ﻣﯘﻫﻪﺭﺭﯨﺮ ﺟﻮﻥ ﺳﯩﻤﭙﺴﻮﻧﻨﯩﯔ ﺋﯜﺭﯛﻣﭽﻰ ﯞﻩ ﻗﻪﺷﻘﻪﺭﺩﻩ ﻛﯚﺭﮔﻪﻧﻠﯩﺮﻯ " ﻗﻮﺭﺷﺎﯞ ﺋﺎﺳﺘﯩﺪﯨﻜﻰ ﺋﯩﻜﻜﻰ ﺷﻪﻫﻪﺭ ﻫﻪﻗﻘﯩﺪﻩ ﻗﯩﺴﺴﻪ "ﺗﯧﻤﯩﺴﯩﺪﺍ BBC ﺧﻪﯞﻩﺭﻟﻪﺭ ﺗﻮﺭﯨﻨﯩﯔ 5- ﺋﯚﻛﺘﻪﺑﯩﺮﺩﯨﻜﻰ ﺳﺎﻧﯩﻐﺎ ﺑﯧﺴﯩﻠﺪﻯ. ﺋﯘﻧﯩﯔ ﺋﯜﺭﯛﻣﭽﻰ ﯞﻩ ﻗﻪﺷﻘﻪﺭﺩﻩ ﻛﯚﺭﮔﻪﻧﻠﯩﺮﯨﻨﯩﯔ ﺑﯩﺮ ﻗﯩﺴﻤﻰ BBC ﺗﯧﻠﯧﯟﯨﺰﯨﻴﯩﺴﯩﺪﯨﻤﯘ ﺑﯧﺮﯨﻠﺪﻯ.

ﻣﺎﻗﺎﻟﻪ ﻣﯘﻧﺪﺍﻕ ﺑﺎﺷﻠﯩﻨﯩﺪﯗ: " ﺋﯜﺭﯛﻣﭽﻰ، ﺑﯘ ﻗﻮﺭﺷﺎﯞ ﺋﺎﺳﺘﯩﺪﯨﻜﻰ ﺷﻪﻫﻪﺭﻧﯩﯔ ﻫﻪﻣﻤﻪ ﻳﯧﺮﻯ ﺗﻮﻟﯘﻕ ﻗﻮﺭﺍﻟﻼﻧﻐﺎﻥ ﭼﺎﺭﻟﯩﻐﯘﭼﻰ ﺋﻪﺳﻜﻪﺭﻟﻪﺭ ﯞﻩ ﻗﻮﺭﺍﻟﻠﯩﻖ ﺳﺎﻗﭽﯩﻼﺭ ﺑﯩﻠﻪﻥ ﺗﻮﻟﻐﺎﻥ."

"ﺋﯜﺭﯛﻣﭽﻰ ﺗﯩﻨﭽﯩﻐﺎﻥ ﺋﯩﺪﻯ. ﺑﯘ ﺗﯩﻨﭽﻠﯩﻘﻨﻰ ﺑﯘ ﻳﻪﺭﮔﻪ ﻛﯚﭖ ﺳﺎﻧﺪﺍ ﻳﯚﺗﻜﻪﻟﮕﻪﻥ ﺋﻪﺳﻜﻪﺭﻟﻪﺭ ﻛﺎﭘﺎﻟﻪﺗﻜﻪ ﺋﯩﮕﻪ ﻗﯩﻠﻐﺎﻥ. ﺋﻪﻣﻤﺎ ﻗﻪﺷﻘﻪﺭﮔﻪ ﻧﯩﺴﺒﻪﺗﻪﻥ ﻫﯚﻛﯜﻣﻪﺗﻨﯩﯔ ﺋﯩﺸﻪﻧﭽﻰ ﺋﺎﻧﭽﻪ ﻳﯘﻗﯩﺮﻯ ﺋﻪﻣﻪﺳﺘﻪﻙ ﻗﯩﻼﺗﺘﻰ. ﻧﺎﻣﺎﻳﯩﺶ ﻳﯜﺯ ﺑﯧﺮﯨﭗ ﺋﺎﺭﯨﺪﯨﻦ ﺋﯜﭺ ﺋﺎﻱ ﺋﻮﺗﻜﻪﻥ ﺑﻮﻟﺴﯩﻤﯘ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﯞﻩﺯﯨﻴﻪﺗﻨﻰ ﺗﻮﻟﯘﻕ ﻛﻮﻧﺘﺮﻭﻟﻠﯘﻕ ﺋﺎﺳﺘﯩﻐﺎ ﺋﺎﻻﻟﻤﯩﻐﺎﻧﻠﯩﻘﻰ ﺋﯩﻨﺘﺎﻳﯩﻦ ﺭﻭﺷﻪﻥ ﺋﯩﺪﻯ."

ﺋﺎﭘﺘﻮﺭ ﺟﻮﻥ ﺳﯩﻤﭙﺴﻮﻥ ﺋﯜﺭﯛﻣﭽﻰ ﻛﻮﭼﯩﻠﯩﺮﯨﺪﺍ ﻫﻪﺭ ﺋﻮﻥ ﻗﻪﺩﻩﻣﺪﻩ ﻗﻮﺭﺍﻟﻠﯩﻖ ﺳﺎﻗﭽﯩﻼﺭﻧﯩﯔ ﺋﯘﭼﺮﺍﭖ ﺗﯘﺭﯨﺪﯨﻐﺎﻧﻠﯩﻘﯩﻨﻰ، ﺑﯘﻻﺭﻧﯩﯔ ﻫﻪﺭ ﺑﯩﺮ ﺗﻮﭘﯩﻨﯩﯔ 12 ﻧﻪﭘﻪﺭ ﺧﺎﺩﯨﻤﺪﯨﻦ ﺗﻪﺭﻛﯩﺐ ﺗﺎﭘﻘﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﯩﭗ: " ﺷﻪﻫﻪﺭ ﯞﻩﺯﯨﻴﯩﺘﯩﺪﯨﻜﻰ ﺟﯩﺪﺩﯨﻴﻠﯩﻚ ﺋﯩﻨﺘﺎﻳﯩﻦ ﺭﻭﺷﻪﻥ ﺋﯩﺪﻯ. ﺑﯩﺮ ﻧﻪﭼﭽﻪ ﺋﺎﺩﻩﻡ ﺑﯘ ﻳﻪﺭﺩﻩ ﻧﯧﻤﻠﻪﺭ ﺑﻮﻟﻐﺎﻧﻠﯩﻘﻰ ﻫﻪﻗﻘﯩﺪﻩ ﺳﯚﺯﻟﯩﻤﻪﻛﭽﻰ ﺑﻮﻟﺪﻯ ‏- ﻳﯘ، ﻫﯧﭽﻘﺎﻳﺴﯩﺴﻰ ﺋﻮﭼﯘﻕ ‏- ﺋﺎﺷﻜﺎﺭﺍ ﺑﯩﺮ ﻧﻪﺭﺳﻪ ﺩﯦﻴﻪﻟﻤﯩﺪﻯ" ﺩﻩﭖ ﻳﺎﺯﯨﺪﯗ.

ﻣﺎﻗﺎﻟﯩﺪﻩ ﻛﯚﺭﺳﯩﺘﯩﺸﯩﭽﻪ، ﺧﯩﺘﺎﻳﻨﯩﯔ ﺋﯘﻳﻐﯘﺭ ﺋﯧﻠﺪﯨﻜﻰ ﻳﻪﺭﻟﯩﻚ ﻫﯚﻛﯜﻣﯩﺘﻰ ﭼﻪﺗﺌﻪﻝ ﻣﯘﺧﺒﯩﺮﻟﯩﺮﯨﻨﯩﯔ ﺋﯜﺭﯛﻣﭽﻰ ﻛﻮﭼﯩﻠﯩﺮﯨﺪﺍ ﻳﻮﺭﯗﺷﯩﺪﯨﻦ ﺋﯩﻨﺘﺎﻳﯩﻦ ﺋﻪﻧﺪﯨﺸﻪ ﻗﯩﻠﯩﺪﯨﻐﺎﻥ ﺑﻮﻟﯘﭖ، BBC ﻣﯘﺧﺒﯩﻠﯩﺮﻯ ﺋﯜﺭﯛﻣﭽﯩﻨﯩﯔ ﻗﻪﻳﯩﺮﯨﮕﻪ ﺑﺎﺭﻣﯩﺴﯘﻥ، ﻛﻪﻳﻨﯩﮕﻪ ﭘﯘﻗﺮﺍﭼﻪ ﻛﯩﻴﯩﻨﮕﻪﻥ ﺳﺎﻗﭽﯩﻼﺭ ﺋﻪﮔﯩﺸﯩﯟﺍﻟﻐﺎﻥ.

ﻳﯘﻗﯩﺮﯨﻘﯩﺴﻰ BBC ﺗﯧﻠﯧﯟﯨﺰﯨﻴﯩﺴﯩﺪﻩ ﺑﯘ ﻫﻪﻗﺘﻪ ﺑﯧﺮﯨﻠﮕﻪﻥ ﺗﯧﻠﯧﯟﯨﺰﯨﻴﻪ ﺧﻪﯞﯨﺮﯨﻨﯩﯔ ﺑﯩﺮ ﻗﯩﺴﻤﻰ ﺑﻮﻟﯘﭖ، ﺧﯩﺘﺎﻱ ﻫﯚﻛﯜﻣﻪﺕ ﺧﺎﺩﯨﻤﻠﯩﺮﻯ ﺟﻮﻥ ﺳﯩﻤﭙﺴﻮﻥ ﯞﻩ ﺋﯘﻧﯩﯔ ﺳﯜﺭﻩﺗﻜﻪ ﺋﯧﻠﯩﺶ ﮔﯘﺭﯗﭘﭙﯩﺴﯩﺪﯨﻜﻰ ﺧﺎﺩﯨﻤﻼﺭﻧﻰ ﺋﯘﻳﻐﯘﺭﻻﺭ ﺭﺍﻳﻮﻧﯩﻐﺎ ﻳﯧﻘﯩﻦ ﻛﻪﻟﺘﯜﺭﻣﯩﮕﻪﻥ ﯞﻩ ﺋﯘﻻﺭﻧﻰ ﺗﻮﺳﯘﭖ ﻣﯘﺧﺒﯩﺮﻟﯩﻖ ﻛﯩﻨﯩﺸﻜﯩﺴﯩﻨﻰ ﺗﻪﻛﺸﯜﺭﮔﻪﻥ.

ﺋﺎﭘﺘﻮﺭ ﺟﻮﻥ ﺳﯩﻤﭙﺴﻮﻥ ﺋﯜﺭﯛﻣﭽﯩﺪﯨﻜﻰ ﺯﯨﻴﺎﺭﯨﺘﯩﻨﻰ ﺋﺎﻳﺎﻏﻼﺷﺘﯘﺭﻏﺎﻧﺪﯨﻦ ﻛﯧﻴﯩﻦ ﻗﻪﺷﻘﻪﺭﮔﻪ ﺑﺎﺭﻏﺎﻥ.

ﮔﻪﺭﭼﻪ ﺋﯘﻻﺭ ﻗﻪﺷﻘﻪﺭﺩﻩ ﺑﯩﺮ ﻛﯜﻥ ﺗﯘﺭﯗﺷﻘﺎ ﺭﯗﺧﺴﻪﺕ ﻗﯩﻠﯩﻨﻐﺎﻥ ﺑﻮﻟﺴﯩﻤﯘ، ﺋﻮﺧﺸﺎﺷﻼ ﻣﻪﻳﻠﻰ ﻧﻪﮔﯩﻼ ﺑﺎﺭﻣﯩﺴﯘﻥ، ﻛﻪﻳﻨﯩﮕﻪ ﺳﺎﻗﭽﯩﻼﺭ ﭼﯜﺷﯩﯟﯦﻠﯩﭗ ﺋﯘﻻﺭﻧﻰ ﻫﯧﭽﻜﯩﻢ ﺑﯩﻠﻪﻥ ﺋﯘﭼﺮﺍﺷﺘﯘﺭﻣﯩﻐﺎﻥ، ﺋﯘﻻﺭﻧﯩﯔ ﻛﯩﺸﯩﻠﻪﺭﻧﻰ ﺯﯨﻴﺎﺭﻩﺕ ﻗﯩﻠﯩﺸﯩﻐﺎ ﯞﻩ ﻳﺎﻛﻰ ﺳﯜﺭﻩﺗﻜﻪ ﺋﯧﻠﯩﺸﯩﻐﺎ ﻳﻮﻝ ﻗﻮﻳﻤﯩﻐﺎﻥ.

ﺋﺎﭘﺘﻮﺭﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺷﯘ ﻛﯜﻧﻰ ﻛﻪﭼﺘﻪ ﺋﯘﻻﺭ، ﭼﯜﺷﻜﻪﻥ ﻣﯧﻬﻤﺎﻧﺨﺎﻧﺎ ﻳﺎﺗﺎﻗﻠﯩﺮﯨﺪﺍ ﺗﻪﻗﯩﺐ ﺋﺎﺳﺘﯩﻐﺎ ﺋﯧﻠﯩﻨﻐﺎﻥ.

BBC ﺗﯧﻠﯧﯟﯨﺰﯨﻴﯩﺴﯩﺪﻩ ﺑﯘ ﻫﻪﻗﺘﻪ ﺑﯧﺮﯨﻠﮕﻪﻥ ﺳﯜﺭﻩﺗﻠﯩﻚ ﺧﻪﯞﻩﺭﺩﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺧﯩﺘﺎﻱ ﺳﺎﻗﭽﯩﻠﯩﺮﻯ BBC ﻣﯘﺧﺒﯩﺮﻟﯩﺮﻯ ﭼﯜﺷﯩﻜﻪﻥ ﻳﺎﺗﺎﻗﺘﺎ ﺗﻪﭘﺴﯩﻠﯩﻲ ﺗﻪﻛﺸﯜﺭﯛﺵ ﺋﯧﻠﯩﭗ ﺑﺎﺭﻏﺎﻥ ﺑﻮﻟﯘﭖ، BBC ﺋﻮﭘﯧﺮﺍﺗﻮﺭﻯ ﺧﯩﺘﺎﻱ ﺳﺎﻗﭽﯩﺴﯩﻨﯩﯔ ﻛﯩﻨﯩﺸﻜﻪ ﺗﻪﻛﺸﯜﺭﯛﯞﺍﺗﻘﺎﻥ ﻛﯚﺭﯛﻧﯜﺷﯩﻨﻰ ﺳﯜﺭﻩﺗﻜﻪ ﺋﯧﻠﯩﯟﺍﻟﻐﺎﻥ.
 
ﻣﺎﻗﺎﻟﯩﺪﺍ، 5 - ﺋﯩﻴﯘﻝ ﺋﯜﺭﯛﻣﭽﻰ ﻧﺎﻣﺎﻳﯩﺸﯩﻐﺎ ﺳﻪﯞﻩﺏ ﺑﻮﻟﻐﺎﻥ ﺋﺎﻣﯩﻠﯩﻨﯩﯔ ﺷﺎﯞﮔﯘﻩﻧﺪﯨﻜﻰ ﺋﻮﻳﯘﻧﭽﯘﻕ ﺯﺍﯞﯗﺗﯩﺪﺍ ﺋﯩﻜﻜﻰ ﺋﯘﻳﻐﯘﺭﻧﯩﯔ ﺋﯚﻟﺘﯜﺭﯛﻟﮕﻪﻧﻠﯩﻜﯩﺪﯨﻦ ﺋﯩﺒﺎﺭﻩﺕ ﻛﯩﭽﯩﻚ ﺑﯩﺮ ﯞﻩﻗﻪ ﺋﯩﻜﻪﻧﻠﻜﻰ، ﺋﻪﻣﻤﺎ ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﺋﯚﭼﻤﻪﻧﻠﯩﻜﻨﯩﯔ ﻳﯩﻠﺘﯩﺰﻯ ﺋﯩﻨﺘﺎﻳﯩﻦ ﻣﯘﺭﻩﻛﻜﻪﭖ ﺋﯩﻜﻪﻧﻠﯩﻜﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.


ﻣﺎﻗﺎﻟﯩﺪﺍ ﻳﻪﻧﻪ، ﺋﯘﻳﻐﯘﺭﻻﺭ ﻳﻮﻟﯘﻗﯘﯞﺍﺗﻘﺎﻥ ﻣﻪﺳﯩﻠﯩﻠﻪﺭ ﻫﻪﻗﻘﯩﺪﻩ ﺑﻪﺯﻯ ﻳﯜﺯﻩ ﻗﺎﺭﺍﺷﻼﺭ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺑﻮﻟﯘﭖ، ﺋﯘﻳﻐﯘﺭ ﺋﯧﻠﯩﮕﻪ ﺗﻮﺧﺘﺎﯞﺳﯩﺰ ﺋﯧﻘﯩﭗ ﻛﯩﺮﯨﯟﺍﺗﻘﺎﻥ ﺧﯩﺘﺎﻱ ﻛﯚﭼﻤﻪﻧﻠﯩﺮﻯ ﺳﻪﯞﻩﺑﯩﺪﯨﻦ ﺋﯘﻳﻐﯘﺭﻻﺭﻧﯩﯔ ﺋﯚﺯ ﭘﺎﻳﺘﻪﺧﺘﻰ ﺋﯜﺭﯛﻣﭽﯩﺪﻩ ﺋﺎﺯ ﺳﺎﻧﻠﯩﻘﻘﺎ ﺋﺎﻳﻼﻧﻐﺎﻧﻠﯩﻘﯩﻨﻰ ﻛﯚﺭﺳﯩﺘﯩﻠﮕﻪﻥ.

ﻣﺎﻗﺎﻟﻪ ﻣﯘﻧﺪﺍﻕ ﺋﺎﻳﺎﻏﻠﯩﺸﯩﺪﯗ: "ﺋﯜﺭﯛﻣﭽﻰ ﺗﯩﻨﭽﯩﻐﺎﻥ ﺋﯩﺪﻯ. ﺑﯘ ﺗﯩﻨﭽﻠﯩﻘﻨﻰ ﺑﯘ ﻳﻪﺭﮔﻪ ﻛﯚﭖ ﺳﺎﻧﺪﺍ ﻳﯚﺗﻜﻪﻟﮕﻪﻥ ﺋﻪﺳﻜﻪﺭﻟﻪﺭ ﻛﺎﭘﺎﻟﻪﺗﻜﻪ ﺋﯩﮕﻪ ﻗﯩﻠﻐﺎﻥ. ﺋﻪﻣﻤﺎ ﻗﻪﺷﻘﻪﺭﮔﻪ ﻧﯩﺴﺒﻪﺗﻪﻥ ﻫﯚﻛﯜﻣﻪﺗﻨﯩﯔ ﺋﯩﺸﻪﻧﭽﻰ ﺋﺎﻧﭽﻪ ﻳﯘﻗﯩﺮﻯ ﺋﻪﻣﻪﺳﺘﻪﻙ ﻗﯩﻼﺗﺘﻰ. ﻧﺎﻣﺎﻳﯩﺶ ﻳﯜﺯ ﺑﯧﺮﯨﭗ ﺋﺎﺭﯨﺪﯨﻦ ﺋﯜﭺ ﺋﺎﻱ ﺋﻮﺗﻜﻪﻥ ﺑﻮﻟﺴﯩﻤﯘ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﯞﻩﺯﯨﻴﻪﺗﻨﻰ ﺗﻮﻟﯘﻕ ﻛﻮﻧﺘﺮﻭﻟﻠﯘﻕ ﺋﺎﺳﺘﯩﻐﺎ ﺋﺎﻻﻟﻤﯩﻐﺎﻧﻠﯩﻘﻰ ﺋﯩﻨﺘﺎﻳﯩﻦ ﺭﻭﺷﻪﻥ ﺋﯩﺪﻯ."

ﻳﯘﻗﯩﺮﯨﻘﯩﺴﻰ،" 5 - ﺋﯩﻴﯘﻝ ﺋﯜﺭﯛﻣﭽﻰ ﻧﺎﻣﺎﻳﯩﺸﻰ" ﭘﺎﺭﺗﻼﭖ ﺩﻩﻝ ﺋﯘﭺ ﺋﺎﻱ ﺋﯚﺗﻜﻪﻧﺪﯨﻦ ﻛﯧﻴﯩﻨﻜﻰ ﺋﯘﻳﻐﯘﺭ ﺋﯧﻠﻰ ﯞﻩﺯﯨﻴﯩﺘﻰ ﻫﻪﻗﻘﯩﺪﻩ ﻏﻪﺭﺏ ﻣﻪﺗﺒﯘﺋﺎﺗﻠﯩﺮﯨﺪﺍ ﺑﯧﺮﯨﻠﮕﻪﻥ ﺋﻪﯓ ﻳﯧﯖﻰ ﺋﯘﭼﯘﺭﻻﺭﻧﯩﯔ ﺑﯩﺮﻯ.