ﺋﯘﻳﻐﯘﺭ ﻣﻪﺳﯩﻠﯩﺴﻰ ﺗﯜﺭﻛﯩﻴﯩﻨﯩﯔ ﻗﺎﺭﺍﺩﯦﯖﯩﺰ ﺭﺍﻳﻮﻧﯩﺪﺍ

ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻢ ﺧﻪﯞﯨﺮﻯ

2008-05-27

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺗﯜﺭﻛﯩﻴﯩﺪﻩ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﭘﺎﺋﺎﻟﯩﻴﻪﺗﻠﯩﺮﯨﻨﯩﯔ 3-ﺑﯧﻜﯩﺘﻰ ﺑﻮﻟﻐﺎﻥ ﮔﯩﺮﻩﺳﯘﻥ ﯞﯨﻼﻳﯩﺘﯩﺪﻩ ﺋﯘﻳﻐﯘﺭ ﻣﻪﺳﯩﻠﯩﺴﻰ ﺧﻪﻟﻘﻨﯩﯔ ﺯﻭﺭ ﻗﯩﺰﯨﻘﯩﺸﯩﻐﺎ ﺋﯧﺮﯨﺸﺘﻰ. ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﻣﯘﺋﺎﯞﯨﻦ ﺑﺎﺷﻠﯩﻘﻰ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺩﻩﻧﯩﻴﻪﺕ ﯞﻩ ﻫﻪﻣﻜﺎﺭﻟﯩﻖ ﺟﻪﻣﺌﯩﻴﯩﺘﻰ ﺑﺎﺷﻠﯩﻘﻰ ﺳﯧﻴﯩﺖ ﺗﯜﻣﺘﯜﺭﻙ ﺋﻪﭘﻪﻧﺪﻯ 24- ﯞﻩ 25-ﻣﺎﻱ ﻛﯜﻧﻠﯩﺮﻯ ﺳﯩﯟﺍﺱ ﯞﻩ ﺗﺮﺍﺑﺰﻭﻥ ﯞﯨﻼﻳﻪﺗﻠﯩﺮﯨﺪﯨﻜﻰ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﺋﺎﺧﯩﺮﻻﺷﺘﯘﺭﯗﭖ، 5-ﺋﺎﻳﻨﯩﯔ 26-ﻛﯜﻧﻰ ﺗﯜﺭﻛﯩﻴﯩﻨﯩﯔ ﺷﻪﺭﻗﯩﻲ ﻗﺎﺭﺍﺩﯦﯖﯩﺰ ﺭﺍﻳﻮﻧﯩﻐﺎ ﺟﺎﻳﻼﺷﻘﺎﻥ ﮔﯩﺮﻩﺳﯘﻥ ﯞﯨﻼﻳﯩﺘﯩﮕﻪ ﻳﯧﺘﯩﭗ ﻛﻪﻟﮕﻪﻥ.

RFA Photo / Erkin Tarim

ﺩ ﺋﯘ ﻕ ﻣﯘﺋﺎﯞﯨﻦ ﺑﺎﺷﻠﯩﻘﻰ ﺳﯧﻴﯩﺖ ﺗﯜﻣﺘﯜﺭﻙ ﺋﻪﭘﻪﻧﺪﻯ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﺩﺍﯞﺍﻣﻼﺷﺘﯘﺭﯗﭖ، 5-ﺋﺎﻳﻨﯩﯔ 26-ﻛﯜﻧﻰ ﺗﯜﺭﻛﯩﻴﯩﻨﯩﯔ ﺷﻪﺭﻗﯩﻲ ﻗﺎﺭﺍﺩﯦﯖﯩﺰ ﺭﺍﻳﻮﻧﯩﻐﺎ ﺟﺎﻳﻼﺷﻘﺎﻥ ﮔﯩﺮﻩﺳﯘﻥ ﯞﯨﻼﻳﯩﺘﯩﮕﻪ ﻳﯧﺘﯩﭗ ﻛﻪﻟﮕﻪﻥ.

ﺳﯧﻴﯩﺖ ﺗﯜﻣﺘﯜﺭﻙ ﺋﻪﭘﻪﻧﺪﻯ ﺋﺎﻟﺪﻯ ﺑﯩﻠﻪﻥ ﮔﯩﺮﻩﺳﯘﻧﻨﯩﯔ TEMPO ﺗﯧﻠﯧﯟﯨﺰﯨﻴﯩﺴﯩﻨﯩﯔ ﭘﺮﻭﮔﺮﺍﻣﻤﯩﺴﯩﻐﺎ ﻗﺎﺗﻨﯩﺸﯩﭗ ﺋﯘﻳﻐﯘﺭ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﺗﯧﻠﯧﯟﯨﺰﻭﺭ ﻛﯚﺭﮔﯜﭼﯩﻠﻪﺭﮔﻪ ﻣﻪﻟﯘﻣﺎﺕ ﺑﻪﺭﮔﻪﻥ ﺑﻮﻟﺴﺎ، ﻛﯧﻴﯩﻦ ﮔﯩﺮﻩﺳﯘﻥ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺗﻪﻛﻠﯩﭙﯩﮕﻪ ﺑﯩﻨﺎﺋﻪﻥ ﺋﯘﻧﯩﯟﯦﺮﺳﯩﺘﯧﺘﻨﯩﯔ ﭼﻮﯓ ﻳﯩﻐﯩﻦ ﺯﺍﻟﯩﺪﺍ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﺋﯚﺗﻤﯜﺷﻰ ﯞﻩ ﺑﯜﮔﯜﻧﻰ ﺗﯧﻤﯩﺴﯩﺪﺍ ﺳﯚﺯ ﻗﯩﻠﻐﺎﻥ. ﺑﯘ ﻛﻮﻧﻔﯩﺮﺍﻧﺴﻘﺎ ﺋﯘﻧﯩﯟﯦﺮﺳﯩﺘﯧﺖ ﺭﻩﻫﺒﻪﺭﻟﯩﺮﻯ، ﺋﻮﻗﯘﺗﻘﯘﭼﻰ - ﺋﻮﻗﯘﻏﯘﭼﯩﻼﺭ ﻫﻪﺗﺘﺎ ﺑﺎﺷﻼﻧﻐﯘﭺ، ﺋﻮﺗﺘﯘﺭﺍ ﻣﻪﻛﺘﻪﭘﻠﻪﺭﻧﯩﯔ ﺋﻮﻗﯘﺗﻘﯘﭼﻰ- ﺋﻮﻗﯘﻏﯘﭼﯩﻠﯩﺮﯨﻤﯘ ﻗﺎﺗﻨﺎﺷﻘﺎﻥ.

ﻳﯩﻐﯩﻦ ﺋﺎﺧﯩﺮﻻﺷﻘﺎﻧﺪﯨﻦ ﻛﯧﻴﯩﻦ ﺑﻮﻟﺴﺎ ﺋﻮﻗﯘﻏﯘﭼﻰ - ﺋﻮﻗﯘﺗﻘﯘﭼﯩﻼﺭ ﺳﯧﻴﯩﺖ ﺗﯜﻣﺘﯜﺭﻙ ﺋﻪﭘﻪﻧﺪﯨﻨﻰ ﺋﻮﺭﯨﯟﯦﻠﯩﭗ ﺋﯘﺯﯗﻥ ﯞﺍﻗﯩﺘﻘﯩﭽﻪ ﺋﯘﻧﯩﯖﺪﯨﻦ ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﺳﯘﺋﺎﻟﻼﺭﻧﻰ ﺳﻮﺭﺍﭖ ﺗﯧﺨﯩﻤﯘ ﺗﻪﭘﺴﯩﻠﯩﻲ ﻣﻪﻟﯘﻣﺎﺕ ﺋﯩﮕﯩﺴﻰ ﺑﻮﻟﯘﺷﻘﺎ ﺗﯩﺮﯨﺸﻘﺎﻥ.

ﺑﯩﺰ ﻧﻪﻕ ﻣﻪﻳﺪﺍﻧﻐﺎ ﺗﯧﻠﯧﻔﻮﻥ ﻗﯩﻠﯩﭗ ﭘﺎﺋﺎﻟﯩﻴﻪﺕ ﺑﯘﻳﯩﭽﻪ ﺳﯧﻴﯩﺖ ﺗﯜﻣﺘﯜﺭﻙ ﺋﻪﭘﻪﻧﺪﻯ ﺑﯩﻠﻪﻥ ﺑﯩﺮﻟﯩﻜﺘﻪ ﭘﺎﺋﺎﻟﯩﻴﻪﺗﻠﻪﺭﮔﻪ ﺋﯩﺸﺘﯩﺮﺍﻙ ﻗﯩﻠﻐﺎﻥ ﯞﺍﺭﯨﺲ ﺋﻪﭘﻪﻧﺪﻯ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ، ﺋﯘ ﺋﯘﻧﯩﯟﯦﺮﺳﯩﺘﯧﺖ ﺯﺍﻟﯩﻨﻰ ﻟﯩﻖ ﺗﻮﻟﺪﯗﺭﻏﺎﻥ ﺋﺎﯕﻠﯩﻐﯘﭼﯩﻼﺭﻧﯩﯔ ﺋﯘﻳﻐﯘﺭ ﻣﻪﺳﯩﻠﯩﺴﯩﮕﻪ ﺑﻮﻟﻐﺎﻥ ﻣﯘﻧﭽﻪ ﻗﯩﺰﯨﻘﯩﺸﯩﻨﯩﯔ ﺋﯚﺯﯨﻨﻰ ﻫﻪﻳﺮﺍﻥ ﻗﺎﻟﺪﯗﺭﻏﺎﻧﻠﯩﻘﯩﻨﻰ، ﺑﯘ ﺋﻮﻗﯘﻏﯘﭼﯩﻼﺭﻧﯩﯔ 20 ﭘﯩﺮﺳﻪﻧﺘﯩﻨﯩﯔ ﻛﯘﺭﺩ ﺋﻮﻗﯘﻏﯘﭼﯩﻼﺭ ﺋﯩﻜﻪﻧﻠﯩﻜﯩﻨﻰ، ﺋﯘﻳﻐﯘﺭ ﻣﻪﺳﯩﻠﯩﺴﯩﮕﻪ ﻗﯩﺰﯨﻘﯩﺸﻨﯩﯔ ﺗﯜﺭﻛﻠﻪﺭ ﺑﯩﻠﻪﻥ ﺋﯘﻳﻐﯘﺭﻻﺭﻧﯩﯔ ﻗﯧﺮﯨﻨﺪﺍﺵ ﻣﯩﻠﻠﻪﺕ ﺑﻮﻟﯘﺷﯩﺪﯨﻦ ﺯﯨﻴﺎﺩﻩ، ﺋﯩﻨﺴﺎﻧﯩﻲ ﺟﻪﻫﻪﺗﺘﯩﻦ ﺑﻮﻟﻐﺎﻧﻠﯩﻘﯩﻨﻰ ﺋﯧﻴﺘﺘﻰ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﯞﺍﺭﯨﺴﺠﺎﻥ ﺋﻪﭘﻪﻧﺪﻯ ﺑﯩﻠﻪﻥ ﺋﯧﻠﯩﭗ ﺑﺎﺭﻏﺎﻥ ﺳﯚﻫﺒﯩﺘﯩﻤﯩﺰﻧﯩﯔ ﺗﻪﭘﺴﯩﻼﺗﯩﻐﺎ ﻗﯘﻻﻕ ﺳﺎﻟﻐﺎﻳﺴﯩﻠﻪﺭ.

ﺑﯧﺴﯩﺶ

ﺋﻪﯞﻩﺗﯩﺶ

ﻗﻮﺭﺍﻟﻼﺭ

	ﺋﺎﯕﻼﺵ
	ﺋﺎﯞﺍﺯﻧﻰ ﻛﯚﭼﯜﺭﯛﺵ
	ﺋﻪﯞﻩﺗﯩﺶ
	ﺧﻪﯞﻩﺭﮔﻪ ﻣﯘﺷﺘﻪﺭﻯ ﺑﻮﻟﯘﺵ
	ﺑﯧﺴﯩﺶ