ﺳﯧﻴﯩﺖ ﺳﯘﻟﺘﺎﻧﺨﺎﻧﻨﯩﯔ ﺑﯘ ﺑﺎﻳﺎﻧﺎﺗﻰ ﭘﺎﻛﯩﺴﺘﺎﻧﺪﯨﻜﻰ ﺋﯘﻳﻐﯘﺭ ﺟﺎﻣﺎﺋﯩﺘﯩﻨﻰ ﻗﺎﺗﺘﯩﻖ ﻏﻪﺯﻩﭘﻠﻪﻧﺪﯛﺭﮔﻪﻥ.

ﺧﯩﺘﺎﻱ ﻫﯚﻛﯜﻣﯩﺘﻰ ﭼﻪﺗﺌﻪﻟﺪﯨﻜﻰ ﺧﯩﺘﺎﻳﭙﻪﺭﻩﺱ ﺋﯘﻳﻐﯘﺭﻻﺭﺩﯨﻦ ﺑﯩﺮ ﺋﯚﻣﻪﻙ ﺗﻪﺷﻜﯩﻠﻠﻪﭖ، ﺑﯘ ﻳﯩﻞ 6 - ﺋﺎﻳﺪﺍ ﺋﯘﻳﻐﯘﺭ ﺋﯧﻠﯩﻨﻰ ﺯﯨﻴﺎﺭﻩﺕ ﻗﯩﻠﺪﯗﺭﻏﺎﻥ. ﻗﺎﺯﺍﻗﯩﺴﺘﺎﻥ، ﻗﯩﺮﻏﯩﺰﯨﺴﺘﺎﻥ، ﭘﺎﻛﯩﺴﺘﺎﻥ ﻗﺎﺗﺎﺭﻟﯩﻖ 10 ﻏﺎ ﻳﯧﻘﯩﻦ ﺩﯙﻟﻪﺗﺘﯩﻜﻰ 30 ﻧﻪﭼﭽﻪ ﻛﯩﺸﯩﺪﯨﻦ ﺗﻪﺷﻜﯩﻠﻠﻪﻧﮕﻪﻥ ﺑﯘ ﺯﯨﻴﺎﺭﻩﺕ ﺋﯚﻣﯩﻜﻰ ﺋﯘﻳﻐﯘﺭ ﺋﯧﻠﯩﻨﻰ 15 ﻛﯜﻥ ﺯﯨﻴﺎﺭﻩﺕ ﻗﯩﻠﻐﺎﻥ. ﺯﯨﻴﺎﺭﻩﺕ ﺋﺎﺧﯩﺮﯨﺪﺍ ﺋﯘﻻﺭﻏﺎ ﺋﯚﺯ ﺩﯙﻟﻪﺗﻠﯩﺮﯨﮕﻪ ﻗﺎﻳﺘﻘﺎﻧﺪﯨﻦ ﻛﯧﻴﯩﻦ، ﺋﯘﻳﻐﯘﺭ ﺋﯧﻠﯩﺪﯨﻜﻰ ﺗﻪﺭﻩﻗﻘﯩﻴﺎﺗﻼﺭ ﻫﻪﻗﻘﯩﺪﻩ ﺗﻪﺷﯟﯨﻘﺎﺕ ﺋﯧﻠﯩﭗ ﺑﯧﺮﯨﺸﻨﻰ ﺗﺎﭘﺸﯘﺭﻏﺎﻥ.

ﺷﯘ ﻗﯧﺘﯩﻤﻘﻰ ﺯﯨﻴﺎﺭﻩﺗﻜﻪ ﺋﯩﺸﺘﯩﺮﺍﻙ ﻗﯩﻠﻐﺎﻥ ﭘﺎﻛﯩﺴﺘﺎﻧﻠﯩﻖ ﺋﯘﻳﻐﯘﺭﻻﺭﺩﯨﻦ ﺳﯧﻴﯩﺖ ﺳﯘﻟﺘﺎﻧﺨﺎﻥ ﺷﯘ ﻗﯧﺘﯩﻤﻠﯩﻖ ﺯﯨﻴﺎﺭﻩﺕ ﻫﻪﻗﻘﯩﺪﻩ ﺗﻮﺗﺎﻟﺪﻯ. ﺋﯘ، ﺯﯨﻴﺎﺭﻩﺗﺘﯩﻦ ﻗﺎﻳﺘﯩﭗ ﻛﻪﻟﮕﻪﻧﺪﯨﻦ ﻛﯧﻴﯩﻦ، ﺧﯩﺘﺎﻳﻨﯩﯔ ﺗﺎﭘﺸﯘﺭﯗﻗﯩﻐﺎ ﺑﯩﻨﺎﺋﻪﻥ ﮔﯧﻠﮕﯩﺖ ﮔﯧﺰﯨﺘﯩﺪﻩ ﺳﯚﺯ ﻗﯩﻠﯩﭗ، ﻧﯚﯞﻩﺗﺘﻪ ﺋﯘﻳﻐﯘﺭﻻﺭﻧﯩﯔ ﺑﻪﺧﺖ-ﺳﺎﺋﺎﺩﻩﺕ ﺋﯩﭽﯩﺪﻩ ﻳﺎﺷﺎﯞﺍﺗﻘﺎﻧﻠﯩﻘﯩﻨﻰ، ﺋﯘﻳﻐﯘﺭ ﺋﯧﻠﯩﺪﺍ ﻫﯧﭽﻘﺎﻧﺪﺍﻕ ﻣﯩﻠﻠﯩﻲ ﻣﻪﺳﯩﻠﻪ ﻳﻮﻗﻠﯘﻗﯩﻨﻰ ﺑﯩﻠﺪﯛﺭﮔﻪﻥ ﯞﻩ ﺋﯘﻳﻐﯘﺭ ﺋﯧﻠﯩﻨﯩﯔ ﺗﻪﺭﻩﻗﻘﯩﻴﺎﺗﯩﻐﺎ ﺋﺎﭘﯩﺮﯨﻦ ﺋﻮﻗﯘﻏﺎﻥ.

ﺳﯧﻴﯩﺖ ﺳﯘﻟﺘﺎﻧﺨﺎﻧﻨﯩﯔ ﺑﯘ ﺳﯚﺯﻟﯩﺮﻯ ﭘﺎﻛﯩﺴﺘﺎﻧﺪﯨﻜﻰ ﺋﯘﻳﻐﯘﺭﻻﺭﻧﯩﯔ ﻏﻪﺯﯨﭙﯩﻨﻰ ﻗﻮﺯﻏﯩﻐﺎﻥ؛ ﺋﯘﻻﺭ ﺑﯩﺮ ﻗﺎﻧﭽﻪ ﻛﯜﻧﺪﯨﻦ ﺑﯧﺮﻯ ﺭﺍﺩﯨﺌﻮﻣﯩﺰﻏﺎ ﺗﯧﻠﯧﻔﻮﻥ ﻗﯩﻠﯩﭗ، ﺳﯧﻴﯩﺖ ﺳﯘﻟﺘﺎﻧﺨﺎﻧﻨﯩﯔ ﺳﯚﺯﻟﯩﺮﯨﻨﯩﯔ ﻫﻪﺭﮔﯩﺰ ﭘﺎﻛﯩﺴﺘﺎﻧﺪﯨﻜﻰ ﺋﯘﻳﻐﯘﺭﻻﺭﻏﺎ ﯞﻩﻛﯩﻠﻠﯩﻚ ﻗﯩﻼﻟﻤﺎﻳﺪﯨﻐﺎﻧﻠﯩﻘﯩﻨﻰ، ﭘﺎﻛﯩﺴﺘﺎﻧﺪﯨﻜﻰ ﺋﯘﻳﻐﯘﺭ ﺟﺎﻣﺎﺋﯩﺘﯩﻨﯩﯔ ﺑﯘ ﺧﯩﻞ ﻛﯩﺸﯩﻠﻪﺭﺩﯨﻦ ﻧﻪﭘﺮﻩﺗﻠﯩﻨﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺋﯚﺯ ﻧﻪﭘﺮﯨﺘﯩﻨﻰ ﺋﯩﭙﺎﺩﯨﻠﯩﮕﻪﻧﻠﻪﺭ ﺋﯩﭽﯩﺪﻩ، ﭘﺎﻛﯩﺴﺘﺎﻧﺪﯨﻜﻰ ﺳﻪﻣﻪﺕ ﻫﺎﺷﯩﻤﺠﺎﻥ ﺋﯩﺴﯩﻤﻠﯩﻚ ﺑﯩﺮ ﻳﺎﺵ ﯞﻩ ﺋﯩﺴﻼﻣﺌﺎﺑﺎﺩﺗﺎ ﻳﺎﺷﺎﯞﺍﺗﻘﺎﻥ ﻳﻪﻧﻪ ﺑﯩﺮ ﺋﯘﻳﻐﯘﺭ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﺪﻯ.

ﭘﺎﻛﯩﺴﺘﺎﻧﺪﯨﻜﻰ ﺋﯚﻣﻪﺭ ﺋﯘﻳﻐﯘﺭ ﯞﻩﺧﭙﻰ ﭘﺎﻛﯩﺴﺘﺎﻧﺪﯨﻜﻰ ﺧﯩﺘﺎﻱ ﺋﻪﻟﭽﯩﺨﺎﻧﯩﺴﯩﻨﯩﯔ ﻳﯧﻘﯩﻨﻘﻰ ﺋﺎﻳﻼﺭﺩﯨﻦ ﺑﯧﺮﻯ ﻣﯘﻫﺎﺟﯩﺮﻩﺗﺘﯩﻜﻰ ﺋﯘﻳﻐﯘﺭ ﭘﺎﺋﺎﻟﯩﻴﻪﺗﭽﯩﻠﯩﺮﯨﮕﻪ ﺗﻮﺳﻘﯘﻧﻠﯘﻕ ﻗﯩﻠﯩﺶ ﺋﯜﭼﯜﻥ، ﺋﯚﺯﻟﯩﺮﯨﮕﻪ ﺋﯘﻳﻐﯘﺭﻻﺭ ﺋﺎﺭﯨﺴﯩﺪﯨﻦ ﺷﯧﺮﯨﻚ ﺗﻮﭘﻼﯞﺍﺗﻘﺎﻧﻠﯩﻘﯩﻨﻰ ﯞﻩ ﺑﯩﺮ ﻗﯩﺴﯩﻢ ﻣﻪﻧﭙﻪﺋﻪﺗﭙﻪﺭﻩﺱ ﻛﯩﺸﯩﻠﻪﺭﻧﻰ ﺋﯚﺯﻟﯩﺮﻯ ﺋﯜﭼﯜﻥ ﺧﯩﺰﻣﻪﺕ ﻗﯩﻠﺪﯗﺭﯗﯞﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.
 
ﺳﯧﻴﯩﺖ ﺳﯘﻟﺘﺎﻧﺨﺎﻥ ﺯﯨﻴﺎﺭﯨﺘﯩﻤﯩﺰﻧﯩﯔ ﺑﯧﺸﯩﺪﺍ، ﺋﯚﺯﯨﻨﯩﯔ ﻫﻪﻗﻨﻰ ﺳﯚﺯﻟﯩﮕﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ ﺑﻮﻟﺴﯩﻤﯘ، ﺯﯨﻴﺎﺭﯨﺘﯩﻤﯩﺰﻧﯩﯔ ﺋﺎﺧﯩﺮﯨﺪﺍ، ﺋﯚﺯﯨﻨﯩﯔ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺗﺎﭘﺸﯘﺭﯗﻗﯩﻐﺎ ﺋﺎﺳﺎﺳﻪﻥ ﺳﯚﺯﻟﯩﮕﻪﻧﻠﯩﻜﯩﻨﻰ ﺋﯧﺘﯩﺮﺍﭖ ﻗﯩﻠﺪﻯ.

ﻫﯚﺭﻣﻪﺗﻠﯩﻚ ﺋﻮﻗﯘﺭﻣﻪﻧﻠﻪﺭ، ﺋﻪﺗﯩﻜﻰ ﭘﺮﻭﮔﺮﺍﻣﻤﯩﻤﯩﺰﺩﺍ، ﺳﯧﻴﯩﺖ ﺳﯘﻟﺘﺎﻧﺨﺎﻥ ﺑﯩﻠﻪﻥ ﺋﯚﺗﻜﯜﺯﮔﻪﻥ ﺳﯚﻫﺒﯩﺘﯩﻤﯩﺰﻧﯩﯔ ﺩﺍﯞﺍﻣﯩﻨﻰ ﺳﯩﻠﻪﺭﮔﻪ  ﺳﯘﻧﯘﻣﯩﺰ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.

 

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز