ﻳﯩﻐﯩﻨﺪﺍ، ﺗﯩﺒﻪﺕ، ﺋﯘﻳﻐﯘﺭ ﯞﻩ ﻓﺎﻟﯘﻧﮕﯘﯓ ﻣﯘﺭﯨﺘﻠﯩﺮﯨﻨﯩﯔ ﺋﯩﺰﭼﯩﻞ ﺯﻩﺭﺑﯩﮕﻪ ﺋﯘﭼﺮﺍﭖ ﻛﯧﻠﯩﯟﺍﺗﻘﺎﻧﻠﯩﻘﻰ ﺗﻪﻛﯩﺘﻠﯩﻨﯩﭗ، ﺧﯩﺘﺎﻱ ﻫﯚﻛﯜﻣﯩﺘﻰ، ﺋﯩﻨﺴﺎﻥ ﻫﻪﻗﻠﯩﺮﻯ ﻣﻪﺳﯩﻠﯩﺴﯩﺪﻩ ﻳﻪﻧﻪ ﺑﯩﺮ ﻗﯧﺘﯩﻢ ﺋﺎﮔﺎﻫﻼﻧﺪﯗﺭﯗﻟﺪﻯ.

ﻳﯩﻐﯩﻨﺪﺍ ﺋﺎﻣﯧﺮﯨﻜﺎ ﭘﺎﻻﺗﺎ ﺋﻪﺯﺍﻟﯩﺮﯨﺪﯨﻦ Sheila Jackson Lee ﺧﺎﻧﯩﻢ ﺳﯚﺯ ﻗﯩﻠﯩﭗ ﻣﯘﻧﺪﺍﻕ ﺩﻩﻳﺪﯗ: ﻣﻪﻥ ﺋﯘﺯﯗﻥ ﻳﯩﻠﻠﯩﻖ ﺋﯩﻨﺴﺎﻥ ﻫﻪﻗﻠﯩﺮﻯ ﭘﺎﺋﺎﻟﯩﻴﻪﺗﭽﯩﺴﻰ، ﻣﻪﻥ ﺧﯩﺘﺎﻳﻨﯩﯔ ﺋﯩﻨﺴﺎﻥ ﻫﻪﻗﻠﯩﺮﻯ ﯞﻩﺯﯨﻴﯩﺘﯩﺪﯨﻦ ﺋﻪﻧﺪﯨﺸﻪ ﻗﯩﻠﯩﻤﻪﻥ. ﻣﻪﻥ ﺑﯘ ﭘﯘﺭﺳﻪﺗﺘﻪ، ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻚ ﺋﯚﺗﻜﯜﺯﯛﺷﯩﻨﻰ ﻗﻮﻟﻼﻳﺪﯨﻐﺎﻧﻠﯩﻘﯩﻤﻨﻰ ﺑﯩﻠﺪﯛﺭﯛﺵ ﺑﯩﻠﻪﻥ ﺑﯩﻠﻠﻪ، ﺧﯩﺘﺎﻳﻨﯩﯔ ﺋﯚﺯ ﺩﯙﻟﯩﺘﯩﺪﻩ ﯞﻩ ﺩﯙﻟﻪﺕ ﺳﯩﺮﺗﯩﺪﺍ ﺋﯩﻨﺴﺎﻥ ﻫﻪﻗﻠﯩﺮﯨﮕﻪ ﻫﯚﺭﻣﻪﺕ ﻗﯩﻠﯩﺸﯩﻨﻰ ﺋﯜﻣﯩﺪ ﻗﯩﻠﯩﻤﻪﻥ.

ﻳﯩﻐﯩﻨﺪﺍ ﺳﯚﺯ ﻗﯩﻠﻐﺎﻥ ﻛﯧﯖﻪﺵ ﭘﺎﻻﺗﺎ ﺋﻪﺯﺍﺳﻰ Chsitopher Smith، ﻣﯘﻧﺪﺍﻕ ﺩﻩﻳﺪﯗ: "ﺧﯩﺘﺎﻱ ﺋﻮﻟﯩﻤﭙﯩﻚ ﯞﻩﺩﯨﺴﯩﺪﻩ ﺗﯘﺭﻣﯩﺪﻯ. ﺋﻮﻟﯩﻤﭙﯩﻜﻘﺎ 9 ﻛﯜﻥ ﻗﺎﻟﻐﺎﻥ ﻣﯘﺷﯘ ﻛﯜﻧﻠﻪﺭﺩﯨﻤﯘ، ﺗﯩﺒﻪﺗﻠﯩﻚ ﺭﺍﻫﯩﺒﻼﺭ، ﺋﯘﻳﻐﯘﺭ ﻣﯘﺳﯘﻟﻤﺎﻧﻼﺭ، ﻓﺎﻟﯘﻧﮕﯘﯓ ﯞﻩ ﺧﺮﯨﺴﺘﯩﺌﺎﻥ ﻣﯘﺭﯨﺘﻠﯩﺮﻯ ﻳﻪﻧﯩﻼ ﺯﯗﻟﯘﻡ ﭼﯧﻜﯩﯟﺍﺗﯩﺪﯗ. ﺯﯗﻟﯘﻡ ﺑﺎﺷﻘﺎ ﺳﻪﯞﻩﺑﺘﯩﻦ ﺋﻪﻣﻪﺱ، ﭘﻪﻗﻪﺗﻼ ﺋﻮﻟﯩﻤﭙﯩﻚ ﺳﻪﯞﻩﺑﯩﺪﯨﻦ."

ﺑﯜﮔﯜﻧﻜﻰ ﻳﯩﻐﯩﻨﻐﺎ ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﯩﯔ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ، ﺧﯩﺘﺎﻱ ﺩﯦﻤﻮﻛﯩﺮﺍﺗﭽﯩﻠﯩﺮﯨﺪﯨﻦ ﻳﺎﯓ ﺟﻴﻪﻧﻠﻰ ﻗﺎﺗﺎﺭﻟﯩﻖ ﺑﯩﺮ ﺗﯜﺭﻛﯜﻡ ﺧﯩﺘﺎﻳﻐﺎ ﻗﺎﺭﺷﻰ ﺋﯚﻛﺘﯩﭽﻰ ﺭﻩﻫﺒﻪﺭﻟﻪﺭ ﻗﺎﺗﻨﺎﺷﺘﻰ ﯞﻩ ﻳﯩﻐﯩﻨﺪﺍ ﺳﯚﺯ ﻗﯩﻠﺪﻯ. ﻳﺎﯓ ﺟﻴﻪﻧﻠﻰ ﺳﯚﺯﯨﺪﻩ ﻣﯘﻧﺪﺍﻕ ﺩﻩﻳﺪﯗ: "ﺗﺎﺭﯨﺦ ﺷﯘﻧﻰ ﺋﯩﺴﭙﺎﺗﻠﯩﺪﯨﻜﻰ، ﻛﯜﭼﯩﻨﻰ ﺧﻪﻟﻘﺘﯩﻦ ﺋﺎﻟﻤﯩﻐﺎﻥ، ﺧﻪﻟﻘﻨﯩﯔ ﺋﯩﺮﺍﺩﯨﺴﯩﮕﻪ ﺗﺎﻳﺎﻧﻤﯩﻐﺎﻥ ﺑﯩﺮ ﻫﯚﻛﯜﻣﻪﺕ ﺩﯗﻧﻴﺎﯞﯨﻲ ﻟﯩﺪﯦﺮ ﺑﻮﻻﻟﻤﺎﻳﺪﯗ." ﻳﺎﯓ ﺟﻴﻪﻧﻠﻰ ﺑﯘ ﺳﯚﺯﻟﯩﺮﻯ ﺋﺎﺭﻗﯩﻠﯩﻖ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﯚﺯ ﺩﯙﻟﯩﺘﻰ ﺋﯩﭽﯩﺪﻩ ﺧﻪﻟﻘﯩﮕﻪ ﯞﻩﻛﯩﻠﻠﯩﻚ ﻗﯩﻼﻟﻤﯩﻐﯩﻨﻰ ﺋﯜﭼﯜﻥ، ﺧﻪﻟﻘﺌﺎﺭﺍﻟﯩﻖ ﻣﻪﺳﯩﻠﯩﻠﻪﺭﺩﻩ، ﺟﯜﻣﻠﯩﺪﯨﻦ ﺳﯘﺩﺍﻥ ﯞﻩ ﺑﯧﺮﻣﺎ ﻣﻪﺳﯩﻠﯩﺴﯩﺪﻩ ﺧﻪﻟﻘﻨﯩﯔ ﺋﯩﺮﺍﺩﯨﺴﯩﮕﻪ ﺋﻪﻣﻪﺱ، ﺩﯨﻜﺘﺎﺗﻮﺭﻻﺭﻧﯩﯔ ﺋﯩﺮﺍﺩﯨﺴﯩﮕﻪ ﯞﻩﻛﯩﻠﻠﯩﻚ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺋﻪﺳﻜﻪﺭﺗﻜﻪﻥ.

ﻳﺎﯓ ﺟﻴﻪﻧﻠﻰ ﺳﯚﺯﯨﺪﻩ ﻳﻪﻧﻪ، ﺧﯩﺘﺎﻱ ﺩﯦﻤﻮﻛﺮﺍﺗﯩﻚ ﺑﯩﺮ ﺩﯙﻟﻪﺕ ﺑﻮﻟﻤﯩﻐﺎﻧﻠﯩﻘﻰ ﺋﯜﭼﯜﻧﻼ، ﺧﯩﺘﺎﻳﺪﯨﻜﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﯩﯔ ﯞﻩ ﺩﯨﻨﯩﻲ ﮔﯘﺭﯗﭘﭙﯩﻼﺭﻧﯩﯔ ﺯﯗﻟﯘﻣﻐﺎ ﺋﯘﭼﺮﺍﯞﺍﺗﻘﺎﻧﻠﯩﻘﯩﻨﻰ، ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﻰ ﯞﻩ ﺋﯩﭙﺎﺩﻩ ﺋﻪﺭﻛﯩﻨﻠﯩﻜﯩﻨﯩﯔ ﺑﻮﻏﯘﻟﯘﯞﺍﺗﻘﺎﻧﻠﯩﻘﯩﻨﻰ، ﺧﯩﺘﺎﻳﺪﺍ ﺩﯦﻤﻮﻛﺮﺍﺗﯩﻚ ﺑﯩﺮ ﻫﺎﻛﯩﻤﯩﻴﻪﺕ ﺗﯩﻜﻠﻪﻧﮕﻪﻥ ﺗﻪﻗﺪﯨﺮﺩﻩ ﺑﯘ ﻣﻪﺳﯩﻠﯩﻠﻪﺭﻧﯩﯔ ﺋﯚﺯﻟﯜﻛﯩﺪﯨﻦ ﻫﻪﻝ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﻳﺎﯓ ﺟﻴﻪﻧﻠﻰ ﺧﯩﺘﺎﻳﻨﯩﯔ ﺷﻪﻧﺪﯗﯓ ﺋﯚﻟﻜﯩﺴﯩﺪﻩ ﺗﯘﻏﯘﻟﻐﺎﻥ، ﺑﯧﻴﺠﯩﯔ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺋﻮﻗﯘﻏﺎﻥ، 1986 ‏ - ﻳﯩﻠﯩﺪﯨﻦ ﺑﺎﺷﻼﭖ ﺋﺎﻣﯧﺮﯨﻜﯩﺪﺍ ﺋﻮﻗﯘﺵ، ﺋﯩﻠﻤﯩﻲ ﺗﻪﺗﻘﯩﻘﺎﺕ ﯞﻩ ﺳﯩﻴﺎﺳﯩﻲ ﭘﺎﺋﺎﻟﯩﻴﻪﺕ ﺑﯩﻠﻪﻥ ﺷﯘﻏﯘﻟﻼﻧﻐﺎﻥ. 2002 ‏ - ﻳﯩﻠﻰ ﺧﯩﺘﺎﻳﻐﺎ ﻗﺎﻳﺘﯩﭗ، ﻳﻪﺭ ﺋﺎﺳﺘﻰ ﭘﺎﺭﺗﯩﻴﻪ ﻗﯘﺭﻏﺎﻧﻠﯩﻘﻰ ﺋﯜﭼﯜﻥ ﻗﻮﻟﻐﺎ ﺋﯧﻠﯩﻨﻐﺎﻥ. ﺋﯘ، 2007 ‏ - ﻳﯩﻠﻰ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ، ﺏ ﺩ ﺕ ﻧﯩﯔ ﺋﺎﻻﻗﯩﺪﺍﺭ ﻗﺎﺭﺍﺭﻟﯩﺮﻯ ﺑﯩﻠﻪﻥ ﺗﯜﺭﻣﯩﺪﯨﻦ ﻗﻮﻳﯘﭖ ﺑﯧﺮﯨﻠﮕﻪﻥ. ﻳﺎﯓ ﺟﻴﻪﻧﻠﻰ ﻧﯚﯞﻩﺗﺘﻪ ﺋﺎﻣﯧﺮﯨﻜﯩﺪﯨﻜﻰ ﻧﻮﭘﯘﺯﻟﯘﻕ ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﭽﯩﺴﻰ، ﺷﯘﻧﺪﺍﻗﻼ ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﯩﯔ ﻗﻮﻟﻠﯩﻐﯘﭼﯩﺴﯩﺪﯗﺭ.

ﻳﯩﻐﯩﻨﺪﺍ ﻳﻪﻧﻪ، ﺋﺎﻣﯧﺮﯨﻜﺎ ﺧﻪﻟﻘﺌﺎﺭﺍ ﺩﯨﻨﯩﻲ ﺋﻪﺭﻛﯩﻨﻠﯩﻚ ﻛﻮﻣﯩﺘﯧﺘﯩﻨﯩﯔ ﺑﺎﺷﻠﯩﻘﻰ Felice D. Gaer ﺳﯚﺯ ﻗﯩﻠﯩﭗ ﻣﯘﻧﺪﺍﻕ ﺩﻩﻳﺪﯗ: " ﺋﻪﺳﻠﯩﺪﻩ ﺑﯩﺰ ﺋﻮﻟﯩﻤﭙﯩﻚ ﺳﻪﯞﻩﺑﯩﺪﯨﻦ ﺧﯩﺘﺎﻳﻨﯩﯔ ﺋﯩﻨﺴﺎﻥ ﻫﻪﻗﻠﯩﺮﻯ ﯞﻩﺯﯨﻴﯩﺘﯩﺪﻩ ﺳﻪﻛﺮﻩﺵ ﺧﺎﺭﺍﻛﺘﯧﺮﻟﯩﻚ ﺋﯩﻠﮕﯩﺮﯨﻠﻪﺵ ﺑﻮﻟﯘﺷﯩﻨﻰ ﻛﯜﺗﻜﻪﻥ ﺋﯩﺪﯗﻕ، ﺋﯘﻧﺪﺍﻕ ﺑﻮﻟﻤﯩﺪﻯ، ﺋﻪﻛﺴﯩﭽﻪ، ﯞﻩﺯﯨﻴﻪﺕ ﺗﯧﺨﯩﻤﯘ ﻳﺎﻣﺎﻧﻼﺷﺘﻰ، ﺑﻮﻟﯘﭘﻤﯘ ﺩﯨﻨﯩﻲ ﺯﺍﺗﻼﺭﻏﺎ ﺯﯗﻟﯘﻡ ﺗﯧﺨﯩﻤﯘ ﺋﯧﻐﯩﺮﻻﺷﺘﻰ.

ﻳﯩﻐﯩﻨﺪﺍ ﺋﯘ ﭘﺮﯦﺰﯨﺪﯦﻨﺖ ﺑﯘﺷﻘﺎ ﺧﯩﺘﺎﭖ ﻗﯩﻠﯩﭗ، ﺧﯩﺘﺎﻳﻐﺎ ﺑﺎﺭﻏﯩﻨﯩﺪﺍ، ﺩﯨﻨﯩﻲ ﺋﻪﺭﻛﯩﻨﻠﯩﻚ ﻣﻪﺳﯩﻠﯩﺴﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﺷﻨﻰ ﯞﻩ ﺋﺎﻣﯧﺮﯨﻜﯩﻨﯩﯔ ﺑﯘ ﻣﻪﻳﺪﺍﻧﯩﻨﻰ ﺧﯩﺘﺎﻳﻐﺎ ﺑﯩﻠﺪﯛﺭﯛﺷﻨﻰ ﺗﻪﻟﻪﭖ ﻗﯩﻠﺪﻯ. ﺋﺎﻧﺪﯨﻦ ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﺧﯩﺘﺎﭖ ﻗﯩﻠﯩﭗ ﺑﯩﺮ ﻗﺎﻧﭽﻪ ﺗﯜﺭﻟﯜﻙ ﺗﻪﻛﻠﯩﭗ ﭘﯩﻜﯩﺮ ﺋﻮﺗﺘﯘﺭﯨﻐﺎ ﻗﻮﻳﺪﻯ. ﺑﯘ ﺗﻪﻛﻠﯩﭗ ﭘﯩﻜﯩﺮﻟﻪﺭ، ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﯩﯔ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﺗﯜﺭﻣﯩﺪﯨﻜﻰ ﺋﯩﻜﻜﻰ ﺋﻮﻏﻠﯩﻨﻰ ﻗﻮﻳﯘﭖ ﺑﯧﺮﯨﺶ، ﺋﯘﻳﻐﯘﺭ ﺳﯩﻴﺎﺳﯩﻲ ﺋﯚﻛﺘﯩﭽﯩﻠﯩﺮﯨﮕﻪ ﻗﺎﺭﯨﺘﺎ ﺑﺎﺳﺘﯘﺭﯗﺷﻨﻰ ﺗﻮﺧﺘﯩﺘﯩﺶ؛ ﺗﯩﺒﻪﺗﻠﯩﻚ ﺭﺍﻫﯩﺒﻼﺭﻏﺎ ﻗﺎﺭﯨﺘﺎ ﯞﻩﺗﻪﻧﭙﻪﺭﯞﻩﺭﻟﯩﻚ ﺗﻪﺭﺑﯩﻴﯩﺴﯩﻨﻰ ﺗﻮﺧﺘﯩﺘﯩﺶ؛ ﺩﺍﻻﻱ ﻻﻣﺎ ﺑﯩﻠﻪﻥ ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﻰ ﺑﯩﯟﺍﺳﺘﻪ ﺳﯚﻫﺒﻪﺕ ﺋﯚﺗﻜﯜﺯﯛﺵ ﻗﺎﺗﺎﺭﻟﯩﻖ ﻣﻪﺯﻣﯘﻧﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ.