ﺋﯘﻻﺭﻧﯩﯔ ﻧﯚﯞﻩﺗﺘﯩﻜﻰ ﺗﯘﺭﻣﯘﺵ ﺋﻪﻫﯟﺍﻟﻰ ﯞﻩ ﺭﻭﻫﯩﻲ ﻛﻪﻳﭙﯩﻴﺎﺗﻰ ﻫﻪﻗﻘﯩﺪﻩ ﺋﯘﻻﺭﻧﯩﯔ ﺗﻪﺭﺟﯩﻤﺎﻧﻰ ﻣﻪﻣﺘﯩﻤﯩﻦ ﺋﻪﻻ ﺋﻪﭘﻪﻧﺪﻯ ﯞﻩ 6 ﺋﯘﻳﻐﯘﺭﺩﯨﻦ ﺑﯩﺮﻯ ﺑﻮﻟﻐﺎﻥ ﺋﻪﻟﻰ ﻣﯘﻫﻪﻣﻤﻪﺩ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ.

ﻣﻪﻣﺘﯩﻤﯩﻦ ﺋﻪﻻ، 6 ﺋﯘﻳﻐﯘﺭﻧﻰ ﻛﯜﺗﯜﯞﯦﻠﯩﺶ ﺋﯜﭼﯜﻥ، ﭘﺎﻻﯞﻧﯩﯔ ﭘﺮﯦﺰﯨﺪﯦﻨﺘﻰ، ﻣﯘﺋﺎﯞﯨﻦ ﭘﺮﯦﺰﯨﺪﯦﻨﺘﻰ ﯞﻩ ﺋﺎﻣﯧﺮﯨﻜﺎ ﺋﻪﻟﭽﯩﺨﺎﻧﯩﺴﯩﻨﯩﯔ ﺧﺎﺩﯨﻤﻠﯩﺮﻯ ﺑﻮﻟﯘﭖ 30 ﺩﯨﻦ ﺋﺎﺭﺗﯘﻕ ﻛﯩﺸﻰ ﭼﯩﻘﻘﺎﻧﻠﯩﻘﯩﻨﻰ، ﭘﺎﻻﯞ ﭘﺮﯦﺰﯨﺪﯦﻨﺘﯩﻨﯩﯔ ﺑﯘ 6 ﺋﯘﻳﻐﯘﺭﻧﯩﯔ ﺋﻮﺭﯗﻧﻠﯩﺸﯩﺸﯩﻐﺎ ﺑﯩﯟﺍﺳﺘﻪ ﺋﺎﺭﯨﻠﯩﺸﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺳﺎﺑﯩﻖ ﻣﻪﻫﺒﯘﺳﻼﺭﺩﯨﻦ ﺋﻪﻟﻰ ﻣﯘﻫﻪﻣﻤﻪﺩ، ﺋﯚﺯﻟﯩﺮﯨﻨﯩﯔ ﮔﯘﺋﺎﻧﺘﺎﻧﺎﻣﻮ ﻫﺎﻳﺎﺗﯩﺪﯨﻜﻰ ﯞﻩ ﭘﺎﻻﯞﻏﺎ ﻳﯚﺗﻜﯩﻠﯩﺶ ﺟﻪﺭﻳﺎﻧﯩﺪﯨﻜﻰ ﺗﻪﺳﯩﺮﺍﺗﻠﯩﺮﯨﻨﻰ ﺳﯚﺯﻟﻪﭖ ﺑﻪﺭﺩﻯ. ﺋﯘ ﭘﺎﻻﯞ ﭘﺮﯦﺰﯨﺪﯦﻨﺘﻰ ﯞﻩ ﺧﻪﻟﻘﯩﻨﯩﯔ ﺋﯩﻠﻠﯩﻖ ﻣﯘﺋﺎﻣﯩﻠﯩﺴﯩﺪﯨﻦ ﻣﻪﻣﻨﯘﻧﻠﯩﻐﯩﻨﻰ ﺑﯩﻠﺪﯛﺭﯛﺵ ﺑﯩﻠﻪﻥ ﺑﯩﻠﻠﻪ، ﺗﯜﺭﻣﯩﺪﯨﻦ ﭼﯩﻘﯩﭙﻼ ﻳﻪﻧﻪ ﺧﯩﺘﺎﻳﻨﯩﯔ ﺗﻮﺳﺎﻟﻐﯘﺳﯩﻐﺎ ﻳﻮﻟﯘﻗﻘﺎﻧﻠﯩﻘﯩﺪﯨﻦ ﻏﻪﺯﻩﭘﻠﻪﻧﮕﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ. ﺋﯘ ﺑﯘ ﻫﻪﻗﺘﻪ ﻣﯘﻧﺪﺍﻕ ﺩﻩﻳﺪﯗ: " ﺋﻪﻟﯟﻩﺗﺘﻪ ﺗﯜﺭﻣﯩﺪﯨﻦ ﻗﯘﺗﯘﻟﻐﯩﻨﯩﻤﯩﺰﻏﺎ ﺧﻮﺵ ﺑﻮﻟﯘﺷﯩﻤﯩﺰﺩﯨﻜﻰ ﺳﻪﯞﻩﺑﻠﻪﺭﺩﯨﻦ ﺑﯩﺮﻯ ﺋﺎﺋﯩﻠﻪ - ﺗﺎﯞﺍﺑﺎﺗﯩﻤﯩﺰ ﺑﯩﻠﻪﻥ ﺳﯚﺯﻟﯩﺸﯩﺶ، ﺋﯘﻻﺭﻏﺎ ﺗﯧﻨﭻ - ﺋﺎﻣﺎﻧﻠﯩﻘﯩﻤﯩﺰﻧﻰ ﻳﻪﻛﻜﯜﺯﯛﭖ ﺧﺎﺗﯩﺮﺟﻪﻡ ﻗﯩﻠﯩﺶ ﭘﯘﺭﺳﯩﺘﯩﮕﻪ ﺋﯩﮕﻪ ﺑﻮﻟﯘﺵ ﺋﯜﭼﯜﻥ ﺋﯩﺪﻯ. ﺋﻪﭘﺴﯘﺳﻜﻰ، ﺗﯘﻧﺠﻰ ﺗﻮﺳﺎﻟﻐﯘ ﻳﻪﻧﻪ ﺧﯩﺘﺎﻳﺪﯨﻦ ﻛﻪﻟﺪﻯ. ﺧﯩﺘﺎﻱ ﺗﯧﻠﯧﻔﻮﻥ ﯞﻩ ﺋﯩﻨﺘﯧﺮﻧﯧﺘﻨﻰ ﺗﻮﺳﯘﯞﻩﺗﻜﯩﻨﻰ ﺋﯜﭼﯜﻥ ﻫﯧﭽﻘﺎﻳﺴﯩﻤﯩﺰ ﺋﺎﺋﯩﻠﯩﻤﯩﺰ ﺑﯩﻠﻪﻥ ﻛﯚﺭﯛﺷﻪﻟﻤﯩﺪﻕ."
 
ﺋﻪﻟﻰ ﻣﯘﻫﻪﻣﻤﻪﺩ ﻳﻪﻧﻪ، ﺗﯜﺭﻣﯩﺪﯨﻦ ﻗﯘﺗﯘﻟﻐﯩﻨﻰ ﺋﯜﭼﯜﻥ ﺋﯚﺯﻟﯩﺮﯨﻨﯩﯔ ﻣﻪﻣﻨﯘﻥ ﺋﯩﻜﻪﻧﻠﯩﻜﯩﻨﻰ، ﺑﯩﺮﺍﻕ ﭘﺎﻻﯞ ﺋﯘﻻﺭ ﺋﯜﭼﯜﻥ ﺋﯚﺗﻜﯜﻧﭽﻰ ﻣﺎﻛﺎﻥ ﺑﻮﻟﻐﯩﻨﻰ ﺋﯜﭼﯜﻥ، ﻳﻪﻧﻰ ﺋﺎﺧﯩﺮﻗﻰ ﻗﺎﺭﺍﺭﮔﺎﻫﻰ ﺗﯧﺨﻰ ﺋﯧﻨﯩﻖ ﺑﻮﻟﻤﯩﻐﯩﻨﻰ ﺋﯜﭼﯜﻥ ﻳﻪﻧﯩﻼ ﺋﻪﻧﺪﯨﺸﯩﻠﯩﺮﯨﻨﯩﯔ ﺗﯜﮔﯜﻣﯩﮕﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﺋﻪﻟﻰ ﻣﯘﻫﻪﻣﻤﻪﺩ ﺳﯚﻫﺒﯩﺘﯩﻤﯩﺰﻧﯩﯔ ﺋﺎﺧﯩﺮﯨﺪﺍ، ﺋﯘﻳﻐﯘﺭﻻﺭﻧﯩﯔ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﺪﯨﻦ ﻗﯘﺗﯘﻟﻤﺎﻱ ﺗﯘﺭﯗﭖ ﻫﺎﻳﺎﺗﯩﺪﺍ ﺋﺎﯞﺍﺭﯨﭽﯩﻠﯩﻘﺘﯩﻦ ﺧﺎﻟﯩﻲ ﺑﻮﻻﻟﻤﺎﻳﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﺘﻰ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﮔﯘﺍﻧﺘﺎﻧﺎﻣﻮ ﺗﯜﺭﻣﯩﺴﯩﺪﯨﻦ ﻗﻮﻳﯘﯞﯦﺘﯩﻠﯩﭗ ﭘﺎﻻﯞﻏﺎ ﺋﻮﺭﯗﻧﻼﺷﺘﯘﺭﻏﺎﻥ ﺑﯘ 6 ﺋﯘﻳﻐﯘﺭﻧﯩﯔ ﻧﯚﯞﻩﺗﺘﯩﻜﻰ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺗﻪﭘﺴﯩﻠﯩﻲ ﻣﻪﻟﯘﻣﺎﺗﯩﻤﯩﺰﻧﻰ ﺋﺎﯕﻼﻳﺴﯩﻠﻪﺭ.
 

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز