ﻛﯚﺭﮔﻪﺯﻣﻪ ﻣﻪﻛﺘﻪﭘﻨﯩﯔ ﻣﯘﺩﯨﺮ ﻳﺎﺭﺩﻩﻣﭽﯩﺴﻰ ﻫﺎﻟﯩﺖ ﻗﺎﺭﺍﻗﻮﭺ ﯞﻩ ﺗﺎﺭﯨﺦ ﺋﻮﻗﯘﺗﻘﯘﭼﯩﺴﻰ ﺋﻮﺳﻤﺎﻥ ﻗﯘﺑﯩﻼﻳﮕﯘﻝ ﺑﺎﺷﭽﯩﻠﯩﻘﯩﺪﺍ ﺋﻮﻳﯘﺷﺘﯘﺭﯗﻟﻐﺎﻥ ﺑﻮﻟﯘﭖ، ﺑﯘ ﻣﻪﻛﺘﻪﭘﺘﻪ 400 ﺋﻮﻗﯘﻏﯘﭼﯩﺪﯨﻦ ﺗﻪﺭﻛﯩﭗ ﺗﺎﭘﻘﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﻰ ﺗﻮﻧﯘﺷﺘﯘﺭﯗﺵ ﮔﯘﺭﯗﭘﭙﯩﺴﻰ ﻗﯘﺭﯗﻟﻐﺎﻥ. ﺑﯘﻻﺭﻧﯩﯔ ﭘﺎﺋﺎﻟﯩﻴﯩﺘﻰ ﺳﯩﯟﺍﺳﺘﯩﻜﻰ ﻣﻪﺗﺒﯘﺋﺎﺗﻼﺭﺩﺍ ﻛﻪﯓ ﻛﯚﻟﻪﻣﺪﻩ ﻳﻪﺭ ﺋﺎﻟﻐﺎﻥ ﺑﻮﻟﯘﭖ. ﺑﯘ ﻣﻪﻛﺘﻪﭘﺘﻪ ﯞﻩ ﺳﯩﯟﺍﺱ ﯞﯨﻼﻳﯩﺘﯩﺪﻩ ﺧﯩﺘﺎﻳﺪﺍ ﺋﯚﺗﻜﯜﺯﯛﻟﯩﺪﯨﻐﺎﻥ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺶ ﺩﻭﻟﻘﯘﻧﻰ ﺑﺎﺷﻼﻧﻐﺎﻥ.

ﺑﯘﻻﺭﺩﯨﻦ ﺑﺎﺷﻘﺎ ، ﺳﯩﯟﺍﺱ ﻳﯧﯖﻰ ﺷﻪﻫﻪﺭ ﺗﻮﻟﯘﻕ ﺋﻮﺗﺘﯘﺭﺍ ﻣﻪﻛﺘﯩﭙﯩﺪﻩ ﺋﯘﻳﻐﯘﺭ ﻗﯧﺮﯨﻨﺪﺍﺷﻠﯩﺮﯨﻐﺎ ﺧﻪﺕ ﻳﯧﺰﯨﺶ ﻣﯘﺳﺎﺑﯩﻘﯩﺴﻰ ﺋﯚﺗﻜﯜﺯﯛﻟﯜﭖ، ﻳﺎﺧﺸﻰ ﻳﺎﺯﻏﺎﻥ ﺋﻮﻗﯘﻏﯘﭼﯩﻼﺭﻧﯩﯔ ﺧﻪﺗﻠﯩﺮﻯ ﺗﺎﻡ ﮔﯧﺰﯨﺘﯩﮕﻪ ﭼﺎﭘﻠﯩﻨﯩﭗ ﻛﯚﺭﮔﻪﺯﻣﻪ ﻗﯩﻠﯩﻨﻐﺎﻥ. ﺑﯩﺰ ﺑﯘ ﻫﻪﻗﺘﻪ ﺗﻪﭘﺴﯩﻠﯩﻲ ﻣﻪﻟﯘﻣﺎﺕ ﺋﯧﻠﯩﺶ ﺋﯜﭼﯜﻥ ﺑﯘ ﭘﺎﺋﺎﻟﯩﻴﻪﺗﻨﻰ ﺋﯘﻳﯘﺷﺘﯘﺭﻏﯘﭼﻰ ﺗﺎﺭﯨﺦ ﺋﻮﻗﯘﺗﻘﯘﭼﯩﺴﻰ ﺋﻮﺳﻤﺎﻥ ﻗﯘﺑﯩﻼﻳﮕﯘﻝ ﺋﻪﭘﻪﻧﺪﻯ ﺑﯩﻠﻪﻥ ﺗﯧﻠﯧﻔﻮﻥ ﺯﯨﻴﺎﺭﯨﺘﻰ ﺋﯧﻠﯩﭗ ﺑﺎﺭﺩﯗﻕ.

ﺋﯘ ﺋﺎﻟﺪﻯ ﺑﯩﻠﻪﻥ ﺑﯩﺰﮔﻪ ﺑﯘ ﭘﺎﺋﺎﻟﯩﻴﻪﺗﻨﻰ ﻗﺎﻧﺪﺍﻕ ﺑﺎﺷﻼﺗﻘﺎﻧﻠﯩﻘﻰ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺑﯧﺮﯨﭗ ﻣﯘﻧﺪﺍﻕ ﺩﯦﺪﻯ: "    ﺑﯩﺰ 400 ﻛﯩﺸﻰ ﺋﺎﻟﺪﻯ ﺑﯩﻠﻪﻥ ﺑﯩﺮﻩﺭ ﭘﺎﺭﭼﯩﺪﯨﻦ ﺧﻪﺕ ﻳﯧﺰﯨﭗ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﺋﻪﯞﻩﺗﺘﯘﻕ. ﺋﻮﻗﯘﻏﯘﭼﯩﻼﺭ ﻣﻪﻧﺪﯨﻦ ﺑﯘ ﺧﻪﺗﻨﻰ ﺋﻪﯞﻩﺗﺴﻪﻙ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻠﯩﻖ ﻗﯧﺮﯨﻨﺪﺍﺷﻠﯩﺮﯨﻤﯩﺰﻏﺎ ﺗﯧﮕﻪﻣﺪﯗ؟ ﺩﻩﭖ ﺳﻮﺭﯨﺪﻯ. ﻣﻪﻥ ﺗﻪﮔﺴﻪ ‏ - ﺗﻪﮔﻤﯩﺴﻪ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻠﯩﻖ ﻗﯧﺮﯨﻨﺪﺍﺷﻠﯩﺮﯨﻤﯩﺰﻧﯩﯔ ﺩﻩﺭﺩﯨﮕﻪ ﺋﻮﺭﺗﺎﻕ ﺑﻮﻟﯘﺵ ﺋﯜﭼﯜﻥ ﺧﻪﺕ ﻳﯧﺰﯨﺸﻨﯩﯔ ﻣﯘﻫﯩﻢ ﺋﯩﻜﻪﻧﻠﯩﻜﯩﻨﻰ ﺋﯧﻴﺘﺘﯩﻢ. ﺑﯩﺰ 400 ﺋﻮﻗﯘﻏﯘﭼﻰ ﺋﯩﭽﯩﺪﯨﻦ ﺳﺎﻻﻡ ﺧﻪﺗﻨﻰ ﻳﺎﺧﺸﻰ ﻳﺎﺯﻏﺎﻧﻼﺭﻧﯩﯔ ﺧﯧﺘﯩﻨﻰ ﺗﺎﻟﻼﭖ ﭼﯩﻘﯩﭗ ﺑﯘ ﺧﻪﺗﻠﻪﺭﻧﻰ ﻣﻪﻛﺘﻪﭘﺘﯩﻜﻰ ﺗﺎﻡ ﮔﯧﺰﯨﺘﯩﮕﻪ ﭼﺎﭘﻠﯩﺪﯗﻕ. ﻣﻪﻛﺘﯩﭙﯩﻤﯩﺰﺩﻩ ﻟﻪﭘﯩﻠﺪﻩﭖ ﺗﯘﺭﻏﺎﻥ ﭼﻮﯓ ﺗﯜﺭﻙ ﺑﺎﻳﺮﯨﻘﯩﻨﯩﯔ ﻳﯧﻨﯩﻐﺎ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﺋﺎﻱ ﻳﯘﻟﺘﯘﺯﻟﯘﻕ ﻛﯚﻙ ﺑﺎﻳﺮﯨﻘﯩﻨﻰ ﺋﺎﺳﺘﯘﻕ. ﺋﺎﺳﺘﯩﻐﺎ ﺋﯩﻜﻜﻰ ﺑﺎﻳﺮﺍﻕ ﺑﯩﺮ ﻣﯩﻠﻠﻪﺕ ﺩﯦﮕﻪﻥ ﺧﻪﺗﻨﻰ ﻳﺎﺯﺩﯗﻕ. ﻣﻪﻛﺘﯩﭙﯩﻤﯩﺰﺩﻩ ﺑﯘ ﺑﺎﻳﺮﺍﻗﻨﯩﯔ ﻳﯧﻨﯩﻐﺎ ﺑﯩﺮ ﺑﯚﻟﻤﻪ ﺋﯧﭽﯩﭗ ﺋﯘ ﻳﻪﺭﺩﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﻣﻪﺩﻩﻧﯩﻴﯩﺘﻰ، ﺋﯩﻘﺘﯩﺴﺎﺩﻯ، ﺧﯩﺘﺎﻳﻼﺭﻧﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﻗﯧﺮﯨﻨﺪﺍﺷﻠﯩﺮﯨﻤﯩﺰﻏﺎ ﻗﯩﻠﻐﺎﻥ ﺯﯗﻟﯘﻣﻠﯩﺮﯨﻨﻰ، ﺗﯜﺭﻛﯩﻴﯩﺪﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻫﻪﻗﻘﯩﺪﻩ ﻧﻪﺷﺮ ﻗﯩﻠﯩﻨﻐﺎﻥ ﯞﻩ ﻗﯩﻠﯩﻨﯩﯟﺍﺗﻘﺎﻥ ﻛﯩﺘﺎﺏ، ﮊﯗﺭﻧﺎﻝ ﯞﻩ ﮔﯧﺰﯨﺘﻠﻪﺭﻧﻰ ﻛﯚﺭﮔﻪﺯﻣﻪ ﻗﯩﻠﺪﯗﻕ. ﺑﯘﻻﺭﺩﯨﻦ ﺑﺎﺷﻘﺎ ﺋﯘﻳﻐﯘﺭﻻﺭﻧﯩﯔ ﻛﯩﻴﯩﻢ - ﻛﯧﭽﻪﻙ ﯞﻩ ﭼﺎﻟﻐﯘ ﺋﻪﺳﯟﺍﭘﻠﯩﺮﯨﻨﯩﻤﯘ ﻛﯚﺭﮔﻪﺯﻣﻪ ﻗﯩﻠﺪﯗﻕ."

ﺑﯘ ﻛﯚﺭﮔﻪﺯﻣﯩﮕﻪ ﺋﻮﻗﯘﻏﯘﭼﯩﻼﺭﻧﯩﯔ ﻗﯩﺰﯨﻘﯩﺸﻰ ﻗﺎﻧﺪﺍﻕ ﺑﻮﻟﺪﻯ ﺩﯦﮕﻪﻥ ﺳﯘﺋﺎﻟﯩﻤﯩﺰﻏﺎ ﺟﺎﯞﺍﺏ ﺑﻪﺭﮔﻪﻥ ﺋﻮﺳﻤﺎﻥ ﻗﯘﺑﯩﻼﻳﮕﯜﻝ ﺋﻪﭘﻪﻧﺪﻯ ﻣﯘﻧﺪﺍﻕ ﺩﯦﺪﻯ: "ﻣﻪﻛﺘﯩﭙﯩﻤﯩﺰﺩﻩ ﺋﻮﻗﯘﻏﯘﭼﯩﻼﺭﻧﻰ ﻛﯚﺭﮔﻪﺯﻣﯩﺪﯨﻦ ﺋﯘﺯﺍﻗﻼﺷﺘﯘﺭﺍﻟﻤﯩﺪﯗﻕ. ﻗﻪﺳﺘﻪﻥ ﺑﺎﻳﺮﺍﻗﻼﺭﻧﯩﯔ ﺋﯜﺳﺘﯩﮕﻪ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺩﻩﭖ ﻳﺎﺯﻣﯩﺪﯗﻕ. ﺋﯘ ﻳﻪﺭﮔﻪ ﺋﯩﻜﻜﻰ ﺑﺎﻳﺮﺍﻕ ﺑﯩﺮ ﻣﯩﻠﻠﻪﺕ ﺩﻩﭖ ﻳﯧﺰﯨﺸﯩﻤﯩﺰﺩﯨﻜﻰ ﻣﻪﻗﺴﻪﺕ ﺋﻮﻗﯘﻏﯘﭼﯩﻼﺭﻧﯩﯔ ﺩﯨﻘﻘﻪﺕ ‏ - ﺋﯧﺘﯩﺒﺎﺭﯨﻨﻰ ﻗﻮﺯﻏﺎﺵ ﺋﯩﺪﻯ. ﺭﺍﺳﺘﯩﻨﻼ ﺑﯘ ﺑﺎﻳﺮﺍﻗﻨﻰ ﻛﯚﺭﮔﻪﻧﻼ ﺋﻮﻗﯘﻏﯘﭼﻰ `ﻣﯘﺋﻪﻟﻠﯩﻢ ﺑﯘ ﻗﺎﻳﺴﻰ ﺩﯙﻟﻪﺗﻨﯩﯔ ﺑﺎﻳﺮﯨﻘﻰ ﺩﻩﭖ ﺳﻮﺭﯨﺪﻯ`. ﺑﯘﻧﯩﯖﻐﺎ ﺟﺎﯞﺍﺑﻪﻥ ﺋﻮﻗﯘﻏﯘﭼﯩﻼﺭﻏﺎ ﻛﯚﺭﮔﻪﺯﻣﯩﺪﻩ ﻛﯚﺭﺳﯩﺘﯩﻠﮕﻪﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻫﻪﻗﻘﯩﺪﯨﻜﻰ ﻣﻪﻟﯘﻣﺎﺗﻼﺭﻧﻰ ﺋﻮﻗﯘﯕﻼﺭ ﺩﯦﺪﯗﻕ. ﺋﯘﻻﺭ ﺑﺎﺷﺘﯩﻦ ﺋﺎﺧﯩﺮ ﻗﯩﺰﯨﻘﯩﭗ ﺋﻮﻗﯘﭖ ﭼﯩﻘﺘﻰ. ﺑﯘ ﻛﯚﺭﮔﻪﺯﻣﯩﻨﻰ ﺯﯨﻴﺎﺭﻩﺕ ﻗﯩﻠﻐﺎﻧﻼﺭ ﺑﯩﺰﻧﯩﯔ ﺳﯩﯟﺍﺱ ﻳﯧﯖﻰ ﺷﻪﻫﻪﺭ ﺗﻮﻟﯘﻕ ﺋﻮﺗﺘﯘﺭﺍ ﻣﻪﻛﺘﯩﭙﯩﻨﯩﯔ ﺋﻮﻗﯘﻏﯘﭼﻰ - ﺋﻮﻗﯘﺗﻘﯘﭼﯩﻠﯩﺮﻯ ﺑﯩﻠﻪﻧﻼ ﭼﻪﻛﻠﯩﻨﯩﭗ ﻗﺎﻟﻤﯩﺪﻯ. ﺑﺎﺷﻘﺎ ﻣﻪﻛﺘﻪﭘﻠﻪﺭﺩﯨﻨﻤﯘ ﺋﻮﻗﯘﻏﯘﭼﻰ ﯞﻩ ﺋﻮﻗﯘﺗﻘﯘﭼﯩﻼﺭ ﻛﯚﺭﮔﻪﺯﻣﯩﻨﻰ ﻛﯚﺭﯛﭖ ﺑﯩﺰﮔﻪ ﺭﻩﻫﻤﻪﺕ ﺋﯧﻴﺘﯩﺸﺘﻰ. ﻫﻪﺗﺘﺎ ﺑﻪﺯﻯ ﺋﻮﻗﯘﻏﯘﭼﯩﻼﺭ ﺑﯩﺰ ﺋﯘﻳﻐﯘﺭﻻﺭﻧﻰ ﺑﯩﻠﻪﺗﺘﯘﻕ، ﺋﻪﻣﻤﺎ ﻫﺎﺯﯨﺮ ﺋﯘﻻﺭﻧﯩﯔ ﺑﯘﻧﺪﺍﻕ ﺋﯧﻐﯩﺮ ﺑﯧﺴﯩﻢ ﺋﺎﺳﺘﯩﺪﺍ ﻳﺎﺷﺎﯞﺍﺗﻘﺎﻧﻠﯩﻘﯩﻨﻰ ﺑﯩﻠﻤﻪﻳﺘﺘﯘﻕ ﺩﯦﻴﯩﺸﺘﻰ. ﺑﯘ ﻛﯚﺭﮔﻪﺯﻣﻪ ﺳﯩﯟﺍﺳﺘﯩﻜﻰ ﻣﻪﺗﺒﯘﺋﺎﺗﻼﺭﺩﯨﻤﯘ ﻛﻪﯓ ﻛﯚﻟﻪﻣﺪﻩ ﻳﻪﺭ ﺋﺎﻟﺪﻯ. ﮊﻭﺭﻧﺎﻟﯩﺴﺘﻼﺭ ﻣﻪﻛﺘﯩﭙﯩﻤﯩﺰﮔﻪ ﻛﯧﻠﯩﭗ ﺋﻮﻗﯘﻏﯘﭼﯩﻼﺭﺩﯨﻦ ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﻧﯧﻤﯩﻠﻪﺭﻧﻰ ﺋﻮﻳﻼﯞﺍﺗﻘﺎﻧﻠﯩﻘﯩﻨﻰ ﺳﻮﺭﯨﺪﻯ. ﺑﯘ ﺧﻪﯞﻩﺭﮔﻪ ﺳﯩﯟﺍﺳﻨﯩﯔ ﺋﻪﯓ ﭼﻮﯓ ﮔﯧﺰﯨﺘﻠﯩﺮﯨﺪﯨﻦ ﻫﯘﺭ ﺩﻭﻏﺎﻥ ﮔﯧﺰﯨﺘﻰ، ﻫﯘﺭ ﺳﯩﯟﺍﺱ ﮔﯧﺰﯨﺘﻰ، ﺑﯩﺰﯨﻢ ﺳﯩﯟﺍﺱ ﯞﻩ ﻣﻪﻣﻠﻪﻛﻪﺗﯩﻢ ﺳﯩﯟﺍﺱ ﻗﺎﺗﺎﺭﻟﯩﻖ ﮔﯧﺰﯨﺘﻠﻪﺭﺩﻩ ﺭﻩﺳﯩﻤﻠﻪﺭ ﺑﯩﻠﻪﻥ ﻳﻪﺭ ﺑﯧﺮﯨﻠﺪﻯ. ﻣﯘﺧﺒﯩﺮﻻﺭ ﻣﻪﻛﺘﯩﭙﯩﻤﯩﺰﮔﻪ ﻛﯧﻠﯩﭗ ﺑﯘ ﻛﯚﺭﮔﻪﺯﻣﯩﻨﻰ ﺋﺎﻳﻠﯩﻨﯩﯟﺍﺗﻘﺎﻥ ﺋﻮﻗﯘﻏﯘﭼﯩﻼﺭﺩﯨﻦ ﺳﯘﺋﺎﻟﻼﺭ ﺳﻮﺭﯨﺪﻯ."

ﻣﯘﺧﺒﯩﺮﻻﺭﻧﯩﯔ ﺳﯘﺋﺎﻟﻠﯩﺮﯨﻐﺎ ﺋﻮﻗﯘﻏﯘﭼﯩﻼﺭ ﻗﺎﻧﺪﺍﻕ ﺟﺎﯞﺍﺏ ﺑﻪﺭﺩﻯ؟ ﺩﯦﮕﻪﻥ ﺳﯘﺋﺎﻟﯩﻤﯩﺰﻏﺎ ﺟﺎﯞﺍﺏ ﺑﻪﺭﮔﻪﻥ ﺋﻮﺳﻤﺎﻥ ﻗﯘﺑﯩﻼﻳﮕﯜﻝ ﺋﻪﭘﻪﻧﺪﻯ ﻣﯘﻧﺪﺍﻕ ﺩﯦﺪﻯ: "ﻫﻪﻣﻤﻪ ﺋﻮﻗﯘﻏﯘﭼﯩﻼﺭ ﺑﯘ ﻫﻪﻗﺘﻪ ﻣﯘﺧﺒﯩﺮﻻﺭﻏﺎ ﮔﻪﭖ ﻗﯩﻠﯩﺸﻨﻰ ﺋﺎﺭﺯﯗ ﻗﯩﻼﺗﺘﻰ. ﺋﻪﻣﻤﺎ ﭘﻪﻗﻪﺗﻼ 4 ﻛﯩﺸﻰ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﻯ. ﺑﯘ 4 ﺋﻮﻗﯘﻏﯘﭼﻰ ﻣﯘﺧﺒﯩﺮﻻﺭﻏﺎ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﺑﻮﻟﯘﯞﺍﺗﻘﺎﻧﻼﺭﻏﺎ ﻛﯚﯕﯜﻟﻠﯩﺮﯨﻨﯩﯔ ﻗﺎﺗﺘﯩﻖ ﻳﯧﺮﯨﻢ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ، ﺗﯜﺭﻛﯩﻴﯩﻨﯩﯔ ﻧﯧﻤﻪ ﻗﯩﻠﯩﺸﻰ ﻛﯧﺮﻩﻛﻠﯩﻜﯩﻨﻰ ﺋﺎﯕﻼﺗﺘﻰ. ﺑﯩﺰﻧﯩﯔ ﻣﻪﻛﺘﻪﭘﺘﻪ ﺧﯩﺘﺎﻱ ﻣﺎﻟﻠﯩﺮﯨﻨﻰ ﺳﯧﺘﯩﯟﺍﻟﻤﺎﺳﻠﯩﻖ ﺩﻭﻟﻘﯘﻧﻰ ﻗﻮﺯﻏﺎﺗﻘﺎﻥ ﺋﯩﺪﯗﻕ. ﺋﻮﻗﯘﻏﯘﭼﯩﻼﺭ ﮔﯧﺰﯨﺘﻠﻪﺭ ﺋﺎﺭﻗﯩﻠﯩﻖ ﭘﯜﺗﯜﻥ ﺳﯩﯟﺍﺱ ﺧﻪﻟﻘﯩﻨﻰ ﺧﯩﺘﺎﻱ ﻣﺎﻟﻠﯩﺮﯨﻨﻰ ﺳﯧﺘﯩﯟﺍﻟﻤﺎﺳﻠﯩﻘﻘﺎ ﭼﺎﻗﯩﺮﺩﻯ. 1980 - ﻳﯩﻠﻰ ﻣﻮﺳﻜﯟﺍﺩﺍ ﺋﯧﭽﯩﻠﻐﺎﻥ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺗﯜﺭﻛﯩﻴﯩﻨﯩﯔ ﺑﺎﻳﻘﯘﺕ ﻗﯩﻠﻐﺎﻧﻠﯩﻘﯩﻨﻰ، ﺷﯘﯕﺎ ﺧﯩﺘﺎﻳﺪﯨﻜﻰ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺸﯩﻤﯩﺰ ﻛﯧﺮﻩﻛﻠﯩﻜﯩﻨﻰ ﺩﯦﺪﻯ. ﺑﯘﻧﺪﺍﻕ ﻗﯩﻠﻐﺎﻧﺪﯨﻼ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﯩﯔ ﺧﻪﻟﻘﺌﺎﺭﺍﻧﯩﯔ ﻛﯜﻥ ﺗﻪﺭﺗﯩﭙﯩﮕﻪ ﻛﯧﻠﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﻪﺷﺘﻰ."

ﺳﯩﺰ ﺗﻮﻟﯘﻕ ﺋﻮﺗﺘﯘﺭﺍ ﻣﻪﻛﺘﻪﭘﺘﻪ ﺗﺎﺭﯨﺦ ﺋﻮﻗﯘﺗﻘﯘﭼﯩﺴﻰ ﺋﯩﻜﻪﻧﺴﯩﺰ؟ ﺗﯜﺭﻛﯩﻴﯩﺪﯨﻜﻰ ﺩﻩﺭﺱ ﻛﯩﺘﺎﺑﻠﯩﺮﯨﺪﺍ ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﻧﯧﻤﯩﻠﻪﺭ ﻳﯧﺰﯨﻠﻐﺎﻥ؟ ﺩﯦﮕﻪﻥ ﺳﯘﺋﺎﻟﯩﻤﯩﺰﻏﺎ ﺟﺎﯞﺍﺏ ﺑﻪﺭﮔﻪﻥ ﺋﻮﺳﻤﺎﻥ ﻗﯘﺑﯩﻼﻳﮕﯜﻝ ﺋﻪﭘﻪﻧﺪﻯ ﻣﯘﻧﺪﺍﻕ ﺩﯦﺪﻯ: "ﺑﯘﺭﯗﻧﻘﻰ ﺩﻩﺭﺳﻠﯩﻚ ﻛﯩﺘﺎﺑﻠﯩﺮﯨﻤﯩﺰﺩﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻫﻪﻗﻘﯩﺪﻩ ﻛﯚﭖ ﻣﻪﻟﯘﻣﺎﺕ ﻳﻮﻕ ﺋﯩﺪﻯ. ﺋﻪﻣﻤﺎ ﻫﺎﺯﯨﺮ ﺗﻮﻟﯘﻕ ﺋﻮﺗﺘﯘﺭﺍ ﻣﻪﻛﺘﻪﭘﻠﻪﺭ 4 ﻳﯩﻠﻠﯩﻖ ﻗﯩﻠﯩﭗ ﺋﯚﺯﮔﻪﺭﺗﯩﻠﮕﻪﻧﺪﯨﻦ ﻛﯧﻴﯩﻦ ، ﻫﺎﺯﯨﺮﻗﻰ ﺯﺍﻣﺎﻥ ﺗﯜﺭﻙ ﺩﯗﻧﻴﺎﺳﻰ ﺩﻩﭖ ﺩﻩﺭﺳﯩﻤﯩﺰ ﺑﺎﺭ. ﺑﯘ ﺩﻩﺭﺳﯩﻨﯩﯔ ﺩﻩﺭﺳﻠﯩﻚ ﻛﯩﺘﺎﺑﻰ ﺗﯧﺨﻰ ﻧﻪﺷﺮﺩﯨﻦ ﭼﯩﻘﻤﯩﺪﻯ، ﺑﯘ ﻛﯩﺘﺎﺑﻨﯩﯔ ﺋﯩﭽﯩﺪﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﻛﻪﯓ ﻛﯚﻟﻪﻣﺪﻩ ﻳﻪﺭ ﺑﯧﺮﯨﻠﮕﻪﻥ. ﺗﯜﺭﻙ ﺩﯗﻧﻴﺎﺳﻰ ﺋﯜﭼﯜﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻧﺎﻫﺎﻳﯩﺘﻰ ﻣﯘﻫﯩﻢ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﺋﻪﻫﻤﯩﻴﻪﺗﻜﻪ ﺋﯩﮕﻪ. ﺋﻮﺳﻤﺎﻧﻠﻰ ﺋﯩﻤﭙﯩﺮﯨﻴﯩﺴﯩﻨﯩﯔ ﺋﻪﯓ ﺋﺎﺟﯩﺰ ﻣﻪﺯﮔﯩﻠﻰ ﺑﻮﻟﻐﺎﻥ 1860 ‏ - ﻳﯩﻠﻼﺭﺩﺍ ﺋﻮﺳﻤﺎﻧﻠﻰ ﭘﺎﺩﯨﺸﺎﻫﻰ ﺋﺎﺑﺪﯗﻟﺌﻪﺯﯨﺰﺧﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﻳﺎﺭﺩﻩﻡ ﻗﯩﻠﻐﺎﻥ، ﺷﯘﯕﺎ ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﻰ ﺩﯙﻟﯩﺘﻰ ﺋﯘﻳﻐﯘﺭ ﻗﯧﺮﯨﻨﺪﺍﺷﻠﯩﺮﯨﻐﺎ ﻳﺎﺭﺩﻩﻡ ﻗﯩﻠﯩﺸﻰ ﻛﯧﺮﻩﻙ. ﺑﯩﺰ ﺗﯜﺭﻛﯩﻴﯩﻨﯩﯔ ﺋﻪﯓ ﭼﻮﯓ ﯞﯨﻼﻳﻪﺗﻠﯩﺮﯨﺪﯨﻦ ﺑﯩﺮﻯ ﺑﻮﻟﻐﺎﻥ ﺳﯩﯟﺍﺳﺘﺎ ﺋﺎﻛﺘﯩﭗ ﻫﺎﻟﺪﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﻰ ﺗﻮﻧﯘﺷﺘﯘﺭﯗﺷﻘﺎ ﺗﯩﺮﯨﺸﯩﯟﺍﺗﯩﻤﯩﺰ."

ﺳﯩﯟﺍﺱ ﻳﯧﯖﻰ ﺷﻪﻫﻪﺭ ﺗﻮﻟﯘﻕ ﺋﻮﺗﺘﯘﺭﺍ ﻣﻪﻛﺘﯩﭙﻰ ﺗﺎﺭﯨﺦ ﺋﻮﻗﯘﺗﻘﯘﭼﯩﺴﻰ ﺋﻮﺳﻤﺎﻥ ﻗﯘﺑﯩﻼﻳﮕﯘﻝ ﺋﻪﭘﻪﻧﺪﻯ ﺗﯜﺭﻛﯩﻴﯩﺪﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﻰ ﺋﺎﯕﻠﯩﺘﯩﺸﺘﯩﻜﻰ ﻗﯩﻴﯩﻨﭽﯩﻠﯩﻘﻼﺭ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ: "ﺧﻪﻟﻘﯩﻤﯩﺰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﮕﻪ ﻗﯩﺰﯨﻘﻤﺎﻳﺪﯗ، ﺋﻪﻣﻤﺎ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻫﻪﻗﻘﯩﺪﻩ ﺋﺎﻧﭽﻪ ﻛﯚﭖ ﻣﻪﻟﯘﻣﺎﺗﻰ ﻳﻮﻕ. ﺑﯩﺰﻧﯩﯔ ﺋﻪﯓ ﭼﻮﯓ ﻣﻪﺳﯩﻠﯩﻤﯩﺰ ﺗﯜﺭﻙ ﺧﻪﻟﻘﯩﻐﻪ ﻳﯧﺘﻪﺭﻟﯩﻚ ﺩﻩﺭﯨﺠﯩﺪﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﻰ ﺋﺎﯕﻠﯩﺘﺎﻟﻤﺎﺳﻠﯩﻖ. ﺟﯘﻏﺮﺍﭘﯩﻴﻪ ﺟﻪﻫﻪﺗﺘﯩﻦ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺩﯦﮕﻪﻥ ﺑﯩﺮ ﻳﻪﺭﻧﯩﯔ ﺑﺎﺭﻟﯩﻘﯩﻨﻰ ﺑﯩﻠﯩﭙﻼ ﻗﺎﻟﻤﺎﺳﺘﯩﻦ، ﺋﯘ ﻳﻪﺭﺩﻩ ﻛﯩﻤﻠﻪﺭ ﻳﺎﺷﺎﻳﺪﯗ، ﺋﯘﻻﺭ ﻗﺎﻧﺪﺍﻕ ﻳﺎﺷﺎﻳﺪﯗ؟ ﺋﯘﻻﺭﻧﯩﯔ ﻣﻪﺩﻩﻧﯩﻴﯩﺘﻰ ﻗﺎﻧﺪﺍﻕ؟ ﺩﯦﮕﻪﻧﮕﻪ ﺋﻮﺧﺸﺎﺵ ﻣﻪﺳﯩﻠﯩﻠﻪﺭﻧﯩﻤﯘ ﺑﯩﻠﯩﺸﯩﻤﯩﺰ ﻛﯧﺮﻩﻙ. ﺑﯘﻧﻰ ﺋﻪﯓ ﻳﺎﺧﺸﻰ ﺋﯚﮔﯩﺘﻪﻟﻪﻳﺪﯨﻐﺎﻥ ﻳﻪﺭ ﻣﻪﻛﺘﻪﭘﻠﻪﺭ. ﺑﯩﺰ ﻣﻪﻛﺘﻪﭘﺘﻪ ﺋﻮﻗﯘﻏﯘﭼﯩﻼﺭﻏﺎ ﺧﻪﺭﯨﺘﯩﺪﯨﻦ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﻰ ﻛﯚﺭﺳﯩﺘﯩﭗ ﺗﯘﺭﯗﭖ، ﺋﯘﻳﻐﯘﺭﻻﺭﻧﯩﯔ ﺑﯜﮔﯜﻧﻜﻰ ﯞﻩﺯﯨﻴﯩﺘﯩﻨﻰ ﺋﺎﯕﻼﺗﻘﺎﻧﺪﯨﻦ ﺑﺎﺷﻘﺎ، ﻣﻪﻥ ﻳﯘﻗﯩﺮﯨﺪﺍ ﺩﻩﭖ ﺋﯚﺗﻜﻪﻧﺪﻩﻙ ﻛﯚﺭﮔﻪﺯﻣﯩﻠﻪﺭﻧﯩﻤﯘ ﺋﯧﭽﯩﭗ ﺋﺎﯕﻠﯩﺘﯩﯟﺍﺗﯩﻤﯩﺰ. ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﻰ ﺋﻪﯓ ﻳﺎﺧﺸﻰ ﺋﺎﯕﻠﯩﺘﺎﻻﻳﺪﯨﻐﺎﻥ ﻛﯩﺸﯩﻠﻪﺭ ﺋﻮﻗﯘﺗﻘﯘﭼﯩﻼﺭ. ﺑﯩﺰ ﺳﯩﯟﺍﺳﺘﯩﻜﻰ ﭘﯜﺗﯜﻥ ﺗﺎﺭﯨﺦ ﺋﻮﻗﯘﺗﻘﯘﭼﯩﻠﯩﺮﻯ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﻰ ﺋﺎﯕﻠﯩﺘﯩﺸﻘﺎ ﻗﺎﺭﺍﺭ ﺑﻪﺭﺩﯗﻕ. ﺑﯩﺰ ﺋﯘﻳﻐﯘﺭ ﻣﻪﻛﺘﻪﭘﻠﯩﺮﻯ ﺑﯩﻠﻪﻥ ﺩﻭﺳﺘﻠﯘﻕ ﻗﯘﺭﯗﺷﻨﻰ ﺧﺎﻻﻳﻤﯩﺰ، ﺷﯘﯕﺎ ﺑﯩﺰﻧﻰ ﺋﺎﯕﻠﯩﻐﺎﻥ ﻛﯩﺸﯩﻠﻪﺭ ﺑﯩﺰ ﺑﯩﻠﻪﻥ ﺋﺎﻻﻗﻪ ﻗﯘﺭﺳﺎ ﺑﻮﻟﯩﺪﯗ. ﺳﯩﯟﺍﺱ ﻳﯧﯖﻰ ﺷﻪﻫﻪﺭ ﻟﯩﺴﻪﺳﯩﮕﻪ ﺗﯧﮕﯩﺪﯗ ﺩﻩﭖ ﺑﯩﺰﮔﻪ ﺧﻪﺕ ﻳﺎﺯﺳﺎ ﺑﻮﻟﯩﺪﯗ."