ﺑﯘﻻﺭﺩﯨﻦ ﺑﺎﺷﻘﺎ ﻳﻪﻧﻪ ﺑﻪﺯﻯ ﺳﯩﻴﺎﺳﻪﺗﭽﯩﻠﻪﺭ ﺑﯩﻠﻪﻥ ﺋﯘﭼﺮﯨﺸﯩﭗ ﺋﯘﻻﺭﻏﺎ ﺋﯘﻳﻐﯘﺭ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺑﻪﺭﮔﻪﻥ. ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﺭﺍﺩﯨﺌﻮﻣﯩﺰﻏﺎ ﺑﻪﺭﮔﻪﻥ ﻣﻪﻟﯘﻣﺎﺗﯩﻐﺎ ﻗﺎﺭﯨﻐﺎﻧﺪﺍ ﺑﯜﮔﯜﻧﻜﻰ ﺋﯘﭼﺮﯨﺸﯩﺸﻠﯩﺮﯨﺪﺍ ﻧﯘﻗﺘﯩﻠﯩﻖ ﻫﺎﻟﺪﺍ 5 - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﯩﺪﻩ ﺗﯘﺗﯘﭖ ﻛﯧﺘﯩﻠﮕﻪﻥ ﯞﻩ ﻳﯧﻘﯩﻨﺪﺍ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﻠﮕﻪﻥ 12 ﺋﯘﻳﻐﯘﺭﻧﯩﯔ ﺋﺎﺩﯨﻞ ﺳﻮﺗﻼﻧﻤﯩﻐﺎﻧﻠﯩﻘﯩﻨﻰ ﺋﯧﻴﺘﻘﺎﻧﺪﯨﻦ ﻛﯧﻴﯩﻦ ﻳﺎﭘﻮﻥ ﻫﯚﻛﯜﻣﯩﺘﯩﻨﻰ ﯞﻩ ﻳﺎﭘﻮﻥ ﺟﺎﻣﺎﺋﻪﺗﭽﯩﻠﯩﻜﯩﻨﻰ ﺧﯩﺘﺎﻳﻼﺭﻏﺎ ﺑﯧﺴﯩﻢ ﺋﯩﺸﻠﯩﺘﯩﺸﻘﺎ ﭼﺎﻗﯩﺮﻏﺎﻥ.
 
ﺑﯩﺰ ﻳﻪﻧﻪ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﻰ ﻳﺎﭘﻮﻧﯩﻴﯩﺪﻩ 10 ﺋﯘﻧﯩﯟﯦﺮﺳﯩﺘﯧﺘﺘﺎ ﻟﯧﻜﺴﯩﻴﻪ ﺳﯚﺯﻟﻪﺷﻜﻪ ﺗﻪﻛﻠﯩﭗ ﻗﯩﻠﻐﺎﻥ ﻛﺎﮔﻮﺷﯩﻤﺎ ﺧﻪﻟﻘﺌﺎﺭﺍ ﺋﯘﻧﯩﯟﯦﺮﺳﯩﺘﯧﺘﻰ ﻓﯩﻠﻮﻟﻮﺟﻰ ﻓﺎﻛﯘﻟﺘﯧﺘﻰ ﻣﯘﺩﯨﺮﻯ ﻧﯩﺸﯩﺨﺎﯞﺍ ﺳﯩﭽﻰ ﺋﻪﭘﻪﻧﺪﻯ ﺑﯩﻠﻪﻧﻤﯘ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ. ﺋﯘ ﺑﯩﺰﮔﻪ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﻰ ﺋﺎﻻﻫﯩﺪﻩ ﺗﻪﻛﻠﯩﭗ ﻗﯩﻠﯩﺸﯩﺪﯨﻜﻰ ﻣﻪﻗﺴﻪﺕ ﯞﻩ ﺑﯘﻧﯩﯔ ﺋﻪﻫﻤﯩﻴﯩﺘﻰ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺑﻪﺭﺩﻯ. ﺋﯘ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﻳﺎﭘﻮﻧﯩﻴﯩﮕﻪ ﻛﯧﻠﯩﺸﻨﯩﯔ ﺋﺎﻟﺪﯨﺪﺍ ﺧﯩﺘﺎﻳﻼﺭﻧﯩﯔ ﺋﯘﻧﯩﯟﯦﺮﺳﯩﺘﯧﺘﻘﺎ ﻛﯧﻠﯩﭗ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﮔﻪﻟﯩﻜﯩﻨﻰ، ﺋﻪﻣﻤﺎ ﺋﯘﻻﺭﻧﯩﯔ ﻳﺎﭘﻮﻧﻴﯩﻨﯩﯔ ﺩﯦﻤﻮﻛﺮﺍﺗﯩﻚ ﺩﯙﻟﻪﺕ ﺋﯩﻜﻪﻧﻠﯩﻜﯩﻨﻰ ﺋﯧﻴﺘﯩﭗ ﺧﯩﺘﺎﻳﻼﺭﻏﺎ ﺭﻩﺩﺩﯨﻴﻪ ﺑﻪﺭﮔﻪﻧﻠﯩﻜﯩﻨﻰ ﺋﯧﻴﺘﺘﻰ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺭﻩﺋﯩﺴﻰ، ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ 10 - ﺋﺎﻳﻨﯩﯔ20 - ﻛﯜﻧﯩﺪﯨﻦ 11 - ﺋﺎﻳﻨﯩﯔ 2 - ﻛﯜﻧﯩﮕﯩﭽﻪ ﻳﺎﭘﻮﻧﯩﻴﯩﺪﯨﻜﻰ 10 ﺋﯘﻧﯩﯟﯦﺮﺳﯩﺘﯧﺘﺘﺎ "ﻳﯩﭙﻪﻙ ﻳﻮﻟﯩﺪﯨﻜﻰ ﺋﻪﺟﺪﻩﺭﻫﺎ ﺑﯩﻠﻪﻥ ﺋﯧﻠﯩﺸﯩﯟﺍﺗﻘﺎﻥ ﺋﯘﻳﻐﯘﺭ ﺋﺎﻧﯩﺴﻰ" ﺗﯧﻤﯩﺴﯩﺪﺍ ﻟﯧﻜﺴﯩﻴﻪ ﺳﯚﺯﻟﯩﻤﻪﻛﭽﻰ. ﺷﯘﻧﺪﺍﻗﻼ ﻳﺎﭘﻮﻧﭽﻪ ﻧﻪﺷﯩﺮ ﻗﯩﻠﯩﻨﻐﺎﻥ ﻛﯩﺘﺎﺑﯩﻨﯩﻤﯘ ﺗﻮﻧﯘﺷﺘﯘﺭﻣﺎﻗﭽﻰ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.