Erkin asiya radyosining ixtiyariy muxbirliri enqerede kursqa qatnashmaqta

Muxbirimiz erkin tarim

2009-07-01

Erkin asiya radyosi uyghur bölümi her qaysi döletlerdiki ixtiyariy muxbirlirini yighip, türkiyening paytexti enqerede jornalistliq kursi achti. 6 - Ayning 28 - Künidin 7 - Ayning 4 - Künigiche dawam qilidighan bu kursta jornalistliqning asasiy ölchemliri, programma yézish üchün qandaq izdinish,, ziyaret qilish usulliri qatarliq mezmunlarda we bashqa munasiwetlik mesililerde ders ötülmekte.

RFA Photo / Erkin Tarim

Erkin asiya radyosi uyghur bölümining enqerede achqan, 6 - Ayning 28 - Künidin 7 - Ayning 4 - Künigiche dawam qilidighan zhornalistlar kursidin bir körünüsh.

Erkin asiya radyosi uyghur bölümi yawropa, ottura sherq we ottura asiya türk jumhuriyetliri hem türkiyidiki ixtiyariy muxbirlarni yighip türkiyining paytexti enqerede jurnalistliq kursi achti.

Enqerede chaqirilghan jurnalistliq kursida amérika döletlik radio - Téléwiziye idarisidin frank stariyo ependii bilen erkin asiya radio istansisi uyghur bölümining diréktori dr. Dolqun qemberi ependi ders bermekte.

6 - Ayning 28 - Künidin 7 - Ayning 4 - Künigiche dawam qilidighan bu kursta jurnalistliqning asasiy ölchemliri, programma teyyarlash üchün qandaq izdinish, qandaq yézish, ziyaret qilish usulliri qatarliq mezmunlarda ders ötülmekte shundaqla erkin asiya radyosi uyghur bölümi hazirlighan "hazirqi zaman uyghur edebiy tilining teleppuz qaidisi ", "köp uchraydighan sözlerning imlasi", "hazirqi zaman uyghur tilining tinish belgiliri" qatarliq matériyallar tarqitilip muzakire qilinmaqta.

Mezkur kursqa, erkin asiya radyosi uyghur bölümining qazaqistanda turushluq ixtiyariy muxbiri abdulla, qirghizistandiki ixtiyari muxbiri tursun islam, seudi erebistandiki ixtiyari muxbir ömerjan, shwétsiyidiki ixtiyari muxbiri yalqun, istanbuldiki muxbiri arslan tash we enqerediki ixtiyari muxbiri zöhre qatarliqlar qatnashmaqta.

Muxbirlarning hemmisi birdek halda bu kursning intayin paydiliq ötülüwatqanliqini, jurnalistliq heqqide yéngi melumatlarni igiliwatqanliqini bildürüshti. Ular, yene bu kursning erkin asiya radyosining dunyaning herqaysi jayliridiki ixtiyari muxbirlirining öz - Ara tejribe almashturushi we özara tonushishi üchünmu paydiliq boliwatqanliqini tekitleshti.

Yuqiridiki awaz ulinishidin, bu heqtiki melumatimizning tepsilatini anglaysiler.

Bésish

Ewetish

Pikir - Qarashliringizni otturigha qoyung

Pikir - Bayanliringiz tor bashqurghuchisi teripidin testiqlinishi kérek bolup, tor bette shu zaman élan qilinmaydu. Bir az waqittin kéyin, pikir - Bayanliringizning testiqlanghan yaki testiqlanmighanliqini qayta tekshürüp körüshigizni soraymiz. Pikir - Qarashliringizni töwendiki jedwel arqiliq, uyghur kona yéziqi boyiche yolliyalaysiz.