ﻓﺮﺍﻧﺴﯩﻴﯩﻨﯩﯔ ﻗﺎﺯﺍﻗﯩﺴﺘﺎﻥ ﺑﯩﻠﻪﻥ ﺗﯜﺯﮔﻪﻥ ﻫﻪﺭﺑﯩﻲ ﻛﯧﻠﯩﺸﯩﻤﻠﯩﺮﻯ ﯞﻩ ﻗﺎﺯﺍﻗﯩﺴﺘﺎﻧﻨﯩﯔ ﻳﺎﯞﺭﯗﭘﺎ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﯩﮕﻪ ﻗﺎﻧﺪﺍﻕ ﺑﺎﻫﺎ ﺑﯧﺮﯨﺶ ﻛﯧﺮﻩﻙ؟

ﺳﻪﻳﺸﻪﻧﺒﻪ ﻛﯜﻧﻰ ﻗﺎﺯﺍﻗﯩﺴﺘﺎﻥ ﻓﺮﺍﻧﺴﯩﻴﯩﻨﯩﯔ ﺋﺎﻓﻐﺎﻧﯩﺴﺘﺎﻧﺪﺍ ﺗﯘﺭﯗﺷﻠﯘﻕ ﻗﯩﺴﯩﻤﻠﯩﺮﯨﻐﺎ ﻫﻪﺭﺑﯩﻲ ﻻﺯﯨﻤﻪﺗﻠﻪﺭﻧﻰ ﻗﺎﺯﺍﻗﯩﺴﺘﺎﻥ ﺋﺎﺭﻗﯩﻠﯩﻖ ﺗﻮﺷﯘﺷﯩﻐﺎ ﺭﯗﺧﺴﻪﺕ ﻗﯩﻠﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﺪﻯ. ﺑﯘﻧﯩﯔ ﺑﯩﺮﻟﯩﻜﺘﻪ ﻳﻪﻧﻪ ﺋﯩﻜﻜﻰ ﺩﯙﻟﻪﺕ ﻣﯘﻫﯩﻢ ﺋﯧﻨﯧﺮﮔﯩﻴﻪ ﻛﯧﻠﯩﺸﯩﻤﻠﯩﺮﯨﻨﯩﻤﯘ ﺋﯩﻤﺰﺍﻟﯩﺪﻯ. ﻓﺮﺍﻧﺴﯩﻴﯩﻨﯩﯔ ﻗﺎﺯﺍﻗﯩﺴﺘﺎﻥ ﺑﯩﻠﻪﻥ ﺋﯩﻤﺰﺍ ﻟﯩﻐﺎﻥ ﺋﯧﻨﯧﺮﮔﯩﻴﻪ ﻛﯧﻠﯩﺸﯩﻤﯩﻨﯩﯔ ﻗﯩﻤﻤﯩﺘﻰ ﺑﯩﺮ ﻳﯧﺮﯨﻢ ﻣﯩﻠﻴﺎﺭﺩ ﺩﻭﻟﻼﺭﻏﺎ ﻳﯧﺘﯩﺪﯗ. ﺋﯘﻧﯩﯔ ﺋﯜﺳﺘﯩﮕﻪ ﺋﯩﻜﻜﻰ ﺩﯙﻟﻪﺕ ﻳﻪﻧﻪ 100 ﻣﯩﻠﻴﻮﻥ ﺩﻭﻟﻼﺭ ﻗﯩﻤﻤﯩﺘﯩﺪﯨﻜﻰ ﻫﻪﺭﺑﯩﻲ ﻛﯧﻠﯩﺸﯩﻤﻨﯩﻤﯘ ﺋﯩﻤﺰﺍﻟﯩﻐﺎﻥ ﺑﻮﻟﯘﭖ، ﻛﯧﻠﯩﺸﯩﻢ ﺑﻮﻳﯩﭽﻪ ﻗﺎﺯﺍﻕ ﺋﺎﺭﻣﯩﻴﯩﺴﻰ ﺋﺎﻻﻗﯩﻠﯩﺸﯩﺶ ﺗﯧﺨﻨﯩﻜﯩﺴﻰ ﺋﯜﺳﻜﯜﻧﯩﻠﯩﺮﻯ ﺑﯩﻠﻪﻥ ﺗﻪﻣﯩﻨﻠﯩﻨﯩﺪﯨﻜﻪﻥ.
 
ﻗﺎﺯﺍﻗﯩﺴﺘﺎﻥ ﭘﺮﯦﺰﯨﺪﯦﻨﺘﻰ ﻧﯘﺭﺳﯘﻟﺘﺎﻥ ﻧﺎﺯﺍﺭﺑﺎﻳﯧﻒ ﺑﯘ ﻛﯧﻠﯩﺸﯩﻤﻠﻪﺭﻧﯩﯔ ﺋﯩﻜﻜﻰ ﺩﯙﻟﻪﺗﻨﯩﯔ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﻣﻪﻧﭙﻪﺋﻪﺗﻠﯩﺮﻯ ﺋﯜﭼﯜﻥ ﺋﯩﻨﺘﺎﻳﯩﻦ ﻣﯘﻫﯩﻢ ﺋﯩﻜﻪﻧﻠﯩﻜﯩﻨﻰ ﺗﻪﻛﯩﺘﻠﯩﺪﻯ. ﻓﺮﺍﻧﺴﯩﻴﻪ ﭘﺮﯦﺰﯨﺪﯦﻨﺘﻰ ﺳﺎﺭﻛﻮﺯﯨﻴﻤﯘ " ﻗﺎﺯﺍﻗﯩﺴﺘﺎﻧﻨﯩﯔ ﺋﯩﺮﺍﻥ ﯞﻩ ﺋﺎﻓﻐﺎﻧﯩﺴﺘﺎﻧﺪﯨﻜﻰ ﻣﻪﺳﯩﻠﯩﻠﻪﺭﻧﻰ ﻫﻪﻝ ﻗﯩﻠﯩﺸﻘﺎ ﻳﺎﺭﺩﻩﻡ ﻗﯩﻠﯩﺸﯩﻨﻰ ﺋﯜﻣﯩﺪ ﻗﯩﻠﯩﻤﯩﺰ، ﺑﯩﺰ ﺋﻪﺳﻪﺑﯩﻴﻠﯩﻜﻜﻪ ﻗﺎﺭﺷﻰ ﺋﻮﺭﺗﺎﻕ ﻛﯜﺭﻩﺵ ﻗﯩﻠﯩﺸﯩﻤﯩﺰ ﻛﯧﺮﻩﻙ" ﺩﯦﺪﻯ.

ﻓﺮﺍﻧﺴﯩﻴﯩﻨﯩﯔ ﻗﺎﺯﺍﻗﯩﺴﺘﺎﻥ ﺑﯩﻠﻪﻥ ﺑﯘﻧﺪﺍﻕ ﻣﯘﻫﯩﻢ ﻛﯧﻠﯩﺸﯩﻤﻠﻪﺭﻧﻰ ﺋﯩﻤﺰﺍﻟﯩﺸﯩﺪﯨﻜﻰ ﺳﻪﯞﻩﺏ ﻧﯧﻤﻪ؟ ﺑﯘ ﻫﻪﻗﺘﻪ ﺋﯩﺴﺘﺮﺍﺗﯧﮕﯩﻴﻪ ﻣﯘﺗﻪﺧﻪﺳﺴﯩﺴﻰ، ﺩﻭﻛﺘﻮﺭ ﺋﻪﺭﻛﯩﻦ ﺋﻪﻛﺮﻩﻡ ﺋﻪﭘﻪﻧﺪﯨﻨﯩﯔ ﻛﯚﺯ ﻗﺎﺭﯨﺸﯩﻨﻰ ﺋﺎﻟﺪﯗﻕ.
 
ﻗﺎﺯﺍﻗﯩﺴﺘﺎﻥ 2010 - ﻳﯩﻠﯩﺪﺍ ﻳﺎﯞﺭﯗﭘﺎ ﺧﻪﯞﭘﺴﯩﺰﻟﯩﻚ ﯞﻩ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻨﯩﯔ ﻳﯩﻐﯩﻨﯩﻐﺎ ﺳﺎﻫﯩﺒﺨﺎﻧﯩﻠﯩﻖ ﻗﯩﻠﯩﺪﯨﻐﺎﻥ ﺑﻮﻟﯘﭖ، ﺑﯘﻧﯩﯖﻐﺎ ﻧﯩﺴﺒﻪﺗﻪﻥ ﺋﻮﺧﺸﯩﻤﺎﻳﺪﯨﻐﺎﻥ ﭘﯩﻜﯩﺮﻟﻪﺭ ﺋﻮﺗﺘﯘﺭﯨﻐﺎ ﭼﯩﻘﻘﺎﻥ ﺋﯩﺪﻯ. ﺑﻪﺯﻯ ﺩﯙﻟﻪﺗﻠﻪﺭ ﻗﺎﺯﺍﻗﯩﺴﺘﺎﻧﺪﻩﻙ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﯨﭽﯩﻠﯩﻜﻠﯩﺮﻯ ﻣﻪﯞﺟﯘﺕ ﺑﻮﻟﯘﭖ ﺗﯘﺭﯗﯞﺍﺗﻘﺎﻥ ﺑﯩﺮ ﺩﯙﻟﻪﺗﻨﯩﯔ ﻳﺎﯞﺭﯗﭘﺎ ﺑﯩﺮﻟﯩﻜﯩﻨﯩﯔ ﻳﯩﻐﯩﻨﯩﻨﻰ ﺳﺎﻫﯩﺒﺨﺎﻥ ﺑﻮﻟﯘﭖ ﺋﯧﭽﯩﺶ ﺳﺎﻻﻫﯩﻴﯩﺘﯩﻨﯩﯔ ﻳﻮﻗﻠﯘﻗﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ ﺋﯩﺪﻯ. ﺋﻪﻣﻤﺎ ﻗﺎﺯﺍﻗﯩﺴﺘﺎﻥ ﺑﻮﻟﺴﺎ ﻫﻪﺭ ﭘﯘﺭﺳﻪﺗﺘﻪ ﺋﯚﺯﯨﻨﯩﯔ ﻳﺎﯞﺭﯗﭘﺎ ﺑﯩﻠﻪﻥ ﻳﯧﻘﯩﻦ ﻣﯘﻧﺎﺳﯩﯟﻩﺕ ﺋﻮﺭﻧﯩﺘﯩﺸﻨﻰ ﺧﺎﻻﻳﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﻪﭖ ﻛﻪﻟﻤﻪﻛﺘﻪ.

ﻗﺎﺯﺍﻗﯩﺴﺘﺎﻥ ﭘﺮﯦﺰﯨﺪﯦﻨﺘﻰ ﻧﯘﺭﺳﯘﻟﺘﺎﻥ ﻧﺎﺯﺍﺭﺑﺎﻳﯧﻒ ﺳﺎﺭﻛﻮﺯﯨﻲ ﺑﯩﻠﻪﻥ ﺋﯘﭼﺮﯨﺸﯩﺸﯩﻨﯩﯔ ﺋﺎﺭﻗﯩﺴﯩﺪﯨﻦ ﻣﯘﺧﺒﯩﺮﻻﺭﻏﺎ ﻗﯩﻠﻐﺎﻥ ﺳﯚﺯﯨﺪﯨﻤﯘ ﺑﯘﻧﻰ ﺗﻪﻛﯩﺘﻠﻪﭖ: ﺑﯩﺰﻧﯩﯔ ﺋﺎﺳﺎﺳﯩﻲ ﻣﻪﻗﺴﯩﺘﯩﻤﯩﺰ ﻣﯘﺳﺘﻪﻗﯩﻠﻠﯩﻘﯩﻤﯩﺰﻧﻰ ﻛﯜﭼﻠﻪﻧﺪﯛﺭﯛﺵ، ﺋﯩﻘﺘﯩﺴﺎﺩﻧﻰ ﺗﻪﺭﻩﻗﻘﻰ ﻗﯩﻠﺪﯗﺭﯗﭖ ﺧﻪﻟﻘﯩﻤﯩﺰﻧﯩﯔ ﺗﯘﺭﻣﯘﺵ ﺳﻪﯞﯨﻴﯩﺴﯩﻨﻰ ﻳﯘﻗﯩﺮﻯ ﻛﯚﺗﯜﺭﯛﺵ. ﺋﻪﺭﻛﯩﻨﻠﯩﻚ ﯞﻩ ﺩﯦﻤﻮﻛﺮﺍﺗﯩﻴﻪ ﻗﯩﻤﻤﻪﺕ ﻗﺎﺭﯨﺸﯩﻐﺎ ﺋﯩﮕﻪ ﺑﻮﻟﻐﺎﻥ ﻳﺎﯞﺭﯗﭘﺎﻏﺎ ﻳﯧﻘﯩﻨﻠﯩﺸﯩﺶ، ﺩﯦﺪﻯ.

ﺩﻭﻛﺘﻮﺭ ﺋﻪﺭﻛﯩﻦ ﺋﻪﻛﺮﻩﻡ ﺋﻪﭘﻪﻧﺪﻯ ﻗﺎﺯﺍﻗﺴﺘﺎﻧﻨﯩﯔ ﻳﺎﯞﺭﯗﭘﺎ ﺑﯩﻠﻪﻥ ﻳﯧﻘﯩﻨﻠﯩﺸﯩﺸﻨﻰ ﺗﻪﻛﯩﺘﻠﯩﺸﻰ ﯞﻩ ﺑﯘﻧﯩﯔ ﺗﻪﺳﯩﺮﻯ ﺋﯜﺳﺘﯩﺪﻩ ﺗﻮﺧﺘﺎﻟﺪﻯ.

ﺑﯩﺰ ﻳﻪﻧﻪ ﻗﺎﺯﺍﻗﯩﺴﺘﺎﻧﺪﯨﻜﻰ ﭘﯩﺸﻘﻪﺩﻩﻡ ﺳﯩﻴﺎﺳﯩﻴﻮﻥ ﻗﻪﻫﺮﯨﻤﺎﻥ ﻏﻮﺟﺎﻣﺒﻪﺭﺩﻯ ﺋﻪﭘﻪﻧﺪﻯ ﺑﯩﻠﻪﻧﻤﯘ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ. ﺋﯘ ﻳﺎﯞﺭﯗﭘﺎ ﺩﯙﻟﻪﺗﻠﯩﺮﯨﻨﯩﯔ ﻗﺎﺯﺍﻗﯩﺴﺘﺎﻥ ﺑﯩﻠﻪﻥ ﻳﺎﺧﺸﻰ ﻣﯘﻧﺎﺳﯩﯟﻩﺕ ﺋﻮﺭﻧﯩﺘﯩﺸﯩﻨﯩﯔ ﻳﺎﺧﺸﻰ ﺑﯩﺮ ﺑﺎﺷﻼﻧﻐﯘﭺ ﺋﯩﻜﻪﻧﻠﯩﻜﯩﻨﻰ، ﺑﯘﻧﯩﯔ ﺭﺍﻳﻮﻥ ﺋﯜﭼﯜﻧﻤﯘ ﭘﺎﻳﺪﯨﻠﯩﻖ ﺑﯩﺮ ﯞﻩﺯﯨﻴﻪﺕ ﻳﺎﺭﯨﺘﯩﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.