ﺧﯘ ﺟﯩﻨﺘﺎﯞﻧﯩﯔ ﻳﺎﭘﻮﻧﯩﻴﻪ ﺯﯨﻴﺎﺭﯨﺘﯩﺪﻩ ﺗﯩﺒﻪﺕ ﯞﻩ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻗﻮﻏﺪﯨﻐﯘﭼﻰ ﺋﺎﻣﻤﯩﯟﻯ ﺗﻪﺷﻜﯩﻼﺗﻼﺭﻧﯩﯔ ﻗﺎﺭﺷﯩﻠﯩﻘﯩﻐﺎ ﺋﯘﭼﺮﯨﺸﻰ ﻛﯩﺸﯩﻠﻪﺭﻧﯩﯔ ﻗﯩﻴﺎﺳﯩﺪﯨﻜﻰ ﯞﻩﻗﻪ ﺑﻮﻟﺴﯩﻤﯘ، ﻟﯧﻜﯩﻦ ﺋﯘ، ﺳﺎﺑﯩﻖ ﻳﺎﭘﻮﻧﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﺷﯩﻨﺰﻭ ﺋﺎﺑﯧﻨﯩﯔ ﺑﯩﺮ ﺋﻪﺗﯩﮕﻪﻧﻠﯩﻚ ﭼﺎﻱ ﺯﯨﻴﺎﭘﯩﺘﯩﺪﻩ ﺗﻮﺧﺘﻰ ﻣﯘﺯﺍﺕ ﻣﻪﺳﯩﻠﯩﺴﯩﻨﻰ ﺳﻮﺭﺍﻳﺪﯨﻐﺎﻧﻠﯩﻘﯩﻨﻰ ﺋﻮﻳﻠﯩﻤﯩﻐﺎﻥ ﺑﻮﻟﺴﺎ ﻛﯧﺮﻩﻙ. ﺑﯘ ﯞﻩﻗﻪ ﻳﺎﭘﻮﻧﯩﻴﻪ ﻣﻪﺗﺒﯘﺋﺎﺗﻠﯩﺮﯨﺪﺍ ﭼﻮﯓ ﺧﻪﯞﻩﺭ ﺗﯧﻤﯩﺴﻰ ﺑﻮﻟﯘﭖ ﻗﺎﻟﺪﻯ. ﺑﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﺗﻮﺧﺘﻰ ﻣﯘﺯﺍﺗﻨﯩﯔ ﻳﺎﭘﻮﻧﯩﻴﯩﺪﻩ ﻳﺎﺷﺎﻳﺪﯨﻐﺎﻥ ﺧﺎﻧﯩﻤﻰ ﺭﺍﺑﯩﻴﻪ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﯩﭗ، ﺗﻮﺧﺘﻰ ﻣﯘﺯﺍﺗﻨﯩﯔ ﺗﯜﺭﻣﯩﺪﯨﻜﻰ ﺋﻪﻫﯟﺍﻟﻰ ﯞﻩ ﺋﯚﺯﯨﻨﯩﯔ ﺋﻮﻳﻠﯩﻐﺎﻧﻠﯩﺮﯨﻨﻰ ﺭﺍﺩﯨﺌﻮ ﺋﺎﯕﻠﯩﻐﯘﭼﯩﻠﯩﺮﯨﻤﯩﺰﻏﺎ ﺳﯘﻧﺪﻯ.

ﺧﯩﺘﺎﻱ ﻫﯚﻛﯜﻣﯩﺘﻰ ﭼﻪﺗﺌﻪﻟﻠﯩﻜﻠﻪﺭﻧﻰ ﺩﯙﻟﻪﺕ ﻣﻪﺧﭙﯩﻴﻪﺗﻠﯩﻜﻰ ﺑﯩﻠﻪﻥ ﺗﻪﻣﯩﻨﻠﯩﺪﻯ، ﺩﻩﭖ ﺋﻪﻳﯩﺒﻠﯩﮕﻪﻥ ﻳﺎﭘﻮﻧﯩﻴﻪ ﺗﻮﻛﻴﻮ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺩﻭﻛﺘﻮﺭﻯ ﺗﺎﺭﯨﺨﺸﯘﻧﺎﺱ ﺗﻮﺧﺘﻰ ﻣﯘﺯﺍﺕ، ﺋﯜﺭﯛﻣﭽﯩﺪﯨﻜﻰ ﺑﯩﺮ ﺗﯜﺭﻣﯩﺪﻩ ﺟﺎﺯﺍ ﻣﯘﺩﺩﯨﺘﯩﻨﯩﯔ ﺗﻮﺷﯘﺷﯩﻨﻰ ﻛﯜﺗﯜﭖ ﻳﺎﺗﻤﺎﻗﺘﺎ. ﺗﻮﺧﺘﻰ ﻣﯘﺯﺍﺗﻨﯩﯔ ﯞﻩﻗﻪﺳﻰ ﻳﯧﻘﯩﻨﺪﺍ ﺳﺎﺑﯩﻖ ﻳﺎﭘﻮﻧﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﺷﯩﻨﺰﯗ ﺋﺎﺑﯧﻨﯩﯔ ﺧﯩﺘﺎﻱ ﺩﯙﻟﻪﺕ ﺭﻩﺋﯩﺴﻰ ﺧﯘ ﺟﯩﻨﺘﺎﯞﻏﺎ ﻣﯘﺯﺍﺗﻨﯩﯔ ﻣﻪﺳﯩﻠﯩﺴﯩﻨﻰ ﺋﻪﺳﻠﯩﺘﯩﺸﻰ ﯞﻩ ﺗﻮﺧﺘﻰ ﻣﯘﺯﺍﺗﻨﯩﯔ ﻗﻮﻳﯘﭖ ﺑﯧﺮﯨﻠﯩﺸﯩﻨﻰ ﺗﻪﻟﻪﭖ ﻗﯩﻠﯩﺸﻰ ﺑﯩﻠﻪﻥ ﻳﺎﭘﻮﻧﯩﻴﯩﻠﯩﻜﻠﻪﺭﻧﯩﯔ ﺋﯧﺴﯩﮕﻪ ﻛﻪﻟﮕﻪﻥ ﺑﻮﻟﺪﻯ.

ﺷﯩﻨﺰﯗ ﺋﺎﺑﯥ ﺗﻮﺧﺘﻰ ﻣﯘﺯﺍﺗﻨﯩﯔ ﻣﻪﺳﯩﻠﯩﺴﯩﻨﻰ ﺧﯘ ﺟﯩﻨﺘﺎﯞ ﻗﺎﺗﻨﺎﺷﻘﺎﻥ ﺑﯩﺮ ﺋﻪﺗﯩﮕﻪﻧﻠﯩﻚ ﭼﺎﻱ ﺯﯨﻴﺎﭘﯩﺘﯩﺪﻩ ﺋﻮﺗﺘﯘﺭﯨﻐﺎ ﻗﻮﻳﯘﭖ، ﺗﻮﺧﺘﻰ ﻣﯘﺯﺍﺗﻨﻰ ﻗﻮﻳﯘﭖ ﺑﯧﺮﯨﺸﻜﻪ ﺋﯜﻧﺪﯨﮕﻪﻥ. ﺧﯘ ﺟﯩﻨﺘﺎﯞ ﺑﻮﻟﺴﺎ ﯞﻩﻗﻪﻧﻰ ﺗﻪﻛﺸﯜﺭﯨﺪﯨﻐﺎﻧﻠﯩﻘﻰ، ﺋﯘﻳﻐﯘﺭ ﺗﺎﺭﯨﺨﭽﯩﻨﻰ ﺟﺎﺯﺍﻻﺷﻨﯩﯔ ﻗﺎﻧﯘﻧﻐﺎ ﺋﯘﻳﻐﯘﻥ ﻳﺎﻛﻰ ﺋﯘﻳﻐﯘﻥ ﺑﻮﻟﻤﯩﻐﺎﻧﻠﯩﻘﯩﻨﻰ ﺳﯜﺭﯛﺷﺘﯜﺭﯨﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﯞﻩﺩﻩ ﺑﻪﺭﮔﻪﻥ. ﺑﯘ ﯞﻩﻗﻪ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺗﻮﺧﺘﻰ ﻣﯘﺯﺍﺗﻨﯩﯔ ﻳﺎﭘﻮﻧﯩﻴﯩﺪﻩ ﻳﺎﺷﺎﻳﺪﯨﻐﺎﻥ ﺧﺎﻧﯩﻤﻰ ﺭﺍﺑﯩﻴﻪ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﺪﻯ.

ﻣﯘﺯﺍﺗﻨﯩﯔ ﺩﯨﻠﻮﺳﻰ ﻏﻪﺭﺏ ﺋﻪﻟﻠﯩﺮﯨﺪﻩ ﭘﺎﺭﻻﻣﯧﻨﺖ ﯞﻩ ﻛﯩﺸﯩﻠﯩﻚ ﻫﻮﻗﯘﻗﻰ ﺗﻪﺷﻜﯩﻼﺗﻠﯩﺮﯨﻐﺎ ﺧﯧﻠﻰ ﺗﻮﻧﯘﺵ ﯞﻩﻗﻪ. ﻟﯧﻜﯩﻦ ﺑﯘ ﯞﻩﻗﻪ ﻳﯧﻘﯩﻨﻘﻰ ﻣﻪﺯﮔﯩﻠﻠﻪﺭﮔﻪ ﻗﻪﺩﻩﺭ ﻳﺎﭘﻮﻧﯩﻴﯩﺪﻩ ﻫﯚﻛﯜﻣﻪﺕ ﻗﺎﺗﻠﯩﻤﯩﻐﺎ ﻛﯚﺗﯜﺭﯛﻟﻤﯩﮕﻪﻥ ﺑﯩﺮ ﺩﯨﻠﻮ ﺋﯩﺪﻯ. ﻣﯘﺯﺍﺕ ﯞﻩﻗﻪﺳﯩﺪﻩ ﻳﺎﭘﻮﻧﯩﻴﯩﻨﯩﯔ ﻣﻪﺳﺌﯘﻟﯩﻴﯩﺘﻰ ﺑﺎﺭﻟﯩﻘﯩﻨﻰ 1 ‏- ﻗﯧﺘﯩﻢ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺭﻩﺋﯩﺴﻰ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ 2007 ‏- ﻳﯩﻠﻰ ﻳﺎﭘﻮﻧﯩﻴﻪ ﺯﯨﻴﺎﺭﯨﺘﯩﺪﻩ ﺗﻮﻛﻴﻮ ﺩﺍﺋﯩﺮﯨﻠﯩﺮﯨﮕﻪ ﺧﺎﺗﯩﺮﯨﻠﻪﺗﻜﻪﻥ ﺋﯩﺪﻯ. ﺋﯘ ﺷﯘ ﻗﯧﺘﯩﻤﻘﻰ ﺯﯨﻴﺎﺭﯨﺘﯩﺪﻩ ﺷﯩﻨﺰﯗ ﺋﺎﺑﯥ ﺑﯩﻠﻪﻥ ﻛﯚﺭﯛﺷﯜﭖ، ﻣﯘﺯﺍﺗﻨﻰ ﻗﻮﻳﯘﯞﯦﺘﯩﺶ ﺗﻮﻏﺮﯨﺴﯩﺪﺍ ﺧﯩﺘﺎﻳﻐﺎ ﺑﯧﺴﯩﻢ ﺋﯩﺸﻠﯩﺘﯩﺸﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ.

ﺑﯘ ﻗﯧﺘﯩﻢ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺑﺎﺵ ﻛﺎﺗﯩﭙﻰ ﺩﻭﻟﻘﯘﻥ ﺋﻪﻳﺴﺎ ﺧﯘ ﺟﯩﻨﺘﺎﯞﻧﯩﯔ ﻳﺎﭘﻮﻧﯩﻴﻪ ﺳﻪﭘﯩﺮﻯ ﻫﺎﺭﭘﯩﺴﯩﺪﺍ ﺗﻮﻛﻴﻮﻧﻰ ﺯﯨﻴﺎﺭﻩﺕ ﻗﯩﻠﯩﭗ، ﺷﯩﻨﺰﯗ ﺋﺎﺑﯥ ﺑﯩﻠﻪﻥ ﺋﯘﭼﺮﺍﺷﻘﺎﻥ ﻫﻪﻡ ﺭﺍﺑﯩﻴﻪ ﻗﺎﺩﯨﺮﻧﯩﯔ ﻣﯘﺯﺍﺗﻨﻰ ﻗﻮﻳﯘﯞﯦﺘﯩﺶ ﻫﻪﻗﻘﯩﺪﯨﻜﻰ ﺗﻪﻟﯩﭙﯩﻨﻰ ﻳﻪﺗﻜﯜﺯﮔﻪﻥ ﺋﯩﺪﻯ.