ﺑﯩﺰ ﺗﯚﯞﻩﻧﺪﻩ ﺳﯩﻠﻪﺭﮔﻪ ﻣﯘﺭﺍﺳﯩﻤﺪﺍ ﭘﺮﻭﻓﯧﺴﺴﻮﺭ ﺩﻭﻛﺘﯘﺭ ﺟﺎﻻﻝ ﺋﻪﺭﺑﺎﻳﻨﯩﯔ ﺑﺎﺭﺍﺕ ﻫﺎﺟﻰ ﯞﻩ ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﺑﺎﻳﺎﻥ ﻗﯩﻠﻐﺎﻥ ﺳﯚﺯﻟﯩﺮﯨﺪﯨﻦ ﻣﻪﻟﯘﻡ ﻗﯩﺴﻤﯩﻨﻰ ﺗﻪﻗﺪﯨﻢ ﻗﯩﻠﯩﻤﯩﺰ.
 
ﺟﺎﻻﻝ ﺋﻪﺭﺑﺎﻱ ﺳﯚﺯﯨﺪﻩ، ﺋﯚﺯﯨﻨﯩﯔ ﻣﺎﺭﻣﺎﺭﺍ ﺋﯘﻧﯩﯟﻩﺭﺳﯩﺘﯧﺘﯩﺪﺍ ﺋﻮﻗﯘﺗﻘﯘﭼﯩﻠﯩﻖ ﻗﯩﻠﯩﯟﺍﺗﻘﺎﻥ ﻣﻪﺯﮔﯩﻠﻠﻪﺭﺩﻩ ﺗﯘﻧﺠﻰ ﻗﯧﺘﯩﻢ ﺑﺎﺭﺍﺕ ﻫﺎﺟﯩﻨﻰ ﺗﯧﻠﯩﯟﯨﺰﻭﺭﺩﺍ ﻛﯚﺭﮔﻪﻧﻠﯩﻜﯩﻨﻰ ﯞﻩ ﺑﺎﺭﺍﺕ ﻫﺎﺟﯩﻨﯩﯔ ﺳﯚﺯﻟﯩﺮﯨﺪﯨﻦ ﺗﻪﺳﯩﺮﻟﻪﻧﮕﻪﻧﻠﯩﻜﯩﻨﻰ ﻫﻪﻣﺪﻩ ﺋﯘﻧﯩﯔ ﺋﯘﻳﻐﯘﺭ ﺋﯩﻜﻪﻧﻠﯩﻜﯩﻨﻰ ﺑﯩﻠﮕﻪﻧﺪﯨﻦ ﻛﯧﻴﯩﻦ ﺋﯘﻳﻐﯘﺭ ﺋﻮﻗﯘﻏﯘﭼﯩﺪﯨﻦ ﺑﺎﺭﺍﺕ ﻫﺎﺟﻰ ﺑﯩﻠﻪﻥ ﺋﯘﭼﺮﺍﺷﺘﯘﺭﯗﺷﻨﻰ ﺗﻪﻟﻪﭖ ﻗﯩﻠﯩﭗ ﺋﯘﻧﯩﯔ ﺑﯩﻠﻪﻥ ﺗﻮﻧﯘﺷﻘﺎﻧﻠﯩﻘﯩﻨﻰ ﺋﺎﯕﻼﺗﻘﺎﻧﺪﯨﻦ ﻛﯧﻴﯩﻦ ﻣﻪﺭﻫﯘﻣﻨﯩﯔ ﻫﺎﻳﺎﺗﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ، "ﺑﺎﺭﺍﺕ ﻫﺎﺟﻰ، ﺋﯩﺴﻤﻰ ﺟﯩﺴﻤﯩﻐﺎ ﻻﻳﯩﻖ ﺑﯩﺮ ﺋﯩﻨﺴﺎﻥ ﺑﻮﻟﯘﺵ ﺳﯜﭘﯩﺘﻰ ﺑﯩﻠﻪﻥ ﻳﺎﺷﺎﭖ، ﺟﺎﻥ ﺩﯨﻞ ﯞﻩ ﺷﻪﺭﻩﭖ ﺑﯩﻠﻪﻥ ﻫﺎﻳﺎﺗﯩﺪﯨﻦ ﺋﺎﻳﺮﯨﻠﺪﻯ. ﺑﺎﺭﺍﺕ ﻫﺎﺟﯩﻐﺎ ﺋﺎﻟﻼﻫ ﺭﻩﻫﻤﻪﺕ ﻗﯩﻠﺴﯘﻥ، ﺋﯘ ﺋﺎﺯﺍﺩﻟﯩﻘﻨﯩﯔ، ﺋﯩﻨﺴﺎﻧﭙﻪﺭﯞﻩﺭﻟﯩﻜﻨﯩﯔ، ﺋﺎﺩﺍﻟﻪﺗﻨﯩﯔ ﺳﯩﻤﯟﻭﻟﻰ ﺋﯩﺪﻯ. ﺑﺎﺭﺍﺕ ﻫﺎﺟﯩﻨﯩﯔ ﺭﻭﻫﯩﻨﻰ، ﺧﺎﺭﺍﻛﺘﯧﺮﯨﻨﻰ، ﺷﻪﺧﺴﯩﻴﯩﺘﯩﻨﻰ، ﭘﻪﺭﺯﻩﻧﺘﯩﯖﻠﻪﺭﻏﺎ ﺋﯚﮔﯩﺘﯩﺸﯩﯖﻼﺭﻧﻰ ﺗﻪﯞﺳﯩﻴﻪ ﻗﯩﻠﯩﻤﻪﻥ، ﺋﺎﻟﻼﻫ ﺑﯘﻳﺮﯨﺴﺎ ﻳﻪﻧﻪ ﺑﯩﺮ ﻗﯧﺘﯩﻢ ﻧﯘﺭﻏﯘﻥ ﺑﺎﺭﺍﺕ ﻫﺎﺟﯩﻼﺭ ﺳﯩﻠﻪﺭﻧﯩﯔ ﺋﺎﺭﺍﯕﻼﺭﺩﯨﻦ ﻳﯧﺘﯩﺸﯩﭗ ﭼﯩﻘﯩﺪﯗ، ﻗﻪﻫﺮﯨﻤﺎﻧﻼﺭ ﭼﯩﻘﯩﺪﯗ، ﺋﺎﻟﻼﻫﻨﯩﯔ ﺳﯩﻠﻪﺭﮔﻪ ﯞﻩﺩﻩ ﻗﯩﻠﻐﺎﻥ ﯞﻩ ﺳﯩﻠﻪﺭ ﺋﺎﺭﺯﯗ ﻗﯩﻠﻐﺎﻥ ﭘﺎﺭﻻﻕ ﻛﯜﻧﻠﻪﺭ ﭘﺎﺕ ﺋﺎﺭﯨﺪﺍ ﻳﯧﺘﯩﭗ ﻛﯧﻠﯩﺪﯗ".

ﺟﺎﻻﻝ ﺋﻪﺭﺑﺎﻱ ﻳﻪﻧﻪ ﺋﯘﻳﻐﯘﺭﻻﺭﻧﯩﯔ ﻧﻮﭘﯘﺳﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ، "ﺳﯩﻠﻪﺭﻧﯩﯔ ﺯﯗﻟﯘﻡ ﭼﯧﻜﯩﯟﺍﺗﻘﯩﻨﯩﯖﻼﺭﻧﻰ ﻣﻪﻥ ﺑﯩﻠﯩﻤﻪﻥ، ﺷﻪﺭﻗﻰ ﺗﯜﺭﻛﯩﺴﺘﺎﻧﻨﯩﯔ ﻧﻮﭘﯘﺳﻰ 35 ﻣﯩﻠﻴﻮﻥ، ﻫﻪﺭ ﺋﺎﺋﯩﻠﯩﺪﻩ 4 ﻳﺎﻛﻰ 5 ﭘﻪﺭﺯﻩﻧﺖ ﺑﻮﻟﺴﺎ ﺋﯩﺪﻯ، ﺷﻪﺭﻗﻰ ﺗﯜﺭﻛﯩﺴﺘﺎﻧﻨﯩﯔ ﻧﻮﭘﯘﺳﻰ 70 ﻳﺎﻛﻰ 80 ﻣﯩﻠﻴﻮﻥ ﺑﻮﻻﺗﺘﻰ. ﺷﻪﺭﻗﻰ ﺗﯜﺭﻛﯩﺴﺘﺎﻧﻠﯩﻖ ﻗﯧﺮﯨﻨﺪﺍﺷﻠﯩﺮﯨﻢ! ﺳﯩﻠﻪﺭﻧﻰ ﺋﺎﻟﻼ ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﯩﻨﯩﯔ ﮔﺮﺍﺟﺪﺍﻧﻠﯩﻖ ﺷﺎﺭﺍﺋﯩﺘﻘﺎ ﺋﯧﺮﯨﺸﺘﯜﺭﺩﻯ، ﺳﯩﻠﻪﺭ ﻫﯚﺭ ﯞﻩ ﺋﺎﺯﺍﺕ ﻳﺎﺷﺎﻳﺴﯩﻠﻪﺭ، ﺭﻩﺑﺒﯩﻢ ﺳﯩﻠﻪﺭﮔﻪ ﺋﻪﻗﯩﻠﻠﯩﻖ ﭘﻪﺭﺯﻩﻧﺘﻠﻪﺭ ﺑﻪﺭﺩﻯ، ﺑﯘ ﭘﻪﺭﺯﻩﻧﺘﻠﻪﺭﮔﻪ ﺑﺎﺭﺍﺕ ﻫﺎﺟﯩﻨﯩﯔ ﺭﻭﻫﯩﻨﻰ ﺋﯚﮔﯩﺘﯩﯖﻼﺭ، ﺋﺎﺯﺍﺩﻟﯩﻘﻘﺎ ﺋﯩﻨﺘﯩﻠﯩﺪﯨﻐﺎﻥ ﺭﻭﻫ ﺑﯩﻠﻪﻥ ﻳﯧﺘﯩﺸﺘﯜﺭﯛﯕﻼﺭ، ﺋﯘﻻﺭ ﺷﻪﺭﻗﻰ ﺗﯜﺭﻛﯩﺴﺘﺎﻧﻨﯩﯔ ﺋﺎﺯﺍﺩﻟﯩﻘﻰ، ﻣﯘﺳﺘﻪﻗﯩﻠﻠﯩﻘﻰ ﺋﯜﭼﯜﻥ ﭘﯩﺪﺍﻛﺎﺭ ﺑﯩﺮ ﺭﻭﻫ ﺑﯩﻠﻪﻥ ﻳﯧﺘﯩﻠﺴﯘﻥ"!

ﺟﺎﻻﻝ ﺋﻪﺭﺑﺎﻱ ﺋﯚﺯﯨﻨﯩﯔ ﺋﯘﻳﻐﯘﺭﻻﺭﻏﺎ ﻛﯚﯕﯜﻝ ﺑﯚﻟﯜﯞﺍﺗﻘﺎﻧﻠﯩﻘﯩﻨﻰ ﺋﯩﭙﺎﺩﯨﻠﻪﭖ ﻣﯘﻧﺪﺍﻕ ﺩﯦﺪﻯ: "ﺳﯩﻠﻪﺭﻧﯩﯔ ﺩﻩﺭﺕ ‏ - ﻫﻪﺳﺮﯨﺘﯩﯖﻼﺭ ﺑﯩﺰﻧﯩﯔ ﻫﻪﺳﺮﯨﺘﯩﻤﯩﺰ، ﻫﯚﺭﻣﻪﺗﻠﯩﻚ ﺑﺎﺵ ﻣﯩﻨﯩﺴﺘﯩﺮﯨﻤﯩﺰ ﺋﯘ ﻳﻪﺭﮔﻪ ﻛﯚﯕﯜﻝ ﺑﯚﻟﯜﺵ ﯞﻩﺯﯨﭙﯩﺴﯩﻨﻰ ﻣﺎﯕﺎ ﺑﻪﺭﺩﻯ، ﺋﯘ ﻳﻪﺭﺩﯨﻜﯩﻠﻪﺭﮔﻪ ﻣﻪﻥ ﻛﯚﯕﯜﻝ ﺑﯚﻟﯩﻤﻪﻥ، ﻗﯩﻴﯩﻨﭽﯩﻠﯩﻘﻼﺭﻧﻰ ﺑﯩﺮﮔﻪ ﺗﺎﺭﺗﯩﻤﯩﺰ، ﺩﻩﺭﺗﻠﻪﺭﻧﻰ ﺑﯩﻠﻠﻪ ﭼﯧﻜﯩﻤﯩﺰ، ﯞﻩﺗﻪﻥ ﺋﯩﺸﻘﯩﺪﺍ ﺑﯩﻠﻠﻪ ﻛﯚﻳﯩﻤﯩﺰ، ﺳﯩﻠﻪﺭ ﺑﯩﻠﻪﻥ ﺋﯜﻣﯩﺪﻟﯩﻨﯩﻤﻪﻥ، ﻣﻪﻧﻤﯘ ﺋﯘ ﭘﺎﺭﻻﻕ ﻛﯜﻧﻠﻪﺭﻧﻰ ﺳﯩﻠﻪﺭ ﺑﯩﻠﻪﻥ ﺑﯩﺮﮔﻪ ﻛﯚﺭﯛﺷﻨﻰ ﺧﺎﻻﻳﻤﻪﻥ. ﺭﻩﺑﺒﯩﻢ ﺩﯗﻧﻴﺎﺩﺍ ﺯﯗﻟﯘﻣﻐﺎ ﺋﯘﭼﺮﯨﻐﺎﻥ، ﺋﯧﺰﯨﻠﮕﻪﻥ ﭘﯜﺗﻜﯜﻝ ﺧﻪﻟﻘﻠﻪﺭﮔﻪ، ﻣﯩﻠﻠﻪﺗﻠﻪﺭﮔﻪ ﺋﺎﺯﺍﺩﻟﯩﻖ ﻧﯩﺴﯩﭗ ﻗﯩﻠﻐﺎﻱ".

ﭘﺎﺭﻻﻣﯧﻨﺖ ﺋﻪﺯﺍﺳﻰ ﺟﺎﻻﻝ ﺋﻪﺭﺑﺎﻱ ﺳﯚﺯﯨﻨﻰ ﺋﺎﺧﯩﺮﻻﺷﺘﯘﺭﻏﺎﻧﺪﺍ ﻣﯘﺭﺍﺳﯩﻢ ﺋﯩﺸﺘﯩﺮﺍﻛﭽﯩﻠﯩﺮﯨﺪﯨﻦ ﺑﻪﺯﻯ ﺋﯘﻳﻐﯘﺭﻻﺭﻧﯩﯔ ﺳﻮﺭﯨﻐﺎﻥ ﺳﻮﺋﺎﻟﻠﯩﺮﯨﻐﺎ ﺟﺎﯞﺍﭖ ﺑﻪﺭﺩﻯ.

ﺟﺎﻻﻝ ﺋﻪﺭﺑﺎﻱ ﺑﯩﺮ ﺋﯘﻳﻐﯘﺭﻧﯩﯔ ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﻰ ﻧﯧﻤﻪ ﺋﯜﭼﯜﻥ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺭﻩﺋﯩﺴﻰ ﺭﺍﺑﯩﻴﻪ ﻗﺎﺩﯨﺮﺧﺎﻧﯩﻤﻐﺎ ﯞﯨﺰﺍ ﺑﻪﺭﻣﻪﻳﺪﯗ؟ ﺳﯩﺰ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﺗﯜﺭﻛﯩﻴﯩﮕﻪ ﻛﯧﻠﯩﺸﯩﮕﻪ ﻳﺎﺭﺩﻩﻡ ﻗﯩﻼﻻﻣﺴﯩﺰ؟ ﺩﯦﮕﻪﻥ ﺳﻮﺋﺎﻟﯩﻐﺎ ﺟﺎﯞﺍﭖ ﺑﯧﺮﯨﭗ ﻣﯘﻧﺪﺍﻕ ﺩﯦﺪﻯ:

"ﻫﻪﻗﯩﻘﻪﺗﻪﻥ ﺭﺍﺑﯩﻴﻪ ﺧﺎﻧﯩﻢ ﺋﺎﻧﯩﻤﯩﺰ، ﺑﻪﻙ ﻫﯚﺭﻣﻪﺗﻠﯩﻚ، ﻏﻪﻳﺮﻩﺗﻠﯩﻚ، ﺷﻪﺭﻗﻰ ﺗﯜﺭﻛﯩﺴﺘﺎﻧﻨﯩﯔ ﺋﺎﺯﺍﺩﻟﯩﻘﻰ ﺋﯜﭼﯜﻥ ﺟﯧﻨﯩﺪﯨﻦ ﻛﻪﭼﻜﻪﻥ ﺟﺎﭘﺎﻛﻪﺵ ﺑﯩﺮ ﺧﺎﻧﯩﻢ. ﺑﯩﺰ ﺭﺍﺑﯩﻴﻪ ﺧﺎﻧﯩﻤﻨﯩﯔ ﺗﯜﺭﻛﯩﻴﯩﻨﻰ ﺯﯨﻴﺎﺭﻩﺕ ﻗﯩﻠﯩﺸﻰ ﺋﯜﭼﯜﻥ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻜﻰ ﯞﻩ ﺗﺎﺷﻘﻰ ﺋﯩﺸﻼﺭ ﻛﻮﻣﯩﺘﯧﺘﻰ ﺑﯩﻠﻪﻥ ﭘﯜﺗﻜﯜﻝ ﺋﯩﻤﻜﺎﻧﯩﻴﻪﺗﻠﻪﺭﻧﻰ ﺋﯩﺸﻘﺎ ﺳﯧﻠﯩﭗ ﺳﯚﺯﻟﯩﺸﯩﯟﺍﺗﯩﻤﯩﺰ، ﺑﯘ ﻫﻪﻗﺘﻪ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ ﺳﯩﻴﺖ ﺗﯜﻣﺘﯜﺭﻙ ﺋﻪﭘﻪﻧﺪﻯ ﯞﻩ ﺋﻪﻧﻘﻪﺭﻩﺩﯨﻜﻰ ﺷﻪﺭﻗﻰ ﺗﯜﺭﻛﯩﺴﺘﺎﻥ ﻣﻪﺩﻩﻧﯩﻴﻪﺕ ﯞﻩ ﻫﻪﻣﻜﺎﺭﻟﯩﻖ ﺟﻪﻣﺌﯩﻴﯩﺘﯩﻨﯩﯔ ﺑﺎﺷﻠﯩﻘﻰ ﺧﻪﻳﺮﯗﻟﻼ ﺋﻪﭘﻪﻧﺪﻯ ﺑﯩﻠﻪﻥ ﻳﯧﻘﯩﻦ ﻣﯘﻧﺎﺳﯩﯟﻩﺕ ﻗﯘﺭﯗﭖ ﻛﯧﻠﯩﯟﺍﺗﯩﻤﯩﺰ، ﺧﯘﺩﺍﻳﯩﻢ ﺑﯘﻳﺮﯨﺴﺎ ﺭﺍﺑﯩﻴﻪ ﺧﺎﻧﯩﻢ ﺋﺎﻧﯩﻤﯩﺰ ﺗﯜﺭﻛﯩﻴﯩﻨﻰ ﺯﯨﻴﺎﺭﻩﺕ ﻗﯩﻠﯩﺪﯗ".

پىكىر - قاراشلىرىڭىزنى ئوتتۇرىغا قويۇڭ

پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر يېزىقىدا يېزىپ يوللاڭ. پىكىر - بايانلىرىڭىز، ئەركىن ئاسىيا رادىئوسى تور بەت ئىشلىتىش بەلگىلىمىلىرى بويىچە تور باشقۇرغۇچىسى تەرىپىدىن تەستىقلانغاندىن كېيىن ئېلان قىلىنىدۇ. ئوقۇرمەنلەرنىڭ تورغا يوللىغان پىكىر - بايانلىرى ئۆزىگە خاس بولۇپ، ئەركىن ئاسىيا رادىئوسىغا ۋەكىللىك قىلالمايدۇ.

ئىسىم (ئىختىيار)

شەھەر (ئىختىيار)

دەلىل كودى (ﺗﻪﻟﻪﭖ ﻗﯩﻠﯩﻨﯩﺪﯗ)


سۈرەتتە كۆرۈلگەن ھەرپ ياكى سانلارنى بۇ يەرگە تولدۇرۇڭ.

Text (Required):

پىكىر - قاراشلىرىڭىز (ﺗﻪﻟﻪﭖ ﻗﯩﻠﯩﻨﯩﺪﯗ)