ﺭﺍﺑﯩﻴﻪ ﺧﺎﻧﯩﻢ ﺑﯘ ﯞﻩﻗﻪﻧﻰ ﯞﻩﻫﺸﯩﻲ ﻗﯩﻠﯩﻤﯩﺶ، ﺑﯘﻧﻰ ﺧﯩﺘﺎﻱ ﻫﯚﻛﯜﻣﯩﺘﻰ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ، ﺩﻩﭖ ﻗﺎﺭﺍﻳﺪﯗ.

ﺭﺍﺑﯩﻴﻪ ﺧﺎﻧﯩﻤﻨﯩﯔ ﻗﺎﺭﯨﺸﯩﭽﻪ، 'ﺷﺎﯞﮔﯘﻩﻥ ﯞﻩﻗﻪﺳﻰ' ﯞﺍﯓ ﻟﯧﭽﯘﻩﻥ، ﻧﯘﺭ ﺑﻪﻛﺮﯨﻠﻪﺭ ﺩﻩﯞﺍﺗﻘﺎﻥ 'ﻣﯩﻠﻠﻪﺗﻠﻪﺭ ﺋﯩﺘﺘﯩﭙﺎﻗﻰ' ﺩﯦﮕﻪﻥ ﺳﯩﻴﺎﺳﻪﺗﻨﯩﯔ ﺟﺎﻧﻠﯩﻖ ﭼﯜﺷﻪﻧﺪﯛﺭﯛﻟﯘﺷﻰ.

ﺭﺍﺑﯩﻴﻪ ﺧﺎﻧﯩﻤﻨﯩﯔ ﻗﺎﺭﯨﺸﯩﭽﻪ، ﯞﺍﯓ ﻟﯧﭽﯘﻩﻥ ﻧﯩﯔ 'ﺋﯧﺸﯩﻨﭽﻰ ﺋﻪﻣﮕﻪﻙ ﻛﯜﭼﻠﯩﺮﻯ' ﺩﯦﮕﻪﻥ ﺳﯩﻴﺎﺳﯩﺘﯩﮕﻪ ﺋﻪﺳﻠﯩﺪﯨﻼ ﺑﯩﺮ ﻳﺎﻣﺎﻥ ﻧﯩﻴﻪﺕ ﻳﻮﺷﯘﺭﯗﻧﻐﺎﻥ ﺋﯩﺪﻯ، ﺋﯘ، ﺋﯘﻳﻐﯘﺭﻻﺭﻧﻰ ﺧﯩﺘﺎﻱ ﻳﯘﺭﺗﻠﯩﺮﯨﻐﺎ ﺋﺎﭘﯩﺮﯨﭗ ﺋﯚﻟﺘﯜﺭﯛﺷﻨﻰ ﻣﻪﻗﺴﻪﺕ ﻗﯩﻠﻐﺎﻥ. ﺭﺍﺑﯩﻴﻪ ﺧﺎﻧﯩﻤﻨﯩﯔ ﻗﺎﺭﯨﺸﯩﭽﻪ، ﺧﯩﺘﺎﻳﻨﻰ ﻗﺎﻧﯘﻥ ﺑﯩﻠﻪﻥ ﺋﯩﺪﺍﺭﻩ ﻗﯩﻠﯩﻨﯩﺪﯨﻐﺎﻥ ﺩﯙﻟﻪﺕ ﺩﯦﮕﯩﻠﻰ ﺑﻮﻟﻤﺎﻳﺪﯗ.

ﺭﺍﺑﯩﻴﻪ ﺧﺎﻧﯩﻢ ﺑﯜﮔﯜﻥ ﭘﯜﺗﯜﻥ ﺋﯘﻳﻐﯘﺭ ﺧﻪﻟﻘﯩﻨﻰ ﺑﯩﺮﺩﻩﻙ ﻫﻪﺭﯨﻜﻪﺗﻠﯩﻨﯩﭗ، ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﺳﻮﺭﺍﻗﻘﺎ ﺗﺎﺭﺗﯩﺸﻘﺎ، ﭘﯜﺗﯜﻥ ﺩﯗﻧﻴﺎﺩﯨﻜﻰ ﺩﯦﻤﻮﻛﺮﺍﺗﯩﻚ ﻛﯜﭼﻠﻪﺭﻧﻰ ﺑﯘ ﯞﻩﻗﻪﮔﻪ ﺋﺎﺭﯨﻠﯩﺸﯩﭗ، ﺗﻪﻛﺸﯜﺭﯛﭖ ﺑﯩﺮ ﺗﻪﺭﻩﭖ ﻗﯩﻠﯩﺸﻘﺎ ﭼﺎﻗﯩﺮﺩﻯ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﮔﯘﺍﯕﺪﯗﯓ ﺷﻴﺎﯞﮔﯜﻩﻥ ﻗﺎﻧﻠﯩﻖ ﯞﻩﻗﻪﺳﻰ ﻫﻪﻗﻘﯩﺪﯨﻜﻰ ﺑﺎﻳﺎﻧﺎﺗﯩﻨﯩﯔ ﺗﻪﭘﺴﯩﻼﺗﻰ ﺗﯚﯞﻩﻧﺪﯨﻜﯩﭽﻪ:

 *                           *                         *                        *

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﮔﯘﺍﯕﺪﯗﯓ ﺷﻴﺎﯞﮔﯜﻩﻥ ﻗﺎﻧﻠﯩﻖ ﯞﻩﻗﻪﺳﻰ ﻫﻪﻗﻘﯩﺪﯨﻜﻰ ﺑﺎﻳﺎﻧﺎﺗﻰ

ﺷﻪﺭﻗﻰ ﺗﯜﺭﻛﯩﺴﺘﺎﻥ ﺋﻪﺳﻠﯩﺪﻩ ﺋﯘﻳﻐﯘﺭﻧﯩﯔ ﯞﻩﺗﯩﻨﻰ ﺑﻮﻟﯘﭖ، ﺧﯩﺘﺎﻳﻼﺭ ﺗﻪﺭﯨﭙﯩﺪﯨﻦ 1949 - ﻳﯩﻠﻰ ﺋﯩﺸﻐﺎﻝ ﻗﯩﻠﯩﯟﯦﻠﯩﻨﻐﺎﻥ. ﺋﯘﻳﻐﯘﺭﻻﺭﻏﺎ ﻧﯩﺴﺒﻪﺗﻪﻥ، ﺷﻪﺭﻗﻰ ﺗﯜﺭﻛﯩﺴﺘﺎﻥ ﺋﯩﺸﻠﻪﻳﻤﻪﻥ ﺩﯦﺴﻪ ﺋﯩﺸﻠﻪﺵ ﺋﯩﻤﻜﺎﻧﻰ ﺑﺎﺭ، ﺋﻪﻣﮕﻪﻙ ﻛﯜﭼﯩﮕﻪ ﺋﯧﻬﺘﯩﻴﺎﺟﻠﯩﻖ ﺑﻮﻟﻐﺎﻥ، ﺋﻪﻣﮕﻪﻙ ﻛﯜﭼﻰ ﻳﯧﺘﯩﺸﻤﻪﻳﯟﺍﺗﻘﺎﻥ ﺑﯩﺮ ﺟﺎﻱ.

ﺋﯘﻳﻐﯘﺭﻻﺭﻧﯩﯔ 86% ﺩﯦﻬﻘﺎﻥ. ﺋﯘﻻﺭ ﺧﯩﺘﺎﻳﻨﯩﯔ ﺋﺎﻟﯟﺍﯓ ‏ - ﺳﯧﻠﯩﻘﻰ ﯞﻩ ﻣﯩﻠﻠﯩﻲ ﺯﯗﻟﯘﻣﻰ ﺑﻮﻟﻤﯩﺴﺎ، ﺋﯚﺯﯨﻨﯩﯔ ﺋﺎﺋﯩﻠﯩﺴﯩﺪﻩ ﺩﯦﻬﻘﺎﻧﭽﯩﻠﯩﻖ ﺑﯩﻠﻪﻥ ﺷﯘﻏﯘﻟﻠﯩﻨﯩﭗ ﺗﯩﺮﯨﻜﭽﯩﻠﯩﻚ ﻗﯩﻠﯩﯟﺍﺗﻘﺎﻥ ﺑﯩﺮ ﺧﻪﻟﻖ ﺋﯩﺪﻯ. ﺋﺎﻟﺪﻯ ﺑﯩﻠﻪﻥ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻻﺭﻧﻰ ﺋﯩﻘﺘﯩﺴﺎﺩﻯ ﺟﻪﻫﻪﺗﺘﯩﻦ ﯞﻩﻳﺮﺍﻥ ﻗﯩﻠﺪﻯ، ﺋﺎﻧﺪﯨﻦ ﻣﺎﺋﺎﺭﯨﭗ ﺟﻪﻫﻪﺗﺘﯩﻦ ﯞﻩﻳﺮﺍﻥ ﻗﯩﻠﺪﻯ؛ ﺩﯨﻨﯩﻲ ﺋﯧﺘﯩﻘﺎﺩﯨﻨﻰ، ﺋﺎﻧﺎ ﺗﯩﻠﯩﻨﻰ ﻳﻮﻕ ﻗﯩﻠﺪﻯ. ﺋﯘﻳﻐﯘﺭﻧﯩﯔ ﭘﺎﻛﯩﺰﻩ، ﮔﯜﺯﻩﻝ، ﺋﻪﻧﺌﻪﻧﯩﯟﻯ ﺋﻪﺧﻼﻗﯩﻨﻰ ﻳﯩﻤﯩﺮﯨﭗ ﺗﺎﺷﻠﯩﺪﻯ. ﺷﻪﺭﻗﻰ ﺗﯜﺭﻛﯩﺴﺘﺎﻧﻐﺎ ﺧﯩﺘﺎﻱ ﻛﯚﭼﻤﻪﻧﻠﯩﺮﯨﻨﻰ ﺋﻪﻛﯩﻠﯩﭗ، ﺋﯘﻳﻐﯘﺭ ﺧﻪﻟﻘﯩﻨﯩﯔ ﻳﻪﺭ - ﺯﯦﻤﯩﻦ، ﻳﺎﺷﺎﺵ ﺋﯩﻤﻜﺎﻧﻠﯩﺮﯨﻨﻰ ﺗﺎﺭﺗﯩﭗ ﺋﯧﻠﯩﭗ ﺧﯩﺘﺎﻳﻼﺭﻏﺎ ﺑﻪﺭﺩﻯ. 1980 ‏ - ﻳﯩﻠﻼﺭﺩﯨﻦ ﺑﺎﺷﻼﭖ ﺋﯘﻳﻐﯘﺭ ﺩﯦﻬﻘﺎﻧﻠﯩﺮﯨﻨﯩﯔ ﭘﻪﺭﺯﻩﻧﺘﻠﯩﺮﯨﮕﻪ ﻳﻪﺭ ﺗﻪﻗﺴﯩﻢ ﻗﯩﻠﯩﭗ ﺑﯧﺮﯨﻠﻤﯩﺪﻯ. ﻧﻪﺗﯩﺠﯩﺪﻩ ﻣﯩﻠﻴﻮﻧﻠﯩﻐﺎﻥ ﻳﻪﺭﺳﯩﺰ، ﺋﯩﺸﺴﯩﺰ، ﺋﻮﻗﯘﺷﺴﯩﺰ ﺋﯘﻳﻐﯘﺭ ﻳﺎﺷﻠﯩﺮﻯ ﻗﻮﺷﯘﻧﻰ ﺑﺎﺭﻟﯩﻘﻘﺎ ﻛﻪﻟﺪﻯ.

ﺧﯩﺘﺎﻱ ﻫﯚﻛﯜﻣﯩﺘﻰ ﻣﻪﺧﺴﯘﺱ ﻗﺎﺭﺍﺭ ﺋﯧﻠﯩﭗ، ﺷﻪﺭﻗﻰ ﺗﯜﺭﻛﯩﺴﺘﺎﻧﺪﯨﻜﻰ ﺧﯩﺰﻣﻪﺕ ﺋﻮﺭﻧﻰ، ﺋﯩﻤﺘﯩﻴﺎﺯﻻﺭﻧﻰ ﺧﯩﺘﺎﻱ ﻛﯚﭼﻤﻪﻧﻠﯩﺮﯨﮕﻪ ﺑﻪﺭﺩﻯ. ﺋﯘﻳﻐﯘﺭﻻﺭﻧﻰ ﺋﯩﺸﺴﯩﺰﻟﯩﻖ، ﻧﺎﻣﺮﺍﺗﻠﯩﻘﺘﯩﻦ ﺋﯩﻼﺟﯩﺴﯩﺰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺑﯧﺮﯨﭗ، ﺋﻪﺭﺯﺍﻥ ﻗﯘﻝ ﺑﻮﻟﯘﺷﻘﺎ ﻣﺎﻗﯘﻝ ﺩﻩﻳﺪﯨﻐﺎﻥ ﻫﺎﻟﻪﺗﻜﻪ ﭼﯜﺷﯜﺭﯛﭖ ﻗﻮﻳﺪﻯ. 2006 - ﻳﯩﻠﺪﯨﻦ ﺑﺎﺷﻼﭖ، ﺋﯘﻳﻐﯘﺭ ﻗﯩﺰﻟﯩﺮﯨﻨﻰ، ﻳﻪﻧﻰ 14 ﻳﺎﺷﺘﯩﻦ 25 ﻳﺎﺷﻘﯩﭽﻪ ﺑﻮﻟﻐﺎﻥ ﻗﯩﺰﻻﺭﻧﻰ، ﻫﻪﺗﺘﺎ ﻳﯧﯖﻰ ﺗﻮﻱ ﻗﯩﻠﻐﺎﻥ ﻳﺎﺵ ﺋﻪﺭ - ﺋﺎﻳﺎﻟﻼﺭﻧﻰ ﺋﻪﺭﺯﺍﻥ ﺋﻪﻣﮕﻪﻙ ﻛﯜﭼﻰ ﻗﯩﻠﯩﭗ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺋﻮﻥ ﻣﯩﯖﻼﭖ ﻳﯚﺗﻜﻪﺷﻜﻪ ﺑﺎﺷﻠﯩﺪﻯ. ﺑﯘ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭﻻﺭﻧﻰ ﺗﺎﺭﻗﺎﻗﻼﺷﺘﯘﺭﯗﭖ ﻳﻮﻗﯩﺘﯩﺶ ﯞﻩ ﻣﯩﻠﻠﯩﻲ ﻗﯩﺮﻏﯩﻦ ﻗﯩﻠﯩﺶ ﺳﯩﻴﺎﺳﯩﺘﻰ ﺋﯩﺪﻯ.

ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭﻻﺭﻧﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻳﯚﺗﻜﻪﺵ ﺑﯩﻠﻪﻥ ﺑﯩﻠﻠﻪ، ﭘﯜﺗﯜﻥ ﺧﯩﺘﺎﻳﻼﺭﻏﺎ ﺋﯘﻳﻐﯘﺭﻻﺭﻧﻰ ﺩﺍﯞﺍﻣﻠﯩﻖ ﺑﯚﻟﮕﯜﻧﭽﻰ، ﺗﯧﺮﺭﻭﺭﭼﻰ، ﻳﺎﯞﺍﻳﻰ ﻣﯩﻠﻠﻪﺕ ﺩﻩﭖ ﺗﻪﺷﯟﯨﻘﺎﺕ ﻗﯩﻠﯩﭗ، ﺧﯩﺘﺎﻱ ﺋﯚﻟﻜﯩﻠﯩﺮﯨﺪﻩ ﺋﯘﻳﻐﯘﺭﻏﺎ ﻳﺎﺗﺎﻕ ﺑﻪﺭﻣﻪﻳﺪﯨﻐﺎﻥ، ﺋﯘﻳﻐﯘﺭﻻﺭﻧﻰ ﻛﯚﺭﺳﻪ ﺋﯘﺭﯗﭖ ﺋﯚﻟﺘﯜﺭﮔﯩﺴﻰ ﻛﯧﻠﯩﺪﯨﻐﺎﻥ ﻛﻪﻳﭙﯩﻴﺎﺕ ﭘﻪﻳﺪﺍ ﻗﯩﻠﻐﺎﻥ ﺋﯩﺪﻯ.

ﺑﯩﺮ ﻧﻪﭼﭽﻪ ﻗﯧﺘﯩﻢ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭﻧﻰ ﺧﯩﺘﺎﻳﻼﺭ ﺋﯚﻟﺘﯜﺭﺳﻪ ﺋﯘﻻﺭﻏﺎ ﻫﯧﭽﻘﺎﻧﺪﺍﻕ ﺗﻪﺩﺑﯩﺮ ﻗﻮﻟﻼﻧﻤﺎﻱ، ﺧﯩﺘﺎﻳﻼﺭﻧﯩﯔ ﻛﺎﻟﻠﯩﺴﯩﺪﺍ ﺋﯘﻳﻐﯘﺭﻻﺭﻧﻰ ﺋﯘﺭﯗﭖ ﺋﯚﻟﺘﯜﺭﺳﻪﻙ ﻣﯘﻛﺎﭘﺎﺕ ﺋﺎﻟﯩﻤﯩﺰ ﺩﯦﮕﻪﻧﺪﻩﻙ ﻛﻪﻳﭙﯩﻴﺎﺕ ﭘﻪﻳﺪﺍ ﻗﯩﻠﺪﻯ.

ﻣﯘﺷﯘﻧﺪﺍﻕ ﺋﯚﭼﻤﻪﻧﻠﯩﻚ ﻛﻪﻳﭙﯩﻴﺎﺗﻰ ﺋﯩﭽﯩﺪﻩ ﻳﺎﺷﺎﯞﺍﺗﻘﺎﻥ ﺧﯩﺘﺎﻳﻼﺭﻧﯩﯔ ﺋﺎﺭﯨﺴﯩﻐﺎ ﺋﯘﻳﻐﯘﺭﻻﺭﻧﻰ ﺋﻪﻛﯩﻠﯩﭗ ﺗﺎﺷﻼﭖ ﺑﯧﺮﯨﺸﻨﯩﯔ ﻗﺎﻧﺪﺍﻕ ﻳﺎﻣﺎﻥ ﺋﺎﻗﯩﯟﻩﺗﻠﻪﺭﻧﻰ ﺋﯧﻠﯩﭗ ﻛﯩﻠﯩﺪﯨﻐﺎﻧﻠﯩﻘﻰ ﺗﻮﻏﺮﯨﺴﯩﺪﺍ ﭼﻪﺗﺌﻪﻟﻠﻪﺭﺩﯨﻜﻰ ﺋﯘﻳﻐﯘﺭ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﺗﻪﻛﺮﺍﺭ ﺋﺎﮔﺎﻫﻼﻧﺪﯗﺭﻏﺎﻥ ﺋﯩﺪﻯ.

ﺷﯘﻧﺪﺍﻕ ﺋﻪﻫﯟﺍﻝ ﺋﺎﺳﺘﯩﺪﺍ، ﺑﯘ ﻳﯩﻞ ﺑﯩﺸﯩﺪﺍ 800 ﻧﻪﭘﻪﺭ ﺋﯘﻳﻐﯘﺭ ﻳﺎﺵ ﺋﻪﺭ - ﺋﺎﻳﺎﻟﻼﺭ ﮔﯘﺍﯕﺪﯗﯓ ﺋﯚﻟﻜﯩﺴﯩﺪﯨﻜﻰ ﺷﻴﺎﯞﮔﯜﻩﻥ ﺋﻮﻳﯘﻧﭽﯘﻕ ﺯﺍﯞﯗﺗﯩﻐﺎ ﻳﯜﺗﻜﻪﭖ ﻛﯩﻠﯩﻨﺪﻯ. ﺑﯘ ﺯﺍﯞﯗﺗﺘﺎ 6 ﻣﯩﯖﺪﯨﻦ ﺋﺎﺭﺗﯘﻕ ﻳﻪﺭﻟﯩﻚ ﺋﯩﺸﭽﻰ ﺑﻮﻟﯘﭖ، ﺯﺍﯞﯗﺗﻘﺎ ﻳﯚﺗﻜﻪﭖ ﻛﯩﻠﯩﻨﮕﻪﻥ ﺋﻪﺭ - ﺋﺎﻳﺎﻟﻼﺭﻧﯩﯔ ﺗﯘﻏﯘﺗﻰ ﭼﻪﻛﻠﻪﻧﺪﻯ؛ ﺋﻪﺭ - ﺋﺎﻳﺎﻟﻼﺭﻧﻰ ﭘﯘﺗﯘﻧﻠﻪﻱ ﺋﺎﻳﺮﯨﭗ ﺗﺎﺷﻼﭖ، ﺋﻪﺭﻟﻪﺭﮔﻪ ﺋﺎﻳﺮﯨﻢ، ﺋﺎﻳﺎﻟﻼﺭﻏﺎ ﺋﺎﻳﺮﯨﻢ ﻗﯩﻠﯩﭗ ﻳﺎﺗﺎﻕ ﺑﯧﺮﯨﻠﺪﻯ. ﻳﺎﺵ ﻗﯩﺰ ‏ - ﺋﺎﻳﺎﻟﻼﺭﻧﻰ ﻛﻪﭼﻠﯩﺮﻯ ﺧﯩﺘﺎﻱ ﺋﻪﻣﻪﻟﺪﺍﺭﻟﯩﺮﻯ ﺩﻩﭘﺴﻪﻧﺪﻩ ﻗﯩﻠﯩﺪﯨﻐﺎﻥ، ﺋﯘﻳﻐﯘﺭ ﺋﻪﺧﻼﻗﯩﻐﺎ ﻣﯘﺧﺎﻟﯩﭗ ﺋﯩﺸﻼﺭ ﺑﯩﻠﻪﻥ ﺋﯘﻻﺭﻧﻰ ﺧﺎﺭﻟﯩﻐﺎﻥ ﯞﻩ ﻏﯘﺭﯗﺭﯨﻐﺎ ﺗﻪﻛﻜﻪﻥ ﺋﯩﺸﻼﺭ ﻳﯜﺯ ﺑﯧﺮﯨﭗ ﺗﯘﺭﺩﻯ. ﺯﺍﯞﯗﺗﻘﺎ ﻛﻪﻟﮕﻪﻥ ﺋﻪﺭ - ﺋﺎﻳﺎﻟﻼﺭ ﺑﯘ ﻫﻪﻗﺘﻪ ﺑﯩﺮ ﻧﻪﭼﭽﻪ ﻗﯧﺘﯩﻢ ﭘﯩﻜﯩﺮ ﻗﯩﻠﻐﺎﻥ،  ﻧﺎﺭﺍﺯﯨﻠﯩﻖ ﺑﯩﻠﺪﯗﺭﮔﻪﻥ ﯞﻩ ﻗﺎﺭﺷﯩﻠﯩﻖ ﺋﻪﺭﺯﻯ ﺑﻪﺭﮔﻪﻥ ﻫﻪﻣﺪﻩ ﻗﺎﻳﺘﯩﭗ ﻛﯧﺘﯩﻤﯩﺰ ﺩﯦﺴﻪ ﻗﺎﻳﺘﯩﺸﻘﺎ ﺭﯗﺧﺴﻪﺕ ﻗﯩﻠﻤﯩﻐﺎﻥ ﯞﻩ ﺋﻪﺭﺯﯨﮕﯩﻤﯘ ﻫﯧﭽﻜﯩﻢ ﭘﻪﺭﯞﺍ ﻗﯩﻠﻤﯩﻐﺎﻥ.

ﺋﯧﻴﺘﯩﺸﻼﺭﻏﺎ ﻗﺎﺭﯨﻐﺎﻧﺪﺍ، ﺷﯘ ﯞﻩﻗﻪ ﻳﯜﺯ ﺑﻪﺭﮔﻪﻥ ﻛﯜﻧﻰ ﺑﯩﺮ ﻧﻪﭼﭽﻪ ﻗﯩﺰﻻﺭ ﺋﻪﺭﻟﯩﺮﻯ ﺑﯩﻠﻪﻥ ﺑﯩﺮﮔﻪ ﺋﻪﺭﺯ ﻗﯩﻠﻐﺎﻥ؛ ﺋﯘ ﻳﻪﺭﺩﻩ ﺧﯩﺘﺎﻱ ﺋﻪﻣﻪﻟﺪﺍﺭﻟﯩﺮﻯ ﺑﯩﻠﻪﻥ ﺋﯘﻻﺭ ﺋﻮﺗﺘﯘﺭﯨﺴﯩﺪﺍ ﻣﺎﺟﺮﺍ ﭼﯩﻘﻘﺎﻥ، ﯞﻩﻗﻪﻧﯩﯔ ﻛﯧﻠﯩﭗ ﭼﯩﻘﯩﺸﻰ ﺋﻪﻧﻪ ﺷﯘﻧﺪﺍﻕ ﺑﺎﺷﻼﻧﻐﺎﻥ.

ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﯩﻨﯩﯔ ﻣﯘﺧﺒﯩﺮﯨﻨﯩﯔ، ﯞﻩﻗﻪ ﺑﻮﻟﻐﺎﻥ ﻧﻪﻕ ﻣﻪﻳﺪﺍﻧﺪﯨﻦ ﻗﯧﭽﯩﭗ ﻗﯘﺗﯘﻟﯘﭖ، ﻫﺎﺯﯨﺮ ﺷﺎﯞﮔﯜﻩﻧﺪﯨﻜﻰ ﺑﯩﺮ ﻣﯧﻬﻤﺎﻧﻬﺎﻧﯩﺪﺍ ﭘﺎﻧﺎﻫﻠﯩﻨﯩﭗ ﺗﯘﺭﯗﯞﺍﺗﻘﺎﻥ ﺋﯩﻜﻜﻰ ﻧﻪﭘﻪﺭ ﺋﯘﻳﻐﯘﺭ ﺑﺎﻟﯩﺴﻰ ﺑﯩﻠﻪﻥ 7 - ﺋﺎﻳﻨﯩﯔ 2 - ﻛﯘﻧﻰ ﺋﯚﺗﻜﯘﺯﮔﻪﻥ ﺳﻮﻫﺒﯩﺘﯩﺪﯨﻦ ﻗﺎﺭﯨﻐﺎﻧﺪﺍ، 2009 - ﻳﯩﻠﻰ 6 - ﺋﺎﻳﻨﯩﯔ 26 - ﻛﯘﻧﻰ، ﺷﻴﺎﯞﮔﯜﻩﻥ ﺷﯜﺭﻯ ﺋﻮﻳﯘﻣﭽﯘﻕ ﺯﺍﯞﯗﺗﯩﺪﯨﻜﻰ ﺋﯩﺸﭽﯩﻼﺭ ﯞﻩ ﺳﯩﺮﺗﺘﯩﻦ ﻛﯩﺮﮔﻪﻧﻠﻪﺭ ﺑﻮﻟﯘﭖ، 10 ﻣﯩﯖﺪﯨﻦ ﺋﺎﺭﺗﯘﻕ ﺧﯩﺘﺎﻱ، ﻛﻪﭺ ﺳﺎﺋﻪﺕ 12 ﻟﻪﺭﺩﯨﻦ 7 ﮔﯩﻜﻪ، ﺋﯘﻳﻐﯘﺭ ﺋﯩﺸﭽﯩﻼﺭﻧﯩﯔ ﻳﺎﺗﺎﻗﻠﯩﺮﯨﻐﺎ ﺑﯧﺴﯩﭗ ﻛﯩﺮﯨﭗ، ﻗﻮﺭﺍﻟﺴﯩﺰ، ﻳﯚﻟﻪﻛﺴﯩﺰ، ﺑﯩﮕﯘﻧﺎﻫ ﺋﯘﻳﻐﯘﺭﻻﺭﻧﻰ ﻗﻮﻏﻼﭖ ﻳﯜﺭﯛﭖ ﺋﯘﺭﯗﭖ ﺋﯚﻟﺘﯜﺭﮔﻪﻥ؛ ﺧﯩﺘﺎﻳﻼﺭﻧﯩﯔ ﻗﻮﻟﯩﺪﺍ ﺗﻮﻣﯘﺭ ﻛﺎﻟﺘﻪﻛﻠﻪﺭ، ﭘﺎﻟﺘﺎ، ﺋﯘﺯﯗﻥ ﭘﯩﭽﺎﻗﻼﺭ ﺑﻮﻟﯘﭖ، ﺑﯘ ﻗﻮﺭﺍﻟﻼﺭﻧﯩﯔ ﺋﯘﻻﺭﻧﯩﯔ ﻗﻮﻟﯩﺪﺍ ﻗﺎﻧﺪﺍﻕ ﻗﯩﻠﯩﭗ ﺑﯘﻧﺪﺍﻕ ﺗﯩﺰ ﭘﻪﻳﺪﺍ ﺑﻮﻟﯘﭖ ﻗﺎﻟﻐﺎﻧﻠﯩﻘﻰ ﻛﯩﺸﯩﻨﻰ ﺋﻮﻳﻼﻧﺪﯗﺭﯨﺪﯗ. ﺋﯘﻧﺪﯨﻦ ﺳﯩﺮﺕ، ﻳﻮﺗﯘﺑﺘﯩﻜﻰ ﯞﻩ ﺧﯩﺘﺎﻱ ﺗﻮﺭ ﺑﻪﺗﻠﯩﺮﯨﺪﯨﻜﻰ ﻓﯩﻠﯩﻢ (2009 - ﻳﯩﻠﻰ 7 - ﺋﺎﻳﻨﯩﯔ 2 - ﻛﯘﻧﻰ ﻗﻮﻳﯘﻟﻐﺎﻥ) ﻻﺭﺩﺍ، ﺧﯘﺩﺩﻯ ﻳﻮﻗﯩﺮﯨﻘﻰ ﺋﯚﻟﯜﻣﺪﯨﻦ ﻗﯘﺗﯘﻟﯘﭖ ﻗﺎﻟﻐﺎﻥ ﭼﺎﺭﯨﺴﯩﺰ ﺋﯘﻳﻐﯘﺭ ﺑﺎﻟﯩﻼﺭ ﺑﺎﻳﺎﻥ ﻗﯩﻠﻐﺎﻧﺪﻩﻙ، ﻧﻪﻕ ﻣﻪﻳﺪﺍﻧﺪﺍ 50 ﺗﯩﻦ ﺋﺎﺭﺗﯘﻕ ﺋﯚﻟﮕﻪﻥ ﺋﯘﻳﻐﯘﺭﻧﯩﯔ ﻗﺎﻥ ﺋﯩﭽﯩﺪﻩ ﻳﺎﺗﻘﺎﻥ ﺋﻪﻫﯟﺍﻟﻰ ﻛﯚﺭﺳﯩﺘﯩﻠﮕﻪﻥ.

ﺑﯘ 2 ﺑﯩﮕﯘﻧﺎﻫ ﺑﺎﻟﯩﻨﯩﯔ ﺋﯧﻴﺘﯩﺸﯩﭽﻪ، 50 ﺗﯩﻦ ﺋﺎﺭﺗﯘﻕ ﺋﯘﻳﻐﯘﺭﻧﯩﯔ ﺋﯘﺭﯗﭖ ﺋﯚﻟﺘﯜﺭﯛﻟﮕﻪﻧﻠﯩﻜﻰ؛ 300 ﺩﯨﻦ ﺋﺎﺭﺗﯘﻕ ﺋﯘﻳﻐﯘﺭﻧﯩﯔ ﺋﯧﻐﯩﺮ ﯞﻩ ﻳﯩﻨﯩﻚ ﺩﻩﺭﯨﺠﯩﺪﻩ ﻳﺎﺭﯨﺪﺍﺭ ﺑﻮﻟﻐﺎﻧﻠﯩﻘﻰ ﯞﻩ ﻫﻪﺗﺘﺎ ﻗﯩﺰﻻﺭﻧﯩﯖﻤﯘ ﺭﻩﻫﯩﻤﺴﯩﺰﻟﻪﺭﭼﻪ ﺋﯚﻟﺘﯜﺭﯛﻟﮕﻪﻧﻠﯩﻜﻰ ﻗﻪﻳﺖ ﻗﯩﻠﯩﻨﻐﺎﻥ.

ﻫﻪﺗﺘﺎ، ﮔﯘﺍﯕﺪﯗﯓ ﺷﺎﯞﮔﯜﻩﻧﺪﯨﻜﻰ ﺋﯘﻳﻐﯘﺭﻻﺭﻧﻰ ﺩﺍﯞﺍﻻﯞﺍﺗﻘﺎﻥ ﻣﻪﻟﯘﻡ ﺩﻭﺧﺘﯘﺭﺧﺎﻧﺎ ﺧﺎﺩﯨﻤﻰ ﻣﯘﺧﺒﯩﺮ ﺗﯧﻠﯧﻔﻮﻥ ﻗﯩﻠﻐﺎﻧﺪﺍ، ﺋﯘﻳﻐﯘﺭﻻﺭﻧﯩﯔ ﻳﺎﻣﺎﻥ ﺋﺎﺩﻩﻡ ﺋﯩﻜﻪﻧﻠﯩﻜﯩﻨﻰ، ﺋﯘﻻﺭﻧﯩﯔ ﺋﯚﻟﯜﺷﻰ ﻛﯧﺮﻩﻛﻠﯩﻜﯩﻨﻰ ﺋﯧﻴﺘﻘﺎﻥ.

ﺩﯦﻤﻪﻙ ﺑﯘ ﯞﻩﻗﻪ ﯞﻩ ﯞﻩﻗﻪﻧﯩﯔ ﺋﺎﺭﻗﺎ ﻛﯚﺭﯛﻧﯜﺷﯩﺪﯨﻦ، ﺷﯘﻧﺪﺍﻗﻼ ﺧﯩﺘﺎﻱ ﻫﯚﻛﯚﻣﯩﺘﯩﻨﯩﯔ ﺋﯘﻳﻐﯘﺭﻻﺭﻧﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻳﯚﺗﻜﻪﺵ ﯞﻩﻗﻪﻟﯩﺮﯨﺪﯨﻦ ﺷﯘ ﻧﻪﺭﺳﻪ ﺋﯧﻨﯩﻘﻜﻰ، ﻣﺎﻫﯩﻴﻪﺕ ﺟﻪﻫﻪﺗﺘﯩﻦ ﺧﯩﺘﺎﻱ ﻫﯚﻛﯜﻣﯩﺘﻰ ﮔﻪﺭﭼﻪ ﺋﯘﻳﻐﯘﺭﻻﺭﻧﻰ ﺧﯩﺘﺎﻱ ﺷﻪﻫﻪﺭﻟﯩﺮﯨﮕﻪ ﻳﯚﺗﻜﻪﭖ، ﺋﯘﻻﺭﻏﺎ ﺋﯩﺶ ﺑﻪﺭﺩﯗﻕ ﺩﯨﮕﻪﻥ ﺑﺎﻫﺎﻧﯩﻨﻰ ﻛﯚﺭﺳﻪﺗﺴﯩﻤﯘ، ﺋﻪﻣﻪﻟﯩﻴﻪﺗﺘﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﺳﺎﻗﭽﻰ ﯞﻩ ﻫﻮﻛﯘﻣﻪﺕ ﺋﺎﺭﻗﯩﻠﯩﻘﻼ ﺋﻪﻣﻪﺱ، ﭘﯘﺗﯘﻥ ﺧﯩﺘﺎﻱ ﭘﯘﻗﺮﺍﻟﯩﺮﯨﻨﻰ ﺳﻪﭘﻪﺭﯞﻩﺭ ﻗﯩﻠﯩﭗ ﺋﯘﻳﻐﯘﺭﻻﺭﻧﻰ ﻛﯚﺭﮔﻪﻥ ﻳﻪﺭﺩﻩ ﺋﯚﻟﺘﯜﺭ، ﺋﯘﭼﺮﯨﻐﺎﻥ ﻳﻪﺭﺩﻩ ﺋﯘﺟﯘﻗﺘﯘﺭ ﺩﯦﮕﻪﻧﺪﻩﻙ ﺳﻪﭘﻪﺭﯞﻩﺭﻟﯩﻚ ﺷﻪﭘﯩﺴﯩﻨﻰ ﻧﺎﻣﺎﻳﻪﻥ ﻗﯩﻠﻐﺎﻥ.

ﺋﻪﮔﻪﺭ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯚﺯﻯ ﺋﯧﻴﻘﺎﻧﺪﻩﻙ، ﺋﯘﻳﻐﯘﺭ ‏ - ﺧﯩﺘﺎﻱ ﻣﯘﻧﺎﺳﯩﯟﯨﺘﻰ ﺑﺎﺭﺍﯞﻩﺭﻟﯩﻚ ﯞﻩ ﻗﺎﻧﯘﻧﯩﻲ ﻳﻮﻟﻼﺭ ﺑﯩﻠﻪﻥ ﺑﯩﺮ ﺗﻪﺭﻩﭖ ﻗﯩﻠﯩﻨﯩﯟﺍﺗﯩﺪﯗ ﺩﯦﮕﻪﻥ ﺳﻪﭘﺴﻪﺗﯩﺴﻰ ﺭﺍﺳﺖ ﺑﻮﻟﺴﺎ، ﻧﯧﻤﻪ ﺋﯜﭼﯜﻥ ﺧﯩﺘﺎﻱ ﻗﺎﺗﯩﻞ ﭘﯘﻗﺮﺍﻟﯩﺮﻯ ﻳﯚﻟﻪﻛﺴﯩﺰ ﺋﯘﻳﻐﯘﺭﻻﺭﻧﻰ ﻗﻮﻏﻼﭖ ﺋﯚﻟﺘﯜﺭﮔﻪﻧﺪﻩ ﻗﻮﻝ ﻗﻮﺷﺘﯘﺭﯗﭖ ﭼﻪﺗﺘﻪ ﺗﯘﺭﯨﺪﯗ؟ ﻛﯧﭽﯩﻠﯩﺮﻯ ﺋﯘﻳﻘﯘ ﺋﯩﭽﯩﺪﻩ ﻫﯧﭻ ﺋﯩﺸﺘﯩﻦ ﺑﯩﺨﻪﯞﻩﺭ ﻳﺎﺗﻘﺎﻥ ﺋﯘﻳﻐﯘﺭﻻﺭﻧﻰ ﻳﺎﺗﻘﺎﻥ ﻳﯩﺮﯨﺪﻩ ﺋﯘﺭﯗﭖ ﺋﯚﻟﺘﯜﺭﯛﺩﯗ؟ ﻧﯧﻤﻪ ﺋﯜﭼﯜﻥ ﻧﻪﻕ ﻣﻪﻳﺪﺍﻧﺪﺍ ﺧﯩﺘﺎﻱ ﺳﺎﻗﭽﯩﻠﯩﺮﻯ ﺋﺎﺭﯨﻼﺷﻤﺎﻱ ﻗﺎﺭﺍﭖ ﺗﯘﺭﯨﺪﯗ؟ ﻳﯘﻗﯩﺮﯨﻘﻰ ﺋﯩﻜﻜﻰ ﺑﺎﻟﯩﻨﯩﯔ ﺋﯧﻴﺘﯩﺸﯩﭽﻪ، ﺳﺎﻗﭽﯩﻼﺭ ﺋﻪﻣﻪﻟﻴﻪﺗﺘﻪ، ﻧﻪﻕ ﻣﻪﻳﺪﺍﻧﻐﺎ ﺗﺎﯓ ﺋﯧﺘﯩﭗ، ﯞﻩﻗﻪ ﺋﺎﺧﯩﺮﯨﻠﯩﺸﺎﻱ ﺩﯦﮕﻪﻧﺪﻩ ﻛﯩﻠﯩﭗ، ﺷﯘ ﻳﻪﺭﺩﻩ ﻗﯩﭙﻘﺎﻟﻐﺎﻥ ﻳﺎﺭﯨﺪﺍﺭ ﯞﻩ ﺋﯚﻟﯜﻙ ﺋﯘﻳﻐﯘﺭﻻﺭﻧﻰ ﺋﯘﺭﯗﭖ - ﺳﻮﻗﯘﭖ ﺗﯘﺗﯘﭖ ﻛﯧﺘﯩﺸﻜﻪﻥ.

ﺧﯩﺘﺎﻱ ﻫﯚﻛﯜﻣﺮﺍﻧﻠﯩﺮﯨﻨﯩﯔ ﺑﯘ ﺧﺎﺭﺍﻛﺘﯧﺮﺩﯨﻜﻰ ﺋﯘﻳﻐﯘﺭﻻﺭﻧﻰ ﻳﻮﻗﯩﺘﯩﺶ ﺳﯩﻴﺎﺳﯩﺘﻰ، ﺑﺎﺭﻟﯩﻖ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﻩ ﯞﻩ ﻫﻪﺭ ﺧﯩﻞ ﺳﺎﻫﻪﻟﻪﺭﺩﻩ ﺋﯘﻳﻐﯘﺭﻻﺭﻧﯩﯔ ﺑﯧﺸﯩﻐﺎ ﺋﻮﻣﯘﻣﻴﯘﺯﻟﯩﻚ ﻛﯧﻠﯩﯟﺍﺗﯩﺪﯗ. ﺧﯩﺘﺎﻱ ﺋﯚﻟﻜﯩﻠﯩﺮﯨﻨﯩﯔ ﻣﻪﻳﻠﻰ ﺋﺎﻟﯩﻲ ﻣﻪﻛﺘﻪﭘﻠﯩﺮﯨﺪﻩ ﺑﻮﻟﺴﯘﻥ، ﻛﻮﭼﯩﻠﯩﺮﯨﺪﺍ ﺑﻮﻟﺴﯘﻥ ﯞﻩ ﻳﺎﻛﻰ ﺑﯩﺮﻩﺭ ﺋﯩﺶ ﺋﻮﺭﻧﯩﺪﺍ ﺑﻮﻟﺴﯘﻥ، ﺋﯘﻳﻐﯘﺭﻻﺭﻧﻰ ﻛﻪﻣﺴﯩﺘﯩﺪﯨﻐﺎﻥ. ﺧﻮﺭﻻﻳﺪﯨﻐﺎﻥ، ﭼﻪﺗﻜﻪ ﻗﺎﻗﯩﺪﯨﻐﺎﻥ. ﺋﯘﺭﯗﭖ ‏ - ﺳﻮﻗﯩﺪﯨﻐﺎﻥ ﯞﻩ ﺋﯚﻟﺘﯜﺭﯛﯞﯦﺘﯩﺪﯨﻐﺎﻥ ﭘﺎﺟﯩﺌﻪﻟﯩﻚ ﯞﻩﻗﻪﻟﻪﺭ ﺋﺎﺭﻗﺎ - ﺋﺎﺭﻗﯩﺪﯨﻦ ﻳﯜﺯ ﺑﯧﺮﯨﯟﺍﺗﯩﺪﯗ.

ﺩﯦﻤﻪﻙ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﻰ ﺋﯘﻳﻐﯘﺭﻻﺭﻧﻰ ﺗﯜﭖ ﻳﯩﻠﺘﯩﺰﯨﺪﯨﻦ ﻗﯘﺭﯗﺗﯘﺵ ﺋﯜﭼﯜﻥ ﺷﻪﺭﻗﻰ ﺗﯜﺭﻛﯩﺴﺘﺎﻧﺪﺍ ﺳﯩﻴﺎﺳﻪﺕ ﯞﻩ ﻗﻮﺭﺍﻝ ﺑﯩﻠﻪﻥ ﺑﺎﺳﺘﯘﺭﯗﺵ ﺋﯧﻠﯩﭗ ﺑﺎﺭﺳﺎ، ﺧﯩﺘﺎﻱ ﺋﯚﻟﻜﯩﻠﯩﺮﯨﺪﻩ ﺧﯩﺘﺎﻱ ﭘﯘﻗﺮﺍﻟﯩﺮﻯ ﯞﻩ ﻫﻪﺗﺘﺎ ﺧﯩﺘﺎﻱ ﺟﯩﻨﺎﻳﻪﺗﭽﯩﻠﯩﺮﯨﻨﯩﯔ ﻗﻮﻟﻰ ﺑﯩﻠﻪﻥ ﺑﺎﺳﺘﯘﺭﯗﺷﻘﺎ ﺑﺎﺷﻠﯩﺪﻯ.

ﺧﯩﺘﺎﻱ ﺗﺎﺟﺎﯞﯗﺯﭼﯩﻠﯩﺮﻯ ﺷﻪﺭﻗﻰ ﺗﯜﺭﻛﯩﺴﺘﺎﻧﻨﻰ ﺑﯧﺴﯩﭗ ﺋﺎﻟﻐﺎﻧﺪﯨﻦ ﻛﯧﻴﯩﻦ، 1954 - ﻳﯩﻠﻰ ﺧﻪﻟﻖ ﮔﯧﺰﯨﺘﯩﺪﻩ ﺋﯧﻼﻥ ﻗﯩﻠﯩﻨﻐﺎﻥ ﺑﯩﺮ ﭘﺎﺭﭼﻪ ﻣﺎﻗﺎﻟﯩﺴﯩﺪﻩ، ﺋﯘﻳﻐﯘﺭﻻﺭﻏﺎ ﻣﯧﻬﻤﺎﻧﺪﻭﺱ، ﺋﺎﻗﻜﯚﯕﯜﻝ، ﺳﻪﻧﺌﻪﺗﻜﺎﺭ، ﺗﯩﻨﭽﻠﯩﻘﭙﻪﺭﯞﻩﺭ، ﺭﺍﺳﺘﭽﯩﻞ، ﭘﺎﻛﯩﺰ، ﻣﻮﻫﯩﺘﻨﻰ ﺋﺎﺳﺮﺍﺷﻘﺎ ﻧﺎﻫﺎﻳﯩﺘﻰ ﺋﻪﻫﻤﯩﻴﻪﺕ ﺑﯧﺮﯨﺪﯨﻐﺎﻥ ﻣﯩﻠﻠﻪﺕ، ﺋﯘﻻﺭ ﭼﯩﺮﺍﻳﻠﯩﻖ، ﺗﯩﺮﯨﺸﭽﺎﻥ، ﻣﻪﺩﻩﻧﻴﻪﺗﻠﯩﻚ ﻣﯩﻠﻠﻪﺕ ﺩﻩﭖ ﺑﺎﻫﺎ ﺑﻪﺭﮔﻪﻥ ﺋﯩﺪﻯ.

50 ﻳﯩﻠﺪﯨﻦ ﻛﯧﻴﯩﻨﻜﻰ ﺑﯜﮔﯜﻧﻜﻰ ﻛﯜﻧﺪﻩ ﺑﻮﻟﺴﺎ، ﺋﯘﻳﻐﯘﺭﻻﺭﻧﻰ ﺗﯧﺮﺭﻭﺭﭼﻰ، ﺑﯚﻟﮕﯜﻧﭽﻰ، ﻳﺎﯞﺍﻳﻰ ﻣﯩﻠﻠﻪﺕ، ﺋﻮﻏﺮﻯ ﺩﯦﮕﻪﻧﮕﻪ ﺋﻮﺧﺸﺎﺵ ﻫﺎﻗﺎﺭﻩﺗﻠﯩﻚ ﯞﻩ ﺗﯚﻫﻤﻪﺗﻠﯩﻚ ﺋﯩﻠﻠﻪﺗﻠﻪﺭ ﺑﯩﻠﻪﻥ ﺋﺎﺗﺎﺷﻘﺎ ﺑﺎﺷﻠﯩﺪﻯ.

ﺑﯩﺰ ﭘﯘﺗﯘﻥ ﺩﯗﻧﻴﺎﻏﺎ ﻣﯘﺭﺍﺟﻪﺕ ﻗﯩﻠﯩﻤﯩﺰ:

ﺋﯘﻳﻐﯘﺭﻻﺭﻧﯩﯔ ﮔﯘﻧﺎﻫﻰ ﺋﻪﺷﯘ ﮔﯜﺯﻩﻝ، ﻣﯘﻧﺒﻪﺕ، ﺑﺎﻱ ﺯﯦﻤﯩﻨﻨﯩﯔ ﺋﯩﮕﯩﺴﻰ ﺑﻮﻟﯘﭖ ﻗﺎﻟﻐﺎﻧﻠﯩﻘﯩﻼ ﺧﺎﻻﺱ.
 
1. ﺧﯩﺘﺎﻱ ﻫﯚﻛﯜﻣﯩﺘﻰ ﺷﻪﺭﻗﻰ ﺗﯜﺭﻛﯩﺴﺘﺎﻧﺪﯨﻦ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺋﻪﻣﮕﻪﻙ ﻛﯜﭼﻰ ﻧﯩﻘﺎﺑﯩﺪﺍ ﻳﯚﺗﻜﻪﭖ ﻛﯧﺘﯩﻠﮕﻪﻥ ﺑﺎﺭﻟﯩﻖ ﺋﯘﻳﻐﯘﺭﻻﺭﻧﻰ ﻫﻪﺗﺘﺎ ﺋﯘﻳﻐﯘﺭ ﺋﻮﺗﺘﯘﺭﺍ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﯨﻨﻰ ﺷﻪﺭﻗﻰ ﺗﯘﺭﻛﯩﺴﺘﺎﻧﻐﺎ ﻗﺎﻳﺘﯘﺭﯗﭖ ﻛﯩﻠﯩﺸﻰ، ﺋﯘﻻﺭﻧﻰ ﺩﻩﭘﺴﻪﻧﺪﻩ ﻗﯩﻠﯩﺶ ﺧﺎﻫﯩﺸﻠﯩﺮﯨﻨﻰ ﺟﯩﺪﺩﯨﻲ ﺗﻪﺩﺑﯩﺮ ﻗﻮﻟﻠﯩﻨﯩﭗ ﺗﻮﺧﺘﯩﺘﯩﺸﻰ ﻛﯧﺮﻩﻙ.

2. ﺧﯩﺘﺎﻱ ﻫﯚﻛﯜﻣﯩﺘﻰ ﺷﻪﺭﻗﻰ ﺗﯜﺭﻛﯩﺴﺘﺎﻧﻐﺎ ﻳﯚﺗﻜﻪﭖ ﻛﻪﻟﮕﻪﻥ ﺧﯩﺘﺎﻱ ﻛﻮﭼﻤﻪﻧﻠﯩﺮﯨﻨﻰ ﻗﺎﻳﺘﯘﺭﯗﭖ ﺋﻪﻛﯩﺘﯩﺸﻰ، ﺋﯘﻳﻐﯘﺭﻻﺭﻧﯩﯔ ﺋﯩﺶ - ﺋﯩﻤﺘﯩﻴﺎﺯﯨﻨﻰ ﺋﯚﺯﯨﮕﻪ ﻗﺎﻳﺘﯘﺭﯗﺷﻰ ﻛﯧﺮﻩﻙ. ﺋﯘﻳﻐﯘﺭﻻﺭﻧﯩﯔ ﺧﯩﺘﺎﻱ ﻛﯚﭼﻤﻪﻧﻠﯩﺮﯨﮕﻪ ﺋﯧﻠﯩﭗ ﺑﯧﺮﯨﻠﮕﻪﻥ ﺯﯦﻤﯩﻨﻠﯩﺮﻯ ﻗﺎﻳﺘﯘﺭﯗﭖ ﺑﯧﺮﯨﻠﯩﺸﻰ ﻛﯧﺮﻩﻙ.

3. ﻫﺎﺯﯨﺮﻏﯩﭽﻪ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﯞﻩﻗﻪﻧﻰ ﻳﯘﺷﯘﺭﯗﭖ، ﺋﺎﺧﺒﺎﺭﺍﺗﻨﻰ ﻛﻮﻧﺘﺮﻭﻝ ﻗﯩﻠﯩﭗ، ﯞﻩﻗﻪ ﻫﻪﻗﻘﯩﺪﻩ ﺋﯧﻨﯩﻖ ﺋﯩﭙﺎﺩﻩ ﺑﯩﻠﺪﯛﺭﻣﯩﺪﻯ، ﺷﯘﯕﺎ ﺧﯩﺘﺎﻱ ﻫﯚﻛﯜﻣﯩﺘﻰ ﻗﺎﻧﻠﯩﻖ ﯞﻩﻗﻪ ﻫﻪﻗﻘﯩﺪﻩ ﺩﯗﻧﻴﺎﻏﺎ ﺋﺎﺷﻜﺎﺭﺍ ﭘﻮﺯﯨﺘﺴﯩﻴﯩﺴﯩﻨﻰ ﺑﯩﻠﺪﯛﺭﯛﺷﻰ، ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﯨﻨﯩﯔ ﯞﻩﻗﻪ ﻫﻪﻗﻘﯩﺪﯨﻜﻰ ﺧﻪﯞﻩﺭﻟﯩﺮﯨﻨﻰ ﻛﻮﻧﺘﺮﻭﻝ ﻗﯩﻠﯩﺸﻨﻰ ﺗﻮﺧﺘﯩﺘﯩﺸﻰ، ﺋﯘﻳﻐﯘﺭ ﺗﻮﺭ ﺑﻪﺗﻠﯩﺮﯨﮕﻪ ﻗﺎﺭﯨﺘﯩﻠﻐﺎﻥ ﻛﯜﭼﻠﯜﻙ ﻧﺎﺯﺍﺭﯨﺘﯩﻨﻰ ﺗﻮﺧﺘﯩﺘﯩﺸﻰ ﻫﻪﻣﺪﻩ ﺩﯗﻧﻴﺎ ﺧﻪﻟﻘﻰ ﺋﺎﻟﺪﯨﺪﺍ ﺋﯚﻟﮕﻪﻥ ﯞﻩ ﻳﺎﺭﯨﻼﻧﻐﺎﻥ ﺋﯘﻳﻐﯘﺭﻻﺭﻧﯩﯔ ﻫﻪﻗﯩﻘﯩﻲ ﺳﺎﻧﯩﻨﻰ ﺋﯧﻼﻥ ﻗﯩﻠﯩﺸﻰ ﻛﯧﺮﻩﻙ.

4. ﺧﯩﺘﺎﻱ ﻫﯚﻛﯜﻣﯩﺘﻰ ﻗﺎﺗﯩﻠﻼﺭﻧﻰ ﯞﻩ ﯞﻩﻗﻪﻧﻰ ﻛﻪﻟﺘﯘﺭﯗﭖ ﭼﯩﻘﺎﺭﻏﺎﻧﻼﺭﻧﻰ ﺋﯧﻨﯩﻘﻼﭖ، ﻗﺎﺗﯩﻠﻼﺭﻧﻰ ﺟﺎﺯﺍﻏﺎ ﺗﺎﺭﺗﯩﺸﻰ ﻛﯧﺮﻩﻙ. ﯞﻩﻗﻪﺩﻩ ﭼﻪﺗﺘﻪ ﺗﯘﺭﻏﺎﻥ ﺳﺎﻗﭽﻰ ﯞﻩ ﺋﺎﻣﺎﻧﻠﯩﻖ ﻗﻮﻏﺪﺍﺵ ﻗﯩﺴﯩﻤﻠﯩﺮﯨﻨﯩﯔ ﻣﻪﺳﺌﯘﻟﯩﻴﯩﺘﻰ ﺳﯜﺭﯛﺷﺘﯜﺭﯛﻟﯜﭖ ﺟﺎﯞﺍﺑﻜﺎﺭﻟﯩﻘﻘﺎ ﺗﺎﺭﺗﯩﻠﯩﺸﻰ ﻛﯧﺮﻩﻙ.

5. ﺧﯩﺘﺎﻱ ﻫﯚﻛﯜﻣﯩﺘﻰ ﺧﻪﻟﻘﺌﺎﺭﺍ ﺑﯩﺘﻪﺭﻩﭖ ﺗﻪﺷﻜﯩﻼﺗﻼﺭﻧﯩﯔ ﻫﻪﻣﺪﻩ ﺏ ﺩ ﺕ ﻛﯩﺸﯩﻠﯩﻚ ﻫﻮﻗﯘﻕ ﻛﻮﻣﯩﺘﯧﺘﯩﻨﯩﯔ ﻣﻪﺧﺴﯘﺱ ﮔﯘﺭﯗﭘﭙﺎ ﺗﻪﺷﻜﯩﻠﻠﻪﭖ ﯞﻩﻗﻪﻧﻰ ﺗﻪﻛﺸﯜﺭﯛﺷﯩﮕﻪ ﻳﻮﻝ ﻗﻮﻳﯘﺷﻰ ﻛﯧﺮﻩﻙ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ

2009 - ﻳﯩﻠﻰ 3 - ﺋﯩﻴﯘﻝ



 *                           *                         *                        *

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.

ﺋﻪﺳﻜﻪﺭﺗﯩﺶ: ﺑﺎﻳﺎﻧﺎﺗﻨﻰ ﺗﻪﻫﺮﯨﺮﻟﯩﮕﯜﭼﻰ ﺋﺎﺑﻠﯩﻜﯩﻢ ﺑﺎﻗﻰ

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز