ﺑﯘ ﻣﺎﻗﺎﻟﯩﺪﺍ ﺋﺎﺳﺎﺳﻠﯩﻘﻰ ﺧﯩﺘﺎﻳﻨﯩﯔ ﺋﯘﻳﻐﯘﺭﻻﺭ ﺋﯜﺳﺘﯩﺪﯨﻦ ﺋﯧﻠﯩﭗ ﺑﺎﺭﻏﺎﻥ ﺋﺎﺳﯩﻤﻠﯩﻴﺎﺗﯩﺴﯩﻴﻪ ﻗﯩﻠﯩﺶ ﺳﯩﻴﺎﺳﯩﺘﻰ ﺗﻪﻧﻘﯩﺪ ﻗﯩﻠﯩﻨﻐﺎﻥ ﯞﻩ ﺋﯘﻳﻐﯘﺭ ﻣﻪﺳﯩﻠﯩﺴﯩﻨﯩﯔ ﻫﻪﻝ ﺑﻮﻟﯘﺵ ﻳﻮﻟﻠﯩﺮﻯ ﻫﻪﻗﻘﯩﺪﻩ ﺗﻮﺧﺘﺎﻟﻐﺎﻥ.

ﻣﺎﻗﺎﻻ ﻣﯘﻧﺪﺍﻕ ﺑﺎﺷﻼﻧﻐﺎﻥ، 10 ‏- ﺋﺎﻳﻨﯩﯔ 12 ‏- ﻛﯜﻧﻰ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﻳﯜﺯ ﺑﻪﺭﮔﻪﻥ ﯞﻩﻗﻪﻟﻪﺭ ﺳﻪﯞﻩﺑﯩﺪﯨﻦ 6 ﺋﯘﻳﻐﯘﺭﻧﻰ ﺋﯚﻟﯜﻣﮕﻪ ﻫﯚﻛﯜﻡ ﻗﯩﻠﺪﻯ، ﻫﻪﻣﻤﯩﻤﯩﺰﮔﻪ ﻣﻪﻟﯘﻡ ﺑﻮﻟﻐﺎﻧﺪﻩﻙ، 7 ‏- ﺋﺎﻳﺪﯨﻜﻰ ﻧﺎﻣﺎﻳﯩﺸﺘﺎ ﺧﯩﺘﺎﻱ ﺑﯩﺨﻪﺗﻪﺭﻟﯩﻜﻨﻰ ﻗﻮﻏﺪﺍﺵ ﻛﯜﭼﻠﯩﺮﻯ ﺗﻪﺭﯨﭙﯩﺪﯨﻦ ﻳﯜﺯﻟﯩﮕﻪﻥ ﺋﺎﻣﻤﯩﯟﯨﻲ ﺧﻪﻟﻖ ﻗﻪﺗﻠﻰ ﻗﯩﻠﯩﻨﺪﻯ ﯞﻩ ﻣﯩﯖﻼﺭﭼﻪ ﺋﯘﻳﻐﯘﺭ ﺗﯘﺗﻘﯘﻥ ﻗﯩﻠﯩﻨﯩﭗ ﻫﻪﺭ ﺧﯩﻞ ﻗﯩﻴﯩﻦ ﻗﯩﺴﺘﺎﻗﻼﺭﻏﺎ ﺩﯛﭺ ﻛﻪﻟﺪﻯ.

ﺧﯩﺘﺎﻱ ﺳﯩﻴﺎﺳﻪﺗﻠﯩﺮﯨﮕﻪ ﻗﺎﺭﯨﺘﺎ ﻗﺎﺭﺷﯩﻠﯩﻖ ﻗﯩﻠﻐﺎﻥ ﺋﯘﻳﻐﯘﺭﻻﺭﻧﻰ ﻗﯘﺭﻗﯘﺗﯘﺵ ﺋﯜﭼﯜﻥ ﺋﯧﻠﯩﭗ ﺑﯧﺮﯨﻠﻐﺎﻥ ﺑﯩﺮ ﺳﯩﻴﺎﺳﻰ ﭼﺎﻗﯩﺮﯨﻖ ﺩﻩﭖ ﭼﯜﺷﯩﻨﯩﺸﻜﻪ ﺑﻮﻟﯩﺪﯨﻐﺎﻥ ﺑﯘ ﻗﺎﺭﺍﺭ، ﺑﯜﮔﯜﻧﮕﯩﭽﻪ ﻳﯜﺭﮔﯜﺯﯛﻟﮕﻪﻥ ﺑﺎﺳﺘﯘﺭﯗﺵ ﺳﯩﻴﺎﺳﻪﺗﻠﯩﺮﻯ ﺯﻩﻧﺠﯩﺮﯨﻨﯩﯔ ﭘﻪﻗﻪﺕ ﻳﯧﯖﻰ ﺑﯩﺮ ﻫﺎﻟﻘﯩﺴﻰ.

1990 ‏- ﻳﯩﻠﯩﻨﯩﯔ ﺑﯧﺸﯩﺪﯨﻦ ﻫﺎﺯﯨﺮﻏﯩﭽﻪ ﺧﻪﻟﻘﺌﺎﺭﺍ ﻛﯚﺯﯨﺘﯩﺶ ﺗﻪﺷﻜﯩﻼﺗﻰ ﯞﻩ ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﯩﻐﺎ ﺋﻮﺧﺸﺎﺵ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ ﺧﯩﺘﺎﻳﻨﯩﯔ ﻳﯜﺭﮔﯜﺯﯛﯞﺍﺗﻘﺎﻥ ﺑﺎﺳﺘﯘﺭﯗﺵ ﺳﯩﻴﺎﺳﻪﺗﻠﯩﺮﯨﮕﻪ ﺩﯨﻘﻘﻪﺕ ﻗﯩﻠﯩﭗ ﺑﯘ ﺳﯩﻴﺎﺳﻪﺗﻠﻪﺭﮔﻪ ﻗﺎﺭﺷﻰ ﺗﯩﺰ ﭘﯜﻛﻤﯩﮕﻪﻥ ﻣﯩﯖﻠﯩﻐﺎﻥ ﺋﯘﻳﻐﯘﺭﻧﯩﯔ ﺗﯘﺗﻘﯘﻥ ﻗﯩﻠﯩﻨﻐﺎﻧﻠﯩﻘﯩﻨﻰ، ﻣﻪﻛﺘﻪﭖ ﯞﻩ ﺧﯩﺰﻣﯩﺘﯩﺪﯨﻦ ﺋﯧﻠﯩﭗ ﺗﺎﺷﻼﻧﻐﺎﻧﻠﯩﻘﯩﻨﻰ، ﻳﯜﺯﻟﯩﮕﻪﻥ ﺋﯘﻳﻐﯘﺭﻧﯩﯔ ﺋﯚﻟﯜﻣﮕﻪ ﻫﯚﻛﯜﻡ ﻗﯩﻠﯩﻨﻐﺎﻧﻠﯩﻘﯩﻨﻰ ﺩﻭﻛﻼﺗﻼﺭﺩﺍ ﺋﯧﻼﻥ ﻗﯩﻠﯩﭗ ﻛﯧﻠﯩﯟﺍﺗﯩﺪﯗ.

ﻣﺎﻗﺎﻟﯩﺪﺍ ﻳﻪﻧﻪ ﻣﯘﻧﺪﺍﻕ ﺩﯦﻴﯩﻠﮕﻪﻥ: ﺋﻮﻣﯘﻣﯩﻲ ﺟﻪﻫﻪﺗﺘﯩﻦ ﻗﺎﺭﯨﻐﺎﻧﺪﺍ، ﺧﯩﺘﺎﻱ 1949 ‏- ﻳﯩﻠﻰ ﺭﺍﻳﻮﻧﻨﻰ ﺋﯩﺸﻐﺎﻝ ﻗﯩﻠﻐﺎﻧﺪﯨﻦ ﻫﺎﺯﯨﺮﻏﯩﭽﻪ ﺋﺎﺳﯩﻤﻠﯩﻴﺎﺗﯩﺴﯩﻴﻪ ﺳﯩﻴﺎﺳﻪﺗﻠﯩﺮﯨﻨﯩﯔ ﺋﺎﺳﺎﺱ ﻗﯩﻠﯩﻨﻐﺎﻧﻠﯩﻘﯩﻨﻰ ﻛﯚﺭﯛﯞﺍﻟﻐﯩﻠﻰ ﺑﻮﻟﯩﺪﯗ، ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺗﯜﻧﺠﻰ ﺑﺎﺳﻘﯘﭼﺘﺎ ﺋﯩﺸﻐﺎﻟﯩﻴﻪﺗﻜﻪ ﻗﺎﺭﺷﻰ ﻫﻪﺭﯨﻜﻪﺗﻠﻪﺭﻧﻰ ﺋﺎﺯﺍﻳﺘﯩﺶ ﻣﻪﻗﺴﯩﺘﯩﺪﻩ ﺋﯘﻳﻐﯘﺭﻻﺭﻏﺎ ﻗﯩﺴﻤﻪﻥ ﺋﺎﭘﺘﻮﻧﻮﻣﯩﻴﻪ ﺑﻪﺭﺩﻯ. ﺋﻪﻣﻤﺎ ﺑﯘ ﻫﻪﻕ ﯞﻩ ﺋﻪﺭﻛﯩﻨﻠﯩﻜﻨﻰ ﺗﻪﺩﺭﯨﺠﻰ ﻗﺎﻳﺘﯘﺭﯗﯞﺍﻟﺪﻯ ﯞﻩ ﺋﯘﻳﻐﯘﺭ ﺗﯜﺭﻙ ﺳﺎﻻﻫﯩﻴﯩﺘﯩﻨﻰ ﻳﻮﻕ ﻗﯩﻠﯩﺸﻨﻰ ﻣﻪﻗﺴﻪﺕ ﻗﯩﻠﯩﭗ ﺳﯧﺴﺘﯩﻤﻠﯩﻖ ﺑﯩﺮ ﺋﺎﺳﯩﻤﻠﯩﻴﺎﺗﺴﯩﻴﻪ ﺳﯩﻴﺎﺳﯩﺘﻰ ﻳﯜﺭﮔﯜﺯﺩﻯ. ﺋﻮﺧﺸﺎﺵ ﻣﻪﻗﺴﻪﺗﺘﻪ ﻳﻪﻧﻪ، ﻗﻪﺷﻘﻪﺭ ﯞﻩ ﺗﯘﺭﭘﺎﻧﻐﺎ ﺋﻮﺧﺸﺎﺵ ﻗﻪﺩﯨﻤﻰ ﺗﯜﺭﻛﯩﺴﺘﺎﻥ ﺷﻪﻫﻪﺭﻟﯩﺮﯨﺪﯨﻜﻰ ﺗﯜﺭﻙ ‏- ﺋﯩﺴﻼﻡ ﺋﻪﺳﻪﺭﻟﯩﺮﻯ ﯞﻩ ﺗﺎﺭﯨﺨﻰ ﻳﺎﺩﯨﻜﺎﺭﻟﯩﻘﻼﺭ ﺳﯧﺴﺘﯩﻤﻠﯩﻖ ﻫﺎﻟﺪﺍ ﯞﻩﻳﺮﺍﻥ ﻗﯩﻠﯩﻨﯩﭗ ﺭﺍﻳﻮﻧﺪﯨﻜﻰ ﺗﯜﺭﻙ ﺋﯩﺰﻟﯩﺮﯨﻨﻰ ﺋﯚﭼﯜﺭﯛﺷﻜﻪ ﺗﯩﺮﯨﺸﻤﺎﻗﺘﺎ. ﺧﯩﺘﺎﻱ ﺋﯘﻳﻐﯘﺭ ﻣﯩﻠﻠﯩﺘﯩﻨﻰ ﺋﺎﺳﻤﯩﻠﯩﻴﺎﺗﺴﯩﻴﻪ ﻗﯩﻠﯩﺸﻘﺎ ﺋﺎﻻﻗﯩﺪﺍﺭ ﺑﯘ ﻗﯩﻠﻤﯩﺸﻠﯩﺮﻯ ﺋﺎﺭﻗﯩﻠﯩﻖ ﺳﻮﯞﯨﺖ ﺋﯩﺘﺘﯩﭙﺎﻗﻰ ﺩﻩﯞﺭﯨﺪﻩ ﻣﻮﺳﻜﯟﺍﻧﯩﯔ ﺋﻮﺗﺘﯘﺭﺍ ﺋﺎﺳﯩﻴﺎﻏﺎ ﻗﺎﺭﯨﺘﺎ ﺋﻪﻣﻪﻟﯩﻴﻠﻪﺷﺘﯜﺭﮔﻪﻥ ﺳﯩﻴﺎﺳﻪﺗﻠﯩﺮﯨﮕﻪ ﺋﻮﺧﺸﺎﺵ ﺋﯩﺸﻐﺎﻟﯩﻴﻪﺕ ﺳﯩﻴﺎﺳﯩﺘﻰ ﺋﯩﺠﺮﺍ ﻗﯩﻠﻤﺎﻗﺘﺎ ﯞﻩ ﺭﺍﻳﻮﻧﻐﺎ ﺧﯩﺘﺎﻱ ﻧﻮﭘﯘﺳﯩﻨﻰ ﻛﯚﭼﯜﺭﯛﭖ ﺋﻮﻟﺘﯘﺭﺍﻗﻼﺷﺘﯘﺭﯗﭖ ﺋﯘﻳﻐﯘﺭﻻﺭﻧﯩﯔ ﻛﯚﭖ ﺳﺎﻧﻠﯩﻖ ﺳﺎﻻﻫﯩﻴﯩﺘﯩﻨﻰ ﻳﻮﻕ ﻗﯩﻠﯩﺸﻘﺎ ﺗﯩﺮﯨﺸﻤﺎﻗﺘﺎ. ﻳﻪﻧﻪ ﺑﯩﺮ ﻣﯘﻫﯩﻢ ﻧﯘﻗﺘﺎ ﺑﻮﻟﺴﺎ، ﺭﺍﻳﻮﻥ ﻣﯘﺗﻪﺧﻪﺳﯩﺴﻠﯩﺮﯨﻨﯩﯔ ﻛﯚﺭﺳﯩﺘﯩﺸﯩﭽﻪ، ﺧﯩﺘﺎﻳﻨﯩﯔ ﺋﯩﻘﺘﯩﺴﺎﺩﯨﻨﯩﯔ ﻛﺎﭘﯩﺘﺎﻟﯩﺰﻣﻐﺎ ﻗﺎﺭﺍﭖ ﻳﯜﺯﻟﯩﻨﯩﺶ ﺟﻪﺭﻳﺎﻧﯩﺪﺍ ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺕ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻤﯘ ﻛﯚﺭﯛﻟﻤﻪﻛﺘﻪ، ﺋﻪﻣﻤﺎ ﺋﯘﻳﻐﯘﺭﻻﺭ ﺑﯘ ﺗﻪﺭﻩﻗﻘﯩﻴﺎﺗﺘﯩﻦ ﻫﯧﭻ ﭘﺎﻳﺪﯨﻠﯩﻨﺎﻟﻤﯩﺪﻯ. ﺭﺍﻳﻮﻧﺪﯨﻜﻰ ﭘﯜﺗﻜﯜﻝ ﺷﯩﺮﻛﻪﺗﻠﻪﺭ ﺧﯩﺘﺎﻳﻼﺭﻧﯩﯔ ﺋﯩﮕﯩﺪﺍﺭﭼﯩﻠﯩﻘﯩﺪﺍ ﯞﻩ ﻛﯚﭘﯩﻨﭽﯩﺴﻰ ﺩﯦﻬﻘﺎﻧﭽﯩﻠﯩﻖ ﯞﻩ ﺗﯩﺠﺎﺭﻩﺕ ﻗﯩﻠﯩﭗ ﺗﯘﺭﻣﯘﺷﯩﻨﻰ ﻗﺎﻣﺪﺍﻳﺪﯨﻐﺎﻥ ﺋﯘﻳﻐﯘﺭﻻﺭ ﺟﻪﻣﺌﯩﻴﻪﺗﻨﯩﯔ ﺗﯚﯞﻩﻥ ﻗﺎﺗﻠﯩﻤﯩﺪﺍ ﻳﺎﺷﺎﺷﻘﺎ ﺋﯩﺘﺘﯩﺮﯨﻠﺪﻯ.

ﻣﺎﻗﺎﻟﯩﺪﺍ ﻳﻪﻧﻪ، ﺧﯩﺘﺎﻳﻨﯩﯔ ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻨﻰ ﺋﯘﻳﻐﯘﺭﻻﺭﻧﻰ ﺑﺎﺳﺘﯘﺭﯗﺷﺘﺎ ﯞﺍﺳﺘﻪ ﻗﯩﻠﯩﭗ ﻗﻮﻟﻼﻧﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﭖ ﻣﯘﻧﺪﺍﻕ ﺩﯦﻴﯩﻠﮕﻪﻥ: ﺧﯩﺘﺎﻱ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﺋﺎﻻﻗﯩﺪﺍﺭ ﺳﯩﻴﺎﺳﻪﺗﻠﯩﺮﯨﻨﻰ ﻗﺎﻧﯘﻧﻼﺷﺘﯘﺭﯗﺷﺘﺎ، ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻨﻰ ﺑﯩﺮ ﯞﺍﺳﺘﻪ ﻗﯩﻠﯩﭗ ﻗﻮﻟﻼﻧﻤﺎﻗﺘﺎ. ﺷﺎﯕﺨﻪﻱ، ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻨﻰ، ﺧﯩﺘﺎﻳﻨﯩﯔ، ﺋﯜﭺ ﺧﯩﻞ ﻛﯜﭺ ﺩﻩﭖ ﺩﺍﯞﺍ ﻗﯩﻠﻐﺎﻥ ﺋﺎﺗﺎﻟﻤﯩﺶ'ﺑﯚﻟﮕﯜﻧﭽﯩﻠﯩﻚ، ﺗﯧﺮﺭﻭﺭﻟﯘﻕ، ﺋﻪﺳﻪﺑﯩﻲ ﻛﯜﭺ' ﻟﻪﺭﮔﻪ ﻗﺎﺭﺷﻰ ﺑﯩﺮ ﺧﻪﯞﭘﺴﯩﺰﻟﯩﻚ ﺗﻪﺷﻜﯩﻼﺗﻰ ﻗﯩﻠﯩﭗ ﻗﯘﺭﯗﭖ ﭼﯩﻘﺘﻰ ﯞﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻤﯘ ﺑﯘ ﺗﻪﺷﻜﯩﻼﺗﻨﯩﯔ ﻣﯘﻫﯩﻢ ﻛﯜﻧﺘﻪﺭﺗﯩﭗ ﻣﺎﺩﺩﯨﺴﻰ ﻗﺎﺗﺎﺭﯨﻐﺎ ﻛﯩﺮﮔﯜﺯﯛﻟﺪﻯ، ﺧﯩﺘﺎﻱ ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﻰ ﯞﺍﺳﯩﺘﯩﺴﻰ ﺑﯩﻠﻪﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﻰ 'ﺑﯚﻟﮕﯜﻧﭽﯩﻠﯩﻚ، ﺗﯧﺮﺭﻭﺭﻟﯘﻕ، ﺋﻪﺳﻪﺑﯩﻲ ﻛﯜﭺ' ﻛﻪ ﺋﻮﺧﺸﯩﺘﯩﭗ ﺋﯩﺠﺮﺍ ﻗﯩﻠﯩﯟﺍﺗﻘﺎﻥ ﺑﺎﺳﺘﯘﺭﯗﺵ ﺳﯩﻴﺎﺳﻪﺗﻠﯩﺮﯨﮕﻪ ﻗﺎﺭﯨﺘﺎ ﻗﺎﺭﺷﻰ ﭼﯩﻘﯩﺸﻘﺎ ﯞﻩ ﺋﻪﻳﯩﺒﻠﻪﺷﻜﻪ ﻳﻮﻝ ﻗﻮﻳﻤﺎﺳﻠﯩﻘﻘﺎ ﺗﯩﺮﯨﺸﯩﭗ ﻛﻪﻟﻤﻪﻛﺘﻪ. ﺑﯘ ﺳﻪﯞﻩﺑﺘﯩﻦ ﺧﯩﺘﺎﻳﻨﯩﯔ ﺋﯚﺯ ﻣﻪﻧﭙﻪﺋﻪﺗﻠﯩﺮﯨﻨﻰ ﻛﯚﺯﻟﯩﮕﻪﻥ ﻫﺎﻟﺪﺍ ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﻨﻰ ﺑﯩﺮ ﺳﯩﻴﺎﺳﻰ ﺋﺎﭘﭙﺎﺭﺍﺕ ﻗﯩﻠﯩﭗ ﻗﻮﻟﻠﯩﻨﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﯛﯞﺍﺗﯩﻤﯩﺰ، ﺋﯚﺯﺑﯧﻜﯩﺴﺘﺎﻥ، ﻗﺎﺯﺍﻗﯩﺴﺘﺎﻥ، ﻗﯩﺮﻏﯩﺰﯨﺴﺘﺎﻧﻐﺎ ﺋﻮﺧﺸﺎﺵ ﺋﯘﻳﻐﯘﺭﻻﺭﻣﯘ ﻛﯚﭖ ﺳﺎﻧﻨﻰ ﺗﻪﺷﻜﯩﻞ ﻗﯩﻠﻐﺎﻥ ﺩﯙﻟﻪﺗﻠﻪﺭ ﯞﻩ ﺗﯜﺭﻙ ﻣﯩﻠﻠﯩﺘﯩﮕﻪ ﺗﻪﯞﻩ ﻗﯧﺮﯨﻨﺪﺍﺵ 3 ﺟﯘﻣﻬﯘﺭﯨﻴﻪﺕ ﺋﻪﺯﺍ ﺑﻮﻟﻐﺎﻥ ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﻰ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ، 7 ‏- ﺋﺎﻳﺪﺍ ﺋﯜﺭﯛﻣﭽﯩﺪﻩ ﻳﯜﺯ ﺑﻪﺭﮔﻪﻥ ﯞﻩﻗﻪﻟﻪﺭﻧﻰ ﯞﻩ ﺑﯘﻧﯩﯖﻐﺎ ﻗﺎﺭﺷﻰ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ ﻗﺎﺗﺘﯩﻖ ﻗﻮﻝ ﺑﺎﺳﺘﯘﺭﯗﺷﻠﯩﺮﯨﻨﻰ "ﺧﯩﺘﺎﻳﻨﯩﯔ ﺋﯩﭽﻜﻰ ﺋﯩﺸﻠﯩﺮﻯ" ﺩﻩﭖ ﻗﺎﺭﯨﻐﺎﻧﻠﯩﻘﯩﻨﻰ ﯞﻩ ﺧﯩﺘﺎﻳﻨﯩﯔ ﺑﯘ ﯞﻩﻗﻪﻟﻪﺭﮔﻪ ﻗﺎﺭﯨﺘﺎ ﺗﯘﺗﻘﺎﻥ ﭘﻮﺯﯨﺘﺴﯩﻴﯩﺴﯩﻨﻰ ﺗﻪﺳﺘﯩﻘﻠﯩﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﺩﯗﻧﻴﺎ ﺟﺎﻣﺎﺋﯩﺘﯩﮕﻪ ﻳﯧﺘﻪﺭﻟﯩﻚ ﺗﻮﻧﯘﺷﺘﯘﺭﯗﻟﻤﯩﻐﺎﻧﻠﯩﻘﻰ ﺋﺎﻳﺎﻥ. ﻳﯧﻘﯩﻨﺪﺍ ﻳﯜﺯ ﺑﻪﺭﮔﻪﻥ ﯞﻩﻗﻪﻟﻪﺭﺩﯨﻤﯘ ﻛﯚﺭﯛﻟﮕﻪﻧﺪﻩﻙ ﺧﻪﻟﻘﺌﺎﺭﺍ ﺟﺎﻣﺎﺋﯩﺘﯩﻨﯩﯔ ﺧﯩﺘﺎﻱ ﺳﯩﻴﺎﺳﻪﺗﻠﯩﺮﯨﮕﻪ ﻗﺎﺭﯨﺘﺎ ﻗﺎﺭﺷﯩﻠﯩﻘﻰ ﻳﻮﻕ ﺩﯨﻴﻪﺭﻟﯩﻚ، ﺑﯘﻧﯩﯖﺪﺍ، ﺋﯘﻳﻐﯘﺭﻻﺭﻧﯩﯔ ﺧﻪﻟﻘﺌﺎﺭﺍ ﺟﺎﻣﺎﺋﯩﺘﯩﮕﻪ ﺋﯚﺯ ﻣﻪﺳﯩﻠﯩﻠﯩﺮﯨﻨﻰ ﺗﻮﻧﯘﺷﺘﯘﺭﯗﺷﺘﯩﻜﻰ ﺋﺎﺟﯩﺰﻟﯩﻘﻰ ﻣﯘﻫﯩﻢ ﺭﻭﻝ ﺋﻮﻳﻨﯩﻐﺎﻧﻠﯩﻘﻰ ﺳﻪﻟﺒﯩﻲ ﺗﻪﺳﯩﺮ ﻛﯜﭼﯩﻨﻰ ﻛﯚﺭﺳﻪﺗﻤﻪﻛﺘﻪ. ﻏﻪﺭﺑﺘﻪ ﺗﯩﺒﻪﺗﻜﻪ ﻧﯩﺴﺒﻪﺗﻪﻥ ﻗﯩﻠﯩﯟﺍﺗﻘﺎﻥ ﻏﻪﻣﺨﻮﺭﻟﯘﻗﻨﯩﯔ ﺋﻮﻧﺪﯨﻦ ﺑﯩﺮﯨﻨﯩﻤﯘ ﺋﯘﻳﻐﯘﺭ ﺗﯜﺭﻛﻠﻪﺭﮔﻪ ﻛﯚﺭﺳﻪﺗﻤﯩﺪﻯ. ﺗﯩﺒﻪﺕ ﺧﻪﻟﻘﯩﻨﯩﯔ ﺩﺍﻫﯩﺴﻰ ﺩﺍﻻﻱ ﻻﻣﺎ ﺩﯗﻧﻴﺎﺩﺍ ﺋﯩﻤﺘﯩﻴﺎﺯﻏﺎ ﺋﯧﺮﯨﺸﺘﻰ. ﻏﻪﺭﺏ ﺋﻪﻟﻠﯩﺮﻯ ﺗﯩﺒﻪﺕ ﻣﻪﺳﯩﻠﯩﺴﯩﮕﻪ ﻛﯚﯕﯜﻝ ﺑﯚﻟﯜﭖ ﻛﻪﻟﻤﻪﻛﺘﻪ، ﺋﻪﻣﻤﺎ ﺋﯘﻳﻐﯘﺭﻻﺭﻧﯩﯔ ﺋﯘﻧﺪﺍﻕ ﺑﯩﺮ ﭘﯘﺭﺳﯩﺘﻰ ﻳﻮﻕ، ﺋﯘﻳﻐﯘﺭﻻﺭﻧﯩﯔ ﺋﺎﻧﯩﺴﻰ،ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺭﻩﺋﯩﺴﻰ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﻧﯧﯟﯨﺰﯞﯨﻚ ﻫﻪﭘﺘﯩﻠﯩﻚ ﮊﯗﺭﻧﯩﻠﯩﺪﺍ ﺳﯚﺯﻟﯩﮕﯩﻨﯩﮕﻪ ﺋﻮﺧﺸﺎﺵ، ﺋﯘﻳﻐﯘﺭﻻﺭ ﻣﯘﺳﯘﻟﻤﺎﻥ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ ﺗﯧﺮﺭﻭﺭﭼﯩﻠﯩﻖ ﺑﯩﻠﻪﻥ ﺋﻮﺧﺸﺎﺵ ﻛﯚﺭﯛﻟﻤﻪﻛﺘﻪ.

ﻣﺎﻗﺎﻟﯩﺪﺍ ﻳﻪﻧﻪ ﻣﯘﻧﺪﺍﻕ ﺩﯦﻴﯩﻠﮕﻪﻥ: ﺋﯘﻳﻐﯘﺭﻻﺭ، ﻣﻪﺳﯩﻠﯩﻠﯩﺮﯨﻨﻰ ﻫﯧﭻ ﺋﯩﻜﻜﯩﻠﻪﻧﻤﻪﺳﺘﯩﻦ ﺗﯩﻨﭽﻠﯩﻖ ﺋﯘﺳﯘﻟﺪﺍ ﺧﻪﻟﻘﺌﺎﺭﺍ ﻳﯩﻐﯩﻨﻼﺭﺩﺍ ﺋﻮﺗﺘﯘﺭﯨﻐﺎ ﻗﻮﻳﯘﺷﻰ ﯞﻩ ﻛﯩﺸﯩﻠﯩﻚ ﻫﻮﻗﯘﻗﻨﻰ ﺋﺎﺳﺎﺱ ﻗﯩﻠﻐﺎﻥ ﺑﯩﺮ ﻛﯚﺭﻩﺵ ﻗﯩﻠﯩﺸﻰ ﻛﯧﺮﻩﻙ ﺑﻮﻟﻤﺎﻗﺘﺎ. ﺑﯘ ﻧﯘﻗﺘﯩﺪﺍ ﺗﯩﺒﻪﺕ ﻣﻪﺳﯩﻠﯩﺴﻰ ﺩﯗﻧﻴﺎ ﺟﺎﻣﺎﺋﯩﺘﯩﮕﻪ ﺗﯧﺨﯩﻤﯘ ﻛﯚﭖ ﺗﻮﻧﯘﻟﻐﺎﻧﻠﯩﻘﯩﻨﻰ ﻛﯚﺯﺩﻩ ﺗﯘﺗﯘﭖ، ﺗﯩﺒﻪﺕ ﻫﻪﺭﯨﻜﯩﺘﻰ ﺑﯩﻠﻪﻥ ﺋﻮﺭﺗﺎﻕ ﺑﯩﺮ ﻛﯚﺭﻩﺵ ﻗﯩﻠﯩﺶ ﺳﻪﻫﻨﯩﺴﻰ ﻫﺎﺯﯨﺮﻻﺵ ﺷﻪﺭﻗﯩﻲ ﺗﯜﺭﻛﺴﯩﺘﺎﻥ ﻛﯚﺭﯛﺷﻰ ﻏﻪﻟﯩﺒﻪ ﻗﯩﻠﯩﺶ ﺟﻪﻫﻪﺗﺘﯩﻦ ﺋﯧﻠﯩﭗ ﺋﯧﻴﺘﻘﺎﻧﺪﺍ ﺗﯧﺨﯩﻤﯘ ﺗﻪﺳﯩﺮﻯ ﺑﻮﻟﯩﺪﯗ.

ﻣﺎﻗﺎﻟﯩﻨﯩﯔ ﺋﺎﺧﯩﺮﯨﺪﺍ ﻣﯘﻧﺪﺍﻕ ﺩﯦﻴﯩﻠﮕﻪﻥ: ﻏﻪﺭﺑﺘﻪ ﻳﯧﻘﯩﻨﻘﻰ ﯞﻩﺯﯨﻴﻪﺗﻠﻪﺭﮔﻪ ﻗﻪﺩﻩﺭ، ﺧﯩﺘﺎﻳﺪﺍ ﻛﺎﭘﯩﺘﺎﻟﯩﺰﻣﻐﺎ ﻗﺎﺭﺍﭖ ﻳﯜﺯﻟﯩﻨﯩﺶ ﺑﯩﻠﻪﻥ ﺑﯩﺮﻟﯩﻜﺘﻪ ﺳﻮﺗﺴﯩﻴﺎﻝ ﯞﻩ ﺳﯩﻴﺎﺳﻰ ﺟﻪﻫﻪﺗﺘﯩﻦ ﺑﯩﺮ ﺋﯚﺯﮔﯩﺮﯨﺸﻨﯩﯔ ﻳﯜﺯ ﺑﯧﺮﯨﺪﯨﻐﺎﻧﻠﯩﻘﻰ، ﺩﯦﻤﻮﻛﺮﺍﺗﻠﯩﺸﯩﺸﻨﯩﯔ ﺗﯜﺭﺗﻜﻪ ﻛﯜﭼﻰ ﺑﯩﻠﻪﻥ ﺑﯩﺮ ﺋﻮﺗﺘﯘﺭﺍ ﺳﯩﻨﯩﭙﻨﯩﯔ ﻣﻪﻳﺪﺍﻧﻐﺎ ﭼﯩﻘﯩﺪﯨﻐﺎﻧﻠﯩﻘﻰ ﯞﻩ ﺩﯙﻟﻪﺗﻨﯩﯔ ﯞﺍﻗﯩﺘﻨﯩﯔ ﺋﯚﺗﯩﺸﻰ ﺑﯩﻠﻪﻥ ﺗﻪﺩﺭﯨﺠﻰ ﺩﯦﻤﻮﻛﺮﺍﺗﯩﻴﯩﮕﻪ ﻳﯜﺯﻟﯩﻨﯩﺪﯨﻐﺎﻧﻠﯩﻘﻰ ﻛﯜﺗﯜﻟﻤﻪﻛﺘﻪ. ﺑﯘ ﯞﻩﺯﯨﻴﻪﺗﺘﻪ ﻣﻪﺭﻛﯩﺰﻯ ﻫﺎﻛﯩﻤﯩﻴﻪﺗﻨﯩﯔ ﺋﺎﺯ ﺳﺎﻧﻠﯩﻘﻼﺭﻏﺎ ﻗﺎﺭﯨﺘﺎ ﻳﯧﻘﯩﻨﻠﯩﺸﯩﺸﻨﯩﯔ ﺗﯧﺨﯩﻤﯘ ﺋﻪﺭﻛﯩﻦ ﺑﻮﻟﯩﺪﯨﻐﺎﻧﻠﯩﻘﻰ ﭘﻪﺭﻩﺯ ﻗﯩﻠﯩﻨﻤﺎﻗﺘﺎ. ﺋﻪﻣﻤﺎ ﺑﯘ ﻫﻪﻗﺘﯩﻜﻰ ﭘﯩﻜﯩﺮﻟﻪﺭﻧﯩﯔ ﺋﻪﻣﻪﻟﯩﻴﻠﻪﺷﻤﯩﮕﻪﻧﻠﯩﻜﻰ ﺋﻮﭼﯘﻕ ‏- ﺋﺎﺷﻜﺎﺭﺍ ﺋﻮﺗﺘﯘﺭﯨﻐﺎ ﭼﯩﻘﻤﺎﻗﺘﺎ. ﺧﯩﺘﺎﻳﻨﯩﯔ ﺋﯩﭽﻜﻰ ﺋﯚﺯﮔﯩﺮﯨﺸﻰ ﺑﯩﻠﻪﻥ ﺩﯦﻤﻮﻛﺮﺍﺗﯩﻴﯩﻠﯩﺸﯩﺪﯨﻐﺎﻧﻠﯩﻘﻰ ﻳﺎﻛﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﮔﻪ ﻗﺎﺭﯨﺘﺎ ﺳﯩﻴﺎﺳﯩﺘﯩﻨﯩﯔ ﺋﯚﺯﮔﯩﺮﯨﺪﯨﻐﺎﻧﻠﯩﻘﻰ ﺷﯜﺑﻬﻪ ﺑﯩﻠﻪﻥ ﻗﺎﺭﺍﻟﻤﺎﻗﺘﺎ. ﺑﯘ ﻧﯘﻗﺘﯩﺪﺍ ﻣﻪﺳﯩﻠﯩﻨﻰ ﺧﻪﻟﻘﺌﺎﺭﺍ ﺳﻪﻫﻨﯩﻠﻪﺭﮔﻪ ﺋﯧﻠﯩﭗ ﭼﯩﻘﯩﭗ ﻣﻪﺳﯩﻠﯩﻨﯩﯔ ﻫﻪﻝ ﺑﻮﻟﯘﺵ ﻳﻮﻟﯩﻨﻰ ﺋﯩﺰﺩﻩﺵ، ﻫﯧﭻ ﺑﻮﻟﻤﯩﻐﺎﻧﺪﺍ ﺑﺎﺳﺘﯘﺭﯗﺵ ﺳﯩﻴﺎﺳﻪﺗﻠﯩﺮﯨﻨﻰ ﺗﻮﺧﺘﯩﺘﺎﻻﻳﺪﯗ، ﺑﯘ ﭼﺎﺭﯨﻨﯩﯔ ﻫﺎﺯﯨﺮﭼﻪ ﺗﯧﺨﯩﻤﯘ ﻧﻪﺗﯩﺠﯩﻠﯩﻚ ﺑﻮﻟﯩﺪﯨﻐﺎﻧﻠﯩﻘﻰ ﻛﯚﺭﯛﻟﻤﻪﻛﺘﻪ.

ﺑﯘ ﻣﺎﻗﺎﻟﯩﻨﯩﯔ ﺋﺎﭘﺘﻮﺭﻯ ﺩﻭﻛﺘﯘﺭ ﻣﯘﺳﺘﺎﻓﺎ ﺗﯘﺭﻏﯘﺕ، ﻣﻪﺭﻛﯩﺰﻯ ﺗﯜﺭﻛﯩﻴﯩﻨﯩﯔ ﺋﻪﻧﻘﻪﺭﻩ ﺷﻪﻫﯩﺮﯨﮕﻪ ﺟﺎﻳﻼﺷﻘﺎﻥ ﺧﻪﻟﻘﺌﺎﺭﺍ ﺋﯩﺴﺘﺮﺍﺗﯧﮕﯩﻴﻪ ﺗﻪﺗﻘﯩﻘﺎﺕ ﺋﯩﺪﺍﺭﯨﺴﯩﻨﯩﯔ ﺋﻮﺗﺘﯘﺭﺍ ﺋﺎﺳﯩﻴﺎ ﺋﯩﺸﻠﯩﺮﻯ ﻣﻪﺳﺌﯘﻟﻰ ﺷﯘﻧﺪﺍﻗﻼ ﺋﺎﻗﺴﺎﺭﺍﻱ ﺋﯘﻧﯩﯟﯦﺮﯨﺴﺘﯧﺘﯩﻨﯩﯔ ﺋﯩﻘﺘﯩﺴﺎﺩ ﯞﻩ ﺋﯩﮕﯩﻠﯩﻚ ﺑﺎﺷﻘﯘﺭﯗﺵ ﻓﺎﻛﻮﻟﺘﯧﺘﯩﻨﯩﯔ ﺋﻮﻗﯘﺗﻘﯘﭼﯩﺴﻰ.

پىكىر - قاراشلىرىڭىزنى ئوتتۇرىغا قويۇڭ

پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر يېزىقىدا يېزىپ يوللاڭ. پىكىر - بايانلىرىڭىز، ئەركىن ئاسىيا رادىئوسى تور بەت ئىشلىتىش بەلگىلىمىلىرى بويىچە تور باشقۇرغۇچىسى تەرىپىدىن تەستىقلانغاندىن كېيىن ئېلان قىلىنىدۇ. ئوقۇرمەنلەرنىڭ تورغا يوللىغان پىكىر - بايانلىرى ئۆزىگە خاس بولۇپ، ئەركىن ئاسىيا رادىئوسىغا ۋەكىللىك قىلالمايدۇ.

ئىسىم (ئىختىيار)

شەھەر (ئىختىيار)

دەلىل كودى (ﺗﻪﻟﻪﭖ ﻗﯩﻠﯩﻨﯩﺪﯗ)


سۈرەتتە كۆرۈلگەن ھەرپ ياكى سانلارنى بۇ يەرگە تولدۇرۇڭ.

Text (Required):

پىكىر - قاراشلىرىڭىز (ﺗﻪﻟﻪﭖ ﻗﯩﻠﯩﻨﯩﺪﯗ)