ﻫﺎﺯﯨﺮﻗﻰ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻨﯩﯔ ﻗﯘﺭﻏﯘﭼﯩﺴﻰ ﻣﻪﺭﻫﯘﻡ ﻗﺮﺍﻝ ﺋﺎﺑﺪﯗﻟﺌﻪﺯﯨﺰﻧﯩﯔ ﺋﻪﺭﻩﺏ ﻳﯧﺮﯨﻢ ﺋﺎﺭﯨﻠﯩﻨﯩﯔ ﻧﻪﺟﺪﻩ ﯞﻩ ﻫﯩﺠﺎﺯ ﺭﺍﻳﻮﻧﻠﯩﺮﯨﺪﺍ ﻫﺎﻛﯩﻤﯩﻴﻪﺕ ﺳﯜﺭﮔﻪﻥ ﺩﻩﯞﺭﻟﻪﺭﺩﻩ ﺳﻮﯞﯦﺖ ﺋﯩﺘﺘﯩﭙﺎﻗﻰ ﺗﯘﻧﺠﻰ ﺋﻪﻟﭽﯩﺴﻰ ﻧﻪﺯﯨﺮ ﺗﯘﺭﻳﺎﻗﯘﻟﯘﭘﻨﻰ ﻫﯩﺠﺎﺯ ﺭﺍﻳﻮﻧﯩﻐﺎ ﺋﻪﻟﭽﻰ ﻗﯩﻠﯩﭗ ﺋﻪﯞﻩﺗﻜﻪﻥ ﺋﯩﻜﻪﻥ. ﻧﻪﺯﯨﺮ ﺗﯘﺭﻳﺎﻗﯘﻟﯘﭖ 1927 - ﻳﯩﻠﯩﺪﯨﻦ 1935 - ﻳﯩﻠﻠﯩﺮﻯ ﺋﺎﺭﯨﺴﯩﺪﺍ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﺪﺍ ﺳﻮﯞﯦﺖ ﺋﯩﺘﺘﯩﭙﺎﻗﯩﻨﯩﯔ ﺑﺎﺵ ﻛﻮﻧﺴﯘﻟﻰ ﺑﻮﻟﯘﭖ ﺗﯘﺭﻏﺎﻥ ﺋﯩﻜﻪﻥ.

ﻛﯩﺘﺎﺑﻨﯩﯔ ﻣﻪﺯﻣﯘﻧﻰ

ﺑﯘ ﻛﯩﺘﺎﺏ 554 - ﺑﻪﺗﻠﯩﻚ ﺑﻮﻟﯘﭖ، ﺋﯘﻧﯩﯖﻐﺎ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻨﯩﯔ ﻫﺎﺯﯨﺮﻗﻰ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﺋﻪﻣﯩﺮ ﺳﯘﺋﯘﺩ ﺋﻪﻝ ﻓﻪﻳﺴﻪﻝ ﺑﯧﻐﯩﺸﻠﯩﻤﺎ ﻳﺎﺯﻏﺎﻥ. ﻛﯩﺘﺎﺑﻨﯩﯔ ﻣﯘﻗﻪﺩﺩﯨﻤﯩﺴﯩﻨﻰ ﻗﺎﺯﺍﻗﯩﺴﺘﺎﻥ ﺟﯘﻣﻬﯘﺭﯨﻴﯩﺘﯩﻨﯩﯔ ﺭﻩﺋﯩﺴﻰ ﻧﯘﺭﺳﯘﻟﺘﺎﻥ ﻧﺎﺯﺍﺭﺑﺎﻳﯧﻒ ﻳﺎﺯﻏﺎﻥ. ﻛﯩﺘﺎﺑﻘﺎ ﻛﯩﺮﮔﯜﺯﯛﻟﮕﻪﻥ ﻫﯚﺟﺠﻪﺗﻠﯩﻚ ﺳﯜﺭﻩﺗﻠﻪﺭ ﯞﻩ ﺋﯚﺯ ﯞﺍﻗﺘﯩﺪﯨﻜﻰ ﻳﺎﺯﻣﺎ ﻣﺎﺗﯧﺮﯨﻴﺎﻟﻼﺭﻧﻰ ﻗﺎﺯﺍﻗﯩﺴﺘﺎﻧﻨﯩﯔ ﻣﻮﺳﻜﯟﺍﺩﺍ ﺗﯘﺭﯗﺷﻠﯘﻕ ﺑﺎﺵ ﺋﻪﻟﭽﯩﺴﻰ ﺗﺎﻫﯩﺮ ﻣﻪﻧﺴﯘﺭﯗﯞ ﺗﻮﭘﻠﯩﻐﺎﻥ. ﻛﯩﺘﺎﺑﻘﺎ ﻛﯩﺮﮔﯜﺯﯛﻟﮕﻪﻥ ﺋﻪﺭﻩﺑﭽﻪ ﻣﺎﺗﯧﺮﯨﻴﺎﻟﻼﺭﻧﻰ ﯞﻩ ﭼﯜﺷﻪﻧﺪﯛﺭﯛﺷﻠﻪﺭﻧﻰ ﺭﯗﺳﯩﻴﯩﮕﻪ ﻣﯘﻧﺎﺳﯩﯟﻩﺗﻠﯩﻚ ﻣﻪﺳﯩﻠﯩﻠﻪﺭ ﺗﻪﺗﻘﯩﻘﺎﺗﭽﯩﺴﻰ ﺩﻭﻛﺘﯘﺭ ﻣﺎﺟﯩﺪ ﺋﯩﺒﻨﻰ ﺋﺎﺑﺪﯗﻟﺌﻪﺯﯨﺰ ﺗﯜﺭﻛﻰ ﺋﯩﺸﻠﯩﮕﻪﻥ. ﻛﯩﺘﺎﺑﺘﺎ ﻧﻪﺯﯨﺮ ﺗﯘﺭﻳﺎﻗﯘﻟﯘﭘﻨﯩﯔ ﺋﻪﺭﻩﺏ ﻳﯧﺮﯨﻢ ﺋﺎﺭﯨﻠﯩﺪﺍ ﺋﯧﻠﯩﭗ ﺑﺎﺭﻏﺎﻥ ﭘﺎﺋﺎﻟﯩﻴﻪﺗﻠﯩﺮﻯ، ﻗﯩﺴﻘﯩﭽﻪ ﺗﻪﺭﺟﯩﻤﯩﻬﺎﻟﻰ ﯞﻩ ﻫﺎﺯﯨﺮﻗﻰ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﻰ ﻗﯘﺭﯗﻟﯘﺷﺘﯩﻦ ﺋﯩﻠﮕﯩﺮﻯ 1927 - ﻳﯩﻠﻰ ﺑﺎﺷﻠﯩﻨﯩﭗ 1935 - ﻳﯩﻠﻰ ﺋﺎﺧﯩﺮﻻﺷﻘﺎﻥ ﺋﻪﺭﻩﺏ - ﺭﻭﺳﯩﻴﻪ ﺩﯨﭙﻠﻮﻣﺎﺗﯩﻴﻪ ﺋﺎﻻﻗﯩﺴﻰ ﯞﻩﺳﯩﻘﯩﻠﯩﻖ ﻫﯚﺟﺠﻪﺗﻠﻪﺭ ﺑﯩﻠﻪﻥ ﻳﻮﺭﯗﺗﯘﭖ ﺑﯧﺮﯨﻠﮕﻪﻥ.

ﻧﻪﺯﯨﺮ ﺗﯘﺭﻳﺎﻗﯘﻟﯘﭘﻨﯩﯔ ﺗﻮﻧﯘﺷﺘﯘﺭﯗﻟﯘﺷﻰ

ﻧﻪﺯﯨﺮ ﺗﯘﺭﻳﺎﻗﯘﻟﯘﭘﻨﯩﯔ ﻣﯩﻠﻠﯩﺘﻰ ﻗﺎﺯﺍﻕ ﺑﻮﻟﯘﭖ، 1892 - ﻳﯩﻠﻰ ﻫﺎﺯﯨﺮﻗﻰ ﺋﯚﺯﺑﯧﻜﯩﺴﺘﺎﻧﻨﯩﯔ ﻗﻮﻗﻪﻧﺪ ﺷﻪﻫﯩﺮﯨﺪﻩ، ﻫﺎﻟﻠﯩﻖ ﺳﻮﺩﯨﮕﻪﺭ ﺋﺎﺋﯩﻠﯩﺴﯩﺪﻩ ﺩﯗﻧﻴﺎﻏﺎ ﻛﻪﻟﮕﻪﻥ. 1914 - ﻳﯩﻠﻰ ﻣﻮﺳﻜﯟﺍﺩﯨﻜﻰ ﺳﻮﺩﺍ ﺋﯩﻨﯩﺴﺘﯩﺘﯘﺗﯩﻐﺎ ﺋﻮﻗﯘﺷﻘﺎ ﭼﯜﺷﻜﻪﻥ. ﻧﻪﺯﯨﺮ ﺗﯘﺭﻳﺎ ﻗﯘﻟﯘﭖ ﺋﯚﻛﺘﻪﺑﯩﺮ ﺋﯩﻨﻘﯩﻼﺑﻰ ﭘﺎﺭﺗﻠﯩﻐﺎﻥ 1917 - ﻳﯩﻠﻰ ﻧﯩﺴﺘﺘﻮﺗﻨﯩﯔ 3 - ﻳﯩﻠﻠﯩﻘﯩﺪﺍ ﺋﻮﻗﯘﯞﺍﺗﻘﺎﻥ ﻣﻪﺯﮔﯩﻠﺪﯨﻼ ﺳﻮﯞﯦﺖ ﺳﻮﺗﺴﯩﻴﺎﻟﯩﺴﺘﯩﻚ ﭘﺎﺭﺗﯩﻴﯩﮕﻪ ﺋﻪﺯﺍ ﺑﻮﻟﯘﭖ، 1918 - ﻳﯩﻠﻰ ﺳﻮﯞﯦﺖ ﻗﯩﺰﯨﻞ ﺋﺎﺭﻣﯩﻴﯩﺴﯩﮕﻪ ﻛﯩﺮﮔﻪﻥ. ﺋﯘﺯﯗﻥ ﺋﯚﺗﻤﻪﻳﻼ ﺷﯘ ﯞﺍﻗﯩﺘﺘﯩﻜﻰ ﺗﯜﺭﻛﯩﺴﺘﺎﻥ ﺭﺍﻳﻮﻧﯩﺪﯨﻜﻰ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ ﺳﯩﻴﺎﺳﯩﻲ ﺑﻴﯘﺭﻭﺳﯩﻨﯩﯔ ﻣﯘﺩﯨﺮﻯ ﺑﻮﻟﻐﺎﻥ ﯞﻩ ﺳﻮﯞﯦﺖ ﻛﻮﻣﻤﯘﻧﯩﺴﺘﻠﯩﺮﯨﻨﯩﯔ ﺑﯘﺧﺎﺭﺍ ﺧﺎﻧﻠﯩﻘﯩﻨﻰ ﺋﯚﺭﯛﭖ ﺗﺎﺷﻠﯩﺸﯩﺪﺍ ﺑﻪﻟﮕﯩﻠﯩﻚ ﺧﯩﺰﻣﻪﺕ ﻛﯚﺭﺳﯜﺗﯜﭖ، ﭘﯜﺗﯜﻥ ﺋﻮﺗﺘﯘﺭﺍ ﺋﺎﺳﯩﻴﺎ ﺭﺍﻳﻮﻧﻠﯩﺮﯨﻐﺎ ﯞﻩﻛﯩﻠﻠﯩﻚ ﻗﯩﻠﯩﺪﯨﻐﺎﻥ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﯩﺴﯩﻨﯩﯔ ﺑﺎﺵ ﺳﯧﻜﺮﯨﺘﺎﺭﻯ ﺑﻮﻟﻐﺎﻥ.

ﺗﯘﺭﻳﺎﻗﯘﻟﯘﭖ 1921 - ﯞﻩ 1922 - ﻳﯩﻠﻠﯩﺮﻯ ﺋﺎﺭﯨﺴﯩﺪﺍ ﺳﻮﯞﯦﺖ ﺋﯩﺘﺘﯩﭙﺎﻗﯩﻐﺎ ﻗﺎﺭﺍﻡ ﺗﯜﺭﻛﯩﺴﺘﺎﻥ ﺋﺎﭘﺘﻮﻧﻮﻡ ﺭﺍﻳﻮﻧﻰ ﺋﯩﺠﺮﺍﺋﯩﻴﻪ ﻛﻮﻣﯩﺘﯧﺘﯩﻨﯩﯔ ﺑﺎﺷﻠﯩﻘﻰ ﺑﻮﻟﻐﺎﻥ. 1923 - ﻳﯩﻠﻰ ﻣﻮﺳﻜﯟﺍﻏﺎ ﻳﯚﺗﻜﯩﻠﯩﭗ ﺳﻮﯞﯦﺖ ﺋﯩﺘﺘﯩﭙﺎﻗﻰ ﻧﻪﺷﺮﯨﻴﺎﺕ ﺋﯩﺪﺍﺭﯨﺴﯩﻨﯩﯔ ﺭﻩﺋﯩﺴﻰ، ﻗﻮﺷﯘﻣﭽﻪ ﻣﻮﺳﻜﯟﺍ ﺷﻪﺭﻗﺸﯘﻧﺎﺳﻠﯩﻖ ﺋﯩﻨﯩﺴﺘﯧﺘﻮﺗﯩﻨﯩﯔ ﻣﯘﺩﯨﺮﻯ ﺑﻮﻟﻐﺎﻥ. 1927 - ﻳﯩﻠﻰ ﺳﻮﯞﯦﺖ ﺋﯩﺘﺘﯩﭙﺎﻗﯩﻨﯩﯔ ﺋﻪﺭﻩﺏ ﻳﯧﺮﯨﻢ ﺋﺎﺭﯨﻠﯩﻐﺎ ﺋﻪﯞﻩﺗﯩﻠﮕﻪﻥ ﺗﯘﻧﺠﻰ ﺑﺎﺵ ﺋﻪﻟﭽﯩﺴﻰ ﺑﻮﻟﻐﺎﻥ.

ﻧﻪﺯﯨﺮ ﺗﯘﺭﻳﺎﻗﯘﻟﯘﭘﻨﯩﯔ ﺋﯚﻟﯜﻣﻰ

ﻧﻪﺯﯨﺮ ﺗﯘﺭﻳﺎﻗﯘﻟﯘﭖ ﻗﺎﺯﺍﻕ ﺧﻪﻟﻘﯩﻨﯩﯔ ﺩﯨﭙﻠﻮﻣﺎﺗﯩﻴﻪ ﺳﺎﻫﻪﺳﯩﺪﻩ ﻳﯧﺘﯩﺸﯩﭗ ﭼﯩﻘﻘﺎﻥ ﺗﯘﻧﺠﻰ ﭘﻪﺭﺯﻩﻧﺘﻰ ﺑﻮﻟﯘﭖ، ﻣﻮﻝ ﺑﯩﻠﯩﻤﻰ ﯞﻩ ﺩﯨﭙﻠﻮﻣﺎﺗﯩﻴﻪ ﺳﺎﻫﻪﺳﯩﺪﯨﻜﻰ ﭘﻪﯞﻗﯘﻟﺌﺎﺩﺩﻩ ﻳﯘﻗﯩﺮﻯ ﺳﻪﯞﯨﻴﯩﺴﻰ ﺗﯜﭘﻪﻳﻠﻰ ﺋﻪﻳﻨﻰ ﯞﺍﻗﯩﺘﺘﯩﻜﻰ ﺳﻮﯞﯦﺖ ﻛﻮﻣﻤﯘﻧﯩﺴﺘﻠﯩﺮﻯ ﺋﯘﻧﻰ ﻳﯘﻗﯩﺮﻯ ﻣﻪﺭﺗﯩﺒﯩﻠﻪﺭﮔﻪ ﻛﯚﺗﯜﺭﯛﺵ ﺋﺎﺭﻗﯩﻠﯩﻖ ﺋﯘﻧﯩﯖﺪﯨﻦ ﭘﺎﻳﺪﯨﻼﻧﻐﺎﻥ، ﺋﻪﺭﻩﺏ ﻳﯧﺮﯨﻢ ﺋﺎﺭﯨﻠﻰ ﺑﯩﻠﻪﻥ ﺋﺎﻻﻗﻪ ﺑﺎﻏﻼﺵ، ﺷﯘﻧﺪﺍﻗﻼ ﺋﻪﻣﺪﯨﻼ ﻗﯘﺭﯗﻟﻐﺎﻥ ﻳﯧﯖﻰ ﺳﻮﯞﯦﺖ ﺋﯩﺘﺘﯩﭙﺎﻗﯩﻨﻰ ﺋﻪﺭﻩﺑﻠﻪﺭﻧﯩﯔ ﺋﯧﺘﯩﺮﺍﭖ ﻗﯩﻠﯩﺸﯩﻐﺎ ﺋﯧﺮﯨﺸﯩﺶ ﺋﯩﺸﻠﯩﺮﯨﺪﺍ ﻧﻪﺯﯨﺮ ﺗﯘﺭﻳﺎﻗﯘﻟﯘﭘﻨﯩﯔ ﺩﯨﭙﻠﻮﻣﺎﺗﯩﻴﻪ ﺳﺎﻫﻪﺳﯩﺪﯨﻜﻰ ﺑﯩﻠﯩﻤﯩﺪﯨﻦ ﭘﺎﻳﺪﯨﻼﻧﻐﺎﻥ.

ﺷﯘﻧﺪﺍﻗﺘﯩﻤﯘ ﺳﻮﯞﯦﺖ ﻛﻮﻣﻤﯘﻧﯩﺴﺘﻠﯩﺮﻯ ﻫﻪﺭ ﺟﺎﻱ ﯞﻩ ﻫﻪﺭ ﺯﺍﻣﺎﻧﺪﯨﻜﻰ ﻛﻮﻣﻤﯘﻧﯩﺴﺘﻼﺭﻏﺎ ﺧﺎﺱ ﻗﺎﺭﺍ ﻛﯚﯕﯜﻟﻠﯜﻛﻰ ﺑﯩﻠﻪﻥ ﻧﻪﺯﯨﺮ ﺗﯘﺭﻳﺎﻗﯘﻟﯘﭘﻨﻰ ﺋﻮﺗﺘﯘﺭﺍ ﺋﺎﺳﯩﻴﺎﺩﺍ ﺭﯗﺳﯩﻴﻪﺩﯨﻦ ﻣﯘﺳﺘﻪﻗﯩﻞ ﻫﺎﻟﺪﺍ ﺑﯜﻳﯜﻙ ﺗﯜﺭﻛﯩﺴﺘﺎﻥ ﺩﯙﻟﯩﺘﻰ ﻗﯘﺭﯗﺷﻨﻰ ﭘﯩﻼﻧﻠﯩﻐﺎﻥ ﺩﯦﮕﻪﻥ ﺗﯚﻫﻤﻪﺕ ﺑﯩﻠﻪﻥ ﻗﻮﻟﻐﺎ ﺋﯧﻠﯩﭗ، 1937 - ﻳﯩﻠﻰ ﺋﻪﻳﻨﻰ ﯞﺍﻗﯩﺘﺘﯩﻜﻰ "ﺗﯜﺭﻛﯩﺴﺘﺎﻥ ﺭﯦﺴﭙﯘﺑﻠﯩﻜﯩﺴﻰ" ﻧﯩﯔ ﯞﻩﻛﯩﻠﻠﯩﺮﻯ ﺑﻮﻟﻐﺎﻥ ﺋﻪﻫﻤﻪﺩ ﺑﺎﻱ ﺗﯘﺭﺳﯘﻧﻮﭖ، ﺗﯘﺭﺍﺭ ﺭﯨﺴﻘﻮﻟﯘﭘﻼﺭ ﺑﯩﻠﻪﻥ ﺑﯩﺮﻟﯩﻜﺘﻪ ﺋﯧﺘﯩﭗ ﺋﯚﻟﺘﯜﺭﮔﻪﻥ ﺋﯩﻜﻪﻥ.