ﺋﯘﻧﯩﯔ ﺑﯩﻠﺪﯛﺭﯛﺷﯩﭽﻪ، ﺧﯩﺘﺎﻳﻨﯩﯔ ﻏﻪﺭﺑﻨﻰ ﺋﯧﭽﯩﺶ ﺳﯩﻴﺎﺳﯩﺘﻰ ﭘﯩﭽﺎﻥ ﺩﯦﻬﻘﺎﻧﻠﯩﺮﯨﻨﻰ ﺑﯩﯟﺍﺳﺘﻪ ﯞﻩ ﺋﯧﻐﯩﺮ ﺯﯨﻴﺎﻧﻐﺎ ﺋﯘﭼﺮﺍﺗﻘﺎﻥ: ﺭﺍﻳﻮﻧﺪﺍ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﻧﯧﻔﯩﺖ ﺷﯩﺮﻛﻪﺗﻠﯩﺮﻯ ﻳﻪﺭﻟﯩﻚ ﺋﺎﻫﺎﻟﯩﻠﻪﺭﻧﯩﯔ ﺋﯜﻧﯜﻣﻠﯜﻙ ﻳﻪﺭﻟﯩﺮﯨﺪﯨﻦ ﺋﺎﻳﺮﯨﻠﯩﭗ ﻗﯧﻠﯩﺸﯩﻐﺎ ﺳﻪﯞﻩﺏ ﺑﻮﻟﻐﺎﻥ ﺑﻮﻟﺴﺎ، ﺧﯩﺘﺎﻱ ﻛﯚﭼﻤﻪﻧﻠﯩﺮﯨﻨﯩﯔ ﻳﻪﺭ ﺋﯩﮕﯩﻠﯩﯟﯦﻠﯩﺸﻰ، ﺋﯘﻳﻐﯘﺭ ﺩﯦﻬﻘﺎﻧﻠﯩﺮﯨﻨﯩﯔ ﺳﯘ ﻣﻪﻧﺒﻪﺳﯩﻨﯩﻤﯘ ﻛﯧﺴﯩﭗ ﺗﺎﺷﻠﯩﻐﺎﻥ.

ﻧﺎﻫﯩﻴﯩﻠﯩﻚ ﻫﯚﻛﯜﻣﻪﺕ ﺋﻪﻣﻪﻟﺪﺍﺭﻯ ﻳﻪﺭ ﻣﺎﺟﯩﺮﺍﻟﯩﺮﯨﻨﻰ ﺋﯧﺘﯩﺮﺍﭖ ﻗﯩﻠﺪﻯ

ﺑﯩﺰ ﺑﯘ ﺋﻪﻫﯟﺍﻟﻨﯩﯔ ﺗﻪﭘﺴﯩﻼﺗﯩﻨﻰ ﺋﯩﮕﯩﻠﻪﺵ ﺋﯜﭼﯜﻥ، ﺗﯘﺭﭘﺎﻥ ﯞﯨﻼﻳﻪﺗﻠﯩﻚ ﯞﻩ ﭘﯩﭽﺎﻥ ﻧﺎﻫﯩﻴﯩﻠﯩﻚ ﺋﺎﻻﻗﯩﺪﺍﺭ ﺋﻮﺭﯗﻧﻼﺭﻏﺎ ﺗﯧﻠﯧﻔﻮﻥ ﻗﯩﻠﺪﯗﻕ. ﺩﺍﺋﯩﺮﯨﻠﻪﺭ ﺑﯘ ﻣﻪﺳﯩﻠﻪ ﺋﯜﺳﺘﯩﺪﻩ ﺋﯧﻐﯩﺰ ﺋﯧﭽﯩﺸﺘﯩﻦ ﺋﯚﺯﯨﻨﻰ ﻗﺎﭼﯘﺭﺩﻯ. ﺑﻪﺯﯨﻠﯩﺮﻯ ﻣﻪﺳﯩﻠﯩﻨﻰ ﺋﯩﻨﻜﺎﺭ ﻗﯩﻠﺪﻯ. ﻣﺎﺟﯩﺮﺍﺩﺍ ﻗﻮﻟﻐﺎ ﺋﯧﻠﯩﻨﻐﺎﻥ ﺋﯩﻜﻜﻰ ﺩﯦﻬﻘﺎﻧﻨﯩﯔ ﺋﻪﻫﯟﺍﻟﯩﻨﻰ ﺋﯩﮕﯩﻠﻪﺵ ﺋﯜﭼﯜﻥ ﭘﯩﭽﺎﻥ ﻧﺎﻫﯩﻴﯩﻠﯩﻚ ﺳﺎﻗﭽﻰ ﺋﯩﺪﺍﺭﯨﺴﯩﻐﺎ ﺗﯧﻠﯧﻔﻮﻥ ﻗﯩﻠﻐﯩﻨﯩﻤﯩﺰﺩﺍ، ﺩﺍﺋﯩﺮﯨﻠﻪﺭ ﺩﯦﻠﻮﻧﯩﯔ ﺗﯧﺨﻰ ﺧﯘﻻﺳﯩﺴﻰ ﭼﯩﻘﻤﯩﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﭘﯩﭽﺎﻥ ﻧﺎﻫﯩﻴﯩﻠﯩﻚ ﻫﯚﻛﯜﻣﻪﺗﻨﯩﯔ ﺑﯩﺮ ﺋﻪﻣﻪﻟﺪﺍﺭﻯ، ﭘﯩﭽﺎﻧﺪﺍ ﻫﻪﻗﯩﻘﻪﺗﻪﻥ ﻳﻪﺭ ﻣﻪﺳﯩﻠﯩﺴﻰ ﻣﻪﯞﺟﯘﺕ ﺋﯩﻜﻪﻧﻠﯩﻜﯩﻨﻰ ﺋﯧﺘﯩﺮﺍﭖ ﻗﯩﻠﺪﻯ، ﺋﻪﻣﻤﺎ ﺋﯘ ﺑﯘ ﻣﻪﺳﯩﻠﯩﻨﻰ، ﺧﯩﺘﺎﻳﻨﯩﯔ ﺭﺍﻳﻮﻧﺪﯨﻜﻰ ﻧﯧﻔﯩﺖ ﻗﯧﺪﯨﺮﯨﺶ ﭘﺎﺋﺎﻟﯩﻴﻪﺗﻠﯩﺮﯨﮕﻪ ﺑﺎﻏﻼﭖ ﺋﻪﻣﻪﺱ، ﻧﻮﭘﯘﺳﻨﯩﯔ ﻛﯚﭘﯩﻴﯩﺸﯩﮕﻪ ﺑﺎﻏﻼﭖ ﭼﯜﺷﻪﻧﺪﯛﺭﺩﻯ. ﺋﯘﻧﯩﯔ ﺑﯩﻠﺪﯛﺭﯛﺷﯩﭽﻪ ، ﻧﯚﯞﻩﺗﺘﻪ ﭘﯩﭽﺎﻧﺪﺍ 24 ﻳﺎﺷﻘﯩﭽﻪ ﺑﻮﻟﻐﺎﻥ ﺋﯘﻳﻐﯘﺭ ﻳﺎﺷﻠﯩﺮﻯ ﻳﻪﺭﺳﯩﺰ. ﺩﯦﻤﻪﻙ ﺋﯘﻻﺭﻏﺎ ﻳﺎﻟﻠﯩﻨﯩﭗ ﺋﯩﺸﻠﻪﺷﺘﯩﻦ ﺑﺎﺷﻘﺎ ﻫﺎﻳﺎﺕ ﻳﻮﻟﻰ ﻳﻮﻕ.

" ﺗﯘﺭﭘﺎﻥ ﺑﯩﺮ ﺗﻪﺑﯩﺌﯩﻲ ﺋﺎﻟﺘﯘﻥ ﺗﺎﯞﺍﻕ "

ﻧﯧﻤﻪ ﺋﯜﭼﯜﻥ، ﭘﯩﭽﺎﻧﺪﺍ ﺑﯩﺮ ﺋﻪﯞﻻﺩ ﺋﯘﻳﻐﯘﺭ ﻳﻪﺭﺳﯩﺰ؟ ﻧﯩﻤﻪ ﺋﯜﭼﯜﻥ ﺋﯘﻻﺭ ﺋﯩﺸﺴﯩﺰ؟ ﺑﯘ ﺳﻮﺋﺎﻟﻼﺭﻏﺎ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﯨﺪﯨﻦ ﺟﺎﯞﺍﺏ ﺗﯧﭙﯩﻠﻤﯩﺪﻯ. ﺋﻪﻣﻤﺎ، ﺗﯘﺭﭘﺎﻥ ﯞﯨﻼﻳﻪﺗﻠﯩﻚ ﯞﺍﻟﻰ ﻣﻪﻫﻜﯩﻤﯩﺴﯩﻨﯩﯔ ﺧﻪﯞﻩﺭ ﺗﻮﺭﯨﻨﻰ ﻛﯚﺯﻩﺗﻜﯩﻨﯩﻤﯩﺰﺩﻩ ﻳﯘﻗﯩﺮﯨﻘﻰ ﺳﻮﺋﺎﻟﻼﺭﻏﺎ ﻗﯩﺴﻤﻪﻥ ﺟﺎﯞﺍﺏ ﺑﻮﻻﻟﯩﻐﯘﺩﻩﻙ ﻣﻪﻟﯘﻣﺎﺗﻼﺭﻏﺎ ﺋﯧﺮﯨﺸﺘﯘﻕ.

ﻣﻪﺯﻛﯘﺭ ﺗﻮﺭ ﺑﻪﺗﻨﯩﯔ ﺗﯘﺭﭘﺎﻧﻨﯩﯔ ﺋﻮﻣﯘﻣﻰ ﺋﻪﻫﯟﺍﻟﻰ ﻧﺎﻣﻠﯩﻖ ﺳﻪﻫﯩﭙﯩﺴﻰ ﻣﯘﻧﺪﺍﻕ ﺑﺎﺷﻼﻧﻐﺎﻥ: ﺗﯘﺭﭘﺎﻥ ﺗﻪﺑﯩﺌﯩﻲ ﺑﯩﺮ ﺋﺎﻟﺘﯘﻥ ﺗﺎﯞﺍﻕ. ﺗﯘﺭﭘﺎﻥ - ﻗﯘﻣﯘﻝ ﻧﯧﻔﯩﺘﻠﯩﻜﻰ، ﺩﯙﻟﯩﺘﯩﻤﯩﺰﻧﯩﯔ ﻧﯧﻔﯩﺖ - ﺧﯧﻤﯩﻴﻪ ﺳﺎﻧﺎﺋﯩﺘﯩﻨﯩﯔ ﺋﯜﻣﯩﺪ ﭼﯩﺮﯨﻐﻰ. ﺗﯘﺭﭘﺎﻥ - ﻗﯘﻣﯘﻝ ﻧﯧﻔﯩﺘﻠﯩﻜﯩﻨﯩﯔ ﺋﺎﺳﺎﺳﻰ ﻗﯩﺴﻤﻰ ﭘﯩﭽﺎﻧﺪﺍ؛ ﺋﯘﻧﯩﯔ ﻛﯚﻟﯩﻤﻰ 53 ﻣﯩﯔ ﻛﯟﺍﺩﺭﺍﺕ ﻛﯩﻠﻮﻣﯧﺘﯩﺮ. ﭘﯩﭽﺎﻥ ﻧﯧﻔﯩﺘﻠﯩﻜﯩﻨﯩﯔ ﻳﯩﻠﻠﯩﻖ ﻧﯧﻔﯩﺖ ﺋﯩﺸﻠﻪﭘﭽﯩﻘﯩﺮﯨﺶ ﻣﯩﻘﺪﺍﺭﻯ ﺑﯩﺮ ﻣﯩﻠﻴﻮﻥ ﺗﻮﻧﻨﺎ. ﭘﯩﭽﺎﻥ ﻧﯧﻔﯩﺘﻠﯩﻜﻰ ﺟﯘﯕﮕﯘ ﻧﯧﻔﯩﺖ ﺳﺎﻧﺎﺋﯩﺘﯩﻨﯩﯔ 90 ‏ - ﻳﯩﻠﻼﺭﺩﯨﻜﻰ ﺗﻪﺭﻩﻗﻘﯩﻴﺎﺗﯩﻨﯩﯔ ﺋﺎﺑﯩﺪﯨﺴﻰ.

ﻳﯘﻗﯩﺮﯨﻘﯩﻼﺭ، ﭘﯩﭽﺎﻧﻨﯩﯔ ﻳﻪﺭ ﺋﺎﺳﺘﻰ ﺑﺎﻳﻠﯩﻘﻠﯩﺮﻯ ﺗﻮﻧﯘﺷﺘﯘﺭﯗﻟﻐﺎﻥ ﻫﯚﻛﯜﻣﻪﺕ ﺗﻮﺭ ﺑﯧﺘﯩﺪﯨﻜﻰ 3 ﺑﻪﺗﻠﯩﻚ ﻣﻪﻟﯘﻣﺎﺗﺘﯩﻦ ﭘﻪﻗﻪﺕ ﺑﯩﺮ ﭘﺎﺭﭼﻪ. ﺑﯩﺰﮔﻪ ﻣﻪﻟﯘﻣﺎﺕ ﻳﻪﺗﻜﯜﺯﮔﻪﻥ ﺋﯘﻳﻐﯘﺭ ﺗﯩﺠﺎﺭﻩﺗﭽﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﭘﯩﭽﺎﻥ ﺩﯦﻬﻘﺎﻧﻠﯩﺮﯨﻨﯩﯔ ﺋﯩﺸﯩﻜﯩﻨﯩﯔ ﺋﺎﻟﺪﯨﺪﺍ ﻧﯧﻔﯩﺖ ﻗﯘﺩﯗﻗﻰ ﺑﺎﺭ ، ﺋﻪﻣﻤﺎ ﺋﯘﻻﺭﻧﯩﯔ ﻗﯩﺰﻟﯩﺮﻯ ﺧﯩﺘﺎﻳﻨﯩﯔ ﺟﯧﺠﻴﺎﯓ ﺋﯚﻟﻜﯩﺴﯩﺪﻩ ﻳﺎﻟﻼﻧﻤﺎ ﺋﯩﺸﭽﻰ. ﺑﯘ ﯞﻩﺯﯨﻴﻪﺗﻜﻪ ﻗﺎﺭﺷﯩﻠﯩﻖ ﻛﯚﺭﺳﻪﺗﻜﻪﻥ، ﻏﺎﻟﯩﭗ ﻫﻪﺑﯩﺒﯘﻟﻼ ﻗﺎﺗﺎﺭﻟﯩﻖ ﭘﯩﭽﺎﻥ ﻳﺎﺷﻠﯩﺮﻯ ﻫﺎﺯﯨﺮ ﺗﯜﺭﻣﯩﺪﻩ، ﺋﯘﻻﺭﻏﺎ ﺑﯧﺮﯨﻠﮕﻪﻥ ﺋﻪﻳﯩﺒﻨﺎﻣﻪ "ﺑﯚﻟﮕﯜﻧﭽﻰ". ﺑﯩﺰ ﺑﯘ ﻫﻪﻗﺘﻪ ﻛﯧﻠﻪﺭ ﻗﯧﺘﯩﻤﻠﯩﻖ ﭘﺮﻭﮔﺮﺍﻣﯩﻤﯩﺰﺩﺍ ﻣﻪﻟﯘﻣﺎﺕ ﺑﯧﺮﯨﻤﯩﺰ.