ﻳﻮﻟﻠﯘﻕ ﺋﯩﻨﻜﺎﺱ

ﺋﯘﻳﻐﯘﺭ ﺳﯩﻴﺎﺳﯩﻲ ﺋﺎﻛﺘﯩﭙﻠﯩﺮﻯ ﺑﻮﻟﺴﺎ، ﺑﯘ ﻗﺎﺭﺷﯩﻠﯩﻘﻼﺭﻏﺎ ﺧﯩﺘﺎﻱ ﺯﯗﻟﯘﻣﻰ ﺳﻪﯞﻩﺑﭽﻰ ﺑﻮﻟﻐﺎﻧﻠﯩﻘﯩﻨﻰ، ﺧﯩﺘﺎﻳﻨﯩﯔ ﺑﯜﮔﯜﻧﻜﻰ ﻗﺎﺗﺘﯩﻖ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﻰ ﻣﻪﺳﯩﻠﻪ ﻫﻪﻝ ﻗﯩﻠﯩﺸﻨﯩﯔ ﻳﻮﻟﻰ ﺋﻪﻣﻪﺳﻠﯩﻜﯩﻨﻰ ﺋﯩﺰﺍﻫﻠﯩﻤﺎﻗﺘﺎ ﯞﻩ ﺧﯩﺘﺎﻳﻨﻰ، ﺋﯘﻳﻐﯘﺭ - ﺧﯩﺘﺎﻱ ﺋﻮﺗﺘﯘﺭﯨﺴﯩﺪﯨﻜﻰ ﻣﻪﯞﺟﯘﺩ ﻣﻪﺳﯩﻠﯩﻠﻪﺭﻧﻰ ﺋﯧﺘﯩﺮﺍﭖ ﻗﯩﻠﯩﭗ، ﺑﯘﻧﻰ ﻫﻪﻝ ﻗﯩﻠﯩﺸﻨﯩﯔ ﭼﺎﺭﯨﻠﯩﺮﻯ ﺋﯜﺳﺘﯩﺪﻩ ﺋﯩﺰﺩﻩﻧﻤﯩﺴﻪ، ﺑﯘ ﺧﯩﻞ ﻗﺎﺭﺷﯩﻠﯩﻘﻼﺭﻧﯩﯔ ﻳﻪﻧﻪ ﻳﯜﺯ ﺑﯧﺮﯨﺸﯩﺪﯨﻦ ﺳﺎﻗﻼﻧﻐﯩﻠﻰ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﻤﻪﻛﺘﻪ.

ﺑﯩﺮ ﻗﯩﺴﯩﻢ ﺧﯩﺘﺎﻱ ﺯﯨﻴﺎﻟﯩﻴﻠﯩﺮﻯ ﯞﻩ ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﯨﻤﯘ، ﺋﯘﻳﻐﯘﺭﻻﺭﻧﯩﯔ ﺑﯘ ﻗﺎﺭﺷﯩﻠﯩﻘﻠﯩﺮﯨﻨﯩﯔ ﭼﻪﻛﺘﯩﻦ ﺋﯧﺸﯩﭗ ﻛﻪﺗﻜﻪﻥ ﺧﯩﺘﺎﻱ ﺯﯗﻟﻤﯩﻐﺎ ﻗﺎﺭﺷﻰ ﻳﻮﻟﻠﯘﻕ ﺋﯩﻨﻜﺎﺱ ﺋﯩﻜﻪﻧﻠﯩﻜﯩﻨﻰ ﻣﯘﺋﻪﻳﻴﻪﻧﻠﻪﺷﺘﯜﺭﺩﻯ. ﺧﻮﯕﻜﻮﯕﺪﺍ ﭼﯩﻘﯩﺪﯨﻐﺎﻥ "ﻗﯘﻳﺎﺵ ﮔﯧﺰﯨﺘﻰ" ﺩﻩ ﺋﯧﻼﻥ ﻗﯩﻠﯩﻨﻐﺎﻥ ﻟﯩﻦ ﺧﯧﻠﯩﻨﯩﯔ "ﺑﯧﻴﺠﯩﯔ ﻫﯚﻛﯜﻣﯩﺘﻰ ﺋﻮﻟﯩﻤﭙﯩﻜﺘﯩﻦ ﻛﯧﻴﯩﻦ ﺷﯩﻨﺠﻴﺎﯓ، ﺗﯩﺒﻪﺕ ﻗﯩﻴﯩﻨﭽﯩﻠﯩﻘﯩﻨﻰ ﻗﺎﻧﺪﺍﻕ ﻫﻪﻝ ﻗﯩﻠﯩﺪﯗ؟" ﻧﺎﻣﻠﯩﻖ ﻣﺎﻗﺎﻟﯩﺴﯩﺪﻩ، ﺑﯘ ﺧﯩﻞ ﻗﺎﺭﺍﺵ ﺋﯩﻠﮕﯩﺮﻯ ﺳﯜﺭﯛﻟﯜﺵ ﺑﯩﻠﻪﻥ ﺑﯩﺮﮔﻪ، ﺧﯩﺘﺎﻳﻨﯩﯔ ﻣﯩﻠﻠﯩﻲ ﺳﯩﻴﺎﺳﯩﺘﯩﻨﯩﯔ ﻛﺮﯨﺰﯨﺴﻘﺎ ﭘﺎﺗﻘﺎﻧﻠﯩﻘﻰ ﯞﻩ ﺑﯘ ﻛﺮﯨﺰﯨﺴﺘﯩﻦ ﺯﻭﺭﻟﯘﻕ ﯞﺍﺳﯩﺘﯩﻠﯩﺮﯨﻐﺎ ﺗﺎﻳﯩﻨﯩﭗ ﻗﯘﺗﯘﻟﻐﯩﻠﻰ ﺑﻮﻟﻤﺎﻳﺪﯨﻐﺎﻧﻠﯩﻘﻰ ﺗﻪﻛﯩﺘﻠﻪﻧﮕﻪﻥ.

ﺑﺎﺳﺘﯘﺭﯗﺵ ﺩﻭﻟﻘﯘﻧﻰ

31 - ﺋﺎﯞﻏﯘﺳﺖ - ﻛﯜﻧﻰ ﮔﯧﺮﻣﺎﻧﯩﻴﻪ ﺩﻭﻟﻘﯘﻧﻠﯩﺮﻯ ﺭﺍﺩﯨﺌﻮﺳﯩﺪﺍ ﺋﺎﯕﻠﯩﺘﯩﻠﻐﺎﻥ "ﺋﻮﻟﯩﻤﭙﯩﻜﺘﯩﻦ ﻛﯧﻴﯩﻨﻜﻰ ﺩﻩﯞﯨﺮﺩﯨﻜﻰ ﺟﯘﯕﮕﻮ" ﻧﺎﻣﻠﯩﻖ ﻣﺎﻗﺎﻟﯩﺪﻩ، ﻟﯩﻦ ﺧﯧﻠﯩﻨﯩﯔ ﺳﯚﺯﻯ ﻧﻪﻗﯩﻞ ﺋﯧﻠﯩﻨﯩﭗ ﻣﯘﻧﺪﺍﻕ ﺩﯦﻴﯩﻠﮕﻪﻥ: "ﺑﯧﻴﺠﯩﯔ ﺋﻮﻟﯩﻤﭙﯩﻜﻰ ﮔﻪﺭﭼﻪ ﺗﺎﺷﻘﻰ ﻣﯘﻧﺎﺳﯩﯟﻩﺗﻨﻰ ﻧﯩﺴﺒﻪﺗﻪﻥ ﺋﯩﻠﮕﯩﺮﻯ ﺳﯜﺭﮔﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﺋﯩﭽﻜﻰ ﺟﻪﻫﻪﺗﺘﻪ ﺧﯩﺘﺎﻳﻼﺭ ﺑﯩﻠﻪﻥ ﺋﯘﻳﻐﯘﺭﻻﺭ ﯞﻩ ﺗﯩﺒﻪﺗﻠﯩﻜﻠﻪﺭﻧﯩﯔ ﺯﯨﺪﺩﯨﻴﯩﺘﯩﻨﻰ ﺋﯚﺗﻜﯜﺭﻟﻪﺷﺘﯜﺭﯛﯞﻩﺗﺘﻰ."

ﻣﺎﻗﺎﻟﻪ ﺋﺎﭘﺘﻮﺭﻯ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﻮﻟﯩﻤﭙﯩﻜﺘﯩﻦ ﻛﯧﻴﯩﻦ ﺋﯘﻳﻐﯘﺭ ﺩﯨﻴﺎﺭﯨﺪﺍ ﻳﻮﻟﻐﺎ ﻗﻮﻳﻐﺎﻥ ﻗﺎﺗﺘﯩﻖ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﻰ ﻫﻪﻗﻘﯩﺪﻩ ﺗﻮﺧﺘﺎﻟﻐﺎﻧﺪﺍ، ﺑﯘ ﺑﺎﺳﺘﯘﺭﯗﺵ ﻫﻪﺭﯨﻜﯩﺘﯩﻨﯩﯔ ﻗﻮﺭﻗﯘﻧﯘﭼﻠﯘﻕ ﺋﺎﻗﯩﯟﻩﺗﻠﻪﺭﻧﻰ ﭘﻪﻳﺪﺍ ﻗﯩﻠﯩﺶ ﺋﯧﻬﺘﯩﻤﺎﻟﯩﺪﯨﻦ ﺋﻪﻧﺴﯩﺮﻩﭖ ﻣﯘﻧﺪﺍﻕ ﺩﯦﮕﻪﻥ "ﻣﻪﺭﻛﻪﺯ ﺋﺎﺗﺎﻟﻤﯩﺶ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺗﯧﺮﺭﻭﺭﭼﯩﻠﯩﺮﯨﻐﺎ ﺯﻩﺭﺑﻪ ﺑﯧﺮﯨﺶ ﺑﯩﻠﻪﻥ ﺑﯩﺮﮔﻪ، ﺋﻮﯕﭽﻰ، ﺳﻮﻟﭽﯩﻼﺭﻏﺎ ﻗﺎﺭﺷﻰ ﺗﯘﺭﯗﺵ ﺩﯦﮕﻪﻧﺪﻩﻙ ﺯﻭﺭ ﺳﯩﻴﺎﺳﯩﻲ ﻫﻪﺭﯨﻜﻪﺕ ﻗﻮﺯﻏﺎﭖ، ﺧﺎﺗﺎ ﺋﯚﻟﺘﯜﺭﯛﻟﺴﯩﻤﯘ ﻣﻪﻳﻠﻰ، ﻗﯧﭽﯩﭗ ﻛﻪﺗﻤﯩﺴﯘﻥ، ﺑﯩﺮﻧﻰ ﺋﯚﻟﺘﯜﺭﯛﭖ، ﻣﯩﯖﻐﺎ ﺋﯩﺒﺮﻩﺕ ﺑﯧﺮﯨﻠﺴﯘﻥ ﺩﻩﻳﺪﯨﻐﺎﻥ ﻗﯩﺮﻏﯩﻨﭽﯩﻠﯩﻖ ﺳﯩﻴﺎﺳﯩﺘﯩﻨﻰ ﻳﯜﺭﮔﯜﺯﻩﻣﺪﯗ - ﻗﺎﻧﺪﺍﻕ؟"

