Үрүмчидә шавгүән вәқәсигә наразилиқ билдүрүш намайиши болуватиду

Мухбиримиз шоһрәт һошур

2009-07-05

Бүгүн 5 ‏- Июл күни кәчтә, 26 ‏- Июн шавгүән вәқәсигә наразилиқ билдүрүш намайиши йүз бәрди. Намайишқа үрүмчидики бирқисим алий мәктәп оқуғучилири, җәмийәт яшлири вә тор әзалири болуп, бир нәччә миң әтрапида яшлар қатнашти. Намайиш үрүмчидики хәлқ мәйдани, дөңкөврүк кочиси вә хәлқ тиятирханиси алдида давамлашти.

Сүрәтләрни RFA аңлиғучилири әвәткән.

7 - Айниң 5 ‏- Күни, гуаңдоң вәқәсини интерттин изчил көзитип келиватқан уйғур тордашлири, бир қисим алий мәктәп оқуғучилири вә актип җәмийәт яшлири, үрүмчидә, тенчлиқ йоли билән намайиш уюштурған болуп, сүрәт, намайишчиларниң хитай қораллиқ сақчилириниң қатму - Қат тосалғусиға учраватқан көрүнүш.

Намайиш үрүмчи вақти саәт 5 тә башланған болуп һелиһәм давамлашмақта. Радиомизға кәлгән рәсимлик учурлардин мәлум болушичә, хитай қораллиқ қисимлири намайишни тосуш тәдбирлирини қолланмақта. Һазирға қәдәр бирқанчә нәпәр намайиш йетәкчиси қолға елинған.

Йәнә мәлуматлардин қариғанда һәрқайси алий мәктәпләр, сақчиларниң нуқтилиқ қоршави вә назарити астида турмақта.

Ениқ болмиған хәвәрләр вә радиомизға муштирилардин кәлгән сүрәт вә елхәтләргә қариғанда, вәқә тоқунушқа айланған болуп, адәм өлүш вә машина қатарлиқлар көйдүрүлүш дәриҗисигә йәткән.

Бесиш

Әвәтиш

Пикир - Қарашлириңизни оттуриға қойуң

Пикир - Байанлириңиз тор башқурғучиси тәрипидин тәстиқлиниши керәк болуп, тор бәттә шу заман елан қилинмайду. Бир аз вақиттин кейин, пикир - Байанлириңизниң тәстиқланған йаки тәстиқланмиғанлиқини қайта тәкшүрүп көрүшигизни сораймиз. Пикир - Қарашлириңизни төвәндики җәдвәл арқилиқ, уйғур кона йезиқи бойичә йоллийалайсиз.