' Қәшқәр ханлиқ мәдриси йәр йүзидин йоқутилсиму тарихтин мәңгү йоқалмайду '

Мухбиримиз гүлчеһрә

2009-06-18

Қәшқәр қәдимий рәстилириниң хитай һөкүмити тәрипидин чеқиливатқанлиқи, пүтүн дунядики уйғурларда наразилиқ қозғаватқан, уйғур мәдәнийити тарихидин хәвәрдар, қәшқәрни билидиған һәр қандақ кишини ечиндүрүватқан бир пәйттә, уйғур тарихидики әң қәдимий билим юрти болған қәшқәр ханлиқ мәдрисниңму хитайниң қоли арқилиқ йәр йүзидин мәңгүлүк йоқитилғанлиқи уйғурларда йәниму зор ғулғула қозғимақта.

Сүрәтләр www.nytimes.com Дин елинди. Аптори майкил вайнис

Сүрәт, аптор майкил вайнис ниң "хитай қәшқәр қәдимий шәһирини қоғдашниң орниға, уни йәр билән йәксан қилмақчи" намлиқ мақалисида берилгән сүрәтләрдин өрнәкләр болуп, чеқиливатқан қәшқәр шәһириниң кечә вә күндүз мәнзириси вә қәшқәрни қандақ чеқишни пиланлаватқан бир топ хитай енҗинерлириниң нәқ мәйдандики көрүнүшлиридин ибарәт.

Хитай һөкүмитиниң уйғур тарихий һәм уйғур мәдәнийитини ғәрәз қилған бу һәрикитидин нарази болған чәтәлләрдики уйғур зиялийлиридин америкида турушлуқ тарихчи қаһар барат, түркийидики нәшриятчи җелил туран әпәндиләр истансимизда бу һәқтә мәхсус пикир баян қилди.

Юқиридики аваз улинишидин, бизниң бу уйғур зиялийлири билән қәшқәр ханлиқ мәдрисниң чеқилиш вәқәси һәққидә өткүзгән сөһбитимизниң тәпсилатини аңлайсиләр.

Бесиш

Әвәтиш

Пикир - Қарашлириңизни оттуриға қойуң

Пикир - Байанлириңиз тор башқурғучиси тәрипидин тәстиқлиниши керәк болуп, тор бәттә шу заман елан қилинмайду. Бир аз вақиттин кейин, пикир - Байанлириңизниң тәстиқланған йаки тәстиқланмиғанлиқини қайта тәкшүрүп көрүшигизни сораймиз. Пикир - Қарашлириңизни төвәндики җәдвәл арқилиқ, уйғур кона йезиқи бойичә йоллийалайсиз.