Qaghiliqta ikki neper ayal oqutquchi yuqirigha erz qilghanliqi üchün 35 kün qamaqta yatqan

Xitay metbuatlirida atalmish qoshtil maaripining ewzellikliri teshwiq qilinip, xewp-Xetiri we uyghurlargha élip kélidighan qiyinchiliqliri qesten halda nezerdin saqit qilinmaqta.
Muxbirimiz shöhret hoshur
2011-04-04
Élxet
Pikir
Hembehr
Print
  • Print
  • Hembehr
  • Pikir
  • Élxet
Uyghur élining xoten wilayitidiki melum bir qosh - Til mektipining oqughuchiliri.
Uyghur élining xoten wilayitidiki melum bir qosh - Til mektipining oqughuchiliri.
AFP Photo

Xitay hökümiti yolgha qoyuwatqan atalmish qosh tilliq maarip siyasiti, uyghur milliy medeniyitige zor bir tehdit shekillendürüpla qalmastin, yene, zor bir türküm uyghur ziyaliylirini xizmitidin mehrum qaldurup, uyghur jemiyitide ezeldinla mewjut bolghan ishsizliq mesilisini téximu éghirlashturmaqta.  Qaghiliq nahiyisidiki ikki neper ayal oqutquchining béshigha kelgen awarichilikler, xitayning qosh til maarip siyasitining uyghur oqutquchilar qoshunigha körsetken tesirini namayan qilmaqta.

Ayshemgül we xeyrigül qaghiliq nahiyisining tétir we kökyar yézisidin. Xeyrigül 7 yil, ayshemgül bolsa 20 yil oqutquchiliq qilghandin kéyin, 2004-Yili ushtumtut bir uqturush bilen xizmitidin qaldurulghan. Xitay tili bilmeslik ularning xizmettin qaldurushining birdin-Bir sewebi bolghan.

Ular xizmettin qaldurulghandimu ulargha héchqandaq bir tölem yaki nepiqe bérilmigen. Ularning buningdin kéyinki hayat yoli heqqide héchqandaq bir orunlashturush élip bérilmighan.

Hayatining yashliq baharini maarip ishlirigha béghishlap, axirida we ishsiz we öy-Makansiz qalghan bu oqutquchilar özliri yoluqqan heqsizliq üstidin shikayet qilip yuqiri töwen heriket qilghan bolsimu héchnémige érishelmigen؛ eksiche, ikki qétim tutqun qilinip jemiy 35 kün qamap qoyulghan.

Uyghur aptonom rayonining teyinlengen reisi nur bekri, qosh tilliq maaripning uyghurlargha tereqqiyat we bext-Saadet élip kélidighanliqini köp qétim tekitligen؛ musteqil tetqiqatchi ilham toxti bolsa, atalmish qosh tilliq maaripning؛ uyghurlarning kélechiki üchün xewp-Xeterning bashlanghuchi ikenlikini bildürgen idi. Muhajirettiki uyghur paaliyetchiliri bolsa, qosh tilliq maaripni emeldin qaldurush, eng bolmighanda uning ijraat qedimini astilitish üchün xelqara sorunlarda munasiwetlik paaliyetlerni élip barmaqta.

Toluq bet