ﺋﯘ ﺋﯩﻠﮕﯩﺮﻯ ﺋﺎﺧﯩﺮ ﺑﻮﻟﯘﭖ، ﺋﺎﻧﺎﺗﻮﻟﯩﻴﻪ ﺋﺎﮔﯧﻨﺘﻠﯩﻘﻰ، ﺗﯜﺭﻛﯩﻴﻪ ﮔﯧﺰﯨﺘﻰ ﯞﻩ ﺗﻪﺭﺟﯩﻤﺎﻥ ﮔﯧﺰﯨﺘﻠﯩﺮﯨﺪﻩ ﺋﻮﺑﺰﻭﺭﭼﻰ ﺑﻮﻟﯘﭖ ﺋﯩﺸﻠﯩﮕﻪﻥ ﺑﻮﻟﯘﭖ، ﻫﺎﺯﯨﺮ ﺗﯜﺭﻛﯩﻴﻪ ﺋﻪﺩﻩﺑﯩﻴﺎﺗﭽﯩﻼﺭ ﯞﻩﺧﭙﯩﻨﯩﯔ ﺑﺎﺷﻠﯩﻘﻰ ﺑﻮﻟﯘﺵ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ، ﻳﯧﯖﻰ ﭼﺎﻍ ﮔﯧﺰﯨﺘﯩﺪﻩ ﺋﻮﺑﺰﻭﺭ ﻳﺎﺯﻣﺎﻗﺘﺎ. ﺳﻪﺭﯞﻩﺕ ﻗﺎﺑﺎﻗﻠﻰ ﺋﯘﺯﯗﻝ ﻳﯩﻞ ﺋﯘﻳﻐﯘﺭﻻﺭﻧﯩﯔ ﻟﯩﺪﯦﺮﻯ ﺭﻩﻫﻤﻪﺗﻠﯩﻚ ﺋﻪﻳﺴﺎ ﻳﯜﺳﯜﻑ ﺋﺎﻟﭙﺘﯧﻜﯩﻨﻨﯩﯔ ﻳﯧﻨﯩﺪﺍ ﺑﻮﻟﻐﺎﻥ ﯞﻩ ﺋﯘﻧﯩﯔ ﺗﯜﺭﻛﯩﻴﻪ ﺭﻩﻫﺒﻪﺭﻟﯩﺮﻯ ﺑﯩﻠﻪﻥ ﺋﯧﻠﯩﭗ ﺑﺎﺭﻏﺎﻥ ﺋﯘﭼﺮﯨﺸﯩﺸﻠﯩﺮﯨﻐﺎ ﺷﺎﻫﯩﺖ ﺑﻮﻟﻐﺎﻥ. ﺑﯩﺰ ﺑﯜﮔﯜﻧﻜﻰ ﭘﺮﻭﮔﺮﺍﻣﯩﻤﯩﺰﺩﺍ ﻣﺎﻧﺎ ﺑﯘ ﺷﻪﺧﺲ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ. ﺋﻪﮔﻪﺭ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺩﻩﯞﺍﺳﯩﻨﯩﯔ ﺗﯜﺭﻛﯩﻴﯩﺪﻩ ﺑﯩﻠﯩﻨﻤﻪﻳﺪﯨﻐﺎﻥ ﺗﻪﺭﻩﭘﻠﯩﺮﯨﻨﻰ ﺑﯩﻠﯩﺸﻨﻰ ﺧﺎﻟﯩﺴﯩﯖﯩﺰ ﺗﻮﻧﯘﻟﻐﺎﻥ ﺋﻮﺑﺰﻭﺭﭼﻰ ﺳﻪﺭﯞﻩﺕ ﻗﺎﺑﺎﻗﻠﻰ ﺋﻪﭘﻪﻧﺪﻯ ﺑﯩﻠﻪﻥ ﺋﯧﻠﯩﭗ ﺑﺎﺭﻏﺎﻥ ﺳﯚﻫﺒﯩﺘﯩﻤﯩﺰﮔﻪ ﻗﯘﻻﻕ ﺳﺎﻟﻐﺎﻳﺴﯩﺰ.

ﺳﻮﺋﺎﻝ: ﺳﯩﺰ ﺗﯜﺭﻛﯩﻴﯩﺪﻩ ﺋﯩﺰﭼﯩﻞ ﻫﺎﻟﺪﺍ ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﺋﻮﺑﺰﻭﺭ ﻳﯧﺰﯨﭗ ﻛﻪﻟﮕﻪﻥ ﺋﻮﺑﺰﻭﺭﭼﯩﻼﺭﺩﯨﻦ ﺑﯩﺮﯨﺴﯩﺰ، ﺳﯩﺰﻧﯩﯔ ﺋﯘﻳﻐﯘﺭﻻﺭﻏﺎ ﺑﻮﻟﻐﺎﻥ ﻣﯘﻫﻪﺑﺒﯩﺘﯩﯖﯩﺰ ﻧﻪﺩﯨﻦ ﻛﻪﻟﮕﻪﻥ؟

ﺟﺎﯞﺍﭖ:    ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﺧﯩﺘﺎﻳﻼﺭﻧﯩﯔ ﺯﯗﻟﯘﻣﯩﻐﺎ، ﺗﻪﻥ ﺟﺎﺯﺍﻟﯩﺮﯨﻐﺎ ﺋﯘﭼﺮﺍﯞﺍﺗﻘﺎﻥ ﻗﯧﺮﯨﻨﺪﺍﺷﻠﯩﺮﯨﻤﻨﯩﯔ ﺋﻪﺭﻛﯩﻨﻠﯩﻜﻜﻪ ﺋﯧﺮﯨﺸﯩﺸﻰ ﺋﯜﭼﯜﻥ، ﺋﺎﺗﺎ ﺗﯜﺭﻙ ﺗﻪﺭﯨﭙﯩﺪﯨﻦ ﺭﻩﺳﻤﻰ ﻗﻮﺑﯘﻝ ﻗﯩﻠﯩﻨﻐﺎﻥ ﺋﺎﻱ ﻳﯘﻟﺘﯘﺯﻟﯘﻕ ﻛﯚﻙ ﺑﺎﻳﺮﺍﻗﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﺎﺳﻤﯩﻨﯩﺪﺍ ﻗﺎﻳﺘﺎ ﻟﻪﭘﯩﻠﺪﯨﺸﻰ ﺋﯜﭼﯜﻥ ﻣﯘﺟﺎﺩﯨﻠﯩﻤﯩﺰﻧﻰ ﺩﺍﯞﺍﻣﻼﺷﺘﯘﺭﯗﺷﯩﻤﯩﺰ ﺷﻪﺭﺕ. ﺑﯘ ﺑﯩﺰﻧﯩﯔ ﺧﯘﺩﺍ ﺋﺎﻟﺪﯨﺪﯨﻜﻰ ﺑﯘﺭﭼﯩﻤﯩﺰﺩﯗﺭ. ﻣﻪﻥ ﺋﻪﯓ ﺋﺎﺧﯩﺮﻗﻰ ﻧﻪﭘﯩﺴﯩﻤﮕﯩﭽﻪ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﻣﯘﺳﺘﻪﻗﯩﻠﻠﯩﻘﻰ ﺋﯜﭼﯜﻥ ﻛﯜﺭﻩﺵ ﻗﯩﻠﯩﻤﻪﻥ.

ﺳﻮﺋﺎﻝ: ﺳﯩﺰ ﺋﯘﺯﯗﻥ ﻳﯩﻞ ﺋﻪﻳﺴﺎ ﻳﯜﺳﯜﻑ ﺋﺎﻟﭙﺘﯧﻜﯩﻨﻨﯩﯔ ﻳﯧﻨﯩﺪﺍ ﺑﻮﻟﺪﯨﯖﯩﺰ، ﺳﯩﺰ ﺋﯘﻧﯩﯔ ﺑﯩﻠﻪﻥ ﻗﺎﻧﺪﺍﻕ ﺗﻮﻧﯘﺷﻘﺎﻥ ﺋﯩﺪﯨﯖﯩﺰ؟

ﺟﺎﯞﺍﭖ: ﺋﻪﻳﺴﺎ ﻳﯜﺳﯜﻑ ﺋﺎﻟﯩﭙﺘﯧﻜﯩﻦ ﺑﯩﻠﻪﻥ ﻗﺎﻧﺪﺍﻕ ﺗﻮﻧﯘﺷﺘﯘﯓ ﺩﯦﺴﯩﯖﯩﺰ، ﻣﻪﻥ ﺋﻪﺭﺯﯗﺭﯗﻣﺪﺍ ﺋﻮﻗﯘﻏﯘﭼﻰ ﯞﺍﻗﺘﯩﻤﺪﺍ ﺗﻪﺭﺟﯩﻤﺎﻥ ﮔﯧﺰﯨﺘﯩﻨﯩﯔ ﺋﻪﺭﺯﯗﺭﯗﻣﺪﯨﻜﻰ ﻣﯘﺧﺒﯩﺮﻯ ﺑﻮﻟﯘﭖ ﺋﯩﺸﻠﯩﮕﻪﻥ ﺋﯩﺪﯨﻢ. ﻣﻪﺭﻫﯘﻡ ﺋﻪﻳﺴﺎ ﻳﯜﺳﯜﻑ ﺋﺎﻟﭙﺘﯧﻜﯩﻨﻨﻰ ﻛﻮﻧﻔﯧﺮﺍﻧﺴﻠﯩﺮﯨﺪﯨﻦ ﺗﻮﻧﯘﻳﺘﺘﯘﻕ. ﺑﯩﺮ ﻗﯧﺘﯩﻢ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻦ ﻣﺎﻧﯩﺴﺎﻏﺎ ﻛﯧﻠﯩﭗ ﻳﻪﺭﻟﯩﺸﯩﭗ ﻗﺎﻟﻐﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻠﯩﻖ ﻗﺎﺯﺍﻗﻼﺭ ﺋﻮﻳﯘﻥ ﻗﻮﻳﯘﺵ ﺋﯜﭼﯜﻥ ﺋﻪﺭﺯﯗﺭﯗﻣﻐﺎ ﻛﻪﻟﮕﻪﻥ ﺋﯩﺪﻯ، ﺋﯘﻻﺭ ﺑﯩﻠﻪﻥ ﺗﻮﻧﯘﺷﺘﯘﻡ، ﺋﯘﻻﺭ ﺋﻮﺭﯗﻧﺪﯨﻐﺎﻥ ﺩﯨﺮﺍﻣﻤﯩﺴﯩﺪﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﻰ ﺗﻪﺳﯟﯨﺮﻟﯩﮕﻪﻥ ﺋﯩﺪﻯ، ﺩﯨﺮﺍﻣﻤﯩﻨﻰ ﻛﯚﺭﯛﭖ ﺗﻮﻟﯩﻤﯘ ﻫﺎﻳﺎﺟﺎﻧﻼﻧﺪﯨﻢ، ﺷﯘﻧﯩﯔ ﺑﯩﻠﻪﻥ ﻣﻪﻥ ﺋﯘﻻﺭ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﯧﺮﯨﭗ ﺋﯘﻧﻰ ﺗﻪﺭﺟﯩﻤﺎﻥ ﮔﯧﺰﯨﺘﯩﺪﻩ ﺋﯧﻼﻥ ﻗﯩﻠﻐﺎﻥ ﺋﯩﺪﯨﻢ. ﺑﯩﺮ ﻛﯜﻧﻰ ﺋﯩﺸﺨﺎﻧﯩﺪﺍ ﺋﻮﻟﺘﯘﺭﺳﺎﻡ ﺗﯧﻠﯧﻔﻮﻧﯘﻡ ﺟﯩﺮﯨﯖﻠﯩﺪﻯ، ﺗﯧﻠﯧﻔﻮﻧﻨﻰ ﺋﺎﭼﻘﯩﻨﯩﻤﺪﺍ "ﺋﻪﺯﯨﺰ ﻗﯧﺮﯨﻨﺪﯨﺸﯩﻢ" ﺩﯦﮕﻪﻥ ﺑﯩﺮ ﺋﺎﯞﺍﺯ ﻛﻪﻟﺪﻯ. ﺋﯘ ﺋﺎﯞﺍﺯ ﻟﯩﺪﯦﺮﯨﻤﯩﺰ ﺋﻪﻳﺴﺎ ﻳﯜﺳﯜﻑ ﺋﺎﻟﭙﺘﯧﻜﯩﻨﻨﯩﯔ ﺋﺎﯞﺍﺯﻯ ﺋﯩﺪﻯ. ﺋﯘ ﻣﯧﻨﯩﯔ ﮔﯧﺰﯨﺘﺘﻪ ﺋﯧﻼﻥ ﻗﯩﻠﻐﺎﻥ ﻣﺎﻗﺎﻟﻪﻣﻨﻰ ﺋﻮﻗﯘﻏﺎﻥ ﺋﯩﻜﻪﻥ، ﺷﯘﯕﺎ ﻣﯧﻨﻰ ﺗﻪﺑﺮﯨﻜﻠﻪﺵ ﯞﻩ ﺗﻪﺷﻪﻛﻜﯜﺭﯨﻨﻰ ﺑﯩﻠﺪﯛﺭﯛﺵ ﺋﯜﭼﯜﻥ ﺗﯧﻠﯧﻔﻮﻥ ﻗﯩﻠﻐﺎﻥ ﺋﯩﻜﻪﻥ. ﻣﻪﻥ ﺑﯘ ﺋﯩﺶ ﺑﻮﻟﯘﭖ ﺋﺎﺭﯨﺪﯨﻦ 4 ﺋﺎﻱ ﺋﯚﺗﻜﻪﻧﺪﯨﻦ ﻛﯧﻴﯩﻦ ﺗﯘﻧﺠﻰ ﻗﯧﺘﯩﻢ ﺋﯩﺴﺘﺎﻧﺒﯘﻟﻐﺎ ﺑﺎﺭﺩﯨﻢ ﯞﻩ ﺋﻪﻳﺴﺎ ﻳﯜﺳﯜﻑ ﺋﺎﻟﭙﺘﯧﻜﯩﻨﻨﯩﯔ ﺋﯚﻳﯩﮕﻪ ﺑﯧﺮﯨﭗ ﺋﯘﻧﯩﯔ ﺑﯩﻠﻪﻥ ﻳﯜﺯ ﻛﯚﺭﯛﺷﯜﺵ ﺷﻪﺭﯨﭙﯩﮕﻪ ﺋﯩﮕﻪ ﺑﻮﻟﺪﯗﻡ. ﻣﻪﻥ ﺋﻪﻧﻪ ﺷﯘ ﻛﯜﻧﺪﯨﻦ ﺗﺎﺭﺗﯩﭗ ﺋﻪﻳﺴﺎ ﻳﯜﺳﯜﻑ ﺋﺎﻟﭙﺘﯧﻜﯩﻨﻨﯩﯔ ﻣﻪﻧﯩﯟﻯ ﺑﺎﻟﯩﺴﻰ ﺑﻮﻟﺪﯗﻡ. ﺋﯘﻧﯩﯔ ﺧﯩﺰﻣﯩﺘﯩﻨﻰ ﻗﯩﻠﺪﯨﻢ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻫﻪﻗﻘﯩﺪﻩ ﻛﯚﭘﻠﻪﭖ ﻣﺎﻗﺎﻟﻪ ﺋﯧﻼﻥ ﻗﯩﻠﺪﯨﻢ.

ﺳﻮﺋﺎﻝ: ﺳﻪﺭﯞﻩﺕ ﻗﺎﺑﺎﻗﻠﻰ ﺋﻪﭘﻪﻧﺪﻯ، ﺳﯩﺰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻫﻪﻗﻘﯩﺪﻩ ﻧﯧﻤﯩﻠﻪﺭﻧﻰ ﻳﺎﺯﺩﯨﯖﯩﺰ؟

ﺟﺎﯞﺍﭖ: ﻣﻪﻥ ﻣﺎﻗﺎﻟﻪﻣﺪﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﺧﯩﺘﺎﻳﻼﺭﻧﯩﯔ ﺯﯗﻟﯘﻣﯩﻨﻰ، ﺗﯧﺨﻰ ﺋﺎﻧﯩﺴﯩﻨﯩﯔ ﻗﻮﺭﺳﯩﻘﯩﺪﺍ ﺗﯘﺭﯗﭘﻼ ﺋﯚﻟﺘﯜﺭﯛﻟﮕﻪﻥ ﺑﺎﻟﯩﻼﺭﻧﻰ، ﺧﯩﺘﺎﻳﻼﺭﻧﯩﯔ ﻟﻮﭘﻨﻮﺭﺩﺍ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺋﺎﺗﻮﻡ ﺑﻮﻣﺒﯩﺴﻰ ﺳﯩﻨﺎﻗﻠﯩﺮﯨﻨﯩﯔ ﺯﯨﻴﺎﻧﻜﻪﺷﻠﯩﻜﯩﮕﻪ ﺋﯘﭼﺮﯨﻐﺎﻥ ﯞﻩ ﻫﯧﻠﯩﻬﻪﻡ ﺋﯘﭼﺮﺍﯞﺍﺗﻘﺎﻥ ﺋﯘﻳﻐﯘﺭ ﻗﯧﺮﯨﻨﺪﺍﺷﻠﯩﺮﯨﻤﻨﯩﯔ ﺗﺮﺍﮔﯩﺪﯨﻴﻪﻟﯩﺮﯨﻨﻰ ﻳﺎﺯﺩﯨﻢ. ﺧﯩﺘﺎﻳﻼﺭﻧﯩﯔ ﺋﯚﺗﻤﯜﺷﺘﻪ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﻰ ﻗﻮﻟﻐﺎ ﭼﯜﺷﯜﺭﯛﺵ، ﻫﺎﺯﯨﺮ ﺑﻮﻟﺴﺎ ﻗﻮﻟﯩﺪﺍ ﺗﯘﺗﯘﭖ ﺗﯘﺭﯗﺵ ﺋﯜﭼﯜﻥ ﻗﯩﻠﻐﺎﻥ ﯞﻩ ﻗﯩﻠﯩﯟﺍﺗﻘﺎﻥ ﻫﯩﻴﻠﻪ - ﻧﻪﻳﺮﻩﯕﻠﯩﺮﯨﻨﻰ ﻳﺎﺯﺩﯨﻢ. ﻣﻪﻥ ﺋﯚﻣﺮﯛﻣﻨﯩﯔ ﺋﺎﺧﯩﺮﯨﻐﯩﭽﻪ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﻰ ﻳﺎﺯﯨﻤﻪﻥ.