'ﻫﺎﺯﯨﺮ ﺧﻪﻟﻘﺌﺎﺭﺍﺩﺍ ﯞﻩ ﺩﯙﻟﯩﺘﯩﻤﯩﺰ ﺋﯩﭽﯩﺪﻩ ﯞﻩﺯﯨﻴﻪﺕ ﺟﯩﺪﺩﯨﻲ.'..

ﺭﺍﺩﯨﺌﻮﻣﯩﺰ ﻣﯘﺧﺒﯩﺮﻟﯩﺮﯨﻨﯩﯔ ﺧﯩﺘﺎﻳﺪﯨﻦ ﺧﻪﯞﻩﺭ ﻗﯩﻠﯩﺸﯩﭽﻪ، ﺋﯚﺗﻜﻪﻥ ﺷﻪﻧﺒﻪ ﻛﯜﻧﻰ، ﮔﯘﻳﺠﯘ ﺋﯚﻟﻜﯩﺴﯩﻨﯩﯔ ﭼﻴﻪﻧﻨﻪﻥ ﻣﻴﺎﯞﺯﯗ- ﺑﯘﻳﯩﺰﯗ ﺋﺎﭘﺘﻮﻧﻮﻡ ﺋﻮﺑﻼﺳﺘﯩﻨﯩﯔ ﯞﯦﯖﺌﻪﻥ ﻧﺎﻫﯩﻴﯩﺴﯩﺪﻩ 30 ﻣﯩﯔ ﻛﯩﺸﯩﻠﯩﻚ ﻛﻪﯓ ﻛﯚﻟﻪﻣﻠﯩﻚ ﻧﺎﻣﺎﻳﯩﺶ ﻳﯜﺯ ﺑﻪﺭﮔﻪﻥ. ﻧﺎﻣﺎﻳﯩﺸﭽﯩﻼﺭ ﻧﺎﻫﯩﻴﯩﻠﯩﻚ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻜﻰ ﺋﯩﺪﺍﺭﯨﺴﯩﻐﺎ ﻫﯘﺟﯘﻡ ﻗﯩﻠﯩﭗ ﺳﺎﻗﭽﻰ ﺋﺎﭘﺘﻮﻣﻮﺑﯩﻠﻠﯩﺮﯨﻨﻰ ﻛﯚﻳﺪﯛﺭﮔﻪﻥ. ﻧﺎﻣﺎﻳﯩﺸﭽﯩﻼﺭ ﺑﯩﻠﻪﻥ ﺳﺎﻗﭽﯩﻼﺭﻧﯩﯔ ﺋﻮﺗﺘﯘﺭﯨﺴﯩﺪﯨﻜﻰ ﺗﻮﻗﯘﻧﯘﺷﺘﺎ 150 ﺗﻪﻙ ﭘﯘﻗﺮﺍ ﯞﻩ ﺳﺎﻗﭽﻰ ﻳﺎﺭﯨﻼﻧﻐﺎﻥ.

ﺧﻪﯞﻩﺭﺩﻩ ﺋﯧﻴﺘﯩﻠﯩﺸﯩﭽﻪ، ﺧﯩﺘﺎﻱ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻣﯩﻨﯩﺴﺘﯩﺮﻯ ﻳﺎﯓ ﺧﯘﻩﻧﻨﯩﯔ 'ﻫﺎﺯﯨﺮ ﺧﻪﻟﻘﺌﺎﺭﺍﺩﺍ ﯞﻩ ﺩﯙﻟﯩﺘﯩﻤﯩﺰ ﺋﯩﭽﯩﺪﻩ ﯞﻩﺯﯨﻴﻪﺕ ﺟﯩﺪﺩﯨﻲ. ﺟﯘﯕﮕﻮﻏﺎ ﻗﺎﺭﺷﻰ ﻛﯜﭼﻠﻪﺭﻧﯩﯔ ﺑﯘﺯﻏﯘﻧﭽﯩﻠﯩﻖ ﻫﻪﺭﯨﻜﻪﺗﻠﯩﺮﻯ ﺑﺎﺭﻏﺎﻧﺴﯧﺮﻯ ﺋﻪﯞﺝ ﺋﯧﻠﯩﯟﺍﺗﯩﺪﯗ، ﺑﯘﻧﯩﯖﻐﺎ ﺟﯩﺪﺩﯨﻲ ﺗﺎﻗﺎﺑﯩﻞ ﺗﯘﺭﯗﺵ ﻛﯧﺮﻩﻙ' ﺩﻩﭖ ﺟﺎﻛﺎﺭﻟﯩﻐﺎﻥ.

ﺧﯩﺘﺎﻳﻨﯩﯔ ﺑﯘﻧﺪﺍﻕ ﻗﺎﺗﺘﯩﻖ ﺑﯩﺨﻪﺗﻪﺭﻟﯩﻚ ﺗﻪﺩﺑﯩﺮﻟﯩﺮﻯ ﻛﯚﭘﯩﻨﭽﻪ ﻫﺎﻟﺪﺍ ﺋﯜﺭﯛﻣﭽﻰ، ﻻﺳﺎ ﺋﺎﻳﺮﻭﺩﯗﺭﯗﻣﻠﯩﺮﯨﻐﺎ ﻗﺎﺭﯨﺘﯩﻠﻐﺎﻥ

ﺏ ﺏ ﺱ ﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﺑﯧﻴﺠﯩﯔ، ﺷﺎﯕﺨﻪﻱ، ﭼﯩﯖﺪﺍﯞ، ﺗﻴﻪﻧﺠﯩﻦ، ﺷﻰ ﺟﺎﺟﯘﺍﯓ، ﺟﯩﻨﻪﻥ، ﺋﯜﺭﯛﻣﭽﻰ، ﻻﺳﺎ ﻗﺎﺗﺎﺭﻟﯩﻖ 19 ﺋﺎﻳﺮﻭﺩﺭﻭﻣﯩﺪﺍ ﺑﯩﺨﻪﺗﻪﺭﻟﯩﻚ ﺗﻪﻛﺸﯜﺭﯛﺵ ﺗﻪﺩﺑﯩﺮﻟﯩﺮﯨﻨﻰ ﻗﺎﺗﺘﯩﻘﻼﺷﺘﯘﺭﺩﻯ. 'ﺋﺎﺳﺎﻥ ﺋﻮﺕ ﻛﯧﺘﯩﺪﯨﻐﺎﻥ ﺑﯘﻳﯘﻣﻼﺭ'ﻧﻰ ﺋﯧﻠﯩﭗ ﻣﺎﯕﻐﺎﻥ ﻳﯘﻟﯘﭼﯩﻼﺭﻏﺎ ﻗﺎﺭﯨﺘﺎ ﺑﯩﺨﻪﺗﻪﺭﻟﯩﻚ ﺗﻪﻛﺸﯜﺭﯛﺵ ﺟﻪﺭﻳﺎﻧﯩﺪﺍ، ﻛﯧﭽﯩﻜﯩﭗ، ﺋﺎﻳﺮﻭﭘﯩﻼﻧﺪﯨﻦ ﻗﯧﻠﯩﭗ ﻗﺎﻟﺴﺎ ﻳﻮﻟﯘﭼﯩﻼﺭ ﺳﯧﺘﯩﯟﺍﻟﻐﺎﻥ ﺑﯩﻠﻪﺗﻜﻪ ﻣﻪﺳﺌﯘﻝ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﺪﻯ.

ﺧﯩﺘﺎﻳﻨﯩﯔ ﺑﯘﻧﺪﺍﻕ ﻗﺎﺗﺘﯩﻖ ﺑﯩﺨﻪﺗﻪﺭﻟﯩﻚ ﺗﻪﺩﺑﯩﺮﻟﯩﺮﻯ ﻛﯚﭘﯩﻨﭽﻪ ﻫﺎﻟﺪﺍ ﺋﯜﺭﯛﻣﭽﻰ، ﻻﺳﺎ ﺋﺎﻳﺮﻭﺩﯗﺭﯗﻣﻠﯩﺮﯨﻐﺎ ﻗﺎﺭﯨﺘﯩﻠﻐﺎﻥ. ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﺎﻳﺎﻧﺎﺗﯩﺪﺍ، ﺷﻪﺭﻗﻰ ﺗﯜﺭﻛﯩﺴﺘﺎﻥ ﺗﯧﺮﺭﻭﺭﭼﯩﻠﯩﺮﻯ ﺋﻮﻟﯩﻤﭙﯩﻜﻜﻪ ﻫﯘﺟﯘﻡ ﻗﯩﻠﻤﺎﻗﭽﻰ، ﺗﯩﺒﻪﺕ ﻣﯘﺳﺘﻪﻗﯩﻠﭽﯩﻠﯩﺮﻯ ﺋﻮﻟﯩﻤﭙﯩﻜﻜﻪ ﺑﯘﺯﻏﯘﻧﭽﯩﻠﯩﻖ ﻗﯩﻠﻤﺎﻗﭽﻰ ﺩﯦﮕﻪﻧﻨﻰ ﺋﺎﻻﻫﯩﺪﻩ ﮔﻪﯞﺩﯨﻠﻪﻧﺪﯛﺭﻣﻪﻛﺘﻪ.

ﺧﯩﺘﺎﻱ ﻫﯚﻛﯜﻣﯩﺘﻰ 'ﺧﻪﺗﻪﺭﻟﯩﻚ ﺋﺎﻣﯩﻠﻼﺭ' ﺩﻩﭖ ﻗﺎﺭﺍﭖ، ﺋﻪﻧﺪﯨﺸﻪ ﻗﯩﻠﯩﯟﺍﺗﻘﺎﻥ ﺑﯩﺮ ﻗﺎﻧﭽﻪ ﻣﻪﺳﯩﻠﻪ

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯧﻴﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺘﻨﯩﯔ ﺗﻪﻫﻠﯩﻞ ﻗﯩﻠﯩﺸﯩﭽﻪ، ﺧﯩﺘﺎﻳﺪﺍ ﻫﺎﺯﯨﺮ ﺧﻪﻟﻘﻨﯩﯔ ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﯩﺘﯩﮕﻪ ﻗﺎﺭﯨﺘﺎ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﻗﺎﺭﺷﯩﻠﯩﻖ ﻫﻪﺭﯨﻜﻪﺗﻠﯩﺮﻯ، ﺋﯘﻳﻐﯘﺭ، ﺗﯩﺒﻪﺕ ﺧﻪﻟﻘﻨﯩﯔ ﺋﻪﺭﻛﯩﻨﻠﯩﻜﻜﻪ ﺑﻮﻟﻐﺎﻥ ﺋﺎﺭﺯﯗﺳﯩﻨﯩﯔ ﺑﺎﺭﻏﺎﻧﺴﯧﺮﻯ ﻛﯜﭼﯩﻴﯩﯟﺍﺗﻘﺎﻧﻠﯩﻘﻰ، ﺧﯩﺘﺎﻳﻨﯩﯔ ﺷﻪﻫﻪﺭ ﯞﻩ ﻳﯧﺰﯨﻠﯩﺮﯨﺪﺍ ﺧﺮﯨﺴﺘﯩﻴﺎﻥ، ﻛﺎﺗﻮﻟﯩﻚ ﺩﯨﻨﻠﯩﺮﯨﻐﺎ ﺋﯧﺘﯩﻘﺎﺩ ﻗﯩﻠﯩﺪﯨﻐﺎﻥ ﺋﺎﺩﻩﻡ ﺳﺎﻧﻰ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺋﻪﺯﺍﻟﯩﺮﯨﻨﯩﯔ ﺳﺎﻧﯩﻐﺎ ﺗﻪﯕﻠﯩﺸﯩﭗ ﻗﺎﻟﻐﺎﻧﻠﯩﻘﻰ، ﺋﻮﻟﯩﻤﭙﯩﻚ ﺟﻪﺭﻳﺎﻧﯩﺪﺍ ﺑﯧﻴﺠﯩﯖﻐﺎ ﻛﯧﻠﯩﭗ ﺋﻪﺭﺯ ﺋﯧﻴﺘﯩﺪﯨﻐﺎﻥ ﺋﺎﺩﻩﻡ ﺳﺎﻧﻰ ﺑﺎﺭﻏﺎﻧﺴﯧﺮﻯ ﻛﯚﭘﯜﻳﯩﯟﺍﺗﻘﺎﻧﻠﯩﻘﻰ، ﻣﺎﻧﺎ ﺑﯘﻻﺭ ﺧﯩﺘﺎﻱ ﻫﯚﻛﯜﻣﯩﺘﻰ ﻫﺎﺯﯨﺮ ﺧﻪﺗﻪﺭﻟﯩﻚ ﺋﺎﻣﯩﻠﻼﺭ ﺩﻩﭖ ﻗﺎﺭﺍﭖ، ﻗﺎﺗﺘﯩﻖ ﺋﻪﻧﺪﯨﺸﻪ ﻗﯩﻠﯩﯟﺍﺗﻘﺎﻥ ﻣﻪﺳﯩﻠﻪ.

ﺧﯩﺘﺎﻱ ﺋﯚﺯﯨﻨﯩﯔ ﺋﯘﻳﻐﯘﺭﻻﺭﻏﺎ ﻗﺎﺭﯨﺘﺎ ﻳﻮﻟﻐﺎ ﻗﻮﻳﻐﺎﻥ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﯩﺪﯨﻦ ﺋﯚﺯﻯ ﻗﻮﺭﻗﯩﯟﺍﺗﯩﺪﯗ

ﻣﻪﺭﻛﯩﺰﻯ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﻛﻮﻣﻤﯘﻧﯩﺴﺖ ﺧﯩﺘﺎﻱ ﻫﯚﻛﯜﻣﯩﺘﻰ ﻳﯧﻘﯩﻨﺪﺍ ﺑﯩﺮ ﻣﻪﺧﭙﯩﻲ ﻫﯚﺟﺠﻪﺕ ﺗﺎﺭﻗﯩﺘﯩﭗ، 1990 ‏- ﻳﯩﻠﯩﺪﯨﻦ 2007 ‏- ﻳﯩﻠﯩﻐﯩﭽﻪ ﺑﻮﻟﻐﺎﻥ ﯞﺍﻗﯩﺖ ﺋﯩﭽﯩﺪﻩ ﺗﯜﺭﻣﯩﺪﯨﻦ ﻳﺎﻛﻰ ﺋﻪﻣﮕﻪﻙ ﺑﯩﻠﻪﻥ ﺋﯚﺯﮔﻪﺭﺗﯩﺶ ﻻﮔﯩﺮﻟﯩﺮﯨﺪﯨﻦ ﺟﺎﺯﺍ ﻣﯘﺩﺩﯨﺘﻰ ﺗﻮﺷﯘﭖ ﻗﻮﻳﯘﭖ ﺑﯧﺮﯨﻠﮕﻪﻥ ﻛﯩﺸﯩﻠﻪﺭﮔﻪ، ﺑﻮﻟﯘﭘﻤﯘ ﻣﯩﻠﻠﯩﻲ ﺑﯚﻟﮕﯜﻧﭽﯩﻠﻪﺭﮔﻪ ﻗﺎﻳﺘﯩﺪﯨﻦ ﺗﯩﺰﯨﻤﻠﯩﻚ ﺗﯘﺭﻏﯘﺯﯗﭖ، ﺋﯘﻻﺭﻧﻰ ﻧﺎﺯﺍﺭﻩﺕ ﺋﺎﺳﺘﯩﻐﺎ ﺋﯧﻠﯩﺸﻨﻰ، ﺋﯘﻻﺭﻧﻰ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﺗﯜﮔﯩﮕﻪﻧﺪﯨﻦ ﻛﯧﻴﯩﻦ ﻗﻮﻳﯘﭖ ﺑﯧﺮﯨﺸﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯧﻴﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺘﻨﯩﯔ ﻗﺎﺭﯨﺸﯩﭽﻪ، ﺧﯩﺘﺎﻳﻨﯩﯔ ﺋﯘﻳﻐﯘﺭﻻﺭﻏﺎ ﻗﺎﺭﯨﺘﺎ ﻗﺎﻳﺘﯩﺪﯨﻦ ﺗﯧﺨﯩﻤﯘ ﻗﺎﺗﺘﯩﻖ ﺳﯩﻴﺎﺳﻪﺕ ﻗﻮﻟﻠﯩﻨﯩﺸﻘﺎ ﺑﺎﺷﻠﯩﻐﺎﻧﻠﯩﻘﻰ، ﺑﯘﻧﯩﯖﺪﯨﻦ ﺑﯘﺭﯗﻥ ﺋﯚﺯﯨﻨﯩﯔ ﺋﯘﻳﻐﯘﺭﻻﺭﻏﺎ ﻗﺎﺭﯨﺘﺎ ﻳﻮﻟﻐﺎ ﻗﻮﻳﻐﺎﻥ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﯩﻨﯩﯔ ﺋﺎﻗﯩﯟﯨﺘﯩﺪﯨﻦ ﻗﻮﺭﻗﯩﯟﺍﺗﻘﺎﻧﻠﯩﻘﯩﺪﯨﻦ ﻛﯧﻠﯩﭗ ﭼﯩﻘﻘﺎﻥ.