ﺑﯘﻧﻰ ﻫﻪﻣﻤﻪ ﻣﯩﻠﻠﻪﺕ ﻧﺎﻫﺎﻳﯩﺘﻰ ﻳﺎﺧﺸﻰ ﭼﯜﺷﯩﻨﯩﺪﯗ. ﺧﯘﺳﯘﺳﻪﻥ ﺋﯘﻳﻐﯘﺭﻻﺭ ﭘﻪﺭﺯﻩﻧﺖ ﺗﻪﺭﺑﯩﻴﯩﺴﯩﮕﻪ ﺋﻪﯓ ﺯﻭﺭ ﺋﻪﻫﻤﯩﻴﻪﺕ ﺑﯧﺮﯨﺪﯨﻐﺎﻥ ﺋﯩﻠﻐﺎﺭ ﻣﯩﻠﻠﻪﺗﺘﯘﺭ. "ﺑﺎﻻ ﺑﻮﻟﺴﺎ ﺷﻮﺥ ﺑﻮﻟﺴﺎ، ﺑﻮﻟﻤﯩﺴﺎ ﻳﻮﻕ ﺑﻮﻟﺴﺎ"، "ﺑﺎﻟﯩﻠﯩﺮﯨﯖﻨﯩﯔ ﺋﻮﻳﻨﯩﺸﯩﻐﺎ ﺑﺎﻕ، ﻗﺎﺯﯨﻨﯩﯖﻨﯩﯔ ﻗﺎﻳﻨﯩﺸﯩﻐﺎ" ﺩﯦﮕﻪﻧﮕﻪ ﺋﻮﺧﺸﯩﻐﺎﻥ ﻣﺎﻗﺎﻝ ‏- ﺗﻪﻣﯩﺴﻠﻠﻪﺭ ﺋﯘﻳﻐﯘﺭﻻﺭﻧﯩﯔ ﭘﻪﺭﺯﻩﻧﺖ ﺗﻪﺭﺑﯩﻴﯩﺴﯩﺪﻩ ﻧﻪﻗﻪﺩﻩﺭ ﻫﯘﺷﻴﺎﺭ ﺋﯩﻜﻪﻧﻠﯩﻜﯩﻨﻰ ﻛﯚﺭﺳﯩﺘﯩﺪﯗ.

ﭘﺎﻛﯩﺴﺘﺎﻥ ﺋﯩﺴﻼﻡ ﺋﺎﺑﺎﺩ ﺋﺎﻟﯩﻲ ﺑﯩﻠﯩﻤﮕﺎﻫﯩﻨﻰ ﭘﯜﺗﺘﯜﺭﮔﻪﻧﺪﯨﻦ ﻛﯧﻴﯩﻦ، ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻨﯩﯔ ﻣﻪﻛﻜﻪ ﻣﯘﻛﻪﺭﺭﻩﻣﻪ ﺷﻪﻫﯩﺮﯨﺪﯨﻜﻰ " ﺋﯩﺴﻼﻡ ﺩﯗﻧﻴﺎ ﺋﯩﺘﺘﯩﭙﺎﻗﻰ"ﺩﺍ ﺧﯩﺰﻣﻪﺕ ﻗﯩﻠﯩﯟﺍﺗﻘﺎﻥ ﺋﺎﺑﺪﯗﺭﺍﻫﻤﺎﻥ ﻫﺎﺟﯩﻤﻐﺎ ﺑﯩﺮ ﻗﺎﻧﭽﻪ ﺳﻮﺋﺎﻝ ﺑﯩﻠﻪﻥ ﻣﯘﺭﺍﺟﯩﺌﻪﺕ ﻗﯩﻠﻐﺎﻥ ﺋﯩﺪﯗﻕ.

ﺋﺎﺑﺪﯗﺭﺍﻫﻤﺎﻥ ﻫﺎﺟﯩﻢ ﺑﯩﻠﻪﻥ ﺳﯚﻫﺒﻪﺕ

ﺋﺎﺑﺪﯗﺭﺍﻫﻤﺎﻥ ﻫﺎﺟﯩﻢ ﺋﺎﺗﺎ-ﺋﺎﻧﯩﻼﺭﻧﯩﯔ ﺑﺎﻟﯩﻼﺭﻧﻰ ﺗﻪﺭﺑﯩﻴﯩﻠﻪﺳﺘﯩﻜﻰ ﻣﻪﺳﺌﯘﻟﯩﻴﯩﺘﯩﻨﯩﯔ ﺗﯜﺭﻟﯩﺮﻯ ﺗﻮﻏﺮﯨﻠﯩﻖ ﺳﻮﺭﯨﻐﺎﻥ ﺳﻮﺋﺎﻟﯩﻤﯩﺰﻏﺎ ﺟﺎﯞﺍﺏ ﺑﯧﺮﯨﭗ ﻣﯘﻧﺪﺍﻕ ﺩﯦﺪﻯ:" ﺋﺎﺗﺎ ﺋﺎﻧﯩﻼﺭ ﺋﻪﯓ ﺋﺎﯞﯞﺍﻝ ﺑﺎﻟﯩﻠﯩﺮﯨﻨﯩﯔ ﺗﯚﯞﻩﻧﺪﯨﻜﻰ 4 ﺗﯜﺭﻟﯜﻙ ﺗﻪﺭﺑﯩﻴﺴﯩﺪﯨﻦ ﺟﺎﯞﺍﺑﻜﺎﺭﺩﯗﺭ.
 
1. ﺑﺎﻟﯩﻼﺭﻧﻰ ﺋﯧﺘﯩﻘﺎﺩﯨﻲ ﺟﻪﻫﻪﺗﺘﯩﻦ ﺗﻪﺭﺑﯩﻴﯩﻠﻪﭖ ﭼﯩﻘﯩﺶ.
2. ﺑﺎﻟﯩﻼﺭﻧﻰ ﺋﻪﺧﻼﻗﯩﻲ ﺟﻪﻫﻪﺗﺘﯩﻦ ﺗﻪﺭﺑﯩﻴﯩﻠﻪﭖ ﭼﯩﻘﯩﺶ.
3. ﺑﺎﻟﯩﻼﺭﻧﻰ ﺋﻪﻗﻠﯩﻲ ﺟﻪﻫﻪﺗﺘﯩﻦ ﺗﻪﺭﺑﯩﻴﯩﻠﻪﭖ ﭼﯩﻘﯩﺶ.
4. ﺑﺎﻟﯩﻼﺭﻧﻰ ﺟﯩﺴﻤﺎﻧﯩﻲ ﺟﻪﻫﻪﺗﺘﯩﻦ ﺗﻪﺭﺑﯩﻴﯩﻠﻪﭖ ﭼﯩﻘﯩﺶ.

ﺑﯘﻻﺭﻧﯩﯔ ﺗﻪﭘﺴﯩﻼﺗﻰ ﺗﯚﯞﻩﻧﺪﺩﯨﻜﯩﭽﻪ:

ﺑﺎﻟﯩﻼﺭﻧﻰ ﺋﯧﺘﯩﻘﺎﺩﯨﻲ ﺟﻪﻫﻪﺗﺘﯩﻦ ﺗﻪﺭﺑﯩﻴﯩﻠﻪﺵ

ﺑﺎﻟﯩﻼﺭﻧﻰ ﺋﯧﺘﯩﻘﺎﺩﯨﻲ ﺟﻪﻫﻪﺗﺘﯩﻦ ﺗﻪﺭﺑﯩﻴﯩﻠﻪﭖ ﭼﯩﻘﯩﺸﺘﯩﻦ ﻣﻪﻗﺴﻪﺕ ، ﺋﯘﻻﺭ ﺋﻪﻗﯩﻞ ‏- ﺋﯩﺪﺭﺍﻛﻘﺎ ﺋﯩﮕﻪ ﺑﻮﻟﻐﯩﻨﯩﺪﯨﻦ ﺑﺎﺷﻼﭖ، ﻫﻪﺭ ﻣﯩﻠﻠﻪﺕ ﺋﯚﺯﯨﻨﯩﯔ ﺋﯧﺴﯩﻞ ﺋﻪﻧﺌﻪﻧﯩﻠﯩﺮﯨﻨﻰ، ﮔﯜﺯﻩﻝ ﺋﻪﺧﻼﻗﻠﯩﺮﯨﻨﻰ ﯞﻩ ﺩﯨﻨﯩﻲ ﺋﯧﺘﯩﻘﺎﺩﯨﻨﻰ ﺋﯚﮔﯩﺘﯩﭗ ﺳﯩﯖﺪﯛﺭﯛﺵ، ﻳﺎﺧﺸﻰ ﺋﺎﺩﻩﺗﻠﻪﺭﻧﻰ ﺋﯜﮔﯩﺘﯩﺶ ﺩﯦﮕﻪﻧﻠﯩﻜﺘﯘﺭ. ﺋﯘﻳﻐﯘﺭﻻﺭ ﺋﯩﺴﻼﻡ ﺩﯨﻨﯩﻐﺎ ﺋﯧﺘﯩﻘﺎﺩ ﻗﯩﻠﯩﺪﯨﻐﺎﻥ ﻣﯘﺳﯘﻟﻤﺎﻥ ﺧﻪﻟﻖ. ﺋﯘﻳﻐﯘﺭﻻﺭﻧﯩﯔ ﺋﯚﺯ ﺩﯨﻨﯩﻐﺎ ﺳﺎﺩﯨﻖ ﺑﻮﻟﯘﺷﻰ ﯞﻩ ﺑﺎﻟﯩﻠﯩﺮﯨﻨﻰ ﺩﯨﻨﯩﻲ ﺋﻪﺧﻼﻕ ﺩﺍﺋﯩﺮﯨﺴﯩﺪﻩ ﺗﻪﺭﺑﯩﻴﯩﻠﯩﺸﻰ ﺋﯚﺯﻟﯩﺮﯨﻨﯩﯔ ﻣﻪﯞﺟﯘﺩﯨﻴﯩﺘﯩﻨﻰ ﺳﺎﻗﻼﭖ ﻗﯧﻠﯩﺸﻨﯩﯔ ﻣﯘﻫﯩﻢ ﺋﺎﻣﯩﻠﻠﯩﺮﯨﺪﯨﻦ ﺑﯩﺮﯨﺪﯗﺭ. ﺋﯘﻧﺪﯨﻦ ﺑﺎﺷﻘﺎ، ﺋﯩﻤﺎﻧﻠﯩﻖ ﯞﻩ ﺋﯩﻨﺴﺎﭘﻠﯩﻖ ﺑﻮﻟﯘﭖ ﻳﯧﺘﯩﺸﻜﻪﻥ ﺑﺎﻟﯩﻼﺭ ﺋﻪﯓ ﺋﺎﯞﯞﺍﻝ ﻫﻪﺭﺋﯩﺸﺘﺎ ﻣﯧﻨﯩﯔ ﭘﯜﺗﯜﻥ ﺷﯩﻠﯩﺮﯨﻤﻨﻰ ﺋﺎﻟﻼﻫ ﻛﯚﺭﯛﭖ، ﺑﯩﻠﯩﭗ ﺗﯘﺭﯨﺪﯗ، ﺩﯦﮕﻪﻥ ﺋﯧﺘﯩﻘﺎﺩ ﺑﯩﻠﻪﻥ ﺋﯩﺶ ﻛﯚﺭﯨﺪﯗ. ﺑﯘﻧﺪﺍﻕ ﺑﺎﻟﯩﻼﺭ ﺋﺎﺗﺎ ﺋﺎﻧﯩﺴﯩﻨﯩﯔ ﺋﯘﻻﺭﻏﺎ ﻗﯩﻠﻐﺎﻥ ﻳﺎﺧﺸﻠﯩﻘﻠﯩﺮﯨﻨﻰ ﺗﻮﻧﯘﻳﺪﯗ، ﺋﯘﻻﺭﻧﯩﯔ ﻳﺎﺧﺸﯩﻠﯩﻘﻠﯩﺮﯨﻨﻰ ﻗﺎﻳﺘﯘﺭﯨﺪﯗ. ﻧﻪﺗﯩﺠﯩﺪﻩ، ﺋﺎﺗﺎ ﺋﺎﻧﯩﺴﻰ ﺋﯘﻧﯩﯖﺪﯨﻦ ﺭﺍﺯﻯ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ ﺋﯘ، ﺋﯩﻜﻜﻰ ﺋﺎﻟﻪﻣﺪﻩ ﺑﻪﺧﺘﻠﯩﻚ ﺑﻮﻟﯩﺪﯗ.

ﺑﺎﻟﯩﻼﺭﻧﻰ ﺋﻪﺧﻼﻗﯩﻲ ﺟﻪﻫﻪﺗﺘﯩﻦ ﺗﻪﺭﺑﯩﻴﯩﻠﻪﺵ

ﺑﺎﻟﯩﻼﺭﻧﻰ ﺋﻪﺧﻼﻗﯩﻲ ﺟﻪﻫﻪﺗﺘﯩﻦ ﺗﻪﺭﺑﯩﻴﯩﻠﻪﺵ ﺩﯦﮕﻪﻧﺪﯨﻦ ﻣﻪﻗﺴﻪﺕ: ﺋﯘﻻﺭﻧﻰ ﻛﯩﭽﯩﻜﯩﺪﯨﻦ ﺋﻪﺧﻼﻕ ﭘﻪﺯﯨﻠﻪﺗﻠﯩﻚ ﯞﻩ ﯞﯨﺠﺪﺍﻧﻠﯩﻖ ﻗﯩﻠﯩﭗ ﻳﯧﺘﯩﺸﺘﯜﺭﯛﺵ ﺩﯦﮕﻪﻧﻠﯩﻜﺘﯘﺭ. ﺋﯩﺴﻼﻡ ﭘﻪﻳﻐﻪﻣﺒﯩﺮﻯ ﻫﻪﺯﺭﯨﺘﻰ ﻣﯘﻫﻪﻣﻤﻪﺩ ﺋﻪﻟﻪﻳﻬﯩﺴﺴﻼﻡ "ﻣﻪﻥ ﭘﻪﻗﻪﺕ ﮔﯜﺯﻩﻝ ﺋﻪﺧﻼﻗﻼﺭﻧﻰ ﺗﻮﻟﯘﻗﻼﺵ ﺋﯜﭼﯜﻧﻼ ﺋﻪﯞﻩﺗﯩﻠﺪﯨﻢ" ﺩﯦﮕﻪﻥ. ﻳﻪﻧﻪ ﺋﯘ "ﺋﯩﻤﺎﻧﻰ ﺋﻪﯓ ﻛﺎﻣﯩﻞ ﻣﯚﻣﯩﻦ ﺋﻪﯓ ﺋﻪﺧﻼﻗﻠﯩﻖ ﺑﻮﻟﻐﯩﻨﯩﺪﯗﺭ" ﺩﯦﮕﻪﻥ. ﺩﯦﻤﻪﻙ، ﺋﻪﺧﻼﻕ ﭘﻪﺯﯨﻠﻪﺕ ﺋﯩﻤﺎﻧﻨﯩﯔ ﺋﻪﯓ ﻛﯚﺭﯛﻧﻪﺭﻟﯩﻚ ﺋﯩﭙﺎﺩﯨﺴﻰ ﯞﻩ ﻣﯧﯟﯨﺴﯩﺪﯗﺭ. ﺋﻪﺧﻼﻕ ﺑﯩﻠﻪﻥ ﺋﯩﻤﺎﻥ ﺋﯩﻜﻜﯩﺴﻰ ﺑﯩﺮ ﺑﯩﺮﯨﮕﻪ ﻧﺎﻫﺎﻳﯩﺘﻰ ﺯﯨﭻ ﻣﯘﻧﺎﺳﯩﯟﻩﺗﻠﯩﻚ ﺑﯩﺮ ﻣﻪﺳﯩﻠﯩﺪﯗﺭ.

ﺑﺎﻟﯩﻼﺭﻧﻰ ﺋﻪﻗﻠﯩﻲ ﺟﻪﻫﻪﺗﺘﯩﻦ ﺗﻪﺭﺑﯩﻴﯩﻠﻪﺵ

ﺑﺎﻟﯩﻼﺭﻧﻰ ﺋﻪﻗﻠﯩﻲ ﺟﻪﻫﻪﺗﺘﯩﻦ ﺗﻪﺭﺑﯩﻴﯩﻠﻪﺷﺘﯩﻦ ﻣﻪﻗﺴﻪﺕ، ﺑﺎﻟﯩﻼﺭﻧﻰ ﻛﯩﭽﯩﻜﯩﺪﯨﻦ ﻣﯘﺳﯘﻟﻤﺎﻧﭽﯩﻠﯩﻖ ﺋﺎﺩﻩﺗﻠﯩﺮﻯ، ﭘﻪﻥ ﻣﻪﺩﻩﻧﯩﻴﻪﺕ ﯞﻩ ﻫﻪﺭ ﺧﯩﻞ ﭘﺎﻳﺪﯨﻠﯩﻖ ﺋﯩﻠﯩﻤﻠﻪﺭﻧﻰ ﺋﯚﮔﯩﻨﯩﺸﻜﻪ ﺗﻪﺭﻏﯩﭗ ﻗﯩﻠﯩﺶ ﺋﺎﺭﻗﯩﻠﯩﻖ ﺋﯘﻻﺭﻧﯩﯔ ﭘﯩﻜﯩﺮ ﺩﺍﺋﯩﺮﯨﺴﯩﻨﻰ ﻛﯧﯖﻪﻳﺘﯩﭗ، ﺋﯘﻻﺭﻧﻰ ﻛﯧﻠﻪﭼﻪﻛﺘﻪ ﺟﻪﻣﺌﯩﻴﻪﺗﻜﻪ ﭘﺎﻳﺪﯨﻠﯩﻖ ﺋﯩﻠﻤﯩﻲ، ﻣﻪﺩﻩﻧﯩﻲ ﺋﯩﻨﺴﺎﻥ ﻗﯩﻠﯩﭗ ﻳﯧﺘﯩﺸﺘﯜﺭﯛﭖ ﭼﯩﻘﯩﺶ ﺩﯦﻤﻪﻛﺘﯘﺭ. ﺑﺎﻟﯩﻼﺭﻧﻰ ﻛﯩﭽﯩﻜﯩﺪﯨﻨﻼ ﺋﻮﻗﯘﺗﯘﺵ ﻧﺎﻫﺎﻳﯩﺘﻰ ﻣﯘﻫﯩﻤﺪﯗﺭ. ﻣﻪﻟﯘﻣﻜﻰ، ﺋﻮﻗﯘﺵ، ﺋﯚﮔﯩﻨﯩﺶ ﻫﻪﺭ ﻳﺎﺧﺸﯩﻠﯩﻘﻨﯩﯔ ﺑﯧﺸﯩﺪﯗﺭ. ﺋﯩﺴﻼﻡ ﺩﯨﻨﯩﻨﯩﯔ ﺋﻪﯓ ﺋﺎﯞﯞﺍﻟﻘﻰ ﭼﺎﻗﯩﺮﯨﻘﯩﻤﯘ ﻛﯩﺸﯩﻠﻪﺭﻧﻰ ﺋﻮﻗﯘﺷﻘﺎ ﭼﺎﻗﯩﺮﯨﺸﺘﯘﺭ. ﭼﯜﻧﻜﻰ ﻣﯘﺳﯘﻟﻤﺎﻧﻠﯩﻖ ﺋﻮﻗﯘﺵ ﯞﻩ ﺋﯚﮔﯩﻨﯩﺶ ﺋﺎﺭﻗﯩﻠﯩﻖ ﺗﻮﻟﯘﻗﻠﯩﻨﯩﺪﯗ. ﺑﯩﻠﯩﻢ ﺗﯜﺭﻟﯜﻙ ﻛﻪﺷﭙﯩﻴﺎﺗﻼﺭﻧﻰ ﺋﺎﭼﯩﺪﯗ. ﺑﯩﻠﯩﻢ ﻗﺎﺭﺍﯕﻐﯘﻻﺭﻧﻰ ﻳﻮﺭﯗﺗﯩﺪﯗ. ﺑﯩﻠﯩﻤﻠﯩﻚ ﻛﯩﺸﯩﻠﻪﺭ ﺋﯚﻟﻤﻪﻳﺪﯗ. ﺟﻪﻧﻨﻪﺗﻨﻰ ﻗﺎﺯﯨﻨﯩﺸﻤﯘ ﺑﯩﻠﯩﻢ ﺑﯩﻠﻪﻥ ﺑﻮﻟﯩﺪﯗ. ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﺑﯘ ﻣﻪﻧﯩﺪﻩ: "ﻛﯩﻤﻜﻰ ﺑﯩﻠﯩﻢ ﺋﯧﻠﯩﺶ ﻳﻮﻟﯩﻐﺎ ﻛﯩﺮﯨﺪﯨﻜﻪﻥ، ﺋﺎﻟﻼﻫ ﺋﯘﻧﯩﯔ ﺟﻪﻧﻨﻪﺗﻜﻪ ﻛﯩﺮﯨﺶ ﻳﻮﻟﯩﻨﻰ ﺋﻮﯕﺎﻳﻼﺷﺘﯘﺭﯗﭖ ﺑﯧﺮﯨﺪﯗ " ﺩﯦﮕﻪﻥ. ﺋﻮﻗﯘﺵ، ﺋﯚﮔﯩﻨﯩﺶ، ﺋﺎﻧﺪﯨﻦ ﺋﺎﻟﯩﻢ ﺑﻮﻟﯘﺵ ﭘﻪﻗﻪﺕ ﺋﻪﻗﯩﻞ ﺑﯩﻠﻪﻥ ﺑﻮﻟﯩﺪﯗ. ﺋﻪﻗﯩﻞ ﺋﯩﻨﺴﺎﻧﺪﯨﻜﻰ ﺋﻪﯓ ﻗﯩﻤﻤﻪﺗﻠﯩﻚ ﯞﻩ ﺋﯧﺘﯩﺒﺎﺭﻟﯩﻖ ﺑﯩﺮ ﺑﺎﻳﻠﯩﻘﺘﯘﺭ. ﺋﻪﻗﯩﻠﻠﯩﻖ ﯞﻩ ﺑﯩﻠﯩﻤﻠﯩﻚ ﺑﺎﻟﯩﻼﺭ ﺋﺎﺗﺎ ﺋﺎﻧﯩﺴﯩﻨﻰ ﻗﻪﺩﯨﺮﻟﻪﻳﺪﯗ، ﺋﺎﻟﻼﻫﻨﻰ، ﺋﯚﺯﯨﻨﻰ، ﺋﺎﺗﺎ ﺋﺎﻧﯩﺴﯩﻨﻰ ﯞﻩ ﺟﻪﻣﺌﯩﻴﯩﺘﯩﻨﻰ ﺭﺍﺯﻯ ﻗﯩﻠﯩﺸﻘﺎ ﺗﯩﺮﯨﺸﯩﺪﯗ ﯞﻩ ﺷﯘﻧﺪﺍﻕ ﻗﯩﻠﯩﺪﯗ.

ﺑﺎﻟﯩﻼﺭﻧﻰ ﺟﯩﺴﻤﺎﻧﯩﻲ ﺟﻪﻫﻪﺗﺘﯩﻦ ﺗﻪﺭﺑﯩﻴﯩﻠﻪﺵ

ﺑﺎﻟﯩﻼﺭﻧﻰ ﺟﯩﺴﻤﺎﻧﯩﻲ ﺟﻪﻫﻪﺗﺘﯩﻦ ﺗﻪﺭﺑﯩﻴﯩﻠﻪﺷﺘﯩﻦ ﻣﻪﻗﺴﻪﺕ: ﺑﺎﻟﯩﻼﺭﻧﻰ ﻛﯩﭽﯩﻜﯩﺪﯨﻦ ﻳﯧﻤﻪﻙ ﺋﯩﭽﻤﻪﻛﻠﻪﺭﻧﻰ ﺋﯩﺴﺘﯧﻤﺎﻝ ﻗﯩﻠﯩﺸﺘﯩﻜﻰ ﺳﺎﻏﻠﯩﻘﻨﻰ ﺳﺎﻗﻼﺵ ﺋﯘﺳﯘﻟﻠﯩﺮﯨﻐﺎ ﯞﻩ ﺗﻪﻥ ﺳﺎﻏﻠﯩﻘﯩﻐﺎ ﭘﺎﻳﺪﯨﻠﯩﻖ ﺑﻮﻟﻐﺎﻥ ﻫﻪﺭ ﺧﯩﻞ ﺗﻪﻧﺘﻪﺭﺑﯩﻴﻪ ﺋﻮﻳﯘﻧﻠﯩﺮﯨﻐﺎ ﺋﯚﮔﯩﺘﯩﺶ ﺋﺎﺭﻗﯩﻠﯩﻖ ﺋﯘﻻﺭﻧﻰ ﺳﺎﻏﻼﻡ، ﻛﯜﭼﻠﯘﻙ ﯞﻩ ﺋﻪﻝ ﺋﯩﺸﻠﯩﺮﯨﻐﺎ ﻳﺎﺭﺍﻣﻠﯩﻖ ﻗﯩﻠﯩﭗ ﻳﯧﺘﯩﺸﺘﯜﺭﯛﺵ ﺩﯦﮕﻪﻧﻠﯩﻜﺘﯘﺭ.
 
ﺷﯘﯕﺎ ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ: " ﻛﯜﭼﻠﯘﻙ ﻣﯘﺳﯘﻟﻤﺎﻥ ﺋﺎﺟﯩﺰ ﻣﯘﺳﯘﻟﻤﺎﻧﺪﯨﻦ ﻳﺎﺧﺸﻰ ﯞﻩ ﺋﺎﻟﻼﻫﻘﺎ ﺋﻪﯓ ﻳﯧﻘﯩﻤﻠﯩﻘﺘﯘﺭ" ﺩﻩﭖ ﻛﯚﺭﺳﻪﺗﻜﻪﻥ. ﺧﻪﻟﻘﯩﻤﯩﺰﺩﯨﻤﯘ "ﺳﺎﻏﻼﻡ ﺗﻪﻧﺪﻩ ﺳﺎﭖ ﺋﻪﻗﯩﻞ" ﺩﯦﮕﻪﻥ ﻫﯧﻜﻤﻪﺕ ﺑﺎﺭ. ﺋﻪﻗﯩﻠﻠﯩﻖ، ﺳﺎﻏﻼﻡ ﺗﻪﻧﻠﯩﻚ ﻛﯩﺸﯩﻠﻪﺭ ﺋﯚﺯﯨﻨﯩﯔ ﺩﯨﻨﯩﻐﺎ، ﺧﻪﻟﻘﯩﮕﻪ ﯞﻩ ﯞﻩﺗﯩﻨﯩﮕﻪ ﺋﻪﯓ ﻛﯧﺮﻩﻛﻠﯩﻚ ﻛﯩﺸﯩﻠﻪﺭﺩﯗﺭ. ﺳﺎﻏﻼﻡ ﺗﻪﻧﻠﯩﻚ ﻛﯩﺸﯩﻠﻪﺭ ﺋﯩﺒﺎﺩﻩﺗﻠﻪﺭﻧﯩﻤﯘ ﺗﻮﻟﯘﻕ ﺋﻮﺭﯗﻧﻠﯩﻴﺎﻻﻳﺪﯗ، ﺩﯗﻧﻴﺎﻟﯩﻖ ﺋﯩﺸﻠﯩﺮﯨﻨﯩﻤﯘ ﻳﺎﺧﺸﻰ ﺋﯧﻠﯩﭗ ﺑﺎﺭﺍﻻﻳﺪﯗ."

ﺧﯘﻻﺳﻪ ﻗﯩﻠﻐﺎﻧﺪﺍ، ﺋﻪﺧﻼﻗﻨﯩﯔ ﻛﺎﻣﯩﻠﻠﯩﻘﻰ ﺋﯩﻤﺎﻧﻨﯩﯔ ﻛﺎﻣﯩﻠﻠﯩﻘﯩﻐﺎ ﯞﻩ ﺋﻪﺧﻼﻗﻨﯩﯔ ﺋﺎﺟﯩﺰﻟﯩﻘﻰ ﺋﯩﻤﺎﻧﻨﯩﯔ ﺋﺎﺟﯩﺰﻟﯩﻘﯩﻐﺎ ﺩﻩﻟﯩﻠﺪﯗﺭ. ﻛﯚﭘﯩﻨﭽﻪ ﺋﯩﺒﺎﺩﻩﺗﻠﻪﺭ ﺋﯘﻧﻰ ﻗﯩﻠﻐﯘﭼﯩﺴﯩﻨﯩﯔ ﺋﯚﺯﯨﮕﻪ ﭘﺎﻳﺪﯨﻠﯩﻖ ﺑﻮﻟﺴﺎ، ﮔﯜﺯﻩﻝ ﺋﻪﺧﻼﻕ ﺑﺎﺷﻘﯩﻼﺭﻏﯩﻤﯘ ﭘﺎﻳﺪﯨﻠﯩﻘﺘﯘﺭ. ﺑﯩﺮﺍﯞﻧﯩﯔ ﮔﯜﺯﻩﻝ ﺋﻪﺧﻼﻗﯩﺪﯨﻦ ﺋﻮﻣﯘﻡ ﺧﻪﻟﻖ ﻣﻪﻧﭙﻪﺋﻪﺗﻠﯩﻨﯩﺪﯗ. ﻣﯩﻠﻠﻪﺗﻠﻪﺭ ﮔﯜﺯﻩﻝ ﺋﻪﺧﻼﻗﻰ ﺑﯩﻠﻪﻥ ﻳﻮﻗﯩﺮﻯ ﻛﯘﺗﯩﺮﯨﻠﯩﺪﯗ ﯞﻩ ﺋﻪﺧﻼﻗﯩﻨﯩﯔ ﺑﯘﺯﯗﻟﯘﺷﻰ ﺑﯩﻠﻪﻥ ﺋﯘﻻﺭﻣﯘ ﭼﯚﻛﯩﺪﯗ. ﻗﻪﺩﯨﻤﺪﻩ ﺑﯩﺮ ﺋﻪﺭﻩﺏ ﺷﺎﺋﯩﺮﻯ ﻣﯘﻧﺪﺍﻕ ﺩﯦﮕﻪﻥ ﺋﯩﻜﻪﻥ:

ﺋﻪﺧﻼﻕ ﺑﯩﻠﻪﻥ ﻫﻪﺭ ﻣﯩﻠﻠﻪﺕ، ﺭﺍﯞﺍﺟﻠﯩﻨﯩﭗ ﺩﺍﯞﺍﻡ ﺋﯧﺘﻪﺭ.
ﺋﺎﻳﺮﯨﻠﻐﺎﻧﻼﺭ ﺋﯘﻧﯩﯖﺪﯨﻦ، ﺯﺍﯞﺍﻟﻠﯩﻘﻘﺎ ﻫﺎﻣﺎﻥ ﻛﯥـــــﺗﻪﺭ.