ﻗﯘﺭﺋﺎﻥ ﻛﻪﺭﯨﻤﺪﻩ:" ﻳﻪﯕﻼﺭ، ﺋﯩﭽﯩﯖﻼﺭ، ﺋﯩﺴﺮﺍﭖ ﻗﯩﻠﻤﺎﯕﻼﺭ، ﺋﺎﻟﻼﻫ ﺋﯩﺴﺮﺍﭖ ﻗﯩﻠﻐﯘﭼﯩﻼﺭﻧﻰ ﻫﻪﻗﯩﻘﻪﺗﻪﻥ ﻳﺎﻗﺘﯘﺭﻣﺎﻳﺪﯗ" ﺩﻩﭖ ﻛﯚﺭﺳﯩﺘﯩﻠﮕﻪﻥ. ﺋﺎﻟﻼﻫ ﻣﯘﺷﯘ ﺋﺎﻳﻪﺕ ﺋﺎﺭﻗﯩﻠﯩﻖ ﻫﻪﺭ ﻗﺎﻧﺪﺍﻕ ﺳﻮﺭﯗﻧﻼﺭﺩﺍ ﺑﯩﺰﮔﻪ ﺭﯨﺰﯨﻖ ﻗﯩﻠﯩﭗ ﺑﯧﺮﯨﻠﮕﻪﻥ ﻧﺎﺯﯗ‏ - ﻧﯧﻤﻪﺗﻠﻪﺭﻧﻰ ﻛﻪﯕﺘﺎﺷﺎ ﻳﯧﻴﯩﺸﻜﻪ، ﺋﯩﭽﯩﺸﻜﻪ ﺗﻪﺭﻏﯩﺐ ﻗﯩﻠﯩﺪﯗ، ﻟﯧﻜﯩﻦ ﺋﯩﺴﺮﺍﭘﺨﻮﺭﻟﯘﻕ ﻗﯩﻠﯩﺸﯩﻤﯩﺰﻧﻰ ﻗﺎﺗﺘﯩﻖ ﭼﻪﻛﻠﻪﻳﺪﯗ.

ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻨﯩﯔ ﻣﻪﻛﻜﻪ ﻣﯘﻛﻪﺭﺭﻩﻣﻪ ﺷﻪﻫﯩﺮﯨﺪﻩ ﺗﯘﺭﯗﺷﻠﯘﻕ ﻳﺎﺵ ﺋﺎﻟﯩﻢ ﺋﺎﺑﺪﯗﻟﻜﻪﺭﯨﻢ ﻫﺎﺟﯩﻢ ﺑﯘ ﻫﻪﻗﺘﯩﻜﻰ ﺳﯚﻫﺒﯩﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺋﯩﺪﻯ.

ﺋﺎﺑﺪﯗﻟﻜﻪﺭﯨﻢ ﻫﺎﺟﯩﻢ ﺑﯩﻠﻪﻥ ﺳﯚﻫﺒﻪﺕ

ﺋﺎﺑﺪﯗﻟﻜﻪﺭﯨﻢ ﻫﺎﺟﯩﻢ ﻫﺎﺯﯨﺮﻗﻰ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﺪﻩ ﺋﻮﻣﯘﻣﻠﯩﺸﯩﺸﻘﺎ ﺑﺎﺷﻠﯩﻐﺎﻥ ﺋﯩﺴﺮﺍﭘﺨﻮﺭﻟﯘﻕ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ:" ﻫﺎﺯﯨﺮ ﺑﯩﺰﻧﯩﯔ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﻤﯩﺰﺩﻩ ﻫﻪﺷﻪﻣﻪﺗﻠﯩﻚ ﻣﯩﻠﻠﻲ ﺋﯚﺭﭖ - ﺋﺎﺩﻩﺕ ﻧﯩﻘﺎﺑﻰ ﺋﺎﺳﺘﯩﺪﺍ ﺑﻪﺱ - ﺑﻪﺳﺘﻪ ﺋﻪﯞﺝ ﺋﯧﻠﯩﭗ، ﺗﻮﻱ - ﺗﯚﻛﯜﻧﻠﻪﺭﻧﯩﯔ ﺗﯜﺭﻟﯩﺮﻯ ﺑﺎﺭﻏﺎﻧﺴﯧﺮﻯ ﻛﯚﭘﯩﻴﯩﭗ، ﻫﻪﺷﻪﻣﻪﺗﻠﯩﺮﻯ ﻛﯜﻧﺪﯨﻦ - ﻛﯜﻧﮕﻪ ﺋﯧﺸﯩﭗ، ﺑﯧﺴﯩﻤﻰ ﺗﯧﺨﯩﻤﯘ ﺋﯧﻐﯩﺮﻻﭖ، ﻛﯩﺸﯩﻠﻪﺭﮔﻪ ﺋﯩﻘﺘﯩﺴﺎﺩﯨﻲ ﯞﻩ ﺋﯩﺠﺘﯩﻤﺎﺋﯩﻲ ﺗﻪﻫﺪﯨﺖ ﭘﻪﻳﺪﺍ ﻗﯩﻠﻤﺎﻗﺘﺎ. ﺑﯘﻧﺪﺍﻕ ﺳﻮﺭﯗﻧﻼﺭﻏﺎ ﻗﺎﺗﻨﯩﺸﯩﺸﻨﻰ ﺋﯚﺯﯨﻨﯩﯔ ﺷﻪﺭﻩﭘﻠﯩﻚ ﻣﻪﺟﺒﯘﺭﯨﻴﯩﺘﻰ ﻗﯩﻠﯩﯟﺍﻟﻐﺎﻥ ﺑﯩﺮ ﻗﯩﺴﯩﻢ ﻛﯩﺸﯩﻠﻪﺭ ﺋﯚﺯﯨﻨﯩﯔ ﻗﯩﻤﻤﻪﺗﻠﯩﻚ ﯞﺍﻗﯩﺘﻠﯩﺮﯨﻨﻰ ﺋﯩﻠﯩﻢ ﺗﻪﻫﺴﯩﻞ ﻗﯩﻠﯩﺶ، ﺧﯩﺰﻣﻪﺕ ﻗﯩﻠﯩﺶ، ﻛﯩﺘﺎﺏ ﻛﯚﺭﯛﺵ، ﺋﻪﯓ ﻣﯘﻫﯩﻤﻰ ﻛﻪﻟﮕﯜﺳﻰ ﺋﻪﯞﻻﺩﻟﯩﺮﯨﻨﻰ ﻳﺎﺧﺸﯩﺮﺍﻕ ﺗﻪﺭﺑﯩﻴﯩﻠﻪﺷﻜﻪ ﺳﻪﺭﭖ ﻗﯩﻠﯩﺸﻨﯩﯔ ﺋﻮﺭﻧﯩﻐﺎ، ﺑﯩﻬﯘﺩﻩ ﺋﯩﺸﻼﺭﻏﺎ، ﺗﻮﻏﺮﯨﺴﻰ ﭼﻮﯓ ﻳﻪﭖ، ﭼﻮﯓ ﺋﯩﭽﯩﺸﻜﻪ، ﺑﺎﺷﻘﯩﻼﺭﻏﺎ ﻣﻪﺭﺩ ﺗﻮﻧﯘﻟﯘﭖ ﺋﯩﻤﺘﯩﻴﺎﺯ ﺗﯩﻜﻠﻪﺷﻜﻪ ﺳﻪﺭﭖ ﻗﯩﻠﻤﺎﻗﺘﺎ. ﺑﯜﮔﯜﻧﻜﻰ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﺪﻩ ﺋﯚﺗﻜﯜﺯﯛﻟﯜﯞﺍﺗﻘﺎﻥ ﺗﻮﻱ - ﺗﯚﻛﯜﻧﻠﻪﺭﮔﻪ ﻧﻪﺯﻩﺭ ﺳﺎﻟﯩﺪﯨﻐﺎﻥ ﺑﻮﻟﺴﺎﻕ، ﺑﻪﺯﻯ ﺋﺎﺗﺎ - ﺋﺎﻧﯩﻼﺭ ﻣﺎﻝ - ﺩﯗﻧﻴﺎ ﻳﯩﻐﯩﺶ ﻳﺎﻛﻰ ﻣﺎﻝ ﺩﯗﻧﻴﺎﺳﯩﻨﻰ ﻛﯚﺯ - ﻛﯚﺯ ﻗﯩﻠﯩﺶ ﻣﻪﻗﺴﯩﺘﯩﺪﻩ ﭘﻪﺭﺯﻩﻧﺘﻠﯩﺮﯨﻨﯩﯔ ﺗﻮﻱ ﺩﺍﺋﯩﺮﯨﺴﯩﻨﻰ ﻛﯧﯖﻪﻳﺘﯩﭗ، ﺑﯩﺮ - ﺑﯩﺮﯨﮕﻪ ﻗﯩﻴﯩﻨﭽﯩﻠﯩﻖ ﻛﻪﻟﺘﯜﺭﯛﭖ، ﻫﻪﺷﻪﻣﻪﺗﻠﯩﻚ ﻗﯩﻠﯩﭗ ﺟﻪﻣﺌﯩﻴﻪﺗﺘﻪ ﻳﺎﻣﺎﻥ ﺗﻪﺳﯩﺮ ﭘﻪﻳﺪﺍ ﻗﯩﻠﻤﺎﻗﺘﺎ. ﺋﯩﻘﺘﯩﺴﺎﺩﻯ ﺋﺎﺟﯩﺰ ﻛﯩﺸﯩﻠﻪﺭ ﺑﻮﻟﺴﺎ ﺗﻮﻳﻨﻰ ﺋﺎﺩﺩﯨﻲ ﺋﯚﺗﻜﯜﺯﯛﺷﻜﻪ ﺟﯜﺭﺋﻪﺕ ﻗﯩﻼﻟﻤﯩﻐﺎﻧﻠﯩﻘﺘﯩﻦ، ﺋﯘﻻﺭﻧﯩﯔ ﭘﻪﺭﺯﻩﻧﺘﻠﯩﺮﻯ ﻛﻮﭼﯩﻼﺭﻏﺎ ﭼﯩﻘﯩﭗ ﻛﯧﺘﯩﭗ، ﺟﻪﻣﺌﯩﻴﻪﺗﺘﻪ ﻳﺎﻣﺎﻥ ﺗﻪﺳﯩﺮ ﭘﻪﻳﺪﺍ ﻗﯩﻠﯩﭗ، ﺋﺎﺗﺎ - ﺋﺎﻧﯩﻠﯩﺮﯨﻐﺎ ﻧﻮﻣﯘﺱ ﺋﯧﻠﯩﭗ ﻛﯧﻠﯩﯟﺍﺗﻤﺎﻗﺘﺎ. ﺑﯘﻻﺭﻧﯩﯔ ﻫﻪﻣﻤﯩﺴﻰ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﮕﻪ ﻛﻪﻟﮕﻪﻥ ﺑﯩﺮ ﭘﺎﺟﯩﺌﻪ. ﺋﺎﻟﻼﻫﻨﯩﯔ ﯞﻩ ﭘﻪﻳﻐﻪﻣﺒﻪﺭﻧﯩﯔ ﺋﻪﻣﺮﯨﮕﻪ ﺑﻮﻳﺴﯘﻧﯘﭖ ﻧﺎﻣﺎﺯ ﺋﻮﻗﯘﻳﺪﯨﻐﺎﻥ، ﺭﻭﺯﺍ ﺗﯘﺗﯩﺪﯨﻐﺎﻥ ﺑﯘ ﻣﯘﺳﯘﻟﻤﺎﻧﻼﺭ ﻧﯩﯔ ﺗﻮﻱ ﺋﯩﺸﻠﯩﺮﯨﺪﯨﻤﯘ ﺋﯚﺯﻟﯩﺮﻯ ﺋﯧﺘﯩﻘﺎﺩ ﻗﯩﻠﯩﭗ ﻛﯧﻠﯩﯟﺍﺗﻘﺎﻥ ﺩﯨﻨﻨﯩﯔ ﻛﯚﺭﺳﻪﺗﻤﯩﻠﯩﺮﯨﮕﻪ ﺋﻪﻣﻪﻝ ﻗﯩﻠﯩﺸﻰ ﺯﯙﺭﯛﺭ ﺋﯩﺪﻯ. ﭘﻪﻳﻐﻪﻣﺒﯩﺮﯨﻤﯩﺰ ﻫﻪﺯﺭﯨﺘﻰ ﻣﯘﻫﻪﻣﻤﻪﺩ ﺋﻪﻟﻪﻳﻬﯩﺴﺴﺎﻻﻡ:" ﺗﻮﻳﻨﯩﯔ ﺋﻪﯓ ﻳﺎﺧﺸﯩﺴﻰ ﭼﯩﻘﯩﻤﻰ ﺋﺎﺯ ﺑﻮﻟﻐﺎﻥ ﺗﻮﻳﺪﯗﺭ"ﺩﻩﭖ ﻛﯚﺭﺳﻪﺗﻜﻪﻥ. ﻳﻪﻧﻪ ﺑﯩﺮ ﻫﻪﺩﯨﺴﺘﻪ:" ﺭﺍﺳﺨﻮﺗﻰ ﻳﯧﻨﯩﻚ ﺑﻮﻟﻐﺎﻥ ﻧﯩﻜﺎﻫ ﭼﻮﻗﯘﻡ ﺑﻪﺭﯨﻜﻪﺗﻠﯩﻚ ﻧﯩﻜﺎﻫﺘﯘﺭ" ﺩﻩﭖ ﻛﯚﺭﺳﻪﺗﻜﻪﻥ.

ﺋﺎﺗﺎ - ﺋﺎﻧﯩﻼﺭ ﻫﻪﺷﻪﻣﻪﺗﻠﯩﻚ ﺗﻮﻱ ﻗﯩﻠﯩﺸﺘﯩﻦ ﻛﯧﻠﯩﺪﯨﻐﺎﻥ ﻗﯘﺭﯗﻕ ﺋﺎﺑﺮﻭﻳﻨﻰ ﺋﻮﻳﻠﯩﻤﺎﺳﺘﯩﻦ، ﺑﻪﻟﻜﻰ ﺋﻪﯓ ﺋﺎﯞﯞﺍﻝ ﭘﻪﺭﺯﻩﻧﺘﻠﯩﺮﯨﻨﯩﯔ ﺑﻪﺧﺘﯩﻨﻰ ﯞﻩ ﻛﯚﯕﯜﻟﻠﯜﻙ ﺗﯘﺭﻣﯘﺵ ﻗﯘﺭﯗﺷﯩﻨﻰ ﺋﻮﻳﻠﯩﺸﻰ ﻛﯧﺮﻩﻙ.

ﺋﯘﻳﻐﯘﺭ ﺟﻪﻣﺌﯩﻴﯩﺘﯩﺪﯨﻜﻰ ﻳﻪﻧﻪ ﺑﯩﺮ ﭘﺎﺟﯩﺌﻪ

ﺋﺎﺑﺪﯗﻟﻜﻪﺭﯨﻢ ﻫﺎﺟﯩﻢ ﺑﯩﺮ ﻗﯩﺴﯩﻢ ﺋﺎﺗﺎ - ﺋﺎﻧﯩﻼﺭﻧﯩﯔ ﺗﻮﻱ - ﺗﯚﻛﯜﻧﻠﻪﺭﻧﻰ ﻫﻪﺩﺩﯨﺪﯨﻦ ﺋﺎﺭﺗﯘﻕ ﻣﯘﺭﻩﻛﻜﻪﭘﻠﻪﺷﺘﯜﺭﯛﭖ ﻗﻮﻳﻐﺎﻧﻠﯩﻘﻰ ﺳﻪﯞﻩﺑﻠﯩﻚ ﺑﯩﮕﯘﻧﺎﻫ ﻗﯩﺰ - ﺋﻮﻏﯘﻟﻠﯩﺮﯨﻨﯩﯔ ﺑﻪﺧﺘﯩﮕﻪ ﺋﻮﻟﺘﯘﺭﯗﯞﺍﺗﻘﺎﻧﻠﯩﻘﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ:" ﺑﻪﺯﻯ ﻛﯩﺸﯩﻠﻪﺭ ﻫﻪﺷﻪﻣﻪﺗﭽﯩﻠﯩﻚ، ﺑﻪﺗﺨﻪﺟﻠﯩﻜﻨﻰ ﭘﻪﺭﺯﻩﻧﺘﻠﯩﺮﯨﻨﯩﯔ ﺋﺎﺑﺮﻭﻳﻰ ﺩﻩﭖ ﻗﺎﺭﺍﭖ، ﺑﻮﻟﻤﯩﻐﯘﺭ ﻗﺎﺋﯩﺪﻩ ﻳﻮﺳﯘﻧﻼﺭﻧﻰ ﺋﻮﻳﺪﯗﺭﯗﭖ ﭼﯩﻘﯩﺮﯨﭗ، ﻧﺎﻣﺮﺍﺕ ﻛﯩﺸﯩﻠﻪﺭﮔﻪ ﺋﯩﻘﺘﯩﺴﺎﺩﯨﻲ ﺟﻪﻫﻪﺗﺘﯩﻦ ﺋﯧﻐﯩﺮ ﺗﻪﻫﺪﯨﺖ ﺳﺎﻟﻤﺎﻗﺘﺎ. ﭘﯘﻝ - ﻣﺎﻟﻐﺎ ﻫﻪﻡ ﻫﻪﺷﻪﻣﻪﺗﭽﯩﻠﯩﻜﻜﻪ ﻫﯧﺮﯨﺲ ﺗﯜﭘﻪﻳﻠﯩﺪﯨﻦ ﺑﻪﺯﻯ ﻛﯩﺸﯩﻠﻪﺭ ﺑﺎﻻﻏﻪﺗﻜﻪ ﻳﻪﺗﻜﻪﻥ ﻗﯩﺰﻟﯩﺮﯨﻨﻰ ﺗﺎﻻﻟﯩﻖ ﻗﯩﻠﯩﺸﻨﻰ ﻣﺎﻝ - ﺩﯗﻧﻴﺎ، ﺋﺎﺑﺮﻭﻱ ﺗﯧﭙﯩﺸﻨﯩﯔ ﺩﻩﺳﻤﺎﻳﯩﺴﻰ ﻗﯩﻠﯩﯟﺍﻟﻤﺎﻗﺘﺎ. ﺑﯘﻧﯩﯖﺪﯨﻦ ﻗﯩﺰ - ﻳﯩﮕﯩﺘﻠﻪﺭ ﺗﻮﻟﯩﻤﯘ ﺧﻮﺭﻟﯘﻕ ﻫﯧﺲ ﻗﯩﻠﯩﺸﻤﺎﻗﺘﺎ. ﻣﻪﺳﯩﻠﻪﻥ: ﺑﯩﺮ ﻗﯩﺴﯩﻢ ﺋﺎﺗﺎ - ﺋﺎﻧﯩﻼﺭ ﻗﯩﺰﻟﯩﺮﯨﻐﺎ ﻻﻳﯩﻖ ﻛﯧﻠﯩﭗ، ﺑﯘ ﻗﯩﺰ ﺗﻮﻱ ﻗﯩﻠﯩﺸﻘﺎ ﻗﯧﺘﯩﻠﺴﺎ، ﺑﺎﻫﺎﻧﻪ ﻛﯚﺭﺳﯩﺘﯩﭗ، ﻗﯩﺰﯨﻨﻰ ﺋﺎﺩﻩﻣﮕﻪﺭﭼﯩﻠﯩﻜﻰ ﺑﺎﺭ ﻛﯩﺸﯩﻠﻪﺭﮔﻪ ﺑﻪﺭﮔﯩﻠﻰ ﺋﯘﻧﯩﻤﺎﻱ، ﻗﯩﺴﻤﻪﻥ ﺷﻪﺧﺴﯩﻴﻪﺗﭽﻰ، ﻫﻪﺷﻪﻣﻪﺗﺨﻮﺭ ﻛﯩﺸﯩﻠﻪﺭﮔﻪ - ﺋﯘﻻﺭﻧﯩﯔ ﻛﯚﺯ - ﻛﯚﺯ ﻗﯩﻠﻐﺎﻥ ﯞﺍﻗﯩﺘﻠﯩﻖ ﻣﺎﻝ - ﺩﯗﻧﻴﺎﺳﯩﻐﺎ ﺋﺎﻟﺪﯨﻨﯩﭗ - ﭘﯘﻟﻐﺎ ﺳﯧﺘﯩﭗ ﻗﻮﻳﯘﭖ، ﺑﯩﭽﺎﺭﻩ ﻗﯩﺰﻟﯩﺮﯨﻨﯩﯔ ﺑﻪﺧﺘﯩﮕﻪ ﺋﻮﻟﺘﯘﺭﯗﯞﺍﺗﯩﺪﯗ. ﻣﯘﺳﯘﻟﻤﺎﻧﻼﺭﻧﯩﯔ ﺩﯨﻨﯩﻲ - ﻗﺎﺋﯩﺪﻩ - ﻳﻮﺳﯘﻧﯩﺪﺍ ﻗﯩﺰﻻﺭ ﺋﯚﺯﻟﯩﺮﻯ ﺋﯜﭼﯜﻥ ﺟﯜﺭ ﺗﺎﻟﻼﺷﺘﺎ ﺋﻪﺯﻩﻟﺪﯨﻦ ﻫﯚﺭﺩﯗﺭ. ﺋﯘﻻﺭﻏﺎ ﺋﺎﻟﻼﻫ ﺑﻪﺭﮔﻪﻥ ﺑﯘ ﻫﯚﺭﺭﯨﻴﻪﺗﻨﻰ ﻗﯩﺴﻤﻪﻥ ﺋﺎﺗﺎ - ﺋﺎﻧﯩﻼﺭﺩﯨﻜﻰ ﻣﺎﻝ - ﺩﯗﻧﻴﺎﻏﺎ ﺑﻮﻟﻐﺎﻥ ﺭﻩﺯﯨﻠﻠﻪﺭﭼﻪ ﻫﯧﺮﯨﺴﻠﯩﻖ ﺑﻮﻏﯘﭖ ﺗﺎﺷﻠﯩﻤﺎﻗﺘﺎ. ﺑﯘ ﺗﻮﻏﺮﯨﻠﯩﻖ ﻣﯘﻧﺪﺍﻕ ﺑﯩﺮ ﻫﻪﺩﯨﺲ ﺳﺎﺑﯩﺖ ﺑﻮﻟﻐﺎﻥ: " ﺧﻪﻧﺴﺎ ﺋﯩﺴﯩﻤﻠﯩﻚ ﺑﯩﺮ ﻗﯩﺰ ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻣﻨﯩﯔ ﻳﯧﻨﯩﻐﺎ ﻛﯧﻠﯩﭗ، ﺋﻰ ﺭﻩﺳﯘﻟﻪﻟﻼﻫ! ﺋﺎﺗﺎﻡ ﻣﯧﻨﻰ ﺗﺎﻏﺎﻣﻨﯩﯔ ﺋﻮﻏﻠﯩﻐﺎ ﻳﺎﺗﻠﯩﻖ ﻗﯩﻠﺪﻯ. ﻫﺎﻟﺒﯘﻛﻰ، ﻣﻪﻥ ﺋﯘﻧﻰ ﻳﺎﻗﺘﯘﺭﻣﺎﻳﻤﻪﻥ ﺩﻩﻳﺪﯗ، ﺑﯘ ﯞﺍﻗﯩﺘﺘﺎ ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﺋﯘﻧﯩﯖﻐﺎ: "ﺧﺎﻟﯩﺴﯩﯖﯩﺰ ﺋﺎﺗﯩﯖﯩﺰﻧﯩﯔ ﺑﯘ ﺗﻪﺳﻪﺭﺭﯗﭘﯩﻨﻰ ﻗﻮﺑﯘﻝ ﻗﯩﻠﯩﯔ، ﺧﺎﻟﯩﺴﯩﯖﯩﺰ ﺋﯘﻧﻰ ﺭﻩﺕ ﻗﯩﻠﯩﯔ ﺩﻩﻳﺪﯗ. ﺧﻪﻧﺴﺎ ﺋﻰ ﺭﻩﺳﯘﻟﻪﻟﻼﻫ! ﺋﺎﺗﺎﻣﻨﯩﯔ ﺑﯘ ﺋﯩﺸﯩﻐﺎ ﻣﯧﻨﯩﯔ ﻫﯧﭻ ﺭﯨﻐﺒﯩﺘﯩﻢ ﻳﻮﻕ، ﺩﯦﮕﻪﻧﺪﻩ، ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﺋﯘﻧﯩﯖﻐﺎ:'ﺋﯘﻧﺪﺍﻗﺘﺎ ﺑﯘ ﻧﯩﻜﺎﻫ ﺗﻮﻏﺮﺍ ﺋﻪﻣﻪﺱ، ﺳﯩﺰ ﻛﯧﺘﯩﭗ، ﺋﯚﺯﯨﯖﯩﺰ ﺧﺎﻟﯩﻐﺎﻥ ﺑﯩﺮﺳﯩﮕﻪ ﻳﺎﺗﻠﯩﻖ ﺑﻮﻟﯘﯓ' ﺩﻩﻳﺪﯗ. ﺑﯘ ﯞﺍﻗﯩﺘﺘﺎ ﺧﻪﻧﺴﺎ، 'ﺑﻮﻟﺪﻯ، ﻣﻪﻥ ﺋﺎﺗﺎﻣﻨﯩﯔ ﺑﯘ ﺭﯨﻐﺒﯩﺘﯩﻨﻰ ﻳﯜﺭﮔﯜﺯﯨﻤﻪﻥ. ﺋﻪﻣﻤﺎ ﻣﻪﻥ ﺳﯩﺰﺩﯨﻦ ﺑﯘ ﻣﻪﺳﯩﻠﯩﻨﻰ ﺳﻮﺭﺍﺷﺘﺎ، ﺋﺎﺗﯩﻼﺭﻧﯩﯔ ﻗﯩﺰﻟﯩﺮﯨﻨﯩﯔ ﺗﻮﻱ ﺋﯩﺸﻠﯩﺮﯨﺪﺍ ﺋﯘﻻﺭﻧﻰ ﺋﯚﺯﻟﯩﺮﻯ ﺧﺎﻟﯩﻤﯩﻐﺎﻥ ﺑﯩﺮﺳﯩﮕﻪ ﻳﺎﺗﻠﯩﻖ ﺑﻮﻟﯘﺷﻘﺎ ﺯﻭﺭﻻﺵ ﻫﻮﻗﯘﻗﻰ ﻳﻮﻕ ﺋﯩﻜﻪﻧﻠﯩﻜﯩﻨﻰ ﻛﯩﺸﯩﻠﻪﺭﮔﻪ ﺑﯩﻠﺪﯛﺭﻣﻪﻛﭽﻰ ﺋﯩﺪﯨﻢ ﺩﻩﻳﺪﯗ'."