ﻣﻪﺯﻛﯘﺭ ﭘﺎﺋﺎﻟﯩﻴﻪﺗﻜﻪ ﻓﺮﺍﻧﺴﯩﻴﻪ ﺋﯘﻳﻐﯘﺭ ﻛﻮﻣﯩﺘﯧﺘﯩﻤﯘ ﺋﺎﻻﻫﯩﺪﻩ ﺗﻪﻛﻠﯩﭗ ﻗﯩﻠﯩﻨﻐﺎﻥ ﺑﻮﻟﯘﭖ ﺋﯘﻻﺭ ﺑﯘ ﻗﯧﺘﯩﻤﻘﻰ ﭘﺎﺋﺎﻟﯩﻴﻪﺗﻜﻪ ﺋﻪﺗﺮﺍﭘﻠﯩﻖ ﺗﻪﻳﻴﺎﺭﻟﯩﻘﻼﺭ ﺑﯩﻠﻪﻥ ﺋﯩﺸﺘﯩﺮﺍﻙ ﻗﯩﻠﻐﺎﻥ .

ﺑﯘ ﻗﯧﺘﯩﻤﻘﻰ ﭘﺎﺋﺎﻟﯩﻴﻪﺗﻜﻪ ﺋﯘﻳﻐﯘﺭﻻﺭ،  ﺗﯩﺒﻪﺗﻠﻪﺭ، ﻓﺎﻟﯘﻧﮕﯘﯕﭽﯩﻼﺭ، ﺩﯦﻤﻮﻛﺮﺍﺗﯩﻚ ﺧﯩﺘﺎﻳﻼﺭ ﯞﻩ ﺑﺎﺷﻘﺎ ﺩﯦﻤﻮﻛﺮﺍﺗﯩﻴﯩﻨﻰ ﻳﺎﻗﻠﯩﻐﯘﭼﻰ ﻛﯜﭼﻠﻪﺭ ﯞﻩ ﻧﺎﻣﺎﻳﯩﺶ ﻛﯚﺭﮔﯜﭼﯩﻠﻪﺭﺩﯨﻦ ﺑﻮﻟﯘﭖ 10ﻣﯩﯖﺪﯨﻦ ﺋﺎﺭﺗﯘﻕ ﻛﯩﺸﻰ ﻗﺎﺗﻨﺎﺷﻘﺎﻥ ﺑﻮﻟﯘﭖ، ﭘﺎﺋﺎﻟﯩﻴﻪﺗﻨﯩﯔ ﺋﺎﺳﺎﺳﻠﯩﻖ ﻣﻪﻗﺴﯩﺘﻰ ﺧﯩﺘﺎﻳﺪﺍ ﺋﯚﺗﻜﯜﺯﯛﻟﻤﻪﻛﭽﻰ ﺑﻮﻟﻐﺎﻥ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﻰ ﺑﺎﻳﻘﯘﺕ ﻗﯩﻠﯩﺸﻨﻰ ﺋﺎﺳﺎﺳﻠﯩﻖ ﻧﯩﺸﺎﻥ ﻗﯩﻠﻐﺎﻥ.

ﺳﺎﺋﻪﺕ 12 ﺩﻩ ﺑﺎﺷﻼﻧﻐﺎﻥ ﻣﻪﺷﺌﻪﻝ ﻛﯚﺗﯜﺭﯛﭖ ﻣﯧﯖﯩﺶ ﻧﺎﻣﺎﻳﯩﺶ ﭘﺎﺋﺎﻟﯩﻴﯩﺘﯩﺪﻩ ﺟﻪﻣﻰ 21 ﺋﺎﺩﻩﻡ ﻧﯚﯞﻩﺕ ﺑﯩﻠﻪﻥ ﻣﻪﺷﺌﻪﻝ ﻛﯚﺗﯜﺭﯛﭖ ﻣﺎﯕﻐﺎﻥ ﺑﻮﻟﯘﭖ ﺋﯘﻳﻐﯘﺭﻻﺭﺩﯨﻦ ﭼﯩﺮﺍﻳﻠﯩﻖ ﺩﻭﭘﭙﺎ ﯞﻩ ﺋﯘﻳﻐﯘﺭﭼﻪ ﺋﻪﻧﺌﻪﻧﯩﯟﻯ ﻛﯩﻴﯩﻢ ﻛﯩﻴﮕﻪﻥ ﺋﯘﻳﻐﯘﺭ ﻗﯩﺰﻯ ﻧﯘﺭﮔﯜﻝ ﻣﻪﺷﺌﻪﻝ ﻛﯚﺗﯜﺭﮔﯜﭼﯩﻠﻪﺭﻧﯩﯔ 6 ‏ - ﺳﻰ ﺑﻮﻟﯘﭖ ﺋﻪﺭﻛﯩﻨﻠﯩﻚ ﻣﻪﺷﺌﯩﻠﯩﻨﻰ ﻛﯚﺗﯜﺭﮔﻪﻥ.

ﺋﯘﻳﻐﯘﺭﻻﺭ ﺑﯘ ﻗﯧﺘﯩﻤﻘﻰ ﭘﺎﺋﺎﻟﯩﻴﻪﺗﻜﻪ ﺋﯘﻳﻐﯘﺭﭼﻪ ﺋﻪﻧﺌﻪﻧﯩﯟﻯ ﻛﯩﻴﯩﻢ ‏ - ﻛﯧﭽﻪﻛﻠﯩﺮﯨﻨﻰ ﻛﯩﻴﮕﻪﻥ، ﻗﻮﻟﻠﯩﺮﯨﻐﺎ ﺋﺎﻱ - ﻳﯘﻟﺘﯘﺯﻟﯘﻕ ﻛﯚﻙ ﺑﺎﻳﺮﺍﻗﻨﻰ ﻛﯚﺗﯜﺭﮔﻪﻥ ﻫﺎﻟﺪﺍ ﻗﺎﺗﻨﺎﺷﻘﺎﻥ ﺑﻮﻟﯘﭖ، ﺋﯘﻻﺭﻧﯩﯔ ﺑﺎﺷﻠﯩﺮﯨﻐﺎ ﻛﯩﻴﮕﻪﻥ ﭼﯩﺮﺍﻳﻠﯩﻖ ﺩﻭﭘﭙﯩﻠﯩﺮﻯ، ﺋﻪﺗﻠﻪﺱ ﻛﯚﻳﻨﻪﻛﻠﻪﺭ، ﺋﻪﺭﻟﻪﺭﻧﯩﯔ ﺋﯘﭼﯩﺴﯩﺪﯨﻜﻰ ﺋﯧﺴﯩﻞ ﺗﻮﻧﻼﺭ ﺋﻪﺗﺮﺍﭘﺘﯩﻜﻰ ﻛﯩﺸﯩﻠﻪﺭﻧﯩﯔ ﺋﺎﻻﻫﯩﺪﻩ ﺩﯨﻘﻘﯩﯩﺘﯩﻨﻰ ﻗﻮﺯﻏﯩﻐﺎﻥ. ﻣﻪﺯﻛﯘﺭ ﻧﺎﻣﺎﻳﯩﺶ ﭼﯜﺵ ﺳﺎﺋﻪﺕ 12 ﺩﻩ ﺑﺎﺷﻼﻧﻐﺎﻥ ﺑﻮﻟﯘﭖ ﭼﯜﺷﺘﯩﻦ ﻛﯧﻴﯩﻦ ﺳﺎﺋﻪﺕ 5 ﺗﻪ ﻧﻪﺗﯩﺠﯩﻠﯩﻚ ﺋﺎﺧﯩﺮﻻﺷﻘﺎﻥ.