ﺗﺎﻻﻥ - ﺗﺎﺭﺍﺟﻼﺭ

ﻣﺎﻗﺎﻟﯩﺪﻩ ﻳﻪﻧﻪ، ﭘﯜﺗﻜﯜﻝ ﺋﯘﻳﻐﯘﺭﻧﯩﯔ ﺯﻩﺭﺑﻪ ﻧﯩﺸﺎﻧﯩﻐﺎ ﺋﺎﻳﻠﯩﻨﯩﭗ ﻗﺎﻟﻐﺎﻧﻠﯩﻘﻰ ﻛﯚﺭﺳﯩﺘﯩﻠﯩﭗ ﻣﯘﻧﺪﺍﻕ ﺩﯦﻴﯩﻠﮕﻪﻥ "ﺷﯩﻨﺠﺎﯕﺪﯨﻜﻰ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯩﻠﻪﻥ ﻗﺎﺭﺷﯩﻠﯩﺸﯩﯟﺍﺗﻘﺎﻥ ﻣﯘﺗﻠﻪﻕ ﻛﯚﭖ ﻗﯩﺴﯩﻢ ﻳﻪﺭ ﺋﺎﺳﺘﻰ ﺗﻪﺷﻜﯩﻼﺗﻠﯩﺮﻯ ﯞﻩ ﺯﯨﻴﺎﻟﯩﻴﻼﺭ ﻣﻪﺳﯩﻠﯩﺴﻰ ﺑﯩﻠﻪﻥ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ، ﺗﯧﺮﺭﻭﺭﯨﺰﻡ ﺩﯦﮕﻪﻧﻠﻪﺭ ﺋﻪﺳﻠﯩﺪﻩ ﺋﻮﺧﺸﯩﻤﺎﻳﺪﯨﻐﺎﻥ ﺋﯩﻜﻜﻰ ﺋﯩﺶ ﺋﯩﺪﻯ."

ﻟﯩﻦ ﺧﯧﻠﻰ "ﺑﯧﻴﺠﯩﯔ ﻫﯚﻛﯜﻣﯩﺘﻰ ﺋﻮﻟﯩﻤﭙﯩﻜﺘﯩﻦ ﻛﯧﻴﯩﻦ ﺷﯩﻨﺠﺎﯓ، ﺗﯩﺒﻪﺕ ﻗﯧﻴﯩﻨﭽﯩﻠﯩﻘﯩﻨﻰ ﻗﺎﻧﺪﺍﻕ ﻫﻪﻝ ﻗﯩﻠﯩﺪﯗ" ﻧﺎﻣﻠﯩﻖ ﻣﺎﻗﺎﻟﯩﺴﯩﺪﻩ، ﺋﯘﻳﻐﯘﺭ ﺩﯨﻴﺎﺭﯨﺪﯨﻜﻰ ﺧﯩﺘﺎﻱ ﺯﯗﻟﯘﻣﯩﻨﯩﯔ ﻫﻪﺭ ﺗﯜﺭﻟﯜﻙ ﻗﺎﺭﺷﯩﻠﯩﻘﻼﺭﻏﺎ ﻳﻮﻝ ﺋﯧﭽﯩﯟﺍﺗﻘﺎﻧﻠﯩﻘﯩﻨﻰ ﺗﻪﻛﯩﺘﻠﻪﭖ ﻛﯧﻠﯩﭗ "ﺑﯘ ﻳﯩﻞ ﺩﯙﻟﻪﺕ ﺋﯩﮕﯩﻠﯩﻜﯩﺪﯨﻜﻰ ﺋﯜﭺ ﭼﻮﯓ ﻧﯧﻔﯩﺖ ﺷﯩﺮﻛﯩﺘﻰ ﺷﯩﻨﺠﺎﯕﺪﺍ ﺑﯚﺳﯜﺵ ﺧﺎﺭﺍﻛﺘﯧﺮﻟﯩﻚ ﻣﻪﻧﭙﯩﺌﻪﺗﻜﻪ ﺋﯧﺮﯨﺸﺘﻰ. ﻟﯧﻜﯩﻦ ﺑﯘﻧﯩﯔ ﻳﻪﺭﻟﯩﻚ ﺋﯘﻳﻐﯘﺭﻻﺭﻏﺎ ﺟﯩﻨﭽﯩﺮﺍﻍ ﻳﺎﻗﻘﺎﻧﭽﯩﻠﯩﻜﻤﯘ ﭘﺎﻳﺪﯨﺴﻰ ﺑﻮﻟﻤﯩﺪﻯ." ﺩﻩﭖ ﻳﺎﺯﻏﺎﻥ.

ﮔﻪﺭﭼﻪ ﺑﯘ ﻣﺎﻗﺎﻟﯩﺪﻩ، ﺋﯘﻳﻐﯘﺭ ﺩﯨﻴﺎﺭﯨﺪﯨﻜﻰ ﺋﯩﻜﻜﻰ ﭼﻮﯓ ﺋﻪﻣﻪﻟﺪﺍﺭﻧﯩﯔ ﺋﻮﻟﯩﻤﭙﯩﻚ ﻣﻪﺯﮔﯩﻠﯩﺪﻩ، ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ "ﻗﺎﺗﺘﯩﻖ ﻗﻮﻝ ﺑﻮﻟﯘﺵ" ﻻﻳﯩﻬﯩﺴﯩﻨﻰ ﺭﻩﺕ ﻗﯩﻠﻐﺎﻧﻠﯩﻘﻰ ﺗﻪﻛﯩﺘﻠﻪﻧﮕﻪﻥ ﺑﻮﻟﺴﯩﻤﯘ، ﺋﯘﻻﺭﻧﯩﯔ ﺋﯩﺴﻤﻰ ﺗﯩﻠﻐﺎ ﺋﯧﻠﯩﻨﻤﯩﻐﺎﻥ.

"ﺑﯧﺴﯩﻢ ﺑﺎﺭ ﻳﻪﺭﺩﻩ، ﻗﺎﺭﺷﯩﻠﯩﻖ ﺑﻮﻟﯩﺪﯗ"

ﭼﻪﺕ`ﺋﻪﻟﻠﻪﺭﺩﯨﻜﻰ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﻯ ﯞﻩ ﺟﺎﻣﺎﺋﯩﺘﻰ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻳﯧﻘﯩﻨﺪﯨﻦ ﺑﯘﻳﺎﻥ ﻳﻮﻟﻐﺎ ﻗﻮﻳﯘﯞﺍﺗﻘﺎﻥ ﻗﺎﺗﺘﯩﻖ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﯩﻨﻰ ﻗﺎﺗﺘﯩﻖ ﺋﻪﻳﯩﺒﻠﻪﯞﺍﺗﻘﺎﻥ ﻣﯘﺷﯘ ﭘﻪﻳﺘﻠﻪﺭﺩﻩ، ﺑﻪﺯﻯ ﭼﻪﺗﺌﻪﻟﻠﯩﻚ ﺯﯨﻴﺎﻟﯩﻴﻼﺭﻣﯘ ﺧﯩﺘﺎﻱ ﻫﯚﻛﯜﻣﯩﺘﯩﺪﯨﻦ ﻧﻪﭘﺮﻩﺗﻠﯩﻨﯩﭗ، ﺋﯘﻳﻐﯘﺭﻻﺭﻧﯩﯔ ﻗﺎﺭﺷﯩﻠﯩﻘﻠﯩﺮﯨﻨﻰ ﻗﻮﻟﻼﻳﺪﯨﻐﺎﻧﻠﯩﻘﯩﻨﻰ ﯞﻩ ﺑﯘ ﺧﯩﻞ ﻗﺎﺭﺷﯩﻠﯩﻘﻨﯩﯔ ﺋﯜﺯﻟﯜﻛﺴﯩﺰ ﺩﺍﯞﺍﻣﻠﯩﺸﯩﺸﯩﻐﺎ ﺗﯩﻠﻪﻛﺪﺍﺵ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﯛﺷﻤﻪﻛﺘﻪ.

ﮔﯧﺮﻣﺎﻧﯩﻴﯩﺪﯨﻜﻰ ﺗﯜﺭﻙ ﺯﯨﻴﺎﻟﯩﻴﺴﻰ ﺟﯜﻧﻪﻳﺖ ﺋﻪﭘﻪﻧﺪﻯ ﻳﻪﻧﻪ، ﺋﯘﻳﻐﯘﺭﻻﺭﻧﯩﯔ ﺑﯘﻧﺪﯨﻦ ﻣﯩﯔ ﻳﯩﻠﻼﺭ ﺋﯩﻠﮕﯩﺮﯨﻜﻰ ﺷﺎﻥ - ﺷﻪﺭﻩﭖ ﯞﻩ ﻏﻮﺭﯗﺭﻟﯩﺮﯨﻨﻰ ﺋﻪﺳﻠﯩﮕﻪ ﻛﻪﻟﺘﯜﺭﯛﺷﯩﮕﻪ ﺋﯩﻨﺘﯩﺰﺍﺭ ﺋﯩﻜﻪﻧﻠﯩﻜﯩﻨﻰ ﺗﻪﻛﯩﺘﻠﯩﺪﻯ.

ﺗﯜﺭﻙ ﺯﯨﻴﺎﻟﯩﻴﺴﻰ ﺑﯩﺮﮔﯜﻝ ﺧﺎﻧﯩﻤﻤﯘ، ﺋﯚﺯﻟﯩﺮﯨﻨﯩﯔ ﺑﺎﺗﯘﺭ ﺋﯘﻳﻐﯘﺭ ﺟﻪﯕﭽﯩﻠﯩﺮﯨﮕﻪ ﻫﯧﺴﺪﺍﺷﻠﯩﻖ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﯞﻩ ﺑﯘ ﻳﻮﻟﺪﺍ ﺷﯧﻬﯩﺪ ﺑﻮﻟﻐﺎﻧﻼﺭﻧﯩﯔ ﺋﺎﺧﯩﺮﻩﺗﻠﯩﻜﻰ ﺋﯜﭼﯜﻥ، ﺟﺎﻧﺎﺑﯩﻲ ﺋﺎﻟﻼﻫﺘﯩﻦ ﺧﻪﻳﺮﻟﯩﻚ ﺗﯩﻠﻪﻳﺪﯨﻐﺎﻧﻠﯩﻘﯩﻨﻰ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯘﻳﻐﯘﺭﻟﯩﺮﯨﻨﯩﯖﻤﯘ ﻫﯚﺭ - ﺋﺎﺯﺍﺕ ﻳﺎﺷﯩﺸﯩﻨﻰ ﺧﺎﻻﻳﺪﯨﻐﺎﻧﻠﯩﻘﯩﻨﻰ ﺗﯩﻠﻐﺎ ﺋﺎﻟﺪﻯ.

ﺋﺎﻧﺎﻟﯩﺰﭼﯩﻼﺭ، ﺋﺎﯞﻏﯘﺳﺖ ﺋﯧﻴﯩﺪﺍ ﺧﯩﺘﺎﻳﻐﺎ ﺋﺎﻟﺘﯘﻥ ﻣﯧﺪﺍﻝ ﺑﻪﺧﯩﺶ ﺋﻪﺗﻜﻪﻥ ﺷﻪﺭﻩﭘﺘﯩﻦ، ﺋﯘﻳﻐﯘﺭ ﻣﯘﺳﺘﻪﻗﯩﻠﭽﯩﻠﯩﺮﻯ ﺗﻪﻗﺪﯨﻢ ﻗﯩﻠﻐﺎﻥ ﻫﺎﻗﺎﺭﻩﺗﻨﯩﯔ ﺗﯧﺨﯩﻤﯘ ﺋﯧﻐﯩﺮ ﺳﺎﻟﻤﺎﻗﻨﻰ ﺋﯩﮕﯩﻠﻪﻳﺪﯨﻐﺎﻧﻠﯩﻘﯩﻨﻰ ﺗﯩﻠﻐﺎ ﺋﯧﻠﯩﺸﻤﺎﻗﺘﺎ. ﺑﯜﮔﯜﻥ ﺋﯘﻳﻐﯘﺭ ﺩﯨﻴﺎﺭﯨﺪﺍ ﺩﺍﯞﺍﻡ ﻗﯩﻠﯩﯟﺍﺗﻘﺎﻥ ﻗﺎﺗﺘﯩﻖ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﯩﻨﯩﯔ، ﺋﯘﻳﻐﯘﺭﻻﺭﻧﻰ ﻳﻪﻧﯩﻤﯘ ﺯﻭﺭ ﻗﺎﺭﺷﯩﻠﯩﻘﻼﺭﻏﺎ ﻣﻪﺟﺒﯘﺭﻻﻳﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﻪﺷﻤﻪﻛﺘﻪ.