ﺑﯘﻻﺭﺩﯨﻦ ﺑﯩﺮﻯ ﺗﯜﺭﻛﯩﻴﯩﻨﯩﯔ ﺋﻮﺗﺘﯘﺭﺍ ﺭﺍﻳﻮﻧﯩﻐﺎ ﺟﺎﻳﻼﺷﻘﺎﻥ ﭼﻮﺭﯗﻡ ﯞﯨﻼﻳﯩﺘﯩﺪﯨﻜﻰ ﻫﯩﺘﯩﺖ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺋﯚﺗﻜﯜﺯﯛﻟﺪﻯ. ﺗﯘﻏﯘﻟﻐﺎﻧﻠﯩﻘﯩﻨﯩﯔ 1000 ﻳﯩﻠﻠﯩﻘﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﻣﻪﻫﻤﯘﺕ ﻗﻪﺷﻘﯩﺮﻯ ﻣﺎﯞﺯﯗﻟﯘﻕ ﺑﯘ ﺋﯩﻠﻤﯩﻲ ﻣﯘﻫﺎﻛﯩﻤﻪ ﻳﯩﻐﯩﻨﯩﻨﻰ ﻫﯩﺘﯩﺖ ﺋﯘﻧﯩﯟﯦﺮﺳﯩﺘﯧﺘﻰ ، ﭼﻮﺭﯗﻡ ﺷﻪﻫﻪﺭﻟﯩﻚ ﻫﯚﻛﯜﻣﯩﺘﻰ ﯞﻩ ﺑﺎﻳﻘﺎﺭﺍ ﮊﯗﺭﻧﯩﻠﻰ ﺋﻮﺭﺗﺎﻗﻠﯩﺸﯩﭗ ﺋﻮﻳﯘﺷﺘﯘﺭﻏﺎﻥ. 2008 - ﻳﯩﻠﻰ 28 - ﺋﺎﭘﺮﯨﻞ ﻛﯜﻧﻰ ﺋﯚﺗﻜﯜﺯﯛﻟﮕﻪﻥ ﺑﯘ ﻳﯩﻐﯩﻨﺪﺍ ﺗﯜﺭﻛﯩﻴﯩﻨﯩﯔ ﻫﻪﺭ ﻗﺎﻳﺴﻰ ﺋﯘﻧﯩﯟﯦﺮﺳﯩﺘﯧﺘﻠﯩﺮﯨﺪﯨﻦ ﻛﻪﻟﮕﻪﻥ ﺗﯜﺭﻛﻮﻟﻮﮔﻼﺭ ﻣﻪﻫﻤﯘﺕ ﻗﻪﺷﻘﯩﺮﯨﻨﯩﯔ ﻫﺎﻳﺎﺗﻰ، ﺋﻪﺳﯩﺮﯨﻨﯩﯔ ﺋﻪﻫﻤﯩﻴﯩﺘﻰ ﯞﻩ ﻣﻪﻫﻤﯘﺕ ﻗﻪﺷﻘﯩﺮﯨﻨﯩﯔ ﺗﯘﺭﻛﻮﻟﻮﮔﯩﻴﯩﺪﯨﻜﻰ ﻳﯧﺮﻯ ﺩﯦﮕﻪﻧﮕﻪ ﺋﻮﺧﺸﺎﺵ ﺋﯩﻠﻤﯩﻲ ﻣﺎﻗﺎﻟﯩﻠﯩﺮﯨﻨﻰ ﺋﻮﻗﯘﭖ ﺋﯚﺗﻜﻪﻥ.

ﺑﯘ ﺋﯩﻠﻤﯩﻲ ﻣﯘﻫﺎﻛﯩﻤﻪ ﻳﯩﻐﯩﻨﯩﺪﺍ ﺋﯘﻳﻐﯘﺭ ﭘﺮﻭﻓﯧﺴﺴﻮﺭ ﺩﻭﻛﺘﻮﺭ ﺋﺎﻟﯩﻤﺠﺎﻥ ﺋﯩﻨﺎﻳﻪﺗﻨﯩﯔ ﻣﻪﻫﻤﯘﺕ ﻗﻪﺷﻘﯩﺮﻯ ﯞﻩ ﺑﯜﮔﯜﻧﻜﻰ ﺋﯘﻳﻐﯘﺭﻻﺭﻧﯩﯔ ﯞﻩﺯﯨﻴﯩﺘﻰ ﻫﻪﻗﻘﯩﺪﻩ ﻗﯩﻠﻐﺎﻥ ﺳﯚﺯﻯ ﻳﯩﻐﯩﻦ ﺋﻪﻫﻠﯩﻨﯩﯔ ﯞﻩ ﮊﻭﺭﻧﺎﻟﯩﺴﺘﻼﺭﻧﯩﯔ ﻗﺎﺗﺘﯩﻖ ﺩﯨﻘﻘﻪﺕ ‏ - ﺋﯧﺘﯩﺒﺎﺭﯨﻨﻰ ﻗﻮﺯﻏﯩﻐﺎﻥ. ﺑﯘ ﻫﻪﻗﺘﯩﻜﻰ ﺧﻪﯞﻩﺭ ﭼﻮﺭﯗﻣﺪﯨﻜﻰ 10ﺩﯨﻦ ﺋﺎﺭﺗﯘﻕ ﮔﯧﺰﯨﺘﺘﻪ ﺋﺎﻟﯩﻤﺠﺎﻥ ﺋﯩﻨﺎﻳﻪﺗﻨﯩﯔ ﺭﻩﺳﯩﻤﻰ ﺑﯩﻠﻪﻥ ﺑﯩﺮﯨﻨﭽﻰ ﺑﻪﺗﺘﻪ ﺑﯧﺮﯨﻠﮕﻪﻥ.

ﺑﯘ ﺧﻪﯞﻩﺭﮔﻪ ﻳﯩﻠﺪﯨﺰ ﮔﯧﺰﯨﺘﻰ `ﻗﻪﺷﻘﻪﺭﻟﯩﻖ ﭘﺮﻭﻓﯧﺴﺴﻮﺭ ﺩﻭﻛﺘﻮﺭ ﺋﯩﻨﺎﻳﻪﺗﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﭘﻪﺭﻳﺎﺩﻯ` ﺗﯧﻤﯩﺴﯩﺪﺍ، ﻣﻪﺭﻫﺎﺑﺎ ﮔﯧﺰﯨﺘﯩﺪﻩ ﺑﻮﻟﺴﺎ `ﻣﻪﻫﻤﯘﺕ ﻗﻪﺷﻘﯩﺮﻯ ﺗﯘﻏﯘﻟﻐﺎﻧﻠﯩﻘﯩﻨﯩﯔ 1000 ﻳﯩﻠﻠﯩﻘﻰ ﺧﺎﺗﯩﺮﯨﻠﻪﻧﺪﻯ` ﺗﯧﻤﯩﺴﯩﺪﺍ، ﺩﻭﺳﺖ ﺧﻪﯞﻩﺭ ﮔﯧﺰﯨﺘﯩﺪﻩ `ﺗﯘﻏﯘﻟﻐﺎﻧﻠﯩﻘﯩﻨﯩﯔ 1000 - ﻳﯩﻠﻠﯩﻘﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﻣﻪﻫﻤﯘﺕ ﻗﻪﺷﻘﯩﺮﻯ ﺋﻪﺳﻠﻪﭖ ﺋﯚﺗﯜﻟﺪﻯ` ﺗﯧﻤﯩﺴﯩﺪﺍ، ﭼﻮﺭﯗﻡ ﺧﻪﯞﻩﺭ ﮔﯧﺰﯨﺘﯩﺪﻩ ﺑﻮﻟﺴﺎ `ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﺋﯩﮕﻪ ﭼﯩﻘﺎﻳﻠﻰ` ﺗﯧﻤﯩﺴﯩﺪﺍ ﻳﻪﺭ ﺑﯧﺮﯨﻠﮕﻪﻥ.

ﮔﯧﺰﯨﺘﻠﯩﺮﯨﻨﯩﯔ ﻫﻪﻣﻤﯩﺴﯩﺪﻩ ﺩﯦﮕﯜﺩﻩﻙ، ﺋﯩﺰﻣﯩﺮ ﺋﻪﮔﻪ ﺋﯘﻧﯩﯟﯦﺮﺳﯩﺘﯧﺘﻰ ﺋﻮﻗﯘﺗﻘﯘﭼﯩﺴﻰ ﭘﺮﻭﻓﯧﺴﺴﻮﺭ ﺩﻭﻛﺘﻮﺭ ﺋﺎﻟﯩﻤﺠﺎﻥ ﺋﯩﻨﺎﻳﻪﺗﻨﯩﯔ ﺑﯘ ﻳﯩﻐﯩﻨﺪﺍ ﻗﯩﻠﻐﺎﻥ ﺳﯚﺯﻟﯩﺮﯨﮕﻪ ﻳﻪﺭ ﺑﯧﺮﯨﻠﮕﻪﻥ. ﺋﺎﻟﯩﻤﺠﺎﻥ ﺋﯩﻨﺎﻳﻪﺕ ﺳﯚﺯﯨﺪﻩ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﺗﯜﺭﻙ ﺩﯗﻧﻴﺎﺳﯩﻨﯩﯔ ﺋﺎﻳﺮﯨﻠﻤﺎﺱ ﺑﯩﺮ ﭘﺎﺭﭼﯩﺴﻰ ﺋﯩﻜﻪﻧﻠﯩﻜﯩﻨﻰ، ﺗﯜﺭﻙ ﺩﯗﻧﻴﺎﺳﻰ ﺋﯜﭼﯜﻥ ﺑﯘﺑﯘﻙ ﺋﺎﻟﯩﻤﻼﺭﻧﻰ ﺗﻪﺭﺑﯩﻴﯩﻠﻪﭖ ﻳﯧﺘﯩﺸﺘﯜﺭﮔﻪﻥ ﺑﯘ ﺯﯦﻤﯩﻦ 1949 - ﻳﯩﻠﻰ ﺧﯩﺘﺎﻳﻼﺭ ﺗﻪﺭﯨﭙﯩﺪﯨﻦ ﺑﯧﺴﯩﯟﯦﻠﯩﻨﻐﺎﻧﺪﯨﻦ ﺑﯧﺮﻯ ، ﺧﯩﺘﺎﻳﻼﺭﻧﯩﯔ ﺋﯘﻳﻐﯘﺭ ﻣﻪﺩﻩﻧﯩﻴﯩﺘﯩﻨﻰ ﻳﻮﻕ ﻗﯩﻠﯩﯟﯦﺘﯩﺶ ﺳﯩﻴﺎﺳﯩﺘﻰ ﺋﯧﻠﯩﭗ ﺑﯧﺮﯨﯟﺍﺗﻘﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ.

ﺑﯩﺰ ﺋﯩﻠﻤﯩﻲ ﻣﯘﻫﺎﻛﯩﻤﻪ ﻳﯩﻐﯩﻨﻰ ﻫﻪﻗﻘﯩﺪﻩ ﺗﻪﭘﺴﯩﻠﯩﻲ ﻣﻪﻟﯘﻣﺎﺕ ﺋﯧﻠﯩﺶ ﺋﯜﭼﯜﻥ ﭘﺮﻭﻓﯧﺴﺴﻮﺭ ﺩﻭﻛﺘﻮﺭ ﺋﺎﻟﯩﻤﺠﺎﻥ ﺋﯩﻨﺎﻳﻪﺕ ﺋﻪﭘﻪﻧﺪﻯ ﺑﯩﻠﻪﻥ ﺗﯧﻠﯧﻔﻮﻥ ﺯﯨﻴﺎﺭﯨﺘﻰ ﺋﯧﻠﯩﭗ ﺑﺎﺭﺩﯗﻕ.