" ﻗﻪﺷﻘﻪﺭ ﯞﯨﻼﻳﯩﺘﯩﻨﯩﯔ ﺧﯩﺰﻣﻪﺕ ﺋﯘﭼﯘﺭﻯ"ﺩﺍ، ﻗﻪﺷﻘﻪﺭ ﯞﯨﻼﻳﻪﺗﻠﯩﻚ ﻳﻪﺭﻟﯩﻚ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﯨﻨﯩﯔ "5 -ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﻰ" ﻫﻪﻡ "6 - ﺋﯩﻴﯘﻝ ﻗﻪﺷﻘﻪﺭ ﻫﯧﻴﺘﮕﺎﻫ ﻧﺎﻣﺎﻳﯩﺸﻰ" ﺩﯨﻦ ﻛﯧﻴﯩﻦ، 7 - ﺋﺎﻳﺪﯨﻦ 9 - ﺋﺎﻳﻐﯩﭽﻪ ﺭﺍﻳﻮﻧﺪﺍ ﺋﯧﻠﯩﭗ ﺑﺎﺭﻏﺎﻥ ﺑﯩﺮ ﻳﯜﺭﯛﺵ ﺗﻪﺩﺑﯩﺮﻟﯩﺮﻯ ﯞﻩ ﺋﯘﻧﯩﯔ ﺋﻪﻣﻪﻟﯩﻴﻠﯩﺸﯩﺶ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺳﺘﺎﺗﯩﺴﺘﯩﻜﯩﻠﯩﻖ ﻣﻪﻟﯘﻣﺎﺗﻼﺭ ﺑﯧﺮﯨﻠﮕﻪﻥ.

ﻗﻪﺷﻘﻪﺭ ﯞﯨﻼﻳﻪﺗﻠﯩﻚ ﻳﻪﺭﻟﯩﻚ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ ﻗﯘﺭﻏﺎﻥ "ﻗﻪﺷﻘﻪﺭ ﯞﯨﻼﻳﻪﺗﻠﯩﻚ 5 - ﺋﯩﻴﯘﻝ ﺧﯩﺰﻣﻪﺕ ﮔﯘﺭﯗﭘﭙﯩﺴﻰ" ﺋﯩﻜﻜﻰ ﭼﻮﯓ ﺗﺎﺭﻣﺎﻕ ﮔﯘﺭﯗﭘﭙﯩﺪﯨﻦ ﺗﻪﺷﻜﯩﻠﻠﻪﻧﮕﻪﻥ ﺑﻮﻟﯘﭖ، ﻗﻪﺷﻘﻪﺭ ﯞﯨﻼﻳﯩﺘﯩﮕﻪ ﻗﺎﺭﺍﺷﻠﯩﻖ 11 ﻧﺎﻫﯩﻴﻪ ﻫﻪﻡ ﻗﻪﺷﻘﻪﺭ ﺷﻪﻫﯩﺮﯨﺪﯨﻦ 1 - ﺗﺎﺭﻣﺎﻕ ﮔﯘﺭﯗﭘﭙﺎ ﺗﻪﺷﻜﯩﻠﻠﻪﻧﮕﻪﻥ. " ﻗﻪﺷﻘﻪﺭ ﯞﯨﻼﻳﯩﺘﯩﻨﯩﯔ ﺧﯩﺰﻣﻪﺕ ﺋﯘﭼﯘﺭﻯ"ﻧﯩﯔ 7 - ﺋﺎﻱ ﻣﻪﺯﮔﯩﻠﯩﺪﯨﻜﻰ ﺩﻭﻛﻼﺗﯩﺪﺍ ﻛﯚﺭﺳﯩﺘﯩﻠﯩﺸﯩﭽﻪ، ﺑﯘ ﮔﯘﺭﯗﭘﭙﯩﺪﯨﻜﯩﻠﻪﺭ 7 - ﺋﺎﻱ ﻣﻪﺯﮔﯩﻠﯩﺪﻩ، ﻗﻪﺷﻘﻪﺭ ﯞﯨﻼﻳﻪﺗﻠﯩﻚ ﺳﺎﻗﭽﻰ ﺋﯩﺪﺍﺭﯨﺴﯩﮕﻪ ﻣﺎﺳﻠﯩﺸﯩﭗ، ﻫﻪﺭ ﻗﺎﻳﺴﻰ ﻧﺎﻫﯩﻴﯩﻠﻪﺭﺩﯨﻜﻰ ﺋﺎﺳﺎﺳﻰ ﻗﺎﺗﻼﻣﻼﺭﺩﯨﻦ "5 - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﻰ" ﻫﻪﻡ "6 - ﺋﯩﻴﯘﻝ ﻗﻪﺷﻘﻪﺭ ﻫﯧﻴﺘﮕﺎﻫ ﻧﺎﻣﺎﻳﯩﺸﻰ"ﻏﺎ ﻗﺎﺗﻨﺎﺷﻘﺎﻥ ﻛﯩﺸﯩﻠﻪﺭﮔﻪ ﺩﺍﺋﯩﺮ ﺋﯘﭼﯘﺭﻻﺭﻧﻰ ﺋﯩﮕﯩﻠﻪﺷﻜﻪ ﻣﻪﺳﺌﯘﻝ ﺑﻮﻟﻐﺎﻥ.

ﺩﻭﻛﻼﺗﺘﺎ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﻗﻪﺷﻘﻪﺭ ﯞﯨﻼﻳﯩﺘﯩﮕﻪ ﻗﺎﺭﺍﺷﻠﯩﻖ ﻧﺎﻫﯩﻴﯩﻠﻪﺭ ﺋﯩﭽﯩﺪﻩ، ﻳﯧﯖﯩﺸﻪﻫﻪﺭ، ﻳﻮﭘﯘﺭﻏﺎ، ﻣﺎﺭﺍﻟﺒﯧﺸﻰ، ﻗﻪﺷﻘﻪﺭ ﺷﻪﻫﯩﺮﻯ، ﻣﻪﻛﯩﺖ، ﻗﺎﻏﯩﻠﯩﻖ ﻧﺎﻫﯩﻴﯩﺴﻰ ﻗﺎﺗﺎﺭﻟﯩﻖ ﺟﺎﻳﻼﺭﺩﯨﻦ ﻧﺎﻣﺎﻳﯩﺶ ﻗﺎﺗﻨﺎﺷﭽﯩﻠﯩﺮﯨﻐﺎ ﺩﺍﺋﯩﺮ ﺋﯘﭼﯘﺭﻻﺭ ﺋﻪﯓ ﻛﯚﭖ ﻳﯩﻐﯩﻠﻐﺎﻥ. ﻳﻪﻧﻰ ﻳﯘﻗﯩﺮﯨﻘﻰ ﺟﺎﻳﻼﺭﺩﯨﻦ ﺟﻪﻣﺌﻰ 1500 ﺩﯨﻦ ﺋﺎﺭﺗﯘﻕ ﺋﯘﭼﯘﺭ ﻳﯩﻐﯩﻠﯩﭗ، ﺑﯘ ﺋﯘﭼﯘﺭﻏﺎ ﻣﯘﻧﺎﺳﯩﯟﻩﺗﻠﯩﻚ ﻛﯩﺸﯩﻠﻪﺭ ﺳﻮﺭﺍﻕ ﻗﯩﻠﯩﻨﻐﺎﻥ ﻫﻪﻡ ﺋﯘﻻﺭﻧﯩﯔ ﺑﻪﺯﯨﻠﯩﺮﻯ ﻗﻮﻟﻐﺎ ﺋﯧﻠﯩﻨﻐﺎﻥ. ﺧﯩﺰﻣﻪﺕ ﺋﯘﭼﯘﺭﯨﺪﺍ ﭘﻪﻗﻪﺕ ﻣﺎﺭﺍﻟﺒﯧﺸﻰ،ﻳﯧﯖﯩﺴﺎﺭ،ﻳﻪﻛﻪﻥ ﻧﺎﻫﯩﻴﯩﺴﻰ ﺗﻪﯞﻩﺳﯩﺪﯨﻦ ﻗﻮﻟﻐﺎ ﺋﯧﻠﯩﻨﻐﺎﻥ ﺋﺎﺩﻩﻣﻠﻪﺭ ﺳﺎﻧﻰ ﺋﯧﻼﻥ ﻗﯩﻠﯩﻨﻐﺎﻥ ﺑﻮﻟﯘﭖ، ﺑﯘ 3 ﻧﺎﻫﯩﻴﯩﺪﯨﻦ ﻗﻮﻟﻐﺎ ﺋﯧﻠﯩﻨﻐﺎﻥ ﺋﻮﻣﯘﻣﻰ ﺋﺎﺩﻩﻡ ﺳﺎﻧﻰ 1077 ﻧﻪﭘﻪﺭ ﺩﻩﭖ ﺑﯧﺮﯨﻠﮕﻪﻥ. ﺑﺎﺷﻘﺎ ﻧﺎﻫﯩﻴﯩﻠﻪﺭﺩﯨﻦ ﻗﻮﻟﻐﺎ ﺋﯧﻠﯩﻨﻐﺎﻥ ﺋﺎﺩﻩﻣﻠﻪﺭ ﺳﺎﻧﻰ "ﺧﯩﺰﻣﻪﺕ ﺋﯘﭼﯘﺭﻯ"ﻧﯩﯔ ﺑﯩﺰﻧﯩﯔ ﻗﻮﻟﯩﻤﯩﺰﺩﺍ ﺑﺎﺭ ﻗﯩﺴﻤﯩﺪﺍ ﺑﻮﻟﻤﯩﻐﯩﻨﻰ ﺋﯜﭼﯜﻥ ﺑﯘ ﻳﻪﺭﺩﻩ ﺋﯧﻼﻥ ﻗﯩﻠﯩﺶ ﺋﯩﻤﻜﺎﻧﯩﻴﯩﺘﻰ ﺑﻮﻟﻤﯩﺪﻯ.

"ﻗﻪﺷﻘﻪﺭ ﯞﯨﻼﻳﻪﺗﻠﯩﻚ 5 - ﺋﯩﻴﯘﻝ ﺧﯩﺰﻣﻪﺕ ﮔﯘﺭﯗﭘﭙﯩﺴﻰ"ﻧﯩﯔ 2 - ﺗﺎﺭﻣﺎﻕ ﮔﯘﺭﯗﭘﭙﯩﺴﻰ، ﻗﻪﺷﻘﻪﺭ ﯞﯨﻼﻳﯩﺘﯩﮕﻪ ﺑﯩﯟﺍﺳﯩﺘﻪ ﻗﺎﺭﺍﺷﻠﯩﻖ ﺋﯩﺪﺍﺭﻩ ﺋﻮﺭﮔﺎﻧﻼﺭﺩﯨﻦ ﺗﻪﺷﻜﯩﻠﻠﻪﻧﮕﻪﻥ ﺑﻮﻟﯘﭖ، ﺋﺎﺳﺎﺳﻰ ﻗﺎﺗﻼﻡ ﺋﯩﺸﺨﺎﻧﯩﺴﻰ، ﻧﺎﺯﺍﺭﻩﺕ ﺑﯚﻟﯜﻣﻰ، ﺗﻪﻛﺸﯜﺭﯛﭖ - ﺗﻪﺗﻘﯩﻖ ﻗﯩﻠﯩﺶ ﺋﯩﺸﺨﺎﻧﯩﺴﻰ، ﺋﻪﺭﺯﯨﻴﻪﺕ ﺑﯚﻟﯜﻣﻰ، ﺷﯩﻨﺠﺎﯕﻐﺎ ﻳﺎﺭﺩﻩﻡ ﺑﯧﺮﯨﺶ ﺋﯩﺸﺨﺎﻧﯩﺴﻰ، ﺗﻪﺷﻜﯩﻼﺕ ﺑﯚﻟﯜﻣﻰ، ﭘﯧﻨﺴﯩﻴﯩﮕﻪ ﭼﯩﻘﻘﺎﻥ ﻛﺎﺩﯨﺮﻻﺭ ﺑﯚﻟﯜﻣﻰ، ﺋﯩﺪﺍﺭﯨﻠﻪﺭ ﺑﺎﺷﻘﺎﺭﻣﯩﺴﻰ ﻗﺎﺗﺎﺭﻟﯩﻖ 12 ﺋﻮﺭﮔﺎﻧﺪﯨﻦ ﺗﻪﺷﻜﯩﻠﻠﻪﻧﮕﻪﻥ. ﺑﯘ ﮔﯘﺭﯗﭘﭙﯩﻨﯩﯔ ﺋﺎﺳﺎﺳﻰ ﯞﻩﺯﯨﭙﯩﺴﻰ ﯞﻩﻗﻪ ﻗﺎﺗﻨﺎﺷﭽﯩﻠﯩﺮﯨﻐﺎ ﺩﺍﺋﯩﺮ ﺋﯘﭼﯘﺭﻻﺭﻧﻰ ﺋﯩﮕﯩﻠﻪﺵ ﺑﯩﻠﻪﻥ ﺑﯩﻠﻠﻪ " ﻫﯚﻛﯜﻣﻪﺕ ﻛﺎﺩﯨﺮﻟﯩﺮﻯ ﺧﯩﺰﻣﯩﺘﯩﻨﻰ ﻧﺎﺯﺍﺭﻩﺕ ﻗﯩﻠﯩﺶ؛ ﻣﯘﻗﯩﻤﻠﯩﻘﻨﻰ ﺗﻪﻛﯩﺘﻠﻪﺵ، ﻣﯩﻠﻠﻪﺗﻠﻪﺭ ﺋﯩﺘﺘﯩﭙﺎﻗﻠﯩﻘﯩﻨﻰ ﺗﻪﻛﯩﺘﻠﻪﺵ ﺗﻪﺷﯟﯨﻘﺎﺕ ﺧﯩﺰﻣﻪﺗﻠﯩﺮﻯ ﺋﯧﻠﯩﭗ ﺑﯧﺮﯨﺶ، ﻣﯘﻗﯩﻤﻠﯩﻘﻨﻰ ﺳﺎﻗﻼﺵ ﺋﯜﭼﯜﻥ ﭘﺎﺭﺗﯩﻴﻪ ﺋﻪﺯﺍﻟﯩﺮﻯ ﻫﻪﻡ ﻛﺎﺩﯨﺮﻻﺭﺩﯨﻦ ﺧﯩﺰﻣﻪﺕ ﮔﯘﺭﯗﭘﭙﯩﺴﻰ ﺗﻪﺷﻜﯩﻠﻠﻪﺵ" ﻗﺎﺗﺎﺭﻟﯩﻘﻼﺭ ﺑﻮﻟﻐﺎﻥ.

"ﻗﻪﺷﻘﻪﺭ ﯞﯨﻼﻳﻪﺗﻠﯩﻚ 5 - ﺋﯩﻴﯘﻝ ﺧﯩﺰﻣﻪﺕ ﮔﯘﺭﯗﭘﭙﯩﺴﻰ"ﻧﯩﯔ 8 - ﺋﺎﻱ ﻣﻪﺯﮔﯩﻠﯩﺪﯨﻜﻰ ﺧﯩﺰﻣﻪﺕ ﺩﻭﻛﻼﺗﯩﺪﺍ، "5 - ﺋﯩﻴﯘﻝ ﯞﻩﻗﻪﺳﻰ"ﺩﯨﻦ ﻛﯧﻴﯩﻦ ﻗﻪﺷﻘﻪﺭ ﯞﯨﻼﻳﯩﺘﻰ ﺗﻪﯞﻩﺳﯩﺪﻩ، ﻗﻮﺭﺍﻟﻠﯩﻖ ﺳﺎﻗﭽﻰ ﺋﻪﺗﺮﻩﺗﻠﯩﺮﯨﮕﻪ ﻣﺎﺳﻠﯩﺸﯩﭗ، ﻫﻪﺭ ﺑﯩﺮ ﻣﻪﻫﻪﻟﻠﻪ، ﻛﻪﻧﺘﻠﻪﺭﻧﻰ ﺋﺎﺳﺎﺱ ﻗﯩﻠﻐﺎﻥ ﻫﺎﻟﺪﺍ ﻣﯘﻗﯩﻤﻠﯩﻘﯩﻨﻰ ﺳﺎﻗﻼﺵ ﻣﻪﻫﻪﻟﻠﻪ ﺋﻪﺗﺮﻩﺗﻠﯩﺮﻯ ﺗﻪﺷﻜﯩﻠﻠﻪﻧﮕﻪﻧﻠﯩﻜﻰ، (ﻣﻪﺳﯩﻠﻪﻥ، ﻗﻪﺷﻘﻪﺭ ﺷﻪﻫﯩﺮﯨﺪﻩ ﺑﯘ ﺧﯩﻞ ﻣﻪﻫﻪﻟﻠﯩﻠﻪﺭﺩﻩ ﻣﯘﻗﯩﻤﻠﯩﻘﻨﻰ ﺳﺎﻗﻼﺵ ﺋﻪﺗﺮﻩﺗﻠﯩﺮﯨﺪﯨﻦ ﺑﺎﺷﻘﺎ ﻳﻪﻧﻪ "ﺋﺎﻳﺎﻟﻼﺭ ﻣﯘﻗﯩﻤﻠﯩﻘﻨﻰ ﺳﺎﻗﻼﺵ ﭼﺎﺭﻻﺵ ﺋﻪﺗﺮﯨﺘﻰ" ﻗﯘﺭﯗﻟﻐﺎﻥ)؛ ﺭﺍﻳﻮﻥ ﺗﻪﯞﻩﺳﯩﺪﻩ "ﻳﯩﯖﻨﻪ ﺳﺎﻧﺠﯩﺶ ﯞﻩﻗﻪﺳﻰ"ﮔﻪ ﺋﺎﺋﯩﺖ ﺋﯘﭼﯘﺭﻻﺭﻧﻰ ﻳﯩﻐﯩﺶ ﺋﯩﺸﻠﯩﺮﻯ ﺋﯧﻠﯩﭗ ﺑﯧﺮﯨﻠﻐﺎﻧﻠﯩﻘﻰ؛ "5 - ﺋﯩﻴﯘﻝ ﯞﻩﻗﻪﺳﻰ"ﺩﯨﻦ ﺋﯩﻠﮕﯩﺮﻯ ﺋﯩﻨﺘﯧﺮﻧﯧﺖ ﺗﻮﺭ ﺑﻪﺗﻠﯩﺮﯨﺪﻩ ﻣﯩﻠﻠﻪﺗﻠﻪﺭ ﺋﺎﺭﯨﺴﯩﺪﯨﻜﻰ ﺋﺎﺩﺍﯞﻩﺗﻨﻰ ﻛﯜﭼﻪﻳﺘﯩﺪﯨﻐﺎﻥ ﺳﯚﺯ - ﻫﻪﺭﯨﻜﻪﺗﻠﻪﺭﺩﻩ ﺑﻮﻟﻐﺎﻧﻼﺭﻧﻰ ﺗﻪﻛﺸﯜﺭﯛﭖ - ﺋﯧﻨﯩﻘﻼﺵ ﺋﯩﺸﻠﯩﺮﻯ ﺋﯩﻠﮕﯩﺮﻯ ﺳﯜﺭﯛﻟﮕﻪﻧﻠﯩﻜﻰ؛ ﺋﺎﺳﺎﺳﻰ ﻗﺎﺗﻼﻣﻼﺭﻏﺎ ﭼﯚﻛﯜﭖ، ﺋﺎﻣﻤﯩﻨﯩﯔ ﺭﺍﻳﯩﻨﻰ ﺳﯩﻨﺎﺵ، ﺧﻪﻟﻘﻨﯩﯔ ﻫﯚﻛﯜﻣﻪﺗﻜﻪ ﺑﻮﻟﻐﺎﻥ ﻧﺎﺭﺍﺯﯨﻠﯩﻖ ﭘﯩﻜﯩﺮﻟﯩﺮﯨﻨﻰ ﻳﯩﻐﯩﺶ؛ ﻣﻪﻛﺘﻪﭘﻠﻪﺭﻧﻰ ﻫﻪﻡ ﺗﯩﺠﺎﺭﻩﺗﭽﯩﻠﻪﺭﻧﻰ ﺋﺎﺳﺎﺱ ﻗﯩﻠﻐﺎﻥ ﻫﺎﻟﺪﺍ، ﻣﯘﻗﯩﻤﻠﯩﻘﻨﻰ ﺗﻪﻛﯩﺘﻠﻪﺵ ﺗﻪﺷﯟﯨﻘﺎﺕ ﭘﺎﺋﺎﻟﯩﻴﻪﺗﻠﯩﺮﻯ ﺋﯧﻠﯩﭗ ﺑﯧﺮﯨﻠﻐﺎﻧﻠﯩﻘﻰ؛ ﭘﯘﻗﺮﺍﻻﺭﻧﻰ ﺧﯘ ﺟﯩﻨﺘﺎﯞ، ﯞﺍﯓ ﻟﯧﭽﯜﻩﻥ ﻗﺎﺗﺎﺭﻟﯩﻘﻼﺭﻧﯩﯔ "5 - ﺋﯩﻴﯘﻝ ﯞﻩﻗﻪﺳﻰ" ﻫﻪﻗﻘﯩﺪﯨﻜﻰ ﺩﻭﻛﻼﺗﻠﯩﺮﯨﻨﻰ ﺋﯚﮔﯩﻨﯩﺸﻜﻪ ﺗﻪﺷﻜﯩﻠﻠﻪﺵ ﺧﯩﺰﻣﻪﺗﻠﯩﺮﻯ ﺋﯧﻠﯩﭗ ﺑﯧﺮﯨﻠﻐﺎﻧﻠﯩﻘﻰ ﺑﺎﻳﺎﻥ ﻗﯩﻠﯩﻨﻐﺎﻥ.

ﺧﯩﺰﻣﻪﺕ ﮔﯘﺭﯗﭘﭙﯩﺴﯩﻨﯩﯔ 9 - ﺋﺎﻳﻠﯩﻖ ﺩﻭﻛﻼﺗﯩﺪﺍ ﺋﺎﺳﺎﺳﻪﻥ ﻣﯘﺳﯘﻟﻤﺎﻧﻼﺭﻧﯩﯔ ﺭﻭﺯﺍ ﺗﯘﺗﯘﺵ ﻣﻪﺯﮔﯩﻠﯩﺪﯨﻜﻰ ﻗﻪﺷﻘﻪﺭﻧﯩﯔ ﻣﯘﻗﯩﻤﻠﯩﻘﻰ ﭼﯩﯔ ﺗﯘﺗﯘﻟﯘﭖ، ﺧﯩﺘﺎﻳﻨﯩﯔ ﺩﯙﻟﻪﺕ ﺑﺎﻳﺮﯨﻤﯩﻨﯩﯔ 60 ﻳﯩﻠﻠﯩﻘﯩﻨﻰ ﺑﯩﺨﻪﺗﻪﺭ ﻛﯜﺗﯜﯞﯦﻠﯩﺸﻘﺎ ﻛﺎﭘﺎﻟﻪﺗﻠﯩﻚ ﻗﯩﻠﯩﻨﻐﺎﻧﻠﯩﻘﻰ؛ ﻫﯚﻛﯜﻣﻪﺕ ﻛﺎﺩﯨﺮﻟﯩﺮﻯ، ﺋﻮﻗﯘﺗﻘﯘﭼﻰ - ﺋﻮﻗﯘﻏﯘﭼﯩﻼﺭﻧﯩﯔ ﺭﻭﺯﺍ ﺗﯘﺗﯘﺷﯩﻐﺎ ﺩﺍﺋﯩﺮ ﺋﯘﭼﯘﺭﻻﺭ ﺋﯩﮕﯩﻠﯩﻨﯩﭗ، ﺧﯩﻼﭘﻠﯩﻖ ﻗﯩﻠﻐﯘﭼﯩﻼﺭ ﺟﺎﺯﺍﻻﻧﻐﺎﻧﻠﯩﻘﻰ؛ "5 - ﺋﯩﻴﯘﻝ ﯞﻩﻗﻪﺳﻰ"ﮔﻪ ﭼﯧﺘﯩﺸﻠﯩﻖ ﻛﯩﺸﯩﻠﻪﺭﻧﻰ ﺩﺍﯞﺍﻣﻠﯩﻖ ﻗﻮﻏﻼﭖ ﺗﯘﺗﯘﺵ ﺋﯩﺸﻠﯩﺮﻯ ﺋﯧﻠﯩﭗ ﺑﯧﺮﯨﻠﻐﺎﻧﻠﯩﻘﻰ ﻗﺎﺗﺎﺭﻟﯩﻘﻼﺭ ﺑﺎﻳﺎﻥ ﻗﯩﻠﯩﻨﻐﺎﻥ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺖ ﺋﻪﭘﻪﻧﺪﻯ، "ﻗﻪﺷﻘﻪﺭ ﯞﯨﻼﻳﻪﺗﻠﯩﻚ 5 - ﺋﯩﻴﯘﻝ ﺧﯩﺰﻣﻪﺕ ﮔﯘﺭﯗﭘﭙﯩﺴﻰ"ﻧﯩﯔ ﺑﯘ ﺩﻭﻛﻼﺗﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ، ﺑﯘ ﺧﯩﺘﺎﻱ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﯨﻨﯩﯔ ﺋﯘﻳﻐﯘﺭﻻﺭﻏﺎ ﻗﺎﺭﺍﺗﻘﺎﻥ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﯩﻨﯩﯔ ﻧﻪﻗﻪﺩﻩﺭ ﻗﺎﺗﺘﯩﻘﻠﯩﻘﯩﻨﻰ ﻛﯚﺭﺳﯩﺘﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﭖ، ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﺋﯘﻳﻐﯘﺭﻻﺭﻏﺎ ﻗﺎﺭﺍﺗﻘﺎﻥ ﻗﺎﺗﺘﯩﻖ ﻗﻮﻝ ﺳﯩﻴﺎﺳﯩﺘﻰ ﺑﯩﻠﻪﻥ ﺋﻪﻳﯩﺒﻠﯩﺪﻯ.

ﻛﯚﺯﻩﺗﻜﯜﭼﯩﻠﻪﺭﻧﯩﯔ ﻗﺎﺭﯨﺸﯩﭽﻪ، ﻗﻪﺷﻘﻪﺭ ﯞﯨﻼﻳﯩﺘﻰ "5 - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﻰ"ﺩﯨﻦ ﻛﯧﻴﯩﻦ، ﻣﯘﻗﯩﻤﻠﯩﻘﻨﻰ ﺗﻪﻛﯩﺘﻠﻪﺵ، ﻧﺎﻣﺎﻳﯩﺶ ﻗﺎﺗﻨﺎﺷﭽﯩﻠﯩﺮﯨﻨﻰ ﻗﻮﻏﻼﭖ ﺗﯘﺗﯘﺵ ﻗﺎﺗﺎﺭﻟﯩﻘﻼﺭﺩﺍ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﻰ ﺋﻪﯓ ﻗﺎﺗﺘﯩﻖ ﺋﯩﺠﺮﺍ ﻗﯩﻠﯩﻨﻐﺎﻥ ﺟﺎﻳﻼﺭﻧﯩﯔ ﺑﯩﺮﻯ ﺋﯩﻜﻪﻥ. ﻫﻪﺗﺘﺎ ﻳﯧﻘﯩﻨﺪﺍ ﻗﻪﺷﻘﻪﺭ ﯞﯨﻼﻳﻪﺗﻠﯩﻚ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﺋﯩﺪﺍﺭﯨﺴﻰ، ﺗﻪﭘﺘﯩﺶ ﺋﯩﺪﺍﺭﯨﺴﻰ ﻫﻪﻡ ﺋﻮﺗﺘﯘﺭﺍ ﺧﻪﻟﻖ ﺳﻮﺕ ﻣﻪﻫﻜﯩﻤﯩﺴﻰ ﺑﯩﺮﻟﻪﺷﻤﻪ ﺋﯘﻗﺘﯘﺭﯗﺵ ﭼﯩﻘﯩﺮﯨﭗ، ﯞﯨﻼﻳﻪﺕ ﺗﻪﯞﻩﺳﯩﺪﯨﻜﻰ ﺋﯩﻨﺘﯧﺮﻧﯧﺖ ﭘﺎﺋﺎﻟﯩﻴﻪﺗﻠﯩﺮﯨﮕﻪ ﭼﻪﻛﻠﯩﻤﻪ ﻗﻮﻳﻐﺎﻥ، ﺷﯘﻧﺪﺍﻗﻼ ﺋﯚﺯ ﺋﺎﻟﺪﯨﻐﺎ ﺗﯜﺯﯛﭖ ﭼﯩﻘﻘﺎﻥ ﺧﯩﻼﭘﻠﯩﻖ ﻗﯩﻠﻐﯘﭼﯩﻼﺭﻏﺎ ﻗﺎﺭﯨﺘﺎ ﻗﻮﻟﻠﯩﻨﯩﻠﯩﺪﯨﻐﺎﻥ ﺟﺎﺯﺍﻻﺵ ﺗﻪﺩﺑﯩﺮﻟﯩﺮﯨﻨﯩﻤﯘ ﺋﯧﻼﻥ ﻗﯩﻠﻐﺎﻥ ﺋﯩﺪﻯ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.