ﺗﺎﺯﯨﻠﯩﻘﻘﺎ ﺭﯨﺌﺎﻳﻪ ﻗﯩﻠﯩﺸﻨﻰ ﺋﺎﺩﻩﺕ ﻗﯩﻠﻐﺎﻧﺪﯨﻼ ﺳﺎﻏﻼﻡ، ﺯﯦﺮﻩﻙ، ﭼﯧﭽﻪﻥ ﯞﻩ ﻗﺎﯞﯗﻝ ﺑﻮﻟﻐﯩﻠﻰ ﺑﻮﻟﯩﺪﯗ.

ﭘﺎﻛﯩﺴﺘﺎﻥ ﺋﯩﺴﻼﻡ ﺋﺎﺑﺎﺩ ﺋﺎﻟﯩﻲ ﺑﯩﻠﯩﻤﮕﺎﻫﯩﻨﻰ ﭘﯜﺗﺘﯜﺭﮔﻪﻧﺪﯨﻦ ﻛﯧﻴﯩﻦ، ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻨﯩﯔ ﻣﻪﻛﻜﻪ ﻣﯘﻛﻪﺭﺭﻩﻣﻪ ﺷﻪﻫﯩﺮﯨﺪﯨﻜﻰ "ﺋﯩﺴﻼﻡ ﺩﯗﻧﻴﺎ ﺋﯩﺘﺘﯩﭙﺎﻗﻰ"ﺩﺍ ﺧﯩﺰﻣﻪﺕ ﻗﯩﻠﯩﯟﺍﺗﻘﺎﻥ ﺋﺎﺑﺪﯗﺭﺍﻫﻤﺎﻥ ﻫﺎﺟﯩﻤﻐﺎ ﺑﯩﺮ ﻗﺎﻧﭽﻪ ﺳﻮﺋﺎﻝ ﺑﯩﻠﻪﻥ ﻣﯘﺭﺍﺟﯩﺌﻪﺕ ﻗﯩﻠﻐﺎﻥ ﺋﯩﺪﯗﻕ.

ﺋﺎﺑﺪﯗﺭﺍﻫﻤﺎﻥ ﻫﺎﺟﯩﻢ ﺑﯩﻠﻪﻥ ﺳﯚﻫﺒﻪﺕ

ﺋﺎﺑﺪﯗﺭﺍﻫﻤﺎﻥ ﻫﺎﺟﯩﻢ ﺗﺎﺯﯨﻠﯩﻖ ﯞﻩ ﺋﯘﻧﯩﯔ ﺋﻪﻫﻤﯩﻴﯩﺘﻰ ﺗﻮﻏﺮﯨﻠﯩﻖ ﺳﻮﺭﯨﻐﺎﻥ ﺳﻮﺋﺎﻟﯩﻤﯩﺰﻏﺎ ﺟﺎﯞﺍﺏ ﺑﯧﺮﯨﭗ ﻣﯘﻧﺪﺍﻕ ﺩﯦﺪﻯ:" ﺗﺎﺯﯨﻠﯩﻘﻘﺎ ﺋﻪﻫﻤﯩﻴﻪﺕ ﺑﯧﺮﯨﺶ، ﻳﺎﺧﺸﻰ ﺗﺎﺯﯨﻠﯩﻖ ﺋﺎﺩﯨﺘﯩﻨﻰ ﻳﯧﺘﯩﻠﺪﯛﺭﯛﺵ - ﺑﯩﺮ ﻣﯩﻠﻠﻪﺗﻨﯩﯔ ﺳﺎﭘﺎﺳﻰ، ﻣﻪﺩﻩﻧﯩﻴﻪﺕ ﺳﻪﯞﯨﻴﯩﺴﻰ، ﺋﯧﺴﯩﻞ ﭘﻪﺯﯨﻠﯩﺘﯩﻨﯩﯔ ﻣﯘﻫﯩﻢ ﺑﯩﺮ ﺑﻪﻟﮕﯩﺴﯩﺪﯗﺭ. ﻣﯘﺳﯘﻟﻤﺎﻧﻼﺭ ﺗﺎﺯﯨﻠﯩﻖ ﺋﺎﺩﯨﺘﯩﻨﻰ ﺋﻪﯓ ﺋﺎﯞﯞﺍﻝ ﻳﯧﺘﯩﻠﺪﯛﺭﮔﻪﻥ ﺧﻪﻟﻘﺘﯘﺭ. ﭼﯜﻧﻜﻰ ﺋﯘﻻﺭﻧﯩﯔ ﺩﻩﺳﺘﯘﺭﻯ: ﺋﺎﻟﻼﻫ ﻫﻪﻗﯩﻘﻪﺗﻪﻥ ﺗﻪﯞﺑﻪ ﻗﯩﻠﻐﯘﭼﯩﻼﺭﻧﻰ، ﭘﺎﻙ ﺑﻮﻟﻐﯘﭼﯩﻼﺭﻧﻰ ﺩﻭﺳﺖ ﺗﯘﺗﯩﺪﯗ ﺩﻩﻳﺪﯗ. ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﭘﺎﻛﻠﯩﻘﻘﺎ ﺗﻪﺷﻪﺑﺒﯘﺱ ﻗﯩﻠﯩﭗ: ﺋﺎﻟﻼﻫ ﭘﺎﻛﺘﯘﺭ، ﺋﯘ ﭘﺎﻛﻠﯩﻘﻨﻰ ﻳﺎﻗﺘﯘﺭﯨﺪﯗ ﺩﯦﮕﻪﻥ. ﭘﺎﻙ ﯞﻩ ﭘﺎﻛﯩﺰ ﺑﻮﻟﯘﺵ ﻣﯘﺳﯘﻟﻤﺎﻧﻼﺭﻧﯩﯔ ﺋﻪﯓ ﺋﺎﻟﺪﯨﻨﻘﻰ ﯞﻩﺯﯨﭙﯩﺴﯩﺪﯗﺭ. ﺷﯘﯕﺎ ﻣﯘﺳﯘﻟﻤﺎﻧﻼﺭﻧﯩﯔ ﻧﯘﺭﻏﯘﻧﻠﯩﻐﺎﻥ ﻳﺎﺧﺸﻰ ﺗﺎﺯﯨﻠﯩﻖ ﺋﺎﺩﻩﺗﻠﯩﺮﻯ ﺑﺎﺭ."

ﻣﯘﺳﯘﻟﻤﺎﻧﻼﺭﻧﯩﯔ ﺗﺎﺯﯨﻠﯩﻖ ﺋﺎﺩﻩﺗﻠﯩﺮﯨﺪﯨﻦ ﺋﯚﺭﻧﻪﻛﻠﻪﺭ

ﺋﺎﺑﺪﯗﺭﺍﻫﻤﺎﻥ ﻫﺎﺟﯩﻢ ﻣﯘﺳﯘﻟﻤﺎﻧﻼﺭﻧﯩﯔ ﺗﺎﺯﯨﻠﯩﻖ ﯞﻩ ﭘﺎﻛﯩﺰﻟﯩﻖ ﺋﺎﺩﻩﺗﻠﯩﺮﻯ ﻫﻪﻗﻘﯩﺪﻩ ﻣﯘﻧﺪﺍﻕ ﺩﯦﺪﻯ: ﻣﯘﺳﯘﻟﻤﺎﻧﻼﺭ ﺑﯩﺮﯨﻨﭽﯩﺪﯨﻦ، ﻣﯘﻫﯩﺖ ﺗﺎﺯﯨﻠﯩﻘﯩﻐﺎ، ﺟﯜﻣﻠﯩﺪﯨﻦ ﻫﻮﻳﻼ-ﺋﺎﺭﺍﻡ، ﻣﻪﺳﭽﯩﺖ، ﺳﺎﺭﺍﻱ، ﺋﯚﻱ-ﻣﺎﻛﺎﻧﻼﺭﻧﯩﯔ ﺗﺎﺯﯨﻠﯩﻘﯩﻐﺎ ﺯﻭﺭ ﺋﻪﻫﻤﯩﻴﻪﺕ ﺑﯧﺮﯨﺪﯗ. ﺋﺎﻧﺎ ﯞﻩﺗﻪﻧﺪﯨﻜﻰ ﺳﺎﭖ ﻣﯘﺳﯘﻟﻤﺎﻧﻼﺭ ﻳﺎﺷﺎﻳﺪﯨﻐﺎﻥ ﺭﺍﻳﻮﻧﻼﺭﺩﺍ ﺑﯘ ﺋﺎﺩﻩﺗﻨﯩﯔ ﻧﻪﻗﻪﺩﻩﺭ ﮔﯜﻟﻠﻪﻧﮕﻪﻧﻠﯩﻜﯩﻨﻰ ﻛﯚﺭﮔﯩﻠﻰ ﺑﻮﻟﯩﺪﯗ. ﻣﯘﺳﯘﻟﻤﺎﻧﻼﺭ ﻣﯘﻫﯩﺖ ﺗﺎﺯﯨﻠﯩﻘﯩﻨﻰ ﺩﯨﻨﯩﻲ ﯞﻩ ﻣﯩﻠﻠﯩﻲ ﺋﻪﻧﺌﻪﻧﻪ ﻫﻪﻡ ﻣﻪﺟﺒﯘﺭﯨﻴﻪﺕ ﺩﻩﭖ ﺑﯩﻠﯩﺪﯗ. ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﻣﯘﺳﯘﻟﻤﺎﻧﻼﺭﻏﺎ ﻛﯩﺸﯩﻠﻪﺭﻧﯩﯔ ﻟﻪﻧﯩﺘﯩﮕﻪ ﺋﯘﭼﺮﺍﻳﺪﯨﻐﺎﻥ ﺋﯩﻜﻜﻰ ﻗﯩﻠﯩﻘﺘﯩﻦ ﺳﺎﻗﻠﯩﻨﯩﯖﻼﺭ: ﻛﯩﺸﯩﻠﻪﺭﻧﯩﯔ ﻣﺎﯕﯩﺪﯨﻐﺎﻥ ﻳﻮﻟﻰ ﯞﻩ ﺳﺎﻳﯩﺪﺍﻳﺪﯨﻐﺎﻥ ﺋﻮﺭﯗﻧﻠﯩﺮﯨﻨﻰ ﭘﺎﺳﻜﯩﻨﺎ ﻗﯩﻠﯩﭗ ﻗﻮﻳﻤﺎﯕﻼﺭ ﺩﻩﭖ ﺗﻪﻟﯩﻢ ﺑﻪﺭﮔﻪﻥ.

ﺋﯘﻻﺭ ﺋﯩﻜﻜﯩﻨﭽﯩﺪﯨﻦ، ﺋﻮﺭﻣﺎﻥ ﺋﯚﺳﺘﯜﺭﯛﭖ، ﺑﺎﻏﯟﺍﺭﺍﻥ ﺑﯩﻨﺎ ﻗﯩﻠﯩﭗ، ﮔﯜﻝ-ﮔﯩﻴﺎﻫ ﺗﯧﺮﯨﭗ ﻣﯘﻫﯩﺘﻨﻰ ﮔﯜﻟﻠﻪﻧﺪﯛﺭﯛﺷﻜﻪ ﺋﻪﻫﻤﯩﻴﻪﺕ ﺑﯧﺮﯨﺪﯗ. ﺧﻪﻟﻘﯩﻤﯩﺰﺩﯨﻤﯘ "ﺑﯧﻐﻰ ﻳﻮﻗﻨﯩﯔ ﻧﯧﻨﻰ ﻳﻮﻕ" ﺩﻩﻳﺪﯨﻐﺎﻥ ﻣﺎﻗﺎﻝ ﺑﺎﺭ. ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ : ﻗﺎﻧﺪﺍﻗﻼ ﺑﯩﺮ ﻣﯘﺳﯘﻟﻤﺎﻥ ﺩﻩﺭﻩﺥ ﺗﯩﻜﺴﻪ ﻳﺎﻛﻰ ﺯﯨﺮﺍﺋﻪﺕ ﺗﯧﺮﯨﺴﺎ، ﺋﯘﻧﯩﯖﺪﯨﻦ ﺋﯘﭼﺎﺭ ﻗﯘﺷﻼﺭ ﻳﺎﻛﻰ ﺋﯩﻨﺴﺎﻧﻼﺭ ﻳﺎﻛﻰ ﻫﺎﻳﯟﺍﻧﻼﺭ ﻳﯧﺴﻪ ﺋﯘ ﻛﯩﺸﻰ ﺋﯜﭼﯜﻥ ﺳﻪﺩﯨﻘﯩﻨﯩﯔ ﺳﺎﯞﺍﺑﻰ ﺑﻮﻟﯩﺪﯗ ﺩﯦﮕﻪﻥ.

ﺋﯜﭼﯩﻨﭽﯩﺪﯨﻦ، ﻫﻮﻳﻼ، ﻳﻮﻟﻼﺭﻏﺎ ﺳﯘ ﺳﯧﭙﯩﭗ ﭘﺎﻛﯩﺰ ﺳﯜﭘﯜﺭﯛﺵ ﻣﯘﺳﯘﻟﻤﺎﻥ ﺋﺎﻳﺎﻟﻠﯩﺮﯨﻨﯩﯔ ﻫﻪﺭ ﻛﯜﻧﻠﯜﻙ ﺳﻪﻫﻪﺭ ﺗﯘﺭﯗﭖ ﭘﯜﺗﺘﯜﺭﯨﺪﯨﻐﺎﻥ ﺑﯩﺮﯨﻨﭽﻰ ﺋﯩﺸﻰ. ﻣﯘﺳﯘﻟﻤﺎﻧﻼﺭ ﺋﻪﺗﯩﮕﻪﻧﻠﯩﻚ ﻧﺎﻣﺎﺯﺩﯨﻦ ﭘﺎﺭﯨﻎ ﺑﻮﻟﻐﺎﻧﺪﺍ، ﺑﺎﻟﯩﻼﺭﻧﻰ ﺗﯘﺭﻏﯘﺯﯗﭖ، ﻛﯩﻴﯩﻨﺪﯛﺭﯛﭖ، ﺋﯚﻱ ﺋﯩﭽﯩﻨﻰ ﭘﺎﻙ ﭘﺎﻛﯩﺰ ﺗﺎﺯﯨﻼﭖ ﺑﻮﻟﯘﭖ، ﺋﺎﻧﺪﯨﻦ ﻧﺎﺷﺘﺎ ﻗﯩﻠﯩﺪﯗ. ﺋﻪﺧﻠﻪﺗﻨﻰ، ﻳﯘﻧﺪﯨﻨﻰ ﻫﻪﺭﮔﯩﺰ ﻳﻮﻝ ﺑﻮﻳﻠﯩﺮﯨﻐﺎ، ﺳﯘ ﻗﺎﻧﺎﻟﻠﯩﺮﯨﻐﺎ ﺗﯚﻛﻤﻪﻳﺪﯗ. ﺷﯘﻧﺪﺍﻗﻼ ﻳﻮﻟﺪﯨﻜﻰ ﺗﻮﺳﻘﯘﻧﻼﺭﻧﻰ ﺋﯧﻠﯩﯟﯦﺘﯩﺶ، ﻳﻮﻝ ﻳﺎﺳﺎﺵ، ﻛﯚﯞﺭﯛﻙ ﺳﯧﻠﯩﺶ، ﻗﯘﺩﯗﻕ ﻗﯧﺰﯨﺶ ﻗﺎﺗﺎﺭﻟﯩﻘﻼﺭﻧﻰ ﭼﻮﯓ ﺳﺎﯞﺍﺑﻠﯩﻖ ﺋﯩﺶ ﺩﻩﭖ ﺑﯩﻠﯩﺪﯗ. ﺯﯨﺮﺍﺋﻪﺗﻠﻪﺭﻧﻰ، ﮔﯜﻝ-ﮔﯩﻴﺎﻫﻼﺭﻧﻰ ﻧﺎﺑﯘﺕ ﻗﯩﻠﻤﺎﻳﺪﯗ.

ﺗﯚﺗﯩﻨﭽﯩﺪﯨﻦ، ﺷﻪﺧﺲ ﺗﺎﺯﯨﻠﯩﻘﯩﻐﺎ ﺋﺎﻻﻫﯩﺪﻩ ﺋﻪﻫﻤﯩﻴﻪﺕ ﺑﯧﺮﯨﺪﯗ. ﻧﺎﻣﺎﺯ ﻣﯘﺳﯘﻟﻤﺎﻧﻼﺭﻧﯩﯔ ﺋﻪﯓ ﺋﺎﻟﺪﯨﻨﻘﻰ ﯞﻩﺯﯨﭙﯩﺴﻰ ﺑﻮﻟﯘﭖ، ﭘﺎﻛﻠﯩﻖ، ﭘﺎﻛﯩﺰﻟﯩﻖ ﯞﻩ ﺗﺎﻫﺎﺭﻩﺕ ﺑﻮﻟﻤﯩﺴﺎ ﻧﺎﻣﺎﺯ ﻗﻮﺑﯘﻝ ﺑﻮﻟﻤﺎﻳﺪﯗ. ﺷﯘﯕﺎ ﻣﯘﺳﯘﻟﻤﺎﻧﻼﺭ ﺷﻪﺧﺴﯩﻲ ﺗﺎﺯﯨﻠﯩﻘﻨﻰ ﻗﺎﻧﺪﺍﻕ ﺷﺎﺭﺍﺋﯩﺘﺘﺎ ﺑﻮﻟﻤﯩﺴﯘﻥ، ﻫﻪﺭ ﺩﺍﺋﯩﻢ ﺋﯚﺯ ﯞﺍﻗﺘﻰ ‏- ﺳﺎﺋﯩﺘﯩﺪﻩ ﻣﯘﻧﺘﯩﺰﯨﻢ ﺋﻮﺭﯗﻧﺪﺍﻳﺪﯗ. ﻣﯘﺳﯘﻟﻤﺎﻧﻼﺭﺩﯨﻜﻰ ﺑﯘﺧﯩﻞ ﻣﯘﻧﺘﯩﺰﯨﻢ ﺷﻪﺧﺴﯩﻲ ﺗﺎﺯﯨﻠﯩﻘﻨﻰ ﺑﺎﺷﻘﺎ ﻫﯧﭽﻘﺎﻧﺪﺍﻕ ﺑﯩﺮ ﻣﯩﻠﻠﻪﺗﺘﻪ ﻛﯚﺭﮔﯩﻠﻰ ﺑﻮﻟﻤﺎﻳﺪﯗ. ﻣﯘﺳﯘﻟﻤﺎﻧﻼﺭﺩﯨﻜﻰ ﺗﺎﻫﺎﺭﻩﺕ ﺑﯩﻠﻪﻥ ﻏﯘﺳﻠﻰ ﺑﯘﻧﯩﯔ ﻣﯩﺴﺎﻟﯩﺪﯗﺭ.

ﺋﯘﻻﺭ ﺑﻪﺷﯩﻨﭽﯩﺪﯨﻦ، ﺋﻮﺯﯗﻗﻠﯘﻗﻨﯩﯔ ﺗﺎﺯﯨﻠﯩﻘﯩﻐﺎ ﺋﺎﻻﻫﯩﺪﻩ ﺋﻪﻫﻤﯩﻴﻪ ﺑﯧﺮﯨﺪﯗ. ﺷﯘﯕﺎ ﺋﯘﻻﺭﺩﺍ ﺋﻮﺯﯗﻗﻠﯘﻕ ﻫﺎﻻﻝ-ﻫﺎﺭﺍﻡ ﺩﻩﭖ ﺋﯧﻨﯩﻖ ﭼﻪﻙ ﻗﻮﻳﯘﭖ ﺋﺎﺟﺮﯨﺘﯩﻠﯩﺪﯗ. ﻣﯘﺳﯘﻟﻤﺎﻧﻼﺭ ﻫﺎﻻﻝ ﺋﻮﺯﯗﻗﻠﯘﻗﻼﺭﻧﻰ ﻳﯧﻴﯩﺸﻜﻪ ﯞﻩ ﻫﺎﺭﺍﻣﻨﻰ ﻳﯧﻤﻪﺳﻠﯩﻜﻜﻪ ﺑﯘﻳﺮﯗﻟﻐﺎﻥ. ﻗﯘﺭﺋﺎﻥ ﻛﻪﺭﯨﻤﺪﻩ:" ﻫﺎﻳﯟﺍﻧﻼﺭ(ﻳﻪﻧﻰ ﺗﯚﮔﻪ، ﻛﺎﻻ، ﻗﻮﻳﻼﺭ)ﻧﯩﯔ ﻫﻪﻣﻤﯩﺴﯩﻨﻰ (ﻗﺎﻥ ﺋﯧﻘﯩﺘﯩﭗ ﺑﯘﻏﯘﺯﻟﯩﻐﺎﻧﺪﯨﻦ ﻛﯧﻴﯩﻦ ﻳﯧﻴﯩﺶ)ﻫﺎﻻﻝ ﻗﯩﻠﯩﻨﺪﻯ... ﺳﯩﻠﻪﺭﮔﻪ ﺋﯚﺯﻯ ﺋﯚﻟﯜﭖ ﻗﺎﻟﻐﺎﻥ ﻫﺎﻳﯟﺍﻥ، ﻗﺎﻥ، ﭼﻮﺷﻘﺎ ﮔﯚﺷﻰ، ﺋﺎﻟﻼﻫﺘﯩﻦ ﺑﺎﺷﻘﯩﺴﯩﻨﯩﯔ ﻧﺎﻣﯩﻨﻰ ﺋﯧﻴﺘﯩﭗ ﺑﯘﻏﯘﺯﻟﯩﻐﺎﻥ ﻫﺎﻳﯟﺍﻥ، ﺑﯘﻏﯘﭖ ﺋﯚﻟﺘﯜﺭﯛﻟﮕﻪﻥ ﻫﺎﻳﯟﺍﻥ، ﺋﯘﺭﯗﭖ ﺋﯚﻟﺘﯜﺭﯛﻟﮕﻪﻥ ﻫﺎﻳﯟﺍﻥ، ﺋﯩﮕﯩﺰﺩﯨﻦ ﻳﯧﻘﯩﻠﯩﭗ ﺋﯚﻟﮕﻪﻥ ﻫﺎﻳﯟﺍﻥ، ﻫﺎﻳﯟﺍﻧﻼﺭ(ﺗﻪﺭﯨﭙﯩﺪﯨﻦ ﺋﯜﺳﯜﭖ) ﺋﯚﻟﺘﯜﺭﯛﻟﮕﻪﻥ ﻫﺎﻳﯟﺍﻥ، ﻳﯩﺮﺗﻘﯘﭺ ﻫﺎﻳﯟﺍﻧﻼﺭ ﻳﯧﺮﯨﭗ ﻳﯩﮕﻪﻥ ﻫﺎﻳﯟﺍﻥ(ﻧﯩﯔ ﮔﯚﺷﯩﻨﻰ ﻳﯧﻴﯩﺶ) ﻫﺎﺭﺍﻡ ﻗﯩﻠﯩﻨﺪﻯ ﺩﻩﭖ ﻛﯚﺭﺳﯩﺘﯩﻠﮕﻪﻥ".

ﺩﯦﻤﻪﻙ ﺗﺎﺯﯨﻠﯩﻖ ﯞﻩ ﭘﺎﻛﯩﺰﻟﯩﻖ ﻫﻪﺭ ﻗﺎﻧﺪﺍﻕ ﺑﯩﺮ ﺋﯩﻨﺴﺎﻧﻨﯩﯔ ﺋﺎﺩﻩﺗﻠﯩﻨﯩﺸﻰ ﺗﻮﻟﯩﻤﯘ ﻣﯘﻫﯩﻢ ﺑﻮﻟﻐﺎﻥ ﺑﯩﺮ ﺯﯙﺭﯛﺭﯨﻴﻪﺗﺘﯘﺭ. ﺗﺎﺯﯨﻠﯩﻘﻨﯩﯔ ﻣﺎﺩﺩﯨﻲ ﯞﻩ ﻣﻪﻧﯩﯟﻯ ﭘﺎﻳﺪﯨﻠﯩﺮﻯ ﺋﯩﻨﺘﺎﻳﯩﻦ ﻛﯚﭘﺘﯘﺭ.