ ﮔﯘﺭﯗﭘﭙﯩﻨﯩﯔ ﻗﻮﻟﻐﺎ ﺋﯧﻠﯩﻨﻐﺎﻧﻠﯩﻘﻰ ﺧﻪﯞﻩﺭ ﻗﯩﻠﯩﻨﺪﻯ، ﺋﺎﻧﺪﯨﻦ ﺗﯜﺭﻛﯩﺴﺘﺎﻥ ﺋﯩﺴﻼﻡ ﭘﺎﺭﺗﯩﻴﯩﺴﻰ ﻧﺎﻣﯩﺪﺍ ﺑﺎﻳﺎﻧﺎﺗﻼﺭ ﺋﯧﻼﻥ ﻗﯩﻠﯩﻨﺪﻯ. ﺳﯩﺰﭼﻪ ﺋﻮﻟﯩﻤﭙﯩﻚ ﻣﻪﺯﮔﯩﻠﯩﺪﻩ ﺋﯘﻳﻐﯘﺭﻻﺭ ﺗﻪﺭﯨﭙﯩﺪﯨﻦ ﺑﯧﺮﯨﻠﮕﻪﻥ ﺑﺎﻳﺎﻧﻼﺭ ﯞﻩ ﻫﻪﺭﯨﻜﻪﺗﻠﻪﺭ ﺋﯩﭽﯩﺪﻩ ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﮕﻪ ﺳﻪﻟﺒﯩﻲ ﺗﻪﺳﯩﺮ ﺑﻪﺭﮔﻪﻧﻠﯩﺮﻯ ﺑﻮﻟﺪﯨﻤﯘ؟

ﺟﺎﯞﺍﺏ: ﺧﻪﻟﻘﺌﺎﺭﺍ ﻣﻪﺗﺒﯘﺋﺎﺗﻨﻰ ﺋﯩﺰﭼﯩﻞ ﻛﯚﺯﯨﺘﯩﭗ ﺗﯘﺭﺩﯗﻡ، ﻣﻪﻧﭽﻪ ﻣﯘﻧﺪﺍﻕ ﺑﯩﺮ ﺋﻪﻫﯟﺍﻝ ﺑﻮﻟﻤﯩﺪﻯ. ﺑﯘ ﻫﻪﻗﺘﯩﻜﻰ ﺑﺎﺭﻟﯩﻖ ﺧﻪﯞﻩﺭ ﯞﻩ ﻫﻪﺭﯨﻜﻪﺗﻠﻪﺭ، ﺩﯗﻧﻴﺎ ﺟﺎﻣﺎﺋﯩﺘﯩﻨﯩﯔ ﺷﻪﺭﻗﻰ ﺗﯜﺭﻛﯩﺴﺘﺎﻥ ﯞﻩﺯﯨﻴﯩﺘﯩﮕﻪ ﻣﻪﺭﻛﻪﺯﻟﯩﺸﯩﺸﯩﮕﻪ ﺳﻪﯞﻩﭖ ﺑﻮﻟﺪﻯ. ﻗﻪﺷﻘﻪﺭ - ﻛﯘﭼﺎ ﯞﻩﻗﻪﻟﯩﺮﯨﻨﯩﯔ ﺗﻪﺳﺎﺩﯨﭙﯩﻲ ﺑﯩﺮ ﻫﻪﺭﻛﻪﺕ ﺋﻪﻣﻪﺱ؛ ﻣﯩﻠﻠﯩﻲ ﻫﻪﺭﻛﻪﺕ ﺋﯩﻜﻪﻧﻠﯩﻜﻰ ﯞﻩ ﺋﻪﺭﻛﯩﻨﻠﯩﻜﻰ ﻛﯜﺭﯨﺸﻰ ﺋﯩﻜﻪﻧﻠﯩﻜﯩﻨﯩﯔ ﻛﻪﯓ ﻛﯚﻟﻪﻣﺪﻩ ﺑﯩﻠﯩﻨﯩﺸﯩﮕﻪ ﺳﻪﯞﻩﭖ ﺑﻮﻟﺪﻯ.

ﺳﻮﺋﺎﻝ: ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﻯ ﺋﻮﻟﯩﻤﭙﯩﻚ ﻣﻪﺯﮔﯩﻠﯩﺪﯨﻜﻰ ﻫﻪﺭﯨﻜﻪﺗﻠﯩﺮﯨﺪﯨﻦ ﭼﯩﻘﺎﺭﻏﺎﻥ ﺑﯩﺮ ﺩﻩﺭﺱ ﻳﺎﻛﻰ ﺧﯘﻻﺳﻪ ﺑﺎﺭﻣﯘ؟

ﺟﺎﯞﺍﺏ: ﺑﯘ ﻫﻪﻗﺘﻪ ﺗﻪﺷﻜﯩﻼﺗﻠﯩﺮﯨﻤﯩﺰ ﻣﻪﺧﺴﯘﺱ ﺑﯩﺮ ﻣﯘﺯﺍﻛﯩﺮﻩ ﺋﯧﻠﯩﭗ ﺑﺎﺭﻣﯩﺪﻯ، ﺑﯘﻧﺪﯨﻦ ﻛﯧﻴﯩﻦ ﺋﯧﻠﯩﭗ ﺑﯧﺮﯨﺸﻰ ﻣﯘﻣﻜﯩﻦ. ﻣﯧﻨﯩﯔ ﺷﻪﺧﺴﯩﻲ ﻗﺎﺭﯨﺸﯩﻢ: ﻣﻪﺳﯩﻠﯩﻤﯩﺰﻧﻰ ﺩﯗﻧﻴﺎﻏﺎ ﺋﺎﯕﻠﯩﺘﯩﺸﺘﺎ ﯞﻩﺗﻪﻥ ﺋﯩﭽﯩﺪﯨﻜﻰ ﻫﻪﺭﯨﻜﻪﺗﻠﻪﺭﻧﯩﯔ ﻣﯘﻫﯩﻢ ﺋﻮﺭﯗﻧﺪﺍ ﺗﯘﺭﯨﺪﯨﻐﺎﻧﻠﯩﻘﻰ ﻳﻪﻧﻪ ﺑﯩﺮ ﻗﯧﺘﯩﻢ ﺋﯩﺴﭙﺎﺗﻼﻧﺪﻯ.