ﺑﯜﮔﯜﻧﻜﻰ ﺋﺎﯕﻠﯩﺘﯩﺸﯩﻤﯩﺰﺩﺍ ﺋﺎﭘﺘﻮﺭﻧﯩﯔ ﺧﻮﺗﻪﻥ، ﺋﯜﺭﯛﻣﭽﻰ ﻗﺎﺗﺎﺭﻟﯩﻖ ﺷﻪﻫﻪﺭﻟﻪﺭﺩﯨﻜﻰ ﺑﺎﺷﻘﺎ ﺋﯘﻳﻐﯘﺭﻻﺭ ﺑﯩﻠﻪﻥ ﺋﯧﻠﯩﭗ ﺑﺎﺭﻏﺎﻥ ﺳﯚﻫﺒﻪﺗﻠﯩﺮﻯ ﯞﻩ ﺗﻪﺳﯩﺮﺍﺗﻠﯩﺮﻯ ﻫﻪﻗﻘﯩﺪﯨﻜﻰ ﺑﺎﻳﺎﻧﻼﺭﻧﻰ ﻫﯘﺯﯗﺭﯗﯕﻼﺭﻏﺎ ﺳﯘﻧﻤﺎﻗﭽﯩﻤﯩﺰ.

ﺋﺎﭘﺘﻮﺭ ﭘﺎﺋﯘﻝ ﻣﻮﺯﻭﺭ ﻛﯧﻴﯩﻨﻜﻰ ﺑﺎﻳﺎﻧﻠﯩﺮﯨﻨﻰ ﻣﯘﻧﺪﺍﻕ ﺑﺎﺷﻼﻳﺪﯗ: "ﺑﯩﺰ ﺧﻮﺗﻪﻧﺪﯨﻦ ﺋﯜﺭﯛﻣﭽﯩﮕﻪ ﻗﯩﻠﻐﺎﻥ ﺳﻪﭘﯩﺮﯨﻤﯩﺰﺩﻩ، ﺋﺎﭘﺘﻮﺑﯘﺱ ﺗﻪﻛﻠﯩﻤﺎﻛﺎﻥ ﭼﯚﻟﻠﯜﻛﯩﺪﻩ ﺗﺎﻣﺎﻕ ﺋﯘﭼﯘﻥ 6 ﺳﺎﺋﻪﺕ ﺋﻪﺗﺮﺍﭘﯩﺪﺍ ﺗﻮﺧﺘﯩﺪﻯ. ﺗﺎﻣﺎﻕ ﯞﺍﻗﺘﯩﺪﺍ ﺑﯩﺮ ﻗﺎﻧﭽﻪ ﻛﯩﺸﻰ ﻣﺎﯕﺎ ﻫﯚﻛﯜﻣﻪﺗﻨﯩﯔ ﻫﺎﺯﯨﺮﻗﻰ ﺳﯩﻴﺎﺳﯩﺘﯩﮕﻪ ﺑﻮﻟﻐﺎﻥ ﻧﺎﺭﺍﺯﯨﻠﯩﻘﻠﯩﺮﯨﻨﻰ ﺗﻮﻟﯩﻤﯘ ﺋﻮﭼﯘﻕ ﻛﯚﯕﯜﻟﻠﯜﻙ ﺑﯩﻠﻪﻥ ﺳﯚﺯﻟﻪﭖ ﺑﯧﺮﯨﺸﺘﻰ، ﺋﯘﻻﺭ ﺑﯩﺮ ﺗﻪﺭﻩﭘﺘﯩﻦ ﻟﻪﻏﻤﻪﻥ ﻳﯧﮕﻪﭺ، ﺑﯩﺮ ﺗﻪﺭﻩﭘﺘﯩﻦ ﻫﯚﻛﯜﻣﻪﺕ ﻫﻪﻗﻘﯩﺪﯨﻜﻰ ﺋﻪﭘﺴﺎﻧﻪ ﭼﺎﻗﭽﺎﻗﻼﺭﻧﻰ ﻗﯩﻠﯩﺸﺎﺗﺘﻰ."

ﺋﺎﭘﺘﻮﺭ ﺋﯚﺯﻯ ﺋﯘﭼﺮﺍﺗﻘﺎﻥ ﺑﯩﺮ ﺧﻪﻟﻖ ﻧﻪﻏﻤﯩﭽﯩﺴﻰ ﺋﯘﻳﻐﯘﺭ ﺑﻮﯞﺍﻱ ﺑﯩﻠﻪﻥ ﺑﻮﻟﻐﺎﻥ ﺳﯚﻫﺒﻪﺗﻨﻰ ﻣﯘﻧﺪﺍﻕ ﻳﺎﺯﯨﺪﯗ: "ﭘﯜﺗﯜﻥ ﻫﺎﻳﺎﺗﯩﻨﻰ ﺋﯘﻳﻐﯘﺭ ﻣﯘﻗﺎﻡ - ﻣﯘﺯﯨﻜﯩﻠﯩﺮﻯ ﺋﯘﭼﯘﻥ ﺑﯧﻐﯩﺸﻠﯩﻐﺎﻥ ﺑﯘ ﺋﯘﻳﻐﯘﺭ ﺑﻮﯞﺍﻱ، ﻳﯧﻨﯩﺪﯨﻜﻰ ﻧﻪﯞﺭﯨﺴﯩﻨﯩﯔ ﺗﻪﺭﺟﯩﻤﺎﻧﻠﯩﻘﯩﺪﺍ ﻣﻪﻥ ﺑﯩﻠﻪﻥ ﻣﯘﺯﯨﻜﺎ ﻫﻪﻗﻘﯩﺪﻩ ﺳﯚﻫﺒﻪﺗﻠﻪﺷﺘﻰ، ﺳﯚﻫﺒﻪﺕ ﺟﻪﺭﻳﺎﻧﯩﺪﺍ ﺋﯘ ﻳﯧﻨﯩﻤﯩﺰﺩﺍ ﺗﯘﺭﻏﺎﻥ ﺧﯩﺘﺎﻱ ﺋﻪﺳﻜﯩﺮﯨﻨﻰ ﺋﯩﻤﺎ ﻗﯩﻠﯩﭗ، 'ﺋﯘﻻﺭ ﺑﯩﺰﻧﻰ ﻗﻮﺭﻗﯘﺗﻤﺎﻗﭽﻰ، ﺑﯩﺰﮔﻪ ﻫﻪﻳﯟﻩ ﻗﯩﻠﻤﺎﻗﭽﻰ ﺑﻮﻟﯩﺸﯩﺪﯗ، ﺋﻪﻣﻤﺎ ﺋﯘﻻﺭﻧﯩﯔ ﺋﯚﺯﻟﯩﺮﯨﻤﯘ ﻫﻪﺭ ﯞﺍﻗﯩﺖ ﺑﯩﺰﺩﯨﻦ ﻗﻮﺭﻗﯘﭖ ﺗﯘﺭﯨﺪﯗ، ﭼﯜﻧﻜﻰ ﺋﯘﻻﺭ ﺑﯩﺰﻧﯩﯔ ﺋﯚﺯ ﺋﯩﺮﺍﺩﯨﻤﯩﺰﺩﯨﻦ ﻳﺎﻧﻤﺎﻳﺪﯨﻐﺎﻧﻠﯩﻘﯩﻤﯩﺰﻧﻰ ﻳﺎﺧﺸﻰ ﺑﯩﻠﯩﺪﯗ،' ﺩﯦﺪﻯ. ﻣﻪﻥ ﺋﯘﻧﯩﯖﺪﯨﻦ ﺋﯘﻻﺭﻧﯩﯔ ﺋﯚﺯﻟﯩﺮﻯ ﺑﯩﻠﯩﺪﯨﻐﺎﻥ ﺗﺎﺭﯨﺦ ﺑﯩﻠﻪﻥ ﺧﯩﺘﺎﻱ ﻫﯚﻛﯜﻣﯩﺘﻰ ﻳﺎﺯﻏﺎﻥ ﺗﺎﺭﯨﺦ ﺋﻮﺗﺘﯘﺭﯨﺴﯩﺪﺍ ﻗﺎﻧﭽﯩﻠﯩﻚ ﭘﻪﺭﻕ ﺑﺎﺭﻟﯩﻘﯩﻨﻰ ﺳﻮﺭﯨﻐﯩﻨﯩﻤﺪﺍ، ﺋﯘ ﻣﯜﺭﯨﺴﯩﻨﻰ ﻛﯚﺗﯜﺭﯛﭖ ﻗﻮﻳﯘﭖ، ﻛﯜﻟﯜﻣﺴﯩﺮﯨﮕﯩﻨﯩﭽﻪ،  'ﺑﯘ ﺗﻮﻏﺮﯨﻠﯩﻖ ﻫﻪﺭ ﻗﺎﻧﺪﺍﻕ ﺳﯚﺯﻟﻪﺭﻧﻰ ﻗﯩﻠﺴﺎﻡ ﺑﯚﻟﮕﯜﻧﭽﻰ ﺑﻮﻟﯘﭖ ﻗﺎﻟﯩﻤﻪﻥ،' ﺩﯦﺪﻯ - ﺩﻩ ﺋﯚﺯ ﺳﯚﺯﯨﮕﻪ ﺟﺎﯞﺍﺑﯩﻤﻨﻰ ﻛﯜﺗﻤﻪﻳﻼ ﻧﻪﯞﺭﯨﺴﯩﻨﻰ (ﭘﯘﺕ ﺑﯩﻠﻪﻥ ﺗﯧﭙﯩﭗ ﻫﻪﻳﺪﻩﻳﺪﯨﻐﺎﻥ) ﻏﺎﻟﺘﻪﻙ ﻫﺎﺭﯞﯨﺴﯩﻨﯩﯔ ﻛﻪﻳﻨﯩﮕﻪ ﺋﯚﻟﺘﯘﺭﻏﯘﺯﯗﭖ ﻳﯜﺭﯛﭖ ﻛﻪﺗﺘﻰ."
 
ﺋﺎﭘﺘﻮﺭ ﺋﯜﺭﯛﻣﭽﯩﺪﯨﻜﻰ ﻫﯧﺲ ﺗﯘﻳﻐﯘﻟﯩﺮﯨﻨﻰ ﻣﯘﻧﺪﺍﻕ ﺑﺎﻳﺎﻥ ﻗﯩﻠﯩﺪﯗ: "ﺑﻪﺯﻯ ﺋﺎﭘﺘﻮﺭﻻﺭ ﻣﻪﺩﻩﻧﯩﻴﻪﺕ ﻫﻪﻗﻘﯩﺪﻩ ﺗﻮﺧﺘﺎﻟﻐﯩﻨﯩﺪﺍ، ﻛﯚﭘﯩﻨﭽﻪ ﻫﺎﻟﻼﺭﺩﺍ ﺑﯘ ﺟﺎﻳﺪﯨﻜﻰ ﻣﻪﺩﻩﻧﯩﻴﻪﺗﻨﯩﯔ ﻣﻪﻟﯘﻡ ﺑﯩﺮ ﺳﯩﻴﺎﺳﯩﻲ ﻣﯘﺩﺩﺍ - ﻣﻪﻗﺴﻪﺕ ﺳﻪﯞﻩﺑﯩﺪﯨﻦ ﺗﺎﺟﺎﯞﯗﺯﭼﯩﻠﯩﻘﻘﺎ ﺋﯘﭼﺮﺍﭖ، ﺋﯚﺯ ﻣﻪﻗﺴﻪﺕ - ﻣﯘﺩﺩﺍﺋﺎﻟﯩﺮﻯ ﺑﻮﻳﯩﭽﻪ ﺑﯘﺭﻣﯩﻠﯩﻨﯩﭗ ﺑﺎﻳﺎﻥ ﻗﯩﻠﯩﻨﯩﯟﺍﺗﻘﺎﻧﻠﯩﻘﯩﺪﯨﻦ ﺋﯩﺒﺎﺭﻩﺕ ﻣﻪﺳﯩﻠﯩﮕﻪ ﻧﯩﺴﺒﻪﺗﻪﻥ ﭼﻪﺗﻨﻪﭖ ﻛﯧﺘﯩﺶ ﻳﺎﻛﻰ ﺳﯚﺯﻟﯩﻤﻪﺳﻠﯩﻚ ﭘﻮﺯﯨﺘﺴﯩﻴﯩﺴﯩﺪﻩ ﺑﻮﻟﯩﺪﯗ. ﻣﻪﻥ ﺋﯜﺭﯛﻣﭽﯩﺪﻩ ﺋﯜﺭﯛﻣﭽﻰ ﻣﯘﺯﯨﻴﯩﻐﺎ ﺑﯧﺮﯨﺶ ﻳﻮﻟﯩﺪﺍ ﺑﯩﺮ ﺋﯘﻳﻐﯘﺭ ﺷﻮﭘﯘﺭ ﻫﻪﻳﺪﯨﮕﻪﻥ ﺗﺎﻛﺴﯩﻐﺎ ﺋﻮﻟﺘﯘﺭﺩﯗﻡ، ﺷﻮﭘﯘﺭ ﻳﯧﻨﯩﻤﯩﺰﺩﯨﻦ ﭼﯩﻘﯩﺮﺍﭖ ﺋﯚﺗﯜﭖ ﻛﯩﺘﯩﯟﺍﺗﻘﺎﻥ ﺳﺎﻗﭽﻰ ﺋﺎﭘﺘﻮﻣﻮﺑﯩﻠﯩﻐﺎ ﻧﻪﭘﺮﻩﺕ ﺑﯩﻠﻪﻥ ﺗﯩﻜﯩﻠﯩﭗ ﺋﯘﺯﺍﻕ ﻗﺎﺭﯨﺪﻯ. ﺑﯩﺰ ﺷﯩﻨﺠﺎﯓ ﻣﯘﺯﯨﻴﻰ ﺋﺎﻟﺪﯨﻐﺎ ﻳﯧﺘﯩﭗ ﻛﻪﻟﮕﯩﻨﯩﻤﯩﺰﺩﻩ، ﺑﯩﺮ ﺗﻮﭖ ﺋﻪﺳﻜﻪﺭﻟﻪﺭ ﻣﯘﺯﯨﻲ ﺋﺎﻟﺪﯨﺪﺍ ﻣﻪﺷﯩﻖ ﻗﯩﻠﯩﯟﺍﺗﺎﺗﺘﻰ.ﻣﯘﺯﯨﻲ ﺋﯩﺸﯩﻜﯩﺪﻩ ﺋﻪﺳﻜﻪﺭﻟﻪﺭﻧﯩﯔ ﻗﺎﺗﺘﯩﻖ ﺗﻪﻛﺸﯜﺭﯛﺷﯩﮕﻪ ﺩﯗﭺ ﻛﻪﻟﺪﯨﻢ، ﺋﯘﻻﺭ ﻣﯧﻨﯩﯔ ﻫﻪﻣﻤﻪ ﻧﻪﺭﺳﻪﻣﻨﻰ ﺗﻪﻛﺸﯜﺭﯛﺷﺘﻰ، ﺋﯩﭽﯩﺶ ﺋﯜﭼﯜﻥ ﺋﯧﻠﯩﯟﺍﻟﻐﺎﻥ ﺑﯩﺮ ﺑﻮﺗﯘﻟﻜﺎ ﺳﯜﻳﯜﻣﻨﯩﻤﯘ ﻣﯘﺳﺎﺩﯨﺮﻩ ﻗﯩﻠﯩﺸﺘﻰ. ﻣﯘﺯﯨﻲ ﺋﯩﭽﯩﺪﯨﻜﻰ 3000 ﻳﯩﻠﺪﯨﻦ ﺋﺎﺭﺗﯘﻕ ﺗﺎﺭﯨﺨﻘﺎ ﺋﯩﮕﻪ " ﻛﺮﻭﺭﺍﻥ ﮔﯜﺯﯨﻠﻰ" ﺩﻩﭖ ﺋﺎﺗﺎﻟﻐﺎﻥ ﺑﯘ ﻗﻪﺩﯨﻤﯩﻲ ﻣﯘﻣﻴﺎﻧﯩﯔ ﻗﺎﯕﺸﺎﺭﻟﯩﻖ ﺑﯘﺭﻧﻰ ﻣﻪﻥ ﺋﯘﭼﺮﺍﺗﻘﺎﻥ ﺋﯘﻳﻐﯘﺭﻻﺭﻧﯩﯔ ﺋﻪﻳﻨﻪﻥ ﺋﯚﺭﻧﯩﻜﻰ ﺑﻮﻟﯘﭖ، ﻫﯩﻨﺪﻯ - ﻳﺎﯞﺭﻭﭘﺎ ﺋﯩﺮﻗﯩﻐﺎ ﺧﺎﺱ ﭼﯩﺮﺍﻱ ﺋﯩﭙﺎﺩﯨﻠﯩﺮﯨﻨﯩﯔ ﻫﻪﻣﻤﯩﺴﻰ ﺑﯘ ﻣﯘﻣﻴﺎﺩﺍ ﺗﻮﻟﯘﻕ ﺋﯩﭙﺎﺩﯨﻠﻪﻧﮕﻪﻥ ﺋﯩﺪﻯ."

ﺋﺎﭘﺘﻮﺭ ﺧﻮﺗﻪﻧﺪﻩ ﺋﯚﺯﻯ ﻛﯚﺭﮔﻪﻥ ﻣﻪﻧﺰﯨﺮﯨﻨﻰ ﻣﯘﻧﺪﺍﻕ ﺗﻪﺳﯟﯨﺮﻟﻪﻳﺪﯗ: "ﺧﻮﺗﻪﻧﺪﯨﻜﻰ ﻣﻪﺭﻛﯩﺰﻯ ﻣﻪﻳﺪﺍﻧﻐﺎ ﺗﯩﻜﻠﻪﻧﮕﻪﻥ ﻫﻪﻳﻜﻪﻟﺪﻩ، ﻳﻮﻏﺎﻥ ﻫﻪﻡ ﺑﻪﺳﺘﻠﯩﻚ ﻣﺎﯞﺯﯦﺪﯗﯕﻨﯩﯔ ﭘﺎﻛﺎﺭ ﻫﻪﻡ ﺋﻮﺭﯗﻕ ﻛﯩﺸﻰ (ﻗﯘﺭﺑﺎﻥ ﺗﯘﻟﯘﻣﻨﻰ ﺩﯦﻤﻪﻛﭽﻰ، ﺋﻪﻣﻪﻟﯩﻴﻪﺗﺘﻪ ﺋﻪﺳﻠﻰ ﺭﻩﺳﯩﻤﺪﻩ ﻗﯘﺭﺑﺎﻥ ﺗﯘﻟﯘﻡ ﺋﯧﮕﯩﺰ ﻫﻪﻡ ﺋﻮﺭﯗﻕ ﺋﺎﺩﻩﻡ ﺑﻮﻟﯘﭖ، ﻣﺎﯞﺯﯦﺪﯗﯓ ﺑﯩﻠﻪﻥ ﺑﻮﻳﯩﻨﯩﯔ ﺋﯧﮕﯩﺰﻟﯩﻜﻰ ﺋﺎﻧﭽﻪ ﭘﻪﺭﻗﻠﻪﻧﻤﻪﻳﺪﯨﻜﻪﻥ - ﺗﻪﺭﺟﯩﻤﺎﻧﺪﯨﻦ) ﺑﯩﻠﻪﻥ ﻗﻮﻝ ﺋﯧﻠﯩﺸﯩﭗ ﺗﯘﺭﻏﺎﻥ ﻫﺎﻟﯩﺘﻰ ﺋﯩﭙﺎﺩﯨﻠﻪﻧﮕﻪﻥ ﺑﻮﻟﯘﭖ، ﻫﻪﻳﻜﻪﻟﺪﯨﻦ ﺑﯩﺮ ﻧﻪﭼﭽﻪ ﻛﻮﭼﺎ ﻧﯧﺮﯨﺪﺍ ﺧﯩﺘﺎﻱ ﻗﻮﺭﺍﻟﻠﯩﻖ ﺋﻪﺳﻜﻪﺭﻟﯩﺮﻯ ﺷﺎﯞﻗﯘﻥ - ﺳﯜﺭﻩﻧﻠﻪﺭ ﺳﺎﻟﻐﯩﻨﯩﭽﻪ ﮔﯘﻣﭙﺎ ﻣﻪﺷﯩﻖ ﻗﯩﻠﯩﺸﯩﯟﺍﺗﺎﺗﺘﻰ."

ﺋﺎﭘﺘﻮﺭ ﺋﯜﺭﯛﻣﭽﯩﺪﯨﻜﻰ ﻣﻪﻧﺰﯨﺮﯨﻨﻰ ﻣﯘﻧﺪﺍﻕ ﺗﻪﺳﯟﯨﺮﻟﻪﻳﺪﯗ: "ﻫﻪﺗﺘﺎ ﻫﯚﻛﯜﻣﻪﺗﻨﯩﯔ ﻳﯩﯖﻨﻪ ﺳﺎﻧﺠﯩﺪﻯ ﺩﻩﭖ ﻳﺎﻟﻐﺎﻥ ﺧﻪﯞﻩﺭ ﺗﺎﺭﻗﺎﺗﻘﯘﭼﯩﻼﺭﻧﻰ ﻗﺎﺗﺘﯩﻖ ﺟﺎﺯﺍﻻﻳﺪﯨﻐﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﺋﯘﻗﺘﯘﺭﯗﺷﺪﯨﻤﯘ، ﺗﻪﻫﺪﯨﺖ ﻣﻪﺯﻣﯘﻧﯩﺪﯨﻜﻰ ﺋﺎﮔﺎﻫﻼﻧﺪﯗﺭﯗﺵ ﺋﯩﺒﺎﺭﯨﻠﯩﺮﻯ ﻛﯚﺯﮔﻪ ﭼﯧﻠﯩﻘﯩﺪﯨﻐﺎﻥ ﺑﻮﻟﯘﭖ، ﺑﯘ ﺋﯘﻗﺘﯘﺭﯗﺵ ﺗﯘﺗﯘﺵ ﺑﯘﻳﺮﯗﻗﻰ ﭼﯩﻘﯩﺮﯨﻠﻐﺎﻥ 12 ﻧﻪﭘﻪﺭ ﺋﯘﻳﻐﯘﺭ ﻫﻪﻡ ﺑﯩﺮ ﺧﯩﺘﺎﻳﻨﯩﯔ ﺋﯩﺴﻤﻰ ﻳﯧﺰﯨﻠﻐﺎﻥ ﺋﯘﻗﺘﯘﺭﯗﺵ ﺋﺎﺳﺘﯩﻐﺎ ﭼﺎﭘﻼﻧﻐﺎﻥ ﺋﯩﺪﻯ. ﺋﯜﺭﯛﻣﭽﯩﺪﻩ ﺧﯩﺘﺎﻳﻼﺭ ﻧﺎﻣﺎﻳﯩﺸﯩﺪﯨﻦ ﻛﯧﻴﯩﻦ ﺋﻪﺳﻜﻪﺭﻟﻪﺭ ﻛﯚﭘﻪﻳﺘﯩﻠﮕﻪﻥ ﺑﻮﻟﯘﭖ، ﺧﻪﻟﻖ ﻣﻪﻳﺪﺍﻧﯩﻐﺎ ﺋﯩﻠﮕﯩﺮﻯ 30 ﺋﺎﭘﺘﻮﻣﻮﺑﯩﻠﺪﺍ ﻗﻮﺷﯘﻥ ﻛﯩﺮﮔﻪﻥ ﺑﻮﻟﺴﺎ، ﻫﺎﺯﯨﺮ 60 ﺗﯩﻦ ﺋﺎﺭﺗﯘﻕ ﺋﺎﭘﺘﻮﻣﻮﺑﯩﻞ ﺑﺎﺭ ﺋﯩﺪﻯ. ﺋﯘﻻﺭ ﻣﻪﻳﺪﺍﻧﻨﯩﯔ ﺑﯘﺭﺟﯩﻜﯩﺪﻩ ﻳﯧﯖﯩﺪﯨﻦ ﻳﯜﺯ ﺑﯧﺮﯨﺶ ﺋﯧﻬﺘﯩﻤﺎﻟﻰ ﺑﻮﻟﻐﺎﻥ ﺗﻮﻗﯘﻧﯘﺷﻼﺭﻧﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺋﯘﭼﯘﻥ ﺗﻪﺭﺗﯩﭗ ﺳﺎﻗﻠﯩﺸﺎﺗﺘﻰ."

ﺋﺎﭘﺘﻮﺭ ﻣﺎﻗﺎﻟﯩﺴﯩﻨﯩﯔ ﺋﺎﺧﯩﺮﯨﺪﺍ ﺋﯜﺭﯛﻣﭽﻰ ﯞﻩﺯﯨﻴﯩﺘﯩﺪﯨﻜﻰ ﺟﯩﺪﺩﯨﻴﭽﯩﻠﯩﻜﻨﯩﯔ ﻳﻪﻧﯩﻼ ﭘﻪﺳﻪﻳﻤﯩﮕﻪﻧﻠﯩﻜﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ، ﻣﺎﻗﺎﻟﯩﺴﯩﻨﻰ ﻣﯘﻧﺪﺍﻕ ﺋﺎﻳﺎﻏﻼﺷﺘﯘﺭﯨﺪﯗ: "ﺋﯜﺭﯛﻣﭽﻰ ﻛﻮﭼﯩﻠﯩﺮﯨﺪﺍ ﻗﻮﻟﻠﯩﺮﯨﻐﺎ ﺳﺎﻗﭽﻰ ﻛﺎﻟﺘﻪﻛﻠﯩﺮﯨﻨﻰ ﻛﯚﺗﯜﺭﯛﯞﺍﻟﻐﺎﻥ ﺧﻪﻟﻖ ﺋﻪﺳﻜﻪﺭﻟﯩﺮﻯ ﺗﻪﺭﺗﯩﭗ ﺳﺎﻗﻼﯞﺍﺗﻘﺎﻥ ﺑﻮﻟﯘﭖ، ﺋﯘﻻﺭﻧﯩﯔ ﺑﻪﺯﯨﻠﯩﺮﻯ ﻫﻪﺭ ﻗﺎﻳﺴﻰ ﺋﯩﺪﺍﺭﻩ - ﺟﻪﻣﺌﯩﻴﻪﺗﻠﻪﺭﻧﯩﯔ ﺧﯩﺰﻣﻪﺗﭽﯩﻠﯩﺮﻯ ﺋﯩﺪﻯ. ﻗﺎﺭﯨﻤﺎﻗﻘﺎ ﻛﻮﭼﯩﻼﺭﺩﯨﻜﻰ ﺋﯘﻳﻐﯘﺭﻻﺭ ﻫﻪﻡ ﺧﯩﺘﺎﻳﺪﯨﻦ ﺋﯩﺒﺎﺭﻩﺕ ﻫﻪﺭ ﺋﯩﻜﻜﻰ ﻣﯩﻠﻠﻪﺕ ﻛﯩﺸﯩﻠﯩﺮﯨﻨﯩﯔ ﭼﯩﺮﺍﻳﯩﺪﺍ، ﺋﻮﺧﺸﺎﺷﻼ ﻗﻮﺭﻗﯘﻧﭻ ﻫﻪﻡ ﺋﻪﻧﺴﯩﺰﻟﯩﻚ ﻛﻪﻳﭙﯩﻴﺎﺗﻰ ﺋﯩﭙﺎﺩﯨﻠﯩﻨﯩﭗ ﺗﯘﺭﺍﺗﺘﻰ. ﺑﯘ ﺧﯩﻞ ﻫﺎﻟﻪﺕ ﻛﯩﺸﯩﮕﻪ، ﻫﯚﻛﯜﻣﻪﺕ ﮔﻮﻳﺎ ﭘﺎﺭﺗﻼﺵ ﺋﺎﻟﺪﯨﺪﯨﻜﻰ ﭘﺎﺭﺗﻼﺗﻘﯘﭺ ﺩﻭﺭﺍ ﻳﯧﻨﯩﺪﺍ ﺗﺎﻣﺎﻛﺎ ﺗﯘﺗﺎﺷﺘﯘﺭﯗﯞﺍﺗﻘﺎﻧﺪﻩﻙ ﻫﺎﻟﻪﺗﻨﻰ ﺋﻪﺳﻠﯩﺘﻪﺗﺘﻰ. ﺋﻪﮔﻪﺭ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯩﺮ ﻧﻪﭼﭽﻪ ﺋﺎﻳﺪﯨﻦ ﺑﯘﻳﺎﻥ ﻳﯜﺭﮔﯜﺯﯛﯞﺍﺗﻘﺎﻥ ﺑﯘ ﺧﯩﻞ ﻗﺎﺗﺘﯩﻖ ﺗﻪﺩﺑﯩﺮ ﺋﯧﻠﯩﺶ ﺳﯩﻴﺎﺳﯩﺘﻰ ﺩﺍﯞﺍﻣﻠﯩﺸﯩﯟﻩﺭﺳﻪ، '5 - ﺋﯩﻴﯘﻝ ﺋﯜﺭﯛﻣﭽﻰ' ﯞﻩﻗﻪﺳﯩﮕﻪ ﺋﻮﺧﺸﺎﺵ ﭘﺎﺟﯩﺌﻪﻟﻪﺭﻧﯩﯔ ﻳﻪﻧﻪ ﻳﯜﺯ ﺑﯧﺮﯨﺸﯩﺪﯨﻦ ﺳﺎﻗﻼﻧﻐﯩﻠﻰ ﺑﻮﻟﻤﺎﻳﺪﯗ ﺋﻪﻟﯟﻩﺗﺘﻪ."

"5 - ﺋﯩﻴﯘﻝ ﺋﯜﺭﯛﻣﭽﻰ ﻧﺎﻣﺎﻳﯩﺸﻰ" ﺩﯨﻦ ﻛﯧﻴﯩﻦ ﻣﯘﺧﺒﯩﺮ ﭘﺎﺋﯘﻝ ﻣﻮﺯﻭﺭﻧﯩﯔ "ﺧﯩﺘﺎﻱ ﺋﯘﻳﻐﯘﺭ ﻣﻪﺩﻩﻧﯩﻴﯩﺘﯩﻨﻰ ﻳﯩﻠﺘﯩﺰﯨﺪﯨﻦ ﻳﻮﻗﺎﺗﻤﺎﻗﭽﻰ" ﺩﯦﮕﻪﻥ ﻣﺎﻗﺎﻟﯩﺴﯩﮕﻪ ﺋﻮﺧﺸﺎﺵ، ﺋﯘﻳﻐﯘﺭﻻﺭ، ﺋﯘﻳﻐﯘﺭ ﯞﻩﺯﯨﻴﯩﺘﻰ ﻫﻪﻡ ﺋﯘﻳﻐﯘﺭﻻﺭﻧﯩﯔ ﺗﺎﺭﯨﺨﻰ ﻣﻪﺩﻩﻧﯩﻴﯩﺘﻰ ﻫﻪﻗﻘﯩﺪﯨﻜﻰ ﻣﺎﻗﺎﻟﯩﻠﻪﺭ ﻛﯚﭘﻠﻪﭖ ﻳﯧﺰﯨﻠﯩﯟﺍﺗﻘﺎﻥ ﺑﻮﻟﯘﭖ، ﺩﯗﻧﻴﺎﻧﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﺍ ﺋﯘﻳﻐﯘﺭﻻﺭﻧﯩﯔ ﺗﻪﻗﺪﯨﺮﯨﮕﻪ ﻛﯚﯕﯜﻝ ﺑﻮﻟﯩﺪﯨﻐﺎﻥ ﻛﯩﺸﯩﻠﻪﺭ ﺑﺎﺭﻏﺎﻧﭽﻪ ﻛﯚﭘﻪﻳﻤﻪﻛﺘﻪ.