ﻛﯘﭼﺎﺩﺍ ﭘﺎﺭﺗﻼﺵ ﻳﯜﺯ ﺑﻪﺭﮔﻪﻧﺪﯨﻦ ﻛﯧﻴﯩﻦ، ﺧﯩﺘﺎﻱ ﺋﺎﻫﺎﻟﯩﻠﯩﺮﯨﻨﯩﯔ ﺗﯘﺭﻣﯘﺷﯩﻐﺎ ﺗﻪﺳﯩﺮ ﻳﻪﺗﻤﯩﮕﻪﻥ

ﺭﺍﺩﯨﺌﻮﻣﯩﺰ ﻣﯘﺧﺒﯩﺮﻟﯩﺮﯨﻨﯩﯔ ﺋﯧﻨﯩﻘﻠﯩﺸﯩﭽﻪ، ﻛﯘﭼﺎﺩﺍ 10‏ - ﺋﺎﯞﻏﯘﺳﺖ ﯞﻩﻗﻪﺳﻰ ﻳﯜﺯ ﺑﻪﺭﮔﻪﻧﺪﯨﻦ ﻛﯧﻴﯩﻦ، ﻛﯘﭼﺎﺩﺍ ﺗﯘﺭﯗﯞﺍﺗﻘﺎﻥ ﺧﯩﺘﺎﻱ ﺋﺎﻫﺎﻟﯩﻠﯩﺮﻯ ﻣﯘﺧﺒﯩﺮﯨﻤﯩﺰﻏﺎ ' ﺋﺎﻗﺴﯘ ﯞﺍﻟﯩﺴﻰ ﺑﯘ ﯞﻩﻗﻪﻧﻰ ﺗﯧﺮﺭﻭﺭﻟﯘﻕ ﺩﯦﻠﻮ ﺩﯦﺪﻯ' ﺩﯦﮕﻪﻥ.

ﻛﯘﭼﺎﺩﺍ ﺗﯘﺭﯗﯞﺍﺗﻘﺎﻥ ﺧﯩﺘﺎﻱ ﺋﺎﻫﺎﻟﯩﻠﯩﺮﻯ ﺑﯘ ﻗﯧﺘﯩﻤﻘﻰ ﭘﺎﺭﺗﻼﺵ ﺋﺎﯞﺍﺯﯨﻨﻰ ﺋﺎﯕﻠﯩﻐﺎﻥ، ﺋﻪﻣﻤﺎ ﺷﯘﻧﯩﯖﺪﯨﻦ ﻛﯧﻴﯩﻦ ﺋﯘﻻﺭﻧﯩﯔ ﻣﯘﻫﯩﺘﻰ ﻳﻪﻧﯩﻼ ﺗﯩﻨﭻ، ﺗﯘﺭﻣﯘﺷﯩﻐﯩﻤﯘ ﻫﯧﭽﻘﺎﻧﺪﺍﻕ ﺗﻪﺳﯩﺮ ﻳﻪﺗﻤﯩﮕﻪﻥ. ﺋﯘﻻﺭﻧﯩﯔ ﺋﯧﻴﺘﯩﺸﯩﭽﻪ، ﯞﻩﻗﻪﺩﯨﻦ ﻛﯧﻴﯩﻦ ﻗﺎﭼﻘﺎﻥ ﺋﯜﭺ ﺋﯘﻳﻐﯘﺭﻧﻰ ﺗﯘﺗﯘﺵ ﺋﯜﭼﯜﻥ ﺑﯘ ﺷﻪﻫﻪﺭﺩﻩ ﺋﯧﻠﯩﭗ ﺑﯧﺮﯨﻠﻐﺎﻥ ﻫﻪﺭﯨﻜﻪﺕ ﻫﺎﺯﯨﺮ ﺩﺍﯞﺍﻣﻠﯩﺸﯩﯟﺍﺗﯩﺪﯗ.

ﺧﯩﺘﺎﻱ ﻛﯘﭼﺎ ﯞﻩﻗﻪﺳﯩﻨﻰ ﻳﻮﺷﯘﺭﯗﺷﻘﺎ ﺋﯘﺭﯗﻧﯘﭖ ﺑﺎﻗﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﯞﻩﻗﻪ ﻳﻪﻧﯩﻼ ﺩﯗﻧﻴﺎﻏﺎ ﻳﯧﻴﯩﻠﺪﻯ

ﻛﺎﻧﺎﺩﺍﺩﺍ ﭼﯩﻘﯩﺪﯨﻐﺎﻥ 'ﻳﻪﺭﺷﺎﺭﻯ ﺋﯘﭼﯘﺭﻟﯩﺮﻯ' ﮔﯧﺰﯨﺘﯩﻨﯩﯔ ﻳﺎﺯﻏﯘﭼﯩﺴﻰ ﺟﻴﻮﻓﻔﯧﺮﻯ ﻳﻮﺭﻛﻨﯩﯔ ﺑﯜﮔﯜﻥ ﺑﯧﻴﺠﯩﯖﺪﯨﻦ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﻛﯚﭖ ﯞﺍﻗﯩﺘﺘﯩﻦ ﺑﯘﻳﺎﻥ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﺟﻪﺭﻳﺎﻧﯩﺪﺍ ﭘﺎﺭﺗﻼﺵ ﻳﯜﺯ ﺑﯧﺮﯨﺸﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺋﯜﭼﯜﻥ ﻧﺎﻫﺎﻳﯩﺘﻰ ﻛﯚﭖ ﺗﻪﻳﻴﺎﺭﻟﯩﻖ ﻛﯚﺭﯛﯞﺍﺗﻘﺎﻥ ﺋﯩﺪﻯ. ﺋﻪﻣﻤﺎ ﺋﻮﻟﯩﻤﭙﯩﻚ ﺑﺎﺷﻠﯩﻨﯩﭙﻼ ﺧﯩﺘﺎﻳﻨﻰ ﻳﻪﻧﻪ ﻗﺎﺭﺍ ﺑﺎﺳﺘﻰ.

ﻛﯘﭼﺎﺩﺍ ﭘﺎﺭﺗﻼﺵ ﯞﻩ ﺟﯩﺪﺩﯨﻲ ﺋﯧﺘﯩﺸﯩﺶ ﻳﯜﺯ ﺑﻪﺭﺩﻯ. ﮔﻪﺭﭼﻪ ﺧﯩﺘﺎﻳﻨﯩﯔ ﺋﯘﭼﯘﺭ ﯞﺍﺳﺘﯩﻠﯩﺮﻯ ﺑﯘ ﯞﻩﻗﻪﻧﻰ ﺧﻪﯞﻩﺭ ﻗﯩﻠﻤﺎﻱ ﻳﻮﺷﯘﺭﯗﺷﻘﺎ ﺋﯘﺭﯗﻧﯘﭖ ﺑﺎﻗﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺑﯘ ﯞﻩﻗﻪ ﺩﯗﻧﻴﺎﻏﺎ ﻳﯧﻴﯩﻠﺪﻯ.

ﺑﯘ ﯞﻩﻗﻪ ﺧﯩﺘﺎﻱ ﻫﺎﻛﯩﻤﻠﯩﻖ ﻗﯩﻠﯩﯟﺍﺗﻘﺎﻥ ﻛﯘﭼﺎ ﺷﻪﻫﯩﺮﯨﻨﻰ ﺯﻩﺧﻤﯩﻠﻪﻧﺪﯛﺭﺩﻯ

ﺋﺎﯞﺳﺘﺮﺍﻟﯩﻴﯩﺪﻩ ﭼﯩﻘﯩﺪﯨﻐﺎﻥ 'ﺧﻪﻟﻘﺌﺎﺭﺍ ﺋﯘﭼﯘﺭ ﻣﯘﻧﺒﯩﺮﻯ' ﮔﯧﺰﯨﺘﯩﻨﯩﯔ ﻳﺎﺯﻏﯘﭼﯩﺴﻰ ﺟﯩﻢ ﻳﺎﺭﺩﻟﯧﻴﻨﯩﯔ ﺑﯜﮔﯜﻥ ﺑﯧﻴﺠﯩﯖﺪﯨﻦ ﺑﺎﻳﺎﻥ ﻗﯩﻠﯩﺸﯩﭽﻪ، ﻳﻪﻛﺸﻪﻧﺒﻪ ﻛﯜﻧﻰ ﺋﻪﺗﯩﮕﻪﻧﺪﻩ ﺧﯩﺘﺎﻳﻨﯩﯔ ﻏﻪﺭﺑﯩﺪﯨﻜﻰ ﺷﯩﻨﺠﺎﯕﺪﺍ، ﺧﯩﺘﺎﻳﻨﯩﯔ ﺳﺎﻗﭽﻰ ﺋﻮﺭﮔﺎﻧﻠﯩﺮﯨﻐﺎ ﻗﺎﺭﯨﺘﯩﻠﻐﺎﻥ ﭼﺎﺗﻤﺎ ﭘﺎﺭﺗﻼﺵ ﻳﯜﺯ ﺑﻪﺭﺩﻯ. ﺧﯩﺘﺎﻱ ﺋﯘﭼﯘﺭ ﯞﺍﺳﺘﯩﻠﯩﺮﻯ ﺑﯘ ﯞﻩﻗﻪﻧﻰ 'ﺋﺎﺯ ﺩﯦﮕﻪﻧﺪﻩ 7 ﻛﯩﺸﻰ ﭘﻪﻳﺪﺍ ﻗﯩﻠﺪﻯ' ﺩﻩﭖ ﻗﺎﺭﯨﻤﺎﻗﺘﺎ.
 
ﻣﻪﺯﻛﯘﺭ ﻳﺎﺯﻏﯘﭼﯩﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ ﻣﯘﺋﺎﯞﯨﻦ ﺑﺎﺷﻠﯩﻘﻰ ﯞﺍﯓ ﯞﯦﻲ 'ﺑﯘ ﯞﻩﻗﻪﻧﻰ ﺟﯘﯕﮕﻮﺩﯨﻦ ﺑﯚﻟﯜﻧﯜﭖ ﭼﯩﻘﯩﺸﻨﻰ ﻣﻪﻗﺴﻪﺕ ﻗﯩﻠﯩﯟﺍﺗﻘﺎﻧﻼﺭ ﭘﻪﻳﺪﺍ ﻗﯩﻠﺪﻯ، ﺋﯘﻻﺭ ﺋﻮﻟﯩﻤﭙﯩﻜﺘﯩﻦ ﭘﺎﻳﺪﯨﻠﯩﻨﯩﭗ ﺋﯚﺯ ﺗﻪﺳﯩﺮﯨﻨﻰ ﻛﯧﯖﻪﻳﺘﯩﺸﻨﻰ ﺋﻮﻳﻠﯩﻤﺎﻗﺘﺎ' ﺩﯦﮕﻪﻥ.

ﻣﻪﺯﻛﯘﺭ ﻳﺎﺯﻏﯘﭼﯩﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ ﻳﻪﻧﻪ، ﺑﯘ ﯞﻩﻗﻪ ﺧﯩﺘﺎﻱ ﻫﺎﻛﯩﻤﻠﯩﻖ ﻗﯩﻠﯩﯟﺍﺗﻘﺎﻥ ﻛﯘﭼﺎ ﺷﻪﻫﯩﺮﯨﻨﻰ ﺯﻩﺧﻤﯩﻠﻪﻧﺪﯛﺭﺩﻯ. ﺋﻪﻣﻤﺎ 400 ﻣﯩﯔ ﻧﻮﭘﯘﺳﻰ ﺑﺎﺭ ﺑﯘ ﺷﻪﻫﻪﺭﺩﻩ ﻫﯧﭽﻜﯩﻢ ﺗﯧﺨﻰ ﺑﯘ ﯞﻩﻗﻪﻧﻰ ﺋﯚﺯ ﻛﯚﺯﻯ ﺑﯩﻠﻪﻥ ﻛﯚﺭﮔﻪﻧﻠﯩﻜﻰ ﻫﻪﻗﻘﯩﺪﻩ ﺋﯩﺴﭙﺎﺗﻠﯩﻖ ﺑﻪﺭﮔﯩﻨﻰ ﻳﻮﻕ. ﭘﻪﻗﻪﺕ ﺳﻮﺋﺎﻟﻐﺎ ﺟﺎﯞﺍﺏ ﺑﻪﺭﮔﻪﻥ ﻛﯩﺸﯩﻠﻪﺭﻧﯩﯔ ﻫﻪﻣﻤﯩﺴﻰ ﭘﺎﺭﺗﻼﺵ ﺋﺎﯞﺍﺯﯨﻨﻰ ﺋﺎﯕﻠﯩﻐﺎﻧﻠﯩﻘﯩﻨﻰ ﺋﯧﻴﺘﻘﺎﻥ.

ﺧﯩﺘﺎﻱ ﺑﯘ ﯞﻩﻗﻪﻧﻰ ﺩﯗﻧﻴﺎ ﺋﺎﻟﻠﯩﻘﺎﭼﺎﻥ ﺑﯩﻠﯩﺪﯨﻐﺎﻥ ﺗﯧﺮﺭﻭﺭﭼﻰ ﮔﯘﺭﯗﭘﭙﯩﻼﺭﻏﺎ ﭼﯧﺘﯩﺸﻘﺎ ﺑﺎﺷﻠﯩﻐﺎﻥ

ﺭﻭﻳﺘﯧﺮﺱ ﺋﺎﮔﯧﻨﺘﻠﯩﻘﯩﻨﯩﯔ ﺑﯜﮔﯜﻥ ﺑﯧﻴﺠﯩﯖﺪﯨﻦ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﻫﺎﺯﯨﺮ ﺑﯘ ﻣﯘﻗﯩﻤﺴﯩﺰ ﺷﯩﻨﺠﺎﯕﺪﺍ 11 ﺋﺎﺩﻩﻡ ﺋﯚﻟﮕﻪﻥ ﭘﺎﺭﺗﻼﺵ ﯞﻩﻗﻪﺳﯩﻨﻰ ﺗﻪﻛﺸﯜﺭﯛﯞﺍﺗﯩﺪﯗ. ﻫﯚﻛﯜﻣﻪﺕ ﻫﺎﺯﯨﺮ ﺧﯘﻻﺳﯩﻨﻰ ﺋﯧﻼﻥ ﻗﯩﻠﻤﺎﻳﻼ، ﺑﯘ ﯞﻩﻗﻪﻧﻰ ﺩﯗﻧﻴﺎ ﺋﺎﻟﻠﯩﻘﺎﭼﺎﻥ ﺑﯩﻠﯩﺪﯨﻐﺎﻥ ﺗﯧﺮﺭﻭﺭﭼﻰ ﮔﯘﺭﯗﭘﭙﯩﻼﺭﻏﺎ ﭼﯧﺘﯩﺸﻘﺎ ﺑﺎﺷﻠﯩﻐﺎﻥ. ﺑﯘ ﯞﻩﻗﻪ ﺧﯩﺘﺎﻱ ﻫﺎﻛﯩﻤﻠﯩﻖ ﻗﯩﻠﯩﯟﺍﺗﻘﺎﻥ ﻛﯘﭼﺎﻧﻰ ﺯﻩﺧﻤﯩﻠﻪﻧﺪﯛﺭﺩﻯ.

ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯧﻴﺘﯩﺸﯩﭽﻪ، ﺑﯧﻴﺠﯩﯖﺪﯨﻦ 3 ﻣﯩﯔ ﻛﯩﻠﻮﻣﯧﺘﯩﺮ ﻳﯩﺮﺍﻗﻠﯩﻘﺘﺎ ﻳﯜﺯ ﺑﻪﺭﮔﻪﻥ ﺑﯘ ﯞﻩﻗﻪﻧﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺩﻩﭖ ﺋﺎﺗﯩﻠﯩﺪﯨﻐﺎﻥ ﺑﯩﺮ ﺩﯙﻟﻪﺕ ﻗﯘﺭﯗﺷﻨﻰ ﻣﻪﻗﺴﻪﺕ ﻗﯩﻠﯩﺪﯨﻐﺎﻥ ﺗﻪﺷﻜﯩﻼﺗﻼﺭ ﺋﯘﻳﯘﺷﺘﯘﺭﻏﺎﻥ. ﺋﻪﻣﻤﺎ ﺋﯘﻳﻐﯘﺭﻻﺭﻧﯩﯔ ﺋﯧﻴﺘﯩﺸﯩﭽﻪ، ﺑﯘ ﯞﻩﻗﻪﻧﯩﯔ ﭘﻪﻳﺪﺍ ﺑﻮﻟﯘﺷﯩﻐﺎ ﺧﯩﺘﺎﻱ ﻛﯚﭼﻤﻪﻧﻠﯩﺮﻯ ﻫﺎﺯﯨﺮ ﺷﯩﻨﺠﺎﯕﺪﯨﻜﻰ 20 ﻣﯩﻠﻴﻮﻥ ﻧﻮﭘﯘﺳﻨﯩﯔ ﻛﯚﭖ ﺳﺎﻧﻠﯩﻘﯩﻨﻰ ﺋﯩﮕﯩﻠﻪﭖ ﺑﻮﻟﻐﺎﻧﻠﯩﻘﻰ ﯞﻩ ﺧﯩﺘﺎﻱ ﻣﻪﺩﻩﻧﯩﻴﯩﺘﻰ ﺋﺎﺳﺎﺳﯩﻲ ﺋﻮﺭﯗﻧﻐﺎ ﺋﯚﺗﯜﺷﻜﻪ ﺑﺎﺷﻠﯩﻐﺎﻧﻠﯩﻘﻰ ﺳﻪﯞﻩﺑﭽﻰ ﺑﻮﻟﻐﺎﻥ.

ﺧﯩﺘﺎﻱ ﺋﻪﺳﻜﻪﺭﻟﯩﺮﻯ ﻛﯘﭼﺎﻧﯩﯔ ﻛﻮﭼﯩﻠﯩﺮﯨﺪﺍ ﺋﯘﻳﻐﯘﺭﻻﺭﻧﻰ ﻗﻮﻏﻠﯩﻤﺎﻗﺘﺎ

ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻨﯩﯔ ﻳﺎﺯﻏﯘﭼﯩﺴﻰ ﯞﯨﻠﻴﺎﻡ ﻓﻮﺭﻣﻪﻧﻨﯩﯔ ﺑﯜﮔﯜﻥ ﻛﯘﭼﺎﺩﯨﻦ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻱ ﻫﺎﻛﯩﻤﻠﯩﻖ ﻗﯩﻠﯩﯟﺍﺗﻘﺎﻥ ﻧﯧﻔﯩﺖ ﺑﺎﻳﻠﯩﻘﻰ ﻣﻮﻝ ﻛﯘﭼﺎ ﺷﻪﻫﯩﺮﯨﺪﯨﻜﻰ ﺳﺎﻗﭽﻰ ﭘﻮﻧﻜﯩﺘﻰ، ﻫﯚﻛﯜﻣﻪﺕ ﺑﯩﻨﺎﺳﻰ، ﺑﺎﻧﻜﺎ ﯞﻩ ﺳﻮﺩﺍ ﺳﺎﺭﺍﻳﻠﯩﺮﯨﻐﺎ ﻗﺎﺭﯨﺘﯩﻠﻐﺎﻥ ﭘﺎﺭﺗﻼﺵ ﯞﻩﻗﻪﻟﯩﺮﻯ ﺗﯜﻧﯜﮔﯜﻥ ﻳﯜﺯ ﺑﻪﺭﮔﻪﻧﺪﯨﻦ ﻛﯧﻴﯩﻦ، ﺗﯧﺨﯩﭽﻪ ﻫﯧﭽﻜﯩﻢ ﻳﺎﻛﻰ ﻗﺎﻳﺴﯩﺒﯩﺮ ﺗﻪﺷﻜﯩﻼﺕ ﺑﯘ ﯞﻩﻗﻪﮔﻪ ﻣﻪﺳﺌﯘﻝ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﻤﯩﺪﻯ. ﺋﻪﻣﻤﺎ ﻧﻮﭘﯘﺳﯩﻨﯩﯔ ﻛﯚﭖ ﺳﺎﻧﻠﯩﻘﻰ ﺋﯘﻳﻐﯘﺭﻻﺭ ﺑﻮﻟﻐﺎﻥ ﺑﯘ ﺷﻪﻫﻪﺭﻧﯩﯔ ﻛﻮﭼﯩﻠﯩﺮﯨﺪﺍ ﺋﺎﭘﺘﻮﻣﺎﺕ ﺋﺎﺳﻘﺎﻥ ﺧﯩﺘﺎﻱ ﺋﻪﺳﻜﻪﺭﻟﯩﺮﻯ ﺋﯘﻳﻐﯘﺭﻻﺭﻧﻰ 'ﺋﯚﻳﺪﯨﻦ ﭼﯩﻘﻤﺎﻱ ﺋﻮﻟﺘﯘﺭ' ﺩﻩﭖ ﯞﺍﺭﻗﯩﺮﺍﭖ ﻗﻮﻏﻠﯩﻤﺎﻗﺘﺎ.
 
ﺑﯘ، ﺋﯚﺗﻜﻪﻥ ﻫﻪﭘﺘﯩﺪﻩ ﻗﻪﺷﻘﻪﺭﺩﻩ ﻳﯜﺯ ﺑﻪﺭﮔﻪﻥ ﻫﯘﺟﯘﻣﺪﺍ ﺧﯩﺘﺎﻱ ﺳﺎﻗﭽﯩﻠﯩﺮﯨﺪﯨﻦ 16ﺳﻰ ﺋﯚﻟﺘﯜﺭﯛﻟﯜﭖ 16 ﺳﻰ ﻳﺎﺭﯨﺪﺍﺭ ﻗﯩﻠﯩﻨﻐﺎﻧﺪﯨﻦ ﻛﯧﻴﯩﻦ ﻳﯜﺯ ﺑﻪﺭﮔﻪﻥ ﺋﯩﻜﻜﯩﻨﭽﻰ ﭼﻮﯓ ﯞﻩﻗﻪ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯗ. ﺷﯘﻧﯩﺴﻰ ﺋﯧﻨﯩﻘﻜﻰ، ﺑﯩﺮ ﻧﻪﭼﭽﻪ ﺋﻮﻥ ﻳﯩﻠﺪﯨﻦ ﺑﯘﻳﺎﻥ ﺑﯘ ﺋﯘﻳﻐﯘﺭ ﺭﺍﻳﻮﻧﯩﺪﺍ، ﺧﯩﺘﺎﻱ ﻫﯚﻛﯜﻣﯩﺘﻰ ﺧﯩﺘﺎﻱ ﻛﯚﭼﻤﻪﻧﻠﯩﺮﯨﻨﯩﯔ ﺳﺎﻧﯩﻨﻰ %90 ﻛﻪ ﻳﻪﺗﻜﯜﺯﯛﺷﻜﻪ ﺋﯘﺭﯗﻧﯘﯞﺍﺗﻘﺎﻧﻠﯩﻘﯩﻐﺎ ﻧﺎﺭﺍﺯﯨﻠﯩﻖ ﻣﻪﯞﺟﯘﺕ ﺋﯩﺪﻯ.

ﻛﯘﭼﺎﺩﯨﻜﻰ ﻣﯘﺳﯘﻟﻤﺎﻧﻼﺭ ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻜﯩﮕﻪ ﺑﻮﻟﻐﺎﻥ ﻗﺎﺭﺷﯩﻠﯩﻘﯩﻨﻰ ﻣﯘﺷﯘﻧﺪﺍﻕ ﺋﯩﭙﺎﺩﯨﻠﯩﺪﻯ

ﺋﻪﻧﮕﻠﯩﻴﯩﺪﻩ ﭼﯩﻘﯩﺪﯨﻐﺎﻥ 'ﺗﺎﻳﻤﺲ ﺋﯩﻨﺘﯧﺮﻧﯧﺖ ﮔﯧﺰﯨﺘﻰ' ﻧﯩﯔ ﻳﺎﺯﻏﯘﭼﯩﺴﻰ ﺭﯨﭽﺎﺭﺩ ﭘﯧﺮﺭﯨﻨﯩﯔ ﺑﯜﮔﯜﻥ ﻛﯘﭼﺎﺩﯨﻦ ﺑﺎﻳﺎﻥ ﻗﯩﻠﯩﺸﯩﭽﻪ، ﺗﯜﻧﯜﮔﯜﻥ ﺳﻪﻫﻪﺭﺩﻩ، ﻛﯘﭼﺎﺩﺍ ﺋﯚﺯﯨﻨﻰ ﺋﯚﻟﺘﯜﺭﯛﯞﯦﻠﯩﺶ ﺷﻪﻛﻠﻰ ﺑﯩﻠﻪﻥ ﻫﯘﺟﯘﻡ ﻗﯩﻠﻐﺎﻥ ﺑﯚﻟﯜﻧﻤﯩﭽﻰ ﻣﯘﺳﯘﻟﻤﺎﻧﻼﺭ، ﺋﯚﺯﻟﯩﺮﯨﻨﯩﯔ ﺧﯩﺘﺎﻳﺪﯨﻜﻰ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﮕﻪ ﺑﻮﻟﻐﺎﻥ ﻗﺎﺭﺷﯩﻠﯩﻖ ﻫﻪﺭﯨﻜﯩﺘﯩﻨﻰ ﺧﯩﺘﺎﻳﻨﯩﯔ ﻛﯘﭼﺎﺩﯨﻜﻰ ﺳﺎﻗﭽﻰ ﭘﻮﻧﻜﯩﺘﻰ، ﻫﯚﻛﯜﻣﻪﺕ ﺑﯩﻨﺎﺳﻰ ﯞﻩ ﺗﯩﺠﺎﺭﻩﺕ ﺋﻮﺭﯗﻧﻠﯩﺮﯨﺪﺍ 10 ﻧﻪﭼﭽﻪ ﺟﺎﻳﻨﻰ ﭘﺎﺭﺗﻠﯩﺘﯩﺶ ﺋﺎﺭﻗﯩﻠﯩﻖ ﺋﯩﭙﺎﺩﯨﻠﯩﺪﻯ.