ﺧﺎﻧﻠﯩﻖ ﻣﻪﺩﺭﯨﺲ ﺟﺎﻳﻼﺷﻘﺎﻥ ﻳﺎﯞﺍﻍ ﻣﻪﻫﻪﻟﻠﯩﺴﯩﺪﻩ ﺋﻮﻟﺘﯘﺭﯗﺷﻠﯘﻕ ﻛﯩﺸﯩﻠﻪﺭﺩﯨﻦ ﺋﯩﮕﯩﻠﯩﺸﯩﻤﯩﺰﮔﻪ ﻗﺎﺭﯨﻐﺎﻧﺪﺍ، ﻣﻪﺩﻩﻧﯩﻲ ﻳﺎﺩﯨﮕﺎﺭﻟﯩﻘﻼﺭﻧﻰ ﻗﻮﻏﺪﺍﺵ ﺋﻮﺭﯗﻧﻠﯩﺮﻯ ﻫﻪﺗﺘﺎ ﻣﻪﺩﺭﯨﺲ ﭼﯧﻘﯩﻠﻐﺎﻧﺪﯨﻦ ﻛﯧﻴﯩﻦ ﺋﯘﻧﯩﯖﺪﯨﻦ ﻗﺎﻟﻐﺎﻥ ﻳﺎﻏﺎﭺ ‏ - ﺗﺎﺷﻠﯩﺮﯨﻐﯩﻤﯘ ﺋﯩﮕﻪ ﺑﻮﻻﻟﻤﯩﻐﺎﻥ.

ﺗﺎﺭﯨﺦ ﺗﻮﭘﯩﻐﺎ ﺋﺎﻳﻼﻧﺪﻯ

ﻗﻪﺷﻘﻪﺭ ﺩﯨﻴﺎﺭﯨﻨﯩﯔ ﻳﺎﯞﺍﻍ ﺭﺍﻳﻮﻧﯩﻐﺎ ﺟﺎﻳﻼﺷﻘﺎﻥ ﻗﻪﺷﻘﻪﺭ ﺧﺎﻧﻠﯩﻖ ﻣﻪﺩﺭﯨﺴﻰ ﺑﯩﻨﺎﺳﻰ ﺳﻪﺋﯩﺪﯨﻴﻪ ﺧﺎﻧﻠﯩﻘﯩﻨﯩﯔ ﺋﺎﺧﯩﺮﻗﻰ ﻣﻪﺯﮔﯩﻠﻠﯩﺮﯨﺪﻩ ﺗﻪﺧﻤﯩﻨﻪﻥ ﻣﯩﻼﺩﻯ 1625 - ﻳﯩﻠﻠﯩﺮﻯ ﺑﻪﺭﭘﺎ ﻗﯩﻠﯩﻨﻐﺎﻥ، ﻗﻪﺷﻘﻪﺭﺩﻩ ﻫﺎﺯﯨﺮﻏﺎ ﻗﻪﺩﻩﺭ ﻣﯘﻛﻪﻣﻤﻪﻝ ﺳﺎﻗﻼﻧﻐﺎﻥ ﺋﯩﺴﻼﻡ ﻣﯧﻤﺎﺭﭼﯩﻠﯩﻘﯩﻨﯩﯔ ﻧﺎﻣﺎﻳﻪﻧﺪﯨﺴﻰ. 1966 - ﻳﯩﻠﻰ ﻣﻪﺩﻩﻧﯩﻴﻪﺕ ﺋﯩﻨﻘﯩﻼﺑﻰ ﻣﻪﺯﮔﯩﻠﯩﺪﻩ ﻣﻪﺯﻛﯘﺭ ﻣﻪﺩﺭﯨﺲ ﺗﺎﺭﯨﺨﺘﺎ ﺑﯩﺮ ﻗﯧﺘﯩﻢ ﭼﻮﯓ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﺍﭖ ﭼﯧﻘﯩﯟﯦﺘﯩﻠﮕﻪﻥ ﺑﻮﻟﺴﯩﻤﯘ، ﻳﻪﻧﯩﻼ ﺑﯩﺮ ﻗﺎﻧﭽﻪ ﺋﯧﻐﯩﺰ ﺧﺎﻧﯩﺴﻰ ﺳﺎﻕ ﻗﺎﻟﻐﺎﻥ، ﺷﯘﻧﺪﺍﻗﻼ ﻣﻪﺩﺭﯨﺴﻨﯩﯔ ﺋﻮﺭﻧﯩﻨﯩﯔ ﺑﯩﺮ ﻗﯩﺴﻤﻰ ﻗﻪﺷﻘﻪﺭ ﯞﯨﻼﻳﻪﺗﻠﯩﻚ ﺳﯩﻴﺎﺳﯩﻲ ﻣﻪﻛﺘﻪﭘﻜﻪ، ﻳﻪﻧﻪ ﺑﯩﺮ ﻗﯩﺴﻤﯩﻨﻰ ﻗﻪﺷﻘﻪﺭ ﺷﻪﻫﻪﺭﻟﯩﻚ 1 - ﺑﺎﺷﻼﻧﻐﯘﭺ ﻣﻪﻛﺘﻪﭘﻜﻪ ﻗﻮﺷﯘﯞﯦﺘﯩﻠﮕﻪﻥ. ﻣﻪﺩﺭﯨﺴﻨﯩﯔ ﻫﺎﺯﯨﺮﻗﻰ ﺋﻮﺭﻧﻰ ﻗﻪﺷﻘﻪﺭ ﺷﻪﻫﻪﺭﻟﯩﻚ ﻳﺎﯞﺍﻍ ﺭﺍﻳﻮﻧﯩﺪﺍ، ﺑﯧﺸﯩﺪﯨﻦ ﻧﯘﺭﻏﯘﻥ ﺋﯩﺴﺴﯩﻖ ‏ - ﺳﻮﻏﯘﻕ ﺋﯚﺗﻜﻪﻥ ﺑﯘ ﻗﻪﺩﯨﻤﯩﻲ ﺋﯩﻤﺎﺭﻩﺗﻨﯩﯔ ﺳﺎﻕ ﻗﺎﻟﻐﺎﻥ ﺧﺎﻧﯩﻠﯩﺮﻯ ﭘﻪﻗﻪﺕ 1996 - ﻳﯩﻠﯩﻐﺎ ﻛﻪﻟﮕﻪﻧﺪﯨﻼ ﺋﺎﻧﺪﯨﻦ ﺋﺎﭘﺘﻮﻧﻮﻡ ﺭﺍﻳﻮﻥ ﺑﻮﻳﯩﭽﻪ 1 - ﺩﻩﺭﯨﺠﯩﻠﯩﻚ ﻗﻮﻏﺪﯨﻠﯩﺪﯨﻐﺎﻥ ﻣﻪﺩﻩﻧﯩﻲ ﻳﺎﺩﯨﻜﺎﺭﻟﯩﻖ ﺋﻮﺭﻧﻰ ﺩﯦﮕﻪﻥ ﻧﺎﻡ ﺑﯧﺮﯨﻠﮕﻪﻧﺪﯨﻦ ﻛﯧﻴﯩﻦ ﻗﻮﻏﺪﯨﻠﯩﺸﻘﺎ ﺑﺎﺷﻠﯩﻐﺎﻥ.

ﺋﻪﭘﺴﯘﺱ ﺧﻪﯞﻩﺭﺩﺍﺭ ﺑﻮﻟﻐﯩﻨﯩﻤﯩﺰﺩﻩﻙ، ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ ﺗﻪﺭﯨﭙﯩﺪﯨﻦ 1 - ﺩﻩﺭﯨﺠﯩﻠﯩﻚ ﻗﻮﻏﺪﯨﻠﯩﺪﯗ ﺩﻩﭖ ﻗﺎﻧﯘﻧﻠﯘﻕ ﺑﯧﺮﯨﻠﮕﻪﻥ ﻧﺎﻣﻤﯘ، ﺑﯘ ﺑﯜﻳﯜﻙ ﺗﺎﺭﯨﺨﻘﺎ ﺋﯩﮕﻪ ﻣﻪﺩﺭﯨﺴﻨﯩﯔ ﻗﺎﻟﻐﺎﻥ ﻳﺎﻏﺎﭺ ‏ - ﻛﯧﺴﻪﻛﻠﯩﺮﯨﻨﯩﻤﯘ ﺳﺎﻗﻼﭖ ﻗﺎﻻﻟﻤﯩﺪﻯ، ﺗﺎﺭﯨﺦ ﺑﯧﺘﯩﺪﯨﻦ ﺗﻪﻟﺘﯜﻛﯜﺱ ﺋﯚﭼﯜﺭﯛﻟﺪﻯ، 1300ﻳﯩﻠﻠﯩﻖ ﺗﺎﺭﯨﺦ ﭼﯧﻘﯩﭗ ﺗﺎﺷﻼﻧﺪﻯ.

ﻣﻪﺯﻛﯘﺭ ﻣﻪﺩﺭﯨﺴﻨﯩﯔ ﭼﯧﻘﯩﻠﯩﺶ ﺟﻪﺭﻳﺎﻧﯩﻨﻰ ﻛﯚﺭﮔﻪﻥ ﻳﺎﯞﺍﻏﺪﺍ ﺋﻮﻟﺘﯘﺭﯗﺷﻠﯘﻕ ﺑﯩﺮ ﻣﻮﻳﺴﯩﭙﯩﺖ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﯩﭗ، ﻗﻪﺷﻘﻪﺭ ﺧﻪﻟﻘﯩﻨﯩﯔ ﻣﻪﺯﻛﯘﺭ ﻣﻪﺩﺭﯨﺴﻨﯩﯔ ﭼﯧﻘﯩﻠﯩﺸﯩﺪﯨﻦ ﺋﯩﭽﻰ ﺳﯧﺮﯨﻠﻐﺎﻥ ﺑﻮﻟﺴﯩﻤﯘ، ﺯﯗﯞﺍﻥ ﺳﯜﺭﯛﺷﻜﯩﻤﯘ ﺋﺎﻣﺎﻟﺴﯩﺰ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﺋﯘ ﭘﻪﻗﻪﺗﻼ ﺗﺎﺵ، ﻳﺎﻏﺎﭺ، ﺗﻮﭘﺎ ﺩﯙﯞﯨﺴﯩﻤﯘ؟

ﺑﻮﯞﺍﻳﻨﯩﯔ ﺋﯧﻴﺘﯩﭗ ﺑﯧﺮﯨﺸﯩﭽﻪ، ﻣﻪﺯﻛﯘﺭ ﻣﻪﺩﺭﯨﺴﻨﯩﯔ ﺗﺎﻣﻠﯩﺮﻯ ﮔﻪﺭﭼﻪ ﺧﺎﻡ ﻛﯧﺴﻪﻛﺘﯩﻦ ﻗﻮﭘﯘﺭﯗﻟﻐﺎﻥ ﺑﻮﻟﺴﯩﻤﯘ، ﺋﯩﻨﺘﺎﻳﯩﻦ ﻗﯧﻠﯩﻦ ﻫﻪﻡ ﻣﯘﺳﺘﻪﻫﻜﻪﻡ ﺑﻮﻟﯘﭖ،ﺳﯩﺮﺗﻘﻰ ﺗﺎﻣﻠﯩﺮﯨﻨﯩﯔ ﻗﯧﻠﯩﻨﻠﯩﻘﻰ 90 ﺳﺎﻧﺘﯩﻤﯧﺘﯩﺮﺩﯨﻦ ﺋﺎﺷﯩﺪﯨﻜﻪﻥ. ﭼﯩﻘﯩﺸﻘﺎ ﻣﻪﺳﺌﯘﻝ ﺩﺍﺋﯩﺮﯨﻠﻪﺭ ﺑﯘ ﻣﻪﺩﺭﯨﺴﻨﻰ ﺧﺎﺭﺍﺑﯩﻠﯩﻘﻘﺎ ﺋﺎﻳﻼﻧﺪﯗﺭﯗﺵ ﺋﯜﭼﯜﻥ ﺋﯚﺗﻜﻪﻥ ﺷﻪﻧﺒﻪ ﻳﻪﻧﻰ 13 - ﺋﯩﻴﯘﻧﺪﯨﻦ ﺑﺎﺷﻼﭖ ﺗﯚﺕ ﻛﯜﻥ ﻫﻪﭘﯩﻠﻪﺷﻜﻪﻥ.

ﺋﺎﺳﺎﺭﻩ ‏ - ﺋﻪﺗﯩﻘﻪ ﻗﺎﻟﺪﯗﻗﻠﯩﺮﯨﻐﯩﻤﯘ....

ﻧﯚﯞﻩﺗﺘﻪ ﻣﻪﺩﺭﯨﺲ ﺋﺎﺳﺎﺳﻪﻥ ﭼﯧﻘﯩﻠﯩﭗ ﺑﻮﻟﻐﺎﻥ ﺑﻮﻟﯘﭖ، ﻣﻪﺩﺭﯨﺲ ﭼﯧﻘﯩﻠﻐﺎﻧﺪﺍ ﻣﻪﺩﺭﯨﺴﻨﯩﯔ ﻗﺎﻟﻐﺎﻥ ﺩﯦﺮﯨﺰﻩ، ﺋﯩﺸﯩﻚ، ﻳﺎﻏﺎﭺ ﺗﺎﺷﻠﯩﺮﯨﻤﯘ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ ﺗﻪﺭﯨﭙﯩﺪﯨﻦ ﻣﻪﺩﻩﻧﯩﻴﻪﺕ ﻳﺎﺩﯨﻜﺎﺭﻟﯩﻖ ﺋﻮﺭﯗﻧﻠﯩﺮﻯ ﻳﺎﻛﻰ ﻣﯘﺯﯦﻴﻐﺎ ﺋﯚﺗﻜﯜﺯﯛﭖ ﺑﯧﺮﯨﻠﻤﻪﻱ، ﺋﻪﻛﺴﯩﭽﻪ ﺋﯘﻧﯩﯖﻐﺎ ﺳﺎﻗﭽﯩﻼﺭﻧﻰ ﻣﻪﺳﺌﯘﻝ ﻗﯩﻠﯩﭗ ﻗﻮﻳﯘﺷﻰ ﻛﯩﺸﯩﻠﻪﺭﻧﻰ ﺗﯧﺨﯩﻤﯘ ﺋﻪﭘﺴﯘﺳﻼﻧﺪﯗﺭﻏﺎﻥ ﻫﻪﻡ ﺋﻪﻧﺪﯨﺸﯩﮕﻪ ﺳﺎﻟﻤﺎﻗﺘﺎ.

ﺋﺎﭘﺘﻮﻧﻮﻡ ﺭﺍﻳﻮﻥ ﺩﻩﺭﯨﺠﯩﻠﯩﻚ ﻗﻮﻏﺪﯨﻠﯩﺪﯨﻐﺎﻥ ﺋﻮﺭﯗﻥ

ﻣﻪﺯﻛﯘﺭ ﻣﻪﺩﺭﯨﺴﻪ، ﻗﯘﺭﯗﻟﻐﺎﻥ ﻗﺎﺭﺍﺧﺎﻧﯩﻼﺭ ﺩﻩﯞﯨﺮﻟﻪﺭﺩﯨﻦ ﺑﺎﺷﻼﭖ ﺩﯗﻧﻴﺎﻧﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﯨﻦ ﻛﻪﻟﮕﻪﻥ ﺋﺎﻟﯩﻢ، ﭘﻪﻳﻼﺳﻮﭖ، ﺷﺎﺋﯩﺮﻻﺭ ﺋﯩﻠﯩﻢ ﺗﻪﻫﺴﯩﻞ ﻗﯩﻠﻐﺎﻥ، ﺋﻮﺗﺘﯘﺭﺍ ﺋﺎﺳﯩﻴﺎ،ﺋﻮﺗﺘﯘﺭﺍ ﺷﻪﺭﻕ ﺋﻪﻟﻠﯩﺮﯨﮕﻪ ﺩﺍﯕﻘﻰ ﻛﻪﺗﻜﻪﻥ ﺋﯩﻠﯩﻢ ﻳﯘﺭﺗﻰ ﺑﻮﻟﻐﺎﻥ. ﻣﻪﺯﻛﯘﺭ ﻣﻪﺩﺭﯨﺴﻪ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﻧﯩﯔ ﺋﺎﻟﻪﻣﺸﯘﻣﯘﻝ ﺋﺎﻟﯩﻤﻰ ﻣﻪﻫﻤﯘﺩ ﻗﻪﺷﻘﯩﺮﯨﮕﻪ ﺋﻮﺧﺸﺎﺵ ﺋﯘﻳﻐﯘﺭﻻﺭﻧﯩﯔ ﭘﻪﺧﯩﺮﻟﯩﻚ ﺋﺎﻟﯩﻢ، ﺋﯚﻟﯩﻤﺎﻟﯩﺮﯨﻐﺎ ﺑﯩﻠﯩﻢ ﺑﻪﺭﮔﻪﻥ ﻣﻪﺩﺭﯨﺴﻪ ﺋﯩﺪﻯ.

ﻣﻪﺯﻛﯘﺭ ﻣﻪﺩﺭﯨﺴﻨﯩﯔ ﭼﯧﻘﯩﻠﯩﺸﯩﺪﯨﻦ ﻗﻪﺷﻘﻪﺭ ﺷﻪﻫﻪﺭﻟﯩﻚ ﻣﻪﺩﻩﻧﯩﻲ ﻳﺎﺩﯨﮕﺎﺭﻟﯩﻘﻼﺭﻧﻰ ﻗﻮﻏﺪﺍﺵ ﺋﯩﺪﺍﺭﯨﺴﻰ ﯞﻩ ﻣﯘﺯﯦﻴﻨﯩﯔ ﺧﻪﯞﯨﺮﻯ ﺑﺎﺭ ‏ - ﻳﻮﻗﻠﯘﻗﯩﻨﻰ ﺑﯩﻠﯩﺶ ﺋﯜﭼﯜﻥ ﺑﯘ ﺋﻮﺭﯗﻧﻼﺭ ﺑﯩﻠﻪﻥ ﺋﺎﻻﻗﯩﻠﯩﺸﯩﭗ ﻛﯚﺭﺩﯗﻕ.

ﺋﺎﺧﺒﺎﺭﺍﺕ ﺋﻮﺭﮔﺎﻧﻠﯩﺮﯨﻐﺎ ﺗﻪﻫﺪﯨﺖ

ﺑﯩﺰ ﻣﻪﺩﺭﯨﺲ ﺧﺎﺭﺍﺑﯩﻠﯩﻘﻘﺎ ﺋﺎﻳﻼﻧﺪﯗﺭﯗﻟﻐﺎﻧﺪﯨﻦ ﻛﯧﻴﯩﻦ ﻗﺎﻟﺪﯗﻕ ﻳﺎﻏﺎﭺ ‏ - ﺗﺎﺷﻠﯩﺮﯨﻨﻰ ﺑﯩﺮ ﺗﻪﺭﻩﭖ ﻗﯩﻠﯩﺸﻘﺎ ﻳﺎﯞﺍﻍ ﺳﺎﻗﭽﯩﺨﺎﻧﯩﻨﯩﯔ ﻣﻪﺳﺌﯘﻝ ﻗﯩﻠﯩﻨﻐﺎﻧﻠﯩﻘﯩﻨﻰ ﺑﯩﻠﮕﻪﻧﺪﯨﻦ ﻛﯧﻴﯩﻦ، ﻳﺎﯞﺍﻍ ﺳﺎﻗﭽﯩﺨﺎﻧﺎ ﺑﯩﻠﻪﻥ ﺋﺎﻻﻗﯩﻼﺷﺘﯘﻕ، ﺋﻪﺟﻪﺑﻠﯩﻨﻪﺭﻟﯩﻜﻰ، ﺑﯩﺮ ﺋﯘﻳﻐﯘﺭ ﺳﺎﻗﭽﻰ ﺗﯧﺨﻰ ﺳﻮﺋﺎﻟﻠﯩﺮﯨﻤﯩﺰﻏﺎ ﺟﺎﯞﺍﺏ ﺑﻪﺭﻣﻪﻱ ﺗﯘﺭﯗﭘﻼ ﺑﯩﺰﻧﯩﯔ ﺑﯘ ﺋﯩﺸﻨﻰ ﺳﯜﺭﯛﺷﺘﯜﺭﻣﻪﺳﻠﯩﻜﯩﻤﯩﺰ ﻫﻪﻗﻘﯩﺪﻩ ﺋﺎﮔﺎﻫﻼﻧﺪﯗﺭﯗﺷﻘﺎ ﻫﻪﻡ ﺗﻪﻫﺪﯨﺖ ﺋﯩﺸﻠﯩﺘﯩﺸﻜﻪ ﺋﯘﺭﯗﻧﺪﻯ.

ﻗﻪﺷﻘﻪﺭﺩﻩ ﺋﯩﺴﻤﯩﻨﻰ ﺋﺎﺷﻜﺎﺭﯨﻼﺷﻨﻰ ﺧﺎﻟﯩﻤﯩﻐﺎﻥ ﻛﯩﺸﯩﻠﻪﺭﻧﯩﯔ ﺑﯩﻠﺪﯛﺭﯛﺷﯩﮕﻪ ﻗﺎﺭﯨﻐﺎﻧﺪﺍ، ﻧﯚﯞﻩﺗﺘﻪ ﺧﯩﺘﺎﻱ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺋﻮﺭﮔﺎﻧﻠﯩﺮﯨﻨﯩﯔ ﺑﯩﯟﺍﺳﺘﻪ ﺑﯘﻳﺮﯗﻗﻰ ﺑﯩﻠﻪﻥ ﺋﯩﺠﺮﺍ ﻗﯩﻠﯩﻨﯩﯟﺍﺗﻘﺎﻥ ﻗﻪﺷﻘﻪﺭ ﻗﻪﺩﯨﻤﯩﻲ ﺭﻩﺳﺘﯩﻠﯩﺮﯨﻨﻰ ﭼﯧﻘﯩﭗ ﺗﯜﺯﻩﺵ ﻏﺎﻟﺠﯩﺮﻻﺭﭼﻪ ﺩﺍﯞﺍﻣﻠﯩﺸﯩﯟﺍﺗﻘﺎﻥ ﺑﻮﻟﯘﭖ، ﺋﯘﻳﻐﯘﺭ ﺧﻪﻟﻘﯩﻨﯩﯔ ﻛﯚﺯ ﻳﯧﺸﻰ، ﻫﻪﺗﺘﺎ ﺧﻪﻟﻘﺌﺎﺭﺍﻟﯩﻖ ﺗﺎﺭﯨﺦ ﯞﻩ ﻣﻪﺩﻩﻧﯩﻴﻪﺗﻨﻰ ﻗﻮﻏﺪﺍﺵ ﺗﻪﺷﻜﯩﻼﺗﻠﯩﺮﯨﻨﯩﯔ ﭼﺎﻗﯩﺮﯨﻘﻠﯩﺮﯨﻤﯘ  ﺧﯩﺘﺎﻳﻨﯩﯔ ﺑﯘ ﺧﯩﻞ ﺋﯘﻳﻐﯘﺭﻻﺭﻧﯩﯔ ﺗﺎﺭﯨﺨﻰ ﺋﯩﺰﯨﻨﻰ، ﻣﻪﺩﻩﻧﯩﻴﯩﺘﻰ ﻳﻮﻕ ﻗﯩﻠﯩﺶ ﻫﻪﺭﯨﻜﯩﺘﯩﻨﻰ ﺗﻮﺧﺘﯩﺘﯩﺸﻘﺎ ﺋﺎﺟﯩﺰﻟﯩﻖ ﻗﯩﻠﻤﺎﻗﺘﺎ.