ﺑﯜﮔﯜﻧﻜﻰ ﻛﯜﻧﮕﻪ ﻛﻪﻟﮕﻪﻧﺪﻩ، ﺋﻪﻳﺪﯨﺰ ﯞﯨﺮﯗﺳﻰ ﺋﯜﺭﯛﻣﭽﯩﺪﻩ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﭼﻪﻛﻜﯜﭼﯩﻠﻪﺭ، ﻗﺎﻻﻳﻤﯩﻘﺎﻥ ﺟﯩﻨﺴﯩﻲ ﭘﺎﺋﺎﻟﯩﻴﯩﺘﻰ ﺑﺎﺭ ﻛﯩﺸﯩﻠﻪﺭ، ﺗﯘﺭﻣﯘﺷﻰ ﻗﺎﻻﻳﻤﯩﻘﺎﻥ ﻛﯩﺸﯩﻠﻪﺭ ﯞﻩ ﺋﯘﻻﺭﻧﯩﯔ ﺟﯚﺭﯨﻠﯩﺮﻯ ﺋﺎﺭﯨﺴﯩﺪﯨﻼ ﺋﻪﻣﻪﺱ، ﺑﻪﻟﻜﻰ ﻧﻮﺭﻣﺎﻝ ﺷﻪﻫﻪﺭ ﺋﺎﻫﺎﻟﯩﻠﯩﺮﻯ، ﺗﯘﺭﻣﯘﺷﻰ ﺗﻪﺭﺗﯩﭙﻠﯩﻚ ﻛﯩﺸﯩﻠﻪﺭ ﺗﻮﭘﻰ، ﻫﺎﻣﯩﻠﺪﺍﺭ ﺋﺎﻧﯩﻼﺭ، ﺋﻮﻗﯘﻏﯘﭼﯩﻼﺭ، ﻳﺎﺷﺎﻧﻐﺎﻧﻼﺭ ﻗﺎﺗﺎﺭﻟﯩﻖ ﺋﺎﺩﻩﺗﺘﯩﻜﻰ ﻛﯩﺸﯩﻠﻪﺭ ﺗﻮﭘﻰ ﺋﺎﺭﯨﺴﯩﺪﯨﻤﯘ ﺑﺎﻳﻘﺎﻟﻤﺎﻗﺘﺎ، ﻣﺎﻧﺎ ﺑﯘ ﺋﻪﻳﺪﯨﺰ ﯞﯨﺮﯗﺳﯩﻨﯩﯔ ﻧﻪﻗﻪﺩﻩﺭ ﻛﻪﯓ ﺩﺍﺋﯩﺮﯨﺪﻩ ﺗﺎﺭﻗﯩﻠﯩﯟﺍﺗﻘﺎﻧﻠﯩﻘﯩﻨﯩﯔ ﺟﯩﺪﺩﯨﻲ ﺳﯩﮕﻨﺎﻟﻰ، ﻫﺎﻟﺒﯘﻛﻰ ﺋﯜﺭﯛﻣﭽﯩﺪﯨﻜﻰ ﺋﻪﻳﺪﯨﺰﮔﻪ ﻳﯧﻘﯩﻦ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭﻻﺭﻧﯩﯔ ﺋﯚﺯﻯ ﻳﺎﺷﺎﯞﺍﺗﻘﺎﻥ ﻣﯘﻫﯩﺘﺘﯩﻜﻰ ﺋﻪﻳﺪﯨﺰ ﯞﻩﺯﯨﻴﯩﺘﯩﺪﯨﻦ ﺧﻪﯞﻩﺭﺳﯩﺰﻟﯩﻘﻰ، ﻛﯩﺸﯩﻨﻰ ﺗﯧﺨﯩﻤﯘ ﺋﻪﻧﺪﯨﺸﯩﮕﻪ ﺳﺎﻟﯩﺪﯗ.

ﺋﯜﺭﯛﻣﭽﻰ ﺷﻪﻫﻪﺭﻟﯩﻚ ﺳﻪﻫﯩﻴﻪ ﺩﺍﺋﯩﺮﯨﻠﯩﺮﯨﻨﯩﯔ ﺋﯜﺭﯛﻣﭽﻰ ﺋﻪﻳﺪﯨﺰ ﻳﯘﻗﯘﻡ ﺋﻪﻫﯟﺍﻟﻰ ﻫﻪﻗﻘﯩﺪﯨﻜﻰ ﺩﻭﻛﻼﺗﺘﯩﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، 2008 - ﻳﯩﻠﺪﺍ ﺋﯜﺭﯛﻣﭽﯩﺪﯨﻜﻰ ﺗﯩﺰﯨﻤﻐﺎ ﺋﯧﻠﯩﻨﻐﺎﻥ ﺋﻪﻳﺪﯨﺰ ﻳﯘﻗﯘﻣﺪﺍﺭﻟﯩﺮﻯ 1087 ﻧﻪﭘﻪﺭﮔﻪ ﻳﻪﺗﻜﻪﻥ ﺑﻮﻟﯘﭖ ﺑﯘﻧﯩﯔ ﺑﯩﻠﻪﻥ ﺋﯘﻳﻐﯘﺭ ﺋﯧﻠﯩﺪﻩ ﻣﻪﻟﯘﻡ ﺑﻮﻟﻐﺎﻥ ﺋﻪﻳﺪﯨﺰ ﻳﯘﻗﯘﻣﺪﺍﺭﻟﯩﺮﻯ 25615 ﻏﺎ ﻳﻪﺗﻜﻪﻥ. ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﻪﻣﻪﻟﯩﻲ ﻳﯘﻗﯘﻣﻼﻧﻐﯘﭼﯩﻼﺭ ﺳﺎﻧﯩﻨﻰ ﭼﯩﻘﯩﺮﯨﺶ ﺋﯜﭼﯜﻥ ﺑﯘ ﺳﺎﻧﻨﻰ ﺋﺎﻟﺘﻪ ﻫﻪﺳﺴﯩﻠﻪﺷﻜﻪ ﺗﻮﻏﺮﺍ ﻛﯧﻠﯩﺪﯗ.

ﺋﯩﺴﺘﺎﺗﯩﺴﺘﯩﻜﯩﻠﯩﻖ ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ ﺋﯜﺭﯛﻣﭽﯩﻨﯩﯔ ﺋﻪﻳﺪﯨﺰ ﻳﯘﻗﯘﻡ ﺋﻪﻫﯟﺍﻟﻰ ﻳﻪﻧﯩﻼ ﺋﯧﻐﯩﺮ ﺑﻮﻟﻤﺎﻗﺘﺎ ﻳﻪﻧﻰ ﺋﯜﺭﯛﻣﭽﯩﺪﯨﻜﻰ ﺋﻪﻳﺪﯨﺰﻟﻪﺭ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﻪﻳﺪﯨﺰ ﻳﯘﻗﯘﻣﺪﺍﺭﻟﯩﺮﯨﻨﯩﯔ 34.5% ﺗﯩﻨﻰ ﺗﻪﺷﻜﯩﻞ ﻗﯩﻠﯩﺪﯗ. ﺳﻪﻫﯩﻴﻪ ﺗﺎﺭﻣﺎﻗﻠﯩﺮﯨﻨﯩﯔ ﺋﺎﺷﻜﺎﺭﻟﯩﺸﯩﭽﻪ، ﺋﯘﻳﻐﯘﺭ ﺋﯧﻠﯩﺪﺍ ﺟﯜﻣﻠﯩﺪﯨﻦ ﺋﯜﺭﯛﻣﭽﯩﺪﻩ ﺋﻪﻳﺪﯨﺰ ﯞﯨﺮﯗﺳﯩﻨﯩﯔ ﻫﯘﺟﯘﻡ ﻧﯩﺸﺎﻧﻰ ﻳﻪﻧﻰ ﺋﻪﻳﺪﯨﺰ ﻳﯘﻗﺘﯘﺭﯗﯞﺍﻟﻐﯘﭼﯩﻼﺭ ﺋﺎﺳﺎﺳﻪﻥ 20 ﻳﺎﺷﺘﯩﻦ 39 ﻳﺎﺷﻘﯩﭽﻪ ﺑﻮﻟﻐﺎﻧﻼﺭ ﺑﻮﻟﯘﭖ، ﻳﯘﻗﯘﻣﻼﻧﻐﯘﭼﯩﻼﺭ ﺋﯩﭽﯩﺪﻩ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﭼﻪﻛﻜﯜﭼﯩﻠﻪﺭ 78% ﺗﯩﻦ ﻳﯘﻗﯩﺮﻯ. ﻗﺎﻥ ﺋﺎﺭﻗﯩﻠﯩﻖ ﻳﯘﻗﯘﻣﻼﻧﻐﺎﻧﻼﺭ 83% ﻛﻪ ﻳﯧﻘﯩﻦ.

ﺑﯘ ﻳﯘﻗﯘﻡ ﺋﻪﻫﯟﺍﻟﻰ ﻫﻪﻗﻘﯩﺪﯨﻜﻰ ﻳﯧﯖﻰ ﺋﯩﺴﺘﺎﺗﯩﺴﺘﯩﻜﯩﻼﺭﺩﯨﻦ ﻣﻪﻟﯘﻡ ﺑﻮﻟﻐﺎﻥ ﻳﻪﻧﻪ ﺑﯩﺮ ﺧﻪﺗﻪﺭﻟﯩﻚ ﺋﻪﻫﯟﺍﻝ، ﺋﻪﻳﺪﯨﺰﻧﯩﯔ ﺋﺎﻳﺎﻟﻼﺭ ﺋﺎﺭﯨﺴﯩﺪﺍ ﻫﻪﻣﺪﻩ ﺋﺎﺩﻩﺗﺘﯩﻜﻰ ﻛﯩﺸﯩﻠﻪﺭ ﺋﺎﺭﯨﺴﯩﺪﺍ ﺗﯧﺰ ﺗﺎﺭﻗﯩﻠﯩﯟﺍﺗﻘﺎﻧﻠﯩﻘﯩﺪﯗﺭ. ﺷﯘﻧﺪﺍﻗﻼ ﺋﻪﻳﺪﯨﺰ ﺗﺎﺭﻗﯩﻠﯩﺶ ﻳﻮﻟﻠﯩﺮﯨﻨﯩﯔ ﺑﯘﺭﯗﻧﻘﯩﺪﻩﻙ ﭘﻪﻗﻪﺕ ﺯﻩﻫﻪﺭ ﭼﻪﻛﻜﯜﭼﯩﻠﻪﺭ ﺋﺎﺭﯨﺴﯩﺪﺍ ﺷﯩﭙﯩﺮﯨﺶ ﻳﯩﯖﻨﯩﺴﯩﻨﻰ ﻗﺎﻻﻳﻤﯩﻘﺎﻥ ﺋﯩﺸﻠﯩﺘﯩﺶ ﻳﺎﻛﻰ ﻗﺎﻻﻳﻤﯩﻘﺎﻥ ﺟﯩﻨﺴﯩﻲ ﻣﯘﻧﺎﺳﯩﯟﻩﺕ ﻗﯩﻠﯩﺶ ﻳﻮﻟﻠﯩﺮﻯ ﺑﯩﻠﻪﻧﻼ ﺋﻪﻣﻪﺱ ﺑﻪﻟﻜﻰ، ﺑﺎﺭﻏﺎﻧﭽﻪ ﻣﯘﺭﻩﻛﻜﻪﭘﻠﯩﺸﯩﭗ ﻗﺎﻥ ﯞﻩ ﺑﺎﺷﻘﺎ ﻳﻮﻟﻼﺭ ﺑﯩﻠﻪﻧﻤﯘ ﺋﺎﺋﯩﻠﻪ ﻛﯩﺸﯩﻠﯩﺮﻯ ﺋﺎﺭﯨﺴﯩﺪﺍ ﺗﺎﺭﻗﯩﻠﯩﯟﺍﺗﻘﺎﻧﻠﯩﻘﯩﺪﯨﻨﺪﯗﺭ. ﺑﯘ ﺋﯘﻳﻐﯘﺭ ﺋﯧﻠﯩﺪﻩ ﺋﻪﻳﺪﯨﺰ ﻳﺎﻣﺮﯨﺸﯩﻨﯩﯔ ﻳﯘﻗﯩﺮﻯ ﺳﯜﺭﺋﻪﺗﺘﻪ ﻛﯧﺘﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﺳﯩﺘﯩﺪﯗ.

ﺋﯜﺭﯛﻣﭽﻰ ﺳﻪﻫﯩﻴﻪ ﺩﺍﺋﯩﺮﯨﻠﯩﺮﯨﻨﯩﯔ ﺋﻪﻳﺪﯨﺰ ﻳﯘﻗﯘﻡ ﺋﻪﻫﯟﺍﻟﻰ ﻫﻪﻗﻘﯩﺪﯨﻜﻰ ﻳﯩﻠﻠﯩﻖ ﺩﻭﻛﻼﺗﯩﺪﺍ ﻛﯚﺭﺳﯩﺘﯩﺸﯩﭽﻪ، ﺋﯜﺭﯛﻣﭽﯩﺪﻩ ﺗﯩﺰﯨﻤﻐﺎ ﺋﯧﻠﯩﻨﻐﺎﻥ ﺋﻪﻳﺪﯨﺰ ﻳﯘﻗﯘﻣﺪﺍﺭﻟﯩﺮﯨﻨﯩﯔ ﻛﯚﭖ ﺳﺎﻧﺪﯨﻜﯩﺴﯩﻨﯩﯔ ﻫﺎﻳﺎﺕ ﭘﺎﺋﺎﻟﯩﻴﯩﺘﻰ ﻛﯧﺴﻪﻟﻠﯩﻚ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺋﯩﺰ ﻗﻮﻏﻼﺷﻘﺎ ﺋﯩﻼﺟﯩﺴﯩﺰ ﺑﻮﻟﻐﺎﻧﻠﯩﻘﺘﯩﻦ ﺑﯘ ﺋﯜﺭﯛﻣﭽﯩﮕﻪ ﺗﺎﺭﺍﻟﻐﺎﻥ ﺋﻪﻳﺪﯨﺰﻟﻪﺭ ﺗﻮﭘﯩﻨﯩﯔ ﻗﺎﻳﺴﻰ ﺟﺎﻳﻼﺭﺩﺍ، ﻗﺎﻧﺪﺍﻕ ﯞﺍﻗﺘﺘﺎ ﻗﺎﻧﺪﺍﻕ ﻳﻪﻧﻪ ﻗﺎﻧﺪﺍﻕ ﯞﺍﺳﯩﺘﯩﻠﻪﺭ ﺑﯩﻠﻪﻥ ﺋﯚﺯﯨﺪﯨﻦ ﺑﺎﺷﻘﯩﻼﺭﻏﺎ ﻳﯘﻗﺘﯘﺭﯗﯞﺍﺗﻘﺎﻧﻠﯩﻘﯩﺪﯨﻦ ﺧﻪﯞﻩﺭﺳﯩﺰ ﺋﯩﻜﻪﻥ.

ﺩﯦﻤﻪﻙ ﺋﻪﻳﺪﯨﺰ ﯞﯨﺮﯗﺳﻰ ﺋﯜﺭﯛﻣﭽﻰ ﻛﯩﺸﯩﻠﯩﺮﻯ ﺋﺎﺭﯨﺴﯩﺪﺍ، ﻫﻪﺭ ﺑﯩﺮ ﻗﯧﺮﻯ - ﻳﺎﺵ، ﻗﯩﺰ - ﺋﻮﻏﯘﻟﻼﺭﻏﺎ ﻳﯧﻘﯩﻦ ﺗﯘﺭﻣﺎﻗﺘﺎ.

ﺗﯚﺕ ﻣﯩﻠﻴﻮﻧﭽﻪ ﺋﺎﺩﻩﻣﻠﻪﺭ ﻗﺎﻳﻨﯩﻤﯩﺪﺍ ﺋﻪﻳﺪﯨﺰﺩﯨﻦ ﺋﯩﺒﺎﺭﻩﺕ ﺑﯘ ﯞﺍﺑﺎ، ﺑﯩﺨﺎﺭﺍﻣﺎﻥ ﻛﯧﯖﻪﻳﻤﻪﻛﺘﻪ، ﺑﻮﻟﯘﭘﻤﯘ ﺋﯩﻨﺴﺎﻧﻼﺭﻧﯩﯔ ﭘﺎﺋﺎﻟﯩﻴﯩﺘﻰ ﻛﯚﭘﺮﻩﻙ ﺋﺎﻣﻤﯩﯟﻯ ﺳﻮﺭﯗﻧﻼﺭ، ﭘﺎﺭ ﻣﯘﻧﭽﺎ، ﺋﯘﯞﯗﻻﺵ ﺋﯚﻳﻰ، ﻻﻳﺎﻗﻪﺗﺴﯩﺰ ﺷﻪﺧﺴﯩﻲ ﺩﻭﺧﺘﯘﺭﺧﺎﻧﯩﻼﺭ، ﻗﺎﻻﻳﻤﯩﻘﺎﻥ ﺑﻪﺯﻣﯩﺨﺎﻧﺎ ﻗﺎﺗﺎﺭﻟﯩﻖ ﺟﺎﻳﻼﺭﺩﺍ ﺋﻪﻳﺪﯨﺰ ﺗﯧﺨﯩﻤﯘ ﺋﺎﻛﺘﯩﭗ ﻫﻪﺭﯨﻜﻪﺕ ﻗﯩﻠﻤﺎﻗﺘﺎ.
 
ﺋﯜﺭﯛﻣﭽﯩﺪﯨﻜﻰ ﻣﻪﻟﯘﻡ ﻫﻮﺭﺩﺍﻗﺨﺎﻧﯩﺪﺍ ﻳﯧﯖﻰ ﺧﯩﺰﻣﻪﺗﻜﻪ ﻛﯩﺮﮔﻪﻥ ﺑﯩﺮ ﻣﯘﻻﺯﯨﻢ ﻗﯩﺰ ﺑﯩﻠﻪﻥ ﺋﯚﺗﻜﯜﺯﮔﻪﻥ ﺗﯧﻠﯧﻔﻮﻥ ﺳﯚﻫﺒﯩﺘﯩﻤﯩﺰ، ﺋﯜﺭﯛﻣﭽﻰ ﻛﯩﺸﯩﻠﯩﺮﯨﮕﻪ ﺷﯘﻧﺪﺍﻗﻼ ﺋﯘﻳﻐﯘﺭﻻﺭﻏﺎ ﺋﻪﻳﺪﯨﺰ ﻫﻪﻗﻘﯩﺪﯨﻜﻰ ﺗﻪﺭﺑﯩﻴﻪ ﺗﻪﺷﯟﯨﻘﺎﺕ ﺳﺎﻟﻤﯩﻘﯩﻨﻰ ﻳﻪﻧﯩﻤﯘ ﺋﺎﺷﯘﺭﯗﺵ، ﺋﺎﻟﺪﯨﻨﻰ ﺋﯧﻠﯩﺶ ﭼﺎﺭﯨﻠﯩﺮﯨﻨﻰ ﺯﻭﺭ ﻛﯜﭺ ﺑﯩﻠﻪﻥ ﺗﯧﺨﯩﻤﯘ ﻣﯘﻛﻪﻣﻤﻪﻟﻠﻪﺷﺘﯜﺭﯛﺷﻨﯩﯔ ﺋﯩﻨﺘﺎﻳﯩﻦ ﺯﯙﺭﯛﺭ ﻫﻪﻡ ﺗﻪﺧﯩﺮﺳﯩﺰﻟﯩﻜﯩﺪﯨﻦ ﺳﯩﮕﻨﺎﻝ ﺑﻮﻻﻻﻳﺪﯗ ﺩﻩﭖ ﺋﯩﺸﯩﻨﯩﻤﯩﺰ.

ﻣﻪﻟﯘﻡ ﺑﻮﻟﻐﺎﻧﺪﻩﻙ ﮔﻪﺭﭼﻪ ﺋﯘﻳﻐﯘﺭ ﺋﯧﻠﻰ ﭘﯜﺗﯜﻥ ﺧﯩﺘﺎﻱ ﺑﻮﻳﯩﭽﻪ ﺋﻪﻳﺪﯨﺰﻧﯩﯔ ﻳﺎﻣﺮﯨﺸﻰ ﺋﻪﯓ ﺗﯧﺰ ﺑﻮﻟﯩﯟﺍﺗﻘﺎﻥ ﺭﺍﻳﻮﻥ ﺑﻮﻟﯘﭖ ﻛﯧﻠﯩﯟﺍﺗﻘﺎﻥ ﺑﻮﻟﺴﯩﻤﯘ، ﺋﯘﻳﻐﯘﺭ ﺋﯧﻠﯩﺪﻩ ﺗﯜﺭﻟﯜﻙ ﺳﻪﯞﻩﺑﻠﻪﺭ ﺗﯜﭘﻪﻳﻠﯩﺪﯨﻦ ﺋﻪﻳﺪﯨﺰﺩﯨﻦ ﻣﯘﺩﺍﭘﯩﺌﻪﻟﯩﻨﯩﺶ ﻫﻪﻗﻘﯩﺪﯨﻜﻰ ﺗﻪﺷﯟﯨﻘﺎﺕ، ﺗﻪﻟﯩﻢ - ﺗﻪﺭﺑﯩﻴﻪ ﺳﺎﻟﻤﯩﻘﻰ ﺋﯩﻨﺘﺎﻳﯩﻦ ﻳﯧﺘﻪﺭﺳﯩﺰ ﺗﯘﺭﻣﺎﻗﺘﺎ.

ﺑﻮﻟﯘﭘﻤﯘ ﺋﯘﻳﻐﯘﺭ ﺗﯩﻞ ﻳﯧﺰﯨﻘﯩﺪﯨﻜﻰ ﺑﯘ ﺧﯩﻞ ﺋﻪﻳﺪﯨﺰﻧﯩﯔ ﺋﺎﻟﺪﯨﻨﻰ ﺋﯧﻠﯩﺶ ﻣﺎﺗﯧﺮﯨﻴﺎﻟﻠﯩﺮﻯ ﺗﯧﺨﯩﻤﯘ ﻛﻪﻣﭽﯩﻞ، ﺋﯘﻳﻐﯘﺭﻻﺭﻧﯩﯔ ﺋﻪﻳﺪﯨﺰﮔﻪ ﻣﯘﻧﺎﺳﯩﯟﻩﺗﻠﯩﻚ ﺋﯘﭼﯘﺭ ﺋﯩﮕﯩﻠﻪﺵ ﻣﻪﻧﺒﻪﻟﯩﺮﻯ ﺑﻪﻛﻤﯘ ﭼﻪﻛﻠﯩﻚ، ﺷﯘ ﺳﻪﯞﺑﻠﻪﺭﺩﯨﻦ ﻛﯚﭖ ﺳﺎﻧﺪﯨﻜﻰ ﺋﯘﻳﻐﯘﺭﻻﺭ ﺋﯚﺯﻟﯩﺮﯨﻨﯩﯔ ﺋﻪﻳﺪﯨﺰﮔﻪ ﻗﺎﻧﭽﯩﻠﯩﻚ ﻳﯧﻘﯩﻨﺪﺍ ﺗﯘﺭﯗﯞﺍﺗﻘﺎﻧﻠﯩﻘﯩﻨﯩﻤﯘ ﺋﺎﯕﻘﯩﺮﺍﻟﻤﺎﻳﯟﺍﺗﻤﺎﻗﺘﺎ، ﻣﺎﻧﺎ ﺋﯘﻳﻐﯘﺭﻻﺭﺩﯨﻜﻰ ﺋﻪﻳﺪﯨﺰﮔﻪ ﺑﻮﻟﻐﺎﻥ ﻣﯘﺩﺍﭘﯩﺌﻪﻟﯩﻨﯩﺶ ﺗﻪﻳﻴﺎﺭﻟﯩﻘﯩﻨﯩﯔ ﺋﺎﺟﯩﺰﻟﯩﻘﻰ، ﺋﻪﻳﺪﯨﺰﻧﯩﯔ ﻳﻪﻧﯩﻤﯘ ﻛﯜﭼﯩﻴﯩﭗ ﻳﺎﯞﯗﺯﻻﺭﭼﻪ ﻫﯘﺟﯘﻡ ﻗﯩﻠﯩﺸﯩﻐﺎ ﭘﯘﺭﺳﻪﺕ ﻫﺎﺯﯨﺮﻟﯩﻤﺎﻗﺘﺎ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز