Ürümchide shawgüen weqesige naraziliq bildürüsh namayishi boluwatidu

Muxbirimiz shohret hoshur

2009-07-05

Bügün 5 ‏- Iyul küni kechte, 26 ‏- Iyun shawgüen weqesige naraziliq bildürüsh namayishi yüz berdi. Namayishqa ürümchidiki birqisim aliy mektep oqughuchiliri, jemiyet yashliri we tor ezaliri bolup, bir nechche ming etrapida yashlar qatnashti. Namayish ürümchidiki xelq meydani, döngköwrük kochisi we xelq tiyatirxanisi aldida dawamlashti.

Süretlerni RFA anglighuchiliri ewetken.

7 - Ayning 5 ‏- Küni, guangdong weqesini intérttin izchil közitip kéliwatqan uyghur tordashliri, bir qisim aliy mektep oqughuchiliri we aktip jemiyet yashliri, ürümchide, ténchliq yoli bilen namayish uyushturghan bolup, süret, namayishchilarning xitay qoralliq saqchilirining qatmu - Qat tosalghusigha uchrawatqan körünüsh.

Namayish ürümchi waqti saet 5 te bashlanghan bolup hélihem dawamlashmaqta. Radiomizgha kelgen resimlik uchurlardin melum bolushiche, xitay qoralliq qisimliri namayishni tosush tedbirlirini qollanmaqta. Hazirgha qeder birqanche neper namayish yétekchisi qolgha élinghan.

Yene melumatlardin qarighanda herqaysi aliy mektepler, saqchilarning nuqtiliq qorshawi we nazariti astida turmaqta.

Éniq bolmighan xewerler we radiomizgha mushtirilardin kelgen süret we élxetlerge qarighanda, weqe toqunushqa aylanghan bolup, adem ölüsh we mashina qatarliqlar köydürülüsh derijisige yetken.

Bésish

Ewetish

Pikir - Qarashliringizni otturigha qoyung

Pikir - Bayanliringiz tor bashqurghuchisi teripidin testiqlinishi kérek bolup, tor bette shu zaman élan qilinmaydu. Bir az waqittin kéyin, pikir - Bayanliringizning testiqlanghan yaki testiqlanmighanliqini qayta tekshürüp körüshigizni soraymiz. Pikir - Qarashliringizni töwendiki jedwel arqiliq, uyghur kona yéziqi boyiche yolliyalaysiz.