ﯞﻩﻗﻪﺩﻩ ﻗﺎﺭﺍ ﻣﺎﺷﯩﻨﺎ ﻫﻪﻳﺪﯨﮕﻪﻥ ﺋﯩﻜﻜﻰ ﺋﯘﻳﻐﯘﺭ ﻳﺎﺷﻨﯩﯔ ﺋﻪﺗﯩﮕﻪﻧﻠﯩﻚ ﻳﯜﮔﺮﻩﺷﻜﻪ ﭼﯩﻘﻘﺎﻥ 70 ﻛﯩﺸﯩﻠﯩﻚ ﺑﯩﺮ ﭼﯧﮕﺮﺍ ﻣﯘﺩﺍﭘﯩﺌﻪ ﺋﻪﺗﺮﯨﺘﯩﻨﻰ ﻣﺎﺷﯩﻨﯩﻐﺎ ﺑﺎﺳﺘﯘﺭﯗﭖ 16 ﺋﻪﺳﻜﻪﺭﻧﻰ ﺋﯚﻟﺘﯜﺭﮔﻪﻧﻠﯩﻜﻰ، ﺋﯘﻻﺭﻧﯩﯔ ﻳﻪﻧﻪ ﺋﻪﺳﻜﻪﺭﻟﻪﺭﮔﻪ ﭘﺎﺭﺗﻼﺗﻘﯘﭺ ﺑﻮﻣﺒﺎ ﺋﺎﺗﻘﺎﻥ ﯞﻩ ﻳﺎﺭﯨﺪﺍﺭ ﺋﻪﺳﻜﻪﺭﻟﻪﺭﻧﻰ ﭘﯩﭽﺎﻗﻼﭖ ﺋﯚﻟﺘﯜﺭﮔﻪﻧﻠﯩﻜﻰ ﺋﯩﻠﮕﯩﺮﻯ ﺳﯜﺭﯛﻟﮕﻪﻥ ﺋﯩﺪﻯ. ﻟﯧﻜﯩﻦ ﻧﻴﯘ ﻳﻮﺭﻙ ﯞﺍﻗﺘﻰ ﮔﯧﺰﯨﺘﻰ ﺩﯛﺷﻪﻧﺒﻪ ﻛﯜﻧﻰ ﺑﯘ ﯞﻩﻗﻪﮔﻪ ﺋﺎﺋﯩﺖ ﻣﺎﻗﺎﻟﻪ ﺋﯧﻼﻥ ﻗﯩﻠﯩﭗ، ﺧﯩﺘﺎﻱ ﺗﻪﺭﻩﭘﻨﯩﯔ ﯞﻩﻗﻪ ﺗﻮﻏﺮﯨﺴﯩﺪﯨﻜﻰ ﭼﯜﺷﻪﻧﺪﯛﺭﯛﺷﯩﺪﻩ ﮔﯘﻣﺎﻧﯩﻲ ﻧﯘﻗﺘﯩﻼﺭ ﺑﺎﺭﻟﯩﻘﯩﻨﻰ، ﯞﻩﻗﻪﺩﻩ ﺋﻪﺳﻜﻪﺭﻟﻪﺭﻧﯩﯔ ﺑﯩﺮ ﺑﯩﺮﯨﻨﻰ ﭘﯩﭽﺎﻗﻠﯩﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.

ﺧﯩﺘﺎﻱ ﻫﯚﻛﯜﻣﯩﺘﻰ 4‏ - ﺋﺎﯞﻏﯘﺳﺖ ﻛﯜﻧﻰ ﺋﻪﺗﯩﮕﻪﻧﺪﻩ ﻳﯜﺯ ﺑﻪﺭﮔﻪﻥ ﺧﯩﺘﺎﻳﻨﯩﯔ ﻗﻪﺷﻘﻪﺭﺩﯨﻜﻰ ﺑﯩﺮ ﭼﯧﮕﺮﺍ ﻣﯘﺩﺍﭘﯩﺌﻪ ﺋﻪﺗﺮﯨﺘﯩﻨﻰ ﻗﺎﺭﺍ ﻣﺎﺷﯩﻨﯩﻐﺎ ﺑﺎﺳﺘﯘﺭﯗﭖ، 16 ﺋﻪﺳﻜﻪﺭﻧﻰ ﺋﯚﻟﺘﯜﺭﮔﻪﻧﻠﯩﻚ ﯞﻩﻗﻪﺳﯩﻨﻰ 2 ﺋﯘﻳﻐﯘﺭ ﻳﺎﺷﻨﯩﯔ ﺋﯧﻠﯩﭗ ﺑﺎﺭﻏﺎﻧﻠﯩﻘﻰ، ﺑﯘ ﯞﻩﻗﻪ ﺋﯘﻳﻐﯘﺭ "ﺑﯚﻟﮕﯜﻧﭽﯩﻠﯩﺮﻯ"ﻧﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﻰ ﻗﺎﻻﻳﻤﯩﻘﺎﻥ ﻗﯩﻠﯩﺶ ﻗﻪﺳﺘﯩﺪﯨﻜﻰ " ﺗﯧﺮﺭﻭﺭﻟﯘﻕ" ﻫﯘﺟﯘﻣﻰ ﺋﯩﻜﻪﻧﻠﯩﻜﯩﻨﻰ ﺟﺎﻛﺎﺭﻟﯩﻐﺎﻥ ﺋﯩﺪﻯ. ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺋﻪﻳﻨﻰ ﯞﺍﻗﯩﺘﺘﺎ ﭼﯜﺷﻪﻧﺪﯛﺭﯛﺷﯩﭽﻪ، ﻗﺎﺭﺍ ﻣﺎﺷﯩﻨﺎ ﻫﻪﻳﺪﯨﮕﻪﻥ 2 ﺋﯘﻳﻐﯘﺭ ﻳﺎﺵ ﺋﻪﺗﯩﮕﻪﻧﻠﯩﻚ ﻳﯜﮔﺮﻩﺷﻜﻪ ﭼﯩﻘﻘﺎﻥ ﺋﻪﺳﻜﻪﺭﻟﻪﺭﻧﻰ ﺋﺎﺭﻗﯩﺪﯨﻦ ﻛﯧﻠﯩﭗ ﺳﻮﻗﻘﺎﻥ ﺑﻮﻟﯘﭖ، ﺋﯘﻻﺭ ﻳﻪﻧﻪ ﻗﻮﻟﺪﺍ ﻳﺎﺳﺎﻟﻐﺎﻥ ﺑﻮﻣﺒﺎ ﺋﺎﺗﻘﺎﻥ ﯞﻩ ﻣﺎﺷﯩﻨﯩﺪﯨﻦ ﭼﯜﺷﯜﭖ ﺑﻪﺯﻯ ﺋﻪﺳﻜﻪﺭﻟﻪﺭﻧﻰ ﭘﯩﭽﺎﻗﻼﭖ ﺋﯚﻟﺘﯜﺭﮔﻪﻥ ﺋﯩﻜﻪﻥ.

ﺋﻪﻳﻨﻰ ﭼﺎﻏﺪﺍ ﺩﺍﺋﯩﺮﯨﻠﻪﺭ ﺑﯘ 2 ﻳﺎﺷﻨﯩﯔ ﺗﯩﺮﯨﻚ ﻗﻮﻟﻐﺎ ﭼﯜﺷﻜﻪﻧﻠﯩﻜﻰ، ﻳﺎﺷﻼﺭﻧﯩﯔ ﺑﯩﺮﯨﻨﯩﯔ ﺗﺎﻛﺴﻰ ﺷﻮﭘﯘﺭﻯ، ﻳﻪﻧﻪ ﺑﯩﺮﯨﻨﯩﯔ ﻛﯚﻛﺘﺎﺗﭽﻰ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ. ﺑﯘ ﯞﻩﻗﻪ ﻗﻪﺷﻘﻪﺭ ﺷﻪﻫﯩﺮﯨﻨﯩﯔ ﺳﻪﻣﻪﻥ ﻳﯧﺰﯨﺴﯩﻐﺎ ﻛﯧﺘﯩﺪﯨﻐﺎﻥ ﻳﻮﻟﺪﯨﻜﻰ ﻣﯩﻠﻠﻰ ﺷﯩﭙﺎﺧﺎﻧﺎ ﺋﺎﻟﺪﯨﺪﺍ ﻳﯜﺯ ﺑﻪﺭﮔﻪﻥ ﺑﻮﻟﯘﭖ، ﯞﻩﻗﻪ ﻳﯜﺯ ﺑﻪﺭﮔﻪﻥ ﺟﺎﻳﻨﯩﯔ ﺋﻪﺗﺮﺍﭘﯩﺪﺍ ﭼﯧﮕﺮﺍ ﻣﯘﺩﺍﭘﯩﺌﻪ ﻗﯩﺴﯩﻤﻠﯩﺮﯨﻨﯩﯔ ﮔﺎﺯﺍﺭﻣﯩﺴﻰ، ﻳﻮﻟﻨﯩﯔ ﻗﺎﺭﺷﻰ ﺗﻪﺭﯨﭙﯩﺪﻩ ﺗﺎﺭﯨﻢ ﻧﯧﻔﯩﺘﻠﯩﻜﯩﻨﯩﯔ ﻣﯧﻬﻤﺎﻧﺨﺎﻧﯩﺴﻰ ﺟﺎﻳﻼﺷﻘﺎﻥ ﺋﯩﺪﻯ. ﺋﻪﻳﻨﻰ ﭼﺎﻏﺪﺍ ﻣﯧﻬﻤﺎﻧﺨﺎﻧﯩﺪﯨﻜﻰ ﻳﻮﻟﯘﭼﯩﻼﺭﻧﯩﯔ ﺋﯩﭽﯩﺪﻩ ﺋﺎﺯ ﺩﯦﮕﻪﻧﺪﻩ 3 ﻧﻪﭘﻪﺭ ﭼﻪﺗﺌﻪﻟﻠﯩﻚ ﺳﺎﻳﺎﻫﻪﺗﭽﻰ ﺑﺎﺭ ﺋﯩﺪﻯ. ﺳﯜﺭﻩﻥ - ﭼﯘﻗﺎﻥ ﺋﺎﯞﺍﺯﻯ ﺑﯩﻠﻪﻥ ﻳﺎﺗﺎﻕ ﺋﯚﻳﯩﻨﯩﯔ ﺑﺎﻟﻜﯘﻧﯩﻐﺎ ﭼﯩﻘﻘﺎﻥ ﭼﻪﺗﺌﻪﻟﻠﯩﻚ ﺳﺎﻳﺎﻫﻪﺗﭽﯩﻠﻪﺭ ﻳﻮﻟﻨﯩﯔ ﻗﺎﺭﺷﻰ ﺗﻪﺭﯨﭙﯩﺪﻩ ﻳﯜﺯ ﺑﻪﺭﮔﻪﻥ ﯞﻩﻗﻪﻧﻰ ﺋﯚﺯ ﻛﯚﺯﻯ ﺑﯩﻠﻪﻥ ﻛﯚﺭﮔﻪﻥ ﺷﯘﻧﺪﺍﻗﻼ ﺑﯩﺮ ﺳﺎﻳﺎﻫﻪﺗﭽﻰ ﻧﻪﻕ ﻣﻪﻳﺪﺍﻧﻨﻰ 27 ﭘﺎﺭﭼﻪ ﺭﻩﺳﯩﻤﮕﻪ ﺗﺎﺭﺗﻘﺎﻥ. ﺑﯘ ﺭﻩﺳﯩﻤﻠﻪﺭﻧﯩﯔ ﺑﯩﺮ ﻗﯩﺴﯩﻤﻰ ﺩﯛﺷﻪﻧﺒﻪ ﻛﯜﻧﻰ ﻧﻴﯘ - ﻳﻮﺭﻙ ﯞﺍﻗﺘﻰ ﮔﯧﺰﯨﺘﯩﺪﻩ ﺋﯧﻼﻥ ﻗﯩﻠﯩﻨﺪﻯ.

ﻧﻴﯘ - ﻳﻮﺭﻙ ﯞﺍﻗﺘﻰ ﮔﯧﺰﯨﺘﯩﻨﯩﯔ ﺩﯛﺷﻪﻧﺒﻪ ﻛﯜﻧﻜﻰ ﺧﻪﯞﯨﺮﯨﺪﻩ ﯞﻩﻗﻪﻧﻰ ﺋﯚﺯ ﻛﯚﺯﻯ ﺑﯩﻠﻪﻥ ﻛﯚﺭﮔﻪﻥ ﭼﻪﺗﺌﻪﻟﻠﯩﻚ ﺳﺎﻳﺎﻫﻪﺗﭽﯩﻠﻪﺭﻧﯩﯔ ﯞﻩﻗﻪ ﺗﻮﻏﺮﯨﺴﯩﺪﯨﻜﻰ ﺑﺎﻳﺎﻧﻠﯩﺮﯨﻐﺎ ﻳﻪﺭ ﺑﯧﺮﯨﻠﮕﻪﻥ ﺑﻮﻟﯘﭖ، ﺑﯘ ﺑﺎﻳﺎﻧﻼﺭﺩﺍ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﯞﻩﻗﻪ ﺗﻮﻏﺮﯨﺴﯩﺪﯨﻜﻰ ﭼﯜﺷﻪﻧﺪﯛﺭﯛﺷﯩﮕﻪ ﮔﯘﻣﺎﻥ ﭘﻪﻳﺪﺍ ﻗﯩﻠﯩﺪﯨﻐﺎﻥ ﺑﻪﺯﻯ ﺋﯘﭼﯘﺭﻻﺭ ﺑﺎﺭ. ﺷﯘ ﻛﯜﻧﻰ ﯞﻩﻗﻪ ﻳﯜﺯ ﺑﻪﺭﮔﻪﻥ ﺟﺎﻳﻨﯩﯔ ﺋﯘﺩﯗﻟﯩﺪﯨﻜﻰ ﻣﯧﻬﻤﺎﻧﺨﺎﻧﯩﺪﺍ ﻳﺎﺗﻘﺎﻥ 3 ﭼﻪﺗﺌﻪﻟﻠﯩﻚ ﺳﺎﻳﺎﻫﻪﺗﭽﻰ ﯞﻩﻗﻪﺩﻩ ﭘﺎﺭﺗﻼﺵ ﺋﺎﯞﺍﺯﻯ ﺋﺎﯕﻠﯩﻤﯩﻐﺎﻧﻠﯩﻘﯩﻨﻰ، ﻟﯧﻜﯩﻦ ﺋﻪﺳﻜﻪﺭﻟﻪﺭﻧﻰ ﭘﯩﭽﺎﻗﻠﯩﻐﺎﻧﻼﺭﻧﯩﯔ ﻗﺎﺭﺍ ﻣﺎﺷﯩﻨﯩﺪﯨﻜﻰ ﺋﯘﻳﻐﯘﺭﻻﺭ ﺋﻪﻣﻪﺱ، ﻫﻪﺭﺑﯩﻲ ﻛﯩﻴﯩﻢ ﻛﯩﻴﮕﻪﻥ 2 ﺋﻪﺳﻜﻪﺭ ﺑﻮﻟﯘﭖ، ﺑﯘ ﯞﻩﻗﻪﻧﯩﯔ ﺋﯚﺯﻟﯩﺮﯨﻨﻰ ﻫﻪﻳﺮﺍﻥ ﻗﺎﻟﺪﯗﺭﻏﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﻧﻴﯘﻳﻮﺭﻙ ﯞﺍﻗﺘﻰ ﮔﯧﺰﯨﺘﻨﯩﯔ ﺑﯘ ﻫﻪﻗﺘﯩﻜﻰ ﺧﻪﯞﯨﺮﯨﺪﻩ ﺑﯘ ﺋﯩﺸﻨﯩﯔ ﺑﻪﺯﻯ ﺳﻮﺋﺎﻟﻼﺭﻧﻰ ﺗﯘﻏﺪﯗﺭﻣﺎﻱ ﻗﺎﻟﻤﺎﻳﺪﯨﻐﺎﻧﻠﯩﻘﻰ ﺋﻪﺳﻜﻪﺭﺗﯩﻠﯩﭗ، ﺳﺎﻗﭽﯩﻼﺭ ﻧﯧﻤﻪ ﺋﯜﭼﯜﻥ ﻗﯩﯖﻐﯩﺮﺍﻕ ﻛﯚﺗﯜﺭﯛﯞﺍﻟﯩﺪﯗ ؟ ﻳﺎﻛﻰ ﺋﯘﻻﺭ ﺋﻪﺳﻜﻪﺭ ﻛﯩﻴﯩﻤﻰ ﻛﯩﻴﯩﯟﺍﻟﻐﺎﻥ ﻫﯘﺟﯘﻣﭽﯩﻼﺭ ﺑﯩﻠﻪﻥ ﺋﯧﻠﯩﺸﯩﯟﺍﺗﻘﺎﻧﻤﯩﺘﻰ؟ ﻫﯘﺟﯘﻣﭽﯩﻼﺭﻧﯩﯔ ﺋﻪﺳﻜﻪﺭﻟﻪﺭ ﺋﯩﭽﯩﺪﻩ ﺋﺎﺩﯨﻤﻰ ﺑﺎﺭﻣﯩﺘﻰ ﻳﺎﻛﻰ ﺑﯘ، ﺋﻪﺳﻜﻪﺭﻟﻪﺭ ﺑﯩﻠﻪﻥ ﺋﻪﺳﻜﻪﺭﻟﻪﺭ ﺋﺎﺭﯨﺴﯩﺪﯨﻜﻰ ﺗﻮﻗﯘﻧﯘﺷﻤﯩﺘﻰ ؟ ﺩﻩﭖ ﺗﻪﻛﯩﺘﻠﻪﻧﮕﻪﻥ. ﺑﯩﺮ ﮔﯘﯞﺍﻫﭽﻰ ﺷﯘ ﭼﺎﻏﺪﯨﻜﻰ ﯞﻩﻗﻪﻧﻰ "ﺳﺎﻗﭽﯩﻼﺭ ﺑﯩﻠﻪﻥ ﺳﺎﻗﭽﯩﻼﺭ ﺋﺎﺭﯨﺴﯩﺪﯨﻜﻰ ﺗﻮﻗﯘﻧﯘﺷﻘﺎ ﺋﻮﺧﺸﺎﻳﺘﺘﻰ،" ﺩﻩﭖ ﺗﻪﺳﯟﯨﺮﻟﯩﮕﻪﻥ. ﯞﻩﻗﻪﻧﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻛﯜﭼﻠﯩﺮﯨﻨﯩﯔ ﭘﻪﻳﺪﺍ ﻗﯩﻠﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ ﻳﻪﺭﻟﯩﻚ ﺩﺍﺋﯩﺮﯨﻠﻪﺭ ﺑﻮﻟﺴﺎ ﻧﻴﯘ - ﻳﻮﺭﻙ ﯞﺍﻗﺘﻰ ﮔﯧﺰﯨﺘﯩﻨﯩﯔ ﯞﻩﻗﻪ ﺗﻮﻏﺮﯨﺴﯩﺪﯨﻜﻰ ﺧﻪﯞﯨﺮﯨﮕﻪ ﺑﺎﻫﺎ ﺑﯧﺮﯨﺸﻨﻰ، ﻓﻮﺭﻣﺎ ﻛﯩﻴﮕﻪﻥ ﻛﯩﺸﯩﻠﻪﺭﻧﯩﯔ ﻛﯩﻢ ﺋﯩﻜﻪﻧﻠﯩﻜﻰ، ﺋﻪﺳﻜﻪﺭﻟﻪﺭﻧﯩﯔ ﻧﯧﻤﻪ ﺋﯜﭼﯜﻥ ﺋﻪﺳﻜﻪﺭﻟﻪﺭﻧﻰ ﺋﯚﻟﺘﯜﺭﮔﻪﻧﻠﯩﻜﯩﮕﻪ ﺩﺍﺋﯩﺮ ﺳﻮﺋﺎﻟﻠﯩﺮﯨﻤﯩﺰﻏﺎ ﺟﺎﯞﺍﺏ ﺑﯧﺮﯨﺸﻨﻰ ﻗﻪﺗﺌﯩﻲ ﺭﻩﺕ ﻗﯩﻠﺪﻯ.

ﻗﻪﺷﻘﻪﺭ ﺷﻪﻫﻪﺭﻟﯩﻚ ﺝ ﺥ ﺋﯩﺪﺍﺭﯨﺴﯩﻨﯩﯔ ﺋﯩﺴﻤﯩﻨﻰ ﺋﺎﺷﻜﺎﺭﯨﻼﺷﻨﻰ ﺧﺎﻟﯩﻤﺎﻳﺪﯨﻐﺎﻥ ﺑﯩﺮ ﺋﻪﻣﻪﻟﺪﺍﺭﻯ، " ﻣﻪﻥ ﺑﯘ ﺋﯩﺸﻨﻰ ﺑﯩﻠﻤﻪﻳﻤﻪﻥ، ﻛﻪﭼﯜﺭﯛﺳﯩﺰ، ﺑﯘ ﺋﯩﺸﻨﻰ ﺑﯩﺰﻧﯩﯔ ﻣﯘﻧﺎﺳﯩﯟﻩﺗﻠﯩﻚ ﺋﯩﺸﺨﺎﻧﯩﻤﯩﺰ ﺑﺎﺭ ﺷﯘ ﻳﻪﺭﮔﻪ ﺗﯧﻠﯧﻔﻮﻥ ﻗﯩﻠﯩﭗ ﺳﯜﺭﯛﺷﺘﯜﺭﯛﯓ. ﻣﻪﻥ ﺋﯩﺸﻨﻰ ﺑﯩﻠﻤﻪﻳﻤﻪﻥ،" ﺩﻩﭖ ﺟﺎﯞﺍﺏ ﺑﻪﺭﺩﻯ. ﺑﯩﺰ ﻳﻪﻧﻪ ﻗﻪﺷﻘﻪﺭ ﺷﻪﻫﻪﺭﻟﯩﻚ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﺋﯩﺪﺍﺭﯨﺴﯩﻨﯩﯔ ﺟﯩﻨﺎﻳﻰ ﺋﯩﺸﻼﺭ ﺋﻪﺗﺮﯨﺘﯩﮕﻪ ﺗﯧﻠﯧﻔﻮﻥ ﻗﯩﻠﻐﺎﻥ ﺑﻮﻟﺴﺎﻗﻤﯘ، ﻟﯧﻜﯩﻦ ﺋﻮﺭﮔﺎﻧﻨﯩﯔ ﺋﯩﺴﻤﯩﻨﻰ ﺋﯧﻴﺘﯩﺸﻨﻰ ﺧﺎﻟﯩﻤﺎﻳﺪﯨﻐﺎﻥ ﺑﯩﺮ ﺋﻪﻣﻪﻟﺪﺍﺭﻯ، ﺑﯘ ﯞﻩﻗﻪﻧﯩﯔ ﺗﯧﻠﯧﯟﯨﺰﻭﺭﻻﺭﺩﺍ ﺑﯧﺮﯨﻠﮕﻪﻧﻠﯩﻜﯩﻨﻰ، ﺋﻪﮔﻪﺭ ﯞﻩﻗﻪﻧﻰ ﻳﻪﻧﻪ ﺗﻪﭘﺴﯩﻠﻰ ﺋﯩﮕﯩﻠﻪﻳﻤﻪﻥ ﺩﯦﺴﻪﻙ ﻗﻪﺷﻘﻪﺭﮔﻪ ﻛﯧﻠﯩﺸﯩﻤﯩﺰﻧﻰ ﺗﻪﯞﺳﯩﻴﻪ ﻗﯩﻠﺪﻯ.

ﻗﻪﺷﻘﻪﺭ ﯞﯨﻼﻳﻪﺗﻠﯩﻚ ﭘﺎﺭﺗﻜﻮﻣﻨﯩﯔ ﺳﯧﻜﺮﯨﺘﺎﺭﻯ ﺷﻰ ﺩﺍﮔﺎﯓ 5 ‏ - ﺋﺎﯞﻏﯘﺳﺖ ﻛﯜﻧﻰ ﻗﻪﺷﻘﻪﺭﺩﻩ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﻰ ﭼﺎﻗﯩﺮﯨﭗ، ﯞﻩﻗﻪ ﭘﻪﻳﺪﺍ ﻗﯩﻠﻐﺎﻥ ﻗﺎﺭﺍ ﻣﺎﺷﯩﻨﯩﺪﯨﻜﻰ 2 ﺋﯘﻳﻐﯘﺭﻧﯩﯔ ﺑﯩﺮﯨﻨﯩﯔ ﺗﺎﻛﺴﻰ ﺷﻮﭘﯘﺭﻯ، ﻳﻪﻧﻪ ﺑﯩﺮﯨﻨﯩﯔ ﻛﯚﻛﺘﺎﺕ ﺳﺎﺗﻘﯘﭼﻰ ﺋﯩﻜﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ ﺋﯩﺪﻯ. ﺋﯘ ﻳﻪﻧﻪ ﺋﯘﻳﻐﯘﺭﻻﺭﻧﯩﯔ ﺑﯩﺮﯨﻨﯩﯔ ﻣﺎﺷﯩﻨﺎ ﻫﻪﻳﺪﯨﮕﻪﻧﻠﯩﻜﻰ، ﻳﻪﻧﻪ ﺑﯩﺮﯨﻨﯩﯔ ﺋﻪﺳﻜﻪﺭﻟﻪﺭﮔﻪ ﺑﻮﻣﺒﺎ ﺋﺎﺗﻘﺎﻧﻠﯩﻘﻰ، ﺋﯘﻻﺭﻧﯩﯔ ﻳﺎﺭﯨﻼﻧﻐﺎﻥ ﺋﻪﺳﻜﻪﺭﻟﻪﺭﻧﻰ ﭘﯩﭽﺎﻗﻠﯩﻐﺎﻧﻠﯩﻘﻰ، ﻟﯧﻜﯩﻦ ﻫﻪﺭ ﺋﯩﻜﻜﻰ ﺋﯘﻳﻐﯘﺭﻧﯩﯔ ﭘﺎﺭﺗﻼﺗﻘﯘﭺ ﺑﻮﻣﺒﺎ، ﻗﯩﯖﻐﯩﺮﺍﻗﻼﺭ، ﭘﯩﭽﺎﻗﻼﺭ ﯞﻩ ﻗﻮﻟﺪﺍ ﻳﺎﺳﺎﻟﻐﺎﻥ ﺗﺎﭘﺎﻧﭽﯩﻼﺭ ﺑﯩﻠﻪﻥ ﺗﯩﺮﯨﻚ ﻗﻮﻟﻐﺎ ﭼﯜﺷﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ. ﺋﻪﻣﻤﺎ، ﺷﻰ ﺩﺍﮔﺎﯓ ﯞﻩﻗﻪﺩﻩ ﻫﻪﺭﺑﯩﻲ ﻛﯩﻴﯩﻢ ﻛﯩﻴﮕﻪﻥ ﻛﯩﺸﯩﻠﻪﺭﻧﯩﯔ ﺋﻪﺳﻜﻪﺭﻟﻪﺭﮔﻪ ﻫﯘﺟﯘﻡ ﻗﯩﻠﻐﺎﻧﻠﯩﻘﯩﻨﻰ ﺗﯩﻠﻐﺎ ﺋﺎﻟﻤﯩﻐﺎﻥ ﺋﯩﺪﻯ.

ﭼﻪﺗﺌﻪﻟﻠﯩﻚ ﮔﯘﯞﺍﻫﭽﯩﻼﺭ ﻧﻴﯘﻳﻮﺭﻙ ﯞﺍﻗﺘﻰ ﮔﯧﺰﯨﺘﯩﮕﻪ ﺑﻪﺭﮔﻪﻥ ﺋﯘﭼﯘﺭﯨﺪﺍ ﻗﺎﺭﺍ ﻣﺎﺷﯩﻨﯩﻨﯩﯔ ﻛﺎﺑﯩﻨﻜﯩﺴﯩﺪﯨﻜﻰ ﺋﺎﻕ ﻛﯚﯕﻠﻪﻛﻠﯩﻚ ﺋﯘﻳﻐﯘﺭ ﺑﺎﻟﯩﻨﯩﯔ ﺋﯧﻐﯩﺮ ﻳﺎﺭﯨﻼﻧﻐﺎﻧﻠﯩﻘﯩﻨﻰ، ﺋﯘﻧﯩﯔ ﻛﺎﺑﯩﻨﻜﯩﺪﯨﻦ ﭼﯜﺷﯜﭘﻼ ﻗﻮﭘﺎﻟﻤﺎﻱ ﻳﯧﺘﯩﭗ ﻗﺎﻟﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﺋﻪﻳﻨﻰ ﭼﺎﻏﺪﺍ ﯞﻩﻗﻪﻧﻰ ﺭﻩﺳﯩﻤﮕﻪ ﺗﺎﺭﺗﻘﺎﻥ ﺳﯜﺭﻩﺗﭽﻰ ﻛﺎﺑﯩﻨﻜﯩﺪﯨﻜﻰ ﺋﯘﻳﻐﯘﺭ ﺑﺎﻟﯩﻨﻰ "ﻧﺎﻫﺎﻳﯩﺘﻰ ﺋﯧﻐﯩﺮ ﻳﺎﺭﯨﻼﻧﻐﺎﻥ ﺋﯩﺪﻯ. ﺋﯘ ﻛﺎﺑﯩﻨﻜﯩﻨﯩﯔ ﺋﯩﺸﯩﻜﯩﻨﻰ ﺋﯧﭽﯩﭙﻼ ﻳﻪﺭﮔﻪ ﻳﯩﻘﯩﻠﺪﻯ. ﺋﯘ 4 - 5 ﻗﯧﺘﯩﻢ ﺑﯧﺸﯩﻨﻰ ﻛﯚﺗﻪﺭﺩﻯ، ﻟﯧﻜﯩﻦ ﺋﻮﺭﻧﯩﺪﯨﻦ ﻗﻮﭘﺎﻟﻤﯩﺪﻯ،" ﺩﻩﭖ ﺗﻪﻛﯩﺘﻠﯩﮕﻪﻥ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﻗﻪﺷﻘﻪﺭﺩﯨﻜﻰ ﯞﻩﻗﻪﻧﯩﯔ ﺋﺎﻳﺪﯨﯖﻼﺷﻤﯩﻐﺎﻥ ﻧﯘﺭﻏﯘﻥ ﺗﻪﺭﯨﭙﻰ ﺑﺎﺭﻟﯩﻘﻰ، ﻧﻴﯘﻳﻮﺭﻙ ﯞﺍﻗﺘﻰ ﮔﯧﺰﯨﺘﯩﻨﯩﯔ ﯞﻩﻗﻪ ﺗﻮﻏﺮﯨﺴﯩﺪﯨﻜﻰ ﺧﻪﯞﯨﺮﻯ ﺑﯘﻧﻰ ﺋﯩﺴﭙﺎﺗﻼﻳﺪﯨﻐﺎﻧﻠﯩﻘﯩﻨﻰ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﯞﻩﻗﻪﻧﯩﯔ ﻫﻪﻗﯩﻘﻰ ﺋﻪﻫﯟﺍﻟﯩﻨﻰ ﺋﺎﺷﻜﺎﺭﻩ ﺋﯧﻼﻥ ﻗﯩﻠﯩﺸﯩﻨﻰ ﺗﻪﻟﻪﭖ ﻗﯩﻠﺪﻯ.

ﯞﻩﻗﻪﻧﻰ ﺋﯚﺯ ﻛﯚﺯﻯ ﺑﯩﻠﻪﻥ ﻛﯚﺭﮔﻪﻥ ﮔﯘﯞﺍﻫﭽﯩﻼﺭ ﺋﻪﺳﻜﻪﺭﻟﯩﻚ ﻛﯩﻴﯩﻤﯩﺪﯨﻜﻰ ﻛﯩﺸﯩﻠﻪﺭﻧﯩﯔ ﺑﯩﺮ - ﺑﯩﺮﯨﻨﻰ ﭘﯩﭽﺎﻗﻼﯞﺍﺗﻘﺎﻧﻠﯩﻘﯩﻨﻰ ﻛﯚﺭﮔﻪﻥ. ﺳﺎﻳﺎﻫﻪﺗﭽﯩﻠﻪﺭﻧﯩﯔ ﺑﯩﺮﻯ ﺋﻪﻳﻨﻰ ﭼﺎﻏﺪﯨﻜﻰ ﺋﻪﻫﯟﺍﻟﻼﺭﻧﻰ ﻣﯘﻧﺪﺍﻕ ﺑﺎﻳﺎﻥ ﻗﯩﻠﯩﺪﯗ ": ﺑﯩﺰﻧﻰ ﻗﺎﻳﻤﯘﻗﺘﯘﺭﯗﭖ ﻗﻮﻳﻐﯩﻨﻰ ﺋﻪﺳﻜﻪﺭﻟﯩﻚ ﻛﯩﻴﯩﻤﻰ ﻛﯩﻴﮕﻪﻥ ﺋﯩﻜﻜﻰ ﺋﻮﻓﯩﺘﺴﯧﺮﻧﯩﯔ ﺑﺎﺷﻘﺎ ﺋﻮﻓﯩﺘﺴﯧﺮﻻﺭﻧﻰ ﭘﯩﭽﺎﻗﻼﯞﺍﺗﻘﺎﻧﻠﯩﻘﻰ ﺋﯩﺪﻯ. ﺑﯘ ﺑﯩﺰﻧﻰ ﻗﺎﻳﻤﯘﻗﺘﯘﺭﯗﭖ ﻗﻮﻳﺪﻯ. ﺑﯩﺰ ﺋﯜﭼﯩﻠﯩﻤﯩﺰﺩﻩ ﺋﯘﻻﺭ ﻧﯧﻤﻪ ﺋﯜﭼﯜﻥ ﺑﯩﺮ ﺑﯩﺮﯨﻨﻰ ﭘﯩﭽﺎﻗﻼﻳﺪﯗ، ﺩﯦﮕﻪﻥ ﺗﯘﻳﻐﯘ ﭘﻪﻳﺪﺍ ﺑﻮﻟﺪﻯ."

ﯞﻩﻗﻪﻧﻰ ﺭﻩﺳﯩﻤﮕﻪ ﺗﺎﺭﺗﯩﯟﺍﻟﻐﺎﻥ ﺳﯜﺭﻩﺗﭽﻰ ﺑﻮﻟﺴﺎ ﻫﻪﺭﺑﯩﻲ ﻛﯩﻴﯩﻢ ﻛﯩﻴﮕﻪﻥ 2 ﻛﯩﺸﯩﻨﯩﯔ ﻗﻮﻟﻰ ﺋﺎﺭﻗﯩﺪﺍ ﺗﯩﺰﻻﻧﻐﺎﻥ ﭘﯧﺘﻰ ﺋﻮﻟﺘﯘﺭﻏﺎﻧﻠﯩﻘﻰ، ﻳﻪﻧﻪ ﺑﯩﺮ ﺋﻪﺳﻜﻪﺭﻧﯩﯔ ﺋﯘﻻﺭﻧﯩﯔ ﺑﯩﺮﯨﻨﻰ ﭘﯩﭽﺎﻗﻠﯩﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ. ﻧﻴﯘﻳﻮﺭﻙ ﯞﺍﻗﺘﻰ ﮔﯧﺰﯨﺘﯩﻨﯩﯔ 4 - ﺋﺎﯞﻏﯘﺳﺖ ﯞﻩﻗﻪﺩﻩ ﺋﻪﺳﻜﻪﺭﻟﻪﺭ ﺑﯩﻠﻪﻥ ﻫﻪﺭﺑﯩﻲ ﻛﯩﻴﯩﻤﺪﯨﻜﻰ ﻛﯩﺸﯩﻠﻪﺭﻧﯩﯔ ﭘﯩﭽﺎﻗﻠﯩﺸﯩﺶ ﯞﻩﻗﻪﺳﻰ ﻳﯜﺯ ﺑﻪﺭﮔﻪﻧﻠﯩﻚ ﺗﻮﻏﺮﯨﺴﯩﺪﯨﻜﻰ ﺧﻪﯞﯨﺮﻯ ﻛﯩﺸﯩﻠﻪﺭﺩﻩ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯩﻠﮕﯩﺮﻟﯩﮕﻪﻥ ﻫﺎﻟﺪﺍ ﭼﯜﺷﻪﻧﺪﯛﺭﯛﺷﻜﻪ ﺗﻮﻏﺮﺍ ﻛﯧﻠﯩﺪﯨﻐﺎﻥ ﯞﻩﻗﻪﻧﯩﯔ ﻫﻪﻗﯩﻘﻰ ﺋﻪﻫﯟﺍﻟﯩﻐﺎ ﺋﺎﺋﯩﺖ ﮔﯘﻣﺎﻧﯩﻲ ﺳﻮﺋﺎﻟﻼﺭﻧﻰ ﭘﻪﻳﺪﺍ ﻗﯩﻠﻤﺎﻱ ﻗﺎﻟﻤﯩﺪﻯ.