ﺑﯜﮔﯜﻥ ﺧﯩﺘﺎﻳﻨﯩﯔ ﺷﯩﻨﺨﯘﺍ ﺋﺎﮔﯧﻨﻠﯩﻘﻰ ﯞﻩ ﺧﻪﻟﻖ ﮔﯧﺰﯨﺘﻰ ﺗﻮﺭ ﺑﻪﺗﻠﯩﺮﯨﺪﻩ ﺗﯘﻳﯘﻗﺴﯩﺰﻻ " ﺋﯘﻳﻐﯘﺭ ﺭﺍﻳﻮﻧﻰ ﻳﯘﻗﯩﺮﻯ ﺳﻮﺕ ﻣﻪﻫﻜﻤﯩﺴﻰ ﺋﯜﺭﯛﻣﭽﻰ ﯞﻩﻗﻪﺳﯩﮕﻪ ﺋﺎﺋﯩﺖ ﺋﻪﺭﺯ ﺳﯘﻧﻐﺎﻥ 15 ﻧﻪﭘﻪﺭ ﻛﯩﺸﯩﻨﯩﯔ ﺋﻪﺭﺯﻟﯩﺮﯨﻨﻰ ﺭﻩﺕ ﻗﯩﻠﯩﭗ، ﺋﻪﺳﻠﯩﺪﯨﻜﻰ ﺟﺎﺯﺍﻧﻰ ﻛﯜﭼﻜﻪ ﺋﯩﮕﻪ ﺩﻩﭖ ﻗﺎﺭﯨﺪﻯ" ﺩﻩﭖ ﺧﻪﯞﻩﺭ ﺗﺎﺭﻗﺎﺗﺘﻰ.

ﻳﯘﻗﯩﺮﻯ ﺳﻮﺕ ﻣﻪﻫﻜﯩﻤﯩﺴﯩﻨﯩﯔ ﺑﯘ ﻫﻪﻗﺘﯩﻜﻰ ﻗﺎﺭﺍﺭﯨﺪﺍ ﻣﯘﻧﺪﺍﻕ ﺩﯦﻴﯩﻠﯩﺪﯗ: "ﻏﯧﻨﻰ ﻳﯜﺳﯜﭖ ﻗﺎﺗﺎﺭﻟﯩﻖ 4 ﻛﯩﺸﻰ ﻗﻪﺳﺘﻪﻥ ﺋﺎﺩﻩﻡ ﺋﯚﻟﺘﯜﺭﯛﺵ، ﺋﻮﺕ ﻗﻮﻳﯘﺵ، ﺑﯘﻻﺵ ﺟﯩﻨﺎﻳﯩﺘﻰ ﺑﯩﻠﻪﻥ، ﺋﻪﺧﻤﻪﺗﺠﺎﻥ ﻣﯚﻣﯩﻦ ﻗﺎﺗﺎﺭﻟﯩﻖ 11 ﻛﯩﺸﻰ ﺋﺎﺩﻩﻡ ﺋﯚﻟﺘﯜﺭﯛﺵ، ﺋﻮﺕ ﻗﻮﻳﯘﺵ، ﺑﯘﻻﺵ، ﻗﻪﺳﺘﻪﻥ ﻣﺎﻝ ﻣﯜﻟﻜﻜﻪ ﺯﯨﻴﺎﻥ ﻳﻪﺗﻜﯜﺯﯛﺵ ﺟﯩﻨﺎﻳﯩﺘﻰ ﺑﯩﻠﻪﻥ ﺋﻪﻳﯩﺒﻠﯩﻨﯩﭗ، ﻗﺎﻧﯘﻧﻐﺎ ﺋﺎﺳﺎﺳﻪﻥ ﺳﻮﺕ ﺋﯧﭽﯩﭗ ﺟﯩﻨﺎﻳﯩﺘﻰ ﺑﯧﻜﯩﺘﯩﻠﺪﻯ. ﻣﻪﺯﻛﯘﺭ ﺳﻮﺗﯩﻤﯩﺰ ﺑﯘ ﻛﯩﺸﯩﻠﻪﺭﻧﯩﯔ ﻳﯘﻗﯩﺮﻯ ﺳﻮﺗﻘﺎ ﻳﻮﻟﻠﯩﻐﺎﻥ ﺋﻪﺭﺯﯨﻨﻰ ﺭﻩﺕ ﻗﯩﻠﯩﭗ، ﺋﻪﺳﻠﯩﺪﯨﻜﻰ ﻫﯚﻛﯜﻣﻨﻰ ﺋﯩﻨﺎﯞﻩﺗﻠﯩﻚ ﺩﻩﭖ ﻗﺎﺭﺍﻳﺪﯗ. ﺋﻪﺯﯨﺰﺟﺎﻥ ﻳﺎﺳﯩﻨﻨﯩﯔ ﺋﺎﺩﻩﻡ ﺋﯚﻟﺘﯜﺭﯛﺵ، ﺋﻮﺕ ﻗﻮﻳﯘﺵ ﺟﯩﻨﺎﻳﯩﺘﻰ، ﺋﺎﻟﯩﻢ ﻣﻪﺗﻴﯜﺳﯜﭖ ﻗﺎﺗﺎﺭﻟﯩﻖ ﺋﯩﻜﻜﻰ ﻛﯩﺸﯩﻨﯩﯔ ﺋﺎﺩﻩﻡ ﺋﯚﻟﺘﯜﺭﯛﺵ، ﺑﯘﻻﺵ، ﺋﻮﺕ ﻗﻮﻳﯘﺵ ﺟﯩﻨﺎﻳﯩﺘﻰ ﺋﻪﺭﺯﻟﯩﺮﻯ ﺭﻩﺕ ﻗﯩﻠﯩﻨﯩﭗ، ﺋﻪﺳﻠﯩﺪﯨﻜﻰ ﻫﯚﻛﯜﻡ ﻛﯜﭼﻜﻪ ﺋﯩﮕﻪ ﻗﯩﻠﯩﻨﺪﻯ."

ﺧﻪﯞﻩﺭﺩﻩ ﻳﻪﻧﻪ، ﺋﺎﺑﺪﯗﻛﯧﺮﯨﻢ ﺋﺎﺑﺪﯗﯞﺍﻳﯩﺖ ﻗﺎﺗﺎﺭﻟﯩﻖ 6 ﻛﯩﺸﯩﻨﯩﯔ ﺋﻮﺗﺘﯘﺭﺍ ﺳﻮﺕ ﻣﻪﻫﻜﯩﻤﯩﺴﻰ ﺗﻪﺭﯨﭙﯩﺪﯨﻦ ﺑﯧﺮﯨﻠﮕﻪﻥ ﺟﺎﺯﺍﻏﺎ ﺭﺍﺯﻯ ﺑﻮﻟﯘﭖ ﻳﯘﻗﯩﺮﻯ ﺳﻮﺗﻘﺎ ﺋﻪﺭﺯ ﻗﯩﻠﻤﯩﻐﺎﻧﻠﯩﻘﻰ، ﺋﻪﻣﻤﺎ ﻏﻪﻧﻰ ﻳﯜﺳﯜﭖ ﻗﺎﺗﺎﺭﻟﯩﻖ 15 ﻛﯩﺸﯩﻨﯩﯔ ﻳﯘﻗﯩﺮﻯ ﺳﻮﺗﻘﺎ ﺋﻪﺭﺯ ﻗﯩﻠﻐﺎﻧﻠﯩﻘﻰ ﺋﯩﻠﮕﯩﺮﻯ ﺳﯜﺭﯛﻟﮕﻪﻥ.

ﺑﯘﻧﺪﯨﻦ ﺑﯘﺭﯗﻥ ﺋﯜﺭﯛﻣﭽﻰ ﺷﻪﻫﻪﺭﻟﯩﻚ ﺋﻮﺗﺘﯘﺭﺍ ﺳﻮﺕ ﻣﻪﻫﻜﯩﻤﯩﺴﻰ " 5 - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﻰ" ﮔﻪ ﺋﺎﻻﻗﯩﺪﺍﺭ ﺩﻩﭖ ﻗﺎﺭﺍﻟﻐﺎﻥ ﺋﺎﺑﺪﯗﻛﯧﺮﯨﻢ ﺋﺎﺑﺪﯗﯞﺍﻳﯩﺖ، ﻏﯧﻨﻰ ﻳﯜﺳﯜﭖ، ﺋﺎﺑﺪﯗﻟﻼ ﻣﻪﺗﺘﻮﺧﺘﻰ، ﺋﺎﺩﯨﻞ ﺭﻭﺯﻯ، ﻧﯘﺭﺋﻪﻟﻰ ﻫﻮﺷﯘﺭ ﯞﻩ ﺋﺎﻟﯩﻢ ﻣﻪﺗﻴﯜﺳﯜﭖ ﻗﺎﺗﺎﺭﻟﯩﻖ 6 ﻛﯩﺸﯩﮕﻪ ﺋﯚﻟﯜﻡ ﺟﺎﺯﺍﺳﻰ ﯞﻩ ﻳﻪﻧﻪ ﺑﯩﺮ ﺷﻪﺧﺴﻜﻪ ﻣﯘﺩﺩﻩﺗﺴﯩﺰ ﻗﺎﻣﺎﻕ ﺟﺎﺯﺍﺳﻰ ﺑﻪﺭﮔﻪﻥ ﺋﯩﺪﻯ.

ﺋﺎﺭﯨﺪﯨﻦ ﺋﯩﻜﻜﻰ ﻛﯜﻥ ﺋﯚﺗﻪﺭ - ﺋﯚﺗﻤﻪﻳﻼ ﺋﻮﺗﺘﯘﺭﺍ ﺳﻮﺕ ﻣﻪﻫﻜﯩﻤﯩﺴﻰ ﻳﻪﻧﻪ 5 - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﯩﺪﻩ ﻗﻮﻟﻐﺎ ﺋﯧﻠﯩﻨﻐﺎﻧﻼﺭﺩﯨﻦ ﺋﻪﺧﻤﻪﺗﺠﺎﻥ ﻣﯚﻣﯩﻦ، ﺯﺍﻫﯩﺖ ﭘﺎﺯﯨﻞ ﯞﻩ ﺧﻪﻥ ﺷﺎﯞﺑﻮ ﻗﺎﺗﺎﺭﻟﯩﻖ ﺋﯜﭺ ﻛﯩﺸﯩﮕﻪ ﺋﯚﻟﯜﻡ ﺟﺎﺯﺍﺳﻰ ﺑﻪﺭﮔﻪﻧﻠﯩﻜﯩﻨﻰ ﺋﯧﻼﻥ ﻗﯩﻠﻐﺎﻥ ﺋﯩﺪﻯ. ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺑﯘ ﻛﯩﺸﯩﻠﻪﺭ ﺋﯜﺳﺘﯩﺪﯨﻦ ﺑﯘﻧﺪﺍﻕ ﺗﯧﺰ ﺋﯚﻟﯜﻡ ﺟﺎﺯﺍﺳﻰ ﻫﯚﻛﯜﻣﻰ ﭼﯩﻘﯩﺮﯨﺸﻰ ﭼﻪﺗﺌﻪﻟﻠﻪﺭﺩﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﯨﻨﯩﯔ، ﺧﯩﺘﺎﻳﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﺋﺎﺩﯞﻭﻛﺎﺗﻠﯩﺮﯨﻨﯩﯔ ﻧﺎﺭﺍﺯﯨﻠﯩﻘﯩﻨﻰ ﻗﻮﺯﻏﯩﻐﺎﻥ ﯞﻩ ﺑﯘ ﺳﻮﺗﻨﯩﯔ ﻫﯧﭽﻘﺎﻧﺪﺍﻕ ﺧﻪﻟﻘﺌﺎﺭﺍ ﺋﯚﻟﭽﻪﻣﮕﻪ ﻫﻪﺗﺘﺎ ﺧﯩﺘﺎﻳﻨﯩﯔ ﺋﯚﺯﯨﻨﯩﯖﻤﯘ ﻗﺎﻧﯘﻥ ﺋﯚﻟﭽﯩﻤﯩﮕﻪ ﺗﻮﺷﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﺷﻜﻪﻥ ﺋﯩﺪﻯ.

ﺗﯧﺨﻰ ﻳﯧﻘﯩﻨﺪﯨﻼ ﯞﺍﺷﯩﻨﮕﺘﻮﻧﻐﺎ ﻛﻪﻟﮕﻪﻥ ﺑﯩﺮ ﮔﯘﺭﯗﭘﭙﺎ ﺑﯧﻴﺠﯩﯖﻠﯩﻖ ﺋﺎﺩﯞﻭﻛﺎﺗﻼﺭ ﺧﯩﺘﺎﻳﺪﺍ ﺩﯨﻨﯩﻲ ﺋﻪﺭﻛﯩﻨﻠﯩﻚ ﯞﻩ ﻗﺎﻧﯘﻧﻨﯩﯔ ﺭﻭﻟﻰ ﺗﻮﻏﺮﯨﺴﯩﺪﺍ ﺩﻭﻛﻼﺕ ﺑﯧﺮﯨﭗ، ﺧﯩﺘﺎﻳﻨﯩﯔ "5‏ - ﺋﯩﻴﯘﻝ ﯞﻩﻗﻪﺳﻰ"ﮔﻪ ﻗﺎﺗﻨﺎﺷﻘﺎﻥ ﺋﯘﻳﻐﯘﺭﻻﺭﻧﻰ ﺑﯩﺮ ﺗﻪﺭﻩﭖ ﻗﯩﻠﯩﺶ ﺋﯘﺳﯘﻟﯩﻨﯩﯔ ﺧﯩﺘﺎﻱ ﻗﺎﻧﯘﻧﯩﺪﯨﻜﻰ ﺑﻪﻟﮕﯩﻠﯩﻤﯩﻠﻪﺭﮔﻪ ﺧﯩﻼﭖ ﺋﯩﻜﻪﻧﻠﯩﻜﯩﻨﻰ ﺑﺎﻳﺎﻥ ﻗﯩﻠﻐﺎﻥ.

ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﯩﻤﯘ ﺑﯘ ﻫﻪﻗﺘﻪ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ، ﺋﯜﺭﯛﻣﭽﯩﺪﻩ ﺋﯧﭽﯩﻠﻐﺎﻥ ﺋﯩﻜﻜﻰ ﻗﯧﺘﯩﻤﻠﯩﻖ ﺳﻮﺗﻨﯩﯔ ﺋﺎﺩﯨﻞ ﺑﻮﻟﻤﯩﻐﺎﻧﻠﯩﻘﯩﻨﻰ، ﺳﻮﺕ ﺗﻪﺭﺗﯩﭙﯩﻨﯩﯔ ﺧﻪﻟﻘﺌﺎﺭﺍ ﺋﯚﻟﭽﻪﻣﻠﻪﺭﮔﻪ ﺧﯩﻼﭖ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ.

ﺑﺎﻳﺎﻧﺎﺗﺘﺎ ﺑﯩﻠﺪﯛﺭﯛﻟﯜﺷﯩﭽﻪ، ﺋﺎﻟﺪﻯ ﺑﯩﻠﻪﻥ ﻣﻪﺯﻛﯘﺭ ﻫﯚﻛﯜﻣﻨﻰ ﭼﯩﻘﺎﺭﻏﺎﻥ ﺳﻮﺕ ﺋﻮﺭﮔﯩﻨﻰ 5 ‏- ﺋﯩﻴﯘﻝ ﯞﻩﻗﻪﺳﯩﮕﻪ ﺑﯩﺘﻪﺭﻩﭖ ﻣﯘﺋﺎﻣﯩﻠﻪ ﻗﯩﻼﻟﻤﯩﻐﺎﻥ. ﺳﻮﺗﭽﯩﻼﺭ ﻛﻪﺳﭙﯩﻲ ﻻﻳﺎﻗﯩﺘﻰ ﯞﻩ ﻛﻪﺳﭙﯩﻲ ﺋﻪﺧﻼﻗﯩﻐﺎ ﻗﺎﺭﺍﭖ ﺋﻪﻣﻪﺱ، ﺳﯩﻴﺎﺳﯩﻲ ﻻﻳﺎﻗﯩﺘﯩﮕﻪ ﻗﺎﺭﺍﭖ ﺗﺎﻟﻼﻧﻐﺎﻥ ﻫﻪﻡ ﺳﻮﺗﭽﯩﻼﺭ ﻫﯚﻛﯜﻣﻨﻰ ﻗﺎﻧﯘﻧﻐﺎ ﺋﺎﺳﺎﺳﻪﻥ ﺋﻪﻣﻪﺱ، ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﺑﯩﯟﺍﺳﺘﻪ ﺗﻪﻟﯩﻤﺎﺗﯩﻐﺎ ﺋﺎﺳﺎﺳﻪﻥ ﭼﯩﻘﺎﺭﻏﺎﻥ.

ﻣﻪﺯﻛﯘﺭ ﺗﻪﺷﻜﯩﻼﺕ ﺑﺎﻳﺎﻧﺎﺗﯩﺪﺍ ﻳﻪﻧﻪ، ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﯨﺪﯨﻦ ﺗﻮﭘﻠﯩﻐﺎﻥ ﺋﯘﭼﯘﺭﻻﺭﻏﺎ ﺋﺎﺳﺎﺳﻪﻥ، ﺳﻮﺕ ﺋﯧﭽﯩﻠﯩﺸﺘﯩﻦ ﺋﺎﯞﺍﻝ، ﻗﺎﻧﯘﻥ ﺳﺎﻫﻪﺳﯩﺪﻩ ﻣﻪﺧﺴﯘﺱ ﺳﯩﻴﺎﺳﯩﻲ ﺋﯚﮔﯩﻨﯩﺶ ﻗﺎﻧﺎﺕ ﻳﺎﻳﺪﯗﺭﯗﻟﻐﺎﻧﻠﯩﻘﯩﻨﻰ، ﺋﯚﮔﯩﻨﯩﺸﺘﻪ 5 ‏ - ﺋﯩﻴﯘﻝ ﯞﻩﻗﻪﺳﯩﻨﯩﯔ ﻫﻪﻗﯩﻘﯩﻲ ﺋﻪﻫﯟﺍﻟﻰ ﻧﺎﻣﻠﯩﻖ ﻣﻪﺧﺴﯘﺱ ﺗﻪﺷﯟﯨﻘﺎﺕ ﻣﺎﺗﯧﺮﯨﻴﺎﻟﻰ ﺋﯚﮔﯩﻨﯩﻠﮕﻪﻧﻠﯩﻜﯩﻨﻰ ﯞﻩ ﻗﺎﻧﯘﻥ ﺳﺎﻫﻪﺳﯩﻨﯩﯔ 5 ‏ - ﺋﯩﻴﯘﻝ ﯞﻩﻗﻪﺳﯩﺪﻩ ﻣﻪﺭﻛﯩﺰﻯ ﻫﯚﻛﯜﻣﻪﺕ ﺑﯩﻠﻪﻥ ﺭﺍﻳﻮﻧﻠﯘﻕ ﻫﯚﻛﯜﻣﻪﺗﻨﯩﯔ ﺋﯩﺪﯨﻴﯩﺪﻩ ﺑﯩﺮﻟﯩﻜﻜﻪ ﻛﯧﻠﯩﺸﻰ ﺗﻪﻟﻪﭖ ﻗﯩﻠﯩﻨﻐﺎﻧﻠﯩﻘﯩﻨﻰ، ﻣﺎﻧﺎ ﺑﯘﻧﯩﯔ ﺧﻪﻟﻘﺌﺎﺭﺍ ﺋﻪﻫﺪﯨﻨﺎﻣﯩﻠﻪﺭﺩﻩ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺋﻪﺩﻟﯩﻴﻪ ﺋﻮﺭﮔﺎﻧﻠﯩﺮﯨﻨﯩﯔ ﺗﻪﺭﻩﭘﺴﯩﺰﻟﯩﻜﻰ ﯞﻩ ﻣﯘﺳﺘﻪﻗﯩﻠﻠﯩﻘﻰ ﺋﯚﻟﭽﯩﻤﯩﮕﻪ ﺧﯩﻼﭖ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﮔﻪﺭﭼﻪ ﺧﻪﻟﻘﺌﺎﺭﺍ ﯞﻩ ﺟﯘﯕﮕﻮﺩﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﻛﯚﺯﻩﺗﻜﯜﭼﯩﻠﯩﺮﻯ ﯞﻩ ﺋﺎﺩﯞﻭﻛﺎﺗﻠﯩﺮﯨﻨﯩﯔ ﭘﯩﻜﺮﻯ ﺑﯩﺮﺩﻩﻙ ﺋﯜﺭﯛﻣﭽﻰ ﺋﻮﺗﺘﯘﺭﺍ ﺳﻮﺕ ﻣﻪﻫﻜﯩﻤﯩﺴﯩﻨﯩﯔ ﺑﯘ ﻫﯚﻛﯜﻣﻠﯩﺮﯨﻨﯩﯔ ﺗﻮﻏﺮﺍ ﺑﻮﻟﻤﯩﻐﺎﻧﻠﯩﻘﯩﻨﻰ ﻛﯚﺭﺳﯩﺘﯩﭗ ﺗﯘﺭﺳﯩﻤﯘ، ﺋﻪﻣﻤﺎ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺳﻮﺕ ﻣﻪﻫﻜﯩﻤﯩﺴﻰ ﺑﯘ ﺑﺎﻟﯩﻼﺭ ﺋﯜﺳﺘﯩﺪﯨﻦ ﭼﯩﻘﺎﺭﻏﺎﻥ ﻗﺎﺭﺍﺭﯨﺪﺍ ﺑﯘ ﻛﯩﺸﯩﻠﻪﺭﻧﯩﯔ ﺩﯦﻠﻮﻟﯩﺮﯨﺪﺍ ﭘﺎﻛﯩﺘﻨﯩﯔ ﺗﻮﻟﯘﻕ، ﺳﻮﺗﻨﯩﯔ ﻗﺎﻧﯘﻧﯩﻲ ﺗﻪﺭﺗﯩﭙﻠﻪﺭﮔﻪ ﺋﯘﻳﻐﯘﻥ ﺋﯧﻠﯩﭗ ﺑﯧﺮﯨﻠﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﯛﭖ، ﺑﯧﺮﯨﻠﮕﻪﻥ ﺟﺎﺯﺍﻧﯩﯔ ﻣﯘﯞﺍﭘﯩﻖ ﺋﯩﻜﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﺩﻯ. ﺑﯘ ﺧﯩﻞ ﺋﻪﻫﯟﺍﻝ ﺧﯩﺘﺎﻱ ﺳﻮﺗﻠﯩﺮﯨﻨﯩﯔ ﺑﯩﺘﻪﺭﻩﭖ ﺑﻮﻟﻤﺎﺳﻠﯩﻘﯩﺪﻩﻙ ﺋﻪﻫﯟﺍﻟﻨﻰ ﺗﯧﺨﯩﻤﯘ ﺋﯧﻨﯩﻖ ﻳﻮﺭﯗﺗﯘﭖ ﺑﻪﺭﻣﻪﻛﺘﻪ.

ﺧﯩﺘﺎﻱ ﻫﯚﻛﯜﻣﯩﺘﻰ ﺋﯜﺭﯛﻣﭽﻰ ﯞﻩﻗﻪﺳﯩﮕﻪ ﺋﺎﻻﻗﯩﺪﺍﺭ ﺩﻩﭖ ﻗﻮﻟﻐﺎ ﺋﯧﻠﯩﻨﻐﺎﻧﻼﺭﻧﯩﯔ ﻳﻪﻧﻪ ﺩﺍﯞﺍﻣﻠﯩﻖ ﺳﻮﺗﻠﯩﻨﯩﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﻐﺎﻥ ﺑﻮﻟﯘﭖ، ﻫﺎﺯﯨﺮ ﺋﯜﺭﯛﻣﭽﻰ ﯞﻩﻗﻪﺳﯩﺪﻩ ﻧﯘﺭﻏﯘﻥ ﻛﯩﺸﯩﻠﻪﺭﻧﯩﯔ ﻗﻮﻟﻐﺎ ﺋﯧﻠﯩﻨﻐﺎﻧﻠﯩﻘﻰ ﺧﻪﯞﻩﺭ ﻗﯩﻠﯩﻨﯩﯟﺍﺗﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘﻻﺭﻧﯩﯔ ﺋﯩﺴﯩﻢ - ﻓﺎﻣﯩﻠﯩﺴﯩﻨﻰ ﺋﺎﺷﻜﺎﺭﯨﻠﯩﻤﺎﻱ ﻛﻪﻟﻤﻪﻛﺘﻪ. ﻳﻪﻧﻪ ﻧﯘﺭﻏﯘﻥ ﻛﯩﺸﯩﻠﻪﺭ ﺋﯜﺭﯛﻣﭽﻰ ﯞﻩﻗﻪﺳﻰ ﺟﻪﺭﻳﺎﻧﯩﺪﺍ ﻳﻮﻗﺎﭖ ﻛﻪﺗﻜﻪﻥ ﻳﯧﻘﯩﻨﻠﯩﺮﻯ ﯞﻩ ﻳﺎﻛﻰ ﺗﯘﻏﻘﺎﻧﻠﯩﺮﯨﻨﯩﯔ ﺋﯩﺰ - ﺩﯦﺮﯨﻜﯩﻨﻰ ﻗﯩﻠﯩﺸﻘﯩﻤﯘ ﺟﯜﺭﺋﻪﺕ ﻗﯩﻼﻟﻤﯩﻐﺎﻥ.

ﺑﯜﮔﯜﻥ ﻣﯘﺳﺘﻪﻗﯩﻞ ﺗﻪﺗﻘﯩﻘﺎﺗﭽﻰ ﺋﯩﻠﻬﺎﻡ ﺗﻮﺧﺘﯩﻤﯘ ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻐﺎ ﻣﻪﻟﯘﻣﺎﺕ ﺑﯧﺮﯨﭗ، ﺋﯘﻳﻐﯘﺭ ﺑﯩﺰ ﺗﻮﺭ ﺑﯧﺘﯩﻨﯩﯔ ﺑﺎﺷﻘﯘﺭﻏﯘﭼﯩﺴﻰ ﻏﻪﻳﺮﻩﺕ ﻧﯩﻴﺎﺯﻧﯩﯔ ﻗﻮﻟﻐﺎ ﺋﯧﻠﯩﻨﻐﺎﻧﻠﯩﻘﯩﻨﻰ ﺋﯧﻴﺘﻘﺎﻥ. ﺋﯩﻠﻬﺎﻡ ﺗﻮﺧﺘﻰ ﺋﻪﭘﻪﻧﺪﯨﻨﯩﯔ ﻣﯘﺧﺒﯩﺮﻏﺎ ﺑﺎﻳﺎﻥ ﻗﯩﻠﯩﭗ ﺑﯧﺮﯨﺸﯩﭽﻪ، ﺋﯘﻳﻐﯘﺭ ﺑﯩﺰ ﺗﻮﺭ ﺑﯧﺘﯩﻨﯩﯔ ﺑﺎﺷﻘﯘﺭﻏﯘﭼﯩﺴﻰ ﻏﻪﻳﺮﻩﺕ ﻧﯩﻴﺎﺯ 1- ﺋﯚﻛﺘﻪﺑﯩﺮ ﻛﯜﻧﻰ ﺋﯜﺭﯛﻣﭽﯩﺪﯨﻜﻰ ﺋﯚﻳﯩﺪﯨﻦ ﺳﺎﻗﭽﯩﻼﺭ ﺗﻪﺭﯨﭙﯩﺪﯨﻦ ﺋﯧﻠﯩﭗ ﻛﯧﺘﯩﻠﮕﻪﻥ ﺑﻮﻟﯘﭖ، ﺳﺎﻗﭽﻰ ﺩﺍﺋﯩﺮﯨﻠﯩﺮﻯ 4 - ﭼﯧﺴﻼ ﺋﯘﻧﯩﯔ ﺋﺎﺋﯩﻠﯩﺴﯩﺪﯨﻜﯩﻠﻪﺭﮔﻪ ﻏﻪﻳﺮﻩﺕ ﻧﯩﻴﺎﺯﻧﻰ ﺩﯙﻟﻪﺗﻨﯩﯔ ﺑﯩﺨﻪﺗﻪﺭﻟﯩﻜﯩﮕﻪ ﺗﻪﻫﺪﯨﺖ ﺳﯧﻠﯩﺶ ﺟﯩﻨﺎﻳﯩﺘﻰ ﺑﯩﻠﻪﻥ ﻗﻮﻟﻐﺎ ﺋﺎﻟﻐﺎﻧﻠﯩﻘﯩﻨﻰ ﺋﯘﻗﺘﯘﺭﻏﺎﻥ ﺋﯩﻜﻪﻥ.

ﺋﯩﻠﻬﺎﻡ ﺗﻮﺧﺘﻰ ﺋﻪﭘﻪﻧﺪﻯ ﺑﻮﻟﺴﺎ ﺑﯘ ﯞﻩﻗﻪﺩﯨﻦ ﺷﯘ ﯞﺍﻗﯩﺘﻨﯩﯔ ﺋﯚﺯﯨﺪﯨﻼ ﺧﻪﯞﻩﺭ ﺗﺎﭘﻘﺎﻥ ﺑﻮﻟﺴﯩﻤﯘ، ﺑﯘﻧﻰ ﺋﺎﺷﻜﺎﺭﯨﻠﯩﻴﺎﻟﻤﯩﻐﺎﻧﻠﯩﻘﯩﻨﻰ، ﭼﯜﻧﻜﻰ ﺋﯘﻧﺪﺍﻕ ﻗﯩﻠﻤﯩﻐﺎﻧﺪﺍ ﺩﻭﺳﺘﯩﻐﺎ ﺯﯨﻴﺎﻥ ﻛﻪﭖ ﻗﯧﻠﯩﺸﯩﺪﯨﻦ ﺋﻪﻧﺴﯩﺮﯨﮕﻪﻧﻠﯩﻜﯩﻨﻰ ﺑﺎﻳﺎﻥ ﻗﯩﻠﻐﺎﻥ.

ﻣﻪﻟﯘﻡ ﺑﻮﻟﯘﺷﯩﭽﻪ، ﺋﯜﺭﯛﻣﭽﻰ ﯞﻩﻗﻪﺳﯩﺪﯨﻦ ﻛﯧﻴﯩﻦ، ﻫﻪﺭ ﻗﺎﻳﺴﻰ ﺗﻮﺭ ﺑﻪﺕ ﺑﺎﺷﻘﯘﺭﻏﯘﭼﯩﻠﯩﺮﻯ ﯞﻩ ﺗﻮﺭ ﺑﻪﺕ ﻳﺎﺯﻏﯘﭼﯩﻠﯩﺮﻯ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺋﺎﺳﺎﺳﻠﯩﻖ ﻧﯩﺸﺎﻧﻰ ﺑﻮﭘﻘﺎﻟﻐﺎﻥ ﺑﻮﻟﯘﭖ، ﺩﯨﻴﺎﺭﯨﻢ ﺗﻮﺭ ﺑﯧﺘﯩﻨﯩﯔ ﺑﺎﺷﻘﯘﺭﻏﯘﭼﯩﺴﻰ ﺩﯨﻠﺸﺎﺕ ﭘﻪﺭﻫﺎﺗﻤﯘ ﺋﻪﻧﻪ ﺷﯘﻻﺭﻧﯩﯔ ﺑﯩﺮﻯ ﺋﯩﺪﻯ. ﺩﯨﻠﺸﺎﺕ ﭘﻪﺭﻫﺎﺗﻤﯘ 8 - ﺋﺎﻳﺪﺍ ﺋﯚﻳﯩﺪﯨﻦ ﺋﻪﭖ ﻛﯧﺘﯩﻠﮕﻪﻥ ﭘﯧﺘﻰ ﺋﺎﺋﯩﻠﯩﺴﻰ ﻫﺎﺯﯨﺮﻏﯩﭽﻪ ﺋﯘﻧﯩﯖﺪﯨﻦ ﻫﯧﭽﻘﺎﻧﺪﺍﻕ ﺧﻪﯞﻩﺭ ﺋﺎﻻﻟﻤﯩﻐﺎﻥ ﺋﯩﺪﻯ. ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﯩﻤﯘ ﺑﯘ ﻫﻪﻗﺘﻪ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ ﺩﯨﻠﺸﺎﺕ ﭘﻪﺭﻫﺎﺗﻨﯩﯔ ﺋﺎﻗﯩﯟﯨﺘﯩﺪﯨﻦ ﺋﻪﻧﺴﯩﺮﻩﯞﺍﺗﻘﺎﻧﻠﯩﻘﯩﻨﻰ ﺋﯧﻴﯧﺘﻘﺎﻥ ﯞﻩ ﺑﯩﺮ ﻗﯩﺴﯩﻢ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﯨﻤﯘ ﺩﯨﻠﺸﺎﺕ ﭘﻪﺭﻫﺎﺗﻨﻰ ﺳﯜﺭﯛﺷﺘﻪ ﻗﯩﻠﯩﺸﻘﺎ ﺑﺎﺷﻠﯩﻐﺎﻥ ﺋﯩﺪﻯ.

ﺩﯨﻠﺸﺎﺕ ﭘﻪﺭﻫﺎﺗﻨﯩﯔ ﺋﺎﻛﯩﺴﻰ ﺩﯨﻠﻤﯘﺭﺍﺕ ﭘﻪﺭﻫﺎﺕ، ﺋﯩﻨﯩﺴﯩﻨﯩﯔ ﭘﻪﻗﻪﺗﻼ ﺩﯨﻴﺎﺭﯨﻢ ﺗﻮﺭ ﺑﯧﺘﯩﻨﻰ ﺑﺎﺷﻘﯘﺭﯨﺪﯨﻐﺎﻧﻠﯩﻘﯩﻨﻰ، ﺋﯘﻧﯩﯔ ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﻗﺎﺭﺷﻰ ﻫﯧﭽﻘﺎﻧﺪﺍﻕ ﺑﯩﺮ ﭘﺎﺋﺎﻟﯩﻴﻪﺕ ﻗﯩﻠﻤﯩﻐﺎﻧﻠﯩﻘﯩﻨﻰ ﺋﯧﻴﺘﺘﻰ. ﻛﯜﺯﻩﺗﻜﯜﭼﯩﻠﻪﺭ ﺑﻮﻟﺴﺎ، ﺋﯜﺭﯛﻣﭽﻰ ﯞﻩﻗﻪﺳﻰ ﺟﻪﺭﻳﺎﻧﯩﺪﺍ ﻧﯘﺭﻏﯘﻥ ﻛﯩﺸﯩﻠﻪﺭﻧﯩﯔ ﻗﻮﻟﻐﺎ ﺋﯧﻠﯩﻨﯩﭗ ﻛﻪﺗﻜﻪﻧﻠﯩﻜﯩﻨﻰ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯘﻧﻰ ﺋﯘﻳﻐﯘﺭﻻﺭ ﺋﯜﺳﺘﯩﺪﯨﻦ ﺗﺎﺯﯨﻼﺵ ﺋﯧﻠﯩﭗ ﺑﺎﺭﯨﺪﯨﻐﺎﻥ ﺑﯩﺮ ﭘﯘﺭﺳﻪﺗﻜﻪ ﺋﺎﻳﻼﻧﺪﯗﺭﯗﯞﺍﺗﻘﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﻣﻪﻛﺘﻪ.

ﺋﺎﻣﯧﺮﯨﻜﯩﺪﯨﻜﻰ ﺋﺎﺩﯞﻭﻛﺎﺕ ﻧﯘﺭﯨﻲ ﺗﯜﺭﻛﻪﻝ ﺋﻪﭘﻪﻧﺪﻯ ﺑﯘ ﻫﻪﻗﺘﻪ ﺗﻮﺧﺘﯘﻟﯘﭖ، ﺧﯩﺘﺎﻳﺪﺍ ﺋﺎﺧﺒﺎﺭﺍﺕ ﺋﯘﭼﯘﺭ ﺋﻪﺭﻛﯩﻨﻠﯩﻜﻰ ﺑﻮﻟﻤﯩﻐﺎﻧﻠﯩﻘﺘﯩﻦ، ﻗﻮﻟﻐﺎ ﺋﯧﻠﯩﻨﻐﺎﻥ ﻛﯩﺸﯩﻠﻪﺭﻧﯩﯔ ﺋﯩﺴﯩﻤﻠﯩﻜﯩﻨﯩﯔ ﺋﺎﺷﻜﺎﺭﯨﻠﯩﻨﯩﺸﯩﻨﯩﯖﻤﯘ ﻣﯘﻣﻜﯩﻦ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﯞﻩ ﺧﯩﺘﺎﻳﻨﯩﯔ ﺑﯘﻧﻰ ﺑﯩﺮ ﭘﯘﺭﺳﻪﺕ ﺑﯩﻠﯩﭗ ﻧﯘﺭﻏﯘﻥ ﺋﯘﻳﻐﯘﺭﻻﺭﻏﺎ ﺯﻩﺭﺑﻪ ﺑﯧﺮﯨﯟﺍﺗﻘﺎﻧﻠﯩﻘﯩﻨﻰ ﺋﯧﻴﯩﺘﺘﻰ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز