ﺑﯜﮔﯜﻧﻜﻰ ﭘﺮﻭﮔﺮﺍﻣﯩﻤﯩﺰﺩﺍ ﻣﯘﺳﺎﭘﯩﺮﻻﺭ ﻣﻪﺳﯩﻠﯩﺴﻰ ﻳﯩﻐﯩﻨﯩﻐﺎ ﻗﺎﺗﻨﺎﺷﻘﺎﻥ ﺗﯜﺭﻛﯩﻴﻪ ﭘﺎﺭﻻﻣﯧﻨﺘﯩﻨﯩﯔ ﺋﻪﺯﺍﺳﻰ، ﺗﯜﺭﻛﯩﻴﻪ ﭘﺎﺭﻻﻣﯧﻨﺘﻰ ﺋﯩﻨﺴﺎﻥ ﻫﻪﻗﻠﯩﺮﻯ ﻛﻮﻣﯩﺘﯧﺘﻰ ﺋﻪﺯﺍﺳﻰ ﺟﻪﻣﺎﻝ ﻳﯩﻠﻤﺎﺯ ﺩﯦﻤﯩﺮ ﺋﻪﭘﻪﻧﺪﻯ ﺑﯩﻠﻪﻥ ﺋﯘﻳﻐﯘﺭﻻﺭﻧﯩﯔ ﺋﯩﻨﺴﺎﻥ ﻫﻪﻗﻠﯩﺮﻯ ﻣﻪﺳﯩﻠﺴﯩﻰ ﺋﯜﺳﺘﯩﺪﻩ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ.

 ﺋﻪﺭﻛﯩﻦ ﺗﺎﺭﯨﻢ: ﻫﯚﺭﻣﻪﺗﻠﯩﻚ ﭘﺎﺭﻻﻣﯧﻨﺖ ﺋﻪﺯﺍﺳﻰ ﺟﻪﻣﺎﻝ ﻳﯩﻠﻤﺎﺯ ﺩﯦﻤﯩﺮ ﺋﻪﭘﻪﻧﺪﻯ ﺳﯩﺰﮔﯩﻤﯘ ﻣﻪﻟﯘﻡ ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯧﺮﻯ ﺧﯩﺘﺎﻳﻨﯩﯔ ﺋﯘﻳﻐﯘﺭﻻﺭﻏﺎ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺑﯧﺴﯩﻢ ﺳﯩﻴﺎﺳﯩﺘﯩﺪﯨﻦ ﻗﯧﭽﯩﭗ ﺗﯜﺭﻛﯩﻴﻪﮔﻪ ﻛﯧﻠﯩﭗ ﭘﺎﻧﺎﻫﻠﯩﻖ ﺗﯩﻠﻪﯞﺍﺗﻘﺎﻥ ﺋﯘﻳﻐﯘﺭﻻﺭﻧﯩﯔ ﺳﺎﻧﻰ ﺑﺎﺭﻏﺎﻧﺴﯧﺮﻯ ﻛﯚﭘﻪﻳﻤﻪﻛﺘﻪ. ﺋﻪﻣﻤﺎ ﺗﯜﺭﻛﯩﻴﯩﻨﯩﯔ ﻣﯘﺳﺎﭘﯩﺮﻻﺭ ﻗﺎﻧﯘﻧﯩﺪﯨﻜﻰ ﻣﺎﺩﺩﯨﻼﺭﺩﺍ ﺋﺎﺳﯩﻴﺎ ﺩﯙﻟﻪﺗﻠﯩﺮﯨﺪﯨﻦ ﻛﻪﻟﮕﻪﻧﻠﻪﺭﮔﻪ ﭘﺎﻧﺎﻫﻠﯩﻖ ﺑﯧﺮﯨﻠﻤﻪﺳﻠﯩﻚ ﺩﯦﮕﻪﻥ ﺑﯩﺮ ﻣﺎﺩﺩﺍ ﺑﻮﻟﻐﺎﭼﻘﺎ ﺋﯘﻳﻐﯘﺭﻻﺭﻣﯘ ﺑﯘ ﻗﺎﻧﯘﻥ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ ﻗﯩﻴﯩﻨﭽﯩﻠﯩﻘﻼﺭﻏﺎ ﺋﯘﭼﺮﺍﯞﺍﺗﯩﺪﯗ. ﺗﯜﺭﻛﯩﻴﯩﺪﻩ 7 - 8 ﻳﯩﻠﺪﯨﻦ ﺑﯧﺮﻯ ﯞﻩﺗﻪﻧﺪﺍﺵ ﺑﻮﻟﯘﺷﻨﻰ ﻛﯜﺗﯜﭖ ﺗﯘﺭﯗﯞﺍﺗﻘﺎﻥ ﺋﯘﻳﻐﯘﺭﻻﺭﻣﯘ ﺋﺎﺯ ﺋﻪﻣﻪﺱ. ﺗﯜﺭﻛﯩﻴﻪ ﭘﺎﺭﻻﻣﯧﻨﺘﯩﻨﯩﯔ ﺑﯘ ﻗﺎﻧﯘﻧﻨﻰ ﺗﯜﺯﯨﺘﯩﺶ ﺗﻮﻏﺮﯨﺴﯩﺪﺍ ﺑﯩﺮ ﻻﻫﯩﻴﯩﺴﻰ ﺑﺎﺭﻣﯘ ﻳﻮﻕ ؟

ﺟﺎﯞﺍﭖ: ﺑﯜﮔﯜﻧﻜﻰ ﺳﯚﺯﯛﻣﺪﯨﻤﯘ ﺩﻩﭖ ﺋﯚﺗﺘﯜﻡ. ﺗﯜﺭﻛﯩﻴﻪ - 1951 ﻳﯩﻠﯩﺪﯨﻜﻰ ﺟﻪﻧﯟﻩ ﻛﯧﻠﯩﺸﯩﻤﯩﺪﻩ ﺟﯘﻏﺮﺍﭘﯩﻴﯩﯟﯨﻲ ﭼﻪﻛﻠﯩﻤﻪ ﻗﻮﻳﻐﺎﻥ ﺋﯩﻜﻪﻥ. ﺷﯘﯕﺎ، ﻫﺎﺯﯨﺮ ﺑﯘ ﺧﯩﻞ ﻗﯩﻴﯩﻨﭽﯩﻠﯩﻘﻼﺭﻏﺎ ﺩﯗﭼﺎﺭ ﺑﻮﻟﯘﯞﺍﺗﯩﻤﯩﺰ. ﺋﯘ ﯞﺍﻗﯩﺘﺘﯩﻜﻰ ﺗﺎﺭﯨﺨﻰ ﺷﺎﺭﺍﺋﯩﺘﺘﺎ ﺟﯘﻏﺮﺍﭘﯩﻴﯩﯟﯨﻲ ﺋﻮﺭﻧﯩﻤﯩﺰ ﺗﯜﭘﻪﻳﻠﯩﺪﯨﻦ ﻣﯘﺷﯘﻧﺪﺍﻕ ﺑﯩﺮ ﭼﻪﻛﻠﯩﻤﻪ ﻗﻮﻳﯘﻟﻐﺎﻥ ﺑﻮﻟﯘﺷﻰ ﻣﯘﻣﻜﯩﻦ. ﺋﻪﻣﻤﺎ ﺑﯜﮔﯜﻧﻜﻰ ﻛﯜﻧﺪﻩ ﺑﯘ ﭼﻪﻛﻠﯩﻤﻪ ﺋﻪﻣﻪﻟﺪﯨﻦ ﻗﯧﻠﯩﺸﻰ ﻛﯧﺮﻩﻙ، ﺩﻩﭖ ﺋﻮﻳﻼﻳﻤﻪﻥ. ﺑﯘ ﻗﺎﻧﯘﻧﺪﺍ ﻳﺎﯞﺭﯗﭘﺎ ﺩﯙﻟﻪﺗﻠﯩﺮﯨﺪﯨﻦ ﺑﺎﺷﻘﺎ ﺩﯙﻟﻪﺗﻠﻪﺭﺩﯨﻦ ﻛﻪﻟﮕﻪﻧﻠﻪﺭﮔﻪ ﺗﯜﺭﻛﯩﻴﯩﺪﻩ ﭘﺎﻧﺎﻫﻠﯩﻨﯩﺶ ﻫﻮﻗﯘﻗﻰ ﺑﻪﺭﻣﻪﺳﻠﯩﻚ ﺑﻪﻟﮕﯩﻠﻪﻧﮕﻪﻥ. ﺑﯘ ﻗﺎﻧﯘﻥ ﺳﻪﯞﻩﺑﯩﺪﯨﻦ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻦ ﻛﻪﻟﮕﻪﻥ ﻗﯧﺮﯨﻨﺪﺍﺷﻠﯩﺮﯨﻤﯩﺰﻧﯩﯖﻤﯘ ﻗﯧﻴﯩﻦ ﺋﻪﻫﯟﺍﻟﺪﺍ ﻗﯧﻠﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﯩﻤﻪﻥ. ﻳﯧﻘﯩﻨﺪﺍ ﺑﯘ ﻗﺎﻧﯘﻧﻐﺎ ﺗﯜﺯﯨﺘﯩﺶ ﻛﯩﺮﮔﯜﺯﯛﻟﯩﺸﻰ ﻣﯘﻣﻜﯩﻦ.

ﺋﻪﺭﻛﯩﻦ ﺗﺎﺭﯨﻢ: ﻫﯚﺭﻣﻪﺗﻠﯩﻚ ﭘﺎﺭﻻﻣﯧﻨﺖ ﺋﻪﺯﺍﺳﻰ ﺟﻪﻣﺎﻝ ﻳﯩﻠﻤﺎﺯ ﺩﯦﻤﯩﺮ ﺋﻪﭘﻪﻧﺪﻯ ﺧﻪﻟﻘﺌﺎﺭﺍ ﺋﯩﻨﺴﺎﻥ ﻫﻪﻗﻠﯩﺮﻯ ﺗﻪﺷﻜﯩﻼﺗﻠﯩﺮﻯ ﺋﯚﺯﯨﻨﯩﯔ ﺩﻭﻛﻼﺗﻠﯩﺮﯨﺪﺍ ﺧﯩﺘﺎﻳﻨﯩﯔ ﺋﯘﻳﻐﯘﺭﻻﺭﻧﯩﯔ ﺋﻪﯓ ﺋﻪﻗﻪﻟﻠﯩﻲ ﻛﯩﺸﯩﻠﯩﻚ ﻫﻮﻗﯘﻗﯩﻨﯩﻤﯘ ﺑﻪﺭﻣﻪﻳﯟﺍﺗﻘﺎﻧﻠﯩﻘﯩﻨﻰ ﻳﺎﺯﻣﺎﻗﺘﺎ. ﺧﯩﺘﺎﻱ ﻳﻪﻧﻪ ﺋﯘﻳﻐﯘﺭﻻﺭﻧﻰ ﺧﻪﻟﻘﺌﺎﺭﺍﻏﺎ ﺋﯩﺴﻼﻣﯩﻲ ﺗﯧﺮﺭﻭﺭﯨﺴﺖ ﺩﻩﭖ ﻛﯚﺭﺳﯩﺘﯩﺸﻜﻪ ﺗﯩﺮﯨﺸﯩﯟﺍﺗﯩﺪﯗ. ﺳﯩﺰ ﺗﯜﺭﻛﯩﻴﻪ ﺋﯩﻨﺴﺎﻥ ﻫﻪﻗﻠﯩﺮﻯ ﻛﻮﻣﯩﺘﯧﺘﯩﻨﯩﯔ ﺋﻪﺯﺍﺳﻰ ﺑﻮﻟﯘﺵ ﺳﯜﭘﯩﺘﯩﯖﯩﺰ ﺑﯩﻠﻪﻥ ﺑﯘﻧﯩﯖﻐﺎ ﻗﺎﻧﺪﺍﻕ ﻗﺎﺭﺍﻳﺴﯩﺰ ؟

ﺟﺎﯞﺍﭖ: ﺋﯩﺴﻼﻣﯩﻲ ﺗﯧﺮﺭﻭﺭ ﺋﯘﻗﯘﻣﯩﻨﻰ ﺭﻩﺕ ﻗﯩﻠﯩﻤﯩﺰ. ﭼﯜﻧﻜﻰ ﺑﯘ ﺋﯘﻗﯘﻡ ﻟﻮﮔﯩﻜﯩﻐﺎ ﻣﯘﯞﺍﭘﯩﻖ ﺋﻪﻣﻪﺱ. ﻣﯘﺳﯘﻟﻤﺎﻧﻼﺭ ﺗﯧﺮﺭﻭﺭﯨﺴﺖ ﺑﻮﻟﻤﺎﻳﺪﯗ. ﻫﯧﭽﺒﯩﺮ ﺋﯩﻨﺴﺎﻧﻨﯩﯔ ﺟﯧﻨﯩﻐﺎ ﯞﻩ ﻣﯧﻠﯩﻐﺎ ﻗﻪﺳﺖ ﻗﯩﻠﻤﺎﻳﺪﯗ. ﺧﯩﺘﺎﻳﻨﯩﯔ ﺋﯘﻳﻐﯘﺭﻻﺭﻧﻰ ﺗﯧﺮﺭﻭﺭﯨﺴﺖ ﺩﯦﻴﯩﺸﻰ ﻗﻪﺳﺘﻪﻥ ﺩﯦﻴﯩﻠﮕﻪﻥ ﺑﯩﺮ ﻗﺎﺭﯨﻼﺷﺘﯘﺭ. ﺗﯧﺮﺭﻭﺭﻧﻰ ﺑﺎﻫﺎﻧﻪ ﻗﯩﻠﯩﭗ ﺗﯘﺭﯗﭖ ﺑﯩﺮ ﻣﯩﻠﻠﻪﺗﻜﻪ ﺩﯨﻨﻰ ﺟﻪﻫﻪﺗﺘﯩﻦ ﺑﯧﺴﯩﻢ ﺋﯩﺸﻠﯩﺘﯩﺸﻨﯩﯔ ﺋﯚﺯﻯ ﺑﯩﺮ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﯨﺴﻰ. ﻣﻪﻥ ﺑﯘ ﻗﯩﻴﯩﻨﭽﯩﻠﯩﻘﻼﺭﻧﯩﯔ ﺋﺎﺧﯩﺮﻟﯩﺸﯩﺪﯨﻐﺎﻧﻠﯩﻘﯩﻐﺎ ﺋﯩﺸﯩﻨﯩﻤﻪﻥ. ﻫﻪﻣﻤﯩﻤﯩﺰﮔﻪ ﻣﻪﻟﯘﻡ ﺑﻮﻟﻐﯩﻨﯩﺪﻩﻙ ﻫﻪﻗﻨﻰ ﺑﯩﺮﻛﯩﻢ ﺑﻪﺭﻣﻪﻳﺪﯗ، ﭘﻪﻗﻪﺕ ﻣﯘﺟﺎﺩﯨﻠﻪ ﺋﺎﺭﻗﯩﻠﯩﻖ ﻗﻮﻟﻐﺎ ﻛﻪﻟﺘﯜﺭﯨﺪﯗ. ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻠﯩﻖ ﻗﯧﺮﯨﻨﺪﺍﺷﻠﯩﺮﯨﻤﯩﺰﻧﯩﯔ ﺑﯘ ﻫﻪﻗﻘﺎﻧﯩﻲ ﺩﺍﯞﺍﺳﯩﻨﻰ ﺋﺎﺧﯩﺮﯨﻐﯩﭽﻪ ﻗﻮﻟﻼﭖ ﻗﯘﯞﯞﻩﺗﻠﻪﻳﻤﯩﺰ. ﺋﯘﻻﺭﻧﯩﯔ ﺑﯘ ﻣﯘﺟﺎﺩﯨﻠﯩﺴﯩﻨﯩﯔ ﻏﻪﻟﯩﺒﻪ ﺑﯩﻠﻪﻥ ﺋﺎﻳﺎﻗﻠﯩﺸﯩﺪﯨﻐﺎﻧﻠﻘﯩﺪﺍ ﺷﻪﻙ ﻳﻮﻕ. ﺑﯩﺰ ﺋﯘﻻﺭﻧﯩﯔ ﺋﺎﺭﻗﯩﺴﯩﺪﺍ.

ﺋﻪﺭﻛﯩﻦ ﺗﺎﺭﯨﻢ : ﻫﯚﺭﻣﻪﺗﻠﯩﻚ ﭘﺎﺭﻻﻣﯧﻨﺖ ﺋﻪﺯﺍﺳﻰ، ﺑﺎﺷﻘﺎ ﺩﯙﻟﻪﺗﻠﻪﺭﻧﯩﯔ ﭘﺎﺭﻻﻣﯧﻨﺘﻠﯩﺮﻯ ﺋﯚﺯ ﺩﯙﻟﻪﺗﻠﯩﺮﯨﻨﯩﯔ ﺋﯩﻨﺴﺎﻥ ﻫﻪﻗﻠﯩﺮﻯ ﻣﻪﺳﯩﻠﯩﺴﻰ ﺋﯜﺳﺘﯩﺪﻩ ﺗﻪﻛﺸﯜﺭﯛﺵ ﺋﯧﻠﯩﭗ ﺑﺎﺭﻏﺎﻧﻨﯩﯔ ﺳﯩﺮﺗﯩﺪﺍ، ﺑﺎﺷﻘﺎ ﺩﯙﻟﻪﺗﻠﻪﺭﺩﯨﻜﻰ ﺋﯩﻨﺴﺎﻥ ﻫﻪﻗﻠﯩﺮﻯ ﻣﻪﺳﯩﻠﯩﻠﯩﺮﻯ ﺋﯜﺳﺘﯩﺪﯨﻤﯘ ﻛﯜﺯﯨﺘﯩﺶ ﺋﯧﻠﯩﭗ ﺑﺎﺭﯨﺪﯗ، ﺑﯘ ﻫﻪﻗﺘﻪ ﺑﯩﺮ ﻳﯜﺭﯛﺵ ﺧﯩﺰﻣﻪﺗﻠﻪﺭﻧﻰ ﺋﯧﻠﯩﭗ ﺑﺎﺭﯨﺪﯗ. ﻣﻪﺳﯩﻠﻪﻥ، ﮔﯧﺮﻣﺎﻧﯩﻴﻪ ﭘﺎﺭﻻﻣﯧﻨﺘﻰ ﺑﻮﻟﺴﯘﻥ، ﻳﺎﭘﻮﻥ ﭘﺎﺭﻻﻣﯧﻨﺘﻰ ﺑﻮﻟﺴﯘﻥ ﻫﻪﻣﻤﯩﺴﻰ ﺑﯘ ﺧﯩﺰﻣﻪﺗﻨﻰ ﻗﯩﻠﯩﺪﯗ. ﺋﯘﻧﺪﺍﻗﺘﺎ ﺗﯜﺭﻛﯩﻴﻪ ﭘﺎﺭﻻﻣﯧﻨﺘﯩﻨﯩﯖﻤﯘ ﺑﯘﻧﺪﺍﻕ ﺑﯩﺮ ﺧﯩﺰﻣﯩﺘﻰ ﺑﺎﺭﻣﯘ؟

ﺟﺎﯞﺍﭖ: ﻫﺎﺯﯨﺮﻏﯩﭽﻪ ﺗﯜﺭﻛﯩﻴﻪ ﺋﯩﻨﺴﺎﻥ ﻫﻪﻗﻠﯩﺮﻯ ﻛﻮﻣﯩﺘﯧﺘﯩﻨﯩﯔ ﻳﺎﯞﺭﻭﭘﺎﺩﺍ ﻳﺎﺷﺎﻳﺪﯨﻐﺎﻥ ﺗﯜﺭﻛﻠﻪﺭﻧﯩﯔ ﺋﯩﻨﺴﺎﻥ ﻫﻪﻗﻠﯩﺮﯨﮕﻪ ﻣﯘﻧﺎﺳﯩﯟﻩﺗﻠﯩﻚ ﺧﯩﺰﻣﻪﺗﻠﯩﺮﻯ ﯞﻩ ﺗﻪﻛﺸﯜﺭﯛﺷﻠﯩﺮﻯ ﺑﻮﻟﺪﻯ. ﻛﻮﻣﯩﺘﯧﺘﯩﻤﯩﺰﻧﯩﯔ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﯨﻠﯩﺮﯨﮕﻪ ﺋﯘﭼﺮﺍﯞﺍﺗﻘﺎﻥ ﺧﻪﻟﻘﻠﻪﺭﮔﻪ ﻳﺎﺭﺩﻩﻡ ﻗﯩﻠﯩﺶ ﯞﻩ ﺋﯘﻻﺭﻧﯩﯔ ﺋﺎﺭﯨﺴﯩﺪﯨﻜﻰ ﺩﯨﺌﺎﻟﻮﮔﻨﻰ ﺋﯩﺸﻘﺎ ﺋﺎﺷﯘﺭﯗﺷﺘﺎ ﭘﺎﻳﺪﯨﺴﻰ ﺑﻮﻟﯩﺪﯗ،ﺩﻩﭖ ﺋﻮﻳﻼﻳﻤﻪﻥ. ﺷﯘﯕﺎ ﻣﻪﻳﻠﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺑﻮﻟﺴﯘﻥ ﻣﻪﻳﻠﻰ ﺑﺎﺷﻘﺎ ﺑﯩﺮ ﺭﺍﻳﻮﻧﺪﯨﻜﻰ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﯨﻠﯩﺮﻯ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﻣﻪﻟﯘﻣﺎﺗﻼﺭﻧﯩﯔ ﺧﻪﻟﻘﺌﺎﺭﺍﻏﺎ ﺑﯩﻠﺪﯛﺭﯛﻟﯜﺷﻰ ﺋﯩﻨﺘﺎﻳﯩﻦ ﻣﯘﻫﯩﻢ. ﺑﯘ ﺟﻪﻫﻪﺗﺘﯩﻜﻰ ﺋﯘﭼﯘﺭﻻﺭﻧﯩﯔ ﺑﻮﻟﯘﺷﻰ ﺋﯩﻨﺘﺎﻳﯩﻦ ﻣﯘﻫﯩﻢ. ﺑﯩﻠﮕﯩﻨﯩﯖﯩﺰﺩﻩﻙ ﺗﯜﺭﻛﯩﻴﻪﺩﯨﻤﯘ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﯨﻠﯩﺮﻯ ﺑﺎﺭﻟﯩﻘﯩﻐﺎ ﺩﺍﺋﯩﺮ ﺧﻪﯞﻩﺭﻟﻪﺭ ﭼﯩﻘﯩﭗ ﺗﯘﺭﯨﺪﯗ. ﺑﻪﺯﻯ ﺷﻪﺧﺴﻰ ﻣﻪﺳﯩﻠﯩﻠﻪﺭﻧﯩﻤﯘ ﻛﯚﺗﯜﺭﯛﭖ ﭼﯩﻘﯩﭗ ﺗﯜﺭﻛﯩﻴﯩﺪﻩ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﯨﺴﻰ ﺑﻮﻟﯘﯞﺍﺗﻘﺎﻧﺪﻩﻙ ﻛﯚﺭﺳﯩﺘﯩﺸﻜﻪ ﺗﯩﺮﯨﺸﯩﺪﯗ. ﺷﯘﯕﺎ ﺑﯘﻻﺭﻧﻰ ﻳﺎﺧﺸﻰ ﺗﻪﻛﺸﯜﺭﯛﺷﯩﻤﯩﺰ ﻻﺯﯨﻢ. ﺗﯜﺭﻛﯩﻴﯩﺪﯨﻜﻰ ﺋﯩﻨﺴﺎﻥ ﻫﻪﻗﻠﯩﺮﻯ ﻛﻮﻣﯩﺘﯧﺘﯩﺪﺍ ﻫﻪﺭﻗﺎﻳﺴﻰ ﭘﺎﺭﺗﯩﻴﯩﻠﻪﺭﻧﯩﯔ ﺋﻪﺯﺍﻟﯩﺮﻯ ﺑﺎﺭ. ﻫﻪﻣﻤﯩﺴﯩﻨﯩﯔ ﻛﯚﺯ ﻗﺎﺭﺍﺷﻠﯩﺮﻯ ﭘﻪﺭﻗﻠﯩﻖ. ﺑﯘﻻﺭﻧﯩﯔ ﻫﻪﻣﻤﯩﺴﯩﮕﻪ ﺋﻮﺧﺸﺎﺵ ﺩﻩﭖ ﻗﺎﺭﺍﺷﻘﺎ ﺑﻮﻟﻤﺎﻳﺪﯗ. ﺋﯘﻳﻐﯘﺭﻻﺭﻧﯩﯔ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﯨﻠﯩﺮﻯ ﻫﻪﻗﻘﯩﺪﻩ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﻗﻮﻟﻼﻳﻤﯩﺰ ﻫﻪﻡ ﻫﻪﺭﻗﺎﻧﺪﺍﻕ ﻳﺎﺭﺩﻩﻣﻨﻰ ﻗﯩﻠﯩﺸﻘﺎ ﺗﻪﻳﻴﺎﺭﻣﯩﺰ. ﺳﯩﻠﻪﺭﮔﻪ ﻳﺎﺭﺩﻩﻡ ﻗﯩﻠﯩﺸﻨﻰ ﺑﯩﺰ ﺋﯚﺯﯨﻤﯩﺰﻧﯩﯔ ﺑﯘﺭﭼﻰ ﺩﻩﭖ ﻗﺎﺭﺍﻳﻤﯩﺰ.

ﺋﻪﺭﻛﯩﻦ ﺗﺎﺭﯨﻢ:ﺋﯘﻳﻐﯘﺭ ﺭﺍﻳﻮﻧﯩﻐﺎ ﺑﯧﺮﯨﭗ ﺑﺎﻗﺘﯩﯖﯩﺰﻣﯘ؟

ﺟﺎﯞﺍﭖ: ﺗﯧﺨﻰ ﺑﯧﺮﯨﭗ ﺑﺎﻗﻤﯩﺪﯨﻢ. ﺑﯧﺮﯨﺸﻨﻰ ﻧﺎﻫﺎﻳﯩﺘﻰ ﺋﺎﺭﺯﯗ ﻗﯩﻠﯩﻤﻪﻥ. ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺩﯦﮕﯩﻨﯩﻤﯩﺰﺩﻩ ﺗﺮﺍﮔﯧﺪﯨﻴﻪ ﺋﯧﺴﯩﻤﮕﻪ ﻛﯧﻠﯩﺪﯗ. ﺋﯘ ﻳﻪﺭﺩﯨﻜﻰ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﯨﻠﯩﺮﻯ ﺋﯧﺴﯩﻤﮕﻪ ﻛﯧﻠﯩﺪﯗ. ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺑﻮﻟﺴﯘﻥ، ﭼﯧﭽﯩﻨﯩﻴﻪ ﺑﻮﻟﺴﯘﻥ، ﭘﻪﻟﻪﺳﺘﯩﻨﺪﯨﻜﻰ ﻣﯘﺳﯘﻟﻤﺎﻥ ﻗﯧﺮﯨﻨﺪﺍﺷﻠﯩﺮﯨﻤﯩﺰ ﺑﻮﻟﺴﯘﻥ ﻫﻪﻣﻤﯩﺴﻰ ﺋﺎﺯﺍﭖ ﭼﻪﻛﻤﻪﻛﺘﻪ. ﺑﯘﻻﺭﻧﻰ ﺋﻮﻳﻠﯩﻐﯩﻨﯩﻤﺪﺍ ﺋﯩﻨﺘﺎﻳﯩﻦ ﺋﯚﻛﯜﻧﯜﻣﻪﻥ. ﺑﯩﺰ ﺑﯘﻻﺭﻧﯩﯔ ﻫﻪﻣﻤﯩﺴﯩﮕﻪ ﻳﺎﺭﺩﻩﻡ ﻗﯩﻠﯩﺸﯩﻤﯩﺰ ﻛﯧﺮﻩﻙ.

ﺋﻪﺭﻛﯩﻦ ﺗﺎﺭﯨﻢ:ﺭﯗﺳﯩﻴﻪ ﭘﺎﺭﭼﯩﻼﻧﻐﺎﻧﺪﯨﻦ ﻛﯧﻴﯩﻦ ﺗﯜﺭﻙ ﺩﯗﻧﻴﺎﺳﯩﺪﯨﻜﻰ ﻧﯘﺭﻏﯘﻥ ﺩﯙﻟﻪﺗﻠﻪﺭ ﻣﯘﺳﺘﻪﻗﯩﻞ ﺑﻮﻟﺪﻯ. ﺳﯩﺰ ﺗﯜﺭﻙ ﺩﯗﻧﻴﺎﺳﯩﻨﯩﯔ ﻛﯧﻠﻪﭼﯩﻜﯩﮕﻪ ﻗﺎﻧﺪﺍﻕ ﻗﺎﺭﺍﻳﺴﯩﺰ ؟

ﺟﺎﯞﺍﭖ: ﻣﻪﻥ ﻛﯧﻠﻪﭼﻪﻛﺘﯩﻦ ﻧﺎﻫﺎﻳﯩﺘﻰ ﺋﯜﻣﯩﺪﯞﺍﺭ. ﻛﯧﻠﻪﭼﻪﻛﺘﻪ ﺗﯜﺭﻛﯩﻴﯩﺪﻩ ﺑﻮﻟﺴﯘﻥ، ﺗﯜﺭﻙ ﺩﯗﻧﻴﺎﺳﯩﺪﺍ ﺑﻮﻟﺴﯘﻥ ﺋﯩﻨﺴﺎﻥ ﻫﻪﻗﻠﯩﺮﻯ ﯞﻩﺯﯨﻴﯩﺘﯩﻨﯩﯔ ﻳﺎﺧﺸﯩﻠﯩﻨﯩﺪﯨﻐﺎﻧﻠﯩﻘﯩﻐﺎ ﺋﯩﺸﯩﻨﯩﻤﻪﻥ. ﻛﯧﻠﻪﭼﻪﻛﺘﯩﻜﻰ ﯞﻩﺯﯨﻴﻪﺗﻨﯩﯔ ﯞﻩ ﺋﻪﯞﻻﺗﻠﯩﺮﯨﻤﯩﺰﻧﯩﯔ ﺗﯧﺨﯩﻤﯘ ﻳﺎﺧﺸﻰ ﻳﺎﺷﺎﻳﺪﯨﻐﺎﻧﻠﯩﻘﯩﻐﺎ، ﺋﯩﻨﺴﺎﻥ ﻫﻪﻗﻠﯩﺮﯨﺪﯨﻦ، ﺩﯦﻤﻮﻛﺮﺍﺗﯩﻴﯩﺪﯨﻦ ﺑﻪﻫﺮﯨﻤﻪﻥ ﺑﻮﻟﯩﺪﯨﻐﺎﻧﻠﯩﻘﯩﻐﺎ ﺋﯩﺸﻪﻧﭽﯩﻢ ﻛﺎﻣﯩﻞ.