ﻣﻪﺭﻛﯩﺰﻯ ﮔﯧﺮﻣﺎﻧﯩﻴﯩﺪﯨﻜﻰ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﻗﻮﻟﻐﺎ ﭼﯜﺷﯜﺭﮔﻪﻥ ﻣﻪﻟﯘﻣﺎﺗﻠﯩﺮﯨﻐﺎ ﺋﺎﺳﺎﺳﻼﻧﻐﺎﻧﺪﺍ، " ﮔﯩﻠﻪﻡ ﺗﺎﺯﯨﻼﺵ " ﻫﻪﺭﯨﻜﯩﺘﯩﻨﯩﯔ ﺋﯩﺠﺮﺍ ﻗﯩﻠﯩﻨﯩﺸﯩﻐﺎ 4 ‏ - ﺋﺎﯞﻏﯘﺳﺖ ﻗﻪﺷﻘﻪﺭﺩﻩ ﻳﯜﺯ ﺑﻪﺭﮔﻪﻥ ﺳﻪﻣﻪﻥ ﻳﻮﻟﻰ ﯞﻩﻗﻪﺳﻰ ﺳﻪﯞﻩﭖ ﺑﻮﻟﻐﺎﻥ ﺋﯩﻜﻪﻥ. ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺑﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﺧﻪﻟﻘﺌﺎﺭﺍ ﺟﺎﻣﺎﺋﻪﺗﻨﻰ ﺋﯘﻳﻐﯘﺭﻻﺭﻧﯩﯔ ﺋﻮﻟﯩﻤﭙﯩﻜﺘﯩﻦ ﻛﯧﻴﯩﻨﻜﻰ ﯞﻩﺯﯨﻴﯩﺘﯩﮕﻪ ﺋﺎﻻﻫﯩﺪﻩ ﻛﯚﯕﯜﻝ ﺑﯚﻟﯜﺷﻜﻪ ﭼﺎﻗﯩﺮﺩﻯ.

ﺋﯘﻳﻐﯘﺭ ﺋﯧﻠﯩﻨﯩﯔ ﻗﻪﺷﻘﻪﺭ ﯞﯨﻼﻳﯩﺘﯩﺪﻩ ﻳﻮﻟﻐﺎ ﻗﻮﻳﯘﻟﻐﺎﻥ " ﮔﯩﻠﻪﻡ ﺗﺎﺯﯨﻼﺵ " ﻫﻪﺭﯨﻜﯩﺘﻰ 500 ﺩﯨﻦ ﺋﺎﺭﺗﯘﻕ ﻛﯩﺸﯩﻨﯩﯔ ﻗﻮﻟﻐﺎ ﺋﯧﻠﯩﻨﯩﺸﯩﻐﺎ ﺳﻪﯞﻩﭖ ﺑﻮﻟﻐﺎﻥ، ﻣﻪﺭﻛﯩﺰﻯ ﮔﯧﺮﻣﺎﻧﯩﻴﯩﺪﯨﻜﻰ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺋﯧﺮﯨﺸﻜﻪﻥ ﺋﯘﭼﯘﺭﻟﯩﺮﯨﺪﯨﻦ ﻗﺎﺭﯨﻐﺎﻧﺪﺍ، ﺑﯘ ﻫﻪﺭﯨﻜﻪﺕ 4 ‏ - ﺋﺎﯞﻏﯘﺳﺖ ﺳﻪﻣﻪﻥ ﻳﻮﻟﻰ ﯞﻩﻗﻪﺳﻰ ﺳﻪﯞﻩﺑﻠﯩﻚ ﺋﯘﻳﻐﯘﺭﻻﺭﺩﯨﻦ ﺋﯚﭺ ﺋﯧﻠﯩﺶ ﻫﻪﺭﯨﻜﯩﺘﻰ ﻫﯧﺴﺎﺑﻠﯩﻨﯩﺪﯨﻜﻪﻥ.

ﻗﻪﺷﻘﻪﺭﺩﯨﻜﻰ ﻫﯚﻛﯜﻣﻪﺕ ﺗﻮﺭ ﺑﯧﺘﯩﺪﻩ ﻗﻪﻳﺖ ﻗﯩﻠﯩﻨﯩﺸﯩﭽﻪ، ﻫﯚﻛﯜﻣﻪﺕ ﺟﻪﻣﺌﯩﻴﻪﺗﻨﯩﯔ ﺳﯩﻴﺎﺳﯩﻲ ﻣﯘﻗﯩﻤﻠﯩﻘﯩﻐﺎ ﻛﺎﭘﺎﻟﻪﺗﻠﯩﻚ ﻗﯩﻠﯩﺶ ﺋﯜﭼﯜﻥ، ﻗﻪﺷﻘﻪﺭ ﺷﻪﻫﯩﺮﯨﺪﻩ 5 ﺗﯜﺭﻟﯜﻙ ﺗﻪﺩﺑﯩﺮﻧﻰ ﻛﯜﭼﻪﻳﺘﻜﻪﻥ ﺑﻮﻟﯘﭖ، ﺑﯘ 5 ﺗﯜﺭﻟﯜﻙ ﺗﻪﺩﺑﯩﺮ " ﺋﯜﭼﻨﻰ ﺗﻪﻛﺸﯜﺭﯛﺵ ﻫﻪﺭﯨﻜﯩﺘﻰ" " ﭼﺎﺭﻻﺵ ﻫﻪﺭﯨﻜﯩﺘﻰ" " ﻧﻮﭘﯘﺱ ﺗﻪﻛﺸﯜﺭﯛﺵ ﻫﻪﺭﯨﻜﯩﺘﻰ" " ﻣﯘﺩﺍﭘﯩﺌﻪ ﺋﯜﺳﻜﯜﻧﯩﻠﯩﺮﻯ ﺋﻮﺭﻧﯩﺘﯩﺶ ﻫﻪﺭﯨﻜﯩﺘﻰ " ﯞﻩ " ﺋﻮﻗﯘﻏﯘﭼﯩﻼﺭﻧﻰ ﺗﻪﺭﺑﯩﻴﯩﻠﻪﺵ ﻫﻪﺭﯨﻜﯩﺘﻰ" ﻗﺎﺗﺎﺭﻟﯩﻘﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯨﻜﻪﻥ.

ﺧﻪﻟﻘﺌﺎﺭﺍ ﻣﻪﺗﺒﯘﺋﺎﺗﻼﺭﺩﯨﻦ ﺭﻭﯦﻴﺘﯧﺮﺱ ﺋﺎﮔﯧﻨﺘﻠﯩﻘﻰ، ﻣﻪﺭﻛﯩﺰﻯ ﺋﺎﮔﯧﻨﺘﻠﯩﻖ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯦﺸﯩﺘﻨﯩﯔ ﺳﯚﺯﯨﻨﻰ ﻧﻪﻗﯩﻞ ﻛﻪﻟﺘﯜﺭﯛﭖ،" ﻧﯚﯞﻩﺗﺘﻪ ﻗﻪﺷﻘﻪﺭﺩﻩ ﻫﯚﻛﯜﻣﻪﺗﻨﯩﯔ ﻳﻮﻟﻐﺎ ﻗﻮﻳﯘﯞﺍﺗﻘﺎﻥ ﺳﯩﻴﺎﺳﯩﺘﻰ ﺗﯜﭘﻪﻳﻠﻰ ﻳﺎﺷﻼﺭﻧﯩﯔ ﺋﯘﺷﺘﯘﻣﺘﯘﺕ ﻳﻮﻗﺎﭖ ﻛﯧﺘﯩﺶ، ﺋﯘﺭﯗﻕ - ﺗﯘﻏﻘﺎﻧﻼﺭ ﺋﺎﺭﯨﺴﯩﺪﺍ ﺑﯩﺮ - ﺑﯩﺮﻯ ﺑﯩﻠﻪﻥ ﺋﺎﻻﻗﯩﺴﻰ ﺋﯜﺯﯛﻟﯜﭖ ﻗﯧﻠﯩﺶ ﺋﻪﻫﯟﺍﻟﻠﯩﺮﻯ ﺩﺍﺋﯩﻢ ﻛﯚﺭﯛﻟﯜﭖ ﺗﯘﺭﯨﺪﯨﻜﻪﻥ".

4 ‏ - ﺋﺎﯞﻏﯘﺳﺖ ﻛﯜﻧﻰ ﻗﻪﺷﻘﻪﺭﺩﻩ ﺳﺎﻗﭽﻰ ﺗﺎﺭﻣﺎﻗﻠﯩﺮﯨﻨﯩﯔ ﻛﯜﭼﻠﯜﻙ ﺑﯩﺨﻪﺗﻪﺭﻟﯩﻚ ﺗﻪﺩﺑﯩﺮﻟﯩﺮﯨﮕﻪ ﻗﺎﺭﯨﻤﺎﻱ،ﺧﯩﺘﺎﻱ ﺋﻪﺳﻜﻪﺭﻟﯩﺮﯨﮕﻪ ﺯﻩﺭﺑﻪ ﺑﯧﺮﯨﺶ ﺋﺎﺭﻗﯩﻠﯩﻖ ﺋﯚﺯ ﻧﺎﺭﺍﺯﯨﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﻜﻜﻰ ﺋﯘﻳﻐﯘﺭ ﻳﺎﺷﻨﯩﯔ ﻫﻪﺭﯨﻜﯩﺘﻰ " ﺳﻪﻣﻪﻥ ﻳﻮﻟﻰ ﯞﻩﻗﻪﺳﻰ " ﻧﻰ ﭘﻪﻳﺪﺍ ﻗﯩﻠﻐﺎﻥ ﺋﯩﺪﻯ، ﺋﯩﺴﺘﺎﻧﺴﯩﻤﯩﺰ ﻣﯘﺧﺒﯩﺮﻯ ﯞﻩﻗﻪ ﻳﯜﺯ ﺑﻪﺭﮔﻪﻧﺪﻩ ﻗﻪﺷﻘﻪﺭ ﺷﻪﻫﻪﺭﻟﯩﻚ ﺳﺎﻗﭽﻰ ﺋﯩﺪﺍﺭﯨﺴﯩﻐﺎ ﺗﯧﻠﯧﻔﻮﻥ ﺋﯘﺭﯗﭖ ﯞﻩﻗﻪﻟﯩﻚ ﻫﻪﻗﻘﯩﺪﻩ ﺳﯜﺭﯛﺷﺘﯜﺭﯛﺵ ﺋﯧﻠﯩﭗ ﺑﺎﺭﻏﺎﻧﺪﺍ، ﺳﺎﻗﭽﻰ " ﺑﯩﺰ ﻗﻪﺷﻘﻪﺭﺩﻩ ﻗﻮﻟﻠﯩﻨﯩﺸﻘﺎ ﺑﻮﻟﯩﺪﯨﻐﺎﻥ ﺑﺎﺭﻟﯩﻖ ﺗﻪﺩﺑﯩﺮﻟﻪﺭﻧﻰ ﻗﻮﻟﻠﯩﻨﯩﭗ ﺑﻮﻟﺪﯗﻕ، ﻗﻮﻟﻠﯩﻨﯩﺪﯨﻐﺎﻥ ﭼﺎﺭﻩ ﻗﺎﻟﻤﯩﺪﻯ " ﺩﯦﮕﻪﻥ.

ﺩﯨﻠﺸﺎﺕ ﺭﯦﺸﯩﺖ ﻫﻪﺭﻗﺎﻳﺴﻰ ﻣﻪﺗﺒﯘﺋﺎﺗﻼﺭﺩﺍ، ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺧﻪﻟﻘﺌﺎﺭﺍ ﺟﺎﻣﺎﺋﻪﺗﻨﻰ ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﺋﻮﻟﯩﻤﭙﯩﻜﺘﯩﻦ ﻛﯧﻴﯩﻨﻜﻰ ﯞﻩﺯﯨﻴﯩﺘﯩﮕﻪ ﺟﯩﺪﺩﻯ ﻛﯚﯕﯜﻝ ﺑﯚﻟﯜﺷﻜﻪ ﭼﺎﻗﯩﺮﯨﺪﯨﻐﺎﻧﻠﯩﻘﯩﻨﻰ ﺋﺎﻻﻫﯩﺪﻩ ﺗﻪﻛﯩﺘﻠﯩﮕﻪﻥ.

ﮔﻪﺭﭼﻪ ﺑﯩﺰ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﻫﺎﺯﯨﺮ ﻗﻪﺷﻘﻪﺭﺩﻩ ﻳﻮﻟﻐﺎ ﻗﻮﻳﯘﯞﺍﺗﻘﺎﻥ ﺗﻪﺩﺑﯩﺮﻟﯩﺮﻯ ﯞﻩ ﺋﻮﻟﯩﻤﭙﯩﻜﺘﯩﻦ ﻛﯧﻴﯩﻦ ﺋﯘﻳﻐﯘﺭﻻﺭﻏﺎ ﻗﺎﺭﯨﺘﯩﺪﯨﻐﺎﻥ ﺳﯩﻴﺎﺳﻪﺗﻠﯩﺮﻯ ﺗﻮﻏﺮﯨﺴﯩﺪﺍ ﻗﻪﺷﻘﻪﺭ ﺷﻪﻫﻪﺭﻟﯩﻚ ﺳﺎﻗﭽﻰ ﺋﯩﺪﺍﺭﯨﺴﻰ ﺷﯘﻧﯩﯖﺪﻩﻙ ﺑﯩﺮ ﻗﺎﻧﭽﻪ ﻧﺎﻫﯩﻴﯩﻠﻪﺭﻧﯩﯔ ﺑﯩﺨﻪﺗﻪﺭﻟﯩﻚ ﺑﺎﺷﻘﺎﺭﻣﯩﻠﯩﺮﯨﻐﺎ ﺗﯧﻠﯧﻔﻮﻥ ﺋﯘﺭﯗﭖ، ﺋﯘﻻﺭﻧﯩﯔ ﻫﺎﺯﯨﺮﻏﺎ ﻗﻪﺩﻩﺭ ﻗﻮﻟﻐﺎ ﺋﺎﻟﻐﺎﻥ 500 ﺩﯨﻦ ﺋﺎﺭﺗﯘﻕ ﻛﯩﺸﯩﻨﯩﯔ ﻗﺎﻧﺪﺍﻕ ﺟﯩﻨﺎﻳﻪﺗﻠﻪﺭ ﺗﯜﭘﻪﻳﻠﻰ ﻗﻮﻟﻐﺎ ﺋﯧﻠﯩﻨﻐﺎﻧﻠﯩﻘﻰ ﻫﻪﻗﻘﯩﺪﻩ ﺳﯜﺭﯛﺷﺘﯜﺭﯛﺵ ﺋﯧﻠﯩﭗ ﺑﯧﺮﯨﺶ ﺋﯜﭼﯜﻥ ﻗﺎﻳﺘﺎ - ﻗﺎﻳﺘﺎ ﺗﯧﻠﯧﻔﻮﻥ ﺋﯘﺭﻏﺎﻥ ﺑﻮﻟﺴﺎﻗﻤﯘ، ﺗﯧﻠﯧﻔﻮﻧﯩﻤﯩﺰﻏﺎ ﺟﺎﯞﺍﺏ ﺑﯧﺮﯨﺪﯨﻐﺎﻥ ﺋﺎﺩﻩﻡ ﭼﯩﻘﻤﯩﺪﻯ.

ﺑﯩﺰ ﻗﻪﺷﻘﻪﺭ ﺷﻪﻫﻪﺭ ﺋﺎﻫﺎﻟﯩﺴﯩﻨﻰ ﺯﯨﻴﺎﺭﻩﺕ ﻗﯩﻠﺪﯗﻕ. ﻧﺎﻣﻪﻟﯘﻡ ﺑﯩﺮ ﺋﺎﻳﺎﻝ ﺑﯩﻠﻪﻥ ﺋﯧﻠﯩﭗ ﺑﺎﺭﻏﺎﻥ ﺳﯚﻫﺒﯩﺘﯩﻤﯩﺰﺩﯨﻦ ﺋﯘﻧﯩﯔ ﻗﻮﻟﻐﺎ ﺋﯧﻠﯩﻨﻐﺎﻥ ﺋﺎﺩﻩﻣﻠﻪﺭ ﻫﻪﻗﻘﯩﺪﻩ ﺧﻪﯞﯨﺮﯨﻨﯩﯔ ﻳﻮﻕ ﺋﯩﻜﻪﻧﻠﯩﻜﯩﻨﻰ، ﺋﻪﻣﻤﺎ ﻗﻪﺷﻘﻪﺭ ﺷﻪﻫﯩﺮﯨﺪﻩ ﯞﻩﺯﯨﻴﻪﺗﻨﯩﯔ ﻧﺎﻫﺎﻳﯩﺘﻰ ﺟﯩﺪﺩﻯ ﺋﯩﻜﻪﻧﻠﯩﻜﯩﺪﯨﻦ ﺧﻪﯞﻩﺭ ﺗﺎﭘﺘﯘﻕ.

ﻗﻪﺷﻘﻪﺭ ﺷﻪﻫﯩﺮﯨﺪﻩ ﻳﺎﺷﺎﯞﺍﺗﻘﺎﻥ ﻳﻪﻧﻪ ﺑﯩﺮ ﺧﯩﺘﺎﻳﻨﻰ ﺯﯨﻴﺎﺭﻩﺕ ﻗﯩﻠﯩﭗ، ﺋﯘﻧﯩﯔ ﻧﺎﻫﺎﻳﯩﺘﻰ ﺧﺎﺗﯩﺮﺟﻪﻡ ﻳﺎﺷﺎﯞﺍﺗﻘﺎﻧﻠﯩﻘﯩﻨﻰ، ﺋﯘﻧﯩﯔ ﺋﯘﻳﻐﯘﺭﻻﺭ ﺑﯩﻠﻪﻥ ﻣﯘﻧﺎﺳﯩﯟﯨﺘﯩﯖﻼﺭ ﻗﺎﻧﺪﺍﻕ ؟ﺩﻩﭖ ﺳﻮﺭﯨﻐﺎﻥ ﺳﻮﺋﺎﻟﯩﻤﯩﺰﻏﺎ ﺑﻪﺭﮔﻪﻥ ﺟﺎﯞﺍﺑﯩﺪﯨﻦ ﻗﯩﻴﺎﺱ ﻗﯩﻠﺪﯗﻕ.