ﺋﯘﻧﺪﺍﻗﺘﺎ، ﺋﯘﻳﻐﯘﺭﻻﺭ ﯞﺍﯓ ﻟﯧﭽﯜﻩﻧﮕﻪ ﻗﺎﻧﺪﺍﻕ ﻗﺎﺭﺍﻳﺪﯗ؟ ﯞﺍﯓ ﻟﯧﭽﯜﻩﻧﻨﯩﯔ ﯞﻩﺯﯨﭙﯩﺴﯩﺪﯨﻦ ﺋﯩﺴﺘﯩﭙﺎ ﺑﯧﺮﯨﺸﻰ ﺋﯘﻳﻐﯘﺭﻻﺭﻧﯩﯔ ﺳﯩﻴﺎﺳﻰ،ﺋﯩﻘﺘﯩﺴﺎﺩﻯ ﯞﻩ ﺋﯩﺠﺘﯩﻤﺎﺋﯩﻲ ﻫﺎﻳﺎﺗﯩﻐﺎ ﻳﯧﯖﻰ ﺋﯚﺯﮔﯩﺮﯨﺸﻠﻪﺭ ﺋﯧﻠﯩﭗ ﻛﯧﻠﻪﻟﻪﻣﺪﯗ ؟

ﺋﯘﻳﻐﯘﺭﻻﺭﻧﯩﯔ ﺑﯘ ﻫﻪﻗﺘﯩﻜﻰ ﻛﯚﺯ ﻗﺎﺭﺍﺷﻠﯩﺮﯨﻨﻰ ﺋﯧﻠﯩﺶ ﺋﯜﭼﯜﻥ ﭼﻪﺗﺌﻪﻟﻠﻪﺭﺩﻩ ﻳﺎﺷﺎﯞﺍﺗﻘﺎﻥ ﺑﯩﺮ ﻗﯩﺴﯩﻢ ﺋﯘﻳﻐﯘﺭﻻﺭ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ.

ﻫﺎﺯﯨﺮ ﻛﺎﻧﺪﯨﺪﺍ ﻳﺎﺷﺎﯞﺍﺗﻘﺎﻥ ﺋﺎﺑﻠﻪﺕ ﻧﯘﺭ ﺋﻪﭘﻪﻧﺪﻯ ﯞﺍﯓ ﻟﯧﭽﯜﻩﻧﻨﯩﯔ ﺗﻪﺧﺘﺘﯩﻦ ﭼﯜﺷﯜﺷﻰ ﺋﯘﻳﻐﯘﺭﻻﺭﻧﯩﯔ ﻫﺎﻳﺎﺗﯩﻐﺎ ﻫﯧﭽﻘﺎﻧﺪﺍﻕ ﻳﯧﯖﻰ ﺋﯚﺯﮔﯩﺮﯨﺶ ﺋﯧﻠﯩﭗ ﻛﻪﻟﻤﻪﻳﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ: "ﻣﻪﻳﻠﻰ ﯞﺍﯓ ﻟﯧﭽﯜﻩﻥ ﯞﻩﺯﯨﭙﯩﺴﯩﺪﯨﻦ ﻗﺎﻟﺪﯗﺭﯗﻟﯘﭖ، ﺋﯘﻧﯩﯔ ﺋﻮﺭﻧﯩﻐﺎ ﺑﺎﺷﻘﺎ ﺑﯩﺮ ﺧﯩﺘﺎﻱ ﯞﻩﺯﯨﭙﯩﮕﻪ ﺋﻮﻟﺘﯘﺭﺳﯘﻥ، ﺧﯩﺘﺎﻳﻼﺭﺩﯨﻦ ﻫﺎﻛﯩﻤﯩﻴﯩﺘﯩﻤﯩﺰﻧﻰ ﻗﻮﻟﯩﻤﯩﺰﻏﺎ ﺋﺎﻟﻤﯩﻐﯩﭽﻪ ﺑﯩﺰﮔﻪ ﻳﺎﺧﺸﯩﻠﯩﻖ ﻳﻮﻕ. ﭼﯜﻧﻜﻰ، ﺧﯩﺘﺎﻳﻼﺭ ﺋﻮﻏﺮﻯ ﻫﯚﻛﻤﯩﺪﻩ، ﺑﯩﺰ ﺋﯚﻱ ﺋﯩﮕﯩﺴﻰ، ﻫﯧﭽﻘﺎﭼﺎﻥ ﺋﯚﻳﮕﻪ ﺑﯩﺮ ﺋﻮﻏﺮﻯ ﻛﯩﺮﺳﻪ، ﻳﺎﺧﺸﻰ ﻣﯘﺋﺎﻣﯩﻠﻪ ﻗﯩﻠﯩﺪﯨﻐﺎﻥ، ﻳﻪﻧﻪ ﺑﯩﺮ ﺋﻮﻏﺮﻯ ﻛﯩﺮﺳﻪ ﻳﺎﻣﺎﻥ ﻣﯘﺋﺎﻣﯩﻠﻪ ﻗﯩﻠﯩﺪﯨﻐﺎﻥ ﺋﯩﺶ ﻳﻮﻕ، ﺋﻮﻏﺮﻯ ﻫﺎﻣﺎﻥ ﺋﻮﻏﺮﻯ."

ﻫﺎﺯﯨﺮ ﻳﺎﯞﺭﻭﭘﺎﺩﯨﻜﻰ ﻣﻪﻟﯘﻡ ﺑﯩﺮ ﺩﯙﻟﻪﺗﺘﻪ ﻳﺎﺷﺎﯞﺍﺗﻘﺎﻥ ﺑﯩﺮ ﺋﯘﻳﻐﯘﺭ ﺯﯨﻴﺎﻟﯩﺴﻰ ﯞﺍﯓ ﻟﯧﭽﯜﻩﻧﻨﯩﯔ ﯞﻩﺯﯨﭙﯩﺪﯨﻦ ﻗﺎﻟﺪﯗﺭﯗﻟﯘﺷﯩﻨﯩﯔ ﺋﯘﻳﻐﯘﺭﻻﺭﻧﯩﯔ ﺗﻪﻗﺪﯨﺮﯨﮕﻪ ﻫﯧﭽﻘﺎﻧﺪﺍﻕ ﺗﻪﺳﯩﺮ ﻛﯚﺭﺳﯩﺘﻪﻟﻤﻪﻳﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ: "ﯞﺍﯓ ﻟﯧﭽﯜﻩﻥ ﯞﻩﺯﯨﭙﯩﺴﯩﺪﯨﻦ ﻗﺎﻟﺪﯗﺭﯗﻟﻐﺎﻧﺪﯨﻦ ﻛﯧﻴﯩﻦ، ﻣﻪﺭﻛﻪﺯ ﻳﻪﻧﻪ ﺋﯘﻧﯩﯖﺪﯨﻨﻤﯘ ﺑﻪﺗﺘﻪﺭ ﺑﯩﺮﯨﻨﻰ ﯞﻩﺯﯨﭙﯩﮕﻪ ﻗﻮﻳﯩﺪﯗ. ﺋﯘﻳﻐﯘﺭﻻﺭ ﺋﯚﺯ ﺗﻪﻗﺪﯨﺮﯨﻨﻰ ﺋﯚﺯﻯ ﻫﻪﻝ ﻗﯩﻠﯩﺪﯨﻐﺎﻥ ﺑﯩﺮ ﺩﻩﯞﺭﮔﻪ ﻛﯧﻠﯩﭗ، ﺋﯚﺯ ﺭﻩﻫﺒﻪﺭﻟﯩﺮﯨﻨﻰ ﺋﯚﺯﻟﯩﺮﻯ ﺳﺎﻳﻼﭖ ﭼﯩﻘﻤﯩﻐﯩﭽﻪ ﺋﯘﻳﻐﯘﺭﻻﺭﻧﯩﯔ ﺗﻪﻗﺪﯨﺮﯨﺪﻩ ﻫﯧﭽﻘﺎﻧﺪﺍﻕ ﺋﯚﺯﮔﯩﺮﯨﺶ ﺑﻮﻟﻤﺎﻳﺪﯗ."

ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﯨﻜﻰ ﺋﯘﻳﻐﯘﺭﻻﺭ ﺗﻪﺭﯨﭙﯩﺪﯨﻦ 'ﻳﻪﺭﻟﯩﻚ ﺧﺎﻗﺎﻥ' ﺩﻩﭖ ﺋﺎﺗﯩﻠﯩﭗ ﻛﯧﻠﯩﯟﺍﺗﻘﺎﻥ ﯞﺍﯓ ﻟﯧﭽﯜﻩﻧﮕﻪ ﺑﻮﻟﻐﺎﻥ ﻛﯚﺯ ﻗﺎﺭﺍﺷﻠﯩﺮﻯ ﻫﻪﻗﻘﯩﺪﻩ ﺗﻮﺧﺘﺎﻟﻐﺎﻥ ﺋﺎﺑﻠﻪﺕ ﻧﯘﺭ ﺋﻪﭘﻪﻧﺪﻯ ﻣﯘﻧﺪﺍﻕ ﺩﯦﺪﻯ: "ﯞﺍﯓ ﻟﯧﭽﯜﻩﻥ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﯞﻩﺯﯨﭙﻪ ﺋﯚﺗﯩﮕﻪﻥ 14 ﻳﯩﻞ ﺟﻪﺭﻳﺎﻧﯩﺪﺍ 'ﻣﻪﻥ ﺑﻮﻟﻤﯩﺴﺎﻡ ﺷﯩﻨﺠﺎﯓ ﻗﻮﻟﺪﯨﻦ ﻛﯧﺘﻪﺗﺘﻰ' ﺩﯦﮕﻪﻥ ﺋﯩﺪﯨﻴﯩﻨﻰ ﺗﻪﺷﯟﯨﻖ ﻗﯩﻠﯩﺸﻘﺎ ﺋﯘﺭﯗﻧﯘﭖ ﻛﻪﻟﺪﻯ. ﺋﯘ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺧﻪﻟﻘﯩﮕﻪ ﺋﯩﻨﺘﺎﻳﯩﻦ ﺯﯗﻟﯘﻡ ﺳﺎﻟﻐﺎﻥ ﺯﺍﻟﯩﻢ ﺧﯩﺘﺎﻱ."
 
ﺋﺎﺑﻠﻪﺕ ﻧﯘﺭ ﺋﻪﭘﻪﻧﺪﯨﻨﯩﯔ ﺋﯧﻴﺘﯩﺸﯩﭽﻪ، ﺋﯘﻳﻐﯘﺭﻻﺭ ﺋﯚﺯ ﺗﻪﻗﺪﯨﺮﯨﻨﻰ ﺋﯚﺯﻟﯩﺮﻯ ﻫﻪﻝ ﻗﯩﻠﯩﺶ ﺋﯜﭼﯜﻥ ﺳﺎﻳﻼﻡ ﺋﻪﺭﻛﯩﻨﻠﯩﻜﻰ ﺑﻮﻟﯘﺷﻰ، ﺋﯚﺯ ﺭﻩﻫﺒﻪﺭﻟﯩﺮﯨﻨﻰ ﺋﯚﺯﻟﯩﺮﻯ ﺳﺎﻳﻼﻡ ﭼﯩﻘﺎﻟﯩﺸﻰ ﻛﯧﺮﻩﻙ ﺋﯩﻜﻪﻥ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.