27 - ﺋﺎﯞﻏﯘﺳﺖ ﻛﯜﻧﻰ ﭘﻪﻳﺰﯨﯟﺍﺕ ﻧﺎﻫﯩﻴﯩﺴﯩﺪﻩ ﺳﺎﻗﭽﯩﻼﺭ ﺑﯩﻠﻪﻥ ﺋﯘﻳﻐﯘﺭﻻﺭ ﺋﻮﺗﺘﯘﺭﯨﺴﯩﺪﺍ ﻗﻮﺭﺍﻟﻠﯩﻖ ﺗﻮﻗﯘﻧﯘﺵ ﻳﯜﺯ ﺑﻪﺭﮔﻪﻧﻠﯩﻜﻰ ﻫﻪﻗﻘﯩﺪﻩ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺭﺍﺩﯨﺌﻮﻣﯩﺰﻏﺎ ﻳﻪﺗﻜﯜﺯﮔﻪﻥ ﺟﯩﺪﺩﻯ ﺋﯘﭼﯘﺭﯨﺪﯨﻦ ﻛﯧﻴﯩﻦ، ﭘﻪﻳﺰﯨﯟﺍﺕ ﻧﺎﻫﯩﻴﯩﺴﯩﺪﯨﻜﻰ ﻣﯘﻧﺎﺳﯩﯟﻩﺗﻠﯩﻚ ﺋﻮﺭﯗﻧﻼﺭﺩﯨﻦ ﯞﻩﻗﻪ ﻫﻪﻗﻘﯩﺪﻩ ﺗﻪﭘﺴﯩﻠﻰ ﻣﻪﻟﯘﻣﺎﺕ ﺋﯧﻠﯩﺸﻘﺎ ﺗﯩﺮﯨﺸﺘﯘﻕ.

ﺋﻪﻣﻤﺎ ﻧﺎﻫﯩﻴﯩﻠﯩﻚ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﺋﯩﺪﺍﺭﯨﺴﻰ ﯞﻩ ﻫﯚﻛﯜﻣﻪﺕ ﺋﻮﺭﯗﻧﻠﯩﺮﻯ ﺗﯧﻠﯧﻔﻮﻧﯩﻤﯩﺰﻧﻰ ﻗﻮﺑﯘﻝ ﻗﯩﻠﻤﯩﺪﻯ، ﺋﻪﻣﻤﺎ ﻧﺎﻫﯩﻴﯩﺪﻩ ﺋﻮﻟﺘﯘﺭﯗﺷﻠﯘﻕ ﺑﯩﺮ ﺋﯘﻳﻐﯘﺭ ﺭﺍﺳﺖ ﺷﯘﻧﺪﺍﻕ ﺑﯩﺮ ﯞﻩﻗﻪﻧﯩﯔ ﺑﻮﻟﻐﺎﻧﻠﯩﻘﯩﻨﻰ ﺋﺎﯕﻠﯩﻐﺎﻧﻠﯩﻘﯩﻨﻰ ﺋﯧﻴﺘﺘﻰ.

ﺑﯩﺰ ﺑﯘ ﻛﯩﺸﯩﺪﯨﻦ ﯞﻩﻗﻪﻧﯩﯔ 4 - ﻳﯧﺰﺍ، ﻳﻪﻧﻰ ﻗﯩﺰﯨﻞ ﺑﻮﻳﯩﺪﺍ ﻳﯜﺯ ﺑﻪﺭﮔﻪﻧﻠﯩﻜﻰ ﻫﻪﻗﻘﯩﺪﻩ ﺩﻩﺳﻠﻪﭘﻜﻰ ﺋﯘﭼﯘﺭﻏﺎ ﺋﯩﮕﻪ ﺑﻮﻟﻐﺎﻧﺪﯨﻦ ﻛﯧﻴﯩﻦ، ﻗﯩﺰﯨﻞ ﺑﻮﻳﻰ ﻳﯧﺰﯨﻠﯩﻖ ﺳﺎﻗﭽﻰ ﭘﻮﻧﻜﯩﺘﯩﻐﺎ ﺗﯧﻠﯧﻔﻮﻥ ﻗﯩﻠﺪﯗﻕ، ﮔﻪﺭﭼﻪ ﺳﺎﻗﭽﻰ ﺳﻮﺋﺎﻟﯩﻤﯩﺰﻏﺎ ﺟﺎﯞﺍﺏ ﺑﯧﺮﯨﺸﻨﻰ ﺭﻩﺕ ﻗﯩﻠﻐﺎﻥ ﺑﻮﻟﺴﯩﻤﯘ ﺋﯘﻧﯩﯔ ﭘﻮﺯﯨﺘﺴﯩﻴﯩﺴﻰ ﺩﻩﺭﯞﻩﻗﻪ ﻳﯧﺰﺍ ﯞﻩﺯﯨﻴﯩﺘﯩﻨﯩﯔ ﻧﻮﺭﻣﺎﻝ ﺋﻪﻣﻪﺳﻠﯩﻜﯩﻨﻰ ﺋﺎﺷﻜﺎﺭﯨﻠﯩﺪﻯ.

ﺑﯩﺰﻧﯩﯔ ﻳﻪﻧﻪ ﻳﯧﺰﯨﻠﯩﻖ ﻫﯚﻛﯜﻣﻪﺕ ﺋﻮﺭﯗﻧﻠﯩﺮﯨﻐﺎ ﺋﯘﺭﻏﺎﻥ ﺗﯧﻠﯧﻔﻮﻧﻠﯩﺮﯨﻤﯩﺰ ﺋﯘﻻﻧﻤﯩﻐﺎﻧﻠﯩﻘﻰ ﺋﯜﭼﯜﻥ، ﻳﻪﺭﻟﯩﻚ ﺋﺎﻣﻤﯩﺪﯨﻦ ﺋﻪﻫﯟﺍﻝ ﺋﯩﮕﯩﻠﻪﺷﻜﻪ ﺗﯩﺮﯨﺸﺘﯘﻕ، ﻳﻪﺭﻟﯩﻚ ﺩﯦﻬﻘﺎﻧﻼﺭﺩﯨﻦ ﺋﯩﮕﯩﻠﯩﮕﻪﻥ ﺋﯘﭼﯘﺭﻻﺭﻏﺎ ﻗﺎﺭﯨﻐﺎﻧﺪﺍ، ﻣﻪﺯﻛﯘﺭ ﯞﻩﻗﻪﻧﯩﯔ ﺑﯘﻧﯩﯖﺪﯨﻦ ﺋﯩﻜﻜﻰ ﻫﻪﭘﺘﻪ ﺋﯩﻠﮕﯩﺮﻯ ﻳﻪﻧﻰ 12 - ﺋﺎﯞﻏﯘﺳﺖ ﻳﺎﻣﺎﻥ ﻳﺎﺭ ﻳﯧﺰﯨﺴﯩﺪﯨﻜﻰ ﻳﻮﻝ ﺗﻪﻛﺸﯜﺭﯛﺵ ﭘﻮﻧﻜﯩﺘﯩﺪﺍ ﺧﯩﺘﺎﻱ ﺋﺎﻣﺎﻧﻠﯩﻖ ﺧﺎﺩﯨﻤﻠﯩﺮﯨﻐﺎ ﭘﯩﭽﺎﻕ ﺑﯩﻠﻪﻥ ﻫﯘﺟﯘﻡ ﻗﯩﻠﯩﭗ ﺋﯩﻜﻜﻰ ﺳﺎﻗﭽﯩﻨﻰ ﺋﯚﻟﺘﯜﺭﯛﭖ ﯞﻩ ﺑﯩﺮ ﻳﯧﺰﯨﻠﯩﻖ ﭘﺎﺭﺗﯩﻴﻪ ﻳﺎﭼﯧﻴﻜﺎ ﻛﺎﺩﯨﺮﯨﻨﻰ ﻳﺎﺭﯨﻼﻧﺪﯗﺭﻏﺎﻧﺪﯨﻦ ﻛﯧﻴﯩﻦ ﻏﺎﻳﯩﭗ ﺑﻮﻟﻐﺎﻥ 3 ﻛﯩﺸﯩﻨﻰ ﺗﯘﺗﻘﯘﻥ ﻗﯩﻠﯩﺶ ﺟﻪﺭﻳﺎﻧﯩﺪﺍ ﻳﯜﺯ ﺑﻪﺭﮔﻪﻥ ﺗﻮﻗﯘﻧﯘﺵ ﺑﻮﻟﯘﺷﻰ ﻣﯜﻣﻜﯩﻨﻠﯩﻜﻰ ﺳﯘ ﻳﯜﺯﯨﮕﻪ ﭼﯩﻘﻤﺎﻗﺘﺎ.

ﯞﻩﻗﻪﺩﻩ ﻫﯘﺟﯘﻣﻐﺎ ﺋﯘﭼﺮﯨﻐﺎﻥ ﺳﺎﻗﭽﯩﻼﺭﻧﯩﯔ ﻫﻪﻡ ﻗﻮﻟﻐﺎ ﺋﯧﻠﯩﻨﻐﺎﻧﻼﺭﻧﯩﯔ ﺋﻪﻫﯟﺍﻟﯩﻨﻰ ﺋﯩﮕﯩﻠﻪﺵ ﺋﯜﭼﯜﻥ ﻧﺎﻫﯩﻴﯩﻠﯩﻚ ﯞﻩ ﻳﯧﺰﯨﻠﯩﻖ ﺳﺎﻗﭽﻰ ﺋﻮﺭﮔﺎﻧﻠﯩﺮﯨﻐﺎ ﺗﯧﻠﯧﻔﻮﻥ ﻗﯩﻠﻐﺎﻥ ﺑﻮﻟﺴﺎﻗﻤﯘ، ﺋﯘﻻﺭ ﺗﯧﻠﯧﻔﻮﻧﯩﻤﯩﺰﻏﺎ ﻗﺎﻳﺘﺎ ﺟﺎﯞﺍﺏ ﺑﻪﺭﻣﯩﺪﻯ.

ﺋﯩﮕﯩﻠﯩﺸﯩﻤﯩﺰﮔﻪ ﻗﺎﺭﯨﻐﺎﻧﺪﺍ ﺑﯘ ﺗﻮﻗﯘﻧﯘﺷﺘﺎ ﻳﻪﻧﻪ ﺑﯩﺮ ﻗﺎﻧﭽﻪ ﺳﺎﻗﭽﻰ ﻫﯘﺟﯘﻣﻐﺎ ﺋﯘﭼﺮﯨﻐﺎﻥ. ﺑﯩﺰ ﺑﯘ ﯞﻩﻗﻪﺩﻩ ﺋﯚﻟﮕﻪﻥ ﻳﺎﻛﻰ ﻳﺎﺭﯨﻼﻧﻐﺎﻧﻼﺭﻧﯩﯔ ﺋﻪﻫﯟﺍﻟﻰ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺋﯧﻠﯩﺶ ﺋﯜﭼﯜﻥ ﭘﻪﻳﺰﯨﯟﺍﺕ ﻧﺎﻫﯩﻴﯩﻠﯩﻚ ﺩﻭﺧﺘﯘﺭﺧﺎﻧﯩﻨﯩﯔ ﺟﯩﺪﺩﻯ ﻗﯘﺗﻘﯘﺯﯗﺵ ﺑﯚﻟﯜﻣﯩﮕﻪ ﺗﯧﻠﯧﻔﻮﻥ ﺋﯘﺭﯗﭖ ﺳﯩﻨﺎﭖ ﻛﯚﺭﺩﯗﻕ.

ﻳﺎﺭﯨﻼﻧﺪﯗﺭﯗﻟﻐﺎﻥ ﺳﺎﻗﭽﯩﻼﺭﻧﻰ ﻗﯘﺗﻘﯘﺯﯗﺷﻘﺎ ﻗﺎﺗﻨﺎﺷﻘﺎﻥ ﺳﯧﺴﺘﯩﺮﺍﻧﯩﯔ ﺋﯧﻴﺘﻘﯩﻨﯩﺪﻩﻙ، ﺑﯘ ﯞﻩﻗﻪﺩﯨﻤﯘ، ﺋﯚﻟﮕﻪﻥ ﻫﻪﻡ ﻳﺎﺭﯨﻼﻧﻐﺎﻥ ﺳﺎﻗﭽﯩﻼﺭ، ﺋﯩﻠﮕﯩﺮﻯ ﺳﻪﻣﻪﻥ ﻳﻮﻟﻰ ﯞﻩ ﻳﺎﻣﺎﻥ ﻳﺎﺭﺩﺍ ﻳﯜﺯ ﺑﻪﺭﮔﻪﻥ ﻫﯘﺟﯘﻣﻼﺭﻏﺎ ﺋﻮﺧﺸﺎﺵ ﺗﯩﻎ ﺑﯩﻠﻪﻥ ﺑﻮﻏﯘﺯﻻﻧﻐﺎﻥ ﻫﻪﻡ ﻳﺎﺭﯨﻼﻧﺪﯗﺭﯗﻟﻐﺎﻥ.

ﻗﻪﺷﻘﻪﺭﺩﻩ 4 - ﺋﺎﯞﻏﯘﺳﺖ ﻳﯜﺯ ﺑﻪﺭﮔﻪﻥ ﺳﻪﻣﻪﻥ ﻳﻮﻟﻰ ﯞﻩﻗﻪﺳﻰ ﯞﻩ ﻛﯘﭼﺎﺩﺍ 10 - ﺋﺎﯞﻏﯘﺳﺖ ﻳﯜﺯ ﺑﻪﺭﮔﻪﻥ ﻫﻪﻡ ﻳﻪﻧﻪ 12 - ﺋﺎﯞﻏﯘﺳﺖ ﺑﯘ ﻳﺎﻣﺎﻥ ﻳﺎﺭﺩﺍ ﻳﯜﺯ ﺑﻪﺭﮔﻪﻥ ﻫﯘﺟﯘﻣﻼﺭﺩﺍ، ﺧﯩﺘﺎﻱ ﻗﻮﺭﺍﻟﻠﯩﻖ ﻗﯩﺴﯩﻤﻠﯩﺮﻯ، ﺳﺎﻗﭽﻰ ﯞﻩ ﻫﯚﻛﯜﻣﻪﺕ ﺋﻮﺭﯗﻧﻠﯩﺮﻯ ﺋﺎﺳﺎﺳﻰ ﻫﯘﺟﯘﻡ ﻧﯩﺸﺎﻧﻰ ﺑﻮﻟﯘﭖ ﻛﻪﻟﺪﻯ. ﺷﯘﻧﺪﺍﻗﻼ ﻫﯘﺟﯘﻡ ﻗﯩﻠﻐﯘﭼﯩﻼﺭﻧﯩﯔ ﺋﺎﺳﺎﺳﻠﯩﻖ ﺋﯩﺸﻠﻪﺗﻜﻪﻥ ﻗﻮﺭﺍﻟﻰ ﭘﯩﭽﺎﻗﺘﯘﺭ.

ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺑﯘ ﯞﻩﻗﻪﻟﻪﺭﻧﻰ ﺗﯧﺮﻭﺭﻟﻮﻕ ﻫﯘﺟﯘﻡ ﺩﻩﭖ ﺋﯧﻼﻥ ﻗﯩﻠﻐﺎﻥ ﺑﻮﻟﺴﯩﻤﯘ ﺋﻪﻣﻤﺎ ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﻰ ﻣﻪﺯﻛﯘﺭ ﯞﻩﻗﻪﻟﻪﺭ ﻫﻪﻗﻘﯩﺪﻩ ﺋﯧﻼﻥ ﻗﯩﻠﻐﺎﻥ ﺧﻪﯞﯨﺮﯨﺪﻩ ﯞﻩﻗﻪﻧﻰ "ﺟﺎﺳﺎﺭﻩﺗﻠﯩﻚ ﻫﯘﺟﯘﻣﻼﺭ" ﺩﻩﭖ ﺋﺎﺗﯩﻐﺎﻥ ﺋﯩﺪﻯ. ﺷﯘﻧﺪﺍﻗﻼ ﺧﻪﻟﻘﺌﺎﺭﺍﻟﯩﻖ ﺋﺎﺧﺒﺎﺭﺍﺕ ﺋﻮﺭﮔﺎﻧﻠﯩﺮﻯ ﺑﯩﺮﺩﻩﻙ ﺑﯘ ﯞﻩﻗﻪﻟﻪﺭﻧﻰ ﻳﻪﺭﻟﯩﻚ ﺧﻪﻟﻘﻨﯩﯔ ﻫﯚﻛﯜﻣﻪﺗﻨﯩﯔ ﺑﯧﺴﯩﻤﯩﻐﺎ ﻗﺎﺭﺷﻰ ﺋﯧﻠﯩﭗ ﺑﺎﺭﻏﺎﻥ ﺋﯜﭺ ﺋﯧﻠﯩﺶ ﺧﺎﺭﺍﻛﺘﯧﺮﻟﯩﻚ ﻫﯘﺟﯘﻣﻠﯩﺮﻯ ﯞﻩ ﺋﻮﻟﯩﻤﭙﯩﻚ ﻫﺎﺭﭘﯩﺴﯩﺪﺍ ﺩﯗﻧﻴﺎﻏﺎ ﺑﻪﺭﮔﻪﻥ ﺳﯩﮕﻨﺎﻟﻰ ﺩﻩﭖ ﻣﯘﻻﻫﯩﺰﻩ ﻗﯩﻠﯩﭗ ﻛﻪﻟﻤﻪﻛﺘﻪ.

ﺭﻭﯦﻴﺘﯧﺮﺱ، ﻣﻪﺭﻛﯩﺰﻯ ﺋﺎﮔﯧﻨﺘﻠﯩﻖ ﻗﺎﺗﺎﺭﻟﯩﻖ ﺧﻪﻟﻘﺌﺎﺭﺍ ﻣﻪﺗﺒﯘﺋﺎﺗﻼﺭﻧﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﻳﯧﻘﯩﻨﺪﯨﻦ ﺑﯘﻳﺎﻥ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ، ﺩﯙﻟﻪﺕ ﺑﯩﺨﻪﺗﻪﺭﻟﯩﻚ، ﭼﯧﮕﺮﺍ ﻣﯘﺩﺍﭘﯩﺌﻪ ﻗﺎﺗﺎﺭﻟﯩﻖ ﺗﺎﺭﻣﺎﻗﻼﺭ ﺑﯩﺮﻟﯩﻜﺘﻪ ﻗﻪﺷﻘﻪﺭ ﯞﯨﻼﻳﯩﺘﯩﺪﻩ، ﮔﯩﻠﻪﻡ ﺗﺎﺯﯨﻼﺵ ﻫﻪﺭﯨﻜﯩﺘﻰ ﻧﺎﻣﯩﺪﺍ ﻛﻪﯓ - ﻛﯚﻟﻪﻣﻠﯩﻚ ﺗﯘﺗﻘﯘﻥ ﻗﯩﻠﯩﺶ ﻫﻪﺭﯨﻜﯩﺘﯩﻨﻰ ﺩﺍﯞﺍﻣﻼﺷﺘﯘﺭﯗﯞﺍﺗﻘﺎﻥ ﺑﻮﻟﯘﭖ، 150 ﻗﯧﺘﯩﻢ ﺋﺎﺧﺘﯘﺭﯗﺵ ﻫﻪﻡ ﺗﯘﺗﯘﺵ ﻫﻪﺭﯨﻜﯩﺘﻰ ﺟﻪﺭﻳﺎﻧﯩﺪﺍ 500 ﺩﯨﻦ ﺋﺎﺭﺗﯘﻕ ﻛﯩﺸﯩﻨﻰ ﻗﻮﻟﻐﺎ ﺋﺎﻟﻐﺎﻥ.

ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﻣﻪﺯﻛﯘﺭ ﯞﻩﻗﻪ ﻫﻪﻗﻘﯩﺪﻩ ﻫﺎﺯﯨﺮﻏﯩﭽﻪ ﺗﯧﺨﻰ ﺋﯩﭙﺎﺩﻩ ﺑﯩﻠﺪﯛﺭﻣﯩﮕﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﻛﯚﺯﻩﺗﭽﯩﻠﻪﺭ ﭘﻪﻳﺰﯨﯟﺍﺗﺘﺎ ﻳﯜﺯ ﺑﻪﺭﮔﻪﻥ ﺑﯘ ﺋﯘﻳﻐﯘﺭﻻﺭﻧﻰ ﺗﯘﺗﻘﯘﻥ ﻗﯩﻠﯩﺶ ﻫﻪﺭﯨﻜﯩﺘﯩﻨﯩﯖﻤﯘ ﮔﯩﻠﻪﻡ ﺗﺎﺯﯨﻼﺵ ﻫﻪﺭﯨﻜﯩﺘﯩﻨﯩﯔ ﺑﯩﺮ ﻗﯩﺴﻤﻰ ﺑﻮﻟﯘﺷﻰ ﻣﯘﻣﻜﯩﻨﻠﯩﻜﯩﻨﻰ ﭘﻪﺭﻩﺯ ﻗﯩﻠﻤﺎﻗﺘﺎ.

ﻣﯘﺧﺒﯩﺮﻟﯩﺮﯨﻤﯩﺰ ﻣﻪﺯﻛﯘﺭ ﯞﻩﻗﻪﺩﻩ ﻗﻮﻟﻐﺎ ﺋﯧﻠﯩﻨﻐﺎﻧﻼﺭ ﯞﻩ ﯞﻩﻗﻪﻧﯩﯔ ﺗﻪﭘﺴﯩﻼﺗﻰ ﻫﻪﻗﻘﯩﺪﻩ ﺩﺍﯞﺍﻣﻠﯩﻖ ﻣﻪﻟﯘﻣﺎﺕ ﺋﯩﮕﯩﻠﯩﻤﻪﻛﺘﻪ.