ﺗﻮﻗﯘﻧﯘﺷﺘﺎ ﺗﺎﻟﯩﺒﺎﻥ ﺗﻪﺭﻩﭘﺘﯩﻦ 50 ﻛﯩﺸﻰ، ﭘﺎﻛﯩﺴﺘﺎﻥ ﺋﺎﺭﻣﯩﻴﯩﺴﯩﺪﯨﻦ 8 ﻛﯩﺸﻰ ﺋﯚﻟﮕﻪﻥ. ﺗﯜﻧﯜﮔﯜﻥ ﭘﺎﻛﯩﺴﺘﺎﻥ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﺧﯩﺘﺎﻳﻐﺎ ﻗﺎﻳﺘﯘﺭﯗﻟﻐﺎﻥ 9 ﻧﻪﭘﻪﺭ ﺋﯘﻳﻐﯘﺭﻧﯩﯔ ﻣﺎﻧﺎ ﻣﯘﺷﯘ، ﺋﯩﻜﻜﻰ ﺗﻪﺭﻩﭖ ﺋﺎﺭﯨﺴﯩﺪﯨﻜﻰ ﺗﻮﻗﯘﻧﯘﺵ ﺟﻪﺭﻳﺎﻧﺪﺍ ﯞﻩ ﻳﺎﻛﻰ ﻳﻪﺭﻟﯩﻚ ﺋﺎﻫﺎﻟﯩﻠﻪﺭﻧﯩﯔ ﻛﯚﭼﯜﺷﻰ ﺩﺍﯞﺍﻣﯩﺪﺍ ﺗﯘﺗﯘﻟﻐﺎﻧﻠﯩﻘﻰ ﭘﻪﺭﻩﺯ ﻗﯩﻠﯩﻨﻤﺎﻗﺘﺎ. ﺑﯘ ﻫﻪﻗﺘﻪ، ﭘﺎﻛﯩﺴﺘﺎﻧﺪﺍ ﻳﺎﺷﺎﯞﺍﺗﻘﺎﻥ ﺋﻪﺭﺷﯩﺪﯨﻦ ﺋﻪﭘﻪﻧﺪﻯ ﻗﺎﺭﺍﺵ ﯞﻩ ﭘﻪﺭﻩﺯﻟﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.

ﻧﯚﯞﻩﺗﺘﻪ، ﭘﺎﻛﯩﺴﺘﺎﻥ ﻫﻪﺭﺑﯩﻲ ﺩﺍﺋﯩﺮﻟﯩﺮﻯ ﺗﺎﻟﯩﺒﺎﻧﻼﺭﻧﯩﯔ ﺭﺍﻳﻮﻧﺪﯨﻦ ﭼﯧﻜﯩﻨﯩﺸﯩﻨﻰ ﺑﯘﻳﺮﯗﻣﺎﻗﺘﺎ. ﺗﺎﻟﯩﺒﺎﻥ ﺗﻪﺭﻩﭖ ﺑﻮﻟﺴﺎ، ﭘﺎﻛﯩﺴﺘﺎﻥ ﺋﺎﺭﻣﯩﻴﯩﺴﻰ ﻫﯘﺟﯘﻣﻨﻰ ﺗﻮﺧﺘﺎﺗﻤﯩﺴﺎ، ﭘﯜﺗﯜﻥ ﭘﺎﻛﯩﺴﺘﺎﻥ ﺩﺍﺋﯩﺮﯨﺴﯩﺪﻩ ﺋﻪﻧﺴﯩﺰﭼﯩﻠﯩﻚ ﭘﻪﻳﺪﺍ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ. ﺑﯘ ﻳﯩﻞ ﺋﯩﻜﻜﯩﻨﭽﻰ ﺋﺎﻳﺪﺍ، ﺋﯩﺴﻼﻣﺌﺎﺑﺎﺩ ﻫﯚﻛﯜﻣﯩﺘﻰ ﻏﻪﺭﺑﯩﻲ ﺷﯩﻤﺎﻝ ﺭﺍﻳﻮﻧﯩﺪﯨﻜﻰ ﺳﯩﯟﺍﺕ ﻗﺎﺗﺎﺭﻟﯩﻖ ﺟﺎﻳﻼﺭﺩﺍ ﺷﻪﺭﯨﺌﻪﺕ ﻗﺎﻧﯘﻧﯩﻨﯩﯔ ﺋﯩﺠﺮﺍ ﻗﯩﻠﯩﻨﯩﺸﯩﻐﺎ ﻳﻮﻝ ﻗﻮﻳﻐﺎﻥ ﺋﯩﺪﻯ.

ﺋﯚﺗﻜﻪﻥ ﻫﻪﭘﺘﯩﺪﯨﻦ ﺑﺎﺷﻼﭖ، ﺗﺎﻟﯩﺒﺎﻥ ﺗﻪﺭﻩﭖ ﺋﯚﺯ ﺩﺍﺋﯩﺮﯨﺴﯩﻨﻰ ﻛﯧﯖﻪﻳﺘﯩﺶ ﺋﯜﭼﯜﻥ ﺩﺍﯞﺍﻣﻠﯩﻖ ﻫﺎﻟﺪﺍ ﻫﻪﺭﯨﻜﻪﺗﻜﻪ ﺋﯚﺗﻜﻪﻥ. ﺋﯘﻻﺭ ﺋﯩﺴﻼﻣﺌﺎﺑﺎﺩﻗﺎ 100 ﻛﯩﻠﻮﻣﯧﺘﯩﺮ ﺋﻪﺗﺮﺍﭘﯩﺪﺍ ﻳﯧﻘﯩﻨﻼﭖ ﻛﻪﻟﮕﻪﻥ. ﻧﯚﯞﻩﺗﺘﻪ ﺑﯘ ﯞﻩﺯﯨﻴﻪﺗﺘﯩﻦ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺟﯩﺪﺩﯨﻲ ﺷﻪﻛﯩﻠﺪﻩ ﺋﻪﻧﺪﯨﺸﻪ ﻗﯩﻠﻤﺎﻗﺘﺎ.

ﺷﻪﻧﺒﻪ ﻛﯜﻧﻰ ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻫﯩﻠﻼﺭﯨﻲ ﻛﻠﯩﻨﺘﻮﻥ ﭘﺎﻛﯩﺴﺘﺎﻥ ﯞﻩﺯﯨﻴﯩﺘﻰ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ، ﺋﯩﺴﻼﻣﺌﺎﺑﺎﺩ ﻫﯚﻛﯜﻣﯩﺘﯩﻨﻰ "ﺗﺎﻟﯩﺒﺎﻧﻼﺭﻏﺎ ﺗﻪﺳﻠﯩﻢ ﺑﻮﻟﺪﻯ" ﺩﻩﭖ ﺋﻪﻳﯩﺒﻠﯩﮕﻪﻥ ﯞﻩ ﭘﺎﻛﯩﺴﺘﺎﻧﻨﯩﯔ ﺗﺎﻟﯩﺒﺎﻧﻼﺭﻏﺎ ﻗﺎﺭﺷﻰ ﻗﺎﺗﺘﯩﻖ ﻗﻮﻝ ﺑﻮﻟﯘﺷﯩﻨﻰ ﺗﻪﻟﻪﭖ ﻗﯩﻠﻐﺎﻥ. ﭘﺎﻛﯩﺴﺘﺎﻧﺪﯨﻜﻰ ﯞﻩﺯﯨﻴﻪﺗﺘﯩﻦ ﺋﻪﻧﺪﯨﺸﯩﻪ ﻗﯩﻠﯩﯟﺍﺗﻘﺎﻥ ﺗﻪﺭﻩﭘﻠﻪﺭﺩﯨﻦ ﺑﯩﺮﻯ ﭼﻪﺗﺌﻪﻟﺪﯨﻜﻰ ﺋﯘﻳﻐﯘﺭ ﭘﺎﺋﺎﻟﯩﻴﻪﺗﭽﯩﻠﯩﺮﯨﺪﯗﺭ.

ﺗﯜﺭﻛﯩﻴﯩﺪﯨﻜﻰ ﺷﻪﺭﻗﻰ ﺗﯜﺭﻛﯩﺴﺘﺎﻥ ﻣﺎﺋﺎﺭﯨﭗ ﺟﻪﻣﺌﯩﻴﯩﺘﯩﻨﯩﯔ ﻣﻪﺳﺌﯘﻟﻠﯩﺮﯨﺪﯨﻦ ﺑﯩﺮﻯ ﺑﻮﻟﻐﺎﻥ ﻫﯩﺪﺍﻳﯩﺘﯘﻟﻼﻫ ﺋﻪﭘﻪﻧﺪﻯ ﺑﯘ ﻫﻪﻗﺘﻪ ﻗﺎﺭﺍﺷﻠﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ. ﺋﯘ ﺳﯚﺯﯨﺪﻩ، ﺋﯘﻳﻐﯘﺭﻻﺭﻧﯩﯔ، ﻗﻮﺷﻨﯩﺴﻰ ﺑﻮﻟﻐﺎﻥ ﭘﺎﻛﯩﺴﺘﺎﻧﻐﺎ ﺑﯧﺮﯨﭗ ﺗﯘﺭﯗﺵ، ﻳﺎﺷﺎﺵ ﯞﻩ ﺋﯘﻻﺭﺩﯨﻦ ﺗﻮﻏﺮﺍ ﻣﻪﻗﺴﻪﺕ ﺋﯘﭼﯜﻥ ﻳﺎﺭﺩﻩﻡ ﺋﯧﻠﯩﺶ ﻫﻮﻗﯘﻗﻰ ﺑﺎﺭﻟﯩﻘﯩﻨﻰ؛ ﺋﻪﻣﻤﺎ ﺑﯘﻧﯩﯔ ﺑﻪﺯﻯ ﺩﯙﻟﻪﺕ ﯞﻩ ﮔﯘﺭﯗﭘﭙﯩﻼﺭ ﺗﻪﺭﯨﭙﯩﺪﯨﻦ ﺧﺎﺗﺎ ﻫﺎﻟﺪﺍ ﺑﯘﺭﻣﯩﻠﯩﻨﯩﭗ ﺗﻪﺷﯟﯨﻖ ﻗﯩﻠﯩﻨﯩﯟﺍﺗﻘﺎﻧﻠﯩﻘﯩﻨﻰ ﺋﻪﺳﻜﻪﺭﺗﺘﻰ.

ﭘﺎﻛﯩﺴﺘﺎﻧﺪﺍ ﻳﺎﺷﺎﯞﺍﺗﻘﺎﻥ ﻳﻪﻧﻪ ﺑﻪﺯﻯ ﺋﯘﻳﻐﯘﺭﻻﺭ، ﺧﯩﺘﺎﻳﻐﺎ ﻗﺎﻳﺘﯘﺭﯗﻟﻐﺎﻥ 9 ﻧﻪﭘﻪﺭ ﺋﯘﻳﻐﯘﺭﻧﯩﯔ ﺑﯘ ﻗﯧﺘﯩﻤﻘﻰ ﺗﻮﻗﯘﻧﯘﺵ ﯞﻩ ﻛﯚﭼﯜﺵ ﺟﻪﺭﻳﺎﻧﯩﺪﺍ ﺋﻪﻣﻪﺱ، ﺑﻪﻟﻜﻰ ﺋﯘﻧﯩﯖﺪﯨﻦ ﺧﯧﻠﻰ ﺑﯘﺭﯗﻥ ﺗﯘﺗﯘﻟﻐﺎﻧﻠﯩﻘﯩﻨﻰ ﭘﻪﺭﻩﺯ ﻗﯩﻠﯩﺪﯗ. ﻫﯩﺪﺍﻳﯩﺘﯘﻟﻼﻫ ﺋﻪﭘﻪﻧﺪﻯ ﺑﻮﻟﺴﺎ، ﻧﯚﯞﻩﺗﺘﻪ ﭘﺎﻛﯩﺴﺘﺎﻧﻨﯩﯔ ﺧﯩﺘﺎﻳﻐﺎ ﺳﺎﺩﺍﻗﻪﺗﻤﻪﻧﻠﯩﻜﯩﻨﻰ ﻛﯚﺭﺳﯩﺘﯩﺶ ﺋﯜﭼﯜﻥ ﻗﺎﻧﯘﻧﻨﻰ ﺑﯩﺮ ﺗﻪﺭﻩﭘﻜﻪ ﻗﺎﻳﺮﯨﭗ ﻗﻮﻳﺎﻻﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯨﺪﯗ.

ﺑﯘ ﭘﺮﻭﮔﺮﺍﻣﻤﯩﻤﯩﺰﺩﺍ ﺳﯩﻠﻪﺭﮔﻪ، ﭘﺎﻛﯩﺴﺘﺎﻧﺪﯨﻜﻰ ﻧﯚﯞﻩﺗﺘﯩﻜﻰ ﯞﻩﺯﯨﻴﻪﺕ ﯞﻩ 9 ﻧﻪﭘﻪﺭ ﺋﯘﻳﻐﯘﺭﻧﯩﯔ ﺧﯩﺘﺎﻱ ﻗﺎﻳﺘﯘﺭﯗﻟﯘﺷﻰ ﻫﻪﻗﻘﯩﺪﻩ ﭘﻪﺭﻩﺯ ﯞﻩ ﻣﯘﻻﻫﯩﺰﯨﻠﻪﺭﻧﻰ ﺳﯩﻠﻪﺭﮔﻪ ﺳﯘﻧﺪﯗﻕ. ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﺗﻪﭘﺴﯩﻠﻰ ﻣﻪﻟﯘﻣﺎﺗﯩﻤﯩﺰﻧﻰ ﺋﺎﯕﻼﻳﺴﯩﻠﻪﺭ.