ﻳﯧﻘﯩﻨﺪﺍ ﺋﯘﻳﻐﯘﺭ ﺋﯧﻠﻰ ﻣﺎﺋﺎﺭﯨﭗ ﺗﺎﺭﻣﺎﻗﻠﯩﺮﻯ "ﺑﺎﺷﻼﻧﻐﯘﭺ ﻫﻪﻣﺪﻩ ﺋﻮﺗﺘﯘﺭﺍ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﯨﻨﯩﯔ ﺳﺎﻏﻼﻣﻠﯩﻖ ﺗﻪﺭﺑﯩﻴﯩﺴﻰ ﻗﻮﻟﻼﻧﻤﯩﺴﻰ"ﻧﻰ ﺗﯜﺯﯛﭖ ﻣﻪﻛﺘﻪﭘﻠﻪﺭﮔﻪ ﺗﺎﺭﻗﯩﺘﯩﺸﻘﺎ ﺑﺎﺷﻠﯩﻐﺎﻥ ﺑﻮﻟﯘﭖ، ﺑﯘﻧﯩﯖﻐﺎ ﺯﻩﻫﻪﺭ ﭼﻪﻛﻠﻪﺵ، ﺋﻪﻳﺪﯨﺰﻧﯩﯔ ﺋﺎﻟﺪﯨﻨﻰ ﺋﯧﻠﯩﺶ ﯞﻩ ﻳﻪﻧﻪ ﺑﯩﺮ ﻗﯩﺴﯩﻢ ﭘﯩﺴﺨﯩﻜﯩﻠﯩﻖ ﻳﯧﺘﻪﻛﻠﻪﺵ ﺳﺎﯞﺍﺗﻠﯩﺮﻯ ﻛﯩﺮﮔﯜﺯﯛﻟﮕﻪﻥ.

ﺑﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﺭﺍﺩﯨﺌﻮﻣﯩﺰﺩﺍ ﺋﯘﻳﻐﯘﺭ ﻳﺎﺵ ﺋﯚﺳﻤﯜﺭﻟﻪﺭﮔﻪ ﻣﯘﯞﺍﭘﯩﻖ ﻫﺎﻟﺪﺍ ﭘﯩﺴﺨﯩﻚ ﻫﻪﻣﺪﻩ ﺟﯩﺴﻤﺎﻧﯩﻲ ﺳﺎﻏﻼﻣﻠﯩﻖ ﺗﻪﺭﺑﯩﻴﯩﺴﻰ ﺋﯧﻠﯩﭗ ﺑﯧﺮﯨﺸﻨﯩﯔ ﺋﻪﻫﻤﯩﻴﯩﺘﻰ ﻫﻪﻣﺪﻩ ﻫﺎﺯﯨﺮﻏﺎ ﻗﻪﺩﻩﺭ ﺑﯘ ﺟﻪﻫﻪﺗﺘﻪ ﺳﺎﻗﻠﯩﻨﯩﯟﺍﺗﻘﺎﻥ ﻳﯧﺘﻪﺭﺳﯩﺰﻟﯩﻚ ﺷﯘﻧﺪﺍﻗﻼ ﺑﯘﻧﯩﯖﺪﯨﻦ ﭘﻪﻳﺪﺍ ﺑﻮﻟﻐﺎﻥ ﻣﻪﺳﯩﻠﯩﻠﻪﺭ ﻫﻪﻗﻘﯩﺪﻩ ﭼﻪﺗﺌﻪﻟﻠﻪﺭﺩﯨﻜﻰ ﺑﯩﺮ ﻗﯩﺴﯩﻢ ﻣﺎﺋﺎﺭﯨﭙﭽﻰ ﻫﻪﻣﺪﻩ ﺯﯨﻴﺎﻟﯩﻴﻼﺭ ﺑﯩﻠﻪﻥ ﻣﯘﻻﻫﯩﺰﻩ ﺋﯘﻳﯘﺷﺘﯘﺭﺩﯗﻕ.

ﻳﺎﺵ ﺋﯚﺳﻤﯜﺭﻟﯜﻙ ﺩﻩﯞﺭ - ﺋﯩﻨﺴﺎﻥ ﻫﺎﻳﺎﺗﯩﻨﯩﯔ ﺋﺎﻟﺘﯘﻥ ﺩﻩﯞﺭﻯ، ﺋﯘﻳﻐﯘﺭ ﺩﯨﻴﺎﺭﻯ، ﺋﯘﻳﻐﯘﺭ ﺟﻪﻣﺌﯩﻴﯩﺘﯩﻨﯩﯔ ﻫﻪﻣﻤﻪ ﻗﺎﺗﻼﻣﻠﯩﺮﯨﻐﺎ ﺑﯜﺳﯜﭖ ﻛﯩﺮﯨﯟﺍﺗﻘﺎﻥ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ، ﺋﻪﻳﺪﯨﺰ ﯞﻩ ﺟﯩﻨﺎﻳﻪﺗﻠﻪﺭﻧﯩﯔ ﺑﻪﺯﻯ ﻳﺎﺵ ﺋﻪﯞﻻﺗﻼﺭﻧﯩﯔ ﺋﺎﻟﺘﯘﻥ ﺩﻩﯞﺭﯨﻨﻰ ﻧﺎﺑﯘﺕ ﻗﯩﻠﯩﺸﻰ، ﻫﻪﻣﻤﯩﻨﻰ ﺋﯧﭽﯩﻨﺪﯛﺭﯛﯞﺍﺗﻘﺎﻥ ﻣﻪﺳﯩﻠﻪ. ﻣﯩﻠﻠﻪﺗﻨﯩﯔ ﻛﻪﻟﮕﯜﺳﻰ ﺋﻪﯞﻻﺗﻠﯩﺮﯨﻨﻰ ﺟﯩﺴﻤﺎﻧﯩﻲ ﻫﻪﻡ ﺭﻭﻫﯩﻲ ﺟﻪﻫﻪﺗﺘﻪ ﺳﺎﻏﻼﻡ ﻳﯧﺘﯩﻠﺪﯛﺭﯛﺵ، ﺋﻪﺧﻼﻗﻠﯩﻖ، ﺑﯩﻠﯩﻤﻠﯩﻚ، ﻛﯧﺮﻩﻛﻠﯩﻚ ﺋﯩﻨﺴﺎﻥ ﻗﯩﻠﯩﭗ ﻳﯧﺘﯩﺸﺘﯜﺭﯛﺵ، ﺋﺎﺗﺎ ‏ - ﺋﺎﻧﺎ، ﻣﻪﻛﺘﻪﭖ ﯞﻩ ﺟﻪﻣﺌﯩﻴﻪﺗﻨﯩﯔ ﺋﻮﺭﺗﺎﻕ ﻫﻪﻣﻜﺎﺭﻟﯩﺸﯩﭗ ﺗﻪﺭﺑﯩﻴﯩﻠﯩﺸﯩﮕﻪ ﻣﯘﻫﺘﺎﺝ.

ﮔﻪﺭﭼﻪ ﻣﻪﻛﺘﻪﭘﻠﻪﺭﺩﻩ ﺳﯩﻴﺎﺳﯩﻲ ﺋﻪﺧﻼﻕ ﺗﻪﺭﺑﯩﻴﯩﺴﻰ ﻣﻪﺧﺴﯩﯘﺱ ﺩﻩﺭﺳﻠﯩﻚ ﻗﯩﻠﯩﭗ ﺗﯜﺯﯛﻟﯜﭖ ﺑﺎﺭﻏﺎﻧﭽﻪ ﻛﯜﭼﻪﻳﺘﯩﭗ ﻛﯧﻠﯩﻨﯩﯟﺍﺗﻘﺎﻥ ﺑﻮﻟﺴﯩﻤﯘ، ﺋﻪﭘﺴﯘﺱ ﻳﺎﺵ ﺋﯚﺳﻤﯜﺭﻟﻪﺭ ﺗﻪﺭﺑﯩﻴﯩﺴﯩﺪﻩ ﻣﯘﻫﯩﻢ ﺑﯩﺮ ﻫﺎﻟﻘﺎ ﺑﻮﻟﻐﺎﻥ ﺟﯩﺴﻤﺎﻧﯩﻲ ﺳﺎﻏﻼﻣﻠﯩﻖ، ﭘﯩﺴﺨﯩﻜﺎ ﺳﺎﻏﻼﻣﻠﯩﻖ ﺗﻪﺭﺑﯩﻴﯩﺴﯩﻨﯩﯔ ﻛﻪﻣﭽﯩﻞ ﻫﻪﻡ ﻛﯧﻴﯩﻦ ﺑﻮﻟﯘﯞﺍﺗﻘﺎﻧﻠﯩﻘﯩﺪﻩﻙ ﻣﻪﺳﯩﻠﻪ ﺋﯘﺯﯗﻥ ﻳﯩﻠﻼﺭﺩﯨﻦ ﺑﯘﻳﺎﻥ ﻏﯘﻟﻐﯘﻻ ﻗﻮﺯﻏﯩﻐﺎﻥ ﻣﻪﺳﯩﻠﻪ ﺋﯩﺪﻯ، ﺑﺎﻟﯩﻼﺭﻧﯩﯔ ﺳﺎﻏﻼﻣﻠﯩﻘﻰ ﻫﻪﻗﻘﯩﺪﻩ ﺳﯧﺴﺘﯩﻤﯩﻠﯩﻖ ﺑﯩﺮ ﺩﻩﺭﺳﻠﯩﻚ ﻳﺎﻛﻰ ﺗﻪﺭﺑﯩﻴﻪ ﻗﻮﻟﻼﻧﻤﯩﺴﻰ ﯞﯗﺟﯘﺗﻘﺎ ﭼﯩﻘﻤﯩﻐﺎﻥ.

ﺋﯘﻳﻐﯘﺭ ﺋﯧﻠﯩﺪﯨﻜﻰ ﻣﻪﻛﺘﻪﭘﻠﻪﺭﺩﻩ ﺑﺎﻟﯩﻼﺭ ﺗﺎ ﺋﻮﺗﺘﯘﺭﺍ ﻣﻪﻛﺘﻪﭖ ﺗﻮﻟﯘﻗﺴﯩﺰ ﺋﯜﭼﯩﻨﭽﻰ ﻳﯩﻠﻠﯩﻘﻘﺎ ﭼﯩﻘﻘﺎﻧﻐﺎ ﻗﻪﺩﻩﺭ،ﻳﻪﻧﻰ ﻳﺎﺵ ﺋﯚﺳﻤﯜﺭﻟﯜﻛﺘﯩﻦ ﻳﺎﺷﻠﯩﻘﻘﺎ ﻗﻪﺩﻩﻡ ﻗﻮﻳﻐﺎﻥ ﺩﻩﯞﺭﺩﯨﻼ 20 - ﺋﻪﺳﯩﺮﻧﯩﯔ 70 - ﻳﯩﻠﻠﯩﺮﯨﺪﺍ ﺗﯜﺯﯛﻟﮕﻪﻥ ﮔﯧﮕﯩﻨﺎ ﺩﻩﺭﺳﻠﯩﻜﯩﺪﻩ ﺑﯩﺮ ﻳﺎﻛﻰ ﺋﯩﻜﻜﻰ ﭘﺎﺭﺍﮔﯩﺮﺍﻑ ﺋﯩﻨﺴﺎﻥ ﻓﯩﺰﯨﺌﻮﻟﻮﮔﯩﻴﯩﺴﻰ ﺑﯩﻠﻪﻥ ﺗﻮﻧﯘﺷﯘﭖ ﭼﯩﻘﯩﺪﯗ، ﺑﺎﻟﯩﻼﺭﻏﺎ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ ﺳﺎﻏﻼﻣﻠﯩﻖ ﺗﻪﺭﺑﯩﻴﯩﺴﻰ ﻣﺎﻧﺎ ﻣﯘﺷﯘﻧﯩﯔ ﺑﯩﻠﻪﻧﻼ ﻛﯘﭘﺎﻳﻪ ﻗﯩﻠﯩﭗ ﻛﯧﻠﯩﻨﮕﻪﻥ ﺋﯩﺪﻯ. ﺑﯘﻧﯩﯖﺪﯨﻦ ﺑﺎﺷﻘﺎ ﺋﯚﺳﯜﭖ ﻳﯧﺘﯩﻠﯩﺶ ﺩﻩﯞﺭﯨﺪﯨﻜﻰ ﻳﺎﺵ ﺋﯚﺳﻤﯜﺭﻟﻪﺭﻧﯩﯔ ﺗﯜﺭﻟﯜﻙ ﻓﺎﻧﺘﺎﺯﯨﻴﯩﻠﯩﺮﻯ، ﺋﯚﺯﻟﯩﺮﯨﺪﯨﻜﻰ ﺋﯚﺯﮔﯩﺮﯨﺸﻠﻪﺭﮔﻪ ﺑﻮﻟﻐﺎﻥ ﺗﯧﯖﯩﺮﻗﺎﺵ، ﭼﯜﺷﻪﻧﻤﻪﺳﻠﯩﻚ، ﻳﻪﻧﻪ ﻧﯘﺭﻏﯘﻥ ‏ - ﻧﯘﺭﻏﯘﻥ ﺳﻮﺋﺎﻟﻼﺭﻏﺎ ﺟﺎﯞﺍﺏ ﺑﻮﻟﻐﯘﺩﻩﻙ ﻣﯘﯞﺍﭘﯩﻖ ﺋﯩﻨﺴﺎﻥ ﻓﯩﺰﯨﺌﻮﻟﻮﮔﯩﻴﯩﺴﻰ، ﺟﯩﻨﺴﯩﻴﻪﺕ ﺗﻪﺭﻩﻗﯩﻘﻴﺎﺗﻰ، ﭘﯩﺴﺨﯩﻚ ﺳﺎﻏﻼﻣﻠﯩﻖ ﻫﻪﻗﻘﯩﺪﻩ ﻫﯧﭽﻘﺎﻧﺪﺍﻕ ﺩﻩﺭﺳﻠﯩﻚ ﻳﻮﻕ ﺋﯩﺪﻯ.

ﻳﯧﻘﯩﻨﺪﺍ ﺋﯘﻳﻐﯘﺭ ﺋﯧﻠﻰ ﻣﺎﺋﺎﺭﯨﭗ ﺗﺎﺭﻣﺎﻗﻠﯩﺮﻯ " ﺑﺎﺷﻼﻧﻐﯘﭺ - ﺋﻮﺗﺘﯘﺭﺍ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﯨﻨﯩﯔ ﺳﺎﻏﻼﻣﻠﯩﻖ ﺗﻪﺭﺑﯩﻴﯩﺴﻰ ﻗﻮﻟﻼﻧﻤﯩﺴﻰ" ﻧﻰ ﺗﯜﺯﮔﻪﻥ ﺑﻮﻟﯘﭖ، ﻣﻪﺯﻛﯜﺭ ﺋﻮﻗﯘﺷﻠﯘﻕ ﺑﺎﺷﻼﻧﻐﯘﭺ ﻣﻪﻛﺘﻪﭖ 4 - ﻳﯩﻠﻠﯩﻘﻠﯩﺮﯨﺪﯨﻦ ﺑﺎﺷﻼﭖ ﺯﯙﺭﯛﺭ ﺩﻩﺭﺳﻠﯩﻚ ﻗﺎﺗﺎﺭﯨﻐﺎ ﻛﯩﺮﮔﯜﺯﯛﻟﻤﻪﻛﭽﻰ ﺋﯩﻜﻪﻥ.

ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﻣﺎﺋﺎﺭﯨﭗ ﺗﻮﺭﯨﺪﺍ، ﺋﯘﻳﻐﯘﺭ ﺋﯧﻠﻰ ﻣﺎﺋﺎﺭﯨﭗ ﻧﺎﺯﺍﺭﯨﺘﻰ ﺗﻪﻧﺘﻪﺭﺑﯩﻴﻪ، ﮔﯜﺯﻩﻝ ﺳﻪﻧﺌﻪﺕ ﺑﯚﻟﯜﻣﻰ ﺑﺎﺷﻠﯩﻘﻰ ﺋﻪﻧﯩﯟﻩﺭ ﺋﻮﺳﻤﺎﻧﻨﯩﯔ ﺳﯚﺯﯨﻨﻰ ﻧﻪﻗﯩﻞ ﻛﻪﻟﺘﯜﺭﯛﺷﯩﭽﻪ، ﻣﻪﺯﻛﯜﺭ ﺳﺎﻏﻼﻣﻠﯩﻖ ﺑﯩﻠﯩﻤﻠﯩﺮﻯ ﺋﻮﻗﯘﺷﻠﯘﻗﻰ ﺋﯘﻳﻐﯘﺭ ﺋﯧﻠﻰ ﺗﻪﯞﻩﺳﯩﺪﻩ، ﺟﯩﻨﺴﯩﻲ ﺳﺎﻏﻼﻣﻠﯩﻖ ﻫﻪﻣﺪﻩ ﭘﯩﺴﺨﯩﻚ ﺳﺎﻏﻼﻣﻠﯩﻖ ﺑﯩﻠﯩﻤﻠﯩﺮﯨﺒﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﺗﯘﻧﺠﻰ ﻗﯧﺘﯩﻢ ﺳﯧﺴﺘﯩﻤﯩﻠﯩﻖ، ﺑﯩﺮ ﻗﻪﺩﻩﺭ ﻣﯘﻛﻪﻣﻤﻪﻝ ﺗﯜﺯﯛﻟﮕﻪﻥ ﺋﻮﻗﯘﺷﻠﯘﻕ ﺑﻮﻟﯘﭖ، ﺋﯘﻧﯩﯖﻐﺎ ﺋﻪﻳﺪﯨﺰﻧﯩﯔ ﺋﺎﻟﺪﯨﻨﻰ ﺋﯧﻠﯩﺶ، ﺯﻩﻫﻪﺭﮔﻪ ﻗﺎﺭﺷﻰ ﺗﯘﺭﯗﺵ، ﻧﯩﻜﺎﻫﺘﯩﻦ ﺑﯘﺭﯗﻧﻘﻰ ﺟﯩﻨﺴﯩﻲ ﻣﯘﻧﺎﺳﯩﯟﻩﺗﺘﯩﻦ ﺳﺎﻗﻠﯩﻨﯩﺶ ﻗﺎﺗﺎﺭﻟﯩﻖ ﺋﯩﻠﮕﯩﺮﻯ ﻳﻮﻕ ﺑﻮﻟﻐﺎﻥ ﻳﯧﯖﻰ ﻣﻪﺯﻣﯘﻧﻼﺭ ﻫﻪﺭ ﻗﺎﻳﺴﻰ ﻳﯩﻠﻠﯩﻖ ﺋﻮﻗﯘﻏﯘﭼﯩﻠﯩﺮﯨﻨﯩﯔ ﺩﻩﺭﺳﻠﯩﻜﻠﯩﺮﯨﮕﻪ ﻣﺎﺱ ﻫﺎﻟﺪﺍ ﺑﯚﻟﯜﭖ ﻛﯩﺮﮔﯜﺯﯛﻟﮕﻪﻥ.

ﻣﻪﺯﻛﯜﺭ ﺳﺎﻏﻼﻣﻠﯩﻖ ﻗﻮﻟﻼﻧﻤﯩﺴﯩﻐﺎ ﻳﻪﻧﻪ، ﻫﺎﺯﯨﺮﻗﻰ ﻳﺎﺵ ﺋﯚﺳﻤﯜﺭﻟﻪﺭﻧﯩﯔ ﺑﺎﻟﺪﯗﺭ ﻳﯧﺘﯩﻠﯩﺸﭽﺎﻧﻠﯩﻘﯩﻐﺎ ﻣﺎﺱ ﻫﺎﻟﺪﺍ ﺟﯩﻨﺴﯩﻲ ﺋﻪﺧﻼﻕ ﺗﻪﺭﺑﯩﻴﯩﺴﻰ، ﻫﺎﻣﯩﻠﺪﺍﺭﻟﯩﻘﺘﯩﻦ ﺳﺎﻗﻠﯩﻨﯩﺶ ﺗﻪﺭﺑﯩﻴﯩﻠﯩﺮﯨﻤﯘ ﻣﯘﯞﺍﭘﯩﻖ ﻛﯩﺮﮔﯜﺯﯛﻟﮕﻪﻥ ﻫﻪﻣﺪﻩ ﺑﯘﻧﯩﯖﺪﺍ ﻳﻪﻧﻪ ﺑﺎﻟﯩﻼﺭﻧﯩﯔ ﺟﻪﻣﺌﯩﻴﻪﺕ ﻫﻪﻣﺪﻩ ﺋﺎﺋﯩﻠﯩﻠﻪﺭﺩﯨﻜﻰ ﺑﻪﺯﻯ ﺋﯚﺯﮔﯩﺮﯨﺸﻠﻪﺭﮔﻪ ﻣﺎﺳﻠﯩﺸﯩﺶ، ﭘﯩﺴﺨﯩﻜﺎ ﺟﻪﻫﻪﺗﺘﻪ ﺗﻪﻳﻴﺎﺭﻟﯩﻖ ﻛﯚﺭﯛﺷﻰ ﺋﯜﭼﯜﻧﻤﯘ " ﺋﺎﺗﺎ ‏ - ﺋﺎﻧﺎ ﺋﺎﺟﺮﺍﺷﻘﺎﻧﺪﺍ، ﺋﺎﺗﺎ ‏ - ﺋﺎﻧﺎ ﺧﯩﺰﻣﻪﺗﺴﯩﺰ ﻗﺎﻟﻐﺎﻧﺪﺍ ﺩﯦﮕﻪﻧﺪﻩﻙ ﺗﯧﻤﯩﻼﺭﺩﯨﻜﻰ ﭘﯩﺴﺨﯩﻜﺎ ﺟﻪﻫﻪﺗﺘﯩﻜﻰ ﻳﯧﺘﻪﻛﻠﻪﺵ ﻣﻪﺯﻣﯘﻧﻠﯩﺮﯨﻤﯘ ﺑﺎﺭ ﺋﯩﻜﻪﻥ.
 
ﺑﯘ ﻳﯧﯖﻰ ﺗﯜﺯﯛﻟﮕﻪﻥ ﺳﺎﻏﻼﻣﻠﯩﻖ ﺗﻪﺭﺑﯩﻴﯩﺴﻰ ﻗﻮﻟﻼﻧﻤﯩﺴﻰ ﺑﯘ ﻳﯩﻞ 8 - ﺋﺎﻳﺪﯨﻦ ﺑﺎﺷﻼﭖ ﻫﻪﺭ ﺑﯩﺮ ﺑﺎﺷﻼﻧﻐﯘﭺ، ﺋﻮﺗﺘﯘﺭﺍ ﻣﻪﻛﺘﻪﭘﻠﻪﺭﮔﻪ ﻳﻪﺗﻜﯜﺯﯛﻟﯩﺪﯨﻐﺎﻥ ﺑﻮﻟﯘﭖ، ﺑﺎﺷﻼﻧﻐﯘﭺ ﯞﻩ ﺋﻮﺗﺘﯘﺭﺍ ﻣﻪﻛﺘﻪﭘﻠﻪﺭﺩﻩ ﻫﻪﺭ ﻫﻪﭘﺘﯩﺴﯩﮕﻪ ﺋﺎﻟﺘﻪ، ﻳﻪﺗﺘﻪ ﺩﻩﺭﺱ ﺳﺎﺋﯩﺘﻰ ﺋﻮﺭﯗﻧﻼﺷﺘﯘﺭﯗﻟﯩﺪﯨﻜﻪﻥ.

ﺋﯘﻳﻐﯘﺭ ﺟﻪﻣﺌﯩﻴﺘﯩﺪﻩ ﺗﯧﺰ ﻳﺎﻣﺮﯨﻐﺎﻥ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ، ﺋﻪﻳﺪﯨﺰ ﻛﻪﺑﻰ ﻫﺎﻻﻛﻪﺗﻠﻪﺭ، ﺭﻭﻫﯩﻲ ﻫﻪﻣﺪﻩ ﺟﯩﺴﻤﺎﻧﯩﻲ ﺯﻩﺋﯩﭙﻠﯩﻚ ﺗﯜﭘﻪﻳﻠﻰ ﻳﯜﺯ ﺑﯧﺮﯨﯟﺍﺗﻘﺎﻥ ﺟﯩﻨﺎﻳﻰ ﺯﺍﻻﻟﻪﺗﻠﻪﺭﻧﯩﯔ ﺋﻪﺭ - ﺋﺎﻳﺎﻟﻼﺭﺩﯨﻦ ﻫﺎﻟﻘﯩﭗ،ﺑﺎﻻﻏﻪﺗﻜﻪ ﻳﻪﺗﻤﯩﮕﻪﻥ ﻳﺎﺵ ﺋﯚﺳﻤﯜﺭﻟﻪﺭﮔﻪ ﻫﻪﺗﺘﺎ ﺳﻪﺑﯩﻲ ﺑﺎﻟﯩﻼﺭﻏﯩﭽﻪ ﻗﻮﻟﯩﻨﻰ ﺗﯩﻘﯩﺸﻰ، ﺋﯘﻳﻐﯘﺭﻻﺭﻧﻰ ﺋﻪﯞﻻﺗﻠﯩﺮﯨﻤﯩﺰﻧﻰ ﺑﯘ ﯞﺍﺑﺎﻻﺭﺩﯨﻦ ﻗﺎﻧﺪﺍﻕ ﺳﺎﻗﻠﯩﺸﯩﻤﯩﺰ ﻛﯧﺮﻩﻙ ﯞﻩ ﺗﻪﺭﺑﯩﻴﯩﻨﻰ ﻧﻪﺩﯨﻦ ﻗﺎﻧﺪﺍﻕ ﺑﺎﺷﻠﯩﺸﯩﻤﯩﺰ ﻛﯧﺮﻩﻙ ﺩﯦﮕﻪﻥ ﻣﻪﺳﯩﻠﯩﻠﻪﺭ ﺋﯜﺳﺘﯩﺪﻩ ﺋﻮﻳﻼﻧﺪﯗﺭﻏﺎﻥ ﺋﯩﺪﻯ.

ﺷﯘﻧﺪﺍﻗﻼ ﺑﯘﻧﯩﯔ ﺑﯩﻠﻪﻥ ﺑﯩﺮ ﻗﯩﺴﯩﻢ ﻛﯩﺸﯩﻠﻪﺭ "ﺋﻪﺯﻩﻟﺪﯨﻦ ﻳﯧﭙﯩﻖ ﺑﻮﻟﻐﺎﻥ ﺟﯩﻨﺴﯩﻴﻪﺕ ﺗﻪﺭﺑﯩﻴﯩﺴﯩﻨﻰ ﺋﯧﭽﯩﺶ ﻛﯧﺮﻩﻙ، ﺑﺎﻟﯩﻼﺭ ﺳﺎﻏﻼﻡ ﺑﻮﻟﻤﯩﻐﺎﻥ ﻣﻪﺩﻩﻧﯩﻴﻪﺕ ﺋﯘﭼﯘﺭﻟﯩﺮﯨﺪﯨﻦ ﺟﯩﻨﺴﯩﻴﻪﺗﻜﻪ ﺋﺎﻻﻗﯩﺪﺍﺭ ﺋﯘﭼﯘﺭﻻﺭﻧﻰ ﺋﯩﮕﯩﻠﻪﺷﺘﯩﻦ ﺑﯘﺭﯗﻥ، ﺋﯩﻠﻤﯩﻲ، ﺳﺎﻏﻼﻡ، ﺗﻮﻏﺮﺍ ﺗﻪﺭﺑﯩﻴﯩﻨﻰ ﺋﯧﻠﯩﭗ ﺑﯧﺮﯨﺶ ﻛﯧﺮﻩﻙ" ﺩﯦﮕﻪﻥ ﻗﺎﺭﺍﺷﻨﻰ ﻳﺎﻗﻠﯩﺴﺎ ، "ﻧﻮﻣﯘﺳﻠﯘﻕ ﺟﺎﻳﻼﺭﻧﯩﯔ ﻳﯚﮔﯩﻠﯩﺸﯩﻨﯩﯔ ﺋﯚﺯﯨﻼ ﺑﯘ ﺗﯧﻤﯩﻨﯩﯔ ﻳﯚﮔﯩﻠﯩﺸﯩﻨﻰ ﺑﻪﻟﮕﯩﻠﯩﮕﻪﻥ. ﺟﯩﻨﺴﯩﻴﻪﺕ ﺋﯘﻗﯘﻣﻠﯩﺮﯨﻨﻰ ﺑﺎﻟﯩﻼﺭ ﺑﯩﻠﻪﻥ ﺋﺎﺗﺎ - ﺋﺎﻧﯩﻼﺭﻧﯩﯔ ﻣﯘﻧﺎﺯﯨﺮﯨﻠﯩﺸﯩﺸﻰ ﺋﻪﺧﻼﻗﯩﻤﯩﺰﻏﺎ ﻳﺎﺕ. ﺩﻩﺳﻠﻪﭖ ﺋﻪﺧﻼﻕ ﻗﺎﺭﯨﺸﯩﻨﻰ ﺗﯩﻜﻠﻪﺷﻜﻪ ﻳﺎﺭﺩﻩﻡ ﺑﯧﺮﯨﺶ، ﺩﯨﻨﯩﻲ ﯞﻩ ﻣﯩﻠﻠﯩﻲ ﺷﯘﻧﺪﺍﻗﻼ ﺋﯩﻨﺴﺎﻧﯩﻲ ﺋﻪﺧﻼﻕ ﺗﻪﺭﺑﯩﻴﯩﺴﯩﻨﻰ ﻛﯜﭼﻪﻳﺘﯩﺶ ﻛﯧﺮﻩﻙ،" ﺩﻩﭖ ﻗﺎﺭﯨﻐﺎﻧﻼﺭﻣﯘ ﺑﻮﻟﺪﻯ.

ﺋﯘﻧﺪﺍﻗﺘﺎ ﺋﯘﻳﻐﯘﺭ ﺋﯩﻠﻰ ﻣﺎﺋﺎﺭﯨﭗ ﺩﺍﺋﯩﺮﯨﻠﯩﺮﯨﻨﯩﯔ ﺑﺎﺷﻼﻧﻐﯘﭺ ﻫﻪﻣﺪﻩ ﺋﻮﺗﺘﯘﺭﺍ ﻣﻪﻛﺘﻪﭘﻠﻪﺭﮔﻪ ﺭﻩﺳﻤﯩﻲ ﺩﻩﺭﺳﻠﯩﻚ ﻗﯩﻠﯩﭗ ﻛﯩﺮﮔﯜﺯﻣﻪﻛﭽﻰ ﺑﻮﻟﻐﺎﻥ ﺳﺎﻏﻼﻣﻠﯩﻖ ﺗﻪﺭﺑﯩﻴﯩﺴﻰ ﺋﻮﻗﯘﺷﻠﯘﻗﻰ ﺋﻪﯞﻻﺗﻼﺭﻧﯩﯔ ﺟﯩﺴﻤﺎﻧﯩﻲ ﻫﻪﻣﺪﻩ ﭘﯩﺴﺨﯩﻚ ﺳﺎﻏﻼﻣﻠﯩﻖ ﺗﻪﺭﺑﯩﻴﯩﺴﯩﺪﯨﻜﻰ ﺑﯩﺮ ﺑﯚﺳﯜﺷﻤﯘ؟

ﺑﯘ ﻫﻪﻗﺘﻪ ﭼﻪﺗﺌﻪﻟﻠﻪﺭﺩﯨﻜﻰ ﺋﯘﻳﻐﯘﺭ ﺯﯨﻴﺎﻟﯩﻴﻠﯩﺮﯨﺪﯨﻦ ﮔﯩﺮﻣﺎﻧﯩﻴﯩﺪﻩ ﻳﺎﺷﺎﯞﺍﺗﻘﺎﻥ ﺑﯩﺮ ﺋﯘﻳﻐﯘﺭ ﺋﺎﻧﺎ ﺑﯩﻠﻪﻥ ﺩ ﺋﯘ ﻕ ﻧﯩﯔ ﺩﯨﻨﯩﻲ ﺋﯩﺸﻼﺭ ﻛﻮﻣﯩﺘﯧﺘﻰ ﻣﯘﺩﯨﺮﻯ ﺗﯘﺭﻏﯘﻧﺠﺎﻥ ﺋﺎﻻﯞﯗﺩﯗﻧﻼﺭ ﺋﯚﺯﻟﯩﺮﯨﻨﯩﯔ ﻛﯚﺯ ﻗﺎﺭﺍﺷﻠﯩﺮﯨﻨﻰ ﺑﺎﻳﺎﻥ ﻗﯩﻠﺪﻯ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز