ﻣﻪﺗﺒﯘﺋﺎﺕ ﺧﻪﯞﻩﺭﻟﯩﺮﯨﮕﻪ ﻗﺎﺭﯨﻐﺎﻧﺪﺍ، ﺑﯘ ﻳﯩﻞ "7 - ﺋﺎﭘﺮﯦﻞ ﺋﯚﺯﮔﯩﺮﯨﺸﻰ" ﻳﯜﺯ ﺑﯧﺮﯨﭗ، ﺑﺎﻗﯩﻴﯧﻒ ﻫﯚﻛﯜﻣﯩﺘﻰ ﺋﺎﻏﺪﯗﺭﯗﻟﻐﺎﻧﺪﯨﻦ ﻛﯧﻴﯩﻦ، ﻗﯩﺮﻏﯩﺰﯨﺴﺘﺎﻥ ﯞﻩﺯﯨﻴﯩﺘﻰ ﺋﯜﺯﻟﯜﻛﺴﯩﺰ ﺩﺍﯞﺍﻟﻐﯘﺵ ﻫﺎﻟﯩﺘﯩﺪﻩ ﻗﺎﻟﻐﺎﻥ. ﮔﻪﺭﭼﻪ ﻫﺎﻛﯩﻤﯩﻴﻪﺗﻨﻰ ﻗﻮﻟﻐﺎ ﺋﺎﻟﻐﺎﻥ، ﻛﯚﭖ ﭘﺎﺭﺗﯩﻴﯩﻠﻪﺭﺩﯨﻦ ﺗﻪﺷﻜﯩﻠﻠﻪﻧﮕﻪﻥ ﻗﯩﺮﻏﯩﺰﯨﺴﺘﺎﻥ ﯞﺍﻗﯩﺘﻠﯩﻖ ﻫﯚﻛﯜﻣﯩﺘﻰ، ﯞﻩﺯﯨﻴﻪﺗﻨﻰ ﻛﻮﻧﺘﺮﻭﻝ ﻗﯩﻠﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﻗﯩﺮﻏﯩﺰﯨﺴﺘﺎﻧﻨﯩﯔ ﺟﻪﻧﯘﺑﯩﺪﯨﻜﻰ ﺑﺎﻗﯩﻴﯧﻒ ﺗﻪﺭﻩﭘﺪﺍﺭﻟﯩﺮﻯ ﻫﺎﻛﯩﻤﯩﻴﻪﺗﻨﻰ ﺗﺎﺭﺗﯩﯟﯦﻠﯩﺶ ﺋﯜﭼﯜﻥ، ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﻗﺎﺭﺷﯩﻠﯩﻖ ﻫﻪﺭﯨﻜﻪﺗﻠﯩﺮﯨﻨﻰ ﺗﻮﺧﺘﺎﺗﻤﯩﻐﺎﻥ.

12 - ﻣﺎﻱ ﻛﯜﻧﻰ ﺋﯘﺵ ﺷﻪﻫﯩﺮﻯ ﻫﻪﻡ ﺑﺎﻗﯩﻴﯧﻔﻨﯩﯔ ﻳﯘﺭﺗﻰ ﺟﺎﻻﻟﺌﺎﺑﺎﺩ ﺋﻮﺑﻼﺳﺘﯩﺪﺍ ﻳﯜﺯ ﺑﻪﺭﮔﻪﻥ ﺑﺎﻗﯩﻴﯧﻒ ﺗﻪﺭﻩﭘﺪﺍﺭﻟﯩﺮﻯ ﺑﯩﻠﻪﻥ ﯞﺍﻗﯩﺘﻠﯩﻖ ﻫﯚﻛﯜﻣﻪﺗﻨﻰ ﻫﯩﻤﺎﻳﻪ ﻗﯩﻠﻐﯘﭼﯩﻼﺭ ﺋﺎﺭﯨﺴﯩﺪﯨﻜﻰ ﺗﻮﻗﯘﻧﯘﺷﺘﺎ 1 ﺋﺎﺩﻩﻡ ﺋﯚﻟﯜﺵ، 60 ﺗﯩﻦ ﺋﺎﺭﺗﯘﻕ ﺋﺎﺩﻩﻡ ﻳﺎﺭﯨﻠﯩﻨﯩﺶ ﯞﻩﻗﻪﺳﻰ ﻳﯜﺯ ﺑﻪﺭﮔﻪﻥ. ﭘﺎﻳﺘﻪﺧﺖ ﺑﯧﺸﻜﻪﻙ ﺷﻪﻫﯩﺮﯨﺪﻩ 12 -،13 - ﻣﺎﻱ ﻛﯜﻧﻠﯩﺮﻯ ﺑﺎﻗﯩﻴﯧﻒ ﺗﻪﺭﻩﭘﺪﺍﺭﻟﯩﺮﻯ ﯞﻩ ﯞﺍﻗﯩﺘﻠﯩﻖ ﻫﯚﻛﯜﻣﻪﺗﻨﻰ ﻫﯩﻤﺎﻳﻪ ﻗﯩﻠﻐﯘﭼﯩﻼﺭ ﭘﺎﺭﻻﻣﯧﻨﺖ ﺑﯩﻨﺎﺳﻰ ﺋﺎﻟﺪﯨﺪﺍ ﺋﯚﺯ ﺗﻪﻟﻪﭘﻠﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ ﻧﺎﻣﺎﻳﯩﺶ ﻗﯩﻠﻐﺎﻥ.

ﺑﯜﮔﯜﻥ ﻗﯩﺮﻏﯩﺰﯨﺴﺘﺎﻧﺪﺍ ﺗﯘﺭﯗﺷﻠﯘﻕ ﺋﯘﻳﻐﯘﺭ ﺯﯨﻴﺎﻟﯩﻴﻠﯩﺮﯨﺪﯨﻦ ﺋﺎﺯﺍﺩ ﻗﺎﺳﯩﻢ ﺋﻪﭘﻪﻧﺪﻯ ﻫﻪﻡ ﺩﯨﻠﻤﯘﺭﺍﺕ ﺋﻪﭘﻪﻧﺪﯨﻠﻪﺭ ﺭﺍﺩﯨﺌﻮﻣﯩﺰ ﺋﯘﻳﻐﯘﺭ ﺑﯚﻟﯜﻣﯩﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﯩﭗ، ﻧﯚﯞﻩﺗﺘﯩﻜﻰ ﻗﯩﺮﻏﯩﺰﯨﺴﺘﺎﻧﻨﯩﯔ ﺩﺍﯞﺍﻟﻐﯘﺵ ﺋﯩﭽﯩﺪﯨﻜﻰ ﯞﻩﺯﯨﻴﯩﺘﻰ ﻫﻪﻡ ﻗﯩﺮﻏﯩﺰﯨﺴﺘﺎﻧﻨﯩﯔ ﺋﯩﻘﺘﯩﺴﺎﺩﻯ ﺋﻪﻫﯟﺍﻟﯩﺪﺍ ﻳﯜﺯ ﺑﯧﺮﯨﯟﺍﺗﻘﺎﻥ ﻗﯩﻴﯩﻨﭽﯩﻠﯩﻘﻼﺭ ﻫﻪﻗﻘﯩﺪﻩ ﺋﯚﺯ ﻗﺎﺭﺍﺷﻠﯩﺮﯨﻨﻰ ﺑﺎﻳﺎﻥ ﻗﯩﻠﺪﻯ.

ﺋﺎﺯﺍﺩ ﻗﺎﺳﯩﻢ ﺋﻪﭘﻪﻧﺪﻯ ﺋﯘﺵ ﺷﻪﻫﯩﺮﻯ ﻫﻪﻡ ﺟﺎﻻﻟﺌﺎﺑﺎﺩ ﺋﻮﺑﻼﺳﺘﯩﺪﺍ ﻳﯜﺯ ﺑﻪﺭﮔﻪﻥ ﺗﻮﻗﯘﻧﯘﺵ ﻧﯚﯞﻩﺗﺘﯩﻜﻰ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺋﯚﺯﻯ ﺑﯩﻠﯩﺪﯨﻐﺎﻥ ﺋﻪﻫﯟﺍﻟﻼﺭﻧﻰ ﺳﯚﺯﻟﻪﭖ ﺑﻪﺭﺩﻯ.

ﺩﯨﻠﻤﯘﺭﺍﺕ ﺋﻪﭘﻪﻧﺪﻯ ﻧﯚﯞﻩﺗﺘﻪ، ﺑﯩﺸﻜﻪﻙ ﺷﻪﻫﯩﺮﯨﻨﯩﯔ ﺗﯩﻨﭻ ﺋﯩﻜﻪﻧﻠﯩﻜﯩﻨﻰ، ﺋﯩﻜﻜﻰ ﻛﯜﻧﺪﯨﻦ ﺑﯘﻳﺎﻥ ﭘﺎﺭﻻﻣﯧﻨﺖ ﺑﯩﻨﺎﺳﻰ ﺋﺎﻟﺪﯨﺪﺍ ﻧﺎﻣﺎﻳﯩﺶ ﺑﻮﻟﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ 7 - ﺋﺎﭘﺮﯦﻞ ﯞﻩﻗﻪﺳﯩﺪﯨﻜﯩﺪﻩﻙ ﺩﯗﻛﺎﻧﻼﺭﻧﻰ ﺑﯘﻻﯓ - ﺗﺎﻻﯓ ﻗﯩﻠﯩﺸﺘﻪﻙ ﻗﺎﻻﻳﻤﯩﻘﺎﻧﭽﯩﻠﯩﻖ ﻳﯜﺯ ﺑﻪﺭﻣﯩﮕﻪﻧﻠﯩﻜﯩﻨﻰ ﺑﺎﻳﺎﻥ ﻗﯩﻠﺪﻯ.

ﺋﺎﺯﺍﺩ ﻗﺎﺳﯩﻢ ﺋﻪﭘﻪﻧﺪﻯ ﻧﯚﯞﻩﺗﺘﯩﻜﻰ ﻗﯩﺮﻏﯩﺰﯨﺴﺘﺎﻥ ﯞﻩﺯﯨﻴﯩﺘﯩﻨﻰ ﺗﻪﻫﻠﯩﻞ ﻗﯩﻠﯩﭗ، 7 - ﺋﺎﭘﺮﯦﻠﺪﯨﻦ ﻛﯧﻴﯩﻦ ﻗﯘﺭﯗﻟﻐﺎﻥ ﺑﯩﺮﻟﻪﺷﻤﻪ ﻫﯚﻛﯜﻣﻪﺗﻨﯩﯔ ﻗﻮﻟﯩﺪﺍ، ﺩﯙﻟﻪﺕ ﻣﯘﺩﺍﭘﯩﺌﻪ ﺋﺎﺭﻣﯩﻴﯩﺴﻰ ﻫﻪﻡ ﻗﻮﺭﺍﻟﻠﯩﻖ ﺳﺎﻗﭽﯩﻼﺭ ﻛﯜﭼﻨﯩﯔ ﺑﺎﺭﻟﯩﻘﯩﻨﻰ، ﺋﯘﻧﯩﯔ ﺋﯜﺳﺘﯩﮕﻪ ﺯﻭﺭ ﻛﯚﭘﭽﯩﻠﯩﻚ ﺧﻪﻟﻖ ﺑﯩﺮﻟﻪﺷﻤﻪ ﻫﯚﻛﯜﻣﻪﺗﻨﻰ ﻗﻮﻟﻼﯞﺍﺗﻘﺎﻧﻠﯩﻘﻰ ﺋﯜﭼﯜﻥ، ﺑﺎﻗﯩﻴﯧﻒ ﺗﻪﺭﻩﭘﺪﺍﺭﻟﯩﺮﯨﻨﯩﯔ ﻗﯩﺮﻏﯩﺰﯨﺴﺘﺎﻥ ﯞﻩﺯﯨﻴﯩﺘﯩﺪﻩ ﺑﺎﺷﻘﯩﭽﻪ ﺋﯚﺯﮔﯩﺮﯨﺶ ﻗﯩﻼﻟﻤﺎﻳﺪﯨﻐﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﭘﻪﺭﯨﺰﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.

ﺋﺎﺯﺍﺩ ﻗﺎﺳﯩﻢ ﺋﻪﭘﻪﻧﺪﻯ ﻳﻪﻧﻪ، ﻗﯩﺮﻏﯩﺰﯨﺴﺘﺎﻧﻨﯩﯔ ﻧﯚﯞﻩﺗﺘﯩﻜﻰ ﺋﯩﻘﺘﯩﺴﺎﺩﻯ ﯞﻩﺯﯨﻴﯩﺘﻰ ﻫﻪﻗﻘﯩﺪﻩ ﺗﻮﺧﺘﺎﻟﺪﻯ. ﺋﯘ ﺳﯚﺯﯨﺪﻩ ﻗﯩﺮﻏﯩﺰﯨﺴﺘﺎﻥ ﯞﻩﺯﯨﻴﯩﺘﯩﺪﯨﻜﻰ ﺑﯘ ﺧﯩﻞ ﺗﯩﻨﭽﺴﯩﺰ ﻫﺎﻟﻪﺗﻨﯩﯔ، ﺋﻪﺳﻠﯩﺪﯨﻼ ﺋﺎﺟﯩﺰ ﺑﻮﻟﻐﺎﻥ ﻗﯩﺮﻏﯩﺰﯨﺴﺘﺎﻥ ﺋﯩﻘﺘﯩﺴﺎﺩﯨﺪﺍ ﺗﯧﺨﯩﻤﯘ ﺯﻭﺭ ﭼﯧﻜﯩﻨﯩﺸﻨﻰ ﭘﻪﻳﺪﺍ ﻗﯩﻠﯩﭗ، ﻧﯧﻔﯩﺖ، ﺑﯧﻨﺰﯨﻦ ﻗﺎﺗﺎﺭﻟﯩﻖ ﻳﯧﻘﯩﻠﻐﯘ ﺋﻪﺷﻴﺎﻻﺭ، ﻳﯧﻤﻪﻛﻠﯩﻚ ﻫﻪﻡ ﻛﯜﻧﺪﯨﻠﯩﻚ ﺗﯘﺭﻣﯘﺵ ﺑﯘﻳﯘﻣﻠﯩﺮﻯ ﻗﺎﺗﺎﺭﻟﯩﻘﻼﺭﻧﯩﯔ ﻛﻪﻣﭽﯩﻞ ﺑﻮﻟﯘﺷﻰ ﺧﻪﻟﻖ ﺗﯘﺭﻣﯘﺷﯩﻐﺎ ﺋﯧﻐﯩﺮ ﺋﯩﻘﺘﯩﺴﺎﺩﻯ ﺑﯧﺴﯩﻤﻼﺭﻧﻰ ﺋﯧﻠﯩﭗ ﻛﻪﻟﮕﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.

ﺋﺎﺯﺍﺩ ﺋﻪﭘﻪﻧﺪﻯ ﺳﯚﺯﯨﺪﻩ، 7 - ﺋﺎﭘﺮﯦﻠﺪﯨﻦ ﻛﯧﻴﯩﻦ ﻗﯩﺮﻏﯩﺰﯨﺴﺘﺎﻥ ﺑﯩﻠﻪﻥ ﻗﻮﺷﻨﺎ ﺑﻮﻟﻐﺎﻥ ﺋﻮﺗﺘﯘﺭﺍ ﺋﺎﺳﯩﻴﺎ ﺩﯙﻟﻪﺗﻠﯩﺮﯨﺪﯨﻦ ﻗﺎﺯﺍﻗﯩﺴﺘﺎﻥ، ﺋﯚﺯﺑﯧﻜﯩﺴﺘﺎﻥ ﭼﯧﮕﺮﯨﻠﯩﺮﯨﻨﯩﯔ ﺗﺎﻗﯩﻠﯩﺸﻰ ﺑﯩﻠﻪﻥ، ﺑﯘ ﺩﯙﻟﻪﺗﻠﻪﺭﺩﻩ ﺋﯩﺸﻠﻪﻣﭽﯩﻠﯩﻚ ﻗﯩﻠﯩﺶ ﺋﺎﺭﻗﯩﻠﯩﻖ ﺗﯘﺭﻣﯘﺷﯩﻨﻰ ﻗﺎﻣﺪﺍﯞﺍﺗﻘﺎﻥ 300 ﻣﯩﯔ ﻗﯩﺮﻏﯩﺰ ﺋﺎﻫﺎﻟﯩﺴﯩﻨﯩﯔ ﺋﯩﺸﺴﯩﺰ ﻗﯧﻠﯩﭗ، ﺋﯩﻘﺘﯩﺴﺎﺩﯨﻲ ﻣﻪﻧﺒﻪﺳﻰ ﺋﯜﺯﯛﻟﮕﻪﻧﻠﯩﻜﯩﻨﻰ، ﺧﻪﻟﻖ ﺗﯘﺭﻣﯘﺷﯩﻐﺎ ﻻﺯﯨﻤﻠﯩﻖ ﻧﻪﺭﺳﯩﻠﻪﺭﻧﯩﯔ ﻛﯧﻤﯩﻴﯩﺸﯩﻨﻰ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﺪﻯ.

ﻗﯩﺮﻏﯩﺰﯨﺴﺘﺎﻧﻨﯩﯔ ﺋﯩﻘﺘﯩﺴﺎﺩﻯ ﯞﻩﺯﯨﻴﯩﺘﯩﻨﻰ ﺗﻪﻫﻠﯩﻞ ﻗﯩﻠﻐﯘﭼﯩﻼﺭﻧﯩﯔ ﺋﻮﺗﺘﯘﺭﯨﻐﺎ ﻗﻮﻳﯘﺷﯩﭽﻪ، 2009 - ﻳﯩﻠﻰ ﺧﻪﻟﻘﺌﺎﺭﺍ ﺋﯩﻘﺘﯩﺴﺎﺩﻯ ﭼﯧﻜﯩﻨﯩﺶ ﯞﻩﺯﯨﻴﯩﺘﻰ، ﺭﯗﺳﯩﻴﻪ، ﻗﺎﺯﺍﻗﯩﺴﺘﺎﻥ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﮔﻪ ﺑﯧﺮﯨﭗ ﺋﯩﺸﻠﻪﻣﭽﯩﻠﯩﻚ ﻗﯩﻠﯩﺶ ﺋﺎﺭﻗﯩﻠﯩﻖ ﺋﯚﺯ ﺗﯘﺭﻣﯘﺷﯩﻨﻰ ﻗﺎﻣﺪﺍﻳﺪﯨﻐﺎﻥ 700 ﻣﯩﯔ ﺋﻪﺗﺮﺍﭘﯩﺪﯨﻜﻰ ﻗﯩﺮﻏﯩﺰﯨﺴﺘﺎﻥ ﭘﯘﻗﺮﺍﺳﯩﻨﯩﯔ ﻳﯘﺭﺗﯩﻐﺎ ﻗﺎﻳﺘﯩﺸﻘﺎ ﻣﻪﺟﺒﯘﺭ ﺑﻮﻟﯘﭖ، ﺋﯩﺸﺴﯩﺰ ﻗﯧﻠﯩﺸﯩﻐﺎ ﺳﻪﯞﻩﺏ ﺑﻮﻟﻐﺎﻥ ﺋﯩﻜﻪﻥ. ﻣﺎﻧﺎ ﺋﻪﻣﺪﻯ ﻗﯩﺮﻏﯩﺰﯨﺴﺘﺎﻥ ﺑﯩﻠﻪﻥ ﺋﻪﺗﺮﺍﭘﺘﯩﻜﻰ ﻗﻮﺷﻨﺎ ﺩﯙﻟﻪﺗﻠﻪﺭ ﭼﯧﮕﺮﯨﺴﯩﻨﯩﯔ ﺗﺎﻗﯩﻠﯩﺸﻰ ﻧﻪﺗﯩﺠﯩﺴﯩﺪﻩ ﻗﯩﺮﻏﯩﺰﯨﺴﺘﺎﻧﻨﯩﯔ ﺋﯩﻘﺘﯩﺴﺎﺩﻯ ﯞﻩﺯﯨﻴﯩﺘﯩﺪﻩ ﺗﯧﺨﯩﻤﯘ ﻳﺎﻣﺎﻧﻠﯩﺸﯩﺶ ﺋﻪﻫﯟﺍﻟﻰ ﻳﯜﺯ ﺑﯧﺮﯨﺸﻰ ﻣﯘﻣﻜﯩﻦ ﺋﯩﻜﻪﻥ.

ﺋﻮﺗﺘﯘﺭﺍ ﺋﺎﺳﯩﻴﺎ ﯞﻩﺯﯨﻴﯩﺘﯩﻨﻰ ﺗﻪﺗﻘﯩﻖ ﻗﯩﻠﻐﯘﭼﯩﻼﺭ ﻧﻪﺯﯨﺮﯨﺪﻩ، ﺭﺍﻳﻮﻧﺪﯨﻜﻰ ﺯﯦﻤﯩﻨﻰ 190 ﻣﯩﯔ ﻛﯟﺍﺩﺭﺍﺕ ﻛﯩﻠﻮﻣﯧﺘﯩﺮ ﺩﺍﺋﯩﺮﯨﻨﻰ ﺋﯩﮕﯩﻠﻪﻳﺪﯨﻐﺎﻥ، ﺋﻪﻣﻤﺎ ﺳﯘ - ﺋﯧﻠﯧﻜﺘﯩﺮ ﺋﯧﻨﯧﺮﮔﯩﻴﯩﺴﯩﺪﯨﻦ ﺑﺎﺷﻘﺎ، ﺑﺎﻳﻠﯩﻖ ﻣﻪﻧﺒﻪﺋﻪﻟﯩﺮﻯ ﻧﯩﺴﺒﻪﺗﻪﻥ ﻛﻪﻣﭽﯩﻞ ﺑﻮﻟﻐﺎﻥ، ﺋﺎﻫﺎﻟﯩﺴﻰ 5 ﻣﯩﻠﻴﻮﻥ 300 ﻣﯩﯔ ﺋﻪﺗﺮﺍﭘﯩﺪﯨﻜﻰ ﻗﯩﺮﻏﯩﺰﯨﺴﺘﺎﻥ ﺟﯘﻣﻬﯘﺭﯨﻴﯩﺘﻰ، ﺳﻮﯞﯦﺖ ﺋﯩﺘﺘﯩﭙﺎﻗﻰ ﭘﺎﺭﭼﯩﻼﻧﻐﺎﻧﺪﯨﻦ ﻛﯧﻴﯩﻦ ﻣﯘﺳﺘﻪﻗﯩﻞ ﺑﻮﻟﻐﺎﻥ ﺋﻮﺗﺘﯘﺭﺍ ﺋﺎﺳﯩﻴﺎ ﺩﯙﻟﻪﺗﻠﯩﺮﻯ ﺋﯩﭽﯩﺪﻩ، ﺋﯩﭽﻜﻰ ﯞﻩﺯﯨﻴﻪﺗﺘﻪ ﺩﺍﯞﺍﻟﻐﯘﺷﻼﺭ ﻛﯚﭖ ﻳﯜﺯ ﺑﻪﺭﮔﯩﻨﻰ ﺋﯜﭼﯜﻥ ﺋﯩﻘﺘﯩﺴﺎﺩﻯ ﺟﻪﻫﻪﺗﺘﯩﻦ ﻣﯘﻗﯩﻢ ﺗﻪﺭﻩﻗﻘﯩﻲ ﻗﯩﻠﯩﺶ ﭘﯘﺭﺳﯩﺘﯩﮕﻪ ﺋﯧﺮﯨﺸﻪﻟﻤﻪﻱ ﻛﯧﻠﯩﯟﺍﺗﻘﺎﻥ ﺩﯙﻟﻪﺕ ﺩﻩﭖ ﻗﺎﺭﯨﻠﯩﭗ ﻛﯧﻠﯩﯟﺍﺗﻤﺎﻗﺘﺎ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